Артрокол (гель 2.5%)
Инструкция
-
русский
-
қазақша
Саудалық атауы
Артрокол
Халықаралық патенттелмеген атауы
Кетопрофен
Дәрілік түрі
2,5 % 45 г гель
Құрамы
100 г гельдің құрамында
белсенді зат - 2,5 г кетопрофен,
қосымша заттар: карбомер 980, троламин, этанол 96%, метилпарагидроксибензоат, тазартылған су.
Сипаттамасы
Біртекті мөлдір гель
Фармакотерапиялық тобы
Тірек-қозғалыс аппараты ауруларын жергілікті емдеуге арналған препараттар. Жергілікті қолдануға арналған қабынуға қарсы стероидты емес препараттар. Кетопрофен
АТХ коды М02АА10
Фармакологиялық қасиеттері
Фармакокинетикасы
Гель түрінде жергілікті қолданған кезде сіңуі айтарлықтай баяу және организмде іс жүзінде жинақталмайды. Гель түрінде кетопрофеннің биожетімділігі шамамен 5% құрайды, ол оның организмге жергілікті әсер етуінің сипатына және жүйелі әсерінің болмауына ықпал етеді.
Фармакодинамикасы
Кетопрофен – қабынуға қарсы стериодты емес дәрі, пропион қышқылы тобының туындысы. Әсер ету механизмі простагландиндер синтезін тежеуімен байланысты. Жергілікті ауыруды басатын, қабынуға қарсы, антиэкссудативті әсері бар.
Қолданылуы
- тірек-қозғалыс аппараты ауруларында (подагра өршіген кездегі буын синдромында, ревматоидты артритте, псориатикалық артритте, шорбуынданған спондилоартритте, әртүрлі орналасудағы остеоартрозда, остеохондрозда, байламдардың, сіңірдің қабынып зақымдануында, бурситте, ишиаста, люмбагода)
- шығу тегі ревматикалық және ревматикалық емес миалгияда
- жұмсақ тіндердің және тірек-қозғалыс аппаратының жарақаттан кейінгі қабынуында (асқынбаған жарақаттарды белгісіне қарай емдеу, оның ішінде спорттық, шығып кетулер, байламдардың және сіңірлердің созылуы немесе үзілуі, соғылулар, жарақаттан кейін ауырулар)
Қолдану тәсілі және дозалары
Препарат сыртқа қолдануға арналған.
Гельдің аздаған мөлшерін (бағана ұзындығын 3 – 5 см) ауырған және қабынған учаскелерге тәулігіне 1-2 рет жағып, бірнеше минут бойы теріге ысқылау керек.
Дәрігердің кеңесінсіз емдеу курсының ұзақтығы 7 күннен аспауы керек.
Жағымсыз әсерлері
Жиі:
- елеусіз аллергиялық реакциялар және терінің қызаруы, тері бөртпесі
- фотосенсибилизация
Өте сирек:
- жүрек айнуы, құсу, іш қатуы, іштің ауыруы
- асқазан-ішектен қан кетулер, пептикалық ойық жаралар, диарея
- өткерген бүйрек жеткіліксіздігінің асқынуы, интерстициальді нефрит
- терінің ауыр қабынбалы реакциялары (жанаспалы дерматит), буллезді дерматит
- бас ауыруы, бас айналуы, ұйқышылдық
- демікпе ұстамасы (аспиринді демікпе)
- тері экземасы
- пурпура
Қандай да бір жағымсыз әсерлер пайда болған кезде препаратты қолдануды тоқтатып және дәрігерге көріну керек
Қолдануға болмайтын жағдайлар
- препарат компоненттеріне, ацетилсалицил қышқылына немесе басқа ҚҚСД (оның ішінде сыртартқысында) жекелеген жоғары сезімталдық
- 15 жасқа дейінгі балалар
- жүктілік және лактация кезеңі
- сыртартқысында аллергиялық ауруларға және бронхтық демікпеге бейімділік немесе салицилаттарды қабылдауға аллергиялық реакциялар бар болғанда
- гель терінің зақымданған жерлеріне жағылмауы тиіс (экзема, суланған дерматит, ашық немесе жұқпаланған жаралар)
- күн сәулесімен немесе ультракүлгін сәулесімен сәулелену (емдеу кезеңінде немесе оны тоқтатқаннан кейін 2 апта бойы)
Дәрілермен өзара әрекеттесуі
Гельдің басқа дәрілік заттармен өзара әрекеттесуі жөнінде хабарлар болған жоқ. Сонда да кумаринді препараттарды қабылдап жүрген емделушілерді мұқият бақылау ұсынылады, өйткені қабынуға қарсы стериодты емес препараттар гипопротромбинемиялық әсерді және ішке қабылданатын антикоагулянттармен бірге қолданған кезде қан кету қаупін күшейтуі мүмкін.
Айрықша нұсқаулар
Гельді экзема немесе акне секілді патологиялық өзгерісі бар тері учаскелеріне; не болмаса терінің жұқпаланған жерлері немесе ашық жараларға жағуға болмайды. Гельді шырышты қабықтарға немесе көзге тигізбеуге тырысу керек. Гельді жаққаннан кейін сол сәтте қолды жуу керек. Препаратты окклюзиондық (ауа өткізбейтін) таңғыштармен қолдану ұсынылмайды.
Ішу арқылы қабылданғанға қарағанда гель пішінінде кетопрофенді пайдаланғаннан кейін плазмалық концентрацияның қаншама төмен екендігіне қарамастан, сыртартқысында асқазан-ішек жолының ойық жара ауруы, бүйрек және бауыр жеткіліксіздігі бар, сондай-ақ кумаринді антикоагулянттар алып жүрген науқастарға препаратты тағайындаған кезде абай болу керек. Препаратты теріге жаққаннан кейін бөртпелер пайда болса, оны қолдануды тоқтату үшін негіз болып табылады.
Емдеу кезінде және емдеуден кейін 2 апта бойы күн сәулесінің тікелей түсуінен, оған қоса солярийден аулақ болған жөн.
Жүктілік және лактация кезеңі
Препаратты жүктілік кезінде қолдануға болмайды, өйткені ҚҚСД гестационды кезеңді ұзартуы, Боталлов түтігінің ерте жабылуы мен жаңа туғандарда және лактация кезеңінде өкпе гипертензиясын туындатуы мүмкін.
Дәрілік заттың көлік құралын немесе қауіпті механизмдерді басқару қабілетіне ықпал ету ерекшеліктері
Препараттың көлікті жүргізу және механизмдерді басқару қабілетіне ықпал етуі жөнінде деректер жоқ.
Артық дозалануы
Симптомдары: тітіркену, эритема, қышыну.
Емі: ағынды судың астында теріні мұқият жуу, препаратты тоқтату, белгісіне қарай емдеу керек.
Шығарылу түрі және қаптамасы
Ішкі жабыны лакпен жабылған алюминий сықпада 45 г-ден.
Әрбір сықпа медицинада қолданылуы жөнінде мемлекеттік және орыс тілдеріндегі нұсқаулықпен бірге картоннан жасалған пәшкеге салынған.
Сақтау шарттары
150 С-ден 250 С-ге дейінгі температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
К.О. «Славия Фарм С.Р.Л.», Бульвар Теодор Паллади №44С, сектор 3, Бухарест, Румыния
S.C. “Slavia Pharm S.R.L.”, Theodor Pallady 44C, district 3, Bucharest, Romania.
Сауда белгісінің және тіркеу сертификатының иесі «УОРЛД МЕДИЦИН», Ұлыбритания (“WORLD MEDICINE”, Great Britain). компаниясы болып табылады.
Тіркеу куәлігінің иесі
Қазақстан Республикасы аумағында тұтынушылардан өнімнің (тауардың) сапасы жөнінде шағымдарды қабылдайтын ұйымның мекенжайы:
ҚР, Алматы қ. Сүйінбай д-лы, 222 Б,
Тел/факс: 8(7272) 529090