Аломид
Инструкция
-
русский
-
қазақша
Саудалық атауы
Аломид
Халықаралық патенттелмеген атауы
Лодоксамид
Дәрілік түрі
0,1 5мл көз тамшы дәрісі
Құрамы
1 мл препараттың құрамында
белсенді зат: 1.78 мг лодоксамид трометамині (1.00 мг лодоксамидке баламалы)
қосымша заттар: бензалконий хлориді, маннитол, динатрий эдетаты, гипромеллоза, натрий цитраты, лимон қышқылы моногидраты, тилоксапол, хлорсутек қышқылы және/немесе натрий гидроксиді (рН түзету үшін); тазартылған су.
Сипаттамасы
Мөлдір түссіз немесе сәл сарғыштау түсті ерітінді.
Фармакотерапиялық тобы
Көз ауруларын емдеуге арналған препараттар. Деконгестанттар және аллергиялық препараттар. Аллергиялық басқа да препараттар. Лодоксамид
АТХ коды S01GX05
Фармакологиялық қасиеттері
Фармакокинетикасы
Көзге жергілікті қолданған кезде оның аздаған мөлшері сіңеді, қан плазмасында лодоксамидтің концентрациясы препаратты күніне 4 рет 1 тамшыдан қолданған кезде 2,5 нг/мл шамасында байқалады.
Негізгі шығарылу жолы – бүйректерде биологиялық өзгеріске ұшырауы. Дозаның өте көп мөлшері несеппен бірге метаболит түрінде шығарылады, қалған бөлігі нәжіспен бірге шығарылады. Лодоксамидтің несеппен бірге жартылай шығарылу кезеңі – 8,5 сағат.
Фармакодинамикасы
Аломид көз тамшы дәрісі препараты – офтальмологияда жергілікті қолдануға арналған аллергияға қарсы препарат, жуан жасушалар жарғақшаларының тұрақтандырғышы.
Лодоксамид мастоцидтердің тұрақтандырғышы болып табылады, бірінші типті шұғыл асқын сезімталдық реакциясын басады. Жуан жасушаларға Са2+ ионының антиген ынталандыратын түрде енуіне кедергі жасап, олардан гистаминнің, баяу әсер ететін анафилаксия субстанциясының, эозинофильді хемотаксикалық фактордың босап шығуын басады, ол IgE және антигенмен негізделген І типті асқын сезімталдық реакциясын тежейді.
Лодоксамидтің мастоциттерді тұрақтандырғыш және гистаминнің анти-индукцияланып бөлінуін болдырмау қабілеті бар. Бұдан басқа, лодоксамид қабынудың басқа медиаторларының бөлініп шығуына жол бермейді (мысалы, пептид-лейкотриендер сияқты өте танымал баяу әсер ететін аллергия субстанциялары). Лодоксамид гистаминнің бөлініп шығуын басып, стимуляциядан кейін мастоцитке кальцийдің ауысып орнығуына кедергі жасайды.
Лодоксамидтің өзіндік тамыр тарылтатын, антигистаминдік қасиеттері, циклогеназаны басатын қасиеттері немесе басқа да қабынуға қарсы әсері жоқ.
Қолданылуы
Аломид көз тамшы дәрісі препараты жұқпалы емес аллергиялық конъюнктивиттің офтальмологиялық белгілері мен симптомдарын емдеуге арналған:
-
маусымдық аллергиялық конъюнктивитте
-
атопиялық конъюнктивитте
-
аллергиялық конъюнктивитте
-
гигантты папиллярлы конъюнктивитте
-
аллергиялық кератоконъюнктивитте (көктемгі, дәрі-дәрмектік, поллиноз, фолликулярлы, өзіне тән емес созылмалы, катаральді)
Лодоксамид қабыну реакциясында негізгі рөлді I типті шұғыл жоғары сезімталдық (немесе жуан жасушалар) атқаратын басқа да көз аурулары кезінде де тиімді болуы мүмкін.
Қолдану тәсілі және дозалары
Бірдей уақыт аралығынан соң әр көзге 1-2 тамшыдан күніне 4 рет тамызу ұсынылады.
Аломид көз тамшы дәрісі препаратымен емдеудің әсері препаратты бірдей уақыт аралықпен қабылдау тәртібін сақтауға байланысты. Аломид көз тамшы дәрісі препаратымен емдеуге симптоматикалық реакция (жайсыздық симптомдары, қышыну, көзде бөгде денені сезіну, жарыққа қарай алмау, көздің жедел ауыруы, көзден жас ағу, бөліністер, ісіну/эритема, конъюнктиваның қызаруы, лимбальді реакциялар, эпителиальді аурулар, птоздың азаюы) әдетте апта ішінде байқалады, бұл ретте кейбір жағдайларда қажетті емдеу курсы 4 аптаны құрауы мүмкін. Симптомдардың жақсаруы байқалған кезде, жақсаруды демеу қажет етілген уақытқа дейін ем жалғасуы тиіс.
Қажет болған кезде Аломид көз тамшы дәрісі препаратына қосымша ем ретінде қолдануға болады.
Аллергиялық конъюнктивиттерде көз тамшы дәрілерін тамызу емдеудің басында жайсыздық туғызуы мүмкін, одан кейін ауру симптомдарының жақсаруымен қайтады.
Тамызғаннан кейін мұрын көз жасы өзегін басу немесе қабақты абайлап жабу керек. Бұл дәрілік препараттың жүйелік сіңуін төмендетеді және жағымсыз жүйелік реакциялардың дамуының алдын алады.
Құты ішіндегісінің ластануын болдырмас үшін, тамшуырдың ұшын көзге немесе кез келген басқа беткейге тигізбеу керек.
Басқа да жергілікті офтальмологиялық дәрілік препараттармен бірге емдеген жағдайда, препараттарды қабылдау арасындағы 10-15 минутқа жуық аралықты сақтаған жөн.
Педиатрияда қолданылуы
Аломид көз тамшы дәрісі препаратын 8 жастан кіші балаларға қолданудың тиімділігі және қауіпсіздігі анықталмаған. 8 жастағы және одан үлкен балаларға арналған доза ересек емделушілердікіндей дозаны құрайды.
Жағымсыз әсерлері
Жергілікті
Өте жиі:
-
көздің тітіркенуі
-
көздің ауыруы
-
көздегі жайсыздық
Жиі:
-
көздің құрғауы
-
көздің қышуы
-
қабақ жиегіндегі қабыршықтар
-
көзден жас ағудың ұлғаюы
-
гиперемия
-
айқын көрмеу
Жиі емес:
-
мөлдір қабық эрозиясы, кератит, кератопатия
-
конъюнктиваның ісінуі
-
алдыңғы көз камерасындағы жасушалар
-
көрудің бұзылуы
-
астенопия (көздің шаршауы)
-
блефарит
-
көз аллергиясы, көздің ісінуі, қабақтың ісінуі
-
көз қызметінің бұзылуы (эпителиопатия)
-
көзден бөлінулер
-
көздегі қалыпсыз сезімдер, көзде бөгде денені сезіну
Жүйелі
Жиі емес:
-
бас айналу, бас ауыру
-
ұйқышылдық
-
түшкіру, мұрынның құрғауы
-
жүрек айну, асқазандағы жайсыздық
-
бөрту
-
ыстықты сезіну
Мынадай жағымсыз реакциялардың жиілігі мен күрделілігі деректердің жеткіліксіздігі себебінен бағалана алмайды: жоғары сезімталдық, диспное, пальпитация.
Қолдануға болмайтын жағдайлар
- лодоксамидке немесе препараттың кез келген басқа компонентіне жоғары сезімталдық
Дәрілермен өзара әрекеттесуі
Аломид көз тамшы дәрісі препараты үшін өзара әрекеттесуге арнайы зерттеулер жүргізілмеген.
Аломид көз тамшы дәрісі препараты үшін дәрілермен өзара әрекеттесу жағдайлары туралы хабарлар болмаған.
Айрықша нұсқаулар
Тек көзге қолдануға арналған. Инъекцияға немесе ішке қабылдауға арналмаған. Белгіленген дозалау режимінен асырып жібермеген жөн. Жүктілік
Жүктілік кезінде қолданудың баламалы және жақсы бақыланатын зерттеулері жүргізілмеген. Осы себептен Аломид көз тамшы дәрісі препаратын жүктілікте сақтықпен қолданған және мүмкіндігінше лодоксамидті жүктілік кезінде қолданудан аулақ болған жөн.
Лактация
Көзге жергілікті қолданғанда лодоксамидтің емшек сүтіне енетін-енбейтіндігі анықталмаған. Емшектегі бала үшін қаупіптілігі жоққа шығарылмайды. Дәрілік заттардың көпшілігі емшек сүтіне өтетіндіктен Аломид көз тамшы дәрісі препаратын бала емізетін аналарға сақтықпен қолдану керек.
Педиатрия
Аломид көз тамшы дәрісі препаратының құрамында бензалконий хлориді бар, 8 жасқа дейінгі балаларға қолдану ұсынылмайды.
Жанаспалы линзалар
Аломид көз тамшы дәрісі препаратының құрамында бензалконий хлориді бар, ол жанаспалы линзаларға сіңірілуі, оларды түссіздендіруі немесе көздің тітіркенуін туындатуы мүмкін. Емделушілерге Аломид көз тамшы дәрісі препаратын қолданар алдында жанаспалы линзаларды алып тастау және оларды қайта тағардан бұрын кем дегенде 15 минут үзіліс жасау ұсынылады.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Басқа көз тамшы дәрілері жағдайындағыдай, тамызғаннан кейін көздің уақытша айқын көрмеуі немесе көзбен шолуда басқа да мазасыздықтар орын алуы, оның автомобиль немесе қауіптілігі зор механизмдерді басқару қабілетіне жағымсыз әсер ету мүмкін. Мұндай жағдайда көру қалпына түскенше біршама күте тұру қажет.
Артық дозалануы
Аломид көз тамшы дәрісі препаратын жергілікті қолданған кездегі артық дозалану жағдайлары туралы хабарлар жоқ. Препаратты жергілікті қолданғанда артық дозаланған кезде уыттылықтың байқалу мүмкіндігі аз. Жергілікті қолданғандағы артық дозалануы кезінде артық мөлшерінен жылы мол сумен жуу арқылы арылуға болады.
Шығарылу түрі және қаптамасы
5 мл препараттан тамшылатқышпен және алғашқы ашылуы бақыланатын бұрандалы ақ қақпақпен тығындалған Drop-Tainer™ жүйесінің тығыздығы төмен жартылай мөлдір полиэтиленінен жасалған құтыға салынған.
1 құтыдан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.
Сақтау шарттары
27 °С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Құтыны ашқаннан кейінгі қолданылу кезеңі – 4 апта.
Дәріханалардан босатылу шарттары
Рецепт арқылы
Өндіруші
с.а. Алкон-Куврер н.в.
B-2870 Puurs, Бельгия
Тіркеу куәлігінің ұстаушысы
с.а. Алкон-Куврер н.в., Бельгия
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы
«Алкон Фармасьютикалс, Лтд.» өкілдігі
Тел.: +7 (727) 256 02 05
Факс: +7 (727) 256 06 81
Электронды поштасы: Tatyana.Yem@Alcon.com