Арбидол® (100 мг)
Инструкция
-
русский
-
қазақша
Саудалық атауы
Арбидол®
Халықаралық патенттелмеген атауы
Умифеновир
Дәрілік түрі
Капсулалар 100 мг
Құрамы
Бір капсуланың құрамында
белсенді зат: 100 мг умифеновир (умифеновир гидрохлоридінің моногидраты умифеновир гидрохлоридіне шаққанда),
қосымша заттар: картоп крахмалы, микрокристалды целлюлоза, коллоидты кремнийдің қостотығы (аэросил), повидон (коллидон 25), кальций стеараты,
капсула қабығының құрамы: титанның қостотығы (Е 171), хинолинді сары бояғыш (Е 104), күн батар түстес сары бояғыш (Е 110), сірке қышқылы, желатин.
Сипаттамасы
Қақпақшасы сары түсті, ақ түсті №1 капсулалар. Капсуланың құрамында – құрамында түйіршіктері және ақ немесе жасылдау-сары ақтан ақшыл сары немесе жасылдау реңді ақшыл-сары түске дейінгі ұнтағы бар қоспа.
Фармакотерапиялық тобы
Вирусқа қарсы жүйелік қолдануға арналған препараттар. Вирусқа қарсы басқа да препараттар.
АТХ коды J05AX
Фармакологиялық қасиеттері
Фармакокинетикасы
Умифеновир ағзалар мен тіндерге жылдам сіңеді және таралады. Қан плазмасындағы ең жоғары концентрациясына 100 мг дозада қабылдағанда 1,5 сағаттан соң жетеді. Бауырда метаболизденеді. Жартылай шығарылу кезеңі 17-21 сағатқа тең. 40%-ға жуығы өзгермеген түрде, негізінен өтпен (38,9%) және аздаған мөлшері бүйрекпен (0,12%) шығады. Алғашқы тәулік ішінде енгізілген дозаның 90%-ы шығарылады.
Фармакодинамикасы
Арбидол® - әсер ету ауқымы кең вирусқа қарсы дәрі. А және В тұмау вирусын, ауыр жедел респираторлы синдроммен (АЖРС) астасқан коронавирусты спецификалық басады. Вирустарға қарсы механизм бойынша қосылу (фузия) тежегіштеріне жатады, вирустың гемагглютининімен өзара әрекеттеседі және вирус пен жасуша жарғақшасының липидті қабықшасының қосылуына кедергі етеді. Орташа иммуномодуляциялаушы әсер етеді, организмнің вирус жұқпаларына төзімділігін арттырады. Интерферон индукциялаушы белсенділікке ие -тышқандарға зерттеулерде интерферондар индукциясы 16 сағаттан кейін-ақ байқалған, ал интерферондардың жоғары титрлері енгізгеннен соң 48 сағатқа дейін сақталған. Иммунитеттің жасушалық және гуморальді реакцияларын көтермелейді: қанда лимфоциттердің, әсіресе Т-жасушаларының (СD3) санын арттырады, Т-хелперлер (CD4) санын Т-супрессорлар (CD8) деңгейіне әсерін тигізбестен жоғарылатады, иммунреттегіш индексті қалыпқа түсіреді, макрофагтардың фагоцитарлық функциясын көтермелейді және табиғи киллерлер (NK-жасушалар) санын арттырады. Организмнің вирустық жұқпаларға төзімділігін жоғарылатады.
Вирустық жұқпа кезінде емдік тиімділігі аурудың және оның негізгі симптомдары ағымының ұзақтығы мен ауырлығын азайтуда, сондай-ақ вирустық жұқпамен байланысты асқынулардың даму жиілігін және созылмалы бактериялық аурулардың өршуін төмендетуде байқалады.
Уыттылығы аз препараттарға жатады (LD50 >4 г/кг). Ұсынылған дозада ішу арқылы қабылдаған кезде адам организміне қандай да бір жағымсыз әсері жоқ.
Қолданылуы
Ересектерде алдын алу және емдеуде:
- А және В тұмауы, басқа да ЖРВЖ, жедел ауыр респираторлық синдромда (ЖАРС) (оның ішінде бронхитпен, пневмониямен асқынған);
- екіншілік иммунтапшылық жағдайларда;
Созылмалы бронхитті, пневмония және қайталанатын герпесті жұқпаларды кешенді емдеу.
Операциядан кейінгі жұқпалы асқынулардың алдын алу.
Қолдану тәсілі және дозалары
Ішке, тамақтануға дейін.
Ересектерде тұмау және басқа да ЖРВЖ спецификалық емес алдын алуы мен емдеуге:
Спецификалық емес алдын алу:
Тұмау және басқа да ЖРВЖ эпидемиясы кезеңінде спецификалық емес алдын алуға: 200 мг тәулігіне екі рет 3 апта бойы.
Тұмау және басқа да ЖРВЖ науқастарымен тікелей қатынас кезінде: 200 мг күніне бір рет 10-14 күн бойы.
Тұмау және басқа да ЖРВЖ емдеу:
-
асқынбаған ағымы кезінде: 200 мг тәулігіне 4 рет (әр 6 сағат сайын) 5 тәулік бойы.
-
асқынулар дамуы кезінде (бронхит, пневмония және т.б.): ересектерге – 200 мг тәулігіне 4 рет (әр 6 сағат сайын) 5 тәулік бойы, содан соң бір реттік дозаны аптасына 1 рет 4 апта бойы.
Жедел ауыр респираторлық синдромының (ЖАРС) спецификалық емес алдын алуы мен емдеуге:
ЖАРС спецификалық емес алдын алу мен емдеуге (науқастармен қатынас болғанда): 200 мг күніне бір рет.
ЖАРС емдеуге: 200 мг күніне 2 рет 8-10 тәулік бойы.
Созылмалы бронхитті, герпестік жұқпаны кешенді емдеуде:
200 мг тәулігіне 4 рет (әр 6 сағат сайын) 5-7 тәулік бойы, содан соң бір реттік дозаны аптасына 2 рет 4 апта бойы.
Операциядан кейінгі жұқпалы асқынулардың алдын алу:
2 тәулік бұрын 200 мг операцияға дейін, содан соң операциядан кейінгі 2 және 5 тәулікте.
Бір реттік доза – 200 мг.
Ең жоғары тәуліктік доза – 800 мг.
Жағымсыз әсерлері
Сирек (жиілігі 1/10 000-1/1000 дейін)
– аллергиялық реакциялар: тері бөртпесі, қышыну
Қолдануға болмайтын жағдайлар
- препарат компоненттеріне жоғары сезімталдық
- 18 жасқа дейінгі балалар мен жасөспірімдерге
- жүктілік және лактация кезеңі
Дәрілермен өзара әрекеттесуі
Басқа да дәрілік заттармен тағайындаған кезде жағымсыз әсерлер байқалмаған.
Айрықша нұсқаулар
Арбидол® жүрек-қантамыр жүйесі, бауыр мен бүйрек аурулары бар науқастарға сақтықпен тағайындаған жөн.
Орталық нейротропты белсенділік байқатпайды және медициналық тәжірибеде профилактикалық мақсаттарда, оның ішінде жоғары зейін қою мен қозғалыс үйлесімділігін қажет ететін (көлік жүргізушілері, операторлар және т.б.) әр түрлі кәсіптегі іс жүзінде дені сау адамдарға қолданылуы мүмкін.
Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері
Препаратты емдік дозада механизмдермен жұмыс істейтін адамдарға, автокөлік жүргізушілеріне қолдануға болады.
Артық дозалануы
Симптомы – артық дозалану жағдайлары байқалмаған.
Емі – симптоматикалық (артық дозалануы туындаған жағдайда).
Шығарылу түрі және қаптамасы
Поливинилхлоридті үлбірден және лакталған баспалы алюминий фольгадан жасалған пішінді ұяшықты қаптамада 10 капсуладан.
1, 2 немесе 4 пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапшада.
Сақтау шарттары
25 ºС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін препаратты пайдалануға болмайды.
Дәріханалардан босатылу шарттары
Рецептісіз
Өндіруші
«Фармстандарт-Лексредства» ААҚ,
305022, Ресей, Курск қ., 2-ші Агрегатная к-сі, 1а/18
Тіркеу куәлігінің иесі
«Отисифарм» ЖАҚ,
123317, Ресей, Мәскеу қ., Тестовская к-сі, 10 үй
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:
"Қарағанды фармацевтикалық кешені" ЖШС,
100009, Қазақстан Республикасы, Қарағанды, Ботаникалық к-сі, 12 үй
Тел/факс: +7 (7212) 437002, Тел: + 7 (7212) 507322
E-mail: kphk@kphk.kz