Архимакс (1000 мг)

МНН: Меропенем
Производитель: Медокеми Лтд
Анатомо-терапевтическо-химическая классификация: Meropenem
Номер регистрации в РК: № РК-ЛС-5№121700
Период регистрации: 14.10.2015 - 14.10.2020
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Включено в Список ЛС в рамках ГОБМП, подлежащих закупу у Единого дистрибьютора
ЕД (Включено в Список ЛС в рамках ГОБМП, подлежащих закупу у Единого дистрибьютора)
Предельная цена закупа в РК: 5 813.61 KZT

Инструкция

Саудалық атауы

Архимакс

Халықаралық патенттелмеген атауы

Меропенем

Дәрілік түрі

Инъекция және инфузия үшін ерітінді дайындауға арналған ұнтақ, 500 мг

және 1000 мг

Құрамы

Бір құтының ішінде

белсенді зат - меропенем тригидраты 570.4 мг және 1140.8 мг

(500.00 мг және 1000.00 мг меропенемге баламалы)

қосымша зат - натрий карбонаты 103.8 мг және 207.6 мг

Сипаттамасы

Ақтан ақшыл-сары түске дейінгі кристалды ұнтақ.

Фармакотерапиялық тобы

Жүйелі қолдануға арналған бактерияларға қарсы препараттар.

Бета-лактамды басқа да бактерияларға қарсы препараттар. Карбапенемдер.

Меропенем.

АТХ коды J01DH02

Фармакологиялық қасиеттері

Фармакокинетикасы

Меропенемнің бір дозасын 30 минут ішінде көктамыр ішіне енгізу шамамен 250 мг дозасы үшін 11 мкг/мл, 500 мг дозасы үшін 23 мкг/мл және 1 г дозасы үшін 49 мкг/мл тең қан плазмасындағы ең жоғары концентрациясына әкеледі.

Әйтсе де, ең жоғары концентрациясына (Cmax) және фармакодинамикалық қисық астындағы ауданына (AUC) қатысты енгізілген дозаға байланысты абсолютті фармакокинетикалық пропорциональді тәуелділік жоқ. 250 мг-ден 2 г дейінгі дозалар үшін плазмалық клиренсінің 287-ден 205 мл/мин дейін азаюы байқалған.

Меропенемнің бір дозасының 5 минут ішінде көктамырішілік болюсты инъекциясы шамамен 500 мг дозасы үшін 52 мкг/мл және 1 г дозасы үшін 112 мкг/мл тең плазмадағы ең жоғары концентрациясына әкеледі

1 г препаратты көктамыр ішіне енгізгенде қан плазмасындағы ең жоғары концентрациясы 2 минут, 3 минут және 5 минут ішінде сәйкесінше 110, 91 және 94 мкг/мл құрады.

500 мг көктамыр ішіне енгізгеннен кейін 6 сағаттан соң қан плазмасындағы меропенемнің деңгейі 1 мкг/мл және төмен мәндерге дейін төмендейді.

Меропенемді 8 сағаттық аралықпен бүйректің қалыпты функциясымен емделушілерге бірнеше рет енгізгенде препараттың кумуляциясы байқалмайды. Бүйрек функциясы қалыпты емделушілерде жартылай шығарылу кезеңі шамамен 1 сағатты құрайды.

Қан плазмасының ақуыздарымен байланысуы шамамен 2%.

Мeропенемнің көктамырішілік дозасының 70% жуығы 12 сағат ішінде несеппен өзгермеген түрінде шығарылады, содан кейін несеппен аздаған экскрециялануы анықталады. 10 мкг/мл асатын несептегі меропенемнің концентрациясы, 500 мг дозаны енгізгеннен кейін 5 сағат ішінде демеліп тұрады. Бүйрек функциясы қалыпты еріктілерде әрбір 8 сағат сайын 500 мг немесе 6 сағат сайын 1 г енгізу режимінде меропеменің қан плазмасында және несепте жинақталуы байқалған жоқ.

Меропенемнің жалғыз метаболиті микробиологиялық белсенді емес.

Меропенем организмнің көптеген тіндері мен сұйықтықтарына, оның ішінде, көптеген бактерияларды басуға арналған қажеттіден асатын концентрацияға жетіп, бактериялық менингитпен науқастардың цереброспинальді сұйықтықтарына жақсы өтеді.

Меропенемнің балалардағы және ересектердегі фармакокинетикасы ұқсас. 2 жасқа дейінгі балаларда меропенемнің жартылай шығарылу кезеңі шамамен 1,5 - 2,3 сағат, 10 мг/кг - 40 мг/кг дозалар диапазонында дозаға байланыстылық байқалады.

Бүйрек жеткіліксіздігімен емделушілерде фармакокинетикасын зерттеу көрсеткендей, меропенемнің клиренсі креатинин клиренсімен өзара байланысты. Осындай науқастарда дозасын түзету керек.

Егде жастағы тұлғаларда фармакокинетикасын зерттеу, креатинин клиренсінің жасына байланысты төмендеуімен өзара байланысты меропенем клиренсінің төмендеуін анықтады.

Бауыр ауруларымен емделушілерде фармакокинетикасын зерттеу көрсеткендей, патологиялық өзгерістер деректері меропенемнің фармакокинетикасы әсер етпейді.

Фармакодинамикасы

Архимакс - парeнтеральді қолдануға арналған, карбапенемдер тобының антибиотигі, адамның дегидропептидаза-1-ге (ДГП-1) салыстырмалы тұрақты, ДГП-1 тежегішін қосымша енгізуді талап етпейді.

Архимакс бактериялардың жасушалық қабырғасының синтезіне әсер ету арқылы бактерицидті әсер білдіреді. Архимакстің аэробты және анаэробты бактерияларға қарсы бактерицидті әсері бактериялардың жасушалық қабырғасы арқылы өтуге жоғары қабілеттілігімен, -лактамазалардың көбіне жоғары дәрежедегі тұрақтылығымен және пенициллин байланыстыратын ақуыздарға (ПБА) айтарлықтай аффинділігімен түсіндіріледі. Ең төмен бактерицидті концентрациялары (ЕТБК) әдетте ең төмен тежейтін концентрациялары (ЕТТК) секілді. Бактериялардың тестіленген түрлерінің 76% үшін ЕТБК/ЕТТК арақатынасы 2-ге тең немесе одан төмен болды.

Архимакс қоздырғыштың сезімталдығын анықтайтын тестілерде тұрақты болды. Архимакс әртүрлі антибиотиктермен синергиялы әсер етеді. Сондай-ақ Архимакс пост-антибиотиктік әсер иеленген.

Архимаксқа сезімталдықтың жалғыз ұсынылатын критериилері препарат фармакокинетикасына және сәйкес қоздырғыштар үшін анықталатын аймақ диаметрі мен ЕТТК–клиникалық және микробиологиялық деректердің өзара байланысына негізделген.

 

Бағалау

әдісі

Қоздырғыш категориясы

Аймақ диаметрі (мм)

ЕТТК (мг/мл)

Сезімтал

 14

 4

Аралық

12-ден 13 дейін

8

Резистентті

 11

 16

Архимакстың антибактериальді белсенділігінің спектрі in vitro бактериялардың көптеген клиникалық мәні бар Грам-оң және Грам-теріс аэробты және анаэробты штаммдарын қамтиды, атап айтсақ:

Грам-оң аэробтар:

Staphylococcus epidermidis, Streptococcus agalactiae (B тобы), Streptococcus milleri (S. anginosus, S. constellatus және S. intermedius), Streptococcus pneumoniae, Streptococcus pyogenes (А тобы) қоса, Enterococcus фекальдік, Staphylococcus aureus (метициллинге сезімтал), Staphylococcus (метициллинге сезімтал)

Грам-теріс аэробтар:

Citrobacter freudii, Citrobacter koseri, Enterobacter aerogenes, Enterobacter cloacae, Escherichia coli, Haemophilus influenza, Klebsiella oxytoca, Klebsiella pneumonia, Morganella morganii, Neisseria meningitides, Proteus mirabilis, Proteus vulgaris, Serratia marcescens

Грам-оң анаэробтар

Clostridium Perfringens, Peptoniphilus asaccharolyticus, Peptostreptococcus түрлері (оның ішінде P. micros, P anaerobius, P. magnus)

Грам-теріс анаэробтар

Bacteroides caccae, Bacteroides fragilis,

Prevotella bivia тобы, Prevotella disiens.

Жүре пайда болған төзімділігі емдеуде қиындық туындатуы мүмкін микроорганизмдер түрлері

Enterococcus faecium, Acinetobacter species, Burkholderia cepacia, Pseudomonas aeruginosa

Табиғатында резистентті микроорганизмдер

Stenotrophomonas maltophilia, Legionella species

Басқа микроорганизмдер

Chlamydophila pneumoniae, Chlamydophila psittaci, Coxiella burnetii, Mycoplasma pneumoniae.

Қолданылуы

Көктамыр ішіне енгізуге арналған Архимакс балалар мен ересектерде меропенемге сезімтал бір немесе бірнеше қоздырғыштармен туындаған келесі жұқпаларды емдеуге арналған:

- пневмониялар, оның ішінде ауруханалық

- несеп шығару жолдарының жұқпалары

- іш қуысы жұқпалары

- гинекологиялық жұқпалар (эндометрит секілді) және кіші жамбас ағзаларының қабыну аурулары

- тері мен жұмсақ тіндердің асқынған жұқпалары

- жедел бактериялық менингит

- септицемия

- ересек емделушілерде фебрильді нейтропения симптомдарымен жұқпаларға күдік туғанда монотерапия түрінде немесе вирусқа қарсы немесе зеңге қарсы дәрілермен біріктірілімде эмпирикалық емде

- монотерапия ретінде немесе басқа антимикробты дәрілермен біріктірілімде полимикробты жұқпаларды емдеуде

- монотерапия ретінде немесе басқа антибактериалды дәрілермен біріктірілімде кистозды фиброзда (муковисцидозда) және төменгі тыныс жолдарының созылмалы жұқпаларында.

Қолдану тәсілі және дозалары

Дозалануы мен емнің ұзақтығы жұқпаның типі және ауырлығына, емделушінің жағдайына байланысты анықталуы керек.

Ұсынылатын тәуліктік дозалары:

500 мг-ден көктамыр ішіне әрбір 8 сағат ішінде пневмония, несеп шығару жолдары жұқпаларын, гинекологиялық жұқпаларды (эндометрит секілді), тері мен жұмсақ тіндердің асқынған жұқпаларын емдеуде.

Ауруханалық пневмонияда, перитонитте, нейтропения, сондай-ақ септицемия симптомдарымен науқастарда бактериялық жұқпаға күдік туындағанда 1 грамнан көктамыр ішіне әрбір 8 сағат сайын

Кистозды фиброзда (муковисцидозда) ұсынылатын дозасы әрбір 8 сағатта 2 гр дейінді құрайды.

Менингитті емдеуде ұсынылатын дозасы әрбір 8 сағатта 2 гр дейінді құрайды.

Бүйрек функциясының бұзылуында ересек емделушілерде дозалануы

Креатинин клиренсі 50 мл/минуттан кем емделушілерде дозасы келесідегідей азайтылуы керек:

Креатинин клиренсі (мл/мин)

Дозасы (ұсынылған дозалары

500 мг, 1 г, 2 г)

Енгізу жиілігі

26 - 50

толық доза

12 сағат сайын

10 - 25

дозаның ½ бөлігі

12 сағат сайын

< 10

дозаның ½ бөлігі

24 сағат сайын

Архимакс гемодиализде шығарылады, сондықтан Архимакспен ұзақ уақыт емделген жағдайда, қан плазмасындағы препараттың тиімді концентрациясын қалпына келтіру үшін, ұсынылған дозаны гемодиализ емшарасын аяқтағаннан кейін енгізу ұсынылады.

Бауыр функциясының бұзылуымен ересек емделушілерде дозалануы

Бауыр жеткіліксіздігімен науқастарда дозасын түзетудің қажеттігі жоқ.

Егде жастағы емделушілер

Бүйректің қалыпты функциясымен немесе креатинин клиренсі 50 мл/минуттан асатын егде жастағы емделушілерде дозаны түзету қажет етілмейді.

Балалар

3 айдан 12 жасқа дейінгі жастағы балалар үшін көктамыр ішіне енгізуге арналған ұсынылған дозасы аурудың типі мен ағымының ауырлығына, патогенді микроорганизмнің сезімталдығы және емделушінің жағдайына қарай әрбір 8 сағат сайын 10 - 20 мг/кг құрайды.

Салмағы 50 кг асатын балаларда ересектерге арналған дозаны қолдануға болады.

4-тен 18 жасқа дейінгі, кистозды фиброзбен (муковисцидозбен) зардап шегетін балаларда, төменгі тыныс жолдарының созылмалы жұқпаларының өршу кезеңінде әрбір 8 сағатта 25 мг/кг-ден 40 мг/кг дейінгі доза қолданылады.

Менингитте әрбір 8 сағатта ұсынылатын дозасы 40 мг/кг құрайды.

Препаратты бүйрек функциясының бұзылуымен, нейтропениямен, бастапқы немесе салдарлы иммунтапшылығымен емделушілерде педиатриялық тәжірибеде қолдану тәжірибесі жоқ.

Енгізу әдісі: Архимакс көктамырішілік болюсті инъекция түрінде кем дегенде 5 минут ішінде немесе, көктамырішілік инфузия түрінде 15-30 минут ішінде енгізіледі. Препаратты сәйкес инфузиялық сұйықтықтармен алдын ала сұйылтады.

Көктамыр ішіне болюсты инъекцияларға арналған Архимаксты инъекцияға арналған стерильді сумен (250 мг меропенемге 5 мл) сұйылту керек, бұл кезде препарат концентрациясы 50 мг/мл жуықты құрайды. Алынған ерітінді мөлдір түссіз немесе ақшыл-сары сұйықтық болып табылады.

Көктамырішілік инфузияға арналған Архимакс 50-ден 200 мл дейінгі көлемдегі сыйымды инфузиялық сұйықтықпен сұйылтылуы мүмкін. Архимакс келесі инфузиялық ерітінділермен сыйымды: 0,9% натрий хлоридінің ерітіндісі, 5% немесе 10% глюкоза ерітіндісі, 2.5% немесе 10% маннитол ерітіндісі.

Архимаксты сұйылтқанда антисептиканың стандартты режимін сақтау керек. Қолданар алдында сұйылтылған ерітіндіні сілкілеу керек. Барлық құтылар тек бір рет қолдануға арналған.

Көктамырішілік инъекция және инфузияға арналған ерітіндіні дайындалғаннан кейін дереу қолдану ұсынылады. Қажет болса, ерітіндіні бөлме температурасында 1 сағаттан асырмай сақтауға болады (60 минут). Архимакс ерітіндісін мұздатып-қатыруға болмайды.

Архимакс басқа препараттармен араластырылмауы немесе оларға қосылмауы керек.

Жағымсыз әсерлері

Жиі

- тромбоцитемия

- бас ауыруы

- жүректің айнуы, құсу, диарея, іштің ауыруы

- қан сарысуында аланинаминотрансфераза, аспартатаминотрансфераза, сілтілі фосфатаза, лактатдегидрогеназа және γ-глутамилтрансфераза концентрациясының жоғарылауы

- бөртпе, қышыну

- енгізу орнындағы қабыну және ауыру

Жиі емес

- ауыз қуысының кандидозы және қынаптық кандидоз

- эозинофилия, тромбоцитопения, лейкопения, нейтропения

- парестезиялар

- қан сарысуында билирубин концентрациясының жоғарылауы

- есекжем

- тромбофлебит

Сирек

- құрысулар

- агранулоцитоз

Өте сирек

- гемолитикалық анемия

- Квинке ісінуі, анафилаксияның біліністері

- жалғанжарғақшалы колит

- мультиформалы эритема, Стивенс-Джонсон синдромы және уытты эпидермальді некролиз

- анорексия

- жоғары қозғыштық, ажитация, мазасыздану, депрессия,

елестеулер, үрейлену, ұйқысыздық

- шеткергі ісінулер, дизурия, гематурия, бүйрек функциясының бұзылуы

- қайтымды тромбоцитоз, эозинофилия, тромбоцитопения, лейкопения

- Квинке ісінуі

- құрысулар

- эпилептиформалы ұстамалар

- холестатикалық гепатит, гипербилирубинемия, сарғаю

- жүректің тоқтап қалуы, жүрек жеткіліксіздігі, тахикардия, брадикардия,

ентігу, АҚ төмендеуі немесе жоғарылауы, миокард инфарктісі, өкпе артериясының тромбоэмболиясы

Қолдануға болмайтын жағдайлар

- меропенемге немесе қосымша затына аса жоғары сезімталдық

- бета-лактамды антибиотиктерге белгілі жоғары сезімталдық

(сыртартқысында - анафилактикалық реакциялар)

- 3 айға дейінгі балаларға (емделушілердің аталған тобы үшін тиімділігі мен қауіпсіздігі зерттелген жоқ).

- жүктілік және лактация кезеңі

Сақтықпен: асқазан-ішек ауруларында (әсіресе колитте) әлеуетті нефроуытты препараттармен бір мезгілде тағайындау

Дәрілермен өзара әрекеттесуі

Пробенецид белсенді өзекшелік сөлініске, бүйрек экскрециясын тежеп, қан плазмасындағы меропенемнің концентрациясы мен жартылай шығарылу кезеңінің жоғарылауын туындатып меропенеммен бәсекелеседі, сондықтан оларды бір мезгілде енгізуге болмайды.

Меропенем қан сарысуында вальпрой қышқылының деңгейін төмендетуі мүмкін. Антибиотиктерді варфаринмен бір мезгілде қолдану оның антикоагулянттық әсерін арттыруы мүмкін.

Меропенемді басқа препараттарды қабылдау кезінде қабылдау жағымсыз фармакологиялық өзара әрекеттесудің дамуымен жүрген жоқ. Әйтсе де болуы мүмкін дәрілік өзара әрекеттесу туралы арнайы деректер жоқ.

Айрықша нұсқаулар

Архимаксты монотерапия ретінде қолданғанда, сондай-ақ басқа бактерияларға қарсы препараттарды қолданғанда, Pseudomonas aeruginosa туындаған төменгі тыныс жолдарының анықталған жұқпаларында немесе оған күдік туғанда ауыр жағдайдағы емделушілерге, осы антибиотикке сезімталдыққа ұдайы тест жүргізу және оны қолданғанда сақ болу ұсынылады.

Архимаксті қолданғанда, сондай-ақ іс жүзінде барлық бактерияларға қарсы препараттарды қолданғанда, сирек жағдайларда жалғанжарғақшалы колиттің дамуы байқалды, ол ауырлығына қарай жеңілден өмірге қауіп төндіретін түрлеріне дейін ауытқуы мүмкін. Сондықтан асқазан-ішек жолдарының ауруларымен, әсіресе колиттермен емделушілерге бактерияларға қарсы препараттар айрықша сақтықпен тағайындалуы керек. Архимакс препаратын енгізу аясында диарея дамыған жағдайда "жалғанжарғақшалы колит" диагнозын ескеру керек. Зерттеулер көрсеткендей, Clostridium difficile өндіретін токсин антибиотикті қабылдаумен байланысты, колиттердің негізгі себебтерінің бірі болып табылса да басқа себептерді ескеру керек.

Сыртартқысында карбапенемге пенициллиндерге немесе басқа бета-лактамды антибиотиктерге аса жоғары сезімталдығы бар емделушілерде меропенемге де жоғары сезімталдық байқалуы мүмкін. Архимакспен емді бастар алдында сыртартқысындағы бета-лактамды антибиотиктерге аса жоғары сезімталдық реакциясының барына ерекше көңіл бөліп, емделушіні мұқият сұрап тексеру керек. Архимакс сыртартқысында осындай құбылыстар бар емделушілерде сақтықпен қолданылуы керек. Егер Архимаксқа аллергиялық реакция байқалса, онда препаратты енгізуді тоқтату және сәйкес шаралар қолдану керек.

Архимаксті бауыр ауруларымен емделушілерде қолдану трансаминазалар мен билирубин деңгейін мұқият бақылаумен жүргізілуі керек.

Басқа антибиотиктерді қолдану жағдайындағыдай сезімтал емес микроорганиздердің күшті өсуі мүмкін, осыған байланысты емнің тиімділігін үнемі бақылау керек.

Метициллин-резистентті стафилококкпен туындаған жұқпаларда препаратты қолдану ұсынылмайды.

Жүктілік және лактация

Архимаксті әйелдерде жүктілік кезінде қолданудың қауіпсіздігі зерттелген жоқ. Архимаксті жүктілік кезінде оны қолданудың анасы үшін потенциальді артықтығы ұрық үшін болжамды қаупінен жоғары болған жағдайларды қоспағанда қолдануға болмайды. Препарат әрбір жағдайда дәрігердің тікелей бақылауымен қолданылуы керек.

Архимакс емшекпен қоректендіретін әйелдерде оны қолданудың анасы үшін потенциальді артықтығы ұрық үшін болжамды қаупінен жоғары болған жағдайларды қоспағанда қолдануға болмайды. Препаратты лактация кезінде қолдану қажет болғанда емшекпен қоректендіруді тоқтату туралы мәселені шешу керек.

Педиатрияда қолданылуы

3 айға дейінгі жастағы балаларда препараттың тиімділігі мен көтерімділігі бағаланған жоқ, осыған байланысты препаратты аталған жас тобында қолдануға болмайды. Препаратты бауыр және бүйрек функцияларының бұзылуымен балаларда қолдану тәжірибесі жоқ.

Дәрілік заттың көлік құралдарын немесе әлеуетті қауіпті механизмдерді басқару қабілетіне әсер ету ерекшеліктері

Емді жүргізу кезінде құрысулар, елестеулер секілді жағымсыз әсерлердің даму мүмкіндігін ескеріп көлік құралдарын немесе әлеуетті қауіпті механизмдерді басқару кезінде сақтық шараларын сақтау керек.

Артық дозалануы

Емделу кезінде әсіресе бүйрек функциясының бұзылуымен емделушілерді емдеуде кездейсоқ артық дозалануы мүмкін.

Симптомдары: жағымсыз әсерлерінің күшеюі.

Емі: белгісіне қарай.

Бүйрек функциясының бұзылуымен емделушілерде гемодиализ тиімді.

Шығарылу түрі және қаптамасы

500 мг дозамен препарат сыйымдылығы 20 мл және 1000 мг дозамен препарат сыйымдылығы 30 мл резеңке тығынмен тығындалған және алюминий қалпақшамен қаусырылған түссіз шыныдан жасалған құтыларға салынған.

10 немесе 100 құтыдан медицинада қолданылуы жөніндегі мемлекеттік және орыс тіліндегі нұсқаулықпен бірге картоннан жасалған қорапшаға салынған.

Сақтау шарттары

Түпнұсқалық қаптамасында, құрғақ, жарықтан қорғалған жерде, 250С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл.

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Mедокеми Лтд», КИПР

Тіркеу куәлігінің иесі

«Медокеми Лтд», КИПР

Тұтынушылардан өнім (тауар) сапасы жөніндегі шағымдарды Қазақстан Республикасы аумағында қабылдайтын ұйымның мекенжайы:

Қазақстан Республикасындағы «Медокеми Лтд» өкілдігі

Алматы қ-сы, Мұқанов к-сі 241, кеңсе 1Б, тел/факс: 313-73-76

E-mail : medochemie@mail.ru

 

 

Прикрепленные файлы

164491791477976371_ru.doc 84 кб
872216191477977568_kz.doc 122.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники