Аминалон

• русский
• қазақша

• Скачать инструкцию медикамента

Саудалық атауы

Аминалон

Халықаралық патенттелмеген атауы

Жоқ

Дәрілік түрі

Қабықпен қапталған таблеткалар 250 мг

Құрамы

Бір таблетканың құрамында

белсенді зат– гамма – аминмай қышқылы -250 мг,

қосымша заттар: қант ұнтағы, повидон, магний стеараты, опадрай II (оның ішінде поливинил спирті, тальк, макрогол 3350 (полиэтиленгликоль), лецитин (соялық), титанның қостотығы E 171), ұнтақ-қант, наубайханалық бидай ұны, магний карбонаты негізгі, титанның қостотығы E 171, ара балауызы, қатты мұнай парафині, рафинадталған күнбағыс майы

Сипаттамасы

Ақ немесе ақ дерлік түсті қабықпен қапталған, екі беті дөңес таблеткалар.

Фармакотерапиялық тобы

Психоаналептиктер. Психостимуляторлар және басқа да ноотроптар.

АТХ коды N06ВХ

Фармакологиялық қасиеттері

Фармакокинетикасы

Ішке қабылдағаннан кейін асқазан-ішек жолдары (АІЖ) арқылы тез және іс жүзінде толығымен сіңеді. Қан плазмасындағы ең жоғары концентрациясына 60 минуттан кейін жетеді, содан кейін концентрациясы тез төмендеп және 24 сағаттан кейін қан плазмасында анықталмайды. Гемато-энцефалдық бөгет арқылы нашар өтеді. Организмде сукцинатсемиальдегидке трансаминдену және келесі -кетоглутар қышқылына дейін тотығу жолымен тез қарқынды метаболизмге ұшырайды. α-кетоглутар қышқылының бөлігі гематоэнцефалдық бөгет арқылы орталық жүйке жүйесіне (ОЖЖ) түседі, ол жерде бірінен кейін бірі трансаминдену және қайтадан γ-аминмай қышқылына декарбоксилденуге ұшырайды.

Фармакодинамикасы

Аминалон ноотропты және құрысуға қарсы әсер етеді.

Әсер ету механизмі аминалонның гамма-аминмай қышқылын (ГАМҚА)- және ГАМҚВ-типті рецепторларды белсенділендіру қабілетіне байланысты. ГАМҚА-рецепторларды белсенділендіру хлоридты өзекшелердің ашылуына, хлорид-иондардың жасушаларға түсуі және нейрон белсенділігінің төмендеуіне әкеледі. ГАМҚВ- рецепторларды белсенділендіру нейрондағы метаболикалық үдерістің күшеюі, жасушаға глюкозаның тасымалдануының жоғарылауы, нейрондағы РНҚ мен ақуыздың биосинтезінің артуымен жүреді.

Аминалон ОЖЖ нейромедиаторлық үдерістер динамикасын қалпына келтіреді, ойлау өнімділігін арттырады, жады іздері консолидация үдерістерін жақсартады, өткерген ишемиялық шабуылдан кейінгі моторлы және сөйлеу қызметтерінің қалпына келуіне жағымды әсер етеді.

Аминалон орташа антигипоксиялық және құрысуға қарсы белсенділікке ие, құрысуға дайындық шегін жоғарылатады, олардың ұзақтығына айтарлықтай әсер етпей, құрысу ұстамаларының жиілігін төмендетеді.

Орташа гипотензивті белсенділікке ие, бастапқы жоғары артериялық қысымды (АҚ) және осыған байланысты симптомдарды (бас айналуы, ұйқысыздық) төмендетеді. Жүрек жиырылуының жиілігін аздап сиретеді.

Қант диабетімен зардап шегетін адамдарда аш қарынға гликемия деңгейін төмендетеді. Дені сауларда гликогенолизді ынталандыру арқылы кері әсер етуі мүмкін.

Қолданылуы

- өткерген ми қан айналымының бұзылуы және бас сүйек-ми жарақаттарынан кейінгі жағдайларда

- психоорганикалық синдромда

- атеросклероздық, гипертониялық және алкогольдік энцефалопатияда

- балалардағы церебральді салдану және балаларда туылу кезіндегі жарақаттар салдарын кешенді емдеу құрамында

- балаларда ойлау- ми қабілетінің дамуындағы кідірісте

- кинетоздар (теңіз және әуе ауруы).

Қолданылу тәсілі және дозалары

Ішке ас қабылдағанға дейін қабылданады.

Ересектер мен 7 жастан асқан балаларға ішке 0,5 – 1,25 г-нан күніне 3 рет тағайындайды.

Тәуліктік доза – 1,5 – 3 г. 6 жастағы балаларға – 2,0-3,0 г/тәулігіне (8-12 таблетка) 3 қабылдауға.

Емдеу курсы 2-3 аптадан кем емес (оңтайлы 2-4 ай). Қажет болғанда курстарды жылына 1-2 рет қайталайды.

Кинетоздарды емдеуде ересектерге 0,5 г (2 таблетка), балаларға 0,25 г (1 таблетка) жол жүрер алдындағы 3-4 тәулікте күніне 3 рет тағайындайды.

Жағымсыз әсерлері

- жүрек айнуы, құсу, диспепсиялық құбылыстар

- дене температурасының жоғарылауы, ыстықты сезіну

- ұйқысыздық;

- артериялық қысымның ауытқымалығы.

Қолдануға болмайтын жағдайлар

- аминалонға жоғары сезімталдық

- 6 жасқа дейінгі балаларға

Дәрілермен өзара әрекеттесу

Бензодиазепин туындыларымен, құрысуға қарсы және седативті-гипноздық дәрілермен бір мезгілде қабылдағанда ОЖЖ-не бәсеңдететін әсерінің күшеюі мүмкін.

Олармен бір мезгілде қабылдағанда гипотензивті препараттардың әсері күшейеді.

Винпоцетин, нимодипин, ницерголинмен бір мезгілде қолданғанда егде адамдарда гипотония дамуы және гипотония аясында мидың гипоперфузиясының дамуына байланысты ми қан айналымының бұзылуы ауырлауы мүмкін.

Айрықша нұсқаулар

Қолданудағы сақтықтар

Аминалонды АҚ ауытқымалы емделушілерде қолданғанда емдеудің алғашқы күндері, АҚ айтарлықтай ауытқу мүмкіндігіне байланысты ерекше сақтық шараларын сақтау керек.

Жүктілік және лактация

Жүктілік және лактация кезеңінде аминалонды қолданудың қауіпсіздігі мен тиімділігі анықталмаған.

Препараттың көлік құралдарын немесе әлеуетті қауіпті механизмдерді басқару қабілетіне әсер ету ерекшеліктері.

Аминалонды қабылдау кезінде көлік құралдарын немесе әлеуетті қауіпті механизмдерді басқаруда сақтық шараларын сақтау керек.

Артық дозалануы

Аминалон төмен уыттылық иеленген. Уыттану симптомдары тек бір мезгілде аминалонның өте жоғары дозаларын (10-20 г жоғары) қабылдағанда ғана пайда болады және келесі симптомдармен сипатталады: жүрек айнуы, құсу, асқазанның ауыруы, дене температурасының жоғарылауы, бас ауыруы, ұйқышылдық және брадикардия.

Емі. Арнайы у қайтарғысы жоқ. Көмек көрсету шаралары препаратты тоқтату, белсенділендірілген көмірмен асқазанды шаю, бүркемелегіш дәрілерді тағайындау (диосмектит, крахмал шырышы), пайда болған бұзылыстарды жоюға бағытталған демеуші және симптоматикалық ем болып табылады.

Шығарылу түрі және қаптамасы

10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамада.

5 пішінді ұяшықты қаптамадан медицинада қолданылуы жөніндегі мемлекеттік және орыс тіліндегі нұсқаулықтармен бірге картоннан жасалған пәшкеде.

Сақтау шарттары

Құрғақ, жарықтан қорғалған жерде, 25 ºС-ден аспайтын температурада сақтау керек.

Балалардан қорғау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Борисов медициналық препараттар зауыты» ашық акционерлік қоғамы, Беларусь Республикасы, Минск обл., Борисов қаласы, Чапаев көшесі, 64/27

тел/факс 8-(10375177)744280.

Тіркеу куәлігінің иесі

«Борисов медициналық препараттар зауыты» ашық акционерлік қоғамы, Беларусь Республикасы.

Қазақстан Республикасының аумағында тұтынушылардан өнімнің (тауардың) сапасы жөнінде шағымдарды қабылдайтын ұйымның мекенжайы

«Борисов медициналық препараттар зауыты» ашық акционерлік

қоғамы, Беларусь Республикасы, Минск обл., Борисов қаласы, Чапаев көшесі, 64/27,

тел/факс 8-(10375177) 744280, электрондық поштасы market@borimed.com