Антифлат (Суспензия)

• русский
• қазақша

• Скачать инструкцию медикамента

Саудалық атауы

Антифлат

Халықаралық патенттелмеген атауы

Симетикон

Дәрілік түрі

Cуспензия 50 мл

Құрамы

Бір мл суспензияның құрамында

белсенді зат – 41,2 мг симетикон

қосымша заттар: гидроксиэтилцеллюлоза, полиоксиэтилен-25-глицерол-триолеат, макрогол 6000, магний-алюминий силикаты (типі II А), 1,2 мг сорбин қышқылы, 0,402 калий сорбаты, лимон қышқылы моногидраты, 0,15 мг натрий сахарині, 1,35 мг натрий цикламаты, банан хош иістендіргіші, тазартылған су.

Сипаттамасы

Өзіне тән иісі және банан дәмі бар, сүтті бұлыңғыр суспензия.

Фармакотерапиялық тобы

Асқазан-ішек жолының (АІЖ) функционалдық бұзылуларын емдеуге арналған препараттар. Ішектің функционалдық бұзылуларын емдеуге арналған басқа да препараттар. Силикондар.

АТХ коды A03AX13

Фармакологиялық қасиеттері

Фармакокинетикасы

Өзінің физикалық-химиялық қасиеттері арқасында симетикон химиялық және физиологиялық инертті, уытты емес және АІЖ шырышты қабығы жасушалары жарғақшаларымен сіңірілетін зат болып табылады. Тамақтың сіңуіне, асқазан сөлі реакциясы мен көлеміне әсер етпейді. Симетикон пероральді қабылдаудан кейін сіңбейді, АІЖ арқылы өткеннен кейін өзгермеген күйінде шығарылады.

Фармакодинамикасы

Препараттың белсенді компоненті - симетикон – уытты емес, құрамында кремний бар қосылыс болып табылады, жеңіл белсенділік пен көбік басатын қасиеттері бар.

АІЖ қызметінің бұзылуы газдың түзілуіне және жинақталуына әкеледі. Газ көпіршігінің шамадан тыс түзілуі ішектің шырышты қабығы арқылы газдың сіңуін бұзады. Антифлат ас қорыту жолындағы шырышты қабықта газ көпіршіктерінің беткейлік тартылуын өзгертеді, соның нәтижесінде олар ыдырайды. Мұндайда босап шығатын газдар ішектің қабырғасына сіңуі, сондай-ақ ішектің жиырылуы арқылы шығарылуы мүмкін. Әсер етуші заттың өзі сіңбейді, өзгермеген күйінде шығарылады.

Қолданылуы

- ішекте газ шамадан тыс түзілгенде және жиналғанда (метеоризм, аэрофагия, гастрокардиальді синдром) оның ішінде операциядан кейін

- құрсақ қуысы ағзаларын диагностикалық емшараға дайындағанда

- беткейлік-белсенді заттармен уланғанда көбікбасушы ретінде

Қолдану тәсілі және дозалары

Қолданардың алдында бөтелкені сілкіп шайқау қажет. Антифлат суспензиясы ішке қабылданады. Антифлат суспензиясын диабеті бар науқастарға пайдалануға болады.

Антифлат суспензиясы келесі дозалалаушы құрылғылардың бірімен шығарылады: дозатор-помпа, дозалаушы еккіш, тамшылатқыш және өлшеуіш қасық.

Дозаторы болған кезде:

1. Бұрап жабылған қақпағын ашыңыз

2. Бөтелкенің аузына дозалаушы сорғыны бұрап орнатыңыз

3. Сорғыны 1 қалыпқа сай орналастырыңыз (қақпағын қараңыз) және сұйықтық пайда болғанға дейін басыңыз. Алғашқы 2 тамшыны қабылдамаңыз.

Дозалау кезінде бөтелкені тік қалыпта ұстаңыз.

Дозалаушы сорғы О қалыпқа дейін оңға бұралған кезде жабылады (қақпағын қараңыз). Бөтелкенің ішінде сорғы жұмыс істеген кезде препараттың босаған орнын толтыру үшін суспензияның қосымша мөлшері бар.

Дозалаушы сорғының 2 рет басылуы суспензияның 1 миллилитріне сәйкес келеді.

Дозалаушы еккіші болған кезде:

1. Бөтелкені сілкіп шайқаңыз.

2. Бұрап жабылған қақпағын ашыңыз.

3. Поршеньді еккіштің түбіне дейін басыңыз, содан кейін еккішті шыны бөтелкеге орналастырыңыз.

4. Поршеньді жоғары қарай, поршеньдегі белгі алдын ала белгіленген дозаға (мл) сәйкес келгенше, көтеру керек. Қажет болған кезде үдерісті жалпы тағайындалған мөлшерге жеткенше қайталау керек.

5. Әрбір пайдаланудан кейін бөтелкені жауып қойыңыз және еккішті сумен мұқият шайыңыз.

Тамшылатқышы болған кезде:

1. Бөтелкені сілкіп шайқаңыз.

2. Бұрап жабылған қақпағын ашыңыз.

3. Бөтелкені тамшылатқышпен бірге төмен қарай төңкеріңіз және суспензияны тамызыңыз.

Дозатордың 2 басылуы немесе 16 тамшы 41,2 мг (1 мл) сәйкес келеді

Жоғары газ түзілумен туындаған асқазан-ішек жолы бұзылыстарын симптоматикалық емдеу үшін препаратты тамақтану кезінде немесе одан кейін қабылдайды

Құрсақ қуысы ағзаларын диагностикалық зерттеу кезінде қосымша дәрі ретінде

• Рентгенологиялық зерттеу, УДЗ

• Контрасты заттар суспензиясына қосымша ретінде

• гастроскопияға даярлау үшін

Беткейлік-белсенді заттармен уыттану кезінде көбікбасушы ретінше

Улану ауырлығына қарай

Қажет болғанда 1 миллилитр препаратты (дозаторды 2 басу) ұйықтар алдында қосымша қабылдауға болады.

Емдеу курсының ұзақтығын емдеуші дәрігер белгілейді.

Жағымсыз әсерлері

Белсенді компонент – симетикон – асқазан-ішек жолында сіңірілмейді және организмнен өзгермеген күйінде шығатын болғандықтан, препарат қауіпсіз деп саналады және жағымсыз әсерлері жоқ.

Болуы мүмкін

- аллергиялық реакциялар: гиперемия, тері жабындарының қышынуы, терінің бөртуі, шырышты қабықтың тітіркенуі

Қолдануға болмайтын жағдайлар

- препараттың кез келген компонентіне аллергиялық реакциялар

- ішек бітелісі, АІЖ обструктивті аурулары

- тұқым қуалайтын фруктозаны көтере алмаушылық, глюкоза-галактоза мальабсорбциясы

Дәрілермен өзара әрекеттесуі

Байқалған жоқ. Симетиконның потенциальді беткейлік белсенділігіне байланысты, басқа да белсенді заттардың сіңуіне әсер етуі мүмкін.

Айрықша нұсқаулар

Ас қорытудың ұзақ және қайталанатын бұзылулары кезінде бұл құбылыстардың себебін анықтаған жөн, бұл дұрыс тамақтанбаудан немесе қозғалыс белсенділігінің жеткіліксіздігінен болуы мүмкін. Егер мұнымен қоса, асқазан-ішек жолының органикалық бұзылуы немесе жүйке жүйесі тарапынан бұзылулар болатын болса, барлық аталған жағдайларда дәрігермен кеңесу қажет

Педиатрияда қолдану

Антифлат педиатрия тәжірибесінде қолданылады.

Жүктілік және лактация кезеңінде

Антифлатты жүктілік және бала емізу кезеңінде дәрігердің тағайындауымен қолдануға болады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Байқалған жоқ.

Шығарылу түрі және қаптамасы

50 мл препараттан полиэтилен бұрандалы қақпағы бар III типті қоңыр шыны құтыға салынады. Құты сорғы-дозаторымен немесе тік тамшылатқыш / өлшеуіш қасық / өлшеуіш еккішпен және медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Құрғақ жарықтан қорғалған жерде, 25оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Алғашқы ашылуынан кейін препаратты 6 айдан артық пайдалануға болмайды.

Дәріханалардан босатылу шарттары

Рецептісіз

Өндіруші

G.L.Pharma GmbH, Австрия 8502 Ланнах, Шлоссплатц 1.

Тіркеу куәлігінің иесі

«Валеант» ЖШҚ, Мәскеу, Ресей

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Валеант» ЖШҚ ҚР өкілдігі

Қазақстан, 050059, Алматы қ., Әл-Фараби даңғылы,

17 үй, 4Б блок, 4-4Б-11 бөлме

Телефон 3 111 516 Факс 3 111 517