Альгерон® (200 мкг/мл, шприц 0.6 мл)

• русский
• қазақша

• Скачать инструкцию медикамента

Саудалық атауы

Альгерон®

Халықаралық патенттелмеген атауы

Цепэгинтерферон альфа-2b

Дәрілік түрі

Тері астына енгізуге арналған 200 мкг/мл ерітінді

Құрамы

1 мл препараттың құрамында

белсенді зат – пегилирленген интерферон альфа-2b

(цепэгинтерферон альфа-2b) - 200.0 мкг,

қосымша заттар: натрий ацетаты тригидраты, мұзды сірке қышқылы, натрий хлориді, полисорбат-80, динатрий эдетаты дигидраты, инъекцияға арналған су.

Сипаттамасы

Мөлдір, түссізден ашық сары түске дейінгі ерітінді

Фармакотерапиялық тобы

Иммуномодуляторлар. Иммуностимуляторлар. Интерферондар. Цепэгинтерферон альфа-2b

АТХ коды L03AВ14

Фармакологиялық қасиеттері

Фармакокинетикасы

Клиникаға дейінгі іс-тәжірибелер интерферон альфа-2b молекуласының пегилирленуі енгізілген жерден сіңуінің едәуір баяулауына, таралу көлемінің ұлғаюына, клиренсінің азаюына әкелетінін көрсетті. Клиренсінің азаюы жартылай шығарылуының терминальді (Т1/2) кезеңі ұзақтығының, модификацияланбаған интерферон альфа-2b-мен салыстырғанда, 10 еседен көбірекке артуына әкеледі (2,2 сағатқа қарағанда 32 сағат). Альгерон® препаратының шығарылуы >153 сағат (6,5 күн) бойы жүрді.

Альгерон® препаратының фармакокинетикасын зерттегенде еріктілерге 1,5 мкг/кг емдік дозаны рибавиринмен бір мезгілде енгізгенде ең жоғары сарысулық концентрацияға (Сmах) енгізуден кейін орта есеппен 31 (18-48) сағаттан соң жетті және 1 401 ± 233 (1250 - 1803) пкг/мл құрады. 0-ден 168 сағатқа дейін «концентрация-уақыт» қисығы астындағы аудан (AUC(0-168)) орта есеппен 144  212 ± 49 839 (106 845 – 226 062) пкг/мл/сағ. құрады. Препарат клиренсі (Cl) орта есеппен 9,9 ±3,2 (5,2 – 13) мл/(сағ.*кг), жартылай шығарылу кезеңі (T1/2) - 57,8 ± 8,4 (48-66,5) сағатты құрайды. Элиминация константасы Кеl мәні орта есеппен 0,0124±0,002 сағ.-1 құрады.

Созылмалы С гепатитінің біріктірілген емі аясында Альгерон® препаратын тері астына аптасына 1 рет енгізгенде препарат концентрациясының дозаға байланысты 8 аптаға дейін біртіндеп артуы байқалды, содан кейін Альгерон® препаратымен емдеудің 12 аптасына дейін әрі қарай жиналып қалу байқалған жоқ.

Бүйрек функциясы бұзылған науқастардағы фармакокинетикасы

Пэгинтерферон альфа-2а зерттеулерінде бүйрек функциясы бұзылған (КК 20-дан 100 мл/мин дейін) пациенттерде фармакокинетикалық параметрлер мен креатинин клиренсі (КК) арасында байланыс байқалған жоқ. Пэгинтерферон альфа-2b зерттегенде Cmax, AUC және Т1/2 артуы бүйрек функциясының жеткіліксіздігі дәрежесіне пропорциональді түрде болатыны анықталды.

Бүйрек функциясының орташа және ауыр дәрежедегі жеткіліксіздігі бар науқастарға мұқият бақылау жүргізу қажет және жағымсыз реакциялар пайда болғанда Альгерон® препаратының дозасын төмендету керек.

Бауыр функциясы бұзылған науқастардағы фармакокинетикасы

Дені сау адамдар мен С гепатиті бар науқастарда пэгинтерферон альфа препаратының фармакокинетикалық параметрлері бірдей. Компенсацияланған бауыр циррозы бар науқастардағы фармакокинетикалық сипаттамалар циррозсыз науқастардағы сияқты. Бауыр функциясының айқын бұзылуы бар науқастарда пэгинтерферон альфа препараттарының фармакокинетикасы зерттелген жоқ, сондықтан науқастардың осы тобында Альгерон® препаратын қолдану ұсынылмайды.

Егде жастағы адамдардағы фармакокинетикасы

Пэгинтерферон альфа препараттары фармакокинетикасының параметрлері жасқа байланысты емес, сондықтан егде жастағы адамдарда дозаны өзгерту қажет емес. 70 жастан асқан пациенттердегі фармакокинетикасы зерттелген жоқ.

Фармакодинамикасы

Цепэгинтерферон альфа-2b препараты интерферон альфа-2b молекуласына молекулалық массасы 20 кДа полимерлік құрылымдағы полиэтиленгликольді (ПЭГ) қосу жолымен түзіледі. Альгерон® препаратының биологиялық әсерлерін интерферон альфа-2b жүзеге асырады. Интерферон альфа-2b рекомбинантты ДНҚ технологиясы бойынша биосинтетикалық әдіспен алынады және гендік инженерия әдістерімен адамның интерферон альфа-2b гені енгізілген Escherichia coli бактерияларының штаммынан өндіріледі. Интерферондар вирусқа қарсы, иммунмодуляциялайтын және пролиферацияға қарсы әсер береді. Интерферон альфа-2b препаратының вирусқа қарсы әсері оның спецификалық жасушалық рецепторлармен байланысуымен жүзеге асады, ол өз кезегінде белгілі бір ферменттердің (протеинкиназа R, 2’-5’-олигоаденилатсинтетаза және Мх ақуыздары) индукциясын қамтитын кейінгі жасушаішілік реакциялардың күрделі механизмін іске қосады. Нәтижесінде вирустық геномның транскрипциясы басылады және вирустық ақуыздар синтезі тежеледі. Иммунмодуляциялаушы әсері, ең алдымен, иммундық жүйенің жасуша арқылы жүретін реакцияның күшеюімен көрініс береді. Интерферон Т-лимфоциттердің және табиғи киллерлердің цитоуыттылығын, макрофагтардың фагоцитарлы белсенділігін арттырады, Т-хелперлердің нақтылануына мүмкіндік береді, Т-жасушаларды апоптоздан қорғайды. Интерферонның иммунмодуляциялаушы әсері бірқатар цитокиндер (интерлейкиндер, интерферон гамма) өнімдерінің ықпалымен де жүзеге асады. Интерферонның осы әсерінің барлығы да оның емдік белсенділігіне жанама болуы мүмкін.

Пегилирленген интерферон альфа препараттары сарысулық неоптерин және 2'5'-олигоаденилатсинтетаза сияқты эффекторлы ақуыздардың концентрацияларын арттырады. Еріктілерге бір реттік енгізген кездегі Альгерон® препаратының фармакодинамикасын зерттегенде неоптериннің сарысулық концентрациясының дозаға байланысты артуы байқалды, ол ең жоғары артуына (Сmах) 48 сағаттан соң жетті. Альгерон® препаратын аптасына 1 рет 1,5 мкг/кг дозада енгізгенде созылмалы С гепатиті бар науқастарда неоптериннің сарысулық концентрациясы ұдайы жоғары деңгейде сақталды.

Сондай-ақ модификацияланбаған интерферон альфа-2b сияқты, Альгерон® препараты да in vitro іс-тәжірибелерінде вирусқа қарсы белсенділікке иеленген.

Қолданылуы

- оң РНҚ HCV бар, адамның иммун тапшылығы вирусының (АИТВ) клиникалық тұрғыдан тұрақты ко-инфекциясы/созылмалы С гепатиті бар, соның ішінде бауыр ауруларының декомпенсация белгілері жоқ болғанда, ересек пациенттерді алғашқы созылмалы белсенді С гепатитін рибавиринмен біріктірілген ем құрамында емдеуде

Қолдану тәсілі және дозалары

Альгерон® препараты алдыңғы құрсақ қабырғасы немесе сан аймағындағы тері астына енгізіледі. Инъекция жасалатын жерді алмастырып отыру ұсынылады.

Емді С гепатиті бар науқастарды емдеу тәжірибесі бар дәрігер бастауы тиіс, және әрі қарай оның бақылауымен жүргізілу керек.

Рибавиринмен біріктірілген емде Альгерон® созылмалы С гепатиті, соның ішінде клиникалық тұрғыдан бірқалыпты АИТВ ко-инфекциясы бар пациенттерде аптасына 1 рет дене салмағының әр кг шаққанда 1,5 мкг дозада теріастылық инъекция түрінде қолданылады. Альгерон® препаратын дозалау режимі 1-кестеде көрсетілген.

1-кесте. Созылмалы С гепатиті бар пациенттерде Альгерон®препаратын дозалау режимі.

Әрбір еккіш/Альгерон® препараты бар құты бір реттік қолдануға ғана арналған. Еккіштегі/құтыдағы ерітіндіні араластырмаған, немесе оны басқа препаратпен қатарластыра енгізбеген жөн. Альгерон® препаратын көктамыр ішіне енгізуге болмайды.

Пациенттер үшін қолдану жөніндегі нұсқаулар:

• Инъекция жүргізуге Өзіңіз үшін ыңғайлы уақытты таңдап алыңыз. Инъекцияны кешке ұйықтар алдында жасаған дұрыс.

• Препаратты енгізер алдында қолды сабындап, сумен мұқият жуып-шайыңыз.

• Тоңазытқышта сақталуы тиіс іші толтырылған еккіші/құтысы бар картон қорапшадан пішінді ұяшықты бір қаптаманы шығарып алыңыз, және оны препарат температурасы қоршаған ауа температурасына теңелуі үшін бөлме температурасында бірнеше минут ұстаңыз. Еккіш/құтының сыртында конденсат пайда болған жағдайда конденсат ұшып кеткенше тағы да бірнеше минут күте тұрыңыз.

• Пайдаланар алдында еккіштегі/құтыдағы ерітіндіні қарап көрген жөн. Ерітіндіде жүзінді бөлшектер бар болған немесе ерітіндінің түсі өзгерген, немесе еккіш/құты зақымданған жағдайда Альгерон® препаратын қолданбаған жөн. Егер еккіш/құты тербелгенде немесе күшті шайқалғанда көбік пайда болса, көбік басылғанша күте тұрыңыз.

• Инъекция жасалатын дене аймағын таңдап алыңыз. Альгерон® теріастылық шелмайына (тері мен бұлшықет тіні арасындағы май қабаты) енгізіледі, сондықтан созылған тері, жүйкелер, буындар және қантамырлар орналасқан жерден қашық, болбыр талшықты тін бар жерді (1 суретті қараңыз – инъекцияға арналған төрт ықтимал аймақтың біреуін) пайдаланыңыз:

  • Сан (шап пен тізеден басқа санның алдыңғы жағы);

  • Іш (орталық жолағы мен кіндік аймағынан басқа жері).

   

  Іштің оң жағы

  Іштің сол жағы

  Шаттан 10-15 см

  Оң жамбас

  Сол жамбас

   

  1 сурет. Инъекция жасалатын жердің орналасу сызбасы.

  Инъекция үшін терінің ауыратын нүктелерін, түссізденген, қызарған жерлерін немесе қатайған немесе түйіндері бар аймақтарын пайдаланбаған жөн.

  Әрбір ретте егілетін жаңа жерді таңдап алыңыз, осылайша сіз инъекция жасалған жердің тері аймағындағы жағымсыз сезімді және ауыруды азайта аласыз. Әрбір инъекциялық аймақтың арасында егуге арналған бірнеше нүктелер бар. Нақты аймақтың ішінен инъекция нүктесін ұдайы алмастырып отырыңыз.

  6. Инъекцияға дайындық.

  Егер пациент еккіштегі Альгерон® препаратын қолданса

  Сіз жазатын қолыңызға дайын еккішті алыңыз. Инеден қорғаныш қалпақшасын алып қойыңыз.

  Егер пациент құтыдағы Альгерон® препаратын қолданса

  Альгерон® препараты бар құтыны алыңыз және оны тегіс жерге (үстелге) абайлап қойыңыз. Құтының қақпағын пинцетпен (немесе басқа ыңғайлы затпен) ашыңыз. Құтының жоғарғы бөлігін дезинфекциялаңыз. Сіз стерильді еккішті жазатын қолыңызға алыңыз, инеден қорғаныш қалпақшасын алып қойыңыз, және, стерильділігін бұзбай, иненің ұшы (3-4 мм) құтының шынысы арқылы көрініп тұратындай етіп, құтының резеңке қалпақшасына инені абайлап енгізіңіз. Мойны төменге қарай бағытталуы үшін құтыны төңкеріңіз.

  7. Инъекция жүргізген кезде енгізілуі керек Альгерон® препараты ерітіндісінің мөлшері Сіздің дәрігеріңіз есептеген дозаға байланысты. Альгерон® препаратының дозасы микрограммен (мкг) беріледі және дене салмағы есепке алынып, есептелінеді. Егер Сізге дәрігеріңіз айтпаса, Альгерон® препаратының дозасын өздігіңізден өзгерпеңіз. Еккіште/құтыда қалған препараттың қалдығын қайталап пайдалану үшін сақтамаңыз.

  Егер пациент еккіштегі Альгерон® препаратын қолданса

  Сізге дәрігердің жазып берген дозасына байланысты, Сізге еккіштен препарат ерітіндісінің артық көлемін жою қажет болуы мүмкін. Мұндай қажеттілік болған жағдайда ерітіндінің артық мөлшерін жою үшін еккіштің поршенін баяу және мұқият басыңыз. Поршень еккіш сыртындағы қажетті белгіге жеткенше, поршеньді басыңыз.

  Егер пациент құтыдағы Альгерон® препаратын қолданса

  Поршеньді кері қарай баяу тартыңыз және дәрігердің Сізге тағайындаған Альгерон® препаратының дозасына сәйкес ерітіндінің қажетті көлемін құтыдан еккішке құйып алыңыз. Содан кейін, стерильділігін бұзбай, иненің негізін ұстай отырып, құтыны инеден алыңыз (ине еккіштен жерге түсіп кетпеуін бақылаңыз). Еккішті инесін жоғары қарата аударып, және поршеньді қозғалта отырып, еккішті абайлап шертіп және поршеньді баса отырып, ондағы ауа көпіршіктерін жойыңыз.

  8. Альгерон® препараты енгізілетін жердегі тері аймағын алдын ала дезинфекциялап, басбармақпен және сұқ саусақпен теріні сәл қатпарлап жинаңыз (2 сурет).

  9. Еккішті инъекция жасалатын жерге тігінен қойып, инені теріге 90º бұрыш жасай отырып енгізіңіз (3 сурет). Препаратты, еккіштің поршенін төмен қарай түбіне дейін (ол түгел босағанша) біркелкі баса отырып, енгізіңіз.

  2 сурет 3 сурет

  10. Еккішті инесімен бірге жоғары қарай тігінен қозғалтып шығарып алыңыз.

  11. Пайдаланылған еккіштерді/құтыларды балалардың қолы жетпейтін, арнайы бөлінген жерге ғана тастаңыз.

  12. Егер Сіз Альгерон® препаратын енгізуді ұмытып кетсеңіз, оны есіңізге түсіру бойына, бірден жасаңыз.

  Препаратты екі еселенген дозасын енгізуге жол берілмейді.

  Альгерон® препаратын қолдануды дәрігердің кеңесінсіз тоқтатпаңыз.

  Рибавиринді ішке, күн сайын тамақтану кезінде қабылдаған жөн. Рибавириннің тәуліктік дозасы дене салмағына байланысты есептеледі (2 кестені қараңыз).

  2 кесте. Созылмалы С гепатиті бар пациенттерде Альгерон® препаратымен біріктірілген емде рибавиринді дозалау режимі

  Дене салмағы, кг	Рибавириннің тәуліктік дозасы, мг	Дозалау режимі (капсулаларда немесе таблеткаларда 200 мг-ден)
  ≤ 65	800	400 мг таңертең, 400 мг кешке
  65-85	1000	400 мг таңертең, 600 мг кешке
  86-105	1200	600 мг таңертең, 600 мг кешке
  >105	1400	600 мг таңертең, 800 мг кешке

  Созылмалы С гепатиті бар пациенттерді емдеу ұзақтығы

  Емдеу ұзақтығы вирустың генотипіне байланысты.

  Генотип HCV 1. Ерте вирусологиялық жауаптың болуы (РНҚ HCV жоғалуы немесе 12 аптаға қарай вирус жүктемесінің 2 log10 (100 есеге) және одан көбірекке төмендеуі) тұрақты жауапқа қол жеткізілгені деп болжам жасалуы мүмкін. Ерте вирусологиялық жауап жоқ болған жағдайда ремиссияға қол жеткізу екіталай. Клиникалық зерттеулерде созылмалы С гепатитінде пэгинтерферон альфа қолданғанда тұрақты жауапқа теріс ерте жауабы бар науқастардың 2%-да ғана қол жеткізілді. Ерте вирусологиялық жауапқа қол жеткізгенде емдеуді тағы 9 ай бойы жалғастыру ұсынылады (емдеудің жалпы ұзақтығы 48 апта). Егер 12 апта емдегеннен кейін ерте вирусологиялық жауапқа қол жеткізілмесе немесе 24 апта емдегеннен кейін РНҚ HCV табылатын болса, емдеуді тоқтату жөніндегі мәселені қарастыру қажет.

  Генотип HCV 2 және 3. Егер емдеудің 12 аптасында ерте вирусологиялық жауапқа (РНҚ HCV жоғалуы немесе вирус жүктемесінің 2 log10 (100 есеге) және одан көбірекке төмендеуі) қол жеткізілсе, емдеуді таңы 12 апта бойы жүргізу ұсынылады (емдеудің жалпы ұзақтығы 24 апта). Өте ұзағырақ емдеудің артықшылығы жоқ.

  Генотип HCV 4. Жалпы алғанда, генотип 4 бар пациенттерді емдеу қиындау. Арнайы зерттеулердің болмауы генотип 1 кезіндегі емдеу тактикасын қолдану мүмкіндігіне себеп болады.

  АИТВ ко-инфекциясы/созылмалы С гепатиті бар пациенттерді емдеу ұзақтығы

  Ұсынылатын емдеу ұзақтығы, С вирусы гепатитінің генотипіне қарамай-ақ, 48 аптаны құрайды.

  Дозалау режимін түзету

  Жағымсыз құбылыстар немесе зертханалық көрсеткіштерде ауырлығы орташа дәрежедегі ауытқулар пайда болғанда Альгерон® препаратының немесе рибавириннің дозаларын төмендету, немесе емдеуді уақытша тоқтату қажет. Жағдай немесе зертханалық көрсеткіштер қалыпқа келген кезде дозаны бастапқыға дейінге жоғарылату жөніндегі мәселені қарастыруға болады. Егер дозаны түзеткеннен кейін емнің жағымдылығы жақсармаса, емдеуді тоқтату ұсынылады.

  Гематологиялық бұзылулар. Шеткері қанда лейкоциттер саны 1,5х109/л-ден азыраққа, нейтрофилдер саны 0,75х109/л-ден азыраққа, тромбоциттер саны 50х109/л-ден азыраққа төмендегенде Альгерон® препаратының дозасын емдік дозаның 1/3 бөлігіне тең шамаға (1/3 ЕД) төмендету ұсынылады. Егер нейтрофилдер мен тромбоциттер саны жоғарыламаса, Альгерон® препаратының дозасын тағы 1/3 ЕД-ға төмендету ұсынылады. Егер кем дегенде 4 апта ішінде лейкоциттер саны 2,0х109/л-ге, нейтрофилдер саны – 1х109/л, ал тромбоциттер – 90х109/л-ге жоғарыласа, дозаны арттыру ұсынылады.

  Рибавирин дозасын түзету. Гемоглобин 100 г/л-ден азырақ деңгейге дейін төмендегенде рибавирин дозасын тәулігіне 600 мг-ге дейін төмендету ұсынылады. Бұрынғы дозада емдеуді гемоглобин деңгейі кем дегенде 4 апта бойы 100 г/л-ден асып кеткеннен кейін қайта жаңғыртуға болады. Гемоглобин деңгейін 85 г/л-ден азыраққа төмендегенде Альгерон® мен рибавиринді тоқтату қажет. Жүрек-қантамыр жүйесінің аурулары бар (компенсация сатысында) пациенттерде емдеудің кез келген 4 аптасы ішінде гемоглобин ≥20 г/л төмендегенде Альгерон® препаратының дозасын емдік дозаның жартысына дейін және рибавиринді тәулігіне 600 мг дейін төмендету және ұдайы төмен дозаны пайдалану ұсынылады. Егер жүрек-қантамыр аурулары бар (компенсация фазасында) науқастарда гемоглобин деңгейі дозаны төмендеткеннен кейін 4 аптадан соң 120 г/л-лен аз болса, Альгерон® препаратын енгізуді және рибавирин қабылдауды тоқтатады.

  Рибавиринді қабылдауды тоқтатқаннан кейін ем гемоглобин деңгейі қалыпқа келген кезде дозаны әрі қарай арттырмай, төмен дозада – тәулігіне 600 мг дозада қайта жаңғыртылуы мүмкін.

  Бауыр тарапынан бұзылулар. Компенсацияланған бауыр циррозында Альгерон® препаратының дозасын түзету қажет емес. Бауыр функциясының декомпенсациясында препаратты қолдану ұсынылмайды.

  Егер бос билирубиннің концентрациясы 85,5 мкмоль/л-ге дейін жоғарыласа, рибавириннің дозасын тәулігіне 600 мг-ге дейін төмендету ұсынылады.

  Аланинаминотрансфераза (АЛТ) немесе аспартатаминотрансфераза (АСТ) белсенділігін бастапқы мәнінен 2 еседен астамға немесе қалыптың жоғарғы шегінен (ҚЖШ) 10 еседен астамға үдемелі арттырғанда Альгерон® препаратын енгізуді және рибавиринді қабылдауды тоқтатады. Егер кем дегенде 4 апта ішінде, бауыр функциясының декомпенсациясы белгілерімен, байланысқан билирубин концентрациясы ҚЖШ-ден 2,5 еседен астамға немесе бос билирубин >68,4 мкмоль/л жоғарыласа, Альгерон® мен рибавиринді тоқтату қажет.

  Депрессиясы бар пациенттер. Жеңіл дәрежелі депрессияда дозаны түзету қажет емес. Ауырлығы орташа депрессия дамыған кезде Альгерон® препаратының дозасын емдік дозаның (ЕД) 1/3 бөлігіне, егер қажет болса, тағы ЕД 1/3 бөлігіне төмендету ұсынылады. Егер жағдай өзгермесе, емдеуді төмендетілген дозада жалғастыру ұсынылады. Егер кем дегенде 4 апта бойы жағдайдың жақсаруы байқалса, Альгерон® препаратының дозасын арттыруға болады. Ауыр дәрежелі депрессия, сондай-ақ суицидтік ойлар дамыған кезде Альгерон® мен рибавиринді тоқтату және психиатрдың бақылауымен спецификалық ем жүргізу қажет.

  Бүйрек функциясының жеткіліксіздігі. Бүйрек функциясының жеңіл жеткіліксіздігінде (креатинин клиренсі >50 мл/мин) біріктірілген ем тағайындаған кезде анемияның дамуына қатысты сақтық таныту қажет. Креатинин клиренсі минутына 50 мл-ден азырақ болғанда Альгерон® препаратымен және рибавиринмен біріктірілген ем тағайындалмауы тиіс. Егер емдеу кезінде креатинин концентрациясы >0,177 ммоль/л жоғарыласа, Альгерон® мен рибавиринді тоқтату қажет.

  3 кесте. Жағымсыз реакциялар пайда болғанда Альгерон® мен рибавирин дозаларын түзету алгоритмі

  Зертханалық көрсеткіштер	Рибавирин дозасын тәулігіне 600 мг дейін төмендету**	Альгерон® препаратының дозасын төмендету	Альгерон® препаратын енгізуді және рибавирин қабылдауды тоқтату
  Гемоглобин мөлшері*	<100 г/л	–	<85 г/л
  Лейкоциттер саны	–	<1,5х109/л***	<1,0х109/л
  Нейтрофилдер саны	–	<0,75х109/л***	<0,5х109/л
  Тромбоциттер саны	–	<50х109/л***	<25х109/л
  Байланысқан билирубин мөлшері	–	–	>2,5 ҚЖШ
  Бос билирубин мөлшері	>85,5 мкмоль/л	–	>68,4 мкмоль/л (>4 апта)
  Креатинин мөлшері	–	–	>0,177 ммоль/л
  АЛТ, АСТ белсенділігі	–	–	2 (бастапқы мәнінен) немесе >10 ҚЖШ

  * Жүрек-қантамыр жүйесінің аурулары бар (компенсация сатысында) пациенттерде емдеудің кез келген 4 аптасы ішінде гемоглобин ≥20 г/л төмендегенде Альгерон® препаратының дозасын емдік дозаның жартысына дейін және рибавиринді тәулігіне 600 мг дейін төмендету және ұдайы төмен дозаны пайдалану ұсынылады.

  Егер жүрек-қантамыр аурулары бар (компенсация фазасында) науқастарда гемоглобин деңгейі дозаны төмендеткеннен кейін 4 аптадан соң 120 г/л-лен аз болса, Альгерон® препаратын енгізуді және рибавирин қабылдауды тоқтатады.

  **Рибавириннің тәулігіне 600 мг дозасын таңертең 200 мг 1 капсуладан және кешкісін 200 мг 2 капсуладан, тамақтану кезінде.

  *** Альгерон® препаратының дозасын алғаш төмендету - 1/3 ЕД (аптасына 1,0 мкг/кг дейін), екінші төмендету (қажет болғанда) – тағы да 1/3 ЕД (аптасына 0,5 мкг/кг дейін) азайту.

  Пациенттердің ерекше топтарында қолданылуы

  Егде жастағы пациенттер. Егде жастағы адамдарда дозаны түзету қажет емес.

  Балалар. 18 жасқа дейінгі балалар мен жасөспірімдерде Альгерон® препаратының рибавиринмен біріктірілімінің тиімділігі мен қауіпсіздігі зерттелген жоқ.

  Бауыры және басқа ағзалары трансплантацияланғаннан кейінгі науқастар. Пэгинтерферон альфа препараттарының тиімділігі мен қауіпсіздігі анықталған жоқ.

  В гепатиті бар науқастар. Пациенттердің осы санатында Альгерон® препаратының рибавиринмен біріктірілімінің тиімділігі мен қауіпсіздігі зерттелген жоқ.

  Препарат вирусқа қарсы тікелей әсер ететін препараттармен үштік ем режимінде зерттелген жоқ.

Жағымсыз әсерлері

Аптасына 1,5 мкг/кг доза Альгерон® препаратымен және рибавиринмен біріктірілген ем жүргізген кезде жағымсыз реакциялар негізінен жеңіл немесе орташа айқын болды және емдеуді тоқтатуды қажет еткен жоқ.

Жағымсыз реакциялардың жиілігін сипаттау үшін келесі санаттар пайдаланылды: өте жиі (≥1/10), жиі (≥1/100; <1/10), жиі емес (≥1/1000; <1/100), сирек (≥1/10000; <1/1000), өте сирек (<1/10000).

Өте жиі жағымсыз реакциялар (≥ 1/10) мыналар болды:

Орталық және шеткері жүйке жүйесі тарапынан: бас ауыру, бас айналу.

Психика тарапынан: ашушаңдық, эмоциональді құбылмалылық, депрессия.

Асқазан-ішек жолы тарапынан: диарея, жүректің айнуы.

Тыныс алу жүйесі, кеуде қуысы және көкірек ортасы ағзалары тарапынан: құрғақ жөтел.

Қаңқа-бұлшықет және дәнекер тіні тарапынан: буындардың ауыруы, бұлшықеттің ауыруы.

Тері және теріасты-шелмайы тарапынан: алопеция, терінің құрғауы және қабыршақтануы, терінің қышуы, бөртпе.

Енгізілген жердегі реакциялар: енгізілген жердің қабынуы және қышынуы.

Жалпы симптомдар: қызба, тұмауға ұқсас синдром, астения, жоғары қажығыштық, дене салмағының төмендеуі.

Қан және лимфалық жүйе тарапынан: лейкопения, анемия, нейтропения, тромбоцитопения, ЭШЖ (эритроциттердің шөгу жылдамдығы), лимфоцитоз, моноцитоз. Гематологиялық көрсеткіштердің төмендеуі, әдеттегідей, емдеудің алғашқы төрт аптасында байқалды; олар дозаны түзеткеннен кейін 4–8 апта шегінде жақсарды. Тромбоцитопения, 75х109/л-ден азырақ, науқастардың шамамен 6%-да байқалды. Көптеген жағдайларда қан көрсеткіштерінің өзгеруін колонияны стимуляциялайтын гранулоцитарлы фактор препараттарының жәрдемімен немесе дозаны төмендету жолымен жоюға мүмкін болды, сондықтан байқалған ауытқулар емдеуді ұзақ мерзімге тоқтатуға әкелген жоқ. Анемияға байланысты рибавирин дозасын модификациялау науқастардың шамамен 7%-да қажет болды.

Зертханалық көрсеткіштер: гипербилирубинемия, гипертриглицеридемия, гиперхолестеринемия, гипогликемия, гипергликемия, тиреотроптық гормон (ТТГ) концентрациясының жоғарылауы.

Жиі жағымсыз реакциялар (≥1/100; <1/10):

Орталық және шеткері жүйке жүйесі тарапынан: парестезия.

Психика тарапынан: ұйқының бұзылулары, жадының және зейіннің бұзылыстары, үрейлену, мазасыздық.

Асқазан-ішек жолы тарапынан: тәбеттің төмендеуі, іштің ауыруы, ауыз ішінің құрғауы, құсу, қыжыл, дәмнің өзгеруі.

Тыныс алу жүйесі, кеуде қуысы және көкірек ортасы ағзалары тарапынан: ринит, мұрынның бітелуі, тамақтың жыбырлауы, тамақтың ауыруы, мұрыннан қан кету, ентігу, пневмония.

Есту мүшелері тарапынан және лабиринттік бұзылулар: құлақтың шыңылдауы.

Қаңқа-бұлшықет және дәнекер тіні тарапынан: оссалгиялар.

Жүрек-қантамыр жүйесі тарапынан: жүрек тұсының ауыруы, тахикардия, артериялық гипотензия, артериялық гипертензия.

Тері және теріасты-шелмайы тарапынан: қатты тершеңдік, фурункулез.

Шырышты қабықтар тарапынан: блефарит, конъюнктивит, стоматит, гингивит, ангулярлы стоматит.

Енгізілген жердегі реакциялар: ауыру, инфильтрат.

Жалпы симптомдар: шөлдеу, естен тану.

Инфекциялық және паразиттік аурулар: жедел респираторлы вирустық инфекциялар, қарапайым герпес вирусы әсерінен туындаған инфекция.

Қан жүйесі және лимфалық жүйе тарапынан: лимфопения, лимфаденопатия, эозинофилез, моноцитопения.

Эндокриндік жүйе тарапынан: гипотиреоз.

Иммундық жүйе тарапынан: поллиноз.

Бүйрек және несеп шығару жүйесі тарапынан: несеп көрсеткіштерінің бұзылуы.

Жыныс мүшелері және сүт безі тарапынан: дисменорея.

Зертханалық көрсеткіштер: ТТГ концентрациясының төмендеуі, гипохолестеринемия.

Альгерон® препаратын аптасына 2,0 мкг/кг дозада рибавиринмен біріктіріп қолданғанда Альгерон® препаратын аптасына 1,5 мкг/кг дозада қолданғанда байқалған жағымсыз құбылыстармен қатар, келесі жағымсыз реакциялар да білінді: меноррагия (2%), енгізген жерде (2%) – цианоз, нүктелік қан құйылу, фурункул.

Жиі емес жағымсыз реакциялар (≥1/1000; <1/100):

Орталық және шеткері жүйке жүйесі тарапынан: бұлшықет әлсіздігі, қимыл үйлесімінің бұзылуы, сөйлеудің шатасуы.

Асқазан-ішек жолы тарапынан: эрозиялық гастрит, холецистит, панкреатит, хейлит, глоссит.

Тыныс алу жүйесі, кеуде қуысы және көкірек ортасы ағзалары тарапынан: бронхтың обструкциялық синдромы, тонзиллит.

Қаңқа-бұлшықет және дәнекер тіні тарапынан: периостит.

Жүрек-қантамыр жүйесі тарапынан: аритмия.

Тері және теріасты-шелмайы тарапынан: эритема, розацеа.

Қан жүйесі және лимфалық жүйе тарапынан: пойкилоцитоз.

Эндокриндік жүйе тарапынан: тиреотоксикоз, тиреоидит.

Жиілігі анықталмаған:

Зертханалық көрсеткіштер: АЛТ, АСТ белсенділігінің жоғарылауы.

АИТВ жұқтырған пациенттерде созылмалы С гепатитін емдеу үшін Альгерон® препаратын қолданған кезде байқалған жағымсыз әсерлер:

Альгерон® препаратын рибавиринмен біріктіріп қабылдаған, АИТВ ко-инфекциясы/созылмалы С гепатиті бар пациенттерде, моноинфекцияларымен пациенттерде жоқ болған, келесі жағымсыз құбылыстар байқалды: тістің ауыруы (2,86%), мәңгіру (1,43%), апатия (1,43%), елестеулер (1,43%), гипомания (1,43%), арқаның ауыруы (5,71%), терінің сарғаюы (1,43%), құлақтың ауыруы (1,43%); зертханалық ауытқулар ішінде – гаммаглутамилтранспептидазаның (30%), сілтілік фосфатазаның (10%) белсенділігінің жоғарылауы; гиперальбуминемия (22,86%); креатинин концентрациясының жоғарылауы (15,71%) немесе төмендеуі (2,86%); нейтрофилез (2,86%), лейкоцитоз (1,43%), тромбоцитоз (1,43%). АИТВ жұқтырған пациенттерде CD4+ лимфоциттер санының төмендеуі (11,43%) тіркелді және моноинфекциясы бар пациенттерге қарағанда, лимфопения (61,43%) жиі байқалды.

Ересек пациенттерде пэгинтерферон альфа-2b ұқсас препараттарын рибавиринмен бірге немесе онсыз қолданған кезде байқалған жағымсыз әсерлер:

Өте жиі жағымсыз реакциялар (≥1/10):

Орталық және шеткері жүйке жүйесі тарапынан: бас ауыру, бас айналу.

Психика тарапынан: депрессия, үрейлену, эмоциональді құбылмалылық, зейінділік бұзылыстары, ұйқысыздық.

Асқазан-ішек жолы тарапынан: құсу, жүректің айнуы, іштің ауыруы, диарея, ауыз ішінің құрғауы.

Тыныс алу жүйесі, кеуде қуысы және көкірек ортасы ағзалары тарапынан: ентігу, жөтел.

Қаңқа-бұлшықет және дәнекер тіні тарапынан: миалгия, артралгия, бұлшықет-қаңқаның ауыруы.

Тері және теріасты-шелмайы тарапынан: алопеция, қышыну, терінің құрғауы, бөртпе.

Енгізілген жердегі реакциялар: енгізген жерде реакция, енгізген жердің қабынуы.

Жалпы симптомдар: шаршағыштық, астения, сезімталдық, қалтырау, дене температурасының жоғарылауы, тұмауға ұқсас синдром, ауыру.

Инфекциялық және паразиттік аурулар: вирустық инфекциялар, фарингит.

Қан жүйесі және лимфалық жүйе тарапынан: анемия, нейтропения.

Зат алмасу және тамақтану тарапынан: анорексия.

Зертханалық және аспаптық деректер: дене салмағының төмендеуі.

Жиі жағымсыз реакциялар (≥1/100; <1/10):

Орталық және шеткері жүйке жүйесі тарапынан: амнезия, жадының бұзылысы, синкопе, бас сақинасы, атаксия, сананың шатасуы, невралгия, парестезия, гипестезия, гиперстезия, бұлшықет гипертонусы, ұйқышылдық, зейіннің бұзылуы, тремор, дисгевзия.

Психика тарапынан: озбырлық, қозу, ызалану, көңіл-күйдің өзгеруі, мінез-құлықтың өзгеруі, күйгелектік, ұйқының бұзылуы, либидоның төмендеуі, апатия, әдеттен тыс түс көрулер, жылауықтық.

Асқазан-ішек жолы тарапынан: диспепсия, гастроэзофагеальді рефлюкс ауруы, стоматит, ойық жаралы стоматит, глоссодиния, қызылиектердің қанағыштығы, іш қату, метеоризм, геморрой, хейлит, іштің кебуі, гингивит, глоссит, тістер тарапынан бұзылулар.

Бауыр және өт шығару жолдары тарапынан: гипербилирубинемия, гепатомегалия.

Жүрек-қантамыр жүйесі тарапынан: жүректің қағуын сезіну, тахикардия, артериялық гипертензия, артериялық гипотензия, қан кернеулері.

Тыныс алу жүйесі, кеуде қуысы және көкірек ортасы ағзалары тарапынан: дисфония, мұрын қуысынан қан кету, тыныс жүйесі (тыныс алу) тарапынан бұзылулар, тыныс жолдарының бітелісі, мұрынның қосалқы қуыстарының шырышты қабықтарының ісінуі, мұрынның бітелуі, ринорея, жоғарғы тыныс жолдарының шырыштық секрециясының ұлғаюы, жұтқыншақтың және көмейдің ауыруы.

Есту мүшелері тарапынан және лабиринттік бұзылулар: естудің бұзылуы/жоғалуы, құлақтың шыңылдауы, вертиго.

Қаңқа-бұлшықет және дәнекер тіні тарапынан: артрит, арқаның ауыруы, бұлшықет түйілулері, аяқ-қолдың ауыруы.

Тері және теріасты-шелмайы тарапынан: псориаз, фотосезімталдық реакциялары, макуло-папулезді бөртпе, дерматит, эритематозды бөртпе, экзема, түнгі тершеңдік, гипергидроз, акне, фурункул, эритема, есекжем, шаш құрылымының бұзылуы, тырнақтар тарапынан бұзылулар.

Енгізілген жердегі реакциялар: инъекция жасаған жердің ауыруы.

Жалпы симптомдар: кеуденің ауыруы, кеудеде жайсыздық, дімкәстік, беттің ісінуі, шеткері ісіну, жайсыздық сезімі, шөлдеу.

Инфекциялық және паразиттік аурулар: бактериялық инфекциялар (сепсисті қоса), зеңдік инфекциялар, тұмау, жоғары тыныс жолдарының инфекциялары, бронхит, қарапайым герпес вирусы әсерінен туындаған инфекция, синусит, ортаңғы отит, ринит.

Қан жүйесі және лимфалық жүйе тарапынан: гемолитикалық анемия, лейкопения, тромбоцитопения, лимфаденопатия.

Эндокриндік жүйе тарапынан: гипотиреоз, гипертиреоз.

Көру мүшелері тарапынан: көрудің бұзылуы, көрудің жіті болмауы, жарықтан қорқу, конъюнктивит, көздің тітіркенуі, көзден жас бөлінудің бұзылулары, көздің ауыруы, көздің құрғауы.

Зат алмасу және тамақтану тарапынан: гипокальциемия, гиперурикемия, дегидратация, тәбеттің ұлғаюы.

Бүйрек және несеп шығару жүйесі тарапынан: несеп шығарудың жиілеуі, полиурия, несеп көрсеткіштерінің бұзылуы.

Жыныс мүшелері және сүт безі тарапынан: аменорея, сүт безінің ауыруы, меноррагия, етеккір оралымының бұзылуы, аналық бездер тарапынан бұзылу, қынап тарапынан бұзылу, сексуальді дисфункция, простатит, эректильді дисфункция.

Жиі емес жағымсыз реакциялар (≥1/1000; <1/100):

Орталық және шеткері жүйке жүйесі тарапынан: нейропатия, шеткері нейропатия.

Психика тарапынан: өзін-өзі өлтіру, өзін-өзі өлтіруге әрекет, өзін-өзі өлтіру жөнінде ойлар, психоз, елестеулер, үрейлі шабуылдар.

Асқазан-ішек жолы тарапынан: панкреатит, ауыз қуысының ауыруы.

Жүрек-қантамыр жүйесі тарапынан: миокард инфарктісі.

Есту мүшелері тарапынан және лабиринттік бұзылулар: құлақтың ауыруы.

Қаңқа-бұлшықет және дәнекер тіні тарапынан: сүйектердің ауыруы, бұлшықет әлсіздігі.

Инфекциялық және паразиттік аурулар: енгізген жерде инфекциялар, төменгі тыныс жолдарының инфекциялары.

Иммундық жүйе тарапынан: дәрілік препаратқа аса жоғары сезімталдық реакциялары.

Зат алмасу және тамақтану тарапынан: қант диабеті, гипертриглицеридемия.

Көру мүшелері тарапынан: торқабықтағы экссудат.

Сирек жағымсыз реакциялар (≥1/10000; <1/1000):

Орталық және шеткері жүйке жүйесі тарапынан: құрысулар.

Психика тарапынан: биполярлы бұзылыстар.

Асқазан-ішек жолы тарапынан: ишемиялық колит.

Жүрек-қантамыр жүйесі тарапынан: жүрек функциясының іркілген жеткіліксіздігі, кардиомиопатия, аритмия, перикардит, васкулит.

Қаңқа-бұлшықет және дәнекер тіні тарапынан: рабдомиолиз, миозит, ревматоидты артрит.

Тері және теріасты-шелмайы тарапынан: саркоидоздың терілік түрі (терілік саркоидоз).

Енгізілген жердегі реакциялар: енгізген жерде некроз.

Иммундық жүйе тарапынан: саркоидоз.

Зат алмасу және тамақтану тарапынан: диабеттік кетоацидоз.

Көру мүшелері тарапынан: көру жітілігінің жоғалуы немесе көру ауқымының шектелуі, торқабыққа қан құйылу, ретинопатия, тор қабық артерияларының бітелуі, торқабық көктамырларының бітелуі, көру жүйкесінің невриті, көру жүйкесі дискісінің ісінуі, сары дақтың ісінуі.

Бүйрек және несеп шығару жүйесі тарапынан: бүйрек функциясының жеткіліксіздігі.

Өте сирек жағымсыз реакциялар (<1/10000):

Орталық және шеткері жүйке жүйесі тарапынан: цереброваскулярлы қан кету, цереброваскулярлы ишемия, энцефалопатия.

Асқазан-ішек жолы тарапынан: ойық жаралы колит.

Жүрек-қантамыр жүйесі тарапынан: жүрек ишемиясы.

Тыныс алу жүйесі, кеуде қуысы және көкірек ортасы ағзалары тарапынан: өкпенің интерстициальді ауруы.

Тері және теріасты-шелмайы тарапынан: Стивенс-Джонсон синдромы, уытты эпидермальді некролиз, мультиформалы экссудативті эритема.

Қан жүйесі және лимфалық жүйе тарапынан: апластикалық анемия.

Иммундық жүйе тарапынан: саркоидоз (немесе саркоидоздың өршуі).

Жиілігі анықталмаған:

Орталық және шеткері жүйке жүйесі тарапынан: бет жүйкесінің салдануы, мононейропатия.

Психика тарапынан: өлтіру жөніндегі ойлар, мания.

Жүрек-қантамыр жүйесі тарапынан: перикардиальді жалқық.

Қан жүйесі және лимфалық жүйе тарапынан: нағыз эритроцитарлы аплазия.

Иммундық жүйе тарапынан: ангионевроздық ісінуді, анафилаксияны және анафилаксиялық реакцияларды, анафилаксиялық шокты қоса дереу типті аса жоғары сезімталдық реакциялары, идиопатиялық тромбоцитопениялық пурпура, жүйелік қызыл жегі.

Көру мүшелері тарапынан: торқабықтың серозды ажырауы.

АИТВ жұқтырған пациенттерде созылмалы С гепатитін емдеу үшін пэгинтерферон альфа-2b ұқсас препараттарды қолданған кезде байқалған жағымсыз әсерлер

Ауқымды зерттеулерде пэгинтерферон альфа-2b ұқсас препараттарды рибавиринмен біріктіріп қабылдаған, созылмалы С гепатиті бар АИТВ жұқтырған пациенттерде, моноинфекциясымен пациенттерде жоқ болған, жиілігі 5%-дан асатын келесі жағымсыз реакциялар байқалған: ауыз қуысының кандидозы (14%), жүре пайда болған липодистрофия (13%), CD4+ лимфоциттер санының төмендеуі (8%), тәбеттің төмендеуі (8%), гаммаглутамилтранспептидаза белсенділігінің жоғарылауы (9%), арқаның ауыруы (5%), қандағы амилаза белсенділігінің жоғарылауы (6%), қандағы сүт қышқылы концентрациясының жоғарылауы (5%), цитолизбен гепатит (6%), липаза белсенділігінің жоғарылауы (6%) және аяқ-қолдың ауыруы (6%).

Қолдануға болмайтын жағдайлар

• • Интерферон препараттарына, полиэтиленгликольге және Альгерон® препаратының кез келген басқа компоненттеріне жоғары сезімталдық

  • Рибавиринге немесе препараттың кез келген басқа компонентіне жоғары сезімталдық

  • Декомпенсацияланған бауыр циррозы (Чайлд-Пью шкаласы бойынша В және С класы немесе варикоздық кеңейген көктамырлардан қан кету)

  • АИТВ ко-инфекциясы/созылмалы С гепатиті бар (Чайлд-Пью индексі ≥6) науқастарда бауыр функциясының жеткіліксіздігі бар бауыр циррозы

  • Аутоиммундық гепатит немесе анамнезде басқа да аутоиммундық аурулары

  • Дәрі-дәрмекпен емдеу жолымен қалыпты деңгейде ұстауға келмейтін қалқанша без функциясының бұзылулары

  • Эпилепсия және/немесе орталық жүйке жүйесі функциясының бұзылуы

  • Тұрақсыз немесе емнің алдында кем дегенде 6 ай бойы бақыланбайтын жүрек-қантамыр жүйесінің ауыр сырқаттары

  • Ауыр сырқаттар (соның ішінде бүйрек функциясының жеткіліксіздігі, креатинин клиренсі <50 мл/мин, гемодиализ жүргізу қажеттілігі)

  • Қатерлі жаңа түзілімдер

  • Лактоза жақпаушылығы, лактаза тапшылығы немесе глюкозо-галактоза мальабсорбциясы сияқты сирек тұқым қуалайтын аурулар

  • Гемоглобинопатиялар (мысалы, талассемия, орақ-жасушалы анемия)

  • Сүйек кемігінде қан түзілудің айқын бәсеңдеуі (нейтрофилдер <0,5х109/л, тромбоциттер <25х109/л, гемоглобин <85 г/л)

  • Жұптасы жүкті немесе жүкті болуды жоспарлап жүрген еркектерге ем жүргізу

  • Қосарланған контрацепцияны пайдаланудан бас тарту немесе қаламау

  • Жүктілік және лактация кезеңі

  • 18 жасқа дейінгі балалар

  • Қатты жүдететін хал-жағдай

  • Телбивудинмен бір мезгілде қабылдау

Сақтықпен:

• Өкпенің ауыр сырқаттары (мысалы, өкпенің созылмалы обструкциялық аурулары).

• Ауыр психикалық аурулар, атап айтқанда, депрессиялар, суицидтік ойлар немесе әрекеттер (соның ішінде анамнезінде).

• Кетоацидоздық команың дамуына үрдісі бар қант диабеті.

• Қанның ұю жүйесімен байланысты бұзылулар (мысалы, тромбофлебитте, өкпе артериясының эмболиясын бастан кешкенде).

• Нейтрофилдер <1,5х109/л, тромбоциттер <90х109/л, гемоглобин <100 г/л.

• Миелоуытты препараттармен біріктірілімінде.

• АИТВ ко-инфекциясы/созылмалы С гепатиті бар пациенттерде – АИТВ РНҚ деңгейі 5000 көшірме/мл-ден көбірек болғанда CD4+ лимфоциттер саны 200 жасуша/мкл-ден азырақ немесе 100 жасуша/мкл-ден азырақ.

Дәрілермен өзара әрекеттесуі

Пэгинтерферон альфа мен рибавирин арасында фармакокинетикалық өзара әрекеттесулер байқалған жоқ.

4 апта бойы аптасына 180 мкг доза пэгинтерферон альфа-2а препаратымен емдеу дені сау еркек еріктілерде толбутамидтің (CYP 2C9), мефенитоиннің (CYP 2C19), дебризохиннің (CYP 2D6) және дапсонның (CYP 3A4) фармакокинетикалық бейініне ықпалын тигізген жоқ. Пэгинтерферон альфа-2b препаратымен (4 апта бойы аптасына 1,5 мг/кг) емдеу CYP1A2, CYP3A4 немесе N-ацетилтрансфераза изоферменттерінің белсенділігіне ықпалын тигізген жоқ, алайда CYP2C8/C9 және CYP2D6 изоферменттері белсенділігінің артқаны білінді.

Сондықтан Альгерон® препаратын метаболизміне CYP2C8/C9 немесе CYP2D6 изоферменттері қатысатын дәрілік заттармен бірге тағайындағанда сақтық танытқан жөн.

Альгерон® препаратын және теофиллинді бір мезгілде қолданғанда пэгинтерферон альфа препаратының Р450 цитохромы 1А2 изоферментінің белсенділігін тежейтін және теофиллиннің «концентрация-уақыт» қисығы астындағы ауданын (AUC) (шамамен 25%-ға) арттыратын қасиетін ескеріп, қан сарысуындағы теофиллин концентрациясын бақылау және оны дозасына тиісінше түзету жүргізу қажет.

Аптасына 180 мкг доза пэгинтерферон альфа-2а препаратымен емдеу метадон метаболиттерінің орташа деңгейінің 10-15 %-ға артуымен астасты. Осы өзара әрекеттесудің клиникалық маңызы анықталмаса да, Альгерон® препаратымен емделу кезінде метадонмен уыттану симптомдарын мұқият бақылау ұсынылады.

Жоғары белсенді антиретровирустық терапия (ЖБАРТ) қабылдап жүрген, АИТВ бар науқастарда сүт қышқылды ацидоздың даму қаупі жоғары. Сондықтан Альгерон®+рибавирин біріктірілімін ЖБАРТ-ға қосқан кезде сақтық танытқан жөн.

Рибавирин және кері транскриптазаның нуклеозидтік тежегіштері (ламивудин, зидовудин, ставудин) арасында өзара әрекеттесулер байқалған жоқ. Рибавиринді қабылдаудан болған анемия барысының нашарлауы зидовудинді қолданып АИТВ-ні емдеу аясында байқалды. Рибавирин мен зидовудинді бірге қолдану ұсынылмайды, өйткені анемияның даму қаупінің жоғарылауына әкеледі.

Диданозин мен рибавирин біріктірілімі ұсынылмайды. Рибавирин диданозиннің және оның белсенді метаболитінің (дидеоксиаденозин 5-трифосфат) экспозициясын арттырады, бұл бауыр функциясының фатальді жеткіліксіздігіне, шеткері нейропатияға, панкреатитке, симптоматикалық лактатацидозға әкеп соғуы мүмкін.

Телбивудинді (күн сайын 600 мг) пэгинтерферон альфа-2а препаратымен (тері астына аптасына 1 рет 180 мкг) біріктіріп қолдану зерттелген клиникалық зерттеу аясында, нәтижелері осы біріктірілімді пайдаланған кезде шеткері нейропатия дамуының жоғары қаупін көрсетті. Осы құбылыстың механизмі белгісіз. Бұдан басқа, телбивудиннің интерферон альфа препараттарымен біріктірілімінің созылмалы В гепатитін емдеу үшін қауіпсіздігі мен тиімділігі айғақталған жоқ. Альгерон® препараты мен телбивудинді бірге қолдану қарсы көрсетілімде.

Айрықша нұсқаулар

Альгерон® препараты монотерапиясының немесе рибавиринмен біріктірілімінің тиімділігі және қауіпсіздігі 18 жасқа толмаған адамдарда, сондай-ақ бауыр немесе басқа ағзалары трансплантацияланған науқастарда анықталған жоқ.

Альгерон® өкпенің созылмалы обструкциялық ауруын немесе кетоацидоздың дамуына беталысы бар қант диабеті сияқты ауруларда сақтықпен қолданған жөн. Сондай-ақ қан ұюының бұзылуы (мысалы, тромбофлебитте, өкпе артериясының тромбоэмболиясында) немесе айқын миелосупрессиясы бар науқастарда сақтық таныту қажет.

Психика сферасы және орталық жүйке жүйесі (ОЖЖ). ОЖЖ тарапынан күрделі бұзылулар, әсіресе депрессия, суицидтік ойлар және суицидтік әрекеттер кейбір пациенттерде интерферон альфа препараттарымен емдеу аясында, сондай-ақ емдеуді аяқтағаннан кейін (негізінен 6 ай ішінде) байқалды. ОЖЖ тарапынан басқа да бұзылулар, оның ішінде озбыр мінез-құлық (кейбір жағдайларда басқа адамдарға бағытталған, мысалы өлтіру жөнінде ойлары), биполярлы бұзылыстар, маниялар, сананың шатасуы және психикалық статустың өзгеруі интерферон альфа препаратымен ем қабылдаған пациенттерде байқалды. Психикалық бұзылыстардың кез келген белгілерін немесе симптомдарын анықтау үшін пациенттерді мұқият бақылауға алған жөн. Мұндай симптомдар пайда болған кезде потенциалды қауіптілігіне баға беру және осы жағдайды дәрілермен емдеу қажеттілігін қарастыру керек. Психикалық бұзылыстар сақталған немесе нашарлағанда немесе суицидтік ойлар пайда болғанда Альгерон® препаратымен емдеуді тоқтату және пациентті бақылауды жалғастыру, қажет болған жағдайда психиатрдың кеңесімен қамтамасыз ету ұсынылады.

Онкологиялық ауруларды емдеу үшін интерферон альфа препаратын жоғары дозаларда қабылдаған кейбір пациенттерде, әдетте егде жастағыларда сананың бұзылуы, энцефалопатияның даму жағдайларын қоса, кома байқалды. Бұл бұзылулар, әдеттегідей, қайтымды болса да, кейбір пациенттерде олардың толық басылуы үшін 3 аптаға дейін қажет болды. Интерферон альфа препаратын жоғары дозаларда қолданғанда пациенттерде өте сирек эпилепсиялық құрысулар дамыды.

Ауыр психикалық бұзылыстары, соның ішінде анамнезінде бар пациенттер. Альгерон® препаратын ауыр психикалық бұзылыстары бар пациенттерге (соның ішінде анамнезінде осындай бұзылуларға көрсетілген пациенттерге) тағайындау қажет болғанда емдеу мұқият жекелей зерттеу жүргізуден және психикалық бұзылыстардың тиісті емінен кейін ғана басталуы мүмкін.

Есірткілік заттарды пайдаланатын пациенттер. Есірткілік заттарды (алкоголь, марихуана және басқа) қолданатын, С гепатиті вирусын жұқтырған пациенттерде психикалық бұзылыстардың даму (немесе ағымдағының нашарлау) қаупі интерферон альфа препаратымен емдеген кезде жоғарылайды. Егер мұндай пациенттерде интерферон альфа препаратын қолданып емдеу қажет болса, онда емдеуді бастар алдында қатарласқан психикалық аурулардың және есірткілік заттарды пайдалану қаупінің бар-жоқтығына мұқият баға берген жөн, талапқа сай ем жүргізу керек. Қажет болса, психиатрдың немесе наркологтың бақылауымен осындай пациенттерді тексеру, ем жүргізу және қарамағына алу керек. Интерферонмен емдеу кезінде және оны аяқтағаннан кейін мұндай пациенттерді мұқият бақылауға алу қажет. Психикалық бұзылыстардың қайталануына немесе өршуіне, сондай-ақ есірткілерді қолдануды қайта жаңғыртуына жол бермеу үшін дер кезінде шаралар қолдану ұсынылады.

Жүрек-қантамыр жүйесі. Жүрек функциясының жеткіліксіздігі, миокард инфарктісі және/немесе аритмиялары (соның ішінде анамнезінде) бар науқастар ұдайы бақылауда болуы тиіс. Жүрек аурулары бар науқастарда емдеуді бастар алдында және емдеу кезінде ЭКГ (электрокардиография) жүргізу ұсынылады. Аритмиялар (негізінен қарыншаүстілік), әдетте, әдеттегідей емдеуге келеді, бірақ Альгерон® препаратын тоқтатуды қажет етуі мүмкін. Рибавиринді қабылдаудан туындаған анемия жүрек-қантамыр ауруларының барысын өршітуі мүмкін. Жүрек-қантамыр ауруларының барысы нашарлаған жағдайда емдеуді уақытша тоқтату немесе тоқтатқан жөн.

Жоғары сезімталдық. Сирек жағдайларда пэгинтерферон альфа препараттарымен емдеу дереу типті аса жоғары сезімталдық реакцияларымен асқынды. Анафилаксиялық реакциялар, есекжем, ангионевроздық ісіну, бронхтың түйілуі дамыған жағдайда препаратты тоқтатады және кідіртпей тиісті ем тағайындайды. Өткінші бөртпе емдеуді тоқтатуды қажет етпейді.

Бүйрек функциясы. Альгерон® препаратымен емдеуді бастағанға дейін барлық пациенттерде бүйрек функциясына зерттеу жүргізу ұсынылады. КК минутына 50 мл-ден аз болғанда Альгерон® препаратымен және рибавиринмен біріктірілген ем қолданылмауы тиіс. Ем жүргізу үдерісінде креатинин концентрациясы >0,177 ммоль/л жоғарылағанда Альгерон® препаратын енгізуді және рибавирин қабылдауды тоқтату қажет.

Бүйрек функциясы төмендеген, сондай-ақ 50 жастан асқан пациенттерде Альгерон® препаратын рибавиринмен біріктіріп қолданғанда анемияның ықтимал дамуына қатысты олардың жағдайын мұқият бақылаған жөн.

Бауыр функциясы. Бауыр функциясының жеткіліксіздігі дамыған кезде Альгерон® препаратымен және рибавиринмен емдеуді тоқтатады.

Қызба. Қызба интерферондармен емдеу кезінде жиі тіркелетін тұмауға ұқсас синдром аясында байқалуы мүмкін, дегенмен, тұрақты қызбаның басқа да себептерінің бар-жоқтығын анықтау қажет.

Гидратация. Науқастарда талапқа сай гидратацияны қамтамасыз ету ұсынылады, өйткені кейбір пациенттерде пэгинтерферон альфа-2b препаратымен емдеу кезінде организмде сұйықтық көлемінің азаюымен байланысты артериялық гипотензия байқалды.

Өкпе аурулары. Сирек жағдайларда интерферон альфа қабылдаған науқастардың өкпесінде этиологиясы анық емес инфильтраттар, пневмониттер немесе пневмониялар, соның ішінде өліммен аяқталатындары дамыған. Қызба, жөтел, ентігу және басқа да респираторлы симптомдар пайда болғанда барлық науқастардың көкірегіне рентгенография жүргізген жөн. Өкпе рентгенограммасында инфильтраттар немесе өкпе функцияларының бұзылу белгілері бар болғанда науқастарға өте мұқият бақылау белгілеген және қажет болса, Альгерон® препаратын тоқтатқан жөн. Интерферонды дереу тоқтату және глюкокортикостероидтарды тағайындау өкпе тарапынан жағымсыз құбылыстардың жоғалуына әкеледі.

Аутоиммундық бұзылулар. Интерферон альфа препаратымен емдегенде жекелеген жағдайларда аутоантиденелердің пайда болғаны білінді. Аутоиммундық аурулардың клиникалық көріністері аутоиммундық бұзылулардың дамуына бейім науқастарды емдеген кезде жиі пайда болады. Аутоиммундық аурулар көріністеріне ұқсас симптомдар пайда болғанда пациентке мұқият тексеру жүргізген және интерферонмен емдеуді жалғастыру мүмкіндігіне баға берген жөн. Интерферондармен ем қабылдаған, созылмалы С гепатиті бар пациенттерде Фогт-Коянаги-Харада синдромының даму жағдайлары мәлімделді. Бұл синдром көру мүшесіне, есту мүшесіне, жұмсақ ми қабықшаларына және теріге ықпалын тигізетін гранулематозды қабыну ауруы болып табылады. Фогт-Коянаги-Харада синдромына күмәнданған жағдайда вирустарға қарсы емді тоқтату және глюкокортикостероидтарды қолдану қажеттілігін қарастыру керек.

Псориаз және саркоидоз. Интерферон альфа препаратымен ем қабылдаған пациенттерде псориаз немесе саркоидоз барысының өршуі жөніндегі мәлімдемелермен байланысты, осындай аурулары бар пациенттерде Альгерон® препаратын қолдану емдеуден күтілетін пайда потенциалды қаупін ақтаған жағдайларда ғана ұсынылған. Альгерон® препаратымен ем қабылдап жүрген пациенттерде псориаз немесе саркоидоз өршіген кезде препаратты тоқтату жөнінде мәселе қарастырылуы тиіс.

Көру мүшелері тарапынан өзгерулер. Көру мүшелері тарапынан бұзылулар (көздің торқабығына қан құйылуды, торқабықтағы экссудаттарды, торқабықтағы көктамырлардың немесе артериялардың обструкциясын қоса) сирек жағдайларда интерферон альфа препаратымен емдеуден кейін мәлімделді. Барлық пациенттерге емдеуді бастағанға дейін офтальмологиялық тексеру жүргізу қажет. Альгерон® препаратымен ем қабылдап жүрген әрбір пациентке көру жітілігінің төмендеуіне немесе көру ауқымының шектелуіне шағымдар пайда болған жағдайда офтальмологиялық тексеру жүргізген жөн. Торқабықтың өзгеруі жүретін аурулары, мысалы, қант диабеті немесе артериялық гипертензиясы бар пациенттерге Альгерон® препаратымен емделу кезінде жүйелі түрде офтальмологиялық тексерілуден өту ұсынылады. Көру бұзылыстары пайда болғанда немесе өршігенде Альгерон® препаратымен емдеуді тоқтату жөніндегі мәселені қарастырған жөн.

Тіс және периодонт тарапынан өзгерулер. Пэгинтерферон альфа-2b және рибавиринмен біріктірілген ем қабылдап жүрген пациенттерде тістер және тіс айналасындағы тіндер тарапынан патологиялық өзгерулер байқалды. Ұзақ уақыт емдегенде ауыз ішінің құрғауы тістердің және ауыз қуысындағы шырышты қабықтардың зақымдануына ықпалын тигізуі мүмкін. Пациенттерге ауыз қуысын таза ұстау және стоматологқа үнемі тексеріліп отыру ұсынылады.

Қалқанша бездің жай-күйі. Интерферон альфа препаратының қалқанша без функциясына ықпал ету механизмі белгісіз. Интерферон альфа-2b қабылдаған, созылмалы С гепатиті бар науқастарда 2,8 % жағдайларда гипотиреоз немесе гипертиреоз дамыған. Бұл бұзылулар стандартты ем жәрдемімен бақыланды. Альгерон® препаратымен емдеуді бастағанға дейін науқастарда сарысулық ТТГ концентрацияларын анықтаған және қалқанша без функциясының бұзылулары байқалған жағдайда стандартты ем тағайындаған жөн. ТТГ концентрациясын интерферон альфа препаратымен емдеу аясында қалқанша без функциясының бұзылу симптомдары пайда болғанда да анықтау керек. Альгерон® препаратымен емдеуді, егер ТТГ белсенділігін қалыпты деңгейде ұстауға келмесе, жүргізбеген жөн.

Зертханалық зерттеулер. Альгерон® препаратымен емдеуді бастағанға дейін қанға стандартты клиникалық және биохимиялық талдау жүргізу қажет. Сондай-ақ оларды емдеудің әрбір 2 аптасы сайын (қанға клиникалық талдау) және әрбір 4 аптасы сайын (қанға биохимиялық талдау) жүргізу ұсынылады. Альгерон® препаратын келесі зертханалық көрсеткіштерде қолдануға болады: гемоглобин ≥120 г/л (әйелдер және ≥130 г/л (еркектер), тромбоциттер саны >90х109/л, нейтрофилдердің абсолютті саны – >1,5х109/л, ТТГ және тироксин концентрациялары қалып шегінде немесе қалқанша без функциясы дәрі-дәрмекпен бақыланады.

Айқын гипертриглицеридемияда, Альгерон® препаратының дозасын түзетер алдында ашқарында қан сарысуындағы триглицеридтер концентрациясын есепке ала отырып, диета немесе дәрі-дәрмектік ем тағайындау қажет. Препаратты тоқтатқаннан кейін гипертриглицеридемия тез жоғалады.

Интерферон альфа препаратымен емдеу оны бастаған сәттен бастап 12 апта бойы ойық жаралы және геморрагиялық және/немесе ишемиялық колиттің дамуымен қатар жүруі мүмкін. Абдоминальді ауырулар, нәжісте қанның болуы, қызба – колит манифестациясына тән симптомдар. Тиісті шағымдар пайда болған жағдайда Альгерон® қабылдау дереу тоқтатылуы тиіс. Қалпына келу әдетте препаратты тоқтатқаннан кейін 1-3 аптадан соң басталады.

Пэгинтерферон альфа-2а препаратын рибавиринмен біріктіріп емдегенде панкреатиттің дамуының, кейде өліммен аяқталатын жағдайлары байқалды. Панкреатит симптомдары дамыған кезде Альгерон® препаратымен және рибавиринмен емдеуді тоқтатқан жөн.

Интерферон альфа препараттарын қабылдаған кезде күрделі инфекциялық асқынулар (бактериялық, вирустық, зеңдік), кейде фатальді жағдайлар сипатталған. Олардың кейбіреулері нейтропенияның дамуымен қатар жүрді. Ауыр инфекциялық асқынулар пайда болған кезде емдеуді тоқтатқан және тиісті ем тағайындаған жөн.

АИТВ ко-инфекциясы/созылмалы С гепатиті. Емдеуді бастар алдында пациент созылмалы С гепатитін емдеуге арналған препараттармен бірге қабылдайтын антиретровирустық препараттардың ықтимал жағымсыз әсерлерімен мұқият танысып шыққаны жөн. Ставудин мен интерферонды рибавиринмен бірге немесе онсыз бір мезгілде қабылдаған пациенттерде панкреатиттің және/немесе лактатацидоздың пайда болу жиілігі 3% құрайды.

АИТВ ко-инфекциясы/созылмалы С гепатиті бар, ЖБАРТ қолданылған пациенттер лактатацидоздың дамуына қатысты қауіп тобында болуы мүмкін. Сондықтан Альгерон® препаратын және рибавиринді ЖБАРТ-қа қосқанда сақтық танытқан жөн (рибавиринді медициналық қолдану жөніндегі нұсқаулықты қараңыз).

Рибавирин мен зидовудинді бір мезгілде қолдану анемияның пайда болу қаупінің жоғары болуына байланысты ұсынылмайды. Ко-инфекциясы бар пациенттерде бауырлық декомпенсация белгілері мен симптомдарының (асцитті, энцефалопатияны, варикозды кеңейген көктамырлардан қан кету, бауырдың синтетикалық функциясының бұзылуын; Чайлд-Пью шкаласы бойынша ≥7 балл көрсеткішті қоса) байқалуына қатысты мұқият мониторинг қажет. Чайлд-Пью шкаласы бойынша көрсеткіш бауырлық декомпенсацияның бар екендігін әрдайым сенімді көрсете бермейді және қандағы тікелей емес (бос) билирубиннің жоғары концентрацияда болуы, дәрі-дәрмек салдарынан болатын гипоальбуминемия сияқты факторлардың ықпал етуімен өзгеруі мүмкін. Бауырлық декомпенсация дамыған кезде Альгерон® препаратымен емдеуді дереу тоқтату керек.

Альгерон® препаратын CD4+ лимфоциттер деңгейі төмен болатын пациенттерге тағайындағанда сақтық танытқан жөн. АИТВ ко-инфекциясы/созылмалы С гепатиті бар, CD4+ лимфоциттер саны 200 жасуша/мкл-ден азырақ пациенттерде пегилирленген интерферон альфа препараттарды қолданудың тиімділігі мен қауіпсіздігі жөніндегі деректер жеткіліксіз.

Ағзаларды ауыстырып салу. Ағзалары ауыстырылған реципиенттерде С гепатитін емдеу үшін Альгерон® препаратын (рибавиринмен біріктіріп немесе монотерапияда) қолданудың тиімділігі мен қауіпсіздігі зерттелген жоқ. Алдын ала берілген деректер интерферон альфа препаратымен емдеу бүйрек трансплантатының қабылданбай ажырау қаупін арттыруы мүмкін екендігін айғақтайды. Бауыр трансплантатының да қабылданбай ажырауы жөнінде мәлімделді.

Пациенттер үшін айрықша нұсқаулар

Қажет болғанда, пациенттердің ашылмаған құтыны/еккішті 25°С-ден аспайтын температурада, жарықтан қорғалған жерде 30 тәуліктен асырмай бір реттік сақтауына рұқсат етіледі. Бөлме температурасында сақтай бастаған күнді қаптамасында белгілеп қойған жөн.

Жүктілік және лактация кезеңі

Пэгинтерферон альфа препараттарын жүктілікте тағайындамаған жөн.

Пэгинтерферон альфа препараттарының тератогендік әсерлері зерттелген жоқ. Интерферон альфа-2а препаратын жоғары дозаларда қолдану жануарларда өздігінен түсік тастау санының сенімді түрде артуына әкелді. Мерзімінде туған ұрпақтарында тератогендік әсерлер байқалған жоқ. Алайда бала көтере алатын жастағы әйелдер интерферон альфа препараттарымен емделгенде контрацепцияның тиімді әдістерін қолданғаны жөн.

Пэгинтерферон альфа препаратының емшек сүтіне енуі жөнінде деректер жоқ, сондықтан нәрестеге жағымсыз әсер етуіне жол бермеу үшін, ана үшін потенциалды артықшылықтарын ескеріп, не емшек емізуді, не емдеуді тоқтатқан жөн.

Пэгинтерферон альфа препараттарының рибавиринмен біріктірілімін жүктілік кезінде қолдануға болмайды. Жануарларға жүргізілген зерттеулерде рибавирин айқын тератогендік әсер берді және ұрықты өлімге әкелді. Рибавиринді жүкті әйелдерге және жұптасы жүкті болған еркектерге қолдануға болмайды. Рибавиринмен емдеуді оны тура бастар алдында жүргізілген, жүктілікке теріс тест алынғанға дейін тағайындамау керек. Бала тууға қабілетті әйелдер, немесе жұптасы бала тууға қабілетті еркектер рибавириннің тератогендік әсерлері жөнінде және емделу кезінде және емдеуді аяқтағаннан кейін 7 ай ішінде тиімді контрацепция (кем дегенде 2 әдісін) қолдану қажеттілігінен хабардар болуы тиіс.

Көлік құралын немесе қауіптілігі зор механизмдерді басқару қабілетіне дәрілік заттың ықпал ету ерекшеліктері

Ем жүргізу кезінде әлсіздік, бас айналу, ұйқышылдық, сананың шатасуы пайда болуы мүмкін. Осындай құбылыстар пайда болған кезде автомобильді жүргізу және машиналармен және механизмдермен жұмыс жасаудан бас тартқан жөн.

Артық дозалануы

Пэгинтерферон альфа-2b препараттары артық дозаланған кезде күрделі жағымсыз құбылыстар байқалған жоқ. Дозаға байланысты жағымсыз әсерлер күшеюі мүмкін. Ұсынылған дозадан 2 еседен аспайтын пэгинтерферон альфа-2b препаратын байқамай қабылдап қойған жағдайда артық дозаланудың күрделі симптомдары байқалған жоқ. Жағымсыз құбылыстар өздігінен қайтады және препаратты тоқтатуды қажет етпейді. Пэгинтерферон альфа-2b препаратын ұсынылғаннан 10,5 есе асатын дозаларда қолдану жағдайлары мәлімделген. Ең жоғары тәуліктік дозасы 1200 мкг құраған. Артық дозаланған кезде байқалатын жағымсыз құбылыстар пегилирленген интерферон альфа препараттарының қауіпсіздік бейіні жөнінде қолда бар деректерге сәйкес келеді.

Препаратты екі күн бойы қатарынан (апталық аралықты сақтамай) енгізгенде және бір апта бойы күн сайын енгізгенде (аптасына жиынтық дозасы 1260 мкг) пэгинтерферон альфа-2а препаратының артық дозалану жағдайларының болғаны сипатталған. Қандай да болсын әдеттегідей емес, күрделі және емдеуге ықпалын тигізетін жағымсыз құбылыстар байқалған жоқ.

Спецификалық антидоты жоқ. Гемодиализ және перитонеальді диализ тиімді емес. Қажет болғанда симптоматикалық ем жүргізіледі.

Шығарылу түрі және қаптамасы

Теріастылық енгізуге арналған 200 мкг/мл ерітінді.

I гидролитикалық класқа жататын, түссіз бейтарап шыныдан жасалған үш компонентті стерильді еккішке 0.4 мл, 0.5 мл, 0.6 мл, 0.8 мл немесе 1.0 мл препараттан құйылады.

Әрбір еккішке өздігінен желімденетін заттаңба жапсырылған.

Полимерлі үлбірден жасалған пішінді ұяшықты қаптамаға 1 еккіштен салынған.

Пішінді ұяшықты 1 немесе 4 қаптама медициналық қолдану жөнінде мемлекеттік және орыс тілдеріндегі нұсқаулықпен бірге картон қорапшаға салынған.

Немесе тефлонды жабыны бар тығындармен тығындалған, алюминий қалпақшамен қаусырылған, І гидролитикалық класқа жататын түссіз бейтарап шыныдан жасалған құтыларға 1.0 мл препараттан құйылған.

Әрбір құтыға өздігінен желімденетін заттаңба жапсырылған.

Полимерлі үлбірден жасалған пішінді ұяшықты қаптамаға 1 немесе 4 құтыдан салынған.

Пішінді ұяшықты 1 қаптама медициналық қолдану жөнінде мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

2ºС-ден 8ºС-ге дейінгі температурада, жарықтан қорғалған жерде сақтау керек. Мұздатып қатыруға болмайды.

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«БИОКАД» ЖАҚ

Заңды мекенжайы: Ресей Федерациясы, 198515,

Санкт-Петербург қ., Петродворец ауданы, Стрельна кенті, Связи к-сі, үй 34, литер А.

Тұрғылықты мекенжайы: Ресей Федерациясы,

143422, Мәскеу облысы, Красногорск ауданы, Петрово-Дальнее ауылы.

Телефон: (495) 992-66-28; факс: (495) 992-82-98,

biocad@biocad.ru; сайт: www.biocad.ru.

Тіркеу куәлігінің иесі

«БИОКАД» ЖАҚ, Ресей Федерациясы

Тұтынушылардан дәрілік заттардың сапасы жөніндегі шағымдарды (ұсыныстарды) Қазақстан Республикасы аумағында қабылдайтын; тіркелгеннен кейін дәрілік заттың қауіпсіздігін бақылауға жауапты ұйымның атауы және мекенжайы

Қазақстан Республикасы, 010000, Астана қ., Орынбор к-сі, 21/1-15.

Тел.: 8(7172) 63-40-15, +7 (812) 380-49-33

Электронды поштасы: rahimbaeva@biocad.ru, safety@biocad.ru, biocad@biocad.ru; сайт: www.biocad.ru