Аминокапроновая кислота (5%, Фармацевтическая компания Ромат)

• русский
• қазақша

• Скачать инструкцию медикамента

Саудалық атауы

Аминокапрон қышқылы

Халықаралық патенттелмеген атауы

Аминокапрон қышқылы

Дәрілік түрі

Инфузияға арналған 5% ерітінді

Құрамы

100 мл ерітіндінің құрамында

белсенді зат – 5 г аминокапрон қышқылы,

қосымша заттар: натрий хлориді, инъекцияға арналған су

Теориялық осмолярлығы 670 мОсм/л.

Сипаттамасы

Түссіз мөлдір сұйықтық

Фармакотерапиялық тобы

Қан түзуге және қанға ықпалын тигізетін препараттар. Гемостатиктер. Амин қышқылдары. Аминокапрон қышқылы.

АТХ коды B02AA01

Фармакологиялық қасиеттері

Фармакокинетикасы

Препараттың уыттылығы аз. Көктамыр ішіне енгізгенде әсері 15-20 минуттан кейін байқалады. Препарат бүйрекпен жылдам шығарылады – енгізілген мөлшерінің 40-60% өзгермеген түрде 4 сағаттан кейін несеппен шығарылады. Бүйректің шығару қызметі бұзылған жағдайда қандағы аминокапрон қышқылының концентрациясы едәуір артады.

Фармакодинамикасы

Аминокапрон қышқылы лизиннің синтетикалық аналогына жатады. Ол лизин-байланыстырғыш рецепторларын бәсекелі қанықтыра отырып, фибринолизді тежейді, осы себептен плазминоген (плазмин) фибриногенмен (фибринмен) байланысады. Препарат сонымен қатар биогендік полипетидтер – кининдерді тежейді (стрептокиназа, урокиназа, тіндік киназалардың фибринолиздерге белсендіргіш әсерін тежейді), калликреин, трипсин мен гиалуронидазаның әсерлерін бейтараптандырады, қылтамырлар өткізгіштігін азайтады.

Аминокапрон қышқылының аллергияға қарсы әсері бар, ол бауырдың уытсыздандыратын қызметін күшейтеді, қылтамырлар өткізгіштігін азайтады, антидене түзілуін басады.

Қолданылуы

- қан кетуде (гиперфибринолиз, гипо- және афибриногенемия)

- фибринолиз активаторларына бай ағзаларға хирургиялық араласулар кезіндегі қан кетуде (нейрохирургиялық, қуысішілік, торакальді және урологиялық операцияларда, оның ішінде қуық асты және ұйқы бездеріне, өкпеге; стоматологиялық араласудан кейін тонзилоэктомияда, жасанды қан айналу аппараты пайдаланылатын операцияларда)

- геморрагиялық синдромы бар ішкі ағзалар ауруларында

- плацентаның мерзімінен бұрын ажырауында, асқынған аборт

- консервацияланған қанды ауқымды құю кезінде салдарлы гипофибриногенемияның алдын алу үшін

- гипопластикалық анемияда

- күйік ауруында

Қолдану тәсілі және дозалары

Жедел гипофибриногенемия кезінде ересектерге препаратты көктамыр ішіне минутына 50-60 тамшы жылдамдықпен тамшылатып енгізеді. Бірінші сағаттың ішінде 80-100 мл (4-5 г) енгізу ұсынылады, одан кейін қажет болғанда қан толық тоқтағанға дейін әр сағат сайын, бірақ 8 сағаттан асырмай, 20 мл-ден (1 г) енгізеді. Қан кету жалғаса берген немесе қайта басталған жағдайда аминокапрон қышқылының 5 % ерітіндісі инфузиясын 4 сағаттан соң қайталайды.

1 жастан асқан балаларға фибринолитикалық белсенділіктің орташа жоғарылауы кезінде көктамыр ішіне тамшылатып, дозасын дене салмағына 0,05 г/кг есебінен тағайындайды. Осындай жағдайлардағы бір реттік және тәуліктік дозалар мынадай:

Жедел қан жоғалту кезінде 0,1 г/кг-ден мынадай дозаларда тағайындайды:

Жағымсыз әсерлері

- бас айналуы, құлақтың шуылдауы, бас ауыруы

- жүрек айнуы, диарея

- жоғары тыныс алу жолдарының қабынуы, мұрынның бітуі

- тері бөртулері, енгізу орнындағы реакциялар, ауыру, некроз

- ортостатикалық артериялық гипотензия, құрысулар, субэндокардиальді қан құйылу, миоглобинурия

- жедел бүйрек жеткіліксіздігі

- брадикардия

- аритмия

- ентігу, өкпе артериясы тромбоэмболиясы, тромбоз

- естудің төмендеуі, көрудің төмендеуі

- рабдомиолиз

- сананың шатасуы, сандырақтау, елестеулер, инсульт, бас сүйек ішілік гипертензия

- аллергиялық және анафилактикалық реакциялар, анафилактикалық шок

- агранулоцитоз, коагуляцияның бұзылуы, лейкопения, тромбоцитопения

- бұлшықет әлсіздігі, миалгия, миопатия, миозит

Қолдануға болмайтын жағдайлары

- препаратқа жоғары сезімталдық

- тромбозға және тромбоэмболиялық ауруларға бейімділік

- гиперкоагуляция (тромб түзілуі, тромбоэмболия)

- диффузиялық тамырішілік қан ұюы салдарынан болатын коагулопатия

- бөліп шығару қызметі бұзылған бүйрек ауруы

- гематурия

- жүктілік, лактация кезеңі

- ми қан айналымының бұзылуы

- ДҚҰ- синдромы

- жоғары тыныс алу жолдарынан шығу тегі белгісіз қан кету

- 1 жасқа дейінгі балалар

Дәрілермен өзара әрекеттесуі

Аминокапрон қышқылы ерітіндісін енгізуді глюкоза, гидролизаттар және шокқа қарсы ерітінділер құюмен үйлестіре біріктіруге болады. Жедел фибринолизде қосымша 2-4 г орташа тәуліктік дозада (ең жоғары доза 8 г) фибриноген енгізу қажет.

Айрықша нұсқаулар

Көктамыр ішіне енгізуге арналған препарат тек стационарлық жағдайларда ғана қолданылады! Белгілі бір диагнозсыз және/немесе гиперфибринолиздің зертханалық расталуынсыз препаратты тағайындамаған жөн.

Препаратты тағайындау қанның фибринолитикалық белсенділігін және қандағы фибриноген концентрациясын тексеруді талап етеді. Көктамырға енгізуде, әсіресе жүректің ишемиялық ауруы кезінде, миокард инфарктісінен кейін, бауырдағы патологиялық процестер кезінде коагулограмманы бақылау қажет.

Ұзақ емдеу кезінде сарысулық креатинфосфокиназа (КФК) деңгейін бақылап отырған, КФК артуы анықталғанда препарат қолдануды тоқтатқан жөн.

Жүректің, және бүйрек ауруларында (жедел бүйрек жеткіліксіздігінің дамуына байланысты) сақтықпен қолдану керек.

Артериялық гипотензияда, жүректің клапаны ақауларында, бауыр жеткіліксіздігінде, созылмалы бүйрек жеткіліксіздігінде, 18 жасқа дейінгі балалар мен жасөспірімдерде препаратты сақтықпен қолданған жөн.

Босанғаннан кейінгі кезеңде тромбоэмболиялық асқынулар болуы ықтималдығына байланысты әйелдерге босану кезінде көп қан кетудің алдын алу мақсатында қолданған дұрыс емес.

Препаратты көктамыр ішіне жылдам енгізбеген жөн, өйткені бұл гипотензия, брадикардия және/немесе аритмияны туындатуы мүмкін.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері.

Препараттың жағымсыз әсерлерін ескере отырып, автокөлік басқару және механизмдермен жұмыс кезінде сақ болу қажет.

Артық дозалануы

Симптомдары: жағымсыз әсерлердің айқын симптомдары. Ұзақ уақыт қолданғанда миалгия, бұлшықет әлсіздігі, рабдомиолиз, миоглобулинария, жедел бүйрек жеткіліксіздігінің даму қаупі бар

Емі. Симптоматикалық ем жүргізу. Бұлшықет зақымдануының дамуын болдырмас үшін креатинфосфокиназа деңгейіне бақылау жүргізу қажет.

Шығарылу түрі және қаптамасы

100 мл препараттан резеңке тығынмен тығындалған және алюминий қалпақшамен қаусырылған қанға, трансфузиялық және инфузиялық ерітінділерге арналған шыны бөтелкелерде.

Бөтелкелер медицинада қолданылуы жөніндегі мемлекеттік және орыс тілдеріндегі нұсқаулықтардың сәйкес санымен бірге гофрланған картон қорапқа салынады.

Сақтау шарттары

Жарықтан қорғалған жерде, 25 °С-ден аспайтын температурада сақтау керек.

Бөтелке бүтіндігі сақталған кезде препаратты мұздатып қатыру оны қолдануға қарсы көрсетілім болып табылмайды.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Ромат» фармацевтикалық компаниясы ЖШС, медициналық препараттар зауыты, Қазақстан, Семей қ., Краснознамённая к-сі, 13, тел (7222) 340867, факс (7222) 347559, e-mail: zmp@romat.kz

Тіркеу куәлігінің иесі

«Ромат» фармацевтикалық компаниясы ЖШС, медициналық препараттар зауыты, Қазақстан

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Ромат» фармацевтикалық компаниясы ЖШС, медициналық препараттар зауыты, Қазақстан, Семей қ., Краснознамённая к-сі, 13, тел (7222) 340867, факс (7222) 347559, e-mail: zmp@romat.kz