Ацикловир-АКОС (5 %)

• русский
• қазақша

• Скачать инструкцию медикамента

Саудалық атауы

АЦИКЛОВИР-АКОС

Халықаралық патенттелмеген атауы

Ацикловир

Дәрілік түрі

5 % жақпамай

Құрамы

1 г жақпамай құрамында

белсенді зат: ацикловир - 0,25 г,

қосымша заттар: тауық майы, эмульгатор №1, макрогол 400, пропиленгликоль, метилпарагидроксибензоат,пропилпарагидроксибензоат, тазартылған су - 5 г дейін.

Сипаттамасы

Ақ немесе сары реңді ақ түсті жақпамай

Фармакотерапиялық тобы

Жергілікті қолдануға арналған микробқа қарсы препараттар.

Вирусқа қарсы препараттар.

АТЖ коды D06ВВ03

Фармакологиялық қасиеттері

Фармакокинетикасы

Интактілі (бүлінбеген) теріге қолданғанда: сіңуі аз мөлшерде; қанда және несепте анықталмайды. Зақымданған теріде: сіңуі орташа; бүйрек қызметі қалыпты науқастарда қан сарысуындағы концентрациясы 0,28 мкг/мл, созылмалы бүйрек жеткіліксіздігі бар науқастарда (СБЖ) - 0,78 мкг/мл дейінгі шаманы құрайды. Бүйрек арқылы шығарылады (тәуліктік дозаның 9,4% дейін).

Фармакодинамикасы

Сыртқа қолдануға арналған вирусқа қарсы препарат – ДНҚ-ның табиғи компоненті саналатын тимидин нуклеозидінің синтетикалық аналогі. Құрамында вирус тимидинкиназасы бар жұқпаланған жасушаларда фосфорлану мен ацикловир монофосфатына ауысу жүреді. Гуанилатциклаза әсерімен ацикловир монофосфаты дифосфатқа және бірнеше жасуша ферменттерінің әсерінен – трифосфатқа өзгереді. Жоғары талғамды іс-әрекеті мен адамға деген уыттылығының төмендігі макроорганизмнің интактілі жасушаларында ацикловир трифосфат түзілуіне қажетті ферменттердің болмауы себебінен болады.

Ацикловир трифосфат ДНҚ вирусының синтезін (репликациясын) үш механизм арқылы тежейді:

• ДНҚ синтезінде деоксигуанозин трифосфатты бәсекелі ауыстырады;

• ДНҚ синтезделетін тізбегіне «қатарласып» және оның ұзаруын тоқтатады;

  3) вирустар полимеразасының ДНҚ ферментін бәсеңдетеді.

  Нәтижесінде ағзада вирустың көбеюі бұзылады.

  Іс-әрекетінің өзіне тән ерекшелігі мен соншалықты жоғары іріктегіштігі негізінен оның ұшық вирусымен зақымданған жасушаларда жиналуымен байланысты. 1 және 2 типті Herpes simplex вирусына; жел шешек пен белдеулі теміреткі тудыратын вирусқа (Varicella zoster); Эпштейна-Барр вирусына (вирустардың түрлері ацикловирдің ең төменгі бәсеңдететін концентрациясы ауқымының өсу тәртібімен көрсетілген) қатысты алғанда белсенділігі жоғары. Цитомегаловирусқа қатысты алғанда орташа белсенділікте. Ұшықта бөртудің жаңа элементтері түзілуінің алдын алады, тері диссеминациясы мен висцеральді асқынулар ықтималдығын төмендетеді, қабық түзілуін жылдамдатады, құрсау ұшықтың жедел фазасында ауыруды төмендетеді. Иммунитетті көтермелейтін әсері бар.

Қолданылуы

- қарапайым тері ұшығында

- генитальді ұшықта (бастапқы және қайталанған)

- оқшауланған құрсау теміреткіде (қосымша емдеуде)

- жел шешекте

Қолдану тәсілі мен дозалары

Сыртқа.

Жақпамайды арасына бірдей уақыт салып зақымданған аймақтарға тәулігіне 5-6 рет (жұқпа басталғаннан кейін неғұрлым ертерек) жағу керек. Қайталанатын жұқпаны емдеуге продромальді фаза уақытында немесе жұқпа енді біліне бастағанда кірісудің маңызы зор.

Ем жүргізуді көпіршіктер қабыршықтанғанша, не толықтай жазылғанша жалғастырған жөн.

Емдеу ұзақтығы – кем дегенде 5 күн, ең көбі -10 күн.

Жағымсыз әсерлері

Сирек

• ауырсыну

• жаққан орынның ашуы

• вульвит

аллергиялық реакциялар: кейде – қышыма, сирек – тері бөртпесі

Қолдануға болмайтын жағдайлар

- ацикловир немесе валацикловирге немесе препараттың қандай да бір құрамдас бөлігіне асқын сезімталдықта.

Дәрілермен өзара әрекеттесуі

Иммуностимуляторлармен бір мезгілде қолдану ацикловирдің әсерін күшейтеді.

Айрықша нұсқаулар

Сақтықпен: Ацикловир жұқпамайы ерін ұшығы қайталануының алдын алуға тиімді. Емдеу неғұрлым ерте басталса (жұқпаның алғашқы белгілері кезінде), тиімділігі де соғұрлым жоғары болмақ.

Шырышты қабықтарға (әсіресе ауыз бен мұрынның) жағуға, сондай-ақ көзге тигізуге болмайды. Ацикловирдің офтальмологияда қолдануға арналған басқа дәрілік түрі бар.

Препаратты жаққаннан кейін бірден жуынуға және шомылуға болмайды. Ацикловирдің емдік тиімділігі іске асуы үшін ағзаның иммундық жүйесі жағдайының мәні зор.

Ацикловир жұқпамайын жергілікті қолдану аясында иммунитеті төмендеген емделушілерге (АИВ/ЖИТС немесе сүйек кемігін трансплантациялаудан кейін), ұшық жұқпасының ауыр және қайталанып жүруі жағдайындағы секілді препаратты жүйелі енгізуді тағайындаған жөн. 1,25 см жақпамай үзігін зақымданған терінің 25 кв. см аумағына жағу керек.

Терінің басқа аймақтарына аутоинокуляциядан сақтану үшін саусаққап немесе резеңке саусақты қолғапты пайдалану қажет.

Ацикловир жұқпаның жыныстық жолмен берілуінің алдын алмайды, сондықтан емделу кезеңінде клиникалық көріністері болмаса да, жыныстық қатынастан бас тарту қажет.

Жүктілік және лактация

Жүктілік кезінде емнің ана денсаулығы үшін болжамды пайдасы ұрыққа төнетін зор қатерден артық болатын жағдайда ғана препаратты қолдануға болады. Ананың жүйелі қан ағымына түскен кезде Ацикловир емшек сүтіне өтеді, бірақ жақпамайды қолданғанда бала алатын препараттың мөлшері болмашы ғана.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Сипатталмаған.

Дәрігердің тағайындауы бойынша қолданылады.

Артық дозаланғанда

Қазіргі уақытта сыртқа қолдануға арналған Ацикловир жақпамайы препаратының артық дозалану жағдайлары хабарланған жоқ.

Шығарылу түрі мен қаптамасы

Сыртқа қолдануға арналған жақпамай алюминий сықпаларда 5 г-ден.

Әр сықпаны медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапқа салады.

Сақтау шарттары

Құрғақ, жарықтан қорғалған жерде 8°С-ден 15°С-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«Синтез» ААҚ

Ресей Федерациясы, 640008, Қорған қ., Конституция к-сі, 7.

тел./факс (3522) 48-16-89

Тіркеу куәлігі иесінің атауы мен елі

«Синтез» ААҚ, Ресей Федерациясы

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:

«СТОФАРМ» ЖШС, 000100, Қазақстан Республикасы,

Қостанай облысы, Қостанай қ., Уральская к-сі, 14

тел. 714 228 01 79