Ацикловир мазь глазная (3 %)
Инструкция
-
русский
-
қазақша
Саудалық атауы
Ацикловир
Халықаралық патенттелмеген атауы
Ацикловир
Дәрілік түрі
3 % көз жақпамайы
Құрамы
1 г жақпамайдың құрамында
белсенді зат - ацикловир – 0,03 г,
қосымша зат - 1 г дейінгі вазелин
Сипаттамасы
Ақ немесе сары реңді ақ, немесе сары түсті жақпамай
Фармакотерапиялық тобы
Жергілікті қолдануға арналған вирусқа қарсы препараттар
АТЖ коды S01AD03
Фармакологиялық қасиеттері
Фармакокинетикасы
Ацикловир мөлдірқабық эпителийі арқылы жеңіл өтеді және көзішілік сұйықтықта емдік концентрация қалыптастырады. Қазіргі кезде көз жақпамайы түрінде қолданғанда қандағы ацикловирді анықтаудың әдістері жоқ. Ацикловир сыртқа қолданған кезде тек несепте анықталады, оның өзі болмашы мөлшерде. Бұл концентрацияның емдік мәні жоқ.
Фармакодинамикасы
Ацикловир - вирусқа қарсы (ұшыққа қарсы) дәрі - тимидин нуклеозидінің синтетикалық аналогі.
Құрамында вирус тимидинкиназасы бар жұқпаланған жасушаларда фосфорлану мен ацикловирмонофосфатына ауысу жүреді. Гуанилатциклаза әсерімен ацикловир монофосфаты дифосфатқа және бірнеше жасуша ферменттерінің әсерінен – трифосфатқа өзгереді. Жоғары талғамды іс-әрекеті мен адамға деген уыттылығының төмендігі макроорганизмнің интактілі жасушаларында ацикловиртрифосфаттың түзілуіне қажетті ферменттердің болмауы себебінен болады.
Ацикловир трифосфат вируспен синтезделген дезоксирибонуклеин қышқылына ( ДНҚ) «қатарласып», вирустың көбеюіне тосқауыл қояды. Әсерінің өзіне тән ерекшелігі мен соншалықты жоғары іріктегіштігі оның негізінен ұшық вирусымен зақымданған жасушаларда жиналуымен байланысты.
1 және 2 типті Herpes simplex вирусына; жел шешек пен белдеулі теміреткі тудыратын вирусқа (Varicella zoster); Эпштейн-Барр (ацикловир концентрациясының (МПК) түрлері) вирусына қатысты алғанда белсенділігі жоғары. Цитомегаловирусқа (ЦМВ) қатысты белсенділігі орташа.
Ұшықта жаңа бөртпе элементтері түзілуінің алдын алады, тері диссеминациясы мен висцеральді асқынулардың болуы мүмкіндігін азайтады, қабықтар түзілуін жеделдетеді, жедел белдемелі ұшықта ауырғанын басады.
Қолданылуы
- 1 және 2 типті Herpes simplex вирусы туындатқан ұшық кератитінде
Қолдану тәсілі мен дозалары
Жергілікті.
Ересектер мен балаларға көз жақпамайы жазылғанға дейін күніне 5 рет (әр 4 сағат сайын) ұзындығы 1 см жолақ түрінде төменгі конъюнктивальді қапқа салынады. Емді жазылғаннан кейін тағы да 3 күн жалғастырады.
Жағымсыз әсерлері
Жиі
- жеңіл ашыту (уақыт өте қайтады)
Кейде
- нүктелік беткейлі кератопатия (емді тоқтатуды қажет етпейді және салдарсыз жойылып кетеді)
- конъюктивит
Сирек
-
блефарит
Аллергиялық реакциялар: сирек – тері бөртпесі, қышу, өте сирек: дереу типті асқын сезімталдық реакциялары (оның ішінде ангионевротикалық ісіну)
Қолдануға болмайтын жағдайлар
- ацикловирге немесе валацикловирге асқын сезімталдықта
Дәрілермен өзара әрекеттесуі
Иммуностимуляторлармен бірге қолдану ацикловирдің әсерін күшейтеді.
Айрықша нұсқаулар
Емдеу неғұрлым ерте басталса (жұқпаның алғашқы белгілерінде), соғұрлым тиімді болмақ.
Ацикловир көз жақпамайымен емдеу кезеңінде ағза иммундық жүйесі жағдайының мәні зор. Ацикловир көз жақпамайын жергілікті қолдану аясында иммунитеті төмен емделушілерге ұшық жұқпасының ауыр және рецидивті жүру жағдайындағыдай, препаратты жүйелі енгізуді тағайындаған жөн.
Жүктілік және лактация
Препаратты жүктілік кезінде анасы үшін ықтимал пайдасы ұрыққа төнетін қауіптен асып түссе ғана қолдануға болады.
Препарат ананың жүйелі қан ағымына түскеннен кейін емшек сүтінде байқалады, сондықтан емдеу кезеңінде емшек емізуді тоқтата тұрған жөн.
Дәрілік заттың көлік немесе қауіптілігі зор механизмдерді басқару қабілетіне ықпал ету ерекшелігі
Препаратты қолданғаннан кейін көріп қабылдау айқындығы төмендеуі мүмкін, сондықтан қалыпқа келгенше автомобильді басқаруға және зейін мен реакцияның жоғарылығын талап ететін қызмет түрлерімен айналысуға болмайды.
Артық дозаланғанда
Байқаусызда жұтып жібергенде артық дозаланудың орын алуы мүмкін.
Симптомдары: бас ауыруы, неврологиялық бұзылулар, демікпе, жүрек айнуы, құсу, диарея, бүйрек қызметінің бұзылуы, летаргия, құрысу, кома.
Емі: өмірге қажетті қызметтерге демеу беру, гемодиализ.
Шығарылу түрі мен қаптамасы
Көз жақпамайы.
5 г-ден алюминий сықпаға салынған.
Әр сықпа медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.
Сақтау шарттары
15°С-ден 25°С-ге дейінгі температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Ашқаннан кейінгі сақтау мерзімі – 30 күн.
Жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецептісіз
Өндіруші
«Синтез» ЖШҚ
Ресей, 640008, Қорған қ., Конституция даңғ., 7.
тел./факс (3522) 48-16-89
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы
«СТОФАРМ» ЖШС, 000100, Қазақстан Республикасы,
Қостанай облысы, Қостанай қ., Уральская к-сі, 14
тел. 714 228 01 79
E-mail: real@kurgansintez.ru