Ациран™-300

• русский
• қазақша

• Скачать инструкцию медикамента

Саудалық атауы

Ацирантм-150

Ацирантм-300

Халықаралық патенттелмеген атауы

Ранитидин

Дәрілік түрі

Үлбірлі қабықпен қапталған 150 мг, 300 мг таблеткалар

Құрамы

Бір таблетканың құрамында

белсенді зат - 168.00 мг немесе 336.00 мг ранитидин гидрохлориді (150 мг немесе 300 мг ранитидинге баламалы),

қосымша заттар: кальций фосфаты негізгі, микрокристалды целлюлоза (Аccel pH 200) (150 мг доза үшін), микрокристалды целлюлоза (RQ 102, RQ 112) (300 мг доза үшін), натрий крахмалы гликоллаты, натрий кроскармелозасы (150 мг доза үшін), тазартылған тальк, кремнийдің коллоидты қостотығы (150 мг доза үшін), магний стеараты,

қабықтың құрамы: гипромелоза, диэтилфталат, этилцеллюлоза, тазартылған тальк, титанның қостотығы Е 171, сансет сары Е110, хинолинді сары Е104.

Сипаттамасы

Дөңгелек, екі жақ беті дөңес, қызыл-сары түсті үлбірлі қабықпен қапталған таблеткалар (екі дозаға да).

Фармакотерапиялық тобы

Ойық жараға қарсы препараттар және гастроэзофагеальді рефлюксті (GORD) емдеуге арналған препараттар. Н2- гистаминдік рецепторлар бөгегіштері.

АТЖ коды А02ВА02

Фармакологиялық қасиеттері

Фармакокинетикасы

Ішке қабылдағаннан кейін ранитидин тез сіңеді және ең жоғары шектегі концентрацияға 2-3 сағаттан соң жетеді (150 мг доза үшін). Сіңуі 50% құрайды, ас қабылдау немесе антацидтер сіңуіне ықпалын тигізбейді. Биожетімділігі 50% құрайды.

Таралу көлемі 1.4 л/кг құрайды. Ранитидин планцентарлы тосқауыл арқылы өтеді және емшек сүтіне бөлініп шығады. Плазма ақуыздарымен байланысуы 15% құрайды. Негізгі метаболиті – N-оксид, ол несеппен бірге (4%) бөлініп шығады. Басқа метаболиттері – S-оксид (1%) және десметилранитидин (1%).

Негізгі шығарылу жолы – несеппен бірге, 30%-ы өзгермеген зат түрінде шығарылады. Бүйректік клиренсі, белсенді өзекшелік секреция есебінен, минутына 410 мл құрайды. Ранитидиннің жартылай шығарылу кезеңі – 2.5 – 3.0 сағат.

Фармакодинамикасы

Ациранныңтм әсер ету механизмі асқазанның шырышты қабығының париетальді жасушалары мембраналарының Н2-гистаминдік рецепторлар бөгелуімен байланысты. Препарат гастриннен, гистаминнен, ацетилхолиннен және пентагастриннен болған тұз қышқылының базальді және стимуляцияланған секрециясын басады. Асқазанның шырышты қабығының қорғаныш механизмін күшейтеді және тұз қышқылының әсер етуіне байланысты болған оның зақымдарының жазылуына мүмкіндік береді. Асқазан ішіндегі заттың рН-ның артуына жағдай жасайды және пепсиннің белсенділігін төмендетеді. Асқазан шырышының секрециясына ықпалын тигізбейді. Әсер ету тиімділігі бойынша ранитидин циметидиннен 4-9 есе басым түседі. Ацирантм секретиннің немесе панкреозиминнің әсер етуімен ұйқы безі ферменттерінің немесе бикарбонаттың өндірілуіне ықпалын тигізбейді. Бір рет қабылдаған кездегі әсер ету ұзақтығы 12 сағатты құрайды.

Қолданылуы

• асқазанның және он екі елі ішектің ойық жара ауруының өршуін емдеуге және алдын алуға

• қабынуға қарсы стероидты емес препараттарды (ҚҚСП), әсіресе сыртартқысында пептикалық ойық жара аурулары бар емделушілерге, қолдануға байланысты пептикалық ойық жараның алдын алуға

• гастроэзофагеальді рефлюкс ауруында

• эрозивті эзофагитте

• Золлингер-Эллисон синдромында

• асқазанның операциядан кейінгі «стрестік» ойық жарасын емдеуге және алдын алуға

- Мендельсон синдромының (наркозбен емдеген кезде асқазан сөлінің аспирациясының) алдын алуға

Қолдану тәсілі және дозалары

Таблетканы шайнамай, ас қабылдауға қарамай, судың аздаған мөлшерімен ішіп, тұтастай жұтқан жөн.

Асқазанның және 12 елі ішектің ойық жара ауруы.

Өршулерді емдеу: тәулігіне 2 рет 150 мг-нан немесе кешкі тамақтан кейін немесе ұйқыға жатар алдында бір рет 300 мг. Қажет болған кезде тәулігіне 2 рет 300 мг-нан. Емдеу курсының ұзақтығы – 4-8 апта.

ҚҚСП қабылдауға байланысты пептикалық ойық жара.

Емдеу: 8-12 апта бойы 150 мг-нан тәулігіне 2 рет немесе ұйқыға жатар алдында 300 мг.

Ойық жаралардың түзілуінің алдын алу үшін: қабынуға қарсы стероидты емес препараттармен бір мезгілде күніне 2 рет 150 мг.

Гастроэзофагеальді рефлюксті ауру: емдік доза 150 мг-нан тәулігіне 2 рет немесе түнге қарай 300 мг. Эзофагиттің ауыр түрі бар емделушілерде ранитидин дозасы тәулігіне 4 рет 150 мг-ға дейін арттырылуы мүмкін. Емдеу курсы – 8-12 апта.

Эрозивті эзофагит: тәулігіне 2 рет 150 мг.

Золлингер-Эллисон синдромы: бастапқы тәулігіне 3 рет доза 150 мг немесе түнге қарай 300 мг құрайды. Қажет болған кезде доза тәулігіне 6 г-ға дейін арттырылуы мүмкін.

Асқазанның операциядан кейінгі «стрестік» ойық жарасы:

Емдеу: 4-8 апта бойы 150 мг-нан тәулігіне 2 рет.

Операциядан кейінгі ойық жаралардың алдын алу: тәулігіне 2 рет 150 мг, көбіне 4 апта бойы. Аталған мерзім ішінде тыртықтанбаған ойық жара әдетте кейін емді 4 апта жалғастырғанда жазылады.

Мендельсон синдромы дамуының алдын алу: наркоздан 2 сағат бұрын 150 мг, сондай-ақ кешке қарай 150 мг.

Бүйрек қызметінің бұзылуы ауыр болатын емделушілерде препарат аккумуляцияланып, кейін плазмадағы ранитидин концентрациялары артады (креатинин клиренсі минутына 50 мл-ден төмен). Мұндай емделушілерге ранитидиннің тәуліктік 150 мг дозасы ұсынылады. Жүйелік амбулаторлық перитонеальді диализ немесе созылмалы диализ жасалатын емделушілер диализден кейін бірден 150 мг қабылдағаны жөн, өйткені ранитидин диализге түседі және гемодиализ нәтижесінде оның қандағы концентрациясы төмендейді.

Жағымсыз әсерлері

Сирек

- бас ауыру, әлсіздік, бас айналу

- тахикардия, брадикардия, жүрекше-қарыншалық тосқауыл

- жүректің айнуы, құсу, іште жағымсыз сезімдердің болуы және ауыруы, іш қату, диарея

- бауыр қызметі көрсеткіштерінің бұзылуы, сарғайтатын немесе онсыз гепатоцеллюлярлы, холестатикалық немесе аралас гепатат

- артралгиялар, миалгиялар

-лейкопения, гранулоцитопения, тромбоцитопения

- гинекомастия, қайтымды импотенция, либидоның төмендеуі

- бөртпе, алопеция

Бірлі-жарым жағдайларда

- ұйқышылдық, ұйқысыздық, сананың қайтымды шатасуы, мазасыздық, депрессия, елестеулер

- агранулоцитоз, панцитопения, сүйек кемігінің гипоплазиясы, апластикалық анемия, гемолитикалық анемия

- бронхтың түйілуі, бөртпе, есекжем, мультиформалы эритема, эозинофилия, ангионевротикалық ісіну, анафилактикалық шок

- температураның жоғарылауы

- васкулит

- артериялық гипотензия.

Қолдануға болмайтын жағдайлар

- ранитидинге және қосымша заттарға сезімталдық жоғары болғанда

- егде жастағы емделушілерде қабынуға қарсы стероидты емес препараттармен бір мезгілде қолдануға

- порфирияда

- бүйрек қызметінің ауыр жеткіліксіздігінде

- жүктілікте және лактация кезеңінде

- балаларға және 18 жасқа дейінгі жасөспірімдерге.

Дәрілермен өзара әрекеттесуі

Жоғары дозалардағы антацидтермен, сукральфатпен бір мезгілде қолданған кезде ранитидиннің сіңуі бұзылуы мүмкін, сондықтан осы препараттарды қабылдау арасындағы аралық 2 сағаттан кем болмауы тиіс.

Ранитидин ішілетін антикоагулянттардың қан плазмасындағы концентрациясын арттырады, кетоконазолдың және итраконазолдың сіңуін азайтады.

Ранитидин бауырда феназонның, аминофеназонның, диазепамның, гексобарбиталдың, пропранололдың, нифедипиннің, варфариннің, диазепамның, лидокаиннің, фенитоиннің, теофиллиннің, аминофиллиннің, әсері тікелей емес антикоагулянттардың, глипизидтің, буформиннің, метронидазолдың метаболизмін тежейді.

Ранитидинді бір мезгілде қабылдау прокаинамидтің және метопрололдың концентрациясын арттырады. Ранитидинді теофиллинмен бірге қабылдау теофиллиннің плазмадағы деңгейін арттырып, тахикардия, үрейлену жағдайы, құрысу түріндегі жағымсыз әсерлердің білінуін тудыруы мүмкін.

Сүйек кемігін тежейтін дәрілік заттар нейтропения қаупін арттырады.

Ранитидинді және алкогольді бір мезгілде қолдану қанда алкоголь деңгейінің артуына әкелуі мүмкін.

Темекі тарту ранитидиннің тиімділігін төмендетеді.

Айрықша нұсқаулар

Емдеуді тоқтату қажет болған кезде, ойық жара ауруының қайталану қаупіне жол бермеу үшін, Ациранныңтм дозасын біртіндеп азайта отырып, тоқтатады. Препаратты қолданар алдында өңештің, асқазанның немесе он екі елі ішектің қатерлі үдерістерінің бар-жоқтығын анықтап алу қажет.

Ацирандытм бүйрек және бауыр қызметтері бұзылған (энцефалопатиясы бар бауыр циррозы), иммунитеті тежелген емделушілерге абайлап қолданған жөн. Ациранныңтм жоғары дозаларын ұзақ уақыт қолданған кезде, әсіресе егде жастағы емделушілерде бауыр қызметінің жағдайын жүйелі бақылау және қанға талдама жасау қажет.

Кейбір жағдайларда препаратты қабылдау науқастың несебіндегі ақуыз сынамасына талдама жасағанда жалғаноң реакцияның білінуіне себепші болады. Ациранментм емделу курсы ішінде науқастың барынша қатаң емдәм сақтауы керек екендігін атап өту өте маңызды.

Дәрілік заттың көлікті және қауіпті механизмдерді басқару қабілетіне ықпал ету ерекшеліктері

Ықпалы жөнінде айтылмаған.

Артық дозаланғанда

Симптомдары: құрысулар, брадикардия, қарыншалық аритмиялар.Емдеу: симптоматикалық, ішу арқылы қабылдаған кезде құстыру және/немесе асқазанды шаю қажет. Құрысулар дамыған кезде – көктамыр ішіне диазепам, брадикардияда - атропин, қарыншалық аритмияларда - лидокаин. Гемодиализ тиімді.

Шығарылу түрі және қаптамасы

10 таблетка поливинилхлоридті үлбірден және алюминий фольгадан жасалған пішінді ұяшықcыз қаптамаға салынған.

Пішінді ұяшықсыз 3 (150 мг доза үшін) немесе 2 (300 мг доза үшін) қаптама медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Құрғақ, жарықтан қорғалған жерде, 250C-ден астайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханадан босатылу шарттары

Рецепт арқылы

Өндіруші

Плетхико Фармасьютикалз Лтд, Үндістан

Тіркеу куәлігінің иесі

Плетхико Фармасьютикалз Лтд, Үндістан

Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы

100009 Қарағанды қ-сы, Ермеков к-сі, 110/2

Тел.: /7212/ 48 16 44, 43 15 34, 43-15-63,48-17-67; тел./факс: /7212/ 48 17 44;

e-mail rezlov_ltd@mail.ru, rezlov-ltd@rambler.ru