Актовегин® (таблетки, 200 мг)

МНН: Депротеинизированный гемодериват из телячьей крови
Производитель: Такеда ГмбХ, Ораниенбург
Анатомо-терапевтическо-химическая классификация: Прочие гематологические препараты
Номер регистрации в РК: № РК-ЛС-5№020786
Период регистрации: 09.09.2014 - 09.09.2019

Инструкция

Саудалық атауы

Актовегин®

Халықаралық патенттелмеген атауы

Жоқ

Дәрілік түрі

Қабықпен қапталған 200 мг таблеткалар

Құрамы

Қабықпен қапталған бір таблетканың құрамында:

белсенді зат: протеинсіздендірілген бұзаулар қанының гемодериваты - 200,00 мг

қосымша заттар: микрокристалды целлюлоза, повидон – (К 90), магний стеараты, тальк

қабықтың құрамы: сахароза, титанның қостотығы (Е 171), бояғыш хинолинді сары алюминий лагы (Е 104), гликолий тау балауызы, повидон (К- 30), макрогол-6000, акация шайыры, гипромеллоза фталаты, диэтилфталат, тальк

Сипаттамасы

Дөңгелек, екі беті дөңес, жылтыр, жасылдау- сары түсті қабықпен қапталған таблеткалар

Фармакотерапиялық тобы

Басқа да гематологиялық препараттар

АТХ коды В06АВ

Фармакологиялық қасиеттері

Фармакокинетикасы

Актовегин препаратының фармакокинетикалық сипатын (сіңірілуін, таралуын, шығарылуын) зерттеу мүмкін емес, өйткені ол әдетте организмде болатын физиологиялық компоненттерден ғана тұрады.

Фармакокинетикасы өзгерген науқастарда (мысалы, бауыр немесе бүйрек жеткіліксіздігі, егде жасқа байланысты метаболизм өзгерістері, және де жаңа туылған балалардың метаболизмінің ерекшеліктері) гемодериваттардың фармакологиялық әсерінің төмендеуі бұл уақытқа дейін байқалмаған.

Фармакодинамикасы

Актовегин антигипоксант. Актовегин® диализ және ультрафильтрация (молекулярлық салмағы 5000 дальтоннан кем емес қосылыстардан өтеді) арқылы алатын гемодериват болып табылады. Актовегин® жасушада энергетикалық метаболизмнің ағзаға тәуелсіз интенсификациясын туындатады. Актовегин® белсенділігі глюкоза мен оттегі сіңуінің артуы мен утилизациялануының өлшеу жолымен расталған. Бұл қос әсер өзара байланысты, және АТФ өнімдерінің жоғарлауына әкеледі, сонысымен көбіне жасушаның энергетикалық қажеттілігін қамтамасыз етеді.

Энергетикалық метаболизмінің қалыпты функциялары шектелетін жағдайларда (гипоксия, субстрат жеткіліксіздігі) және энергия көп тұтынылғанда (жазылуы, регенерация) Актовегин® функционалдық метаболизм мен анаболизмнің энергетикалық үдерістерін көтермелейді. Салдарлы тиімділігі қанмен қамтылуды күшейту болып табылады.

Оттегін сіңіру және утилизациялануына Актовегин® препаратының әсері, сондай-ақ глюкозаның тасымалдануы мен тотығуын көтермелейтін инсулин тәрізді белсенділігі диабеттік полинейропатияны (ДПН) емдеуде маңызды болып табылады.

Қант диабеті және диабеттік полинейропатиясы бар пациенттерде Актовегин® полинейропатия симптомдарын (шаншып ауыру, күйдіру сезімі, парестезиялар, аяқтың ұйып қалуы) сенімді түрде азайтады.

Сезімталдық бұзылыстары түбегейлі азаяды, пациенттердің психикалық хал-ахуалы жақсарады.

Қолданылуы

мидың метаболизмдік және қантамырлық бұзылуында (оның ішінде деменция);

 шеткергі (артериялық және көктамырлық) тамырлық бұзылулар және олардың салдарында (артериялық ангиопатия, аяқ-қолдың көктамырлық ойық жаралары); диабеттік полинейропатияда.

Қолдану тәсілі мен дозалары

Мөлшерлері мен қолдану тәсілі нозологиялық түріне және аурудың өту ауырлығына байланысты болады.

Күніне 3 рет 1-2 таблеткадан тамақтанудың алдында тағайындайды. Таблеткаларды шайнамайды және аздаған мөлшердегі сумен ішеді.

Емдеу ұзақтығы 4-тен 6 аптаға дейін.

Диабеттік полинейропатияда тәулігіне 2000 мг көктамыр ішіне 3 апта бойы енгізіп, содан соң таблетка түріне ауыстырылады, күніне 3 рет 2-3 таблеткадан 4-5 айдан кем емес қолдану қажет.

Жағымсыз әсерлері

  • аллергиялық реакциялар, есекжем

  • кенеттен қызудың көтерілуі, температураның көтерілуі

Қолдануға болмайтын жағдайлар

  • Актовегин® препаратының компоненттеріне аса жоғары сезімталдық

  • 18 жасқа дейінгі балалар

Дәрілермен өзара әрекеттесуі

Анықталмаған

Айрықша нұсқаулар

Балалар

Қазіргі кезде қол жетімді деректер жоқ және пайдалануға ұсынылмайды.

Жүктілік кезінде пайдалану

Актовегин® препаратын қолдануға, егер күтілетін емдік пайдасы ұрыққа төнетін ықтимал қауіптен асып түсетін болса ғана, жол беріледі.

Лактация кезеңінде қолданылуы

Препаратты адам организмінде қолданғанда анаға немесе балаға ешқандай жағымсыз салдары анықталмаған. Егер күтілетін емдік пайдасы балаға төнетін ықтимал қауіптен асып түсетін болса ғана, лактация кезеңінде Актовегин® пайдаланған жөн.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Жоқ немесе елеусіз әсері болуы мүмкін.

Артық дозалануы

Актовегин® препаратымен артық дозалану мүмкіндігі жөнінде деректер жоқ. Фармакологиялық деректер негізінде ешқандай қосымша жағымсыз әсерлері күтілмейді.

Шығарылу түрі

50 таблеткадан алғашқы ашылуының бақылануы қамтамасыз етілген бұрандалы қақпағы бар күңгірт шыны құтыға салынған.

1 құтыдан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Голографиялық жазуы бар және алғашқы ашылуы бақыланатын дөңгелек пішінді мөлдір қорғаныш жапсырма қорапшаға желімделеді.

Сақтау шарттары

Жарықтан қорғалған жерде, 25°C-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін препаратты пайдалануға болмайды.

Дәріханалардан босатылу шарттары

Рецепт арқылы

Өндіруші

«Такеда ГмбХ», Леницштрассе 70-98, 16515 Ораниенбург, Германия

«Takeda GmbH», Lehnitzstrasse 70-98, 16515 Oranienburg, Germany

Тіркеу куәлігінің иесі

«Такеда Фармасьютикалс» ЖШҚ, Ресей

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

«Takeda Osteuropa Holding GmbH» компаниясының (Австрия) Қазақстандағы өкілдігі

Алматы қ., Шашкин к-сі 44

Телефон: +7 (727) 2444004

Факс: +7 (727) 2444005

Электронды поштасы DSO-KZ@takeda.com

Прикрепленные файлы

049901951477976648_ru.doc 54.5 кб
107698731477977788_kz.doc 60.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники