АЦЦ (300 мг/3 мл)

• русский
• қазақша

• Скачать инструкцию медикамента

Саудалық атауы

АЦЦ

Халықаралық патенттелмеген атауы

Ацетилцистеин

Дәрілік түрі

Инъекция және ингаляцияға арналған 300 мг/3мл ерітінді

Құрамы

Бір ампуланың құрамында

белсенді зат - 300 мг ацетилцистеин,

қосымша заттар: динатрий эдетаты, натрий гидроксидінің 10% ерітіндісі, аскорбин қышқылы, инъекцияға арналған су.

Сипаттамасы

Мөлдір түссіз сұйықтық

Фармакотерапиялық тобы

Суық тию мен жөтел белгілерін жоюға арналған препараттар. Қақырық түсіретін препараттар. Муколитиктер. Ацетилцистеин

ATХ коды R05CB01

Фармакологиялық қасиеттері

Фармакокинетикасы

Ацетилцистеин мен оның метаболиттері организмде үш түрлі формада кездеседі: ішінара бос зат ретінде, ішінара – протеиндермен байланыста (тұрақсыз дисульфидтік байланыстар) және ішінара – инкорпорацияланған амин қышқылдары түрінде.

Ацетилцистеин бауырда, фармакологиялық белсенді метаболиті цистеинге, сондай-ақ диацетилцистеинге, цистинге және әртүрлі аралас дисульфидтерге метаболизденеді.

Бауыр арқылы “бірінші өту” әсері жоғары болғандықтан, ацетилцистеиннің биожетімділігі өте төмен (шамамен 10%).

Плазмадағы ең жоғарғы концентрацияларына 1-3 сағаттан соң жетеді. Цистеин метаболитінің плазмадағы ең жоғарғы концентрациясы 2 мкмоль/л жуықты құрайды. Ацетилцистеиннің плазма ақуыздарымен байланысуы шамамен 50%-ды құрайды.

Ацетилцистеин бүйрек арқылы тек белсенді емес метаболиттер (бейорганикалық сульфаттар, диацетилцистеин) түрінде шығарылады.

Көктамыр ішіне енгізгеннен кейінгі жартылай шығарылу кезеңі 30-40 минутты құрайды, бұнда бөлініп шыққан кезде үш фазалы кинетикасы (, , және соңғы  фазасы) қадағаланады.

Ацетилцистеин плаценталық бөгет арқылы өтеді және оны кіндік қанынан анықтауға болады.

Фармакодинамикасы

Ацетилцистеин цистеин аминқышқылының туындысы болып табылады. Ацетилцистеиннің тыныс жолдарында секретолитикалық және секретомоторлық әсері бар. Ол мукополисахаридтік тізбектер арасындағы дисульфидтік байланыстарды үзеді және ДНҚ тізбектеріне (іріңді қақырықтағы) деполимерлеуші әсері бар. Осы механизмдердің арқасында қақырықтың тұтқырлығын азайтады.

Ацетилцистеиннің баламалы механизмі оның реактивті сульфгидрильді тобының химиялық радикалдарды байланыстыру және оларды зиянсыздандыру қабілетіне негізделеді.

Ацетилцистеин глутатион синтезінің жоғарылауына ықпал етеді, бұл улы заттардың детоксификациясы үшін өте маңызды. Бұл оның парацетамолмен уланған жағдайлардағы уға қарсы әсерін көрсетеді

Профилактикалық қолданғанда ол бактериялық жұқпалардың жиілігі мен өршу ауырлығына қатысты қорғағыш әсер береді, бұл созылмалы бронхитпен және муковисцидозбен науқастарда анықталған.

Қолданылуы

Ингаляциялық және көктамыр ішіне қолданылады

- қақырықтың түзілуі мен шығарылуының бұзылуымен қатар жүретін бронх пен өкпенің жедел және созылмалы ауруларында

 

Қолдану тәсілі мен дозалары

Көктамырішілік емдеу реанимациялық емделушілерде және тек препаратты ішу арқылы қабылдау мүмкін болмағанда ғана пайдалануға арналған.

Ересектерге

1 ампуладан көктамыр ішіне күніне 1-2 рет (бұл күніне 300-600 мг ацетилцистеинді құрайды)

6 жастан 14 жасқа дейінгі балаларға

½ ампуладан көктамыр ішіне күніне 1-2 рет (бұл күніне 150-300 мг ацетилцистеинді құрайды)

Ампуланың ішіндегісін натрий хлоридінің изотониялық ерітіндісімен немесе 5% глюкоза ерітіндісімен 1:1 арақатынаста сұйылтады.

Препаратты инфузия түрінде енгізген дұрыс. Көктамырішілік инъекцияны баяу жүргізу керек (шамамен 5 минут бойы).

Ингаляциялық емдеу

Ингаляцияны компрессорлық ингаляторды пайдаланып жүргізу ұсынылады.

Ересектер 1 ампуланың ішіндегісін күніне екі рет жұтады (600 мг ацетилцистеинге баламалы).

6 жастан 14 жасқа дейінгі балалар ½ ампуланың ішіндегісін күніне 1-2 рет жұтады (150-300 мг ацетилцистеинге баламалы).

Препаратты қолдану ұзақтығын аурудың түрі мен ауырлық дәрежесіне байланысты емдеуші дәрігер анықтайды.

Созылмалы бронхиттер мен муковисцидоздарда ұзақ уақыт бойы емдеуге болады, мүмкіндігіне қарай жұқпаның алдын алу үшін пероральді түрлеріне көшу қажет.

Жағымсыз әсерлері

Төмендегі жағымсыз құбылыстар кездесуінің мына жиілік шкаласын қолданып анықталды:

өте жиі (≥ 1/10 болғанда); жиі (≥ 1/100, <1/10 болғанда); жиі емес (> 1/1 000, <1/100 болғанда); сирек (≥ 1/10000, <1/1000 болғанда), жеке-дара хабарламаларды қоса, өте сирек (<1/10000 болғанда)

Сирек

- аллергиялық реакциялар (қышыну, есекжем, экзантема, тері бөртпесі, Квинке ісінуі, анафилактикалық реакция)

- тахикардия және артериялық гипотензия

- бас ауыруы, қызба

- стоматит, жүрек айнуы, құсу, диарея, іштің ауыруы

- тромбоциттер агрегациясының төмендеуі

- қан кетулер

Өте сирек

- тыныс алудың қиындауы , бронх түйілуі

- анафилактикалық шок

Бронх түйілуіне қатысты хабарламалар көбінесе бронх демікпесімен байланысты бронхиальді жүйенің жоғары реактивтілігі бар емделушілерге қатысты болды.

Қолдануға болмайтын жағдайлар

- препараттың белсенді затына немесе қосымша заттарының кез-келгеніне жоғары сезімталдық

- 6 жасқа дейінгі балалар

- бүйрек жеткіліксіздігі

- бауыр жеткіліксіздігі

Дәрілермен өзара әрекеттесуі

Ацетилцистеин мен жөтелге қарсы дәрілерді бір мезгілде қолдану жөтел рефлексін азайту салдарынан қауіпті секреторлық іркілісті тудыруы мүмкін. Осы себептен біріктірілген емдеудің бұл нұсқасы айрықша дәл диагнозға негізделуі тиіс.

Тетрациклин хлориді кемінде екі сағаттық уақыт аралығымен жеке-дара енгізілуі тиіс.

Ацетилцистеин немесе басқа муколитикалық препараттарды бір мезгілде қолданудың нәтижесінде антибиотиктер (жартылай синтетикалық пенициллиндер, тетрациклиндер, цефалоспориндер мен аминогликозидтер) белсенділігінің жойылуына қатысты хабарламалар тек маңызды заттар тікелей араласқан зертханалық тәжірибелерге сүйенеді. Осыған қарамастан қауіпсіздік мақсатында пероральді антибиотиктер кемінде екі сағаттық уақыт аралығымен жеке-дара енгізілуі тиіс.

Нитроглицеринді (глицерин тринитраты) ацетилцистеинмен бір мезгілде енгізген жағдайларда оның тамыр кеңейткіш әсері мен тромбоциттер агрегациясына тежегіштік әсерінің күшейгені байқалды. Бұл мәліметтердің клиникалық маңыздылығы әлі анықталған жоқ.

Айрықша нұсқаулар

АЦЦ-ның секретолитикалық әсерін сұйықтықты жеткілікті қабылдаумен демеуге болады.

АЦЦ-ны дәрігердің тағайындауынсыз 4-5 күннен артық қабылдау ұсынылмайды.

Құрамында азот бар қосылыстардың қосымша жинақталуына байланысты, бауыр немесе бүйрек қызметінің бұзылуы бар науқастарға АЦЦ-ны тағайындамаған дұрыс.

Ацетилцистеинді қабылдаумен байланысты, сирек туындайтын Стивенс-Джонсон синдромы және Лайелл синдромы сияқты ауыр тері реакцияларының дамығаны туралы мәлімдемелер бар. Тері мен шырышты қабықтарда өзгерістер пайда болған жағдайларда ацетилцистеинді қабылдауды тоқтату және дереу дәрігерге қаралу керек.

Ацетилцистеинді және сыртартқысында бронх демікпесі асқазанның ойық жара ауруы бар емделушілерге тағайындағанда сақтандыру шараларын сақтау керек.

Бір ампуланың ішінде 21,26 ммоль (489 мг) натрий бар. Оны препаратты натрий құрамы төмен емдәм ұстанып жүрген емделушілерге тағайындағанда есте ұстау керек (тұзы аз емдәм).

Жүктілік және лактация

Жүктілік және лактация кезінде қолданылу тәжірибесі жоқ болғандықтан, АЦЦ тағайындау ұсынылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың автокөлік және қауіптілігі зор механизмдерді басқару қабілетіне ықпалын анықтау жөніндегі зерттеулер жүргізілген жоқ.

Артық дозалануы

Артық дозалану жағдайлары сипатталмаған.

Шығарылу түрі мен қаптамасы

3 мл препараттан сындыруға арналған белгісі бар қоңыр шыныдан жасалған ампулаларда. 5 немесе 10 ампуладан мемлекеттік және орыс тілдеріндегі медицинада қолданылуы жөніндегі нұсқаулықпен бірге картоннан жасалған пәшкеге салады.

Сақтау шарттары

25ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

ЕВЕР Фарма Йена ГмбХ, Германия

Тіркеу куәлігінің иесі

Гексал АГ, Германия

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

Алматы қ., Жамақаев к-сі, 155 А

тел. 8-800-080-0650  (Қазақстан Республикасы бойынша барлық стационарлық телефондардан тегін)

факс: (727) 244-26-51

e-mail: drugsafety.cis@novartis.com