Аторвастатин Зентива (Аторвастатин)

Аторвастатин Зентива

Аторвастатин

Дәрілік түрі, дозалануы

Үлбірлі қабықпен қапталған таблеткалар, 10 мг, 20 мг және 40 мг.

Жүрек-қантамыр жүйесі. Липид-модификациялайтын препараттар.

Липид-модификациялайтын препараттар, қарапайымдар. HMG CoA-редуктаза тежегіштері. Аторвастатин.

АТХ коды С10АА05

- алғашқы гиперхолестеринемиясы (отбасылық гетерозиготалы және отбасылық емес гиперхолестеринемиялы), біріктірілген (аралас) гиперлипидемиясы (Фредериксон бойынша IIа және IIЬ типтері) бар ересектердегі, жасөспірімдердегі және 10 және одан үлкен жастағы балалардағы қан плазмасында жалпы холестерин, Хс-ТТЛП, аполипопротеин В және триглицеридтер құрамы жоғары және Хс-ТЖЛП мөлшері жоғары пациенттерді емдеу үшін, диетамен емдеу талапқа сай әсер бермеген жағдайда, диетамен үйлестіріп

- диетотерапияның тиімділігі және емдеудің басқа да фармакологиялық емес әдістері жеткіліксіз болғанда гомозиготалы отбасылық гиперхолестеринемиясы бар пациенттерде қан плазмасындағы жалпы холестерин мен Хс-ТТЛП мөлшерін төмендету үшін

Жүрек-қан тамырлары ауруларының профилактикасы

Бастапқы жүрек-қан тамырлары аурулары қаупі жоғары ересек пациенттерде басқа қауіп факторларын түзетуге қосымша, жүрек-қан тамырлары ауруларының профилактикасында.

Қолданудың басталуына дейінгі қажетті мәліметтер тізбесі

- әсер етуші затқа немесе қосымша заттардың кез келгеніне аса жоғары сезімталдық

- бауырдың белсенді аурулары немесе генезі түсініксіз сарысу трансаминазалары белсенділігінің жоғарылауы (қалыптың жоғары шегімен салыстырғанда 3 еседен көбірек)

- жүктілік және лактация кезеңі, сондай-ақ контрацепцияның талапқа сай әдістерін пайдаланбайтын ұрпақ өрбіту жасындағы әйелдерге қолдану

- С гепатитіне қарсы вирусқа қарсы препараттармен (глекапревир/либрентасвир) бірге қолдану.

Қолдану кезіндегі қажетті сақтандыру шаралары

Алкогольдің едәуір мөлшерін тұтынатын және/немесе (анамнезінде) бауыр ауруынан зардап шегуші пациенттерге сақтықпен қолдану керек.

Басқа дәрілік препараттармен өзара әрекеттесуі

Аторвастатин Р450 3А4 (CYP3A4) цитохромымен метаболизденеді және бауыр тасымалдағыштарының, органикалық анион-тасымалдаушы полипептидтердің 1В1 (OATP1B1) және 1B3 (OATP1B3) тасымалдағыштарының субстраты болып табылады. Аторвастатин метаболиттері OATP1B1 субстраттары болып табылады. Аторвастатин сонымен қатар ішекте сіңірілуін және аторвастатиннің билиарлық клиренсін шектеуі мүмкін көптеген дәрілерге төзімділікпен астасқан ақуыз 1 (МРА1) және сүт безі обырының (СБОАР) резистенттілігі ақуызы ретінде анықталған. CYP3A4 тежегіштері немесе тасымалдау ақуыздары болып табылатын дәрілік препараттарды бір мезгілде қолдану қан плазмасындағы аторвастатин концентрациясының жоғарылауына және миопатияның даму қаупінің жоғарылауына әкелуі мүмкін. Сондай-ақ аторвастатинді фибрин қышқылының туындылары және эзетимиб сияқты миопатияны туындатуы мүмкін басқа дәрілік препараттармен бір мезгілде қолданған кезде қауіп жоғарылауы мүмкін.

CYP3A4 тежегіштері

Күшті CYP3A4 тежегіштері аторвастатин концентрациясының айтарлықтай жоғарылауына әкелетіні көрсетілген (1-кестені және төмендегі нақты ақпаратты қараңыз). Мүмкіндігінше CYP3A4 күшті тежегіштерін (мысалы, циклоспорин, телитромицин, кларитромицин, делавирдин, стирипентол, кетоконазол, вориконазол, итраконазол, позаконазол, СВГ емдеу кезінде пайдаланылатын кейбір вирусқа қарсы препараттарды (мысалы, элбасвир/гразопревир) және ритонавир, лопинавир, атазанавир, индинавир, дарунавир және т. б. қоса, АИТВ протеаза тежегіштерін) бір мезгілде қолданудан аулақ болу керек. Осы дәрілік препараттарды аторвастатинмен бір мезгілде қолдануды болдырмау мүмкін емес жағдайларда аторвастатиннің неғұрлым төмен бастапқы және ең жоғары дозаларын қолдану мүмкіндігін қарастыру керек және пациентке тиісті клиникалық мониторинг жүргізу ұсынылады (1-кестені қараңыз).

Орташа CYP3A4 тежегіштері (мысалы, эритромицин, дилтиазем, верапамил және флуконазол) қан плазмасындағы аторвастатин концентрациясын арттыруы мүмкін (1-кестені қараңыз). Эритромицинді статиндермен бірге қолданғанда миопатия қаупінің жоғарылауы байқалды. Амиодарон немесе верапамилдің аторвастатинге әсерін бағалайтын өзара әрекеттесуді зерттеу жүргізілген жоқ. Амиодарон да, верапамил де CYP3A4 белсенділігін тежейтіні және аторвастатинмен бір мезгілде қолдану аторвастатин әсерінің ұлғаюына әкелуі мүмкін екені белгілі. Сондықтан аторвастатиннің неғұрлым төмен ең жоғары дозасы туралы мәселені қарау және CYP3A4 орташа тежегіштерімен бір мезгілде қолданған кезде пациентке тиісті клиникалық бақылауды ұсыну қажет. Тежегіштердің дозасын түзетуді бастағаннан кейін немесе түзетуден кейін тиісті клиникалық мониторинг жүргізу ұсынылады.

CYP3A4 индукторлары

Аторвастатинді Р450 3А цитохромының индукторларымен (мысалы, эфавиренз, рифампицин, шайқурай) бір мезгілде қолдану қан плазмасындағы аторвастатин концентрациясының өзгермелі төмендеуіне әкелуі мүмкін. Рифампициннің өзара әрекеттесудің қосарлы механизміне (Р450 3А цитохромының индукциясы және OATP1B1 гепатоциттердің сіңірілу тасымалының тежелуі) байланысты аторвастатинді рифампицинмен бір мезгілде енгізу ұсынылады, өйткені рифампицин енгізілгеннен кейін аторвастатинді кейінге қалдыру қан плазмасындағы аторвастатин концентрациясының айтарлықтай төмендеуімен байланысты болды. Алайда, рифампициннің гепатоциттердегі аторвастатин концентрациясына әсері белгісіз, егер бір мезгілде қабылдауды болдырмау мүмкін болмаса, пациенттердегі тиімділігін мұқият бақылау керек.

Тасымалдаушы тежегіштер

Тасымалдаушы ақуыздардың тежегіштері (мысалы, циклоспорин) аторвастатиннің жүйелік әсерін арттыруы мүмкін (1 кестені қараңыз). Тасымалдаушылардың бауырлық сіңуін тежеушілердің гепатоциттердегі аторвастатиннің концентрациясына әсері белгісіз. Егер препаратты бір мезгілде қолдануды болдырмау мүмкін болмаса, дозаны төмендету және тиімділіктің клиникалық мониторингі ұсынылады (1-кестені қараңыз).

Гемфиброзил/фиброй қышқылы туындылары

Тек фибраттарды қолдану кейде бұлшықет жағдайларымен, соның ішінде қаңқа бұлшықеттерінің жедел некрозымен байланысты. Бұл оқиғалардың қаупі фиброй қышқылы туындылары мен аторвастатинді бір мезгілде қолданылған кезде артуы мүмкін. Егер бір мезгілде қолдануды болдырмау мүмкін болмаса, емдік нысанаға жету үшін аторвастатиннің ең төмен дозасын пайдалану және пациенттерге тиісті бақылау жүргізу керек .

Эзетимиб

Тек эзетимибті қолдану бұлшықет жағдайларымен, соның ішінде қаңқа бұлшықеттерінің жедел некрозымен байланысты. Осылайша, эзетимиб пен аторвастатинді бір мезгілде қолданған кезде осы оқиғалардың қаупі артуы мүмкін. Осы пациенттерге тиісті клиникалық мониторинг жүргізу ұсынылады.

Колестипол

Колестиполды аторвастатинмен бір мезгілде қолданғанда қан плазмасындағы аторвастатин мен оның белсенді метаболиттерінің концентрациясы төмен болды (аторвастатин концентрациясының қатынасы: 0.74). Алайда, липидтік әсерлер аторвастатин мен колестиполды біріктіріп қолданған кезде, осы препараттардың кез-келгенін бір мезгілде қабылдағаннан гөрі елеулі болды.

Фузид қышқылы

Қаңқа бұлшықеттерінің жедел некрозын қоса алғанда, миопатияның даму қаупі статиндермен жүйелік фузид қышқылын бір мезгілде қолданғанда артуы мүмкін. Бұл өзара әрекеттесудің механизмі (ол фармакодинамикалық немесе фармакокинетикалық па, немесе екеуі де) әлі белгісіз. Осы біріктірілімді қабылдаған пациенттерде қаңқа бұлшықеттерінің жедел некрозы (кейбір өлімді қоса) туралы хабарламалар болды.

Егер фузид қышқылымен жүйелі емдеу қажет болса, аторвастатинмен емдеуді фузид қышқылымен емдеудің барлық кезеңінде тоқтату керек .

Колхицин

Аторвастатин мен колхициннің өзара әрекеттесуіне зерттеулер жүргізілмегеніне қарамастан, аторвастатинді колхицинмен бір мезгілде қолданғанда миопатия жағдайлары туралы хабарланған, аторвастатинді колхицинмен тағайындағанда сақ болу керек.

Аторвастатиннің қатар жүретін дәрілік препараттарға әсері

Дигоксин

Бір мезгілде дигоксиннің және 10 мг аторвастатиннің бірнеше дозасын қолданғанда дигоксиннің тепе-теңдік концентрациясы аздап ұлғайған. Дигоксин қабылдаған пациенттер тиісті бақылауда болуы тиіс.

Оральді контрацептивтер

Аторвастатинді оральді контрацептивпен бір мезгілде қолдану қан плазмасындағы норэтистерон мен этинилэстрадиол концентрациясының жоғарылауына әкеледі.

Варфарин

Варфаринмен ұзақ ем алатын пациенттердің клиникалық зерттеулерінде варфаринмен күніне 80 мг аторвастатинді бірге қолдану қабылдаудың алғашқы 4 күні ішінде протромбин уақытының шамамен 1.7 секундқа аздап азаюын туындатты, ол аторвастатинмен емдеудің 15 күні ішінде қалыпқа келді. Клиникалық маңызы бар антикоагулянттық өзара әрекеттесулердің өте сирек жағдайлары туралы ғана хабарланғанымен, протромбин уақытын кумариндік антикоагулянттарды қабылдайтын пациенттерде аторвастатинді қабылдау басталғанға дейін және протромбин уақытында елеулі өзгерістердің болмауына кепілдік беру үшін ерте ем кезінде жеткілікті түрде анықтау керек. Тұрақты протромбин уақытын тіркегеннен кейін протромбин уақытын әдетте кумарин антикоагулянттарын қабылдайтын пациенттерге ұсынылатын аралықтарда бақылауға болады. Егер аторвастатин дозасы өзгерсе немесе тоқтатылса, сол емшараны қайталау керек. Аторвастатинмен емдеу антикоагулянттар қабылдамайтын пациенттерде қан кетумен немесе протромбин уақытының өзгеруімен байланысты болған жоқ.

Балалық жастағы пациенттер

Дәрілік өзара әрекеттесуді зерттеу тек ересектерде жүргізілді. Бала жасындағы пациенттердегі өзара әрекеттесу дәрежесі белгісіз. Ересектерге арналған жоғарыда аталған өзара әрекеттесуі және ескертулер бала жасындағы пациенттер үшін ескерілуі керек.

1-кесте: Бірге қабылданатын дәрілік препараттардың аторвастатинның фармакокинетикасына әсері

＆Бұл емдеу әдістерінің арақатынасы (тек бір ғана аторвастатин қолданумен салыстырғанда препарат плюс аторвастатинді бірге қолдану).

# Клиникалық маңызы.

*Құрамында CYP3A4 тежейтін және CYP3A4 метаболизденетін дәрілік препараттардың плазмасындағы концентрацияны арттыруы мүмкін бір немесе бірнеше компоненттер бар. Көлемі 240 мл бір стақан грейпфрут шырынын қабылдау белсенді ортогидроксиметаболиттің AUC 20.4% - ға төмендеуіне әкелді. Грейпфрут шырынының көп мөлшері (5 күн ішінде күніне 1.2 л-ден астам) аторвастатиннің AUC-ін 2.5 есеге және ГМГ-КоА редуктазасының белсенді тежегіштерінің (аторвастатин және оның метаболиттері) AUC 1.3 есеге арттырды.

** Дозаны қабылдаған соң 8-16 сағаттан кейін алынған бір үлгі негізіндегі арақатынас.

OD = күніне 1 рет; SD = бір реттік доза; BID = күніне 2 рет; TID = күніне 3 рет; QID = күніне 4 рет

2-кесте: Аторвастатиннің бір мезгілде қолданылатын дәрілік препараттардың фармакокинетикасына әсері

& Бұл емдеу әдістерінің арақатынасы (тек бір ғана аторвастатин қолданумен салыстырғанда препарат плюс аторвастатинді бірге қолдану).

* Аторвастатин мен феназонның бірнеше дозасын бір мезгілде қолдану феназон клиренсіне айтарлықтай әсер еткен жоқ.

OD = күніне 1 рет; SD = бір реттік доза; BID = күніне 2 рет

Арнайы сақтандырулар

Бауыр тарапынан әсерлер

Бауырдың функционалды тесттерін емдеу басталғанға дейін және одан кейін мезгіл-мезгіл жүргізу керек. Бауырдың зақымдануын көрсететін қандай да бір белгілер немесе симптомдар дамитын пациенттерге бауырдың функционалдық тестілерін жүргізу керек. Трансаминазалардың жоғары деңгейі дамитын пациенттер ауытқу (-лар) шешілгенге дейін бақылауда болуы тиіс. Егер трансаминазалар деңгейінің жоғарылауы қалыптың жоғарғы шегінен (ҚЖШ) 3 еседен артық күйі сақталса, дозаны төмендету немесе Аторвастатин Зентива тоқтату ұсынылады.

Аторвастатин Зентива алкогольдің едәуір мөлшерін тұтынатын және/немесе анамнезінде бауыр ауруы бар пациенттерге сақтықпен қолданылу керек.

Холестерин деңгейін агрессивті төмендетумен инсульт профилактикасы (ХДАТИП)

Жақында инсульт немесе транзиторлы ишемиялық шабуылға (ТИА) ұшыраған жүректің ишемиялық ауруы (ЖИА) жоқ пациенттерде инсульттің қосалқы түрлерінің ретроспективті талдауында плацебоға қарағанда 80 мг дозада аторвастатин қабылдаған пациенттерде геморрагиялық инсульттің неғұрлым жоғары жиілігі байқалды. Зерттеуге енгізілген кезде әсіресе алдыңғы геморрагиялық инсульт немесе лакунарлы инфаркт алған пациенттерде жоғары қауіп байқалды. Алдыңғы геморрагиялық инсульт немесе лакунарлық инфаркт алған пациенттер үшін 80 мг дозада аторвастатинді қабылдаудан болатын қауіп пен пайда теңгерімі белгісіз болып табылады және емдеуді бастар алдында геморрагиялық инсульттің потенциалды қаупін мұқият қарастыру керек .

Қаңқа бұлшықеттері тарапынан әсер

Аторвастатин, ГМГ-КоА редуктазасының басқа тежегіштері сияқты, сирек жағдайларда қаңқа бұлшықеттеріне әсер етіп, қаңқа бұлшықеттерінің жедел некрозына дейін үдеуі мүмкін миалгия, миозит және миопатияны тудыруы мүмкін, олар креатинкиназаның (КК) елеулі жоғары деңгейімен сипатталатын (>10 есе ҚЖШ) миоглобинемия және миоглобинуриямен бүйрек жеткіліксіздігіне әкелуі мүмкін.

Кейбір статиндермен емдеу кезінде немесе одан кейін иммунитетке байланысты некроздық миопатия (ИБНМ) туралы өте сирек хабарламалар болды. ИБНМ клиникалық тұрғыдан тұрақты проксимальді бұлшықет әлсіздігімен және қан сарысуындағы креатинкиназа деңгейінің жоғарылауымен сипатталады, олар статиндермен емдеуді тоқтатқанына қарамастан сақталады.

Емдеуге дейін

Аторвастатин Зентиваны қаңқа бұлшықетінің жедел некрозына бейім факторлары бар пациенттерге сақтықпен тағайындау керек. Статиндермен емді бастамас бұрын КК деңгейін келесі жағдайларда өлшеу керек:

- бүйрек функциясының бұзылуы

- гипотиреоидизм

- тұқым қуалайтын бұлшықет ауруларының жеке немесе отбасылық анамнезі

- анамнезіндегі статиндермен немесе фибраттармен бұлшықет уыттылығы

- бауыр ауруының және / немесе алкогольдің едәуір мөлшерін тұтынудың алдыңғы анамнезі

- мұндай өлшеудің егде жаста (>70 жаста) қажеттілігін қаңқа бұлшықеттерінің жедел некрозына бейімдейтін басқа факторлардың болуына байланысты қарастыру керек

- плазмадағы деңгейдің жоғарылауы мүмкін жағдайлар, мысалы, өзара әрекеттесу және генетикалық субпопуляцияларды қоса алғанда, ерекше популяциялар

Мұндай жағдайларда емдеу қаупін ықтимал пайдаға байланысты қарастырған жөн және клиникалық мониторинг ұсынылады.

Егер КК деңгейі бастапқы деңгейде айтарлықтай (> 5 есе ҚЖШ) жоғарыласа, емдеуді бастамаған жөн.

Креатинкиназа өлшеу

Креатинкиназаны (КК) қарқынды дене жүктемесінен кейін немесе КК жоғарылауының қандай да бір ықтимал балама себебі болған кезде өлшенбеуі тиіс, өйткені бұл мәндерді түсіндіруді қиындатады.

Егер КК деңгейі бастапқы деңгейде (> 5 есе ҚЖШ) айтарлықтай жоғарылаған болса, онда нәтижелерді растау үшін оны 5-7 күн ішінде қайта өлшеу керек.

Емдеу кезінде

- Пациенттерге бұлшықет ауыруы, құрысулар немесе әлсіздік туралы, әсіресе егер олар дімкәстікпен немесе қызбамен бірге жүрсе, дереу хабарлауды өтініп, айтылуы қажет.

- Егер мұндай симптомдар Аторвастатин Зентива емдеу кезінде пайда болса, пациенттегі КК деңгейін өлшеу керек. Егер бұл деңгейлер едәуір жоғарыласа (> 5 есе ҚЖШ), емдеуді тоқтату керек.

- Егер бұлшықет симптомдары айқын байқалса және күнделікті қолайсыздықты тудырса, тіпті егер КК деңгейі ≤ 5 есеге дейін көтерілсе де, емдеуді тоқтату туралы мәселені қарастыру керек.

Егер симптомдары жойылып, КК деңгейі қалыпқа келсе, онда Аторвастатин Зентива қайта енгізу немесе баламалы статинді енгізу ең төмен дозада және мұқият бақылаумен қаралуы мүмкін.

- Егер КК (> 10 есе ҚЖШ) деңгейінің клиникалық елеулі жоғарылауы орын алса немесе қаңқа бұлшықеттерінің жедел некрозы диагнозы қойылса немесе күдік келтірілсе, Аторвастатин Зентива қабылдауды тоқтату қажет.

Басқа дәрілік препараттармен қатарлас емдеу

Қаңқа бұлшықеттерінің жедел некрозының қаупі аторвастатинді қан плазмасындағы аторвастатин концентрациясын арттыруы мүмкін CYP3A4 қуатты тежегіштері немесе тасымалдау ақуыздары (мысалы, циклоспорин, телитромицин, кларитромицин, делавирдин, стирипентол, кетоконазол, вориконазол, итраконазол, посаконазол және ритонавир, лопинавир, атазанавир, индинавир, дарунавир, типранавир/ритонавир және тағы басқаларын қоса, АИТВ протеаза тежегіштері) сияқты кейбір дәрілік препараттармен бір мезгілде қолданғанда артады.

Сондай-ақ гемфиброзилді және фиброй қышқылының басқа туындыларын, С гепатитін (СГВ РНҚ) емдеуге арналған вирусқа қарсы препараттарды (боцепревир, телапревир, элбасвир/гразопревир), эритромицин, ниацин немесе эзетимибті бір мезгілде қолданғанда миопатия қаупі артуы мүмкін. Мүмкіндігінше осы дәрілік препараттардың орнына емдеудің баламалы (өзара әрекеттеспейтін) әдістерін қарастыру керек.

Осы дәрілік препараттарды аторвастатинмен бір мезгілде қолдану қажет болған жағдайларда бір мезгілде емдеудің пайдасы мен қаупін мұқият қарау керек. Қан плазмасындағы аторвастатин концентрациясын жоғарылататын дәрілік препараттарды қабылдау кезінде аторвастатиннің барынша төмен дозасы ұсынылады. Бұдан басқа, CYP3A4 күшті тежегіштерін қолданған жағдайда аторвастатиннің неғұрлым төмен бастапқы дозасын қарастыру керек және осы пациенттерге тиісті клиникалық мониторинг жүргізу ұсынылады.

Аторвастатинді фузид қышқылының жүйелік препараттарымен немесе фузид қышқылымен емдеуді тоқтатқаннан кейін 7 күннен ерте кезеңде бір мезгілде тағайындауға болмайды. Фузид қышқылын жүйелі қолдану қажет саналатын пациенттерге фузид қышқылымен емдеудің барлық кезеңінде статиндермен емдеуді тоқтату керек. Фузид қышқылы мен статиндерді біріктіріп алған пациенттерде қаңқа бұлшықеттерінің жедел некрозы (кейбір өлім жағдайларын қоса алғанда) туралы хабарлар бар. Егер қандай да бір бұлшықет әлсіздігі, бұлшықет ауруы немесе ауырсыну симптомдарын сезінсе пациентке дереу дәрігерге қаралуын ұсыну керек.

Статиндермен емдеу фузид қышқылының соңғы дозасын қабылдағаннан кейін 7 күннен соң жаңартылуы мүмкін.

Фузид қышқылының жүйелік түрлерімен ұзақ емдеу, мысалы, ауыр инфекцияларды емдеу қажет болған ерекше жағдайларда, Аторвастатин Зентива мен фузид қышқылын бір мезгілде қолдану қажеттігін тек әрбір нақты жағдайда және мұқият медициналық бақылауда қарау керек

Бала жасындағы пациенттер

Жалпы жетілу мен дамуды бағалауға, Таннер сатысын бағалауға, бой өсуі мен салмақты өлшеуге негізделген үш жылдық зерттеу барысында бой өсуі мен жыныстық жетілуге клиникалық ешбір маңызды әсер анықталған жоқ .

Өкпенің интерстициальді ауруы

Өкпенің интерстициальді ауруының ерекше жағдайлары кейбір статиндерді қолданғанда, әсіресе ұзақ емдеуде хабарланған. Өзіне тән белгілері ентігу, өнімсіз жөтел және жалпы денсаулық жағдайының нашарлауы (шаршау, салмақ жоғалту және қызба) болуы мүмкін. Егер пациентте өкпенің интерстициальді ауруының дамуына күдік болса статиндермен емдеу тоқтатылуы тиіс.

Қант диабеті

Кейбір деректер статиндердің класс ретінде қандағы глюкоза деңгейін жоғарылататындығын және болашақта қант диабетінің даму қаупі жоғары кейбір пациенттерде гипергликемия деңгейін тудыруы мүмкін, бұл жағдайда қант диабетін формальды емдеуді тағайындау орынды болатынын айғақтайды. Алайда, бұл қауіп статиндерді қабылдау кезінде тамырлық қатердің төмендеуінен асып түседі, сондықтан статиндермен емдеуді тоқтатуға себеп болмауы тиіс. Қауіп тобындағы пациенттер (аш қарынға глюкоза деңгейі 5.6-дан 6.9 ммоль/л, ДСИ> 30 кг/м2, триглицеридтердің жоғары деңгейі, артериялық гипертензия) ұлттық ұсынымдарға сәйкес клиникалық және биохимиялық бақылауда болуы тиіс.

Қосымша заттар

Аторвастатин Зентива құрамында лактоза моногидраты бар. Сирек тұқым қуалайтын галактоза көтере алмаушылығы, лактаза жалпы тапшылығы немесе глюкоза-галактоза мальабсорбциясы бар пациенттер бұл дәрілік препаратты қабылдамауы тиіс.

Педиатрияда қолдануПациенттердің арнайы топтары

Особые группы пациентов

10 жасқа дейінгі балаларда қолдану ұсынылмайды

Жүктілік немесе лактация кезінде

Жүктілік

Бала тууға қабілетті әйелдер емдеу кезінде тиісті ұрпақ өрбітуге қарсы заттарды қолдануы керек.

Аторвастатин Зентива препаратын жүктілік кезінде қолдануға болмайды. Жүкті әйелдерде қолдану қауіпсіздігі анықталған жоқ. Жүкті әйелдерде аторвастатиннің бақыланатын клиникалық зерттеулері жүргізілген жоқ. ГМГ-КоА редуктаза тежегіштерінің құрсақішілік әсерінен кейін туа біткен ауытқулар туралы сирек хабарламалар алынды. Жануарларға жүргізілген зерттеулер көбею үшін уыттылығын көрсетті.

Анасын аторвастатинмен емдеу холестерин биосинтезінің ізашары болып табылатын шаранадағы мевалонат деңгейін төмендетуі мүмкін. Атеросклероз - бұл созылмалы процесс, сондықтан әдетте жүктілік кезінде гиполипидемиялық препараттарды қабылдауды тоқтату бастапқы гиперхолестеринемиямен байланысты ұзақ мерзімді қауіпке елеусіз әсер етуі тиіс.

Осы себептерге байланысты, Аторвастатин Зентива жүкті болған, жүкті болуға ұмтылатын немесе жүктілікке күдіктенген әйелдерде қолдануға болмайды. Аторвастатин Зентива препаратымен емдеуді жүктілік кезінде немесе әйелдің жүкті емес екендігі анықталғанға дейін тоқтату керек.

Лактация

Аторвастатин немесе оның метаболиттері адам сүтімен бөлінетіні белгісіз. Егеуқұйрықтарда аторвастатин мен оның қан плазмасындағы белсенді метаболиттерінің концентрациясы сүттегі концентрацияға ұқсас. Ауыр жағымсыз реакциялардың ықтималдығына байланысты, Аторвастатин Зентива қабылдайтын әйелдер бала емізбеуі керек. Аторвастатин бала емізу кезеңінде қарсы көрсетілімде.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Аторвастатин Зентива көлік құралын басқару және әртүрлі механизмдерді пайдалану қабілетіне аз әсер етеді.

Қолдану жөніндегі нұсқаулар

Дозалау режимі

Аторвастатин Зентива қабылдағанға дейін пациентке холестерин деңгейін төмендететін стандартты диета қабылдату керек және осы диетаны емдеу кезінде де жалғастыруы тиіс.

Алғашқы гиперхолестеринемия және біріктірілген (аралас) гиперлипидемия

Көптеген жағдайларда препаратты күніне 10 мг дозада тәулігіне бір рет тағайындау жеткілікті. Емдеудің әсері 2 аптадан кейін дамиды, ең жоғары әсері - 4 аптадан кейін. Препаратты ұзақ уақыт қолдану арқылы оң өзгерістерге қолдау көрсетіледі.

Гомозиготалы отбасылық гиперхолестеринемия

Қолжетімді деректер шектеулі ғана

Гетерозиготалы отбасылық гиперхолестеринемия

Пациенттерге емді тәулігіне 10 мг аторвастатин дозасымен бастау керек. Дозаны таңдаған кезде жеке тәсілді қолдану керек, дозаны әр 4 апта сайын тәулігіне 40 мг дейін түзету керек. Осыдан кейін аторвастатин дозасын тәулігіне 80 мг-ға дейін арттыруға болады немесе тәулігіне 40 мг-нан өт қышқылының сөлінісін күшейтетін препаратпен біріктірілімде қабылдауға болады.

Жүрек-қан тамырлары ауруларының профилактикасы

Негізгі профилактикалық зерттеулерде препараттың тәулігіне 10 мг дозасы қолданылды. ТТЛП холестерин деңгейіне жету үшін препараттың жоғарырақ дозаларын қолдану қажет болады.

Пациенттердің ерекше топтары

Бауыр функциясы бұзылған пациенттер

Бауыр функциясы бұзылған пациенттерге препараттың организмнен шығарылуының бәсеңдеуіне байланысты сақтықпен тағайындалады. Препарат бауырдың белсенді ауруы бар пациенттерге қарсы көрсетілімде.

Бүйрек функциясы бұзылған пациенттер

Бүйрек ауруы аторвастатин концентрациясына немесе қан плазмасындағы ХС ТТЛП деңгейінің төмендеуіне әсер етпейді, сондықтан дозаны түзетудің қажеті жоқ.

Егде жастағылар

Ұсынылған дозаларды 70 жастан асқан пациенттердегі қолданудың тиімділігі мен қауіпсіздігі жалпы популяцияда байқалғанға ұқсас.

Балалар жасында қолданылуы

Гиперхолестеринемия

Педиатриялық қолдануды балалар гиперлипидемиясын емдеуде тәжірибесі бар дәрігерлер ғана жүргізуі керек, пациенттер прогрессті бағалау үшін үнемі қайта бағалаудан өтуі керек.

10 жастағы және одан үлкен жастағы гетерозиготалы отбасылық гиперхолестеринемиясы бар пациенттер үшін аторвастатиннің ұсынылатын бастапқы дозасы күніне 10 мг құрайды. Доза препараттың реакциясы мен жағымдылығына байланысты күніне 80 мг дейін ұлғайтылуы мүмкін. Дозасы ұсынылған емдік мақсатқа сәйкес жеке-дара болуы тиіс. Түзету 4 апта немесе одан көп уақыт аралығында жасалуы керек. Күніне 80 мг-ға дейінгі дозаны таңдау ересектердегі зерттеулердің деректері және гетерозиготалы отбасылық гиперхолестеринемиясы бар балалардағы зерттеулердің шектеулі клиникалық деректерімен расталады

6-дан 10 жасқа дейінгі гетерозиготалы отбасылық гиперхолестеринемиясы бар балаларды емдеудің қауіпсіздігі мен тиімділігі туралы шектеулі деректер ашық зерттеулер нәтижесінен алынған. Аторвастатин 10 жасқа дейінгі науқастарды емдеуге көрсетілмеген. Қазіргі уақытта деректер бөлімдерінде сипатталған, бірақ дозалау режиміне қатысты ешқандай ұсыныстар жасау мүмкін емес.

Тұрғындардың осы тобы үшін басқа фармацевтикалық формалар / дозалар қолайлы болуы мүмкін.

10 жасқа дейінгі балаларда қолдануға кеңес берілмейді

Енгізу әдісі және жолы

Қолдану тәсілі

Не удалось загрузить все результаты.

Повторить

Повторная попытка…

Повторная попытка…

Не удалось загрузить все результаты.

Повторить

Повторная попытка…

Повторная попытка…

Аторвастатин Зентива пероральді қабылдауға арналған. Voreedan ауызша қабылдауға арналған.

Воридан предназначен для приема внутрь.

Voreedan үшін ішілетін арналған.

Предназначен для перорального применения Воридана.

Не удалось загрузить все результаты.

Повторить

Повторная попытка…

Повторная попытка…

Аторвастатин Зентива әр тәуліктік дозасы дереу тағайындалады және оны тәуліктің кез-келген уақытында тамақ ішіп немесе ішпей қабылдауға болады.

Басқа дәрілік препараттармен бірге қолдану

С гепатитіне қарсы вирусқа қарсы элбасвир / гразопревир препараттарын аторвастатинмен бір мезгілде қабылдаған пациенттерде аторвастатин дозасы тәулігіне 20 мг аспауы тиіс.

Артық дозалану жағдайында қабылдау қажет болатын шаралар

Аторвастатин Зентива артық дозаланғанда емі симптоматикалық және қажетті қолдау шараларын жүргізу керек. Бауырдың функциялық тесттерін жүргізу және қан сарысуындағы КК деңгейін бақылау керек. Аторвастатиннің қан плазмасы ақуыздарымен қарқынды байланысуына байланысты гемодиализ аторвастатин клиренсінің айтарлықтай ұлғаюына әкелмейтіні күтіледі.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥1/100-ден < 1/10-ға дейін), жиі емес (≥ 1/1000-нан < 1/100-ге дейін), сирек (≥1/10000-нан < 1/1000-ға дейін), өте сирек (< 1/10000), белгісіз (қолда бар деректер негізінде бағалау мүмкін емес)

Реакциялардың болжамды жиілігі мынадай келісімге сәйкес жіктеледі: жиі (≥1/100-ден <1/10-ға дейін); жиі емес (≥1/1000-нан <1/100-ге дейін); сирек (≥1/10 000-нан <1/1000-ға дейін); өте сирек (<1/10 000), белгісіз (қолда бар деректер бойынша бағалау мүмкін емес).

Инфекциялық және паразиттік аурулар

Жиі: ринофарингит.

Қан және лимфа жүйесі тарапынан бұзылыстар

Сирек: тромбоцитопения.

Иммундық жүйе тарапынан бұзылыстар

Жиі: аллергиялық реакциялар.

Өте сирек: анафилаксия.

Зат алмасуы және тамақтану тарапынан бұзылыстар

Жиі: гипергликемия.

Жиі емес: гипогликемия, дене салмағының жоғарылауы, анорексия.

Психикалық бұзылулар

Жиі емес: шым-шытырық түстер көру, ұйқысыздық.

Жүйке жүйесі тарапынан бұзылыстар

Жиі: бас ауыруы.

Жиі емес: бас айналу, парестезия, гипестезия, дисгевзия, амнезия.

Сирек: шеткері невропатия.

Көру мүшесі тарапынан бұзылыстар

Жиі емес: бұлыңғыр көру.

Сирек: көру қабілетінің бұзылуы.

Есту мүшелері және тепе-теңдік тарапынан бұзылыстар

Жиі емес: тиннит.

Өте сирек: естімей қалу.

Тыныс алу, кеуде қуысы және көкірек ортасы мүшелері тарапынан бұзылыстар

Жиі: жұтқыншақтың ауыруы, мұрыннан қан кету.

Асқазан-ішек жолдары тарапынан бұзылыстар

Жиі: іш қатуы, метеоризм, диспепсия, жүрек айнуы, диарея.

Жиі емес: құсу, іштің жоғарғы және төменгі бөлігінде ауырсыну, кекіру, панкреатит.

Бауыр және өт шығару жолдары тарапынан бұзылулар

Жиі емес: гепатит.

Сирек: холестаз.

Өте сирек: бауыр жеткіліксіздігі.

Тері және тері асты тіндері тарапынан бұзылулар

Жиі емес: есекжем, тері бөртпесі, тері қышынуы, алопеция.

Сирек: ангионевроздық ісіну, көп түрлі эритеманы, Стивенс-Джонсон синдромын және уытты эпидермальді некролизді қоса, буллезді дерматит.

Қаңқа-бұлшықет жүйесі және дәнекер тін тарапынан бұзылулар

Жиі: миалгия, артралгия, аяқ-қол ауыруы, бұлшықет түйілулері, буын ісінулері, арқаның ауырулары.

Жиі емес: мойын ауырсынуы, бұлшықет шаршауы.

Сирек: миопатия, миозит, рабдомиолиз, бұлшықет жыртылуы, кейде үзілумен асқынатын тендинопатия.

Өте сирек: жегілік синдром.

Белгісіз: иммунитетке байланысты некроздық миопатия.

Ұрпақ өрбіту жүйесі және сүт безі тарапынан бұзылулар

Өте сирек: гинекомастия.

Жалпы сипаттағы асқынулар және енгізу орнындағы реакциялар

Жиі емес: дімкәстік, астения, кеуденің ауырсынуы, шеткері ісінулер, қажығыштық, гипертермия.

Зерттеулер

Жиі: бауыр функциясының бұзылуы, қандағы креатинкиназа деңгейі артуы.

Жиі емес: лейкоциттерге несептің оң нәтижесі.

ГМГ-КоА редуктазасының басқа тежегіштеріндегідей, аторвастатин алған пациенттерде сарысулық трансаминазалар деңгейінің жоғарылауы байқалды. Бұл өзгерістер әдетте жеңіл, өтпелі болды және емдеуді тоқтатуды қажет етпеді. Аторвастатин алған пациенттердің 0.8%-ында сарысулық трансаминазалар деңгейінің клиникалық тұрғыдан елеулі (қалыптан > 3 есе артуы) жоғарылауы байқалды. Бұл жоғарылау дозаға тәуелді болды және барлық пациенттерде қайтымды болды.

Клиникалық зерттеулерде ГМГ-КоА редуктазасының басқа тежегіштері сияқты аторвастатинді қабылдаған пациенттердің 2.5% - ында қан сарысуындағы қалыптың жоғарғы шегінен 3 есе асатын креатинкиназа (КК) деңгейінің жоғарылауы байқалды. Қалыптың жоғарғы диапазонынан 10 есе жоғары деңгейлер аторвастатин алған пациенттердің 0.4% - ында байқалды.

Бала жасындағы пациенттер

Аторвастатин қабылдаған 10-нан 17 жасқа дейінгі балалар жасындағы пациенттерде сынақ кезінде плацебо қабылдаған пациенттердің қалаусыз бейініне ұқсас жағымсыз құбылыс бейіні болды, бұл ретте екі топта да байқалған ең көп таралған жағымсыз құбылыстар себеп-салдарлық байланысты бағалауға қарамастан инфекциялар болды. Жалпы жетілу мен дамуды бағалауға, Таннер сатысын бағалауға және бой мен салмақты өлшеуге негізделген үш жылдық зерттеуде өсу мен жыныстық жетілуге ешқандай клиникалық маңызды әсер байқалмады. Балалардағы қауіпсіздік және төзімділік бейіні ересек пациенттердегі аторвастатиннің белгілі қауіпсіздік бейініне ұқсас болды.

Клиникалық қауіпсіздік деректері базасында аторвастатин алған 520 бала жасындағы пациенттердің қауіпсіздігі туралы мәліметтер бар, олардың ішінде 7 пациент < 6 жаста, 121 пациент 6 жастан 9 жасқа дейін және 392 пациент 10 жастан 17 жасқа дейін болған. Қолда бар деректерге сүйенгенде, балалардағы жағымсыз құбылыстардың жиілігі, түрі және ауырлығы ересектердегідей болған.

Кейбір статиндерді қабылдау кезінде келесі жағымсыз құбылыстар туралы хабарланды:

- Сексуалдық дисфункция.

- Депрессия.

- Өкпенің интерстициальді ауруларының ерекше жағдайлары, әсіресе ұзақ ем кезінде.

- Қант диабеті: жиілігі қауіп факторларының болуына немесе болмауына байланысты (аш қарынға қандағы глюкоза деңгейі ≥5.6 ммоль/л, ДСИ> 30 кг/ м2, триглицеридтердің жоғары деңгейі, анамнездегі гипертония).

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір таблетканың құрамында

белсенді зат - 10.0 мг, 20,0 мг және 40,0 мг аторвастатин,

ядросы: кальций карбонаты, микрокристалды целлюлоза, лактоза моногидраты, төмен орын басатын гидроксипропилцеллюлоза, повидон К12, сусыз коллоидты кремнийдің қостотығы, магний стеараты

Қабық құрамы: гипромеллоза, макрогол 6000, титанның қостотығы (Е171), тальк, темірдің сары тотығы (Е172), лактоза моногидраты, тазартылған су.

Сыртқы түрінің, иісінің, дәмінің сипаттамасы

Үлбірлі қабықпен қапталған таблеткалар.

Дөңгелек пішінді, екі жақ беті дөңес, ақтан ақ дерлік түске дейінгі үлбірлі қабықпен қапталған, диаметрі 6 мм жуық таблеткалар (10 мг доза).

Дөңгелек пішінді, екі жақ беті дөңес, сарғыш түсті үлбірлі қабықпен қапталған, диаметрі 8 мм жуық таблеткалар (20 мг доза).

Дөңгелек пішінді, екі жақ беті дөңес, қызғылт сары-сарыдан сарғыш- қызғылт сары түске дейінгі түсті үлбірлі қабықпен қапталған, диаметрі 10 мм жуық таблеткалар (40 мг доза).

Шығарылу түрі және қаптамасы

10 мг және 20 мг дозалары. 15 таблеткадан  OPA/Al/PVC (бағытталған полиамид/алюминий/поливинилхлорид)  үлбірінен және алюминий фольгадан жасалған пішінді ұяшықты қаптамаға салынады. 

2 немесе 6 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салады.

40 мг дозасы. 10 таблеткадан  OPA/Al/PVC (бағытталған полиамид/ алюминий/поливинилхлорид) үлбірінен және алюминий фольгадан жасалған пішінді ұяшықты қаптамаға салынады. 

3 немесе 9 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салады.

2 жыл.

Жарамдылық мерзімі өткеннен кейін қолдануға болмайды!

25 °C-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

Зентива, к.с.

Прага 10 – Долни Меколупи, Укабеловни 130, Пошта индексі 102 37,

Чех Республикасы

тел./факс : (+420) 267 241 111

Эл. пошта: info@zentiva.com

Тіркеу куәлігінің ұстаушысы

Зентива, к.с.

Прага 10 – Долни Меколупи, Укабеловни 130, Пошта индексі 102 37,

Чех Республикасы

тел./факс : (+420) 267 241 111

Эл. пошта: info@zentiva.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Алвоген Фарма Трейдинг Юроп ЕООД» Қазақстандағы өкілдігі

050008, Алматы қ., Әуезов к-сі, 48, кеңсе 3/3

тел: +7-(727) 345 04 05

Электронды пошта: PV-Kazakhstan@zentiva.com