Аспаркам -L

МНН: Калия, магния аспарагинат
Производитель: Биосинтез ОАО
Анатомо-терапевтическо-химическая классификация: Препараты прочих минеральных веществ
Номер регистрации в РК: № РК-ЛС-5№121883
Период регистрации: 15.12.2015 - 15.12.2020

Инструкция

Саудалық атауы

Аспаркам-L

Халықаралық патенттелмеген атауы

Жоқ

Дәрілік түрі

Инфузияға арналған 200 мг және 400 мг ерітінді

Құрамы

1 л препараттың құрамында

белсенді заттар:

- сусыз калий L-аспарагинаты

(калий аспарагинаты)

(калийге баламалы)

- 11,59 г

- (2,65 г)

- сусыз магний L-аспарагинаты

(магний аспарагинаты)

(магнийге баламалы),

- 7,88 г

- (0,66 г)

келесі жазба бойынша алынған:

 

L-аспарагин қышқылы

- 15,00 г

калий гидроксиді

- 3,80 г

магний тотығы

- 1,10 г

қосымша заттар: сорбит (сорбитол), инъекцияға арналған су.

Иондық құрамы:

1 л препараттың құрамында

калий-ионы

- 67,77 ммоль/л

магний-ионы

- 27,16 ммоль/л

Теориялық осмолярлығы

- 317,42 мосмоль/л

Сипаттамасы

Мөлдір түссіз немесе сәл боялған сұйықтық

Фармакотерапиялық тобы

Минералды қоспалар. Басқа да минералды заттар.

ATХ коды A12CХ

Фармакологиялық қасиеттері

Калий мен магний тапшылығын жою, электролиттік теңгерімді қалпына келтіру, миокардта зат алмасуды жақсарту. Препараттың әсер ету механизмі магний мен калий иондарының жасушаішілік кеңістікке тасымалдануында L-аспарагинаттың тиімді қатысуымен байланысты.

Фармакокинетикасы

Магний мен калий иондары тез сіңіріледі және организмнің барлық тіндеріне таралады. Магнийдің шамамен 30 % плазмада ақуыздармен кешенді қосылыстар түзеді. Калий мен магний көбінесе бүйрекпен, азғана мөлшерде - ішек арқылы, термен, көз жасымен және басқалармен шығарылады. Бүйрек жеткіліксіздігінде калий мен магний иондарының шығарылуы баяулауы мүмкін.

Фармакодинамикасы

Магний натрий ионын жасушадан кетіре отырып және калий иондарын қайтара отырып, натрий-калий-аденозинтрифосфатазаны белсендіреді; натрий мөлшерін төмендетеді және төзімділігін төмендете отырып, оның тамырлардың тегіс бұлшықеттерінде кальцийге алмасуына кедергі келтіреді. Калий аденозинтрифосфат, гликоген, ақуыздар, ацетилхолин және т.б. синтезін көтермелейді. Екі ион да жасуша жарғақшаларының поляризациясын демейді.

Препарат жүйке талшықтары бойымен импульстардың жүргізілуін, синапстық берілуді, бұлшықет жиырылуын, жүрек бұлшықетінің жұмысын реттейді. Магний иондары есебінен энергияның түсу және шығындалу үдерісіне қатысады, жарғақшалардың өткізгіштігін, нейробұлшықет өткізгіштігін, дезоксирибонуклеин және рибонуклеин қышқылдары синтезін, жасуша өсімін, жасушалардың бөлінуін, оттегінің сіңірілуін және фосфаттар синтезін қалпына келтіреді.

Қолданылуы

Кешенді ем құрамында қосымша зат ретінде калий мен магний тапшылығын жою үшін:

- жедел миокард инфарктісін қоса, ишемиялық жүрек ауруының түрлі көріністерінде

- созылмалы жүрек жеткіліксіздігінде

- жүрек ырғағының бұзылуында (жүрек гликозидтерінің артық дозалануынан туындаған аритмияларда)

Қолдану тәсілі және дозалары

Көктамыр ішіне баяу немесе тамшылатып.

Дозаны қолданылу көрсетіліміне байланысты жекелей белгілеу керек. Әдетте, тәулігіне 400 мл-ден инфузияға арналған ерітіндіні көктамыр ішіне 1 рет енгізуді немесе жекелей көтерімділігіне байланысты минутына 15-30 тамшы жылдамдықпен тәулігіне 200 мл-ден тәулігіне 1 - 2 рет қолданады.

Жүрекке хирургиялық араласу жасағанға дейін 7 күн бұрын және осындайдан соң 7 күн бойы күнделікті 400 мл препараттан енгізеді.

Жағымсыз әсерлері

Көктамыр ішіне тез енгізген кезде гиперкалиемия мен гипермагниемияның барлық симптомдары көрінуі мүмкін.

  • гиперкалиемия (жүрек айнуы, құсу, диарея, парестезия)

  • гипермагниемия (бет терісінің гиперемиясы, шөлдеу, брадикардия, артериялық қысымның төмендеуі, бұлшықет әлсіздігі, шаршау, парез, кома, арефлексия, тыныстың тарылуы, құрысулар)

Қолдануға болмайтын жағдайлар

- препаратқа және оның компоненттеріне аса жоғары сезімталдық

- гиперкалиемия

- гипермагниемия

- жедел және созылмалы бүйрек жеткіліксіздігі

- олигурия-анурия

- жедел метаболизмдік ацидоз

- бүйрекүсті бездері қыртысының жеткіліксіздігі

- кардиогенді шок

- артериялық гипотензия

- II және III дәрежелі атриовентрикулярлық блокада

- амин қышқылдары алмасуының бұзылуы

- гемолиз

- ауыр миастения

- дегидратация

- Аддисон ауруы

- 18 жасқа дейінгі балалар (тиімділігі мен қауіпсіздігі анықталмаған)

Сақтықпен

- бауыр функциясының айқын бұзылулары

- метаболизмдік ацидоз

- ісінулердің туындау қаупі

- созылмалы бүйрек жеткіліксіздігі – егер қан сарысуындағы магний мөлшерін ұдайы бақылап отыру мүмкін болмаған жағдайда (жинақталу қаупі, магнийдің уытты мөлшері)

- кардиогенді шок (систолалық артериялық қысым 90 мм с.б. аз)

- гипофосфатемия

- кальций, магний және аммоний фосфаты алмасуының бұзылуымен байланысты несептасты диатез

- I дәрежелі атриовентрикулярлық блокада

Дәрілермен өзара әрекеттесуі

Калий жинақтаушы диуретиктер (триамтерен, спиронолактон, амилорид), бета-адреноблокаторлар, циклоспорин, гепарин, ангиотензинөзгертуші фермент тежегіштері, қабынуға қарсы стероидты емес препараттар -

аритмия мен асистолияның дамуына дейін баратын гиперкалиемия даму қаупі.

Глюкокортикостероидтар туғызған гипокалиемияны басады.

Жүрек гликозидтерінің жағымсыз әсерлерін төмендетеді.

Құрамындағы магний иондары есебінен неомицин, полимиксин В, тетрациклин мен стрептомицин әсерін төмендетеді.

Анестетиктер магнийдің орталық жүйке жүйесіне бәсеңдеткіш әсерін күшейтеді.

Деполяризациялайтын миорелаксанттармен (атракурий безилатпен, декаметоний бромидпен, суксаметоний (хлоридпен, бромидпен, йодидпен)) туындаған жүйке-бұлшықет блокадасын күшейтуі мүмкін.

Кальцитриол қан плазмасында магний концентрациясын арттырады, кальций препараттары магний әсерін төмендетеді.

Ерітінді жүрек гликозидтерінің ерітінділерімен фармацевтикалық үйлесімді (олардың көтерімділігін жақсартады).

Айрықша нұсқаулар

Жүктілік және лактация

Препаратты анасы үшін күтілетін пайдасы ұрық пен бала үшін ықтималды қауіптен артатын жағдайда ғана препаратты жүктілік және лактация кезеңінде қолдануға болады. Лактация кезеңінде бала емізуді тоқтату туралы мәселені шешу керек. Аспаркам-L препаратын жүктілік және лактация кезінде қолдану қауіпсіздігі жеткілікті зерттелмеген.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың көлік құралдарын басқару және жоғары зейін шоғырландыру мен психомоторлық реакциялар жылдамдығын қажет ететін қауіптілігі зор қызмет түрлерімен айналысу қабілетіне әсер етуін бағалау жөніндегі зерттеулер жүргізілген жоқ.

Препаратты тек стационарда қолдану салдарынан деректер жоқ.

Артық дозалануы

Симптомдары: гиперкалиемия (брадикардия, аритмия, артериялық қысымның айқын төмендеуі, тамыр коллапсы, жүрек қызметінің диастолалық тоқтап қалуы – қан сарысуында калий деңгейі 6,0 ммоль/л-ден жоғары болғанда диастола кезіндегі жүректің тоқтап қалуы) және гипермагниемия (жүрек айнуы, құсу, тыныс алудың және орталық жүйке жүйесінің бәсеңдеуі).

Емі: препаратты қабылдауды тоқтату, кальций мен натрий препараттарын көктамыр ішіне енгізу. Бүйрек жеткіліксіздігі болғанда экстраренальді енгізуді гемодиализ немесе перитонеальді диализ арқылы жүзеге асыруға болады.

Шығарылу түрі және қаптамасы

Инфузияға арналған ерітінді.

200 мл немесе 400 мл препараттан резеңкеден жасалған тығынмен тығындалған және алюминий немесе біріктірілген қалпақшамен қаусырылған трансфузиялық және инфузиялық препараттардың қанға арналған шыны бөтелкелерінде.

200 мл-ден 20, 24 бөтелке немесе 400 мл-ден 12 бөтелке медициналық қолдану жөніндегі мемлекеттік және орыс тілдеріндегі нұсқаулықтың тең мөлшерімен бірге топтық қаптамаға - картоннан жасалған гофрланған жәшіктерге салады.

Сақтау шарттары

Жарықтан қорғалған жерде, 25 ˚С-ден аспайтын температурада сақтау керек.

Балалардың қолы жетпейтін жерде сақтау керек!

Бөтелкені тұмшалап сақтау кезінде препаратты мұздатып қатыру оны қолдануға қарсы көрсетілім емес.

Сақтау мерзімі

2 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Биосинтез» ААҚ, Ресей

440033, Пенза қ., Дружба к-сі, 4, тел/факс (8412) 57-72-49,

e-mail: certificate@biosintez.com

Тіркеу куәлігінің иесі

«Биосинтез» ААҚ, Ресей

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы

«Биосинтез» ААҚ, Ресей

440033, Пенза қ., Дружба к-сі, 4, тел/факс (8412) 57-72-49,

e-mail: certificate@biosintez.com

 

5

 

Прикрепленные файлы

823554241477976328_ru.doc 73 кб
919776671477977580_kz.doc 82.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники