Алпроликс® (500 МЕ)

Алпроликс®

Эфтренонаког альфа

Инъекцияға арналған лиофилизацияланған ұнтақ

Бір құтының ішінде:

белсенді зат – rFIXFc* 500 ХБ, 1000 ХБ, 2000 ХБ және 3000 ХБ;

қосымша заттар: L-гистидин, маннитол, сахароза, полисорбат 20;

еріткіш: 0.325 % натрий хлоридінің ерітіндісі (5 мл).

* - эфтренонаког альфа

Лиофилизацияланған ұнтақ: ақтан ақшыл-ақсарыға дейінгі немесе крем түсті ұнтақ, брикет түрінде болуы да мүмкін.

Қалпына келтірілген ерітінді: көзге көрінетін бөлшектерден бос дерлік мөлдір сұйықтық.

Гемостатиктер. К дәрумені және басқа да гемостатиктер. Қан ұюының факторлары. IX қан ұюының факторы.

АТХ коды В02ВD04

Фармакокинетикасы

Алпроликс® препаратының барлық фармакокинетикалық зерттеулері B гемофилиясының ауыр түрімен бұрын емделген науқастарда жүргізілген. Зерттеулердің берілген деректері плазманың IX факторы стандартына қатысты калибрленген БІТУ (aPTT) реагенті негізінде кремнийдің қостотығы бар қан ұюының бір сатылы сынамасы нәтижесінде алынған.

Фармакокинетикалық қасиеттері Алпроликс® (rFIXFc) қабылдайтын 22 пациентте (≥19 жас) бағаланған. Шайылу кезеңінен кейін, ең кемі 120 сағаттан кейін (5 күн) пациенттер Алпроликс® препаратының 50 ХБ/кг бір дозасын қабылдаған. Фармакокинетикалық үлгілерді доза енгізгенге дейін және содан соң доза енгізуден кейін соңынан 11 уақыт нүктесінде 240 сағатқа дейін (10 күн) алынған.

1 кесте: Алпроликс® 50 ХБ/кг доза енгізуден кейінгі модельді тәуелсіз талдаудың фармакокинетикалық параметрлері

Алпроликс® (82 сағат) жартылай элиминация кезеңі жануарлар моделінде көрсетілгендей неонатальді Fc-рецепторлардың циклдық жолы арқылы Fc- аумағының әсерінде болады.

Популяцияның фармакокинетикалық моделі үш клиникалық зерттеудегі (зерттеудің 1/2а фазасында 12 пациентте, 1 зерттеуде 123 пациент және II зерттеуде 26 пациент) салмағы 12.5 кг-ден 186.7 кг дейінгі барлық жастағы 161 пациенттерде (2 жастан 76 жасқа дейін) FIX белсенділігі деректері негізінде жасалды. Дене салмағы 70 кг кәдімгі ересек пациент үшін Алпроликс® препаратының клиренсін бағалау 2.30 дл/сағ және стационарлық жай-күйдегі Алпроликс® препаратының таралу көлемі тиісінше 194.8 дл құрайды.

2 кесте: 12 жас және одан үлкен пациенттер үшін Алпроликс® препаратының бір реттік дозасынан кейінгі FIX белсенділігінің (ХБ/дл) бақыланған орташа мәні (SD)

* - Қ/Ж = қол жетімсіз

Педиатриялық популяция

Алпроликс® препаратының фармакокинетикалық параметрлері I зерттеуде (сынаманы фармакокинетикалық таңдау 336 сағатқа дейін (14 күн) бірнеше уақытша нүктелерде енгізуден кейінгі соңынан бағаланатын дозаны енгізгенге дейін жүргізілді) жасөспірімдер үшін және II зерттеуде балалар үшін (сынаманы фармакокинетикалық таңдау 168 сағатқа дейін (7 күн) 7 уақытша нүктеде енгізуден кейінгі соңынан бағаланатын дозаны енгізгенге дейін жүргізілді) анықталды.

3 кесте: Жасы 18 жастан кіші 35 субъектінің педиатриялық деректерінен есептелген фармакокинетикалық параметрлер

Фармакодинамикасы

Әсер ету механизмі

IX факторы молекулярлық массасы 68000 Да жуық гликопротеиннің дара тізбегі болып табылады. Бұл К дәруменіне тәуелді ұю факторы. IX фактор ұюдың ішкі жолы бойынша XIa факторымен және сыртқы жолы бойынша VII факторы/тіндік факторының кешенімен белсендіріледі. Белсендірілген IX факторы белсендірілген VIII фактормен біріктірілімде X факторын белсендіреді. Белсендірілген X фактор протромбинді тромбинге айналдырады. Тромбин содан кейін фибриногенді фибринге айналдырады және ұйынды түзіледі. B гемофилиясы IX факторы деңгейі төмендеуі салдарынан қан ұюының тұқым қуалайтын Х-хромосома ауруы болып табылады және буындарға, бұлшықеттерге немесе ішкі ағзаларға өздігінен, болмаса кездейсоқ немесе хирургиялық жарақат нәтижесінде қан құйылуына әкеледі. Орын басу емінде плазмадағы IX факторының деңгейі жоғарылайды, сол арқылы фактор тапшылығын уақытша түзетудің және ұю үрдісін түзетудің мүмкіндігі пайда болады.

Рекомбинантты ДНҚ технологиясы көмегімен алынған Алпроликс® (эфтренонаког альфа) ұзақ әсер ететін, құрамында адам қан ұюының IX факторы бар толық рекомбинацияланған Fc доменімен ковалентті байланыстағы байланысқан ақуызы адам иммуноглобулині G1 болып табылады.

Адам иммуноглобулині G1 Fc-аумағы неонатальді Fc рецептормен байланысқан. Бұл рецептор табиғи жолдың бөлігі ретінде иммуноглобулиндерді лизосомальді деградациядан олардың айналымға кері оралуы жолымен қорғайтын және сол арқылы қан плазмасынан олардың жартылай шығарылу кезеңін ұзарта отырып өмір бойына экспрессияланады.

Клиникалық тиімділігі және қауіпсіздігі

Алпроликс® препаратының қауіпсіздігі, тиімділігі және фармакокинетикасын екі көп ұлттық, ашық, негізгі зерттеулерде бағалаған; 3 фаза зерттеулері I зерттеулер және 3 фаза зерттеулерінің педиатриялық зерттеулері II зерттеулер деп аталады (Педиатриялық популяцияны қараңыз).

I зерттеулерде талап ету бойынша емдеу үшін екі профилактикалық емдеу курсының (анықталған апталық аралық және жеке аралық) әрқайсысының тиімділігін салыстыру жүргізілді.

Зерттеулерге негізінде В ауыр гемофилиясы (FIX эндогенді белсенділігі ≤ 2%) бар ер жынысты бұрын емделген 123 пациент (12 жастан 71 жасқа дейінгі жастағы) қатыстырылды. Барлық пациенттер Алпроликс® препаратымен емделді және 77 аптаға дейінгі аралықта бақыланды.

Пациенттер анықталған апталық аралық режимінде жоспарлы профилактика үшін Алпроликс® препаратын 50 ХБ/кг бастап қабылдады.

Жеке аралық режимінде Алпроликс® препаратын субъектілер жоспарлы профилактика үшін әр 10 күннен бастап дозалау аралығында 100 ХБ/кг анықталған дозасында қабылдаған. Бұдан басқа, I зерттеулерде қан кету көріністерін емдегенде гемостаздық тиімділігін бағалаған; ауқымды хирургиялық араласымдарға ұшыраған пациенттерде периоперациялық кезеңдегі күтімде гемостаздық тиімділігін анықтады.

Анықталған апталық және жекеленген аралықтар профилактикасы

I зерттеулерде анықталған апталық аралықтың профилактикалық курсы бағдарламасына қосылған бағаланатын пациенттер үшін орташа апталық доза

45.17 ХБ/кг (квартиль аралық диапазон 38.1-53.7) құрады. I зерттеулерде жекеленген аралықтың профилактикалық курсы бағдарламасына қосылған бағаланатын пациенттер үшін орташа аралық 12.53 күнді (квартиль аралық диапазон 10.4-13.4) құрады.

Анықталған апталық аралықтың профилактикасы бойынша пациенттер үшін, тиімділігі бағалануы мүмкін пациенттерде қан кетуінің орташа жылдық көрсеткіші (ABR) 2.95 (квартиль аралық диапазон 1.01-4.35) құрады, жекеленген аралық курсындағы пациенттер үшін 1.38 (квартиль аралық диапазон 0.00-3.43) құрады және емдеудің эпизодтық (талап ету бойынша) курсындағы пациенттерде 17.69 (квартиль аралық диапазон 10.77-23.24) көрсетті.

Жеке профилактикада 42 % пациенттерде және апталық профилактикада жүрген сынақтағылардың 23 %-да қан кету көріністері анықталмады. Апталық профилактиканың аралығындағыға қарағанда бастапқы деңгейде нысана-буынның ≥1 зақымдануы бар жекеленген аралық профилактикадағы сынақтағылардың азырақ үлесі (57.1 % және 27.6 %, тиісінше) тіркелген.

Фактордың әртүрлі концентраттары аралығындағы, сондай-ақ әртүрлі клиникалық зерттеулердің аралығындағы ABR салыстыруға болмайтынын белгілеп айту керек.

Қан кетулерін емдеу

I зерттеулерде бақыланған 636 қан кетулерден 1 инъекция енгізгенде 90.4 % қан кету жағдайында және негізінде 97.3 % жағдайында – екі немесе одан аз мөлшерде инъекция енгізгенде оң нәтиже алынды. Қан кету көрінісін емдеу үшін бір инъекцияға орташа доза 46.07 ХБ/кг (квартиль аралық диапазон 32.86-57.03) құрады. Қан кету эпизодын емдеу үшін орташа жалпы доза апталық профилактика курсында 51.47 ХБ/кг (квартиль аралық диапазон 35.21-61.73), жеке профилактика курсында – 49.62 ХБ/кг (35.71-94.82) және емдеудің эпизодтық (талап ету бойынша) курсында 46.58 ХБ/кг (33.33-59.41) құрады.

Педиатриялық популяция

II зерттеулерге жалпы алғанда B гемофилиясының ауыр түрімен (FIX эндогенді белсенділігі ≤ 2 %) бұрын емделген 30 ер жынысты педиатриялық науқас түскен.

Пациенттер 12 жастан кіші болды (15 бала 6 жастан кіші болды және 15 бала 6 жастан 12 жасқа дейінгілер болды). Барлық пациенттер Алпроликс® препаратымен ем алған және 52 аптаға дейін бақыланған.

Барлық 30 пациент Алпроликс® препаратын профилактиканың жеке курсы бойынша дәрілік заттың дозасын 50-60 ХБ/кг бастап әр 7 күнде ең жоғары 100 ХБ/кг дозаға дейін доза түзетумен және дозалау аралығын түзетумен аптасына ең азы бір ретке дейін және ең көбі аптасына екі ретке дейін қабылдаған.

Жеке профилактика

Алпроликс® препаратының орташа апталық дозасы 6 жастан кіші пациенттер үшін 59.40 ХБ/кг (52.95-тен 64.78 ХБ / кг дейінгі квартиль аралық диапазонда) және 6 жастан 12 жастағы пациенттер үшін 57.78 МЕ/кг (51.67 -ден 65.01 ХБ /кг квартиль аралық диапазонда) құрады. Дозалаудың орташа аралығы 6.99 күнді (6.94 –тен 7.03 дейінгі квартиль аралық диапазонда) құрады, әртүрлі жастағы топтар арасында дозалаудың орташа аралығының айырмашылығы болмады. Әр 5 күн сайын соңғы тағайындалған доза 100 ХБ/кг құрайтын бір пациентті қоспағанда, қалған 29 пациент үшін соңғы белгіленген доза әр 7 күн сайынғы 70 ХБ/кг дейін доза тағайындалған.

Педиатриялық субъектілердің 33 %-да қан кету көріністері анықталмады.

Тиімділігін бағалағанда 12 жастан кіші пациенттерде қан кетудің орташа жылдық көрсеткіші (ABR) 1.97 (квартиль аралық диапазон 0.00-3.13) құрады.

Қан кетулерін емдеу

II зерттеуде бақыланатын 60 қан кетуден 1 инъекция енгізгенде қан кетудің 75 % жағдайында және негізінде 91.7 % жағдайда – екі немесе одан аз мөлшерде инъекция енгізгенде оң нәтиже алынды. Қан кету көріністерін емдеу үшін бір инъекцияға орташа доза 63.51 ХБ/кг (квартиль аралық диапазон 48.92-99.44) құрады. Қан кету көріністерін емдеуге арналған орташа жалпы доза 68.22 ХБ/кг (квартиль аралық диапазон 50.89-126.19) құрады.

Операция кезіндегі күтім (хирургиялық профилактика)

Жалпы алғанда, I зерттеулерде және кеңейтілген зерттеулерде 29 ауқымды хирургиялық араласым жүргізілді және 19 пациентте (17 ересек және 1 жасөспірім және 12 жастан кіші 1 педиатриялық пациент) бағаланды.

29 ауқымды операцияның ішінде 24 операцияны жүргізгенде (82.8 %) операция кезінде гемостазды демеп тұру үшін операция алдындағы жеке доза талап етілді. Операция кезінде гемостазды демеп тұру үшін бір инъекцияға арналған орташа доза 94.7 ХБ/кг (диапазон: 49-дан 152 ХБ/кг дейін) құрады. Операция болатын күнгі жалпы доза 51-ден 318 ХБ/кг дейін ауытқыды, операциядан кейінгі кезеңдегі 14-ші күнгі жалпы доза 60-тан 1947 ХБ/кг дейін ауытқыды.

В гемофилиясымен пациенттердегі қан кетулерді емдеу және профилактика (IX факторының туа біткен жеткіліксіздігі).

Алпроликс® барлық жастағы топтарда қолданылуы мүмкін.

Емді B гемофилиясын емдеуде тәжірибесі бар дәрігер бақылауымен бастау керек.

Өз бетінше енгізу жағдайында немесе препаратты күтуші (қамқоршы) енгізетін жағдайда тиісті оқып-үйренуден өту керек.

Алпроликс® (5 мл 0.325 % натрий хлориді ерітіндісінде ерітілген) бірнеше минут ішінде вена ішіне енгізу керек.

Енгізу жылдамдығы пациенттің өзін сезіну деңгейімен анықталады және 10 мл/мин аспауы тиіс.

Бұрын емделмеген пациенттердегі қолданылуы

Бұрын емделмеген пациенттердегі Алпроликс® препаратының қауіпсіздігі және тиімділігі анықталмаған.

Емдеу мониторингі

Емдеу курсы кезінде, IX факторы деңгейін анықтағанда енгізілетін дозаны және қайталанған инъекция жиілігін бақылау ұсынылады. Жеке пациенттердің жартылай шығарылуы және қалпына келуінің әртүрлі кезеңін көрсете отырып, IX факторына өз реакциясы бойынша айырмашылықтары болуы мүмкін. Доза дене салмағын ескерумен тағайындалады, дене салмағы азаюы бар немесе артық салмағы бар пациенттер үшін доза реттеу талап етілуі мүмкін.

Атап айтқанда, күрделі хирургиялық араласымдар жағдайында қан ұюының талдауы арқылы (плазмадағы IX фактор белсенділігі) орын басу емінің дәл мониторингі керек.

Пациенттің плазмадағы IX фактор белсенділігін белсендірілген тромбопластиндік уақытқа (БІТУ) негізделген ұюдың бір сатылы талдауын қан сынамасында in vitro әдісімен анықтағанда нәтижесіне талдауда пайдаланылған БІТУ реагентінің және стандартты заттың типі елеулі әсер етуі мүмкін. Бұның, атап айтқанда талдауда пайдаланылған зертханалардың және/немесе реагенттердің ауыстырғанда маңызы зор.

Каолин негізіндегі БІТУ реагентін пайдаланып, ұюды бір сатылы талдау көмегімен өлшеу белсенділік деңгейін нақты бағалай алмауға әкелуі ықтимал.

Дозалануы

Орын басу емінің дозасы және ұзақтығы IX факторы тапшылығының ауырлығына, қан кетудің шектелуіне және орналасуына, дәрежесіне, және пациенттің клиникалық жай-күйіне байланысты.

Рекомбинантты IX Fc факторының енгізілетін бірлік мөлшері IX факторы өніміне қатысты ДДҰ қолданыстағы стандартына жауап беретін халықаралық бірлікпен (ХБ) белгіленеді. Плазмадағы IX факторының белсенділігі не пайызда (қалыпты адам плазмасына қатысты) немесе халықаралық бірлікпен (қан плазмасындағы IX факторға арналған Халықаралық стандартқа қатысты) белгіленеді.

Бір ХБ қалыпты адам плазмасының бір миллилитріндегі IX фактор белсенділігіне сәйкес келеді.

Талап ету бойынша емдеу

Рекомбинантты IX Fc факторының талап етілетін дозасының есебі эмпириялық нәтижелерге негізделген, бұл арада IX Fc фактордың дене салмағының әр кг 1 ХБ плазмадағы IX фактор деңгейін шамамен қалыпты белсенділіктің 1 %-на (ХБ/дл) жоғарылатады.

Талап етілетін доза келесі формулада анықталады:

Доза (ХБ) =

дене салмағы (кг) x IX фактордың қажетті артуы (%) (ХБ/дл) x {бақыланған қалпына келудің кері шамасы (ХБ / кг- ХБ/ дл)}

Алпроликс®препаратының дозасын және енгізу жиілігін жеке клиникалық реакцияларына қарай есептеу керек. Егер қан кетуін бақылау үшін қайталау дозасы талап етілсе, Алпроликс® препаратының жартылай шығарылуының ұзақтығына мән беру керек (Фармакокинетика бөлімін қараңыз). Шыңдық белсенділік кезеңі күтілмейді, баяулау жүреді.

Төменде көрсетілген геморрагиялық жағдайлар білінген жағдайда тиісінше кезеңде IX факторының белсенділігі плазма белсенділігінің берілген деңгейінен төмен түспеуі тиіс (қалыптыдан немесе ХБ / дл %).

4 кесте: Қан кету эпизодтарын емдеуде және хирургияда дозалау бойынша нұсқау

Профилактикасы

Ұзақ уақыттық профилактика үшін ұсынылатын бастапқы доза аптасына бір рет 50 ХБ/кг, немесе 10 күнде бір рет 100 ХБ/кг құрайды. Доза пациенттің жеке реакциясы негізінде түзетілуі мүмкін.

Профилактика үшін ең жоғары ұсынылатын доза 100 ХБ/кг құрайды.

Ұсынылатын старттық режим аптасына бір рет не 50 ХБ/кг немесе 10 күн сайын бір рет 100 ХБ/кг құрайды.

Егде жастағы пациенттер

65 жастан үлкен жастағы пациенттерде қолдану тәжірибесі шектеулі.

Балалар популяциясы

12 жасқа дейінгі балалар үшін жиірек немесе жоғарырақ доза талап етілуі мүмкін және ұсынылатын бастапқы доза әр 7 күнде 50-60 ХБ/кг құрайды. 12 жастағы және одан үлкен жасөспірімдер үшін ересектерге арналғандай доза ұсынылады (Фармакодинамика бөлімін қараңыз). Профилактикаға арналған ең жоғары ұсынылатын доза 100 ХБ/ кг құрайды.

Қалпына келтіру (инъекцияға арналған ерітіндіні дайындау)

Қолданылуы (вена ішіне инъекция):

Алпроликс® препаратын енгізуге арналған қосымша жинақтағы «көбелек» инфузиялық жинағы көмегімен енгізу керек.

Қауіпсіздік бейінінің қысқаша сипаттамасы

Аса жоғары сезімталдық немесе аллергиялық реакциялар (ангионевроздық ісіну, ашыту және енгізу орнындағы шаншулар, қалтырау, ысынулар, жайылған есекжем, бас ауыруы, есекжем, гипотензия, летаргия, жүрек айнуы, мазасыздық, тахикардия, кеуденің қысылуы, шаншулар, құсу, сырылдау болуы мүмкін) сирек бақыланды және кейбір жағдайларда ауыр анафилаксияға дейін үдеуі мүмкін (шокты қоса). Кейбір жағдайларда бұл реакциялар ауыр анафилаксияға дейін үдеген және бұл IX факторы тежегіштерінің дамуының уақытпен тығыз байланысында жүрді (айрықша нұсқауларын қараңыз). Иммундық толеранттылығын стимуляциялау салдарынан анамнезінде IX фактор тежегіштері бар В гемофилиясы және аллергиялық реакциялары бар науқастарда білінген нефроздық синдром туралы хабарламалар болды.

В гемофилиясы бар пациенттерде IX факторға бейтараптандыратын антиденелер (тежегіштер) дамуы мүмкін. Бұндай тежегіштер пайда болғанда жай-күйі жеткіліксіз клиникалық жауап түрінде білінеді. Бұндай жағдайларда гемофилияның мамандандырылған орталығымен байланысу ұсынылады.

Тазалығы төмен препараттар үшін жоғарырақ қаупі бар IX фактор өнімін енгізуден кейін тромбоэмболиялық көріністердің потенциалды қаупі бар. Жиілігі төмен IX фактор өнімін пайдалану миокард инфарктісі, диссеминирленген тамырішілік қан ұюы, веналық тромбоз және өкпе эмболиясы жағдайлары білінуіне байланысты. Жоғары тазартылған IX факторы препараттарын пайдалану тромбоэмболиялық асқынулармен сирек астасады.

Жағымсыз реакциялардың кестелік тізімі

Жағымсыз реакциялардың жиілігі жалпы алғанда клиникалық зерттеулердің 3 фазасындағы В гемофилияның ауыр түрі бар 153 пациентте және қосымша зерттеулерде бақыланған. Препаратты қолданудың жалпы күні 17080 құрады, пациенттерге әсерінің орташа мәні 100 (диапазоны 1-351) күн.

Жиілігі келесі бөліктерге сәйкес бағаланды: өте жиі (≥1/10); жиі (≥1/100 - <1/10 дейін); жиі емес (≥1/1000 - <1/100 дейін); сирек (≥1/10000 - <1/1000 дейін); өте сирек (<1/10000), белгісіз (қолда бар деректер негізінде бағалау мүмкін емес).

Әр жиілік топ шегіндегі жағымсыз реакциялар күрделілігі азаю тәртібімен берілген.

5 кесте: Алпроликс® препаратының клиникалық зерттеулердегі тіркелген жағымсыз реакциялары

Педиатриялық популяция

Педиатриялық және ересек сынақтағылардағы жағымсыз реакцияларда жасына қарай айырмашылық анықталмады.

Күдік болған жағымсыз реакциялар туралы есеп

Дәрілік затты тіркеуден кейінгі болжамды жағымсыз реакциялар туралы есеп маңызды. Бұл дәрілік заттың пайда/қаупінің теңгерімінің мониторингін жалғастыруға мүмкіндік береді. Медицина мамандары ұлттық есеп беру жүйесі арқылы кез келген болжамды жағымсыз реакциялар туралы хабарлауды өтінеді.

- белсенді затына (rFIXFc – адамның IX қан ұюының рекомбинантты факторы және/немесе байланысқан ақуыз Fc доменіне) немесе препараттың басқа компоненттеріне жоғары сезімталдық.

Алпроликс®препаратының (эфтренонаког альфа) басқа дәрілік заттармен өзара әрекеттесулерінің зерттеулері жоқ. Сондықтан Алпроликс® препаратын басқа дәрілік заттармен араластыруға болмайды.

Алпроликс® препаратын қолдануды гемофилияны емдеуде тәжірибесі бар дәрігер бақылауымен бастау керек. Емді бастар алдында науқастарды препарат қолдануға байланысты болжамды жағымсыз әсерлері туралы хабардар ету керек.

Аса жоғары сезімталдық реакциялары

Алпроликс® препаратын енгізгенде аллергия түріндегі аса жоғары сезімталдық реакциялары білінуі мүмкін. Аса жоғары сезімталдық белгілері білінгенде препарат енгізуді тоқтату керек және өз дәрігеріне қаралу керек. Пациенттер есекжем, жайылған есекжем, кеудені қысу сезімі, ентігу, гипотензия және анафилаксияны қоса, аса жоғары сезімталдық реакциялары белгілері туралы хабардар болуы тиіс.

Анафилаксиялық шок жағдайында шокқа қарсы жалпы қабылданған іс-шаралар жүргізуді дереу бастау керек.

Тежегіштер

IX қан ұюының факторы препараттарымен қайта емдеуден кейін пациенттерде тежегіштер (бейтараптандыратын антидене) дамуына бақылау жүргізілуі тиіс, олардың мөлшері тиісті биологиялық сынақтарды пайдалана отырып, плазманың әр мл-ндегі Бетесда (Bethesda) (BU) бірлігінде модификациялаушы тестпен анықталады.

Әдебиеттерде IX факторы тежегіштері және аллергиялық реакциялар туындауының арасындағы өзара байланысты көрсететін есептер бар. Осылайша, аллергиялық реакциялары бар пациенттерде тежегіштер болуын бағалау керек. IX факторы тежегіштері бар пациенттердің кейін IX факторға реакциясы болуының анафилаксиялық жоғары қаупіне ұшырауы мүмкіндігін ескеру керек. IX факторы препаратына аллергиялық реакциялар туындау қаупіне байланысты емдеуші дәрігер шешіміне сәйкес IX факторын бастапқы енгізуді аллергиялық реакцияларда тиісінше медициналық көмекті қамтамасыз ету үшін медициналық бақылау жүргізу керек.

Тромбоэмболиялық асқынулар

Бауыр аурулары бар пациенттерде, операциядан кейінгі пациенттер, жаңа туған нәрестелер, немесе тромбоздық құбылыстарының немесе диссеминирленген тамырішілік ұюдың қаупі бар пациенттер (ДТҰ-синдромы), IX факторы препаратымен емдеуде тромбоздық асқынулар дамуының потенциалды қаупінен қатарлас биологиялық тестілеумен тромбоз және жүдететін коагулопатияның ерте белгілерін клиникалық бақылауды бастау керек. Бұндай жағдайларда Алпроликс® емінің артықшылығын осы асқынулардың қаупімен салыстыру керек.

Жүрек-тамырлық бұзылулар

Бұрыннан жүрек-тамырлық қауіп факторы бар пациенттерде IX факторымен орын басу емі жүрек-тамырлық асқынулар қаупін жоғарылатуы мүмкін.

Катетеризацияға байланысты асқынулар

Егер орталықтық вена ішіне енгізуге арналған (CVAD) құрылғы қолдану талап етілсе, онда жергілікті инфекция, бактериемия, катетер қоятын орындағы тромбоз сияқты катетерге байланысты асқынулар дамуының қаупі бар.

Препарат сериясының тіркеу нөмірі

Пациент және препарат партиясы арасында байланыс орнату мүмкіндігі үшін пациентке Алпроликс®препаратын әр енгізгенде дәрілік препараттың атауын және серия нөмірін жазып алу қатаң ұсынылады.

Педиатриялық популяция

Аталған сақтандырулар және сақтық шаралары ересектерге және балаларға да қатысты.

Қосымша заттарға байланысты ескертулер

Бір құтыдағы бұл дәрілік заттың құрамында 0.3 ммоль (немесе 6.4 мг) натрий бар. Ескертуді бақыланатын натрий диетасында жүрген пациенттер назарда ұстауы тиіс.

Жүктілік және лактация кезеңі

Препараттың жануарлардың ұрпақ өрбіту функциясына әсеріне зерттеу жүргізілмеген. Тышқандарда плацентарлық тасымалға зерттеу жүргізілді, тышқандарда эфтренонаког альфа аз мөлшерде плацента арқылы өтетіні анықталды. Әйелдерде В гемофилиясының сирек таралуы негізінде IX факторын жүктілік және бала емізу уақытында қолдану тәжірибесінің деректері қол жетімсіз. Препаратты жүктілік және бала емізу уақытында қолдануға болмайды, тек өмір үшін қажет болған жағдайда ғана рұқсат етіледі.

Фертильділігі

Препараттың фертильділікке әсері туралы деректер жоқ. Алпроликс® препаратының жануарлар фертильділігіне зерттеулері жүргізілмеген.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері.

Алпроликс® препараты көлік құралдарын және қауіптілігі зор механизмдерді басқару қабілетіне әсер етпейді.

Ұсыныстарды ұстанғанда артық дозалану ықтималдығы аз. Қан ұю факторы препараттарының артық дозалануы симптомдары туралы деректер жоқ.

Шығарылу түрі және қаптамасы

Резеңке тығынмен тығындалған, дозалануына қарай әртүрлі түсті “flip off” қорғаныш қалпақшамен жабылған I типті мөлдір шыныдан жасалған құтыларда 500 ХБ, 1000 ХБ, 2000 ХБ және 3000 ХБ препараттан.

Алдын ала толтырылған шприцте 5.0 мл еріткіштен (натрий хлоридінің 0.325 % ерітіндісі).

Шприцте еріткіші, поршень штогы және құтыға арналған адаптері бар жиынтықтағы препараты бар тұғырдағы 1 құтыдан медициналық қолдану жөнінде мемлекеттік және орыс тілдеріндегі нұсқаулықпен бірге картон қорапшаға салынған.

Енгізуге арналған қосымша жинақ: 1 инфузиялық «көбелек» жинақ, 2 спиртті сүрткі, 2 бұласыр және 1 дәке сүрткіні картон қорапшаға салады.

Препараты бар картон қорапша және енгізуге арналған қосымша жинағы бар картон қорапша лента немесе жылу сақтағыш үлбірмен бірге бекітіледі.

2 – 8 0C температурада сақтау керек. Жарықтан қорғалған жерде, 300С-ден аспайтын температурада 6 ай бойы сақтауға рұқсат етіледі. 300С-ден аспайтын температурада сақтаудан кейін тоңазытқышқа қайта қоюға болмайды. Дайындалған ерітіндіні 30 0C аспайтын температурада 3 сағат бойы сақтауға болады. Мұздатып қатыруға болмайды.

Балалардың қолы жетпейтін жерде сақтау керек.

3 жыл

Жарамдылық мерзімі өткеннен кейін қолдануға болмайды.

Рецепт арқылы

Өндіруші

Веттер Фарма-Фертигунг ГмбХ & Ко. КГ, Лангенарген, Германия

Қаптаушы

Биоген Айдек (Дания) Мануфактуринг АпС, Хиллероед, Дания

«Ген Илач ве Саглык Урунлери Санаи ве Тиджарет» АҚ, Түркия

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін бақылауға жауапты ұйымның мекенжайы:

«Ген Илач ве Саглык Урунлери Санаи ве Тиджарет» АҚ Қазақстан Республикасындағы өкілдігі

Алматы қ. 050051, Достық даңғ. 188, Құлан БО, 903 кеңсе

тел.: 8 (727) 2599044, 2599043, 2599042

тел./факс: 8 (727) 2599039

e-mail: maral.ordabaeva@genilac.com