Амбробене® (60 мг)
Инструкция
-
русский
-
қазақша
Саудалық атауы
Амбробене®
Халықаралық патенттелмеген атауы
Амброксол
Дәрілік түрі
60 мг таблеткалар
Құрамы
Бір таблетканың құрамында белсенді зат: 60,0 мг амброксол гидрохлориді,
қосымша заттар: лактоза моногидраты, жүгері крахмалы, магний стеараты, сусыз коллоидты кремнийдің қостотығы.
Сипаттамасы
Ақ түсті, екі жағы дөңес, бір жағында крест тәріздес сызығы бар, диаметрі 12.0 ± 0.2 мм және биіктігі 4.7 ± 0.3 мм дөңгелек таблеткалар
Фармакотерапиялық тобы
Қақырық түсіретін препараттар. Муколитиктер. Амброксол.
АТХ коды R 05CB 06
Фармакологиялық қасиеттері
Фармакокинетикасы
Ішке қабылдағаннан кейін Амброксол асқазан-ішек жолынан ic жүзінде толығымен сіңіріледі. Препараттың плазмадағы жоғары концентрациясы 1-3 сағаттан кейін байқалады. Ақуыздармен байланысуы 85%-ға жуықты құрайды. Жартылай ыдырау кезеңі шамамен 22 сағатты құрайды. 90% метабилиттер түрінде және 10% өзгермеген амброксол түрінде бүйректер арқылы шығарылады.
Фармакодинамикасы
Амбробене® өзгерген бронхөкпе секрециясын қалыпқа түсіреді, қақырықтың тұтқырлығын азайта отырып, оның реологиялық көрсеткіштерін жақсартады және қақырықтың бронхтардан шығарылуын жеңілдетеді. Амбробене® альвеолалардағы және Клар-жасушадағы 2 типті пневмоциттерге тікелей әсер етуі арқылы беткейлік белсенді заттар жүйесін белсенділендіруге ықпал етеді, ұрықтың және ересектер өкпесінің альвеолярлы және бронхтық аймағында беткейлік белсенді материалдың (сурфактант) түзілуін және шығарылуын көтермелейді. Бұдан басқа, амброксолдың антиоксидантты әсерлері анықталған. Амбробенені® қолданғаннан кейін қақырықта және бронхиалдық сөліністе антибиотиктердің концентрациясы артады.
Қолданылуы
Амбробене® қақырықтың бөлінуі мен түсуі бұзылатын
жедел және созылмалы бронхопульмональдық ауруларда секретолитикалық терапия мақсатында қолданылады:
-
жедел және созылмалы бронхиттер, пневмонияда
-
қақырықтың түсуі қиындайтын бронх демікпесінде
-
бронхоэктаздық ауруда.
Қолдану тәсілі және дозалары
Амбробене® 60 мг таблеткаларын тамақтанғаннан кейін жеткілікті мөлшердегі сумен ішке қабылдайды. Ересектерге шайнамай, тұтастай жұту керек.
Ересектер және 12 жастағы және одан асқан балалар: Алғашқы 2-3 күн Амбробене® 60 мг тәулігіне ½ таблеткадан 3 рет (тәулігіне 3 рет 30 мг амброксол гидрохлоридіне баламалы). Одан кейін Амбробене® 60 мг ½ таблеткадан тәулігіне 2 рет қабылдайды (тәулігіне 2 рет 30 мг амброксол гидрохлоридіне баламалы).
6-дан 12 жасқа дейінгі балалар: Амбробене® 60 мг тәулігіне ½ таблеткадан 2-3 рет (тәулігіне 2-3 рет 15 мг амброксол гидрохлоридіне баламалы).
Емдеу ұзақтығы аурудың өту ерекшеліктеріне байланысты. Амбробенені® дәрігердің тағайындауынсыз 4-5 күннен асырып қолдану ұсынылмайды.
Жағымсыз әсерлері
Сирек
- гастралгиялар, жүрек айнуы, құсу
- асқын сезімталдық реакциялары (тері бөртпесі, беттің ісінуі, диспноэ, қышыну)
- дене қызуы
Өте сирек
- анафилактикалық шокты қоса аллергиялық реакциялар
Қолдануға болмайтын жағдайлар
-
амброксолға және/немесе препараттың басқа компоненттеріне жоғары сезімталдықта
-
жүктіліктің I триместрінде - 12 жасқа дейінгі балаларға
Дәрілермен өзара әрекеттесуі
Амбробене® және:
- жөтелге қарсы препараттарды бір мезгілде қолдағанда, жөтел рефлексі азаю аясында бронхтардан қақырық бөлінуі қиындауы мүмкін.
Айрықша нұсқаулар
Бүйректің функционалдық қызметінің шектелуінде және/немесе бауырдың ауыр ауруларында қабылданатын дозаны азайтып, препаратты қабылдау аралығындағы уақытты көбейте отырып, Амбробенені® айрықша сақтықпен қабылдау керек.
Жүктілік және лактация кезеңі
Амбробенені® жүктіліктің II және III триместрінде, сондай-ақ емізу кезеңінде дәрігердің пайда/қауіп арақатысына мұқият талдау жасағанынан кейін ғана пайдалануға болады.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді.
Артық дозалануы
Белгілері: қозу, диарея, саливацияның жоғарылауы, құсу және гипотензия
Емі: симптоматикалык ем.
Шығарылу түрі және қаптамасы
60 мг таблеткалар № 10, 20
Баспалы алюминий фольгадан және поливинилхлоридті үлбірден жасалған пішінді ұяшықты қаптамада 10 таблеткадан. 1 немесе 2 пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапқа салынған.
Сақтау шарттары
25оС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды!
Дәріханалардан босатылу шарттары
Рецептісіз
Өндіруші
"Меркле ГмбХ", Германия
Тіркеу куәлігінің иесі
"ратиофарм ГмбХ", Германия
Қазақстан Республикасы аумағында тұтынушылардан өнім (тауар) сапасы жөніндегі шағымдарды қабылдайтын ұйымның мекенжайы:
«ратиофарм Қазақстан» ЖШС, 050040, Алматы қ., Әл-Фараби даң., 19
Нұрлы-Тау БО, 1Б, 603 кеңсе,
телефон: (727) 311 09 15, факс: (727) 311 07 34
e-mail: teva@teva.kz