Апиксабан NOBEL® (Апиксабан)

Апиксабан NOBEL®

Апиксабан

Үлбірлі қабықпен қапталған таблеткалар, 2,5 мг және 5 мг

Қан және қан түзу ағзалары. Тромбозға қарсы препараттар. Ха факторының тікелей тежегіштері. Апиксабан.

АТХ коды B01AF02

Апиксабан NOBEL® 2,5 мг және 5 мг

• жүрекшелердің клапандық емес фибрилляциясы (ЖКЕФ) бар, осының алдында болған инсульт немесе транзиторлық ишемиялық шабуыл (ТИШ), 75 жас және одан үлкен жас шамасы, артериялық гипертензия, қант диабеті, жүректің созылмалы жеткіліксіздігі NYHA бойынша (Нью-Йорк кардиология қауымдастығының жіктемесі бойынша) II-IV ФК сияқты бір немесе бірнеше қауіп факторы бар ересек пациенттердегі инсульт пен жүйелі эмболияның профилактикасы

• ересектердегі терең веналар тромбозы (ТВТ) мен өкпе артериясының тромбоэмболиясын (ӨАТЭ) емдеу, сондай-ақ, қайталанатын ТВТ мен ӨАТЭ профилактикасы (ӨАТЭ бар гемодинамикалық тұрақсыз пациенттер үшін 4.4 бөлімін қараңыз)

Апиксабан NOBEL® 2,5 мг

• ересек пациенттерде ұршық немесе тізе буынын жоспарлы эндопротездеуден кейінгі венаның тромбоэмболиялық асқынуларының (ВТА) профилактикасы

Дәрілік препаратты қолданудың басталуына дейінгі қажетті мәліметтер тізбесі

• апиксабанға немесе осы дәрілік препараттың кез келген басқа компоненттеріне жоғары сезімталдық

• клиникасы айқын белсенді қан кету

• қан кету қаупінің жоғарылығымен және коагулопатиямен байланысты бауыр ауруы

• қазіргі немесе жақында болған асқазан-ішек ойық жарасы, қан кету қаупі жоғары қатерлі ісіктің болуы, мидың немесе жұлынның жақында жарақаттануы, миға жақында жасалған операция сияқты үлкен қан кету қаупімен байланысты зақымданудың немесе жағдайдың болуы, жұлын немесе көздер, жақында интракраниальды қан кетулер, белгілі немесе күдікті өңештің варикоздары, артериовенозды тамырлардың ақаулары, тамырлардың аневризмасы немесе үлкен омыртқаішілік немесе церебральды тамырлардың патологиялық жағдайлары

• кез келген басқа антикоагулянттармен, мысалы, фракциялық емес гепаринмен (ФЕГ), төмен молекулалық салмақты гепариндермен (эноксапарин, далтепарин және т.б.), гепарин туындыларымен (фондапаринукс және т.б.), пероральді антикоагулянттармен (варфарин, ривароксабан, дабигатран және т.б.) бір мезгілде қолдану), апиксабан терапиясына ауысу немесе емдеуден басқа жағдайларда, орталық веноздық немесе артериялық катетердің өткізгіштігін қамтамасыз ету үшін қажетті дозаларда ФЕГ енгізілгенде немесе жүрекшелердің фибрилляциясына байланысты катетер абляциясы кезінде ФЕГ пайдаланылғанда

• тұқым қуалайтын галактозаны көтере алмаушылық, Лапп лактаза тапшылығы немесе глюкоза-галактоза мальабсорбциясы синдромы

• жүктілік

• 18 жасқа дейінгі балалар мен жасөспірімдер

Қолдану кезінде қажетті сақтық шаралары

Қан кету қаупі

Басқа антикоагулянттармен жағдайдағы сияқты, қан кету белгілерін анықтау үшін, Апиксабан NOBEL® қабылдап жүрген пациенттерді мұқият қадағалау қажет. Қан кету қаупінің жоғарылығымен байланысты жай-күйлерде препаратты сақтықпен қолдану ұсынылады. Қатты қан кету жағдайында, Апиксабан NOBEL® қабылдауды тоқтату керек.

Апиксабанмен емдеу оның қандағы концентрациясын тұрақты түрде мониторингілеуді қажет етпесе де, кейде, апиксабанның әсері жөніндегі деректер клиникалық шешімдерді қабылдауға ықпалын тигізуі мүмкін бірлі-жарым жағдайларда, мысалы артық дозалануы және шұғыл операциялық араласу кезінде калибрлегіш сандық талдаудың көмегімен анти-Ха-факторлық белсенділігіне талдау жүргізіп тұрған дұрыс болуы мүмкін.

Апиксабанның анти-Ха-факторлық белсенділігін бейтараптандыруға қабілетті препарат бар.

Гемостазға ықпал ететін басқа дәрілік препараттармен өзара әрекеттесуі

Қан кету қаупінің жоғарылығына орай, кез келген өзге антикоагулянттармен үйлестіріп қолдану қарсы көрсетілімді.

Апиксабан NOBEL® тромбоцитке қарсы препараттармен бір мезгілде қабылдау қан кету қаупін арттырады.

Серотонинді кері қармаудың селективті тежегіштерін (СКҚСТ), немесе серотонин-норэпинефринді кері қармаудың селективті тежегіштерін (СНКҚСТ), немесе ацетилсалицил қышқылын қоса, қабынуға қарсы стероидты емес дәрілерді бір мезгілде қабылдап жүрген пациенттерде емдеуді абайлап жүргізу қажет.

Хирургиялық араласымнан кейін тромбоциттер агрегациясының басқа тежегіштерін Апиксабан NOBEL® препаратымен бір мезгілде қолдану ұсынылмайды.

Жүрекшелер фибрилляциясы және тромбоцитке қарсы бір немесе екі дәрімен емдеуді талассыз талап ететін жай-күйлері бар пациенттер үшін Апиксабан NOBEL® препаратымен осындай емді үйлестіру алдында ықтимал пайдасы мен қаупінің арақатынасын мұқият бағалау керек.

Фибрилляциясы бар пациенттердегі клиникалық зерттеуде АСҚ қосу апиксабанды қабылдау кезіндегі мол көлемде қан кету қаупін жылына 1,8 %-дан жылына 3,4 %-ға дейін, варфаринді қабылдау кезінде жылына 2,7 %-дан жылына 4,6 %-ға дейін арттырады. Осы клиникалық зерттеуде тромбоцитке қарсы қосарлы емнің бір мезгілде пайдаланылуы шектеулі болды (2,1%).

ЖКС-мен жүретін жүрекшелер фибрилляциясы бар және/немесе ТКА бастан өткерген, P2Y12 тежегішімен, АСҚ-мен немесе онсыз, және пероральді антикоагулянтпен (апиксабан немесе К дәруменінің антагонисі - КДА) 6 ай бойы емдеу кезеңі жоспарланған пациенттердегі клиникалық зерттеуде. Апиксабанды қабылдаған пациенттерде ACҚ бір мезгілде қабылдау Тромбоз және гемостаз жөніндегі Халықаралық қоғамның (International Society on Thrombosis and Haemostasis — ISTH) критерийлері бойынша ауқымды қан кетулердің немесе клиникалық тұрғыдан елеулі ауыр емес қан кетулердің (КЕШҚК) туындау қаупін жылына 16,4%-дан жылына 33,1%-ға дейін арттырды.

Жүректің көптеген қатарлас ауруларымен және жүрек-қантамырлық емес аурулармен сипатталатын, жүрекшелер фибрилляциясынсыз жедел коронарлық синдромнан кейін даму қаупі жоғары, АСҚ немесе клопидогрелмен ірге АСҚ қабылдаған пациенттермен жүргізілген клиникалық зерттеуде, плацебомен (жылына 2,04%) салыстырғанда, апиксабан жағдайындағы қан кету қаупінің едәуір жоғарылағаны (жылына 5,13%) байқалды.

Жедел ишемиялық инсультті емдеу үшін тромболитикалық дәрілерді қолдану

Апиксабанды қабылдап жүрген пациенттерде жедел ишемиялық инсультті емдеу үшін тромболитикалық препараттарды қолдану тәжірибесінің жинақталуы айтарлықтай елеусіз.

Жүректің жасанды клапандары бар пациенттер

Жүрекшелердің фибрилляциясымен немесе онсыз, жүректің жасанды клапандары бар пациенттердегі Апиксабан NOBEL® қауіпсіздігі мен тиімділігі зерттелген жоқ. Осыған байланысты, Апиксабан NOBEL аталған топтағы пациенттерде қолдану ұсынылмайды.

Антифосфолипидтік синдромы бар пациенттер

Тікелей әсер ететін пероральді антикоагулянттар (ТӘПА), соның ішінде апиксабан, анамнезінде тромбозы бар, антифосфолипидтік синдром диагнозы қойылған пациенттерде қолдану үшін ұсынылмайды. Атап айтқанда, антифосфолипидтік синдромға (жегілік антикоагулянтқа жүргізілген талдаулар, кардиолипинге антиденелер және I типті бета-2-гликопротеинге антиденелер) жүргізілген үш талдаудың нәтижелері оң болған пациенттерде, К дәруменінің антагонистерімен емдеумен салыстырғанда, ТӘПА емі қайталанатын тромбоз құбылыстарының туындау жиілігінің артуына алып келуі мүмкін.

Хирургиялық араласымдар және инвазиялық емшаралар

Апиксабан NOBEL® қабылдауды жоспарлы операцияға немесе қан кетудің орташа немесе жоғары қаупімен байланысты инвазиялық емшараға дейін кемінде 48 сағат бұрын тоқтату керек. Бұған клиникалық тұрғыдан маңызды қан кету ықтималдығы жоққа шығарылмайтын немесе қан кету қаупі қолайсыздық туғызатын араласымдар жатады.

Қан кету қаупі төмен жоспарлы операциялар немесе инвазиялық емшаралар алдында Апиксабан NOBEL® қабылдауды кемінде 24 сағаттан кешіктірмей тоқтату керек. Оған орналасуы бойынша ең төменгі, қатерлі шектегі емес немесе жеңіл бақыланатын қан кету күтілетін араласымдар жатады.

Егер операцияны немесе инвазиялық емшараны кейінге қалдыруға болмайтын болса, қан кету қатерінің жоғарылайтындығын ескеріп, оларды тиісінше сақтықпен атқару керек. Қан кету қапі мен шұғыл араласымның қажеттілігін салыстырған дұрыс.

Хирургиялық араласымнан немесе инвазиялық емшарадан кейін, егер оған клиникалық жағдай мүмкіндік беретін және тиісінше гемостазға жеткен жағдайда, Апиксабан NOBEL® қабылдауды барынша тезірек қайта бастаған дұрыс.

Жүрекшелердің фибрилляциясына байланысты катетерлік абляция жүргізілетін пациенттерде Апиксабан NOBEL® препаратымен емдеуді тоқтату керек емес.

Емді уақытша тоқтату

Апиксабан NOBEL® препаратын қоса, антикоагулянттарды қабылдауды тоқтату қатты қан кетудің, жоспарлы операция немесе инвазиялық емшара себебінен пациентке төнетін тромбоз қатерін арттырады. Емдеуде үзіліс жасамаған жөн, және егер қандай-да бір себеппен Апиксабан NOBEL препаратымен антикоагулянттық емді тоқтата тұру керек болса, мүмкіндік туған бойда оны қайта бастау қажет.

Жұлынға жасалатын және эпидуральді анестезия немесе пункция

Нейроаксиальді анестезия (жұлын немесе эпидуральді анестезия) не болмаса жұлынға жасалатын немесе эпидуральді пункция қолданылғанда, тромбоэмболиялық асқынулардың профилактикасына арналған тромбоцитке қарсы препараттарды қабылдап жүрген пациенттер эпидуральді немесе жұлын гематомасы дамитын қауіп тобында болады, бұл ұзаққа созылатын немесе қайтымсыз салдануға алып келуі мүмкін.

Бұл құбылыстардың қаупі тұрақты эпидуральді катетер хирургиялық араласымнан кейін немесе гемостазға ықпал ететін препараттарды бір мезгілде қолданған кезде арта түсуі мүмкін. Тұрақты эпидуральді немесе интратекальді катетерлерді Апиксабан NOBEL® алғашқы дозасын қабылдағанға дейін кемінде 5 сағат бұрын алып тастау қажет. Қан кету қаупі жарақаттық немесе қайталанатын эпидуральді немесе жұлын пункциялары кезінде де жоғарылайды. Пациенттерде неврологиялық бұзылулардың белгілері мен симптомдарын (мысалы, аяқтардың ұйып қалуы немесе әлсіздігі, ішек немесе қуық дисфункциясы) мұқият анықтау қажет. Неврологиялық бұзылулар анықталған жағдайда, шұғыл түрде диагноз қою және емдеу қажет. Нейроаксиальді араласымға дейін дәрігер антикоагулянттық ем қабылдап жүрген немесе оны тромбоздың профилактикасы үшін қабылдайтын пациенттер үшін ықтимал пайдасы мен қаупінің арақатынасын талдауы керек.

Апиксабан NOBEL® тұрақты интратекальді немесе эпидуральді катетерлермен қолданудың клиникалық тәжірибесі жоқ. Апиксабанның жалпы фармакокинетикалық қасиеттерін ескерсек, осындай қажеттілік жағдайында, соңғы дозасын қабылдау мен катетерді шығарып алудың арасында 20-30 сағат өтуі тиіс (яғни, жартылай шығарылуының 2 еселік кезеңі), әрі катетерді шығарып алар алдында Апиксабан NOBEL препаратының кемінде бір дозасын өткізіп жіберген жөн. Апиксабан NOBEL келесі дозасын катетерді шығарып алғаннан кейін 5 сағат өткен соң ғана қолдануға болады. Жаңа антикоагулянттық препараттардың барлығымен жағдайлардағы сияқты, Апиксабан NOBEL нейроаксиальді блокада кезінде қолдану тәжірибесі шектеулі, және сондықтан да ондай жағдайда айрықша сақтану шарасын қадағалау керек.

ӨАТЭ бар, гемодинамикасы тұрақсыз пациенттер немесе тромболизис немесе өкпе эмболэктомиясы көрсетілген пациенттер

Апиксабанның өкпе артериясының тромбоэмболиясы бар, гемодинамикасы тұрақсыз пациенттердегі немесе тромболизис немесе өкпе эмболэктомиясы жүргізілуі мүмкін пациенттердегі қауіпсіздігі мен тиімділігі анықталмағандығына байланысты, Апиксабан NOBEL® препаратын мұндай клиникалық жағдайларда фракцияланбаған гепариннің орнына қолдану ұсынылмайды.

Белсенді үдемелі қатерлі жаңа түзілімі бар пациенттер

Апиксабанның белсенді үдеп келе жатқан қатерлі жаңа түзілімі бар пациенттерде ТВТ емдеудегі, ӨАТЭ емдеудегі және қайталанатын ТВТ және ӨАТЭ (ВТАе) профилактикасы кезіндегі тиімділігі мен қауіпсіздігі анықталған жоқ.

Белсенді үдемелі қатерлі ісіктері бар пациенттерде веноздық тромбоэмболия және қан кету қаупі жоғары болуы мүмкін. Апиксабанды қатерлі ісікпен ауыратын науқастарда ТВТ немесе ӨАТЭ емдеу үшін қарастырғанда, пайда-қауіпті мұқият бағалау қажет.

Бүйрек жеткіліксіздігі бар пациенттер

Бүйректің ауыр жеткіліксіздігі (креатинин клиренсі 15-29 мл/минут) бар пациенттерде қан плазмасындағы апиксабан концентрациялары жоғарылайды, бұл қан кету қаупінің артуына алып келуі мүмкін. Ұршық немесе тізе буынын жоспарлы эндопротездеу кезіндегі ВТА профилактикасы үшін (ВТАп), ТВТ емдеу, ӨАТЭ емдеу және қайталанатын ТВТ және ӨАТЭ профилактикасы үшін (ВТАе) апиксабанды бүйректің ауыр жеткіліксіздігі бар (креатинин клиренсі 15–29 мл/минут) пациенттерде сақтықпен пайдалану керек.

ЖКЕФ бар пациенттердегі инсульт пен жүйелі эмболияның профилактикасы үшін, бүйректің ауыр жеткіліксіздігі бар (креатинин клиренсі 15–29 мл/мин) пациенттер және сарысудағы креатинин деңгейі ≥ 1,5 мг/дл (133 мкмоль/л) ≥ 80 жас шамасындағы немесе дене салмағы ≤ 60 кг пациенттер апиксабанның төмендетілген 2,5 мг дозасын тәулігіне екі рет қабылдауға тиіс.

Апиксабанды креатинин клиренсі < 15 мл/минут пациенттерде немесе диализдегі пациенттерде клиникада қолдану тәжірибесінің жоқтығына байланысты, препаратты пациенттердің аталған тобында қолдану ұсынылмайды.

Егде жастағы пациенттер

Жас шамасы ұлғайған сайын қан кету қаупі арта түсуі мүмкін.

Қан кету қаупінің ықтималдылығы жоғары болғандықтан, егде жастағы пациенттердің Апиксабан NOBEL мен АСҚ бір мезгілде қолдануы сақтықты талап етеді.

Дене салмағы

Дене салмағы төмен (< 60 кг) болса, қан кету қаупі артуы мүмкін.

Бауыр жеткіліксіздігі

Бауыр ауруы коагулопатияға және клиникалық маңызды қан кетудің даму қатеріне ұласқан пациенттерге Апиксабан NOBEL қабылдауға болмайды.

Бауыр жеткіліксіздігінің ауыр дәрежесі бар пациенттерге препаратты қабылдау ұсынылмайды.

Бауыр жеткіліксіздігінің жеңіл және орташа дәрежесі (Чайлд-Пью шкаласы бойынша А немесе В класы) бар пациенттерде препаратты сақтықпен қолдану керек.

Бауыр ферменттерінің белсенділігі жоғары (АЛТ/АСТ деңгейі жоғарғы қалып шегінен 2 еседен артық жоғары) немесе жалпы билирубині жоғарғы қалып шегінен 1,5 есе және одан да жоғарырақ пациенттер клиникалық зерттеулерден шығарылып тасталды. Осыған орай, пациенттердің осы тобында Апиксабан NOBEL® сақтықпен қолдану керек. Апиксабан NOBEL® қабылдау басталғанға дейін бауыр функциясына зерттеу жүргізу қажет.

P450 3A4 цитохромы (CYP3A4) және P-гликопротеин (P-gp) тежегіштерімен өзара әрекеттесуі

Азолдар тобының антимикотиктері (мысалы, кетоконазол, итраконазол, вориконазол және позаконазол) мен АИТВ протеазасының тежегіштері сияқты (мысалы, ритонавир), CYP3A4 және P-gp күшті тежегіштерімен бір мезгілде жүйелі түрде ем қабылдап жүрген пациенттерде Апиксабан NOBEL қолдану ұсынылмайды. Бұл дәрілік препараттар апиксабан әсерін 2 есе немесе апиксабан әсерін күшейтетін қосымша факторлар (мысалы, ауыр бүйрек жеткіліксіздігі) болғанда одан да артық күшейтуі мүмкін.

P450 3A4 (CYP3A4) цитохромы және P-гликопротеин (P-gp )индукторларымен өзара әрекеттесуі

Апиксабан NOBEL® препаратын азол тобының антимикотиктері сияқты CYP3A4 және P-gp күшті индукторларымен (мысалы, рифампицинмен, фенитоинмен, карбамазепинмен, фенобарбиталмен немесе кәдімгі шайқураймен) бір мезгілде қолдану апиксабанның әсерін шамамен 50 % төмендетуі мүмкін. Жүрекшелер фибрилляциясы бар пациенттер қатысқан клиникалық зерттеуде апиксабан мен CYP3A4 және P-gp күшті индукторлары бірге қолданылғанда, апиксабан монотерапиясымен салыстырғанда, препарат тиімділігінің төмендеуі мен едәуір жоғары қан кету қаупі байқалды.

Келесі нұсқаулар CYP3A4 және P-gp күшті индукторларымен жүйелі емді бір мезгілде қабылдап жүрген пациенттерге қатысты:

- ұршық немесе тізе буынын жоспарлы эндопротездеуден кейінгі ВТА профилактикасы (ВТАп) үшін, ЖКЕФ бар пациенттердегі инсульт пен жүйелі эмболияның профилактикасы және қайталанатын ТВТ және ӨАТЭ профилактикасы үшін, апиксабанды сақтықпен қолдану керек;

- ТВТ және ӨАТЭ емдеу үшін апиксабанды қолданбаған дұрыс, өйткені оның тиімділігі төмендеуі мүмкін.

Ұршық буыны сынуларын операциялық жолмен емдеу

Апиксабан ұршық буынының сынуларына қатысты хирургиялық операция жасалған пациенттердің қатысқан клиникалық зерттеулерде зерттелмеген, және сондықтан да ондай пациенттерде қолданылуының тиімділігі мен қауіпсіздігіне баға берілмеген. Соған байланысты, препаратты пациенттердің аталған тобында қолдану ұсынылмайды.

Зертханалық талдаулар параметрлері

Күтілгендей, апиксабанның әсер ету механизмі қанның ұюын талдау нәтижелеріне (мысалы, протромбин уақыты, ХҚҚ және ішінара белсендірілген тромбопластиндік уақыт (ІБТУ)) әсер етеді. Апиксабанның күтілетін емдік дозалары жағдайындағы қан ұюының осындай талдауларының нәтижелерінің байқалатын өзгерістері көп емес және ауытқымалылық дәрежесінің жоғарылығымен сипатталады.

Қосымша заттар туралы мәліметтер

Апиксабан NOBEL® құрамында лактоза бар. Сирек тұқым қуалайтын галактоза жақпаушылығы, лактазаның толық тапшылығы немесе глюкоза және галактоза мальабсорбциясы синдромы бар пациенттер бұл дәрілік препаратты қабылдамауы керек.

Бұл дәрілік заттың бір таблеткасында 1 ммольден (23 мг) аз натрий бар, яғни. «натрий жоқ».

Басқа дәрілік препараттармен өзара әрекеттесуі

CYP3A4 және P-gp тежегіштері

Апиксабанды CYP3A4 және P-gp күшті тежегіші кетоконазолмен (тәулігіне бір рет 400 мг) бір мезгілде қабылдау орташа апиксабан AUC 2 есе артуына және апиксабанның орташа Cmax 1,6 есе артуына алып келген.

Азолдар тобының антимикотиктері (мысалы, кетоконазол, итраконазол, вориконазол және позаконазол) сияқты CYP3A4 және P-gp күшті тежегіштері мен АИТВ протеазасы тежегіштерін (мысалы, ритонавир) бір мезгілде жүйелі қолданып жүрген пациенттерде Апиксабан NOBEL® қолдану ұсынылмайды.

CYP3A4 және P-gp күшті тежегіштері болып саналмайтын белсенді заттар (мысалы, амиодарон, кларитромицин, дилтиазем, флуконазол, напроксен, хинидин, верапамил) плазмадағы апиксабан концентрациясын азғантай дәрежеде арттырады деп жорамалданады. Апиксабанды CYP3A4 пен P-gp күшті тежегіштері болып табылмайтын басқа препараттармен бірге қолданғанда, оның дозасын түзету қажет емес.

Мысалы, CYP3A4 орташа тежегіші және P-gp әлсіз тежегіші болып саналатын дилтиазем (тәулігіне бір рет 360 мг дозада) апиксабан AUC орташа мәнінің 1,4 есе жоғарылауын және Cmax орташа мәнінің 1,3 есе жоғарылауын туындатады. P-gp тежегіші болып табылатын, бірақ CYP3A4 тежемейтін напроксен (бір реттік 500 мг дозасы) орташа AUC және Cmax мәндерін, сәйкесінше, 1,5 және 1,6 есе арттырады. P-gp тежегіші және CYP3A4 күшті тежегіші кларитромицин (тәулігіне 2 рет 500 мг дозада), апиксабанның AUC және Cmax орташа мәндерінің сәйкесінше 1,6 және 1,3 есе жоғарылауына алып келді.

CYP3A4 және P-gp индукторлары

Апиксабанды CYP3A4 және P-gp күшті индукторы рифампицинмен бір мезгілде қабылдау апиксабанның AUC және Cmax орташа мәндерінің сәйкесінше, 54 % және 42 %-ға төмендеуін туғызған. Апиксабанды CYP3A4 және P-gp басқа да күшті индукторларымен (мысалы, фенитоин, карбамазепин, фенобарбитал немесе шайқурай) бір мезгілде қабылдау да қан плазмасындағы апиксабан концентрациясының төмендеуіне алып келуі мүмкін. Апиксабанды мұндай препараттармен бірге қолданғанда оның дозасын түзету қажет емес, алайда CYP3A4 күшті индукторларымен және P-gp жүйелі емді бір мезгілде қабылдап жүрген пациенттерде апиксабанды ұршық немесе тізе буынын жоспарлы эндопротездеуден кейінгі ВТА профилактикасы үшін, ЖКЕФ бар пациенттердегі инсульт пен жүйелі эмболияның профилактикасы үшін және қайталанатын ТВТ және ӨАТЭ профилактикасы үшін сақтықпен қолдану керек.

Апиксабанды CYP3A4 және P-gp индукторларымен жүйелі емді бір мезгілде қабылдап жүрген пациенттердегі ТВТ және ӨАТЭ емдеу үшін қолдану ұсынылмайды, өйткені оның тиімділігі төмендеуі мүмкін.

Антикоагулянттар, тромбоциттер агрегациясының тежегіштері, СКҚСТ/СНКҚСТ және ҚҚСП

Қан кетудің туындау қаупінің жоғарылығына байланысты, антикоагулянтпен емдеу алмастырылған, ФБГ венаның немесе артерияның орталық катетерінің өткізгіштігін қамтамасыз ету үшін қажетті дозаларда қолданылған, немесе ФБГ жүрекшелердің фибрилляциясына байланысты катетерлік абляция кезінде қолданылған белгілі бір жағдайлардан басқасында, кез келген басқа антикоагулянттармен бір мезгілде қолдануға болмайды.

Эноксапарин (бір реттік 40 мг доза) мен апиксабанды (бір реттік 5 мг доза) бір мезгілде қолданғаннан кейін Xa антифактор белсенділігіне қатысты аддитивті әсері байқалды.

Апиксабанды тәулігіне бір рет 325 мг дозадағы АСҚ-мен қабылдаған кезде фармакокинетикалық немесе фармакодинамикалық өзара әрекеттесулері байқалмаған.

Клопидогрелмен (күніне бір рет 75 мг) немесе клопидогрел 75 мг және күніне бір рет АСҚ 162 мг біріктірілімімен, немесе прасугрелмен (60 мг және кейіннен күніне бір рет 10 мг қабылдаумен) бірге қолданылған апиксабан I фазадағы зерттеулерде антитромбоцитарлық агенттерді апиксабансыз енгізумен салыстырғанда негізгі қан кету уақытының елеулі ұзаруын немесе тромбоциттер агрегациясының одан әрі тежелуін көрсеткен жоқ. Қан ұю көрсеткіштерінің артуы (протромбин уақыты, ХҚҚ және ІБТУ) тек апиксабанды пайдалану кезінде алынған нәтижелерге сәйкес болды.

P-gp тежегіші напроксенді (500 мг) қолдану апиксабанның AUC және Cmax орташа мәндерінің сәйкесінше, 1,5 және 1,6 есе артуына алып келді. Апиксабанды қабылдаған кезде қан ұюы көрсеткіштерін талдау нәтижелерінің тиісінше жоғарылауы байқалды. Напроксеннің арахидон қышқылы индукциялаған тромбоциттер агрегациясына ықпал етуінде ешқандай өзгерістер байқалмаған, сондай-ақ апиксабан мен напроксен бірге қолданылғаннан кейін қан кету ұзақтығының клиникалық тұрғыдан елеулі ұзаруы білінбеген.

Осы деректерге қарамастан, жекелеген пациенттерде апиксабанды тромбоцитке қарсы басқа препараттармен бірге қолданғаннан кейін айқынырақ фармакодинамикалық жауап байқалуы мүмкін. Апиксабан NOBEL препаратын, СКҚІТ/СНКҚІТ немесе ацетилсалицил қышқылын қоса, қабынуға қарсы стероидты емес дәрілермен (ҚҚСД), АСҚ және/немесе P2Y12 тежегіштерімен бірге абайлап қолдану керек, өйткені бұл дәрілік заттар әдетте қан кету қаупін арттырады.

Препаратты тромбоциттер агрегациясының басқа тежегіштерімен (GPIIb/IIIa рецепторының антагонистері сияқты, дипиридамол, декстран немесе сульфинпиразон) немесе тромболитикалық агенттермен бірге қолдану тәжірибесі шектеулі. Ондай агенттер қан кету қаупін арттыратындықтан, ондай препараттарды Апиксабан NOBEL препаратымен бірге қолдану ұсынылмайды.

Басқа қатарлас ем

Апиксабанды атенололмен немесе фамотидинмен бір мезгілде қабылдағанда қандай-да бір клиникалық тұрғыдан маңызды фармакокинетикалық немесе фармакодинамикалық өзара әрекеттесулер анықталмаған. 10 мг дозадағы апиксабан мен 100 мг дозадағы атенололды бір мезгілде қолдану апиксабан фармакокинетикасына клиникалық тұрғыдан маңызды әсер бермеді. Екі препаратты бірге қабылдағаннан кейін апиксабан үшін AUC және Cmax орташа мәндері тек апиксабанды қабылдаған кезіндегіге қарағанда 15 % және 18 % төмен болды. 10 мг дозадағы апиксабан мен 40 мг дозадағы фамотидинді бір мезгілде қабылдау апиксабанның AUC немесе Cmax мәндеріне ықпалын тигізбеген.

Апиксабанның басқа дәрілік препараттарға ықпалы

Апиксабанның in vitro зерттеулерінде CYP1A2, CYP2A6, CYP2B6, CYP2C8, CYP2C9, CYP2D6 немесе CYP3A4 белсенділігін тежеу әсері анықталмаған (ТК50 (50%-дық тежеліс коэффициенті) > 45 мкМ) және пациенттерде байқалған плазмадағы ең жоғары концентрацияларынан артық концентрациялардағы CYP2C19 белсенділігіне қатысты әлсіз тежеу әсері (ТК50 > 20 мкМ) анықталды. Апиксабан 20 мкМ дейінгі концентрацияларда CYP1A2, CYP2B6 және CYP3A4/5 индукторы болып табылмайды. Сондықтан, апиксабан бірге қолданылатын, осы ферменттер арқылы метаболизденетін дәрілік препараттардың метаболизмдік клиренсін өзгертпейді деп күтіледі. Апиксабан P-gp елеулі дәрежеде тежемейді.

Дені сау адамдарда жүргізілген зерттеулерде, төменде сипатталғандай, апиксабан дигоксиннің, напроксеннің немесе атенололдың фармакокинетикасына елеулі ықпалын тигізген жоқ.

Дигоксин

Апиксабан (тәулігіне бір рет 20 мг дозада) мен P-gp субстраты болып табылатын дигоксин (тәулігіне бір рет 0,25 мг дозада) бір мезгілде қабылданғанда, дигоксиннің AUC немесе Cmax мәндері өзгермеген. Сол себепті, апиксабан P-gp субстраттарының тасымалдануын тежемейді.

Напроксен

Апиксабан (10 мг) мен жиі қолданылатын ҚҚСД напроксеннің (500 мг дозада) бір реттік дозаларын бірге қабылдау напроксеннің AUC немесе Cmax мәндеріне ешқандай әсер етпеген.

Атенолол

Апиксабанның (10 мг) мен жиі қолданылатын бета-блокатор атенололдың (100 мг дозада) бір реттік дозасын бірге қабылдау атенолол фармакокинетикасының өзгерістерін туғызған жоқ.

Белсендірілген көмір

Белсендірілген көмірді қабылдау апиксабанның әсерін төмендетеді.

Арнайы сақтандырулар

Апиксабан NOBEL® препаратын «антифосфолипидтік синдромы» (қан тромбтарының түзілу қаупі арта түсетін, иммундық жүйенің ауруы) бар емделушілерде қолданғанда ерекше сақтық таныту керек.

Егер сіз ол емшараның қан кетуді туғызатын-туғызбайтындығын нақты білмесеңіз, ол туралы дәрігерден сұраңыз.

Педиатрияда қолданылуы

Балалар мен 18 жасқа дейінгі жасөспірімдерге Апиксабан NOBEL® қабылдау ұсынылмайды.

Жүктілік немесе лактация кезінде

Апиксабан NOBEL® препаратының жүктілікке әсері белгісіз. Апиксабан NOBEL® жүктілік кезінде қабылданбауы керек.

Апиксабан NOBEL® адамның емшек сүтіне өтуі белгісіз. Емшек емізу кезінде бұл дәрі-дәрмекті қабылдамас бұрын дәрігеріңізбен сөйлесіңіз.

Апиксабан NOBEL® әйелдің емшек сүтіне өтетін-өтпейтіндігі белгісіз. Бұл препаратты бала емізу кезінде қолданардың алдында, дәрігермен кеңесіңіз. Апиксабан NOBEL® құрамында лактоза (қанттың түрі) және натрий бар

Кейбір қанттардың жақпаушылығында, осы дәрілік препаратты қолданар алдында дәрігерге жүгініңіз.

Бұл дәрілік препараттың 1 таблеткасының құрамында 1 ммольден аз натрий (23 мг) ар, яғни, іс жүзінде натрийсіз.

Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері

Апиксабан NOBEL® автокөлік құралдарын басқару және механизмдермен жұмыс істеу қабілетіне теріс ықпалын көрсетпеді.

Қолдану жөніндегі нұсқаулар

Дозалану режимі

Ұршық немесе тізе буынын эндопротездеуден кейін қан ұйындылары түзілуінің алдын алу үшін

Ұсынылатын дозасы — Апиксабан NOBEL® 2,5 мг бір таблеткасы тәулігіне 2 рет, біреуі таңертең және біреуі кешке.

Бірінші таблеткасын операциядан кейін 12–24 сағат ішінде қабылдау керек.

Ұршық буынына жасалған ауқымды операциядан кейін қабылдау ұзақтығы 32–38 күн.

Тізе буынына жасалған ауқымды операциядан кейін қабылдау ұзақтығы 10–14 күн.

Жүрекшелердің фибрилляциясы (жыпылықтағыш аритмиясы) және кемінде бір қосымша қауіп факторы бар пациенттерде жүректе қан тромбтары түзілуінің алдын алу үшін

Ұсынылатын дозасы — Апиксабан NOBEL® 5 мг бір таблеткасы тәулігіне 2 рет.

Ұсынылатын дозасы тәулігіне 2 рет Апиксабан NOBEL® 2,5 мг бір таблеткасын құрайды:

• бүйрек функциясы бұзылуының ауыр дәрежесінде;

• төменде атап келтірілген жағдайлардың екеуі немесе одан да көбі байқалса:

• бүйрек функциясының төмендегенін көрсететін (сарысу креатининінің мәні — 1,5 мг/дл (133 мкмоль/л) немесе одан жоғары);

• 80 жастағы және одан асқандар;

• дене салмағы 60 кг немесе одан аз болса.

Ұсынылатын дозасы — тәулігіне 2 рет бір таблетка, бір таблеткасы таңертең және бір таблеткасы кешке. Емнің ұзақтығы туралы шешімді дәрігер қабылдайды.

Аяқ веналарындағы тромбтар мен өкпе қантамырларындағы тромбтарды емдеу үшін

Ұсынылатын дозасы алғашқы 7 күн бойы тәулігіне 2 рет Апиксабан NOBEL® 5 мг екі таблеткасын құрайды, мысалы екі таблеткасы таңертең және екі таблеткасы кешке.

7 күн өткен соң ұсынылатын дозасы тәулігіне 2 рет Апиксабан NOBEL® 5 мг бір таблеткасын құрайды, мысалы бір таблеткасы таңертең және бір таблеткасы кешке.

6 айлық емдеу курсы аяқталғаннан кейін қан тромбтарының қайтадан түзілуін болдырмау үшін

Ұсынылатын дозасы тәулігіне 2 рет Апиксабан NOBEL® 2,5 мг бір таблеткасын құрайды, мысалы бір таблеткасы таңертең және бір таблеткасы кешке.

Емдеуді ұзақтығы туралы шешімді дәрігер қабылдайды.

Дәрігер антикоагулянттармен емді келесі ретпен өзгертуі мүмкін.

• Апиксабан NOBEL® -ден басқа антикоагулянттық препаратқа көшу

Апиксабан NOBEL® қабылдауды тоқтату керек. Антикоагулянттық препаратпен (мысалы, гепаринмен) емделуді таблетканың келесі жоспарлы қабылдануы кезінде бастау керек.

• Антикоагулянттық препараттардан Апиксабан NOBEL®-ге көшу

Антикоагулянттық препараттарды қабылдауды тоқтату керек. Апиксабан NOBEL® препаратымен емделуді антикоагулянттың келесі дозасын қабылдау жоспарланған уақытта бастау керек, және содан соң қабылдауды әдеттегідей жалғастыру керек.

• Құрамында K дәруменінің антагонисі бар антикоагулянттық препаратпен (мысалы, варфаринмен) емделуден Апиксабан NOBEL®-ге көшу

Құрамында K дәруменінің антагонисі бар препаратты қабылдауды тоқтату керек. Апиксабан NOBEL® қабылдауды бастау уақыты дәрігер бақылауымен жүргізілуі қажет.

• Апиксабан NOBEL®-мен емделуден құрамында K дәруменінің антагонисі бар антикоагулянттық препараттарға (мысалы, варфаринге) көшу

Құрамында K дәруменінің антагонисі бар препаратпен емделуді бастау қажет болған жағдайда, Апиксабан NOBEL® қабылдауды құрамында K дәруменінің антагонисі бар препараттың алғашқы дозасын қабылдағаннан кейін кемінде 2 күн бойы жалғастыру керек. Апиксабан NOBEL® қабылдауды тоқтатату уақыты дәрігер бақылауымен жүргізілуі қажет.

Кардиоверсия жүргізілетін пациенттер

Мидың және басқа қан тамырларының қан ұйығыштарының алдын алу үшін Апиксабан NOBEL® дәрігердің тағайындауларына сәйкес қабылдау керек.

Енгізу әдісі және жолы

Таблетканы сумен ішіп жұту керек. Апиксабан NOBEL® ас ішуге байланыссыз қабылдауға болады.

Емнің әсері оңтайлы болуы үшін, таблеткаларды күн сайын белгілі бір уақытта қабылдау керек.

Таблеткаларды тұтастай жұту қиын болған жағдайда, емдеуші дәрігермен Апиксабан NOBEL® қабылдаудың басқа тәсілдерін талқылау керек. Таблеткаларды ұсақтауға және тура қабылдаудың алдында сумен, декстрозаның 5%-дық сулы ерітіндісімен, алма шырынымен немесе алма езбесімен араластыруға болады.

Ұсақтау жөніндегі нұсқаулар

• Таблеткаларды тостаған мен үккіштің көмегімен ұсақтау керек.

• Ұнтақты түгелімен қолайлы контейнерге абайлап ауыстырып салу керек, содан соң ұнтақты аздаған мөлшердегі (мысалы, 30 мл (2 ас қасық)) сумен немесе жоғарыда аталған басқа сұйықтықтардың біреуімен араластыру керек.

• Қоспаны ішу керек.

• Таблетканы ұсақтау үшін пайдаланылған тостаған мен үккішті, және контейнерді аздаған мөлшердегі (мысалы, 30 мл) сумен шайқау және ол сұйықтықты ішу керек.

Сонымен қатар, қажет болған жағдайда, емдеуші дәрігер Апиксабан NOBEL® ұсақталған, 60 мл суда немесе декстрозаның 5%-дық сулы ерітіндісіндегі таблеткасын назогастральді зонд арқылы енгізуі мүмкін.

Артық дозалану жағдайында қабылдау қажет болатын шаралар

Апиксабан NOBEL® тағайындалғанынан артық дозалану жағдайында, дереу дәрігерге хабарлау керек. Апиксабан NOBEL® препаратын ұсынылғаннан жоғары дозада қабылдағанда қан кету қаупі артады.

Дәрілік препараттың бір немесе бірнеше дозаларын өткізіп алғанда қажет болатын шаралар

• дозасын есіңізге түскен бойда қабылдау керек, және:

• Апиксабан NOBEL® келесі дозасын әдеттегі уақытында қабылдау керек;

• содан соң, қабылдауды әдеттегідей жалғастыруға болады.

Ұсынылған дозадан артық қабылдасаңыз немесе препараттың бірнеше дозасын өткізіп алсаңыз, дәрігермен кеңесу керек.

Тоқтату симптомдары қаупінің бар екенін көрсету

Апиксабан NOBEL® қабылдауды алдымен дәрігермен талқылап алмай тұрып тоқтатпау керек, өйткені, егер емделуді тым ерте тоқтату, қан ұйындыларының түзілу қаупін жоғарылатуы мүмкін.

Дәрі-дәрмекті қалай қолдану керектігі туралы дәрігерден кеңес алу бойынша ұсыныстар

Препаратты қабылдамас бұрын кеңес алу үшін дәрігерге қаралу керек.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда (қажет болса) қабылдау керек шаралар

Апиксабан ересектердегі терең веналар тромбозы (ТВТ) мен өкпе артериясының тромбоэмболиясын (ӨАТЭ) емдеу, сондай-ақ, қайталанатын ТВТ мен ӨАТЭ профилактикасы үшін қабылдағанда туындайтын келесі жағымсыз әсерлері белгілі

Жиі

- Анемия

• Көзге қанқұйылу (конъюнктиваға қанқұйылуды қоса)

• Қанқұйылу, гематома

• Гипотония (процедуралық гипотензияны қоса)

• Мұрыннан қан кету

• Жүрек айну

• Асқазан-ішек жолынан қан кету

• Ректальді қан кету, қызылиектен қан кету

• Глутамилтрансфераза жоғарлауы

• Гематурия

• Жарақат

Жиі емес

• Қандағы тромбоциттер мөлшерінің азаюы (бұл оның ұюына әсер етуі мүмкін)

• Жоғары сезімталдық, аллергиялық ісіну және анафилаксия

• Қышыну

• Миға қанқұйылу

• Құрсақ қуысына қанқұйылу

• Қан түкіру

• Геморроидальді қан құйылу

• Ауыздан қан кету

• Гематохезия

• Бауыр функциясының бұзылуы, аспартатаминотрансфераза деңгейінің жоғарылауы, қандағы сілтілі фосфатазаның жоғарылауы, қандағы билирубиннің жоғарылауы

• Аланинаминотрансфераза жоғарлауы

• Тері бөртпесі

• Алопеция

• Аномальді вагинальді қан кету, урогенитальді қан кету

• Жарақат орнынан қан кету

• Жасырын қанға оң нәтиже

• Жарақаттан кейінгі қан кету

Сирек

• Тыныс алу жолдарынан қан кету

• Қан кету

• Ішперде арты қан кету

• Бұлшықетке қан кету

Өте сирек

• Көпформалы эритема

Белгісіз

• Ангионевротикалық ісіну

• Терілік васкулит

Апиксабан жүрекшелердің клапандық емес фибрилляциясы (ЖКЕФ), бір немесе бірнеше қауіп факторы бар ересек пациенттердегі инсульт пен жүйелі эмболияның профилактикасы үшін қабылдағанда келесі жағымсыз әсерлері белгілі

Жиі

• Анемия

• Қандағы тромбоциттер санының төмендеуі (бұл ұюға әсер етуі мумкін)

• Қанқұйылу, гематома

• Мұрыннан қан кету

• Жүрек айну

• Асқазан-ішек жолынан қан кету

• Ауыздан қан кету

• Ректальді қан кету, қызылиектен қан кету

• Глутамилтрансфераза жоғарлауы

• Аланинаминотрансфераза жоғарлауы

• Тері бөртпесі

• Гематурия

• Аномальді вагинальді қан кету, урогенитальді қан кету

• Жарақат

Жиі емес

• Жоғары сезімталдық, аллергиялық ісіну және анафилаксия

• Қышыну

• Көзге қанқұйылу (конъюнктиваға қанқұйылуды қоса)

• Гипотония (процедуралық гипотензияны қоса)

• Қан түкіру

• Геморроидальді қан құйылу

• Гематохезия

• Бауыр функциясының бұзылуы, аспартатаминотрансфераза деңгейінің жоғарылауы, қандағы сілтілі фосфатазаның жоғарылауы, қандағы билирубиннің жоғарылауы

• Алопеция

• Бұлшықетке қан кету

• Жарақат орнынан қан кету

• Жасырын қанға оң нәтиже

• Процедурадан кейінгі қан кету (оның ішінде процедурадан кейінгі гематома, жарадан қан кету, пункция орнынан гематома және катетер орнынан қан кету), жараның ағуы, кесілген жерден қан кету (кесілген жердегі гематоманы қоса), операциядан кейінгі қан кету

• Жарақаттан кейінгі қан кету

Сирек

• Миға қанқұйылу

Белгісіз

-Ангионевротикалық ісіну

- Құрсақ қуысына қанқұйылу

• Ішперде арты қан кету

• Көпформалы эритема

-Терілік васкулит

Апиксабан ересек пациенттердегі ұршық немесе тізе буынын жоспарлы эндопротездеуден кейінгі венаның тромбоэмболиялық асқынуларының (ВТА) профилактикасы үшін қабылдағанда туындайтын келесі жағымсыз әсерлері белгілі

Жиі

• Анемия

• Қанқұйылу, гематома

• Жүрек айну

• Жарақат

Жиі емес

• Тромбоцитопения

• Қышыну

• Гипотензия (процедуралық гипотензияны қоса)

• Мұрыннан қан кету

• Асқазан-ішек жолынан қан кету

• Гематохезия

• Бауыр функциясының бұзылуы, аспартатаминотрансфераза деңгейінің жоғарылауы, қандағы сілтілі фосфатазаның жоғарылауы, қандағы билирубиннің жоғарылауы

• Глутамилтрансфераза жоғарлауы

• Аланинаминотрансфераза жоғарлауы

• Гематурия

• Аномальді вагинальді қан кету, урогенитальді қан кету

• Процедурадан кейінгі қан кету (оның ішінде процедурадан кейінгі гематома, жарадан қан кету, пункция орнынан гематома және катетер орнынан қан кету), жараның ағуы, кесілген жерден қан кету (кесілген жердегі гематоманы қоса), операциядан кейінгі қан кету

Сирек:

• Жоғары сезімталдық, аллергиялық ісіну және анафилаксия

• Көзге қанқұйылу (конъюнктиваға қанқұйылуды қоса)

• Қан түкіру

• Ректальді қан кету, қызылиектен қан кету

• Алопеция

• Бұлшықетке қан кету

Белгісіз:

- Ангионевротикалық ісіну

• Миға қанқұйылу 

• Құрсақ қуысына қанқұйылу

• Тыныс алу жолдарынан қан кету

• Геморроидальді қан құйылу

• Ауыздан қан кету

• Ішперде арты қан кету

• Терілік бөртпе

• Көпформалы эритема

• Терілік васкулит

• Жарақат орнынан қан кету

• Жасырын қанға оң нәтиже

• Жарақаттан кейінгі қан кету

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттар тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарлау керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді зат - апиксабан 2,5 мг немесе 5 мг;

қосымша заттар: лактоза моногидраты, микрокристалды целлюлоза рН101, повидон К30, натрий кроскармеллозасы, натрий лаурилсульфаты, глицерол дибегенаты.

Қабықтың құрамы:

2,5 мг дозасы үшін

Opadry II 85F220241 Yellow Powder үлбірлі жабыны:

гидролизденген поливинил спирті, титанның қостотығы (Е171), макрогол / ПЭГ, тальк, темірдің сары тотығы (Е172)

5 мг дозасы үшін

Опадрай II 85F240237 Opadry II 85F240237 Pink Powder:

гидролизденген поливинил спирті, титанның қостотығы (Е171), макрогол / ПЭГ, темірдің қызыл тотығы (Е172), тальк, темірдің сары тотығы (Е172).

Сыртқы түрінің, иісінің, дәмінің сипаттамасы

Дөңгелек пішінді, екі жақ беті дөңес, сары түсті үлбірлі қабықпен қапталған таблеткалар (2.5 мг доза үшін).

Ұзынша пішінді, екі жақ беті дөңес, қызғылт түсті үлбірлі қабықпен қапталған таблеткалар (5 мг доза үшін).

Шығарылу түрі және қаптамасы

2,5 мг доза үшін:

7 және 10 таблеткадан поливинилхлоридтен/поливинилдихлорид және алюминий фольгадан жасалған пішінді ұяшықты қаптамада.

2 және 8 пішінді ұяшықты қаптамадан (7 таблеткадан тұратын блистерге) және 6 және 9 пішінді ұяшықты қаптамадан (10 таблеткадан тұратын блистерге) медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға немесе QR коды бар альтернативті картон қорапшаға салынады.

5 мг доза үшін:

7 және 10 таблеткадан поливинилхлоридтен/поливинилдихлорид және алюминий фольгадан жасалған пішінді ұяшықты қаптамада.

8 пішінді ұяшықты қаптамадан (7 таблеткадан блистерге арналған) және 6 және 9 пішінді ұяшықты қаптамадан (10 таблеткадан тұратын блистерге) медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға немесе QR коды бар альтернативті картон қорапшаға салынады.

2 жыл.

Жарамдылық мерзімі өткеннен кейін қолдануға болмайды!

25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы.

Өндіруші туралы мәліметтер

«Нобел Илач Санаи ве Тиджарет А.Ш.», Түркия

Sancaklar Mah. Eski Akcakoca Cad. No: 299 81100, Дюздже қ., Түркия

Телефон нөмірі: +90 380 5263060, +90 380 5263043

Электронды пошта: nobel@nobel.com.tr

Тіркеу куәлігінің ұстаушысы

Қазақстан Республикасы

«Нобел Алматы Фармацевтикалық Фабрикасы» АҚ, Алматы қаласы,

Шевченко көшесі, 162Е

Қазақстан Республикасы, Алматы қ., Шевченко к-сі, 162 Е.

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды пошта: nobel@nobel.kz

Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электронды пошта):

Қазақстан Республикасы

«Нобел Алматы Фармацевтикалық Фабрикасы» АҚ,

Алматы қаласы, Шевченко көшесі, 162Е

Қазақстан Республикасы, Алматы қ., Шевченко к-сі, 162 Е.

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды пошта: nobel@nobel.kz