Актрапид® НМ Пенфилл® (100 МЕ/мл)

МНН: Инсулин человеческий короткого действия
Производитель: Ново Нордиск А/С
Анатомо-терапевтическо-химическая классификация: Insulin (human)
Номер регистрации в РК: № РК-ЛС-5№016483
Информация о регистрации в РК: 22.04.2015 - 22.04.2020
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Включено в Список бесплатного амбулаторного лекарственного обеспечения
АЛО (Включено в Список бесплатного амбулаторного лекарственного обеспечения)
Включено в Список ЛС в рамках ГОБМП, подлежащих закупу у Единого дистрибьютора
ЕД (Включено в Список ЛС в рамках ГОБМП, подлежащих закупу у Единого дистрибьютора)
Предельная цена закупа в РК: 689.87 KZT

Инструкция

Саудалық атауы

Актрапид® НМ Пенфилл®

Халықаралық патенттелмеген атауы

Адам инсулині

Дәрілік түрі

Инъекцияға арналған 100 ХБ/мл ерітінді

Құрамы

1 мл ерітіндінің құрамында

белсенді зат – еритін инсулин (адамның генді-инженерлік) 100 ХБ (3,5 мг),

қосымша заттар: мырыш, глицерол, метакрезол, натрий гидроксиді (2 М ерітінді), хлорсутек қышқылы (2 М ерітінді), инъекцияға арналған су

Сипаттамасы

Мөлдір, түссіз ерітінді

Фармакотерапиялық тобы

Қант диабетін емдеуге арналған дәрілер. Инсулиндер. Инсулиндер және оның тез әсер ететін аналогтары. Инсулин (адамның)

АТХ коды A10AB0l

Фармакологиялық қасиеттері

Фармакокинетикасы

Сіңуі

Инсулин плазмада ең жоғары концентрацияға (Сmax) тері астына енгізгеннен кейін 1,5-2,5 сағат ішінде жетеді.

Таралуы

Плазма ақуыздарымен айқын байланысуы байқалмайды, кейде инсулинге айналымда болатын антидене ғана білінеді.

Метаболизмі

Инсулин протеазасының немесе инсулинді-ыдырататын ферменттердің әсерінен адам инсулині ыдырайды, сондай-ақ протеин-дисульфид-изомеразаның әсерінен ыдырауы мүмкін. Адам инсулині молекуласында бірнеше ыдырау аймақтары (гидролиз) бар деп жорамалданады; алайда ыдырау салдарынан түзілген метаболиттердің біреуі де белсенді емес.

Шығарылуы

Жартылай шығарылу кезеңі (Т1/2) тері асты тіндеріне сіңу жылдамдығы бойынша анықталады. Сонымен, Т1/2 тегінде инсулиннің плазмадан шығарылуының өлшемі емес, дұрысы, сіңу өлшемі болып табылады (қан ағысынан инсулиннің Т1/2 небары бірнеше минутқа тең). Зерттеулер Т1/2 2-5 сағатқа жуықты құрайтынын көрсетті.

Актрапид® НМ Пенфилл® препаратының фармакокинетикалық бейіні қант диабетімен ауыратын 6-12 жастағы балалардың, сондай-ақ жасөспірімдердің (13-17 жастағы) аздаған тобында (18 адам) зерттелген. Алынған мәліметтер шектеулі деп есептелсе де, олар Актрапид® НМ препаратының балалар мен жасөспірімдердегі фармакокинетикалық бейіні ересектердегіге ұқсас екендігін көрсетті. Сонымен қатар Сmax секілді көрсеткіш бойынша түрлі жас топтары арасындағы айырмашылықтар анықталған, бұл дозаны әр адамға жеке таңдаудың қажеттігін көрсетеді.

Инсулин препараттарының әсер ету ұзақтығы негізінен бірнеше факторға (мысалы, дозасына, енгізу тәсіліне, орнына және диабеттің типіне) тәуелді болатын сіңу жылдамдығына байланысты. Сондықтан инсулиннің әсер ету бейіні әртүрлі адамдарда да, сондай-ақ жеке бір адамда да елеулі ауытқуларға ұшырап отырады.

Актрапид® НМ Пенфилл® препаратының әсері енгізгеннен кейін жарты сағат ішінде басталады, ал ең жоғары әсері 1,5-3,5 сағаттан соң байқалады, мұндай кезде жалпы әсер ету ұзақтығы шамамен 7-8 сағатты құрайды.

Фармакодинамикасы

Актрапид® НМ Пенфилл® – Saccharomyces cerevisiae штаммдарын қолдана отырып, рекомбинантты ДНҚ биотехнологиясы әдісімен өндірілген, қысқа мерзімді әсер ететін инсулин препараты. Жасушалардың сыртқы цитоплазмалық жарғақшасының спецификалық рецепторларымен өзара әрекеттеседі және инсулин-рецепторлы кешен түзеді. цАМФ биосинтезін (май жасушаларында және бауыр жасушаларында) белсенділендіру арқылы немесе жасушаға (бұлшық еттің) тікелей ене отырып, инсулин-рецепторлы кешен жасушаішілік үдерістерді, соның ішінде бірқатар негізгі ферменттерді (гексокиназа, пируваткиназа, гликогенсинтетаза және басқа) стимуляциялайды. Глюкозаның қандағы мөлшерінің төмендеуі оның жасушаішілік тасымалдануының артуымен, тіндерге өтуі мен сіңуінің күшеюімен, липогенездің, гликогенездің, ақуыз синтезінің стимуляциялануымен, бауырда глюкозаның өндірілу жылдамдығының төмендеуімен және т.б. жүзеге асады.

Қолданылуы

- қант диабетін емдеуге

Қолдану тәсілдері және дозасы

Препарат тері астына және көктамыр ішіне енгізуге арналған.

Препарат дозасы, емделушінің қажетсінуін ескере отырып, әр адамға жекелей таңдалады. Әдетте инсулинге жалпы қажеттілік дене салмағының әр кг шаққанда тәулігіне 0,3-тен 1 ХБ-ге дейінді құрайды. Инсулинге тәуліктік қажеттілік инсулинге резистентті емделушілерде (мысалы, жыныстық жетілу кезеңінде, сондай-ақ семіздікке шалдыққан емделушілерде) жоғары болуы, және инсулиннің қалдық эндогендік өнімі бар науқастарда төмен болуы мүмкін.

Егер қант диабеті бар емделушілерде гликемияны тиімді бақылауға қол жеткізілсе, онда оларда диабеттің асқынуы, әдетте, кешірек білінеді. Осыған байланысты, метаболизмдік бақылауды, атап айтқанда, қандағы глюкоза деңгейіне мұқият мониторинг жасай отырып, оңтайландыруға әрекеттенген жөн.

Актрапид® НМ Пенфилл® қысқа мерзімді әсер ететін инсулин болып табылады және әсері ұзаққа созылатын инсулиндермен біріктіріліп қолданылуы мүмкін. Препарат тамақтанудан немесе құрамында көмірсуы бар жеңіл тамақтан 30 минут бұрын енгізіледі.

Актрапид® НМ Пенфилл® әдетте құрсақтың алдыңғы жақ қабырғасы аймағындағы тері астына енгізіледі. Егер бұл қолайлы болса, онда инъекцияны сан аймағына, бөксе аймағына немесе иықтың дельта тәрізді бұлшықеті аймағына (тері астына) жасауға болады. Препаратты құрсақтың алдыңғы жақ қабырғасы аймағына енгізгенде басқа аймақтарға енгізген кездегіге қарағанда әлдеқайда тез сіңеді. Тері қатпарына жасалатын инъекция оның бұлшықетке түсу қаупін азайтады. Липодистрофияның даму қаупін азайту үшін инъекция жасалатын жерлерді анатомиялық аймақ шегінде үнемі өзгертіп отыру қажет.

Бұлшықетішілік инъекциялар жасалуы мүмкін, бірақ тері астына енгізу мүмкін болмаған жағдайда тек дәрігердің тағайындауымен ғана.

Актрапид® НМ Пенфилл® препараты сондай-ақ көктамыр ішіне де енгізілуі мүмкін және мұндай емшараларды тек медицина қызметкері ғана жүргізе алады.

Дозаларды түзету

Бүйрек немесе бауыр зақымданған кезде инсулинге қажеттілік төмендейді.

Науқастарға берілуі қажет Актрапид® НМ Пенфилл® препаратын қолдану жөніндегі нұсқаулық.

Пенфилл® картриджі тек Ново Нордиск компаниясының инсулинін және НовоФайн® мен НовоТвист®инелерімен енгізуге арналған жүйелерде қолдану үшін ғана арнап жасалған.

1 картриджде 3 мл бар, ол 300 ХБ-ке баламалы.

Егер Пенфилл® картриджінде Актрапид® НМ Пенфилл® препараты және басқа инсулин бір мезгілде қолданылатын болса, инсулинді енгізуге арналған, инсулиннің әрбір түрі үшін бөлек екі инъекциялық жүйені қолдану қажет.

Актрапид® НМ Пенфилл® тек жекелей қолдануға ғана арналған.

Пенфилл® картриджі қайталап толтыруға арналмаған.

Актрапид® НМ Пенфилл® препаратын қолданар алдында мыналарды орындау қажет:

  • Инсулиннің дұрыс түрі алынғанына көз жеткізу үшін қаптамасын тексеріп шығыңыз.

  • Әрдайым картриджді, резеңке поршеньмен қоса, тексеріңіз. Егер қандай да бір бүліну, немесе каучук поршень мен таңбасы бар ақ таспа арасында саңылау байқалса, мұндай картриджді қолдануға болмайды. Бұдан әрі қарай инсулинді енгізуге арналған жүйені қолдану жөніндегі нұсқаулықты басшылыққа алыңыз.

  • Жұқпаның жұғуына жол бермеу үшін, әрбір инъекция үшін әрдайым жаңа инені пайдаланыңыз.

  • Резеңке жарғақшаны мақта түйірімен залалсыздандырыңыз.

Актрапид® НМ Пенфилл® препаратын келесі жағдайларда қолдануға болмайды:

  • Инсулиндік насостарда (помпаларда).

  • Егер картриджден немесе енгізуге арналған қондырғыдан ақса, немесе егер олар бүлінсе, немесе майысқан болса, өйткені мұндай жағдайда инсулиннің ағып кету қаупі бар.

  • Егер гипогликемия (қандағы қанттың төмен деңгейі) анықталса

  • Егер инсулин дұрыс сақталмаған болса, немесе ол мұздатылған болса.

  • Егер инсулин мөлдір және түссіз болмаса.

Тері астына инъекция жасау техникасы

  • Инсулинді тері астына енгізеді. Ол үшін енгізуге арналған құрылым қаптамасына салынған «Инсулинді енгізуге арналған жүйенің (еккіш-қаламның) қолданылуы жөніндегі нұсқаулықта» сипатталған әдісті қолданады.

  • Ине тері астында кемінде 6 секундқа қалдырылуы тиіс, ол дозаны толық енгенін кепілдендіреді.

  • Әрбір инъекциядан кейін еккіш-қаламнан инесін шығарып алу қажет. Керісінше жағдайда сұйықтық еккіш-қаламның картриджінен ағып кетуі мүмкін, бұл препарат концентрациясының өзгеруіне әкеп соғады.

Жағымсыз әсерлері

Актрапид® НМ Пенфилл® препаратымен емдеу аясында емделушілерде байқалған жағымсыз реакциялар көбіне дозаға байланысты және инсулиннің фармакологиялық әсерінен болады.

Төменде Актрапид® НМ Пенфилл®препаратын қолданумен байланысты ретінде бағаланған, клиникалық сынақтар барысында анықталған жағымсыз реакциялар жиілігінің мәндері берілген. Жиілігі келесі үлгіде белгіленген: жиі емес (≥1/1,000 <1/100 дейін); өте сирек (<1/10,000), кенеттен болатын оқшау жағдайлар.

Өте жиірек

- гипогликемия

Гипогликемия инсулин дозасы оған қажеттіліктен айтарлықтай артық болған жағдайларда дамиды. Ауыр гипогликемияда сананың жоғалуы және/немесе құрысулар байқалуы мүмкін, ми функциясы уақытша немесе тұрақты бұзылуы және тіпті өлімге әкеп соғуы мүмкін.

- иммундық жүйе тарапынан бұзылулар

Жиі емес

- есекжем, бөртпе

- диабеттік ретинопатия

Егер гликемияны талапқа сай бақылау ұзақ уақыт қамтамасыз етілсе, онда диабеттік ретинопатияның өршу қаупі төмендейді. Алайда, гликемияны бақылаудың күрт жақсаруымен инсулинмен емдеу интенсификациясы диабеттік ретинопатия айқындылығының уақытша күшеюіне әкелуі мүмкін.

- тері мен теріасты тіндері тарапынан бұзылулар

- липодистрофия

Липодистрофия инъекция жасалған жерде дененің бір аймағы шегінде инъекция жасалған жерді үнемі алмастыру жүзеге асырылмаған жағдайда ғана дамуы мүмкін.

- инъекция жасалған жердегі реакциялар (инъекция жасалған жерде терінің қызаруы, ісінуі, қышуы, аурушаңдығы, гематоманың түзілуі). Алайда көптеген жағдайларда бұл реакциялар өткінші сипатқа ие болады және емдеуді жалғастыру барысында жоғалады.

- ісінушілік

Ісіну әдетте инсулинмен емдеудің бастапқы сатысында байқалады. Бұл симптомдар әдетте уақытша сипатқа ие.

Өте сирек

- анафилактикалық реакциялар

Жайылған аса жоғары сезімталдық симптомдары жайылған тері бөртпесін, қышынуды, тершеңдікті, асқазан-ішек жолы ағзалары тарапынан бұзылуларды, ангионевротикалық ісінуді, ентігуді, жүректің қағуын, артериялық қысымның төмендеуін, естен тануды/естен айырылуды қамтуы мүмкін. Жайылған аса жоғары сезімталдық реакциялары өмірге қауіп төндіруі мүмкін.

- жүйке жүйесі тарапынан бұзылулар

- шеткергі нейропатия

Егер қанда глюкоза деңгейін бақылауға өте тез қол жеткізілсе, әдетте қайтымды болатын «ауыртатын жедел нейропатия» жағдайы дамуы мүмкін.

- көру мүшелері тарапынан бұзылулар

- рефракцияның бұзылуы

Рефракция аномалиялары әдетте инсулинмен емдеудің бастапқы сатысында байқалады. Бұл симптомдар әдетте уақытша болып табылады.

Қолдануға болмайтын жағдайлар

  • гипогликемия

  • адам инсулиніне немесе препараттың қандай да бір ингредиентіне жоғары сезімталдық

Дәрілермен өзара әрекеттесуі

Инсулинге қажеттілікке ықпал ететін бірқатар дәрілік заттар бар.

Инсулиннің гипогликемиялық әсерін мыналар күшейтеді: пероральді гипогликемиялық препараттар, моноаминооксидаза тежегіштері, ангиотензин өзгертуші ферменттердің тежегіштері, карбоангидраза тежегіштері, селективті емес -адреноблокаторлар, бромкриптин, сульфонамидтер, анаболикалық стероидтар, тетрациклиндер, клофибрат, кетоконазол, мебендазол, пиридоксин, теофиллин, циклофосфамид, фенфлурамин, литий препараттары, құрамында этанолы бар препараттар.

Инсулиннің гипогликемиялық әсерін мыналар төмендетеді: пероральді контрацептивтер, глюкокортикостероидтар, тиреоидты гормондар, тиазидті диуретиктер, гепарин, үшциклді антидепрессанттар, симпатомиметиктер, даназол, клонидин, кальций өзекшелерінің блокаторлары, диазоксид, морфин, фенитоин, никотин.

Резерпин мен салицилаттардың әсерінен препараттың әсері әлсіреуі де, күшеюі де мүмкін.

Бета-адреноблокторлар гипогликемия симптомдарын бүркемелеп, гипогликемияны қайтаруды қиындатуы мүмкін.

Октреотид/ланреотид инсулинге қажеттілікті төмендетуі де, арттыруы да мүмкін.

Алкоголь инсулиннің гипогликемиялық әсерін күшейтуі де, ұзартуы да мүмкін.

Тиазолидиндион тобының препараттарын және инсулин препараттарын бір мезгілде қолдану

Емделушілерді инсулин препараттарымен біріктірілген тиазолидиндиондармен емдеген кезде, әсіресе мұндай емделушілерде жүрек функциясының іркілген жеткіліксіздігі дамуының қауіпті факторлары бар болған кезде, жүрек функциясының іркілген жеткіліксіздігінің даму жағдайлары жөнінде мәлімделді. Осы фактіні емделушілерге тиазолидиндиондармен және инсулин препараттарымен біріктірілген ем тағайындаған кезде ескерген жөн. Осындай біріктірілген емді тағайындаған кезде емделушілерде жүрек функциясының іркілген жеткіліксіздігі, дене салмағының арту және ісінулердің болу белгілері мен симптомдарының байқалуы тұрғысынан медициналық тексеру жүргізу қажет. Емделушілерде жүрек функциясының жеткіліксіздігі симптоматикасы нашарлаған жағдайда тиазолидиндиондармен емдеуді тоқтату қажет.

Үйлесімсіздік

Актрапид® НМ Пенфилл® препаратын тек онымен үйлесе алатын белгілі қосылыстарға ғана қосуға болады. Инсулин ерітіндісіне қосқанда кейбір препараттар (мысалы, құрамында тиолдар мен сульфаттар бар препараттар) оны деградациялауы мүмкін.

Айрықша нұсқаулар

Доза дұрыс таңдалмаса немесе емді тоқтатқан кезде, әсіресе 1-типті емделушілерде гипергликемия дамуы мүмкін. Гипергликемияның алғашқы симптомдары әдетте бірнеше сағат немесе бірнеше күн ішінде біртіндеп пайда болады. Мұндай симптомдарға жүректің айнуы, құсу, айқын ұйқышылдық, қызару, құрғақ тері, ауыз ішінің құрғауы, несептің көп бөлінуі, шөлдеу, тәбеттің жоғалуы, сондай-ақ ауыздан ацетон иісінің шығуы жатады.

Егер қант диабетінің 1-типіндегі гипергликемияға ем жүргізілмесе, өмір үшін қауіпті диабеттік кетоацидоз дамуы мүмкін. Гликемиялық бақылау жасау, мысалы, инсулинмен емді күшейту есебінен, едәуір жақсарған жағдайларда гипогликемияның дағдылы ізашар симптомдары да өзгеруі мүмкін, ол жөнінде науқастарға алдын ала ескертілуі тиіс.

Қатар жүретін ауруларда, әсіресе жұқпаларда және қызба жағдайларында, емделушілерге инсулин қажеттілігі әдетте жоғарылайды.

Егер емделушіні инсулиннің бір типінен басқа типіне ауыстыратын болса, онда гипогликемияның ерте ізашар симптомдары өзгеруі немесе мұның алдындағы инсулинді енгізген кездегіге қарағанда айқындылығы азаюы мүмкін.

Емделушілерді инсулиннің басқа типіне немесе дайындаушы басқа компанияның инсулиніне ауыстыру медициналық бақылаумен ғана жүзеге асырылуы тиіс. Биологиялық белсенділігі, өндіруші компания, типі, түрі (жануар, адам инсулині, адам инсулинінің аналогы) және/немесе дайындау әдістері өзгерген кезде дозалау тәртібін өзгерту қажет болуы мүмкін.

Егер дозаны түзету қажет болса, бұны алғашқы дозаны енгізген кезде немесе емдеудің алғашқы аптасында немесе айында жасауға болады.

Тамақтануды өткізіп алу немесе жоспарланбаған ауыр дене жүктемесі гипогликемияны тудыруы мүмкін.

Егер емделуші сағаттық белдеулерді кесіп өтетін саяхат жасайтындай болса, инсулинді енгізу және тамақтану уақытын өзгертуіне тура келетін болғандықтан, оның дәрігерден ақыл-кеңес алғаны жөн.

Актрапид® НМ Пенфилл® препаратын инфузияға арналған ерітіндіге қосқан кезде инфузиялық жүйемен сіңетін инсулин мөлшері алдын ала болжауға келмейді, сондықтан Актрапид® НМ препаратын ТТИИ-де пайдалануға рұқсат етілмейді.

Актрапид® НМ Пенфилл® препаратының құрамына аллергиялық реакция тудыруы мүмкін метакрезол кіреді.

Препаратты пайдалану және қолдану тәртібі бойынша нұсқаулық

Көктамыр ішіне енгізу үшін құрамында 40 ммоль/л калий хлориді қамтылатын натрий хлоридінің 0,9% ерітіндісі, 5% немесе 10% декстроза ерітіндісі сияқты инфузиялық ерітінділерде концентрациясы 0,05 ХБ/мл-ден 1ХБ/мл-ге дейінгі адам инсулині болатын 100 ХБ/мл Актрапид® НМ Пенфилл® препараты бар инфузиялық жүйе қолданылады; жүйелі көктамыр ішіне енгізу үшін полипропиленнен жасалған инфузиялық қалталар қолданылады; көктамырішілік енгізу үшін полипропиленнен жасалған инфузиялық қалталар пайдаланылады; бұл ерітінділер бөлме температурасында 24 сағат бойы тұрақтылығын сақтайды.

Бұл ерітінділер белгілі бір уақыт ішінде тұрақтылығын сақтайтын болғанымен, бастапқы кезеңде инфузиялық қапшық жасалған материалдың инсулиннің бір бөлігін сіңіріп алғаны байқалады. Инфузия жүргізу барысында қандағы глюкоза деңгейін бақылап отыру қажет.

Жүктілік және лактация кезеңі

Жүктілік кезінде диабетті инсулинмен емдеу жөнінде шектеулер жоқ, өйткені инсулин плацентарлық бөгет арқылы өтпейді.

Бұған қоса, егер жүктілік кезінде қант диабетіне ем жүргізілмесе, онда ұрыққа қауіп төнеді. Сондықтан диабетті емдеуді жүктілік кезінде де жалғастыру қажет.

Емді дәл таңдау жеткіліксіз болған жағдайларда дамуы мүмкін гипогликемия да, сонымен қатар гипергликемия да ұрықтың дамуында ақаудың пайда болу және жатыр ішінде өлу қаупін арттырады. Диабеті бар жүкті әйелдер жүктілік барысының бүкіл кезеңінде бақылауда болуы тиіс, оларда қандағы глюкоза деңгейін бақылау қажет; мұндай нұсқаулар жүкті болуды жоспарлап жүрген әйелдерге де қатысты.

Инсулин қажеттілігі әдетте жүктіліктің алғашқы триместрінде төмендейді және екінші мен үшінші триместрде біртіндеп жоғарылайды.

Босанғаннан кейін инсулин қажеттілігі әдетте жүктілікке дейінгі деңгейіне тез оралады.

Сондай-ақ Актрапид® НМ Пенфилл® препаратын бала емізу кезеңінде пайдалану үшін шектеулер жоқ. Бала емізетін әйелдерге инсулинмен ем жүргізу нәресте үшін қауіпті емес. Алайда аналарда Актрапид® НМ Пенфилл® препаратын дозалау режимін және/немесе емдәмді түзету қажет болуы мүмкін.

Көлік құралдарын және қауіпті механизмдерді басқару қабілетіне дәрілік заттың ықпал ету ерекшеліктері

Гипогликемия және гипергликемия кезінде науқастың реакциясы және оның зейінді жұмылдыру қабілеті бұзылуы мүмкін, бұл осы қабілеттер аса маңызды болатын жағдайларда (мысалы, автомобиль жүргізген кезде немесе машиналармен және механизмдермен жұмыс жасаған кезде) қауіпті туғызуы мүмкін. Емделушілерге автомобиль жүргізген кезде және механизмдермен жұмыс жасаған кезде гипогликемия мен гипергликемияның дамуын болдырмау шараларын қолдануы керектігін айту қажет. Бұл дами бастаған гипогликемияның ізашар симптомдары жоқ немесе айқындылығы төмен, немесе гипогликемия жиі көрініс беретін науқастар үшін аса маңызды. Мұндай жағдайларда автомобиль жүргізудің жөнді-жөнсіздігін қайта қарастырған жөн.

Артық дозалануы

Инсулиннің артық дозалануы туралы айтатындай спецификалық дозасы анықталмағанымен, емделушілерге олардың қажеттілігінен өте жоғары дозалар енгізілген кезде ауырлығы әртүрлі дәрежедегі гипогликемиялық жағдайлар дамуы мүмкін

- Жеңіл гипогликемияны емделуші, ішке глюкоза немесе құрамында қанты бар тағамдарды қабылдай отырып, өзі қайтара алады. Сондықтан қант диабеті бар науқастар әрдайым қант, тәттілер, печенье немесе құрамында қант пен глюкоза бар сусындарды өзімен бірге алып жүруі керек.

- Ауыр жағдайларда, емделуші есінен танған кезде, көктамыр ішіне 40% декстроза (глюкоза) ерітіндісін; бұлшықет ішіне, тері астына глюкагон (0,5-1 мг) енгізеді. Есін жиған соң емделуші гипогликемияның қайтадан дамуына жол бермеуі үшін құрамында көмірсуы мол тамақ ішуі керек.

Ауыр гипогликемия жағдайында науқасты шұғыл түрде ауруханаға жатқызу керек.

Шығарылу түрі және қаптамасы

Инъекцияға арналған 100 ХБ/мл ерітінді.

Бір жағында бромбутил резеңке поршені бар және басқа жағында бромбутил резеңке /полиизопрен дискілермен бекітілген, І гидролитикалық класқа жататын шыныдан жасалған картриджде препарат 3 мл-ден.

Әрбір картриджге өздігінен желімденетін заттаңба жапсырылған.

Поливинилхлоридті үлбірден және алюминий фольгадан жасалған пішінді ұяшықты қаптамада 5 картриджден.

Пішінді ұяшықты 1 қаптамадан медицинада қолданылуы жөнінде мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

2оС-ден 8оС-ге дейінгі температурада (тоңазытқышта), бірақ мұздатқыш камераға тым жақындатпай сақтау керек. Мұздатып қатыруға болмайды.

Картриджді жарықтан қорғау үшін картон қорапшада сақтау керек.

Ашылған құты үшін: 30оС-ден аспайтын температурада сақталған жағдайда 6 апта бойы пайдалану керек. Тоңазытқышта сақтамау керек.

Препаратты шамадан тыс жылудың және жарықтың әсерінен қорғаған жөн.

Балалардың қолы жетпейтін жерде сақтау керек!

Сақтау мерзімі

30 ай

Қаптамасында көрсетілген жарамдылық мерзімі өткеннен кейін инсулинді пайдалануға болмайды.

Дәріханалардан босатылу шарттары

Рецепт арқылы

Өндіруші

Ново Нордиск А/C

Ново Алле, DK-2880, Багсваерд, Дания

Тіркеу куәлігінің иесі

Ново Нордиск А/С, Дания

Қаптаушы

Ново Нордиск А/C, Дания

Тұтынушылардан өнім сапасы жөніндегі шағымдарды Қазақстан Республикасы аумағында қабылдайтын ұйымның мекенжайы

Орталық Азиядағы және Қазақстандағы Ново Нордиск А/С компаниясының өкілдігі

Мекенжайы: 050022, Алматы қ., Сейфуллин д-лы 534, пәтер 29.

Телефон нөмірі: +7 (727) 261 56 06

Факс нөмірі: +7 (727) 261 08 04

Электронды поштасы: roa-td@novonordisk.com

Актрапид®, Пенфилл®, НовоФайн® және НовоТвист® – Данияның Ново Нордиск А/С компаниясына тиесілі саудалық таңба.

© 2015

Ново Нордиск А/С

 

Прикрепленные файлы

885216461477976514_ru.doc 94.5 кб
704579371477977682_kz.doc 122.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники