Амоксил-К

• русский
• қазақша

• Скачать инструкцию медикамента

Саудалық атауы

Амоксил-К

Халықаралық патенттелмеген атауы

Жоқ

Дәрілік түрі

Инъекция үшін ерітінді дайындауға арналған 1,2 г ұнтақ

Құрамы

Бір құтының ішінде

белсенді зат - стерильді қоспа (5 : 1). амоксициллиннің натрий тұзы және клавуланаттың калий тұзы 1,0 г амоксициллинге және 0,2 г клавулант қышқылына шаққанда

Сипаттамасы

Ақ немесе ақ түсті дерлік ұнтақ. Гигроскопиялы

Фармакотерапиялық тобы

Бактерияларға қарсы жүйелік қолдануға арналған дәрілер. Бета-лактамаза тежегіштерімен біріктірілген пенициллиндер.

АТЖ коды J01C R02

Фармакологиялық қасиеттері

Фармакокинетикасы

1,2 г Амоксил-К үшін орташа фармакокинетикалық параметрлер.

Амоксициллин.

Клавулан қышқылы.

Таралуы. Енгізгеннен кейін тіндерде және интерстициальді сұйықтықта амоксициллин мен клавулан қышқылының емдік концентрациялары байқалады. Екі заттың да емдік концентрациялары өт қалтасынан, құрсақ қуысының тіндерінен, теріден, май және бұлшықет тіндерінен; сондай-ақ синовиальді және перитонеальді сұйықтықтан, өттен және іріңнен табылды. Амоксициллин және клавулан қышқылы ақуыздармен әлсіз байланысады; зерттеулерде плазмадағы жалпы концентрациялардың ақуыздармен байланысу көрсеткіштері клавулан қышқылы үшін 25 % және амоксициллин үшін 18 % құрайды.

Шығарылуы. Басқа да пенициллиндер сияқты, амоксициллиннің негізгі шығарылу жолы бүйректік экскреция болып табылады, демек, клавуланаттың шығарылуы бүйректер арқылы да, бүйректен тыс механизмдер арқылы да жүзеге асады. Амоксициллиннің шамамен 60-70%-ы және клавулан қышқылының 40-65%-ы несеппен бірге өзгермеген күйінде алғашқы 6 сағаттың ішінде бөлініп шығады. Амоксициллин сондай-ақ қабылданған дозаның 10-25 %-на баламалы мөлшеріндегі пенициллин қышқылы түрінде несеппен бірге ішінара шығарылады. Клавулан қышқылы адам организмінде 2,5-дигидро-4-(2-гидроксиэтил)-5-оксо-1Н-пирол-3-карбоксил қышқылына және 1-амино-4 –гидрокси-бутан-2-онға дейін едәуір шамада метаболизденеді және несеппен және нәжіспен бірге, сондай-ақ шығарылатын деммен бірге көміртегі қостотығы түрінде бөлініп шығады.

Фармакодинамикасы

Амоксициллин – көптеген грамоң және грамтеріс микроорганизмдерге қарсы антибактериялық белсенділігінің өрісі ауқымды жартылай синтетикалық антибиотик. Амоксициллин бета-лактамазаға сезімтал және оның әсерімен ыдырайды, сондықтан амоксициллин белсенділігінің өрісіне осы ферментті синтездейтін микроорганизмдер енбейді. Клавулан қышқылының пенициллиндердің құрылымына ұқсас бета-лактамдық құрылысы бар. Бұдан басқа, ол пенициллиндерге және цефалоспориндерге төзімді микроорганизмдердің құрамына кіретін бета-лактамаза ферменттерінің белсенділігін төмендетуге қабілетті. Клавулан қышқылы, антибиотиктерге айқаспалы төзімділіктің пайда болуына жауапты болып табылатын, клиникалық көзқарас тұрғысынан біршама маңызды плазмидтік бета-лактамазаларға белсенді. Амоксил-К құрамында клавулан қышқылының болуы амоксициллинді бета-лактамаза ферменттерінің әсерінен ыдыраудан қорғайды және амоксициллиннің бактерияларға қарсы, амоксициллинге және басқа да пенициллиндер мен цефалоспориндерге тіпті төзімді болатын микроорганизмдерді қоса есептегенде, әсер ету өрісін кеңейтеді.

Осылайша, Амоксил-К әсер ету өрісі ауқымды антибиотиктің және бета-лактамаза тежегішінің қасиеттерін көрсетеді. Дәрілік зат микроорганизмдердің ауқымды өрісіне, мыналарды қоса есептегенде, бактерицидті әсер көрсетеді:

- грамоң аэробтар: Bacillus anthracis*, Corynebacterium түрлері, Enterococcus faecalis*, Enterococcus faecium*, Listeria monocytogenes, Nocardia asteroides, Staphylococcus aureus*, коагулазотеріс стафилококктар (Staphylococcus epidermidis-ді қоса есептегенде), Streptococcus agalactiae, Streptococcus pneumoniae, Streptococcus pyogenes, Streptococcus түрлері, viridans;

- грамоң анаэробтар: Clostridium түрлері, Peptococcus түрлері, Peptostreptococcus түрлері;

- грамтеріс аэробтар: Bordetella pertussis, Brucella түрлері, Escherichia coli*, Gardnerella vaginalis, Haemophilus influenzae*, Helicobacter pylori, Klebsiella* түрлері, Legionella түрлері, Moraxella catarrhalis* (Branhamella catarrhalis), Neisseria gonorrhoeae*, Neisseria meningitidis*, Pasteurella multocida, Proteus mirabilis*, Proteus vulgaris*,Salmonella* түрлері, Shidella* түрлері, Vibrio cholerae, Yersinia enterocolitica*;

- грамтеріс анаэробтар: Bacteroides түрлері (Bacteroides fragilis қоса есептегенде), Fusobacterium түрлері;

- басқа да микроорганизмдер: Borrelia burgdorferi, Chlamydia түрлері, Leptospira icterohaemorrhagiae, Treponema pallidum.

Ескерту* Бактериялардың осы түрлерінің кейбір өкілдері бета-лактамазаны жасап шығарады, бұл оларды амоксициллинмен монотерапияға сезімтал етпейді.

Қолданылуы

- Амоксил-К препаратына сезімтал микроорганизмдерден болған бактериялық жұқпаларға ұзақ емес ем жүргізуде

- ЛОР-ағзалардың жұқпаларында, соның ішінде қайталанатын тонзиллиттерде, синуситтерде, ортаңғы отиттерде

- төменгі тыныс жолдарының жұқпаларында, соның ішінде созылмалы бронхиттің асқынуында, лобарлы және бронхопневмонияда

- несеп шығару жүйесінің жұқпаларында, соның ішінде циститтерде, уретриттерде, пиелонефриттерде, жыныс ағзаларының жұқпаларында және созда

- тері мен жұмсақ тін жұқпаларында

- сүйек-буын жұқпаларында, соның ішінде остеомиелиттерде

- басқа да жұқпаларда, соның ішінде интраабдоминальді сепсисте

- хирургиялық араласымдарда, көп жағдайда асқазан-ішек жолына, жамбас ағзаларына, басқа және мойынға, жүрекке, бүйректерге жасалған операциялық араласымдарда, буындарды алмастырғанда және өт жолдарының хирургиясында жұқпалы асқынулардың алдын алуда.

Амоксициллинге сезімтал микроорганизмдерден болған жұқпаларды, құрамында амоксициллиннің бар екендігін ескеріп, Амоксил-К препаратымен тиімді емдейді. Амоксициллинге сезімтал емес микроорганизмдердің амоксициллинге сезімтал микроорганиздермен - бета-лактамаза продуценттерімен бірігуінен болған аралас жұқпалар Амоксил-К препаратымен емделуі мүмкін.

Қолдану тәсілі және дозалары

Дозалар емделушілердің жасына, салмағына және бүйректерінің қызметіне, сондай-ақ жұқпаның ауырлық дәрежесіне де байланысты. Дозалар барлық жерде амоксициллин/клавуланат бірлігімен көрсетілген. Амоксил-К препаратын көктамыр ішіне (сорғалатып, баяу, 3-4 минут бойы) немесе тамшылатып (инфузия кезеңі – 30-40 минут) енгізеді. Амоксил-К препаратының бұл түрі бұлшықетішілік инъекциялар үшін қолданылмайды. Емдеу ұзақтығы, қолдану нәтижелеріне және клиникалық көрінісіне баға бермей-ақ, 14 күннен артыққа созылмауы мүмкін.

Ересектерге дозалау.

Стандартты дозасы: 1000/200 мг, әрбір 8 сағат сайын.

Ауыр жұқпалар: 1000/200 мг, әрбір 4-6 сағат сайын.

Хирургиялық араласымдар кезіндегі асқынулардың алдын алу. Операцияны ұзақтығы < 1 сағат: препараттың 1000/200 мг бір дозасы анестезияға дейін енгізіледі. Операция ұзақтығы > 1 сағат: жоғарыда көрсетілгендей, 4 дозаға дейінгі 1000/200 мг препарат нұсқаулыққа сай 24 сағат ішінде енгізіледі. Амоксил-К препаратын хирургиялық араласымдарда қолданудың мақсаты – операциядан кейінгі жұқпалы асқынулар қаупі кезеңінде емделушіні қорғау. Жұқпалардың клиникалық белгілері пайда болған жағдайда операция кезінде Амоксил-К препаратын көктамыр ішіне енгізудің немесе операциядан кейін ішу арқылы қолданудың толық курсын жүргізу қажет.

Бүйрек қызметінің бұзылуы. Дозаны түзету амоксициллиннің ең жоғары ұсынылатын дозаларына негізделеді.

Креатинин клиренсі > 30 мл/мин: дозаны түзету керек емес. Креатинин клиренсі 10-30 мл/мин: 1000/200 мг, содан кейін 500/100 мг, күніне 2 рет.

Креатинин клиренсі < 10 мл/мин:1000/200 мг, содан кейін 500/100 мг, әрбір 24 сағат сайын.

Гемодиализ. Дозаны түзету амоксициллиннің ең жоғары ұсынылатын дозаларына негізделеді. Алғашқы доза 1000/200 мг, содан кейін әрбір 24 сағат сайын 500/100 мг құрайды. Тиімді концентрацияны демеу қажеттілігін ескеріп, гемодиализ аяқталғаннан кейін тағы бір дозаны енгізген жөн.

Бауыр қызметінің бұзылуы. Дозалаған кезде сақ болу қажет, бауыр қызметіне ұдайы бақылауды жүйелі бір аралықпен жүргізу керек. Қолда бар деректер дозалау жөнінде нұсқаулар беруге жеткіліксіз.

Егде жастағы емделушілер. Түзету керек емес. Қажет болған кезде, ересектерге арналған дозаларды бүйрек қызметіне байланысты түзетеді.

Балалар үшін дозалау.

Дене салмағы 40 кг-ға дейінгі балаларға дозалау салмағына байланысты; дозалаудың ең төмен аралығы - 4 сағат.

3 айлыққа дейінгі балалар:

Нәрестенің дене салмағы 4 кг-нан аз: әрбір 12 сағат сайын 25/5 мг/кг.

Нәрестенің дене салмағы 4 кг-нан жоғары: аурудың барысына қарай, әрбір 8 сағат сайын дене салмағының әр кг-на шаққанда 25/5 мг-ға дейін.

3 айлықтан 12 жасқа дейінгі балалар:

аурудың барысына қарай, әрбір 6 - 8 сағат сайын дене салмағының әр кг-на шаққанда 25/5 мг-ға дейін.

Бүйрек қызметінің бұзылуы. Дозаны түзету амоксициллиннің ең жоғары ұсынылатын дозаларына негізделеді.

Креатинин клиренсі > 30 мл/мин: дозаны түзету керек емес.

Креатинин клиренсі 10-30 мл/мин: күніне 2 рет 25/5 мг/кг Креатинин клиренсі < 10 мл/мин: күніне 1 рет 25/5 мг/кг.

Гемодиализ. Дозаны түзету амоксициллиннің ең жоғары ұсынылатын дозаларына негізделеді. Күніне 1 рет 25/5 мг/кг. Концентрацияның тиімді жүйесін қалпына келтіру қажеттілігін ескеріп, гемодиализ аяқталғаннан кейін тағы бір дозаны енгізген жөн (күніне 25/5 мг/кг).

Бауыр қызметінің бұзылуы. Дозалаған кезде сақ болу қажет; бауыр қызметіне ұдайы бақылауды жүйелі бір аралықпен жүргізу керек. Қолда бар деректер дозалау жөнінде нұсқаулар беруге жеткіліксіз.

Ерітіндіні дайындау және енгізу ерекшеліктері.

Амоксил-К препаратын көктамырішілік инъекциялар (сорғалатып) немесе мезгіл-мезгіл инфузиялар (тамшылатып) арқылы енгізеді. Амоксил-К препаратын бұлшықет ішіне енгізуге болмайды.

1,2 г құты: ішіндегі затты инъекцияға арналған 20 мл суда еріту керек (ақырғы көлемі – 20,9 мл).

Еріткен кезде уақытша қызғылт бояу пайда болуы мүмкін, ол жоғалады.

Амоксил-К ерітінділері әдетте түссіз немесе бозғылт-сабан түсті болады.

Көктамырішілік инъекция. Амоксил-К ерітіндісінің тұрақтылығы концентрацияға тәуелді болады, сондықтан дәрілік затты ерітіп болу бойына қолданған және 3-4 минут ішінде баяу енгізген жөн. Амоксил-К препаратын тікелей көктамырға немесе катетер арқылы тамшылатып енгізуге болады.

Көктамырішілік инфузия. Амоксил-К препаратын инъекцияға арналған суда немесе инъекцияға арналған 0,9% натрий хлориді ерітіндісінде көктамыр ішіне инфузия түрінде енгізуге болады. 1,2 г ерітіндіні инфузияға арналған 100 мл сұйықтыққа қосу керек (мини-контейнерді немесе бюретканы қолданған дұрыс). Еріткеннен кейін 4 сағаттан аспайтын кезең ішінде 30-40 минут инфузия жүргізу керек. Енгізілетін ерітінділер ұнтақты еріткеннен кейін бірден толық көлеміне жеткізілуі тиіс. Антибиотиктің қалған ерітіндісін қолдануға болмайды.

Дайындалған ерітіндінің тұрақтылығы. Амоксил-К препаратымен көктамырішілік инфузиялар әртүрлі көктамырішілік ерітінділердің жәрдемімен жасалуы мүмкін. Антибиотиктің қанағаттанаралық концентрациясы 5 °С-де және бөлме температурасында (25 °С) төменде көрсетілген инфузиялық ерітінділердің ұсынылған көлемінде сақталады. Препаратты еріткен кезде және ол бөлме температурасында болған кезде инфузии төменде көрсетілген уақыт ішінде жасалуы тиіс.

Амоксил-К ерітіндісінің тұрақтылығы концентрацияға байланысты. Егер ерітінді үлкен концентрацияларда дайындалса, ерітіндінің тұрақтылық кезеңі пропорциональді түрде артады. 5 °С температурада сақтаған кезде 1000/200 мг ерітінді инфузияға арналған алдын ала салқындатылған ерітіндіге қосылуы мүмкін (пластикалық стерильді контейнерде), алынған препарат көрсетілген температурада 8 сағатқа дейін сақталуы мүмкін.

Бөлме температурасына дейін қыздырған кезде ерітіндіні кідіртпей қолданған жөн. Глюкоза, декстран және бикарбонат ерітінділерінде Амоксил-К препаратының тұрақтылығы азырақ. Аталған негіздегі ерітінділерді еріткеннен кейін 3-4 минут ішінде пайдалану қажет.

Пайдаланылған кез келген ерітіндіні жойған жөн.

Амоксил-К қолданудың мультидозалы режиміне арналмаған.

Жағымсыз әсерлері

Жағымсыз әсерлері олардың пайда болу жиілігі бойынша – өте жиіден өте сирекке дейін жіктелген. Басқа жағымсыз әсерлердің жиілігі (мысалы, жиілігі < 1/10 000) жағымсыз әсерлердің пайда болу жиілігіне қарағанда, ол жөнінде деректердің түсу жиілігін көбірек көрсетеді.

Жағымсыз әсерлердің пайда болу жиілігінің мынадай жіктемесі қолданылады:

Жиі (≥ 1/100 және < 1/10)

- тері және шырышты қабық кандидозы

- диарея

Жиі емес (≥ 1/1000 және < 1/100)

- бас айналу, бас ауыру

- жүректің айнуы, құсу, ас қорытудың бұзылуы

- АСТ және/немесе АЛТ деңгейлерінің орташа жоғарылауы бета-лактамдық антибиотиктермен емделіп жүрген науқастарда білінеді

- тері бөртпесі, қышу, есекжем

Сирек (≥ 1/10 000 және < 1/1000)

- қайтымды лейкопения (нейтропенияны қоса есептегенде) және тромбоцитопения

- препаратты енгізген жерде тромбофлебит

- полиморфты эритема

Өте сирек (< 1/10)

- қайтымды агранулоцитоз және гемолитикалық анемия, қан кету уақытының және протромбин индексінің артуы

- ангионевротикалық ісіну, анафилаксия, бронхтық түйілу, сарысу құю ауруына ұқсас синдром, аллергиялық васкулит

- құрысулар, олар бүйрек қызметі бұзылған немесе препараттың жоғары дозаларын қабылдап жүрген емделушілерде пайда болуы мүмкін

- антибиотиктермен астасқан колит (жалған жарғақшалы колитті және геморрагиялық колитті қоса есептегенде), оның пайда болу ықтималдылығы препаратты парентеральді түрде енгізген кезде едәуір төмен болуы мүмкін

- интерстициальді нефрит, кристаллурия

- Стивенс-Джонсон синдромы, уытты эпидермальді некролиз, көпіршікті эксфолиативті дерматит, денеге жайылған жедел экзантематозды пустулёз (кез келген аллергиялық дерматит пайда болған жағдайда емдеуді тоқтатқан жөн)

- бактериялық төзімділік немесе төзімді микроорганизмдерден болған супержұқпа

- гепатиттер және холестатикалық сарғаю (бұл құбылыстар басқа пенициллиндерді және цефалоспориндерді қолданған кезде пайда болады)

Гепатиттер, негізінен, еркектерде және егде жастағы науқастарда пайда болады, олардың пайда болуы препаратпен ұзақ уақыт емдеумен байланысты болуы мүмкін. Ауру белгілері және симптомдары емдеу кезінде немесе емделуден соң бірден пайда болады, бірақ кейбір жағдайларда емдеуді аяқтағаннан кейін бірнеше аптадан соң пайда болуы да мүмкін. Бұл құбылыстар әдетте қайтымды сипатқа ие. Өлім-жітіммен аяқталатын жағдайлар өте сирек, олар әрдайым ауыр негізгі ауруы бар емделушілерде немесе бауырға жағымсыз әсерін тигізетін препараттармен бір мезгілде емделіп жүрген емделушілерде байқалады.

Қолдануға болмайтын жағдайлар

- бета-лактамдарға, соның ішінде пенициллиндерге және цефалоспориндерге жоғары сезімталдық

- Амоксил–К қолдануға байланысты сары ауру/бауыр қызметінің бұзылуы сыртартқыда болғанда

- лимфатикалық лейкемияда

- жұқпалы мононуклеозда

Дәрілермен өзара әрекеттесуі

Пробенецидпен бір мезгілде қолдануға болмайды. Пробенецид амоксициллиннің бүйректік өзекшелік секрециясын азайтады. Амоксил-К препаратын бір мезгілде қолдану қанда клавулан қышқылының емес, амоксициллин деңгейінің ұзақ уақыт артуына әкелуі мүмкін.

Амоксициллинмен емдеу кезінде оны аллопуринолмен бір мезгілде қолдану тері тарапынан аллергиялық реакцияларды арттыруы мүмкін. Амоксил-К мен аллопуринолды бір мезгілде қолдану жөнінде деректер жоқ.

Басқа да антибиотиктер сияқты, Амоксил-К ішектің флорасына ықпалын тигізеді, бұл эстрогендер реабсорбциясының азаюына және ішу арқылы қабылданатын біріктірілген контрацептивтік дәрілердің тиімділігінің азаюына әкеледі.

Аценокумаролмен немесе варфаринмен емделіп жүрген және амоксициллин қабылдап жүрген емделушілерде INR деңгейінің артқаны жөнінде жекелеген мәлімдемелер бар. Осылай қолдану қажет болғанда, Амоксил-К препаратын қосқан немесе тоқтатқан кезде, протромбин уақытын немесе INR деңгейін мұқият бақылаған жөн.

Метотрексатпен бір мезгілде тағайындаған кезде метотрексаттың уыттылығы артады.

Аминогликозидтермен физикалық және химиялық тұрғыдан үйлеспейді.

Рифампицинмен біріктіру қайшылық тудырады.

Дисульфираммен бір мезгілде қолданбаған жөн.

Макролидтермен, хлорамфениколмен және тетрациклиндермен бір мезгілде тағайындауға болмайды. Бұлай біріктіру амоксициллиннің тиімділігін төмендетеді.

Айрықша нұсқаулар

Амоксил-К препаратымен емдер алдында сыртартқысында пенициллиндерге, цефалоспориндерге немесе басқа да аллергендерге асқын сезімталдық реакцияларының бар-жоқтығын мұқият анықтау қажет. Пенициллинмен емделу кезінде емделушілерде асқын сезімталдықтың ауыр, ал уақыт өте келе фатальді жағдайлары (анафилактикалық реакциялар) байқалады. Бұл реакциялар бұрындары пенициллинге осыған ұқсас реакциялары бар болған адамдарда білінуі ықтимал. Аллергиялық реакциялар пайда болған жағдайда Амоксил-К препаратымен емдеуді тоқтатқан және тиісті альтернативті емді бастаған жөн. Ауыр анафилактикалық реакциялар адреналинді қолдана отырып, шұғыл емдеуді қажет етеді. Сондай-ақ, қажетіне қарай, оксигенотерапия, стероидтарды көктамыр ішіне енгізу және басқарылатын тыныс алдыру, интубацияны қоса есептегенде, қолданылуы мүмкін. Амоксил-К препаратын жұқпалы мононуклеозға күдіктенген кезде тоқтату қажет, өйткені мұндайда тамыр тәрізді бөртпелер амоксициллинді қабылдаумен байланысты болуы мүмкін. Препаратты ұзақ уақыт қабылдау кейде Амоксил-К препаратына сезімтал емес микрофлоралардың белсенділенуіне себеп болуы мүмкін.

Амоксил-К препараты мен антикоагулянттарды ішу арқылы қабылдаған емделушілерде анда-санда протромбин уақытының нормадан артыққа созылғаны (халықаралық қалыпты арақатынас (INR) деңгейінің жоғарылауы) байқалады. Антикоагулянттарды бір мезгілде қолданған кезде тиісті мониторинг қажет. Антикоагуляцияның қажетті деңгейін демеу үшін ішу арқылы қабылданатын антикоагулянттардың дозасын түзету қажет болуы мүмкін.

Амоксил-К препаратын бауыр қызметі бұзылған емделушілерге мұқият тағайындаған және бауыр қызметін мезгіл-мезгіл бақылап отырған жөн. Бүйрек қызметі бұзылған емделушілерде дозаларды осы бұзылулардың дәрежесіне сай түзету қажет.

Амоксил-К препаратында клавулан қышқылының болуы эритроциттердің мембраналарында және Кумбстің жалғаноң реакциясының салдары ретінде IgG мен альбуминнің өзіне тән емес байланысуын тудыруы мүмкін. Препараттың жоғары дозаларын парентеральді түрде енгізу қажет болған кезде натрий мөлшері бақыланатын диетада жүрген емделушілерді емдеген кезде ерітінділердегі натрий мөлшеріне көңіл бөлген жөн.

Олигоуриясы бар науқастарда, негізінен, препаратты парентеральді түрде енгізген кезде кристаллурия өте сирек пайда болуы мүмкін. Сондықтан амоксициллиннің жоғары дозаларын қолданған кезде амоксициллиннің кристаллуриясының пайда болу мүмкіндігін азайту мақсатында сұйықтықты талапқа сай қабылдау және несеппен шығарылуын бақылау керек.

Амоксил-К препаратын қан өнімдерімен, құрамында ақуызы бар басқа сұйықтықтармен, атап айтқанда ақуыз гидролизаттарымен және көктамыр ішіне қолдануға арналған май эмульсияларымен араластырмаған жөн.

Егер Амоксил-К препаратын аминогликозидпен бір мезгілде қолданса, антибиотиктерді бір еккіште, көктамырішілік ерітіндіге арналған ыдыста немесе басқа да ыдыстарда араластырмаған жөн, өйткені аминогликозидтің белсенділігі жоғалады.

Жүктілік және емшек емізу кезеңінде қолданылуы

Тератогенді әсері туралы деректер жоқ. Дәрілерді жүктілік және емшек емізу кезеңінде қолдану қауіпсіздігі анықталған жоқ. Амоксил-К жүктілік кезінде, егер ана үшін болжамды пайдасы ұрық үшін болатын қауіптен басым болса, қолданылуы мүмкін. Препараттың қалдық мөлшері емшек сүтіне енуі мүмкін.

Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері

Автокөлікті басқару немесе басқа да механизмдермен жұмыс жасау қабілетіне жағымсыз ықпалы байқалған жоқ.

Артық дозаланғанда

Артық дозалану асқазан-ішек жолы тарапынан болатын симптомдармен және су және электролиттік тепе-теңдіктің бұзылуымен қатар жүруі мүмкін.

Симптомдары: амоксициллиннің кристаллуриясы, ол кейбір жағдайларда бүйрек қызметінің жеткіліксіздігіне әкеп соғуы мүмкін. Амоксил-К препаратын жоғары дозаларда көктамыр ішіне енгізген кезде несеп катетерінде амоксициллиннің преципитациясы жөнінде мәлімдемелер бар. Оның өткізгіштігін жүйелі тексеріп отырған жөн.

Емі: Амоксил-К қан ағысынан гемодиализ әдісімен шығарылуы мүмкін. Аталған симптомдарды симптоматикалық түрде, су-электролиттік тепе-теңдікті түзетуге аса көңіл бөлу арқылы емдейді.

Шығарылу түрі және қаптамасы

Резеңке тығынмен тығындалған және пластик жапсырмасы бар немесе жапсырмасыз алюминий қалпақпен бұралып жабылған шыны құтыларға препарат 1,2 г-нан салынған. Құтыға өздігінен желімденетін заттаңба жапсырылған. 1 құты медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Түпнұсқалық қаптамада, 25 С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін қолдануға болмайды!

Дәріханадан босатылу шарттары

Рецепт арқылы

Өндіруші

«Киевмедпрепарат» ААҚ

Украина, 01032, Киев қ-сы, Саксаганск к-сі, 139

Тіркеу куәлігі иесінің атауы және елі

«Киевмедпрепарат» ААҚ, Украина

Тұтынушылардан өнім сапасы жөнінде шағымдарды Қазақстан Республикасы аумағында қабылдайтын ұйымның мекенжайы:

Қазақстан Республикасындағы «Артериум» корпорациясының өкілдігі

050060, Алматы қ-сы, Әл-Фараби даңғылы, 97 үй , 3 подъезд, «54» кеңсе

Тел/факс: 8(727)315-82-09; 8(727)315-82-10;

Е-mail: office@arterium.kz