Антиполлин полынь
Инструкция
-
русский
-
қазақша
Саудалық атауы
Антиполлин жусан
Халықаралық патенттелмеген атауы
Жоқ
Дәрілік түрі
Соруға арналған таблеткалар
Құрамы
Бір таблетканың құрамында
белсенді зат – жусан тозаңынан алынған аллерген 0,0001 PNU – 1000* PNU**,
қосымша заттар: аскорбин қышқылы, қант ұнтағы, тальк.
* № 1 қаптамада 0.0001 PNU/таб дозада таблеткалар, № 2 қаптамада – 0.001 PNU/таб, № 3 – 0.01 PNU/таб, № 4 – 0.1 PNU/таб, № 5 – 1 PNU/таб, № 6 – 10 PNU/таб, № 7 – 100 PNU/таб, № 8 және № 9 – 1000 PNU/таб. салынған.
** PNU – ақуыз азоты бірлігі, 1 PNU құрамында – 0.00001 мг ақуыз азоты бар.
Сипаттамасы
Тегіс беткейлі, крем реңдес, ақ түсті таблеткалар.
Фармакотерапиялық тобы
Шөп тозаңы аллергендері
АТХ коды V01AA02
Фармакологиялық қасиеттері
Антиполлин жусан иммунтерапиялық әсерін береді, жусан тозаңының аллергиялық әсер етуіне организмнің осы аллерген түріне орай әрекеті сипатын өзгерту жолымен тұрақты организм иммунитеті қалыптасуын қамтамасыз етеді.
Аллергеннің суббукальді спецификалық иммунотерапия жүргізу кезіндегі әсер етуінің нақты механизмі соңына дейін айқын емес. Әсер етуінің басы науқастар реагиндерімен (спецификалық IgE бөгде денелер) өзара әрекеттесетін протеинді-полисахаридті кешен болып табылады, оның нәтижесінде:
— "бөгегіш антидене" рөлін атқаратын спецификалық антидене (IgG4) түзіледі;
— плазмада спецификалық IgE деңгейі ұзақ уақытқа төмендейді;
— аллергиялық реакцияға қатысатын жасушалар реактивтілігі төмендейді;
— IgE өнімдерін реттейтін цитокин өнімдерінің оңды өзгеруіне (IL-4 төмендеуі мен γ-интерферонның жоғарылауына) әкелетін Th2 мен Тh1 Т-лимфоциттері және де Th0 Т-лимфоциттері арасында өзара әрекеттесу белсенділігі артады.
Сонымен қатар, суббукальді аллерген – спецификалық иммунотерапия иммунды жауапты туындатады, бұл иммунобиологиялық жадыны ұзақ уақыт бойы ұстап тұруға мүмкіндік береді.
Емдеуді аурудың ерте мерзімдерінде бастаған кезде суббукальді иммунотерапияның тиімділігі жоғары болмақ.
Қолданылуы
- жусан тозаңына сезімталдығы жоғары пациенттерде аллергиялық ринит, аллергиялық конъюнктивит, есекжем, бронх демікпесі, бронхиттің клиникалық көріністері бар маусымдық поллинозда
Қолдану тәсілі және дозалары
Дәрігер-аллерголог әр науқасқа емді жусанның гүлденуі басталудан кем дегенде 2 ай бұрын тағайындайды.
Емдеуді аллергеннің ең аз дозасынан 10-8 (блистер №1- 0,0001 PNU) бастап, біртіндеп дозаны 10-7, 10-6, 10-5, 10-4, 10-3, 10-2, 10-1 (блистер №2- 0,001 PNU, блистер №3- 0,01 PNU, блистер №4- 0,1 PNU, блистер №5- 1 PNU, блистер №6- 10 PNU, блистер №7- 100 PNU, блистер №8- 1000 PNU, блистер №9- 1000 PNU) ұлғайтады. Таблетканы ұртына салып, толық ерігенше ұстау керек.
Жусан тозаңынан алынған аллергеннің ең жоғары тәуліктік дозасы 1000 PNU.
Емдеу үш кезеңнен тұрады:
Бастапқы ем
Блистер №1 (0,0001 PNU) - күн сайын 1 таблеткадан, 6 күн бойы;
Блистер №2 (0,001 PNU) - күн сайын 1 таблеткадан, 6 күн бойы;
Блистер №3 (0,01 PNU) - күн сайын 1 таблеткадан, 6 күн бойы;
Блистер № 4 (0,1 PNU) - күн сайын 1 таблеткадан, 6 күн бойы;
Блистер №5 (1 PNU) - күн сайын 1 таблеткадан, 6 күн бойы;
Негізгі ем
Блистер №6 (10 PNU) - күн сайын 1 таблеткадан, 6 күн бойы;
Блистер №7 (100 PNU) - күн сайын 1 таблеткадан, 6 күн бойы;
Блистер №8 (1000 PNU) - 1 таблеткадан күнара, 11 күн бойы;
Демеуші ем
Блистер №9 (1000 PNU) - 1 таблеткадан 1 немесе 2 күн сайын, 11/16 күн бойы;
Дәрігер-аллерголог науқастың таблетка қабылдап жүрген кезеңдегі жағдайына қарай емдеу сызбасын түзетуі мүмкін. Маусым аралық бірнеше курстан өту ұсынылады.
Жағымсыз әсерлері
Сирек
- жергілікті реакциялар: ауыз қуысының қышынуы, ісіну, ауыз қуысы мен тамақта жайсыздықты сезіну, сілекей бездері жұмысының бұзылуы (сілекей бөлінудің күшеюі немесе ауыздың құрғауы)
Өте сирек
- жүйелік реакциялар: негізгі аурулардың өршуі (ринит, конъюнктивит, демікпе, есекжем, бронхит)
Қолдануға болмайтын жағдайлар
- 5 жасқа дейінгі балалар
- 60 жастан асқан пациенттер
- поллиноздың өршуі
- өкпе функциясы төмендеген ауыр бронх демікпесі (ҚДК 1<70%)
- аутоиммунды аурулар
- иммун тапшылығы жағдайы
- жедел инфекциялар
- орналасымы кез келген туберкулездің өршу кезеңінде
- қатерлі жаңа түзілімдер және қан аурулары
- декомпенсация сатысындағы созылмалы аурулар
- жүрек- қан тамыр аурулары
- өршу кезеңіндегі психикалық аурулар
- эндокринді ағзалар аурулары (зоб, қант диабеті)
- жүктілік және лактация кезеңі
Дәрілермен өзара әрекеттесуі
Кортикостероидтарды (гормондар), β-адренобөгегіштерін қолдану ұсынылмайды. Емдеуді мынадай кезеңмен жүргізген жөн: туберкулин сынамасынан кейін 1 аптадан соң, белсенділігі жойылған вакциналарды қолданудан және антигистаминдік препараттармен емдеуден кейін 2 аптадан соң, тірі вакциналарды қолданудан кейін 4 аптадан, БЦЖ вакциналарын қолданудан кейін 8-12 аптадан соң.
Айрықша нұсқаулар
Ауыз қуысында қышыну, ісіну, ауыз қуысы мен тамақта жайсыздықты сезіну, сілекей бездері жұмысының бұзылуы, негізгі аурулардың өршуі (ринит, конъюнктивит, демікпе, есекжем, бронхит) пайда болған кезде емдеуді тоқтатып, антигистаминді препаратты қолдану және емдеуді түзету үшін емдеуші дәрігерге қаралу қажет. Әйелдерге етеккір кезінде емдеуде қысқа үзіліс жасау ұсынылады.
Таблетка ішіп жүрген күндері алкоголь қабылдауға болмайды.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Дәрілік препараттың жағымсыз әсерлерін ескере отырып, көлік құралын немесе қауіптілігі зор механизмдерді басқаруда сақ болған жөн.
Артық дозалануы
Артық дозалану жағдайлары анықталмаған. Дозаны шамадан тыс қабылдау жергілікті және жүйелі аллергиялық реакциялар туындатуы мүмкін.
Симптомдары: жағымсыз әсерлерінің күшеюі.
Емі: емдеуді тоқтатып, антигистаминдік препаратты қабылдау және емдеуді түзету үшін емдеуші дәрігерге қаралу қажет.
Шығарылу түрі және қаптамасы
Әрбір доза 6 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға салынған.
Әрбір дозаның 9 пішінді ұяшықты қаптамасы картон қорапшаларға салынған.
9 қорапшадан қолдану жөніндегі мемлекеттік және орыс тіліндегі нұсқаулықпен бірге картон қорапқа салынған.
Сақтау шарттары
Құрғақ, жарықтан қорғалған жерде, 10 ºС-ден 25 ºС-ге дейінгі температурада.
Балалардың қолы жетпейтін жерде сақтау керек!
Сақтау мерзімі
2 жыл
Қаптамасында көрсетілген жарамдылық мерзімі өткеннен кейін препаратты қолдануға болмайды.
Дәріханалардан босатылу шарттары
Рецепт арқылы
Өндіруші
«Бүрлі» ЖШС, ҚР, 050002 Алматы қ., Мақатаев к-сі, 34
Тел: 397-75-16, тел/факс 397-75-17
e-mail: burly@mail.ru
Тіркеу куәлігінің иесі
«Бүрлі» ЖШС, ҚР, 050002 Алматы қ., Мақатаев к-сі, 34
Тел: 397-75-16, тел/факс 397-75-17
e-mail: burly@mail.ru
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:
«Бүрлі» ЖШС, ҚР, 050002 Алматы қ., Мақатаев к-сі, 34
Тел: 397-75-16, тел/факс 397-75-17
e-mail: burly@mail.ru