Альбумин (10 %) (Областной центр крови КГКП, г. Караганда)

• русский
• қазақша

• Скачать инструкцию медикамента

Саудалық атауы

Альбумин

Халықаралық патенттелмеген атауы

Жоқ

Дәрілік түрі

Инфузияға арналған 10% ерітінді, 50 мл, 100 мл.

Құрамы

100 мл ерітіндінің құрамында

белсенді зат - 10 г альбумин

қосымша заттар: каприл қышқылды натрий (каприлат), инъекцияға арнлаған су

Сипаттамасы

Сарғыштан ашық-қоңыр түске дейінгі мөлдір сұйықтық

Фармакотерапиялық тобы

Қан плазмасының препараттары және плазманың орнын алмастыратын препараттар.

АТЖ коды В05АА01

Фармакологиялық қасиеттері

Фармакокинетикасы

Ерітіндіні көктамыр ішіне енгізгеннен кейін альбумин 10 –15 минуттан кейін толық сіңеді, оның 50%-ы организмнен 24 сағаттан кейін шығарылады, 2–4 тәуліктің ішінде альбуминнің мөлшері бір деңгейде қалады, бесінші тәуліктің соңында қарқынды түрде төмендейді. Қалыпты жағдайда альбуминнің жалпы алмасу фракциясы дене салмағының әр кг-на шаққанда 4-5 г құрайды, осы мөлшердің 40-45%-ы қантамыр арнасында, ал 55-60%-ы қантамырынан тыс кеңістікте болады. Альбуминнің катоболизмі әртүрлі ағзаларда және тіндерде жүреді, олардың жасушаларында ол амин қышқылдарына дейін гидролизденіп, кейін организмнің оларды әрі қарай қолдануы арқылы өз ақуыздарын синтездеуі 50 - 60 тәулікті құрайды, сондықтан оны парентеральді түрде қоректендіру үшін қолдану тиімсіз.

Инфузиядан кейін 2 сағат ішінде қантамырішілік альбуминнің 10%-дан азы арнасынан шығарылады. Сарысулық альбуминнің жартылай ыдырауының биологиялық уақыты 7 - 20 күнді құрайды.

Организмде күн сайын 10 г-нан 16 г-ға дейін альбумин, яғни оның синтезіне тең мөлшерде жұмсалады деп есептеледі.

Фармакодинамикасы

Альбумин – адамның қанындағы ақуыз фракциясының құрамдас бөлігі болып табылатын ақуыз. Организмде қанның коллоидты-осмостық (онкотикалық) қысымын демейді, сүзілу және қайта сіңу үдерістерін анықтайды. Қалыпты жағдайда қан плазмасында 40-50 г/л альбумин бар, бұл ақуыздың жалпы мөлшерінің 55-60%-ын құрайды. Қантамыр арнасындағы альбуминнің жалпы мөлшері 120 г-ға жуықты құрайды, ал қантамырдан тыс арнада – 180 г. Альбумин көбіне бауыр арқылы синтезделеді, онда қанның басқа да маңызды ақуыздары – глобулиндер, фибриноген, протромбин жасалады. Бауыр күн сайын 10 –16 г альбуминді синтездейді, ал жаңа туған нәрестелерде дене салмағына шаққанда 180 –300 мг/л біртіндеп әдеттегідей көрсеткіштерге дейін төмендейді. Плазма ақуыздары, әсіресе альбумин концентрацияларының (30 г/л-ден аз) төмендеуі қан көлемінің азаюымен және ісінудің дамуымен қатар жүреді. Альбумин қан қысымын тез арттырады және қан арнасында тін сұйықтығының тартылуына және іркілуіне мүмкіндік жасайды, айналымдағы қан көлемін арттырады, тіндердің және ағзалардың ақуызбен қоректенуін жақсартады.

Альбуминнің 10% ерітіндісі айналымдағы қанның онкотикалық қысымын демейтін әлсіз гиперонкотикалық ақуыз ерітіндісі болып табылады. Қан қысымын арттырады және тұрақтандырады.

Альбуминнің 10% ерітіндісі генезі әртүрлі гипоальбуминемияны түзетудің, коллоидты-онкотикалық қысымның, бұзылған орталық және шеткергі гемодинамиканың, су-электролиттік тепе-теңдіктің қалпына келуінің тиімді заты болып табылады, дәрілік заттардың жақсы сіңуіне мүмкіндік береді. Альбумин организм ішінде пигменттермен (билирубин), май қышқылдарымен, кейбір металл иондарымен, дәрілік заттармен байланысады және оларды тасымалдайды. Бұдан басқа, альбумин шығу тегі бактериялық та, сондай-ақ зат алмасу үдерісінде түзілетін де уыттармен де байланысады және олардың белсенділігін жояды. Магниймен, мырышпен, никельмен, қорғасынмен, сынаппен, ацетаттармен, бикарбонаттармен, нитраттармен, цитраттармен байланысады және оларды организмнен шығарады.

Қолданылуы

• Генезі әртүрлі гипопротеинемияда және гипоальбуминемияда (плазмада альбумин мөлшері <30г/л төмендейді)

• коллоидты-онкотикалық қысым деңгейі 15 мм.с.б.-нан кем деңгейге төмендегенде

• жалпы ақуыз мөлшері 50г/л-ден азға төмендегенде

• геморрагиялық, жарақаттық, термиялық шокта, қанды көп жоғалтқанда (айналымдағы қан көлемі 25-30%-дан астамға төмендегенде)

• іріңді-септикалық жағдайда

• бауыр ауруларында қызметін синтездейтін – альбумин бұзылғанда

• күйік ауруларында

• жасанды қан айналымын пайдалана отырып, операция жасағанда

• емдік плазмаферезде

• жаңа туған нәрестелердің гемолитикалық ауруларында, қанды алмастырып құю кезінде

• ми ісінгенде

• операция алдындағы гемодилюцияда және аутоқан компоненттерін дайындағанда.

Қолдану тәсілі және дозалары

Герметикалығы және бекітілуі, заттаңбасы сақталған бөтелкелерде және құтыларда жарықтар, сызаттар жоқ болған жағдайда, ішінде жүзгіндері және тұнбасы жоқ, альбуминнің тек мөлдір ерітіндісі ғана қолдануға рұқсат етіледі. Көзбен қарап шығу нәтижелері және заттаңба деректері (препараттың атауы, дайындаушы кәсіпорын, серия нөмірі) ауру тарихына тіркеледі. Құтыны ашқаннан кейін бірден инфузия жасалады.

Препараттың бір реттік дозасы ерітіндідегі альбумин концентрациясына, науқастың бастапқы жағдайына және жасына байланысты анықталады.

Альбуминнің қажетті дозасын есептеу 100 мл 10% альбумин жалпы ақуыздың деңгейін 4-5 г/л-ге арттыратынын ескере отырып жүргізіледі.

Құрамында 10% белсенді заты бар 1-2 мл/кг ерітіндіні емдік әсер алынған кезге дейін күн сайын немесе күнара енгізеді. Альбуминнің 10% ерітіндісін 200-300 мл дозада минутына 40 тамшыдан аспайтын жылдамдықпен енгізеді, шоктарда қан қысымын тез көтеру үшін – сорғалатып енгізеді (енгізу жылддамдығы 5 – 10 минутта 100 мл).

Кез келген генезді гипопротеинемияда, гипоальбуминемияда – жалпы ақуыз 60 г/л-ден төмен, альбумин 35г/л-ден төмен болуы тиіс.

Күйіктерді емдеген кезде альбумин ерітінділері көп қырлы қасиеттер білдіреді – дәрі үшін волемиялық, орнын алмастыратын, детоксикациялық, тасымалдау. Гиповолемиялық, геморрагиялық, күйік шоктарының ауыр болып, микроайналымы айқын бұзылғанда және гипопротеинемияларда 60 г/л-ден төмен, гипоальбуминемияларда 35 г/л-ден төмен.

Алиментарлы дистрофияларда альбумин ерітіндісі парентеральді түрде қоректендіруге арналған ерітінділердің құрамына енгізіледі. Альбуминнің 10% ерітіндісін 100-250 мл-ден бөлшектеп, клиникалық жақсаруға және зертханалық көрсеткіштер қалыпқа келгенше қолданады.

Альбумин ерітіндісін гемодиализдегі емделушілерге қолдануға болады.

Емдік плазмаферез жойылатын плазманың үлкен көлемін алмастырған кезде – 50%-дан астам.

Жаңа туған нәрестелердің гемолитикалық ауруы

Альбумин жаңа туған нәрестелердегі гемолитикалық ауруларды емдеуге плазманы алмастыруды пайдаланғанда, сары аурудан және гемолизден болған асқынулар қаупін азайту үшін, оны бос билирубинмен байланыстыру мақсатында тағайындалуы мүмкін. Дене салмағының әр кг-на шаққанда 1 г доза орнын алмастыру трансфузиясынан шамамен бір сағат бұрын тағайындалады. Балаларда бұрыннан гиперволемия болған жағдайда сақ болу қажет.

Педиатриялық іс-тәжірибеде, альбумин ерітінділерінің концентрацияларын ескеріп, доза дене салмағының әр килограмына миллилитрмен есептелуі тиіс (нәрестенің дене салмағының әр кг-на шаққанда 3 мл-ден аспауы тиіс). Препаратты шала туған балаларды емдеу үшін қолдануға болады. Балаларда ми құрамындағы заттар ісінгенде және домбыққанда жалпы ақуыз 70 г/л-ден төмен, альбумин 40 г/л-ден төмен болуы тиіс.

Жағымсыз әсерлері

• дене температурасының жоғарылауы

• бел тұсының ауыруы

• есекжем, ангионевротикалық ісіну, эритематозды бөртпе, анафилактикалық шок

• анафилактикалық реакция, гипотония

• сананың шатасу жағдайы, бас ауыру

• тахикардия, брадикардия, гипертония

• ентігу

• жүректің айнуы

• қызба, қалшылдау, қатты тершеңдік, тері гиперемиясы

Қолдануға болмайтын жағдайлар

• препаратқа әр адамның жекелей жоғары сезімталдығында

• тромбозда

• гиперволемияда

• өкпенің ісінуінде

• бақылауға келмейтін артериялық гипертензияда

• жүрек қызметінің айқын жеткіліксіздігінде (II В –III дәрежелі)

• миға қан құйылғанда

• ішкі қан кетулерде

• ауыр анемияда

• өңеш көктамырларының варикоздық кеңеюінде

• ренальді және постренальді анурияда

Салыстырмалы қарсы көрсетілімі аллергиялық аурулар (бронх демікпесі, Квинке ісінуі, аллергиялық ринит) болып табылады.

Сақтықпен: жүрек қызметінің жеткіліксіздігінде (жүрек қызметінің жедел ағымды жеткіліксіздігі қаупі бар).

Дәрілермен өзара әрекеттесу

Альбуминнің салицилаттармен, барбитураттармен, фенилбутазонмен байланысқанда енгізілген дозалардың тек бір бөлігі ғана шұғыл әсерлер береді.

Сульфаниламидтер, пенициллиндер едәуір шамада өзінің бактерияларға қарсы әсерін жұмсайды.

Қантамыр арнасына декстранды енгізген кезде емдік әсері төмендеп, альбуминнің басқа дәрілік заттарды тасымалдау қабілеті және олардың емдік тиімділігі азаяды. Декстран препараттары альбуминнің детоксикациялық қызметін бәсеңдетеді.

Альбуминді ақуыз гидролизаттарымен, амин қышқылының ерітінділерімен және құрамында спирті бар препараттармен, тұтас қанмен, эритроцитарлы массамен араластырмаған жөн.

Айрықша нұсқаулар

Препаратты қолданған кездегі арнайы ескертулер және сақтық шаралары

Инъекциялық жүйені құтыға енгізгеннен кейін (герметикалығы бұзылғаннан кейін) оның ішіндегі заты 3 сағаттың ішінде қолданылуы тиіс.

Препарат ерітіндісін ішінде үлпектер және механикалық қоспалар пайда болған немесе мұздатылған жағдайда қолданбау керек.

Егер құты түгел пайдаланылмаса, онда оны қайталап қолдануға болмайды. Бактерияны жұқтыруға жол бермеу үшін ішінде препараты бар, алдын ала ашылған, шытынаған немесе бүлінген құтыны пайдалануға болмайды.

Елеулі көлемде енгізген кезде қанның ұю уақытын және гематокритті бақылау қажет.

Қанның құрамына айрықша мән беріледі: ұйыту факторларына, электролиттеріне ерекше көңіл бөлінеді, олар қалыпты мән шегінде болуы тиіс.

Реакциялар пайда болған жағдайда альбумин ерітіндісін енгізуді дереу тоқтатып, инені көктамырдан суырмай тұрып, оған антигистаминдік, кардиотониялық дәрілер, глюкокортикоидтар, вазопрессорлы препараттар енгізген жөн (көрсетілімдері бар болса).

Егде жаста және жүрек қызметінің резерві төмендеген емделушілерге альбуминнің 10% ерітіндісін тез енгізбеген жөн, өйткені бұл жүрек-қантамыр жүйесінің жүктемесіне және жүрек қызметінің жедел ағымды жеткіліксіздігіне әкеп соқтыруы мүмкін.

Жүктілік және лактация кезеңі

Альбуминді жүктілік және емшек емізу кезеңдерінде қолданудың қауіпсіздігі клиникалық зерттеулерде анықталған жоқ. Оның ана үшін пайдасы ұрық және нәресте үшін болатын қауіптен басым болған жағдайда ғана қолданылуы мүмкін.

Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері

Ықпал етпейді.

Артық дозаланғанда

Симптомдары

Өте жоғары дозаларда және құю жылдамдығында гиперволемия немесе жүрек-қантамыр жүйесінің жүктемесі сияқты белгілер, мысалы, бас ауыру, ентігу, яремдік көктамырлардың шамадан тыс толып кетуі, артериялық қысымның жоғарылауы, орталық көктамырлар қысымының жоғарылауы пайда болуы мүмкін, өкпелер ісінуі ықтимал.

Емдеу

Құюды дереу тоқтатқан және емделушінің гемодинамикасын мұқият бақылаған жөн. Симптоматикалық ем жүргізіледі.

Шығарылу түрі және қаптамасы

Қанға және трансфузиялық препараттарға арналған шыны бөтелкелерде 10% ерітінді 50, 100 мл-ден. Бөтелкелер резеңке тығындармен нығыздап жабылған, алюминий қалпақпен көмкерілген. Бөтелкелер медицинада қолданылуы жөнінде мемлекеттік және орыс тілдеріндегі нұсқаулықпен бірге қораптық немесе хром-эрзац типті картон қораптарға салынған.

Сақтау шарттары

Құрғақ, жарықтан қорғалған жерде, +20С-ден 80С-ге дейінгі температурада, балалардың қолы жетпейтін жерде сақтау керек.

Мұздатып қатыруға болмайды!

Сақтау мерзімі

5 жыл

Жарамдылық мерзімі өткеннен кейін қолдануға болмайды! Жарамдылық мерзімін ұзартуға рұқсат етілмейді.

Дәріханадан босатылу шарттары

Рецепт арқылы.

Өндіруші ұйымның атауы және елі

Қазақстан Республикасы, Қарағанды облыстық әкімшілігі, Қарағанды облысы денсаулық сақтау басқармасы «Облыстық қан орталығы» КМҚК

Тіркеу куәлігі иесінің атауы және елі

Қазақстан Республикасы, Қарағанды облыстық әкімшілігі, Қарағанды облысы денсаулық сақтау басқармасы «Облыстық қан орталығы» КМҚК

Қаптаушы ұйымның атауы және елі

Қазақстан Республикасы, Қарағанды облыстық әкімшілігі, Қарағанды облысы денсаулық сақтау басқармасы «Облыстық қан орталығы» КМҚК

Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы:

«Облыстық қан орталығы» КМҚК

Қазақстан Республикасы, 100008, Қарағанды қ-сы,

Терешкова к-сі 28, тел.8 (7212) 56-28-54;

факс8 (7212) 56-28-54; Е-mail: blood-kz@mail.ru