Аккузид®

МНН: Гидрохлоротиазид, Хинаприл
Производитель: Пфайзер Мануфактуринг Дойчланд ГмбХ
Анатомо-терапевтическо-химическая классификация: Хинаприл в комбинации с диуретиками
Номер регистрации в РК: № РК-ЛС-5№015882
Период регистрации: 09.06.2015 - 09.06.2020

Инструкция

Саудалық атауы

Аккузид®

Халықаралық патенттелмеген атауы

Жоқ

Дәрілік түрі

Үлбірлі қабықпен қапталған таблеткалар, 20 мг/12,5 мг

Құрамы

Бір таблетканың құрамында

белсенді заттар: хинаприл гидрохлориді 21,664 мг (20,000 мг хинаприлге баламалы ) гидрохлоротиазид 12,500 мг;

қосымша заттар: лактоза моногидраты, магний карбонаты, повидон К 25, кросповидон, магний стеараты, қызғылт опадрай OY-S-6937;

Қызғылт Опадрай OY-S-6937: гипромеллоза (қосындысы), гидроксипропилцеллюлоза, титанның қостотығы (Е171), темірдің қызыл тотығы (Е172), темірдің сары тотығы (Е172), макрогол 400, Candelilla балауызы).

Сипаттамасы

Үш бұрышты, екі беті дөңес, екі жағында ойығы және «PD 220» деген жазуы бар, үлбірлі қабықпен қапталған қызғылт таблеткалар.

Фармакотерапиялық тобы

Ренин-ангиотензин жүйесіне әсер ететін препараттар. Диуретиктермен біріктірілген АӨФ тежегіштері. Хинаприл диуретиктермен біріктірілімде.

АТХ коды С09ВА06

Фармакологиялық қасиеттері

Фармакокинетикасы

Хинаприл

Сіңуі

Ішке қабылдағаннан кейін хинаприл ең жоғары концентрациясына 1 сағаттың ішінде жетеді. Ас қабылдау хинаприлдің сіңуіне әсер етпейді. Хинаприлді ішке қабылдағаннан кейін, белсенді метаболиті хинаприлаттың қан плазмасындағы ең жоғары концентрациясы шамамен 2-3 сағаттан соң байқалады.

Таралуы

Плазма ақуыздарымен хинаприл мен хинаприлаттың 97%-ға жуығы байланысады. Хинаприлаттың жартылай шығарылу кезеңі шамамен 3 сағатқа жуықты құрайды. Ангиотензин-өзгертетін ферментпен (АӨФ) байланысуының жартылай диссоциациялану кезеңі шамамен 26 сағатты құрайды.

Метаболизмі

Сіңгеннен кейін хинаприл жылдам және толығымен дерлік негізгі белсенді метаболиті – хинаприлатқа дейін метаболизденеді. Бұдан басқа, бірнеше басқа мардымсыз мөлшердегі және фармакологиялық белсенсіз метаболиттер түзіледі.

Биожетімділігі

Ішке қабылдағаннан кейін оның несептегі концентрациясы бойынша анықталған хинаприлдің сіңу дәрежесі шамамен 60% құрайды.

Хинаприлді 20 мг дозада ішке қабылдағаннан кейін алты емшекпен қоректендіретін әйелде, хинаприл үшін сүт/плазма (С/П) арақатынасы 0,12 құрады. Қабылдағаннан кейін төрт сағаттан соң хинаприл емшек сүтінде анықталған жоқ. Хинаприлаттың емшек сүтіндегі концентрациясы үнемі анықталу шегінен (<5 мкг/л) төмен болды. Есеп бойынша емшекпен қоректенетін бала анасымен қабылданған хинаприлдің 1,6% дозасына жуығын қабылдайды.

Шығарылуы

Бүйректермен хинаприлдің - 60%, нәжіспен 40% жуығы шығарылады. Хинаприлат негізінен бүйрекпен шығарылады.

Бүйрек функциясының бұзылуымен емделушілердегі фармакокинетикасы

Креатинин клиренсі 60 мл/минутқа дейін төмендеген, бүйрек функциясының бұзылуымен емделушілерде Хинаприл мен хинаприлаттың қан плазмасындағы деңгейінің қисығы қалыпты деңгейлер шегінде болды. 60 мл/минуттан төмен креатинин клиренсінде қан плазмасындағы ең жоғары концентрациясына жету кезеңі және хинаприлаттың жартылай шығарылу кезеңі ұзарады.

Ұдайы гемодиализде немесе амбулаторлық перитонеальді диализдегі бүйректің терминальді ауруларымен емделушілерде, диализ хинаприл мен хинаприлаттың шығарылуына аз ғана әсер етеді.

Ерекше клиникалық жағдайлардағы фармакокинетикасы

Егде жастағы емделушілерде (65 жастан асқан) және жүректің ауыр жеткіліксіздігімен емделушілерде хинаприлаттың шығарылуының баяулауы байқалады; шығарылу жылдамдығының төмендеуі бүйрек функциясының бұзылуымен өзара байланысты, ол егде жастағы емделушілерде жиі болады. Сондықтан бүйрек функциясының орташа бұзылуымен (креатинин клиренсі 30-60 мл/мин) емделушілерде және егде жастағы емделушілерде хинаприлдің дозасын төмендету керек.

Бауыр циррозымен емделушілердің қан плазмасында хинаприлаттың деңгейінің төмендеуі байқалды, оны хинаприлдің бауырдағы метаболизациясының төмендеуі салдарынан деп қарастыруға болады.

Гидрохлоротиазид

Сіңуі

Ішке қабылдағаннан кейін гидрохлоротиазидтің 60-80% сіңеді. Гидрохлоротиазидтің қан плазмасындағы 70 нг/мл деңгейіндегі концентрациясы 12,5 мг гидрохлоротиазидті ішке қабылдағаннан кейін 1,5-4 сағаттан соң шыңына жетеді; 142 нг/мл концентрациясы 25 мг гидрохлоротиазидті ішке қабылдағаннан кейін 2-5 сағаттан соң шыңына жетеді; және 260 нг/мл концентрациясы 50 мг гидрохлоротиазидті ішке қабылдағаннан кейін 2–4 сағаттан соң шыңына жетеді.

Таралуы

Плазма ақуыздарымен гидрохлоротиазидтің 65% байланысады; таралуының салыстырмалы көлемі 0,5-1,1 л/кг құрайды. Жартылай шығарылу кезеңі 6-8 сағатты құрайды.

Биожетімділігі

Ішке қабылдағаннан кейін гидрохлоротиазидтің биожетімділігі 70% жуықты құрайды.

Шығарылуы

Ішке қабылдағаннан кейін гидрохлоротиазид іс жүзінде өзгермеген түрінде бүйректермен шығарылады (95%-дан көп), дозаның 50-70% 24 сағаттың ішінде экскрецияланады және препараттың бекітілген мөлшері несепте 60 минуттан кейін анықталады.

Ерекше клиникалық жағдайлардағы фармакокинетикасы

Бүйрек жеткіліксіздігінде экскрецияның төмендеуі және гидрохлортиазидтің жартылай шығарылу кезеңінің ұзаруы байқалады. Экскреция кезінде гидрохлоротиазидтің бүйректік клиренсі креатинин клиренсімен жақын өзара байланысты.

Бауыр циррозында жүрек жеткіліксіздігімен емделушілерде гидрохлоротиазидтің фармакокинетикасында айтарлықтай өзгерістер жоқ.

Хинаприл мен гидрохлоротиазидті біріктіріп қолдану Аккузид® таблеткасының құрамында 20 мг хинаприл мен 12.5 мг гидрохлортиазидті қабылдау осы заттарды жекелей осындай мөлшерде бір мезгілде қабылдаумен биоэквивалентті.

Фармакодинамикасы

Аккузид® гипертензияға қарсы және несеп айдайтын әсер иеленген.

Хинаприл мен гидрохлоротиазид артериялық гипертензияны емдеу үшін жекелей және біріктіріп қолданылады. Біріктірілімді қолданғанда аддитивті гипертензияға қарсы әсері байқалады.

Хинаприл гидрохлоротиазидпен туындаған калийді жоғалтуды азайтуы мүмкін.

Әсер ету механизмі

Хинаприл - ангиотензин-өзгертетін фермент (АӨФ) тежегіші. Хинаприл АӨФ тежегіші болып табылатын хинаприлатқа дейін бауырда гидролизденеді. Ангиотензин-өзгертетін фермент ангиотензин I-ді ангиотензин II-нің белсенді вазоконстрикторына айналдыратын пептидилпептидаза болып табылады. АӨФ тежелуі қан плазмасында вазоконстрикторлы әсер иеленген ангиотензина II-нің түзілуінің азаюына әкеледі, ол өз кезегінде альдостерон секрециясының төмендеуіне және кейіннен қан сарысуында калий концентрациясының жоғарылауына әкеледі. Ангиотензин II-нің ренин сөлінісіне әсері секілді теріс кері байланыс салдарынан плазма ренинінің белсенділігі жоғарылайды.

АӨФ қан тамырларын кеңейтетін пептид брадикининді метаболиздейтін болғандықтан, АӨФ тежелуіне байланысты айналымдағы және жергілікті калликреин-кининді жүйенің белсенділігі жоғарылайды (және сәйкесінше простагландинді жүйенің белсенділенуі). Осы механизм бәлкім АӨФ тежегіштерімен, артериялық қысымның төмендеуінде, сондай-ақ кейбір жағымсыз әсерлердің пайда болуында роль атқарады.

Гипертензиямен емделушілерде хинаприл жүректің жиырылу жиілігін компенсаторлы жоғарылатусыз жатқан және тұрған күйде артериялық қысымды төмендетеді.

Гемодинамикалық зерттеулерде хинаприл шеткергі артериялық кедергінің айқын төмендеуін көрсетті. Әдетте, бүйрек қан ағымының және шумақтық сүзіліс жылдамдығының клиникалық айтарлықтай өзгеруі болған жоқ.

Емделушілердің көбінде гипертензияға қарсы әсерінің басталуы шамамен Аккузидті® ішке қабылдағаннан кейін 1 сағаттан соң байқалды, ең жоғары әсеріне шамамен 2–4 сағаттан кейін жетеді. Хинаприлдің белгілі дозасының ең жоғары гипотензивті әсері 3–4 аптадан кейін байқалады.

Ұсынылған тәуліктік дозада гипертензияға қарсы әсері ұзақ уақыт емдегенде де сақталады. Аккузидті® қабылдауды дереу тоқтату артериялық қысымның жылдам шамадан тыс жоғарылауына (рикошет) әкелмейді.

Гидрохлоротиазид

Гидрохлоротиазид бензотиадиазиндер тобына жатады.

Тиазидтер судың экскрециясымен қатар жүретін натрий хлоридінің экскрециясын жоғарылатып, тікелей бүйрекке әсер етеді. Тиазидтер белсенділігінің негізгі клиникалық мәні бар орны - дистальді өзекшелердің бастапқы бөлігі. Бұл жерде өзекше қуысы жағынан жасушалық жарғақша

беткейінде тиазидтер натрий хлоридінің электробейтарап тасымалдануын тежейді. Калий мен магний экскрециясы артады, ал кальций экскрециясы, керісінше төмендейді. Гидрохлоротиазид гидрокарбонаттың аздап шығарылуын туындатады, ал хлоридтің шығарылуы натрийдің шығарылуынан артады. Гидрохлоротиазид метаболикалық алкалозды туындатуы мүмкін. Гидрохлоротиазид проксимальді өзекшеде белсенді секрецияланады. Несеп айдайтын әсері метаболикалық ацидозда да және метаболикалық алкалозда да демеліп тұрады.

Натрий алмасуындағы өзгерістер, жасушадан тыс су көлемінің және қан плазмасының азаюы, бүйрек қантамырларындағы кедергінің өзгеруі және норадреналин мен ангиотензин II әсеріне жауаптың әлсіреуі гидрохлоротиазидтің гипертензияға қарсы әсерінің механизмі ретінде қарастырылады.

Электролиттер мен судың экскрециясы гидрохлоротиазидтің әсерімен енгізгеннен кейін 2 сағаттан соң басталады; ең жоғары тиімділігіне 3–6 сағаттан соң жетеді және 6–12 сағатқа созылады.

Гипертензияға қарсы әсеріне 3–4 күннен кейін жетеді және ем аяқталғаннан кейін бір аптаға дейін созылуы мүмкін.

Қолданылуы

- эссенциальді артериялық гипертензияда. Аккузид® хинаприлмен монотерапияда артериялық гипертензия баламалы бақыланбаған емделушілерге көрсетілімде.

Қолдану тәсілі және дозалары

Аккузидті® ас қабылдауға байланыссыз қабылдауға болады.

Біріктірілген ем көрсетілімдегі емделушілер үшін стандартты тәуліктік доза, ертеңгісін 20 мг/12,5 мг дозалауда (20 мг хинаприл мен 12,5 мг гидрохлоротиазидке сәйкес) Аккузидтің® 1 таблеткасын құрайды. Препараттың стандартты тәуліктік дозасын жоғарылатуға болмайды.

Тағайындалған тәуліктік дозаны ертеңгісін бір қабылдаумен сұйықтың көп мөлшерімен бүтіндей жұту керек.

Қолдану ұзақтығын емдеуші дәрігер анықтайды.

Артериялық гипертензияны емдеу бір әсер етуші заттың төмен дозасынан басталуы керек; доза кезеңді жоғарылатуы керек.

Аккузидтің® біріктірілген препаратын әрбір әсер етуші зат дозасын тек жекелей таңдағаннан кейін (яғни хинаприл мен гидрохлортиазид) тағайындау ұсынылады. Клиникалық қажеттілік жағдайында монотерапияны бекітілген құраммен біріктірілген препаратқа бір мезгілде ауыстыруға болады.

Бүйрек функциясының бұзылуымен емделушілер және егде жастағы емделушілер (65 жастан асқан)

Дозаны таңдау ерекше сақтықпен жүргізілуі керек (препараттың жекелей компоненттерін титрлеу ).

Бүйрек функциясының жеңіл бұзылуымен (креатинин клиренсі 30–60 мл/мин) емделушілерді емдеу 5 мг хинаприлдің монотерапиясынан басталуы керек. Демеуші доза әдетте тәулігіне 5-тен 10 мг дейін хинаприлді құрайды. 20 мг құрайтын хинаприлдің ең жоғары тәуліктік дозасын жоғарылатуға болмайды.

Қосымша несеп айдайтын препаратты қажет ететін емделушілерде, гидрохлоротиазидтің дозасын титрлеуді жүргізу керек. Бұдан кейін артериялық қысымды бақылау Аккузидтің® көмегімен жалғастырылуы мүмкін.

Бүйрек функциясының ауыр бұзылуымен (креатинин клиренсі 30 мл/мин кем) емделушілерге Аккузидті® қабылдауға болмайды.

Ескерту

Хинаприлмен монотерапияны Аккузидпен® біріктірілген емге ауыстырғанда артериялық қысымның шамадан тыс төмендеуі мүмкін болғандықтан, әсіресе ауыр артериялық гипертензиямен электролиттер және/немесе сұйықтықтардың (мысалы, алдыңғы несеп айдайтын емде құсу/диарея) тапшылығымен емделушілерде осындай емделушілерді 6 сағаттан кем емес уақыт бақылау керек.

Жағымсыз әсерлері

Аккузидті® қолданған кезде жағымсыз әсерлері мына топтарға олардың пайда болу жиілігі және жүйелі-ағзалық қатыстылығы бойынша жіктелді: өте жиі (≥ 1/10), жиі (≥ 1/100-ден < 1/10 дейін), жиі емес (≥ 1/1 000-нан < 1/100 дейін), сирек (≥ 1/10 000-нан < 1/1000 дейін), өте сирек (< 1/10 000), белгісіз (қолда бар деректер негізінде анықтау мүмкін емес).

Жүрек тарапынан бұзылулар

Өте жиі (≥ 1/10)

- электрокардиограммадағы өзгерістер және жүрек аритмиясы (егер гидрохлоротиазид қолданылған болса, гипокалиемиядан туындаған)

Жиі (≥ 1/100- ден < 1/10 дейін)

- стенокардия#, тахикардия#, жүрек қағысының жиілеуі#

Жиі емес (≥ 1/1 000-нан < 1/100 дейін)

- миокард инфарктісі#

Белгісіз

- аритмия

Қантамырлар тарапынан бұзылулар

Жиі (≥ 1/100-ден < 1/10 дейін)

- қан тамырларының кеңеюі#

Жиі емес (≥ 1/1 000-нан < 1/100 дейін)

- артериялық гипотензия# бас айналу, әлсіздік, көрудің бұзылуы симптомдарымен (Аккузидпен® емдеудің басында сулы-тұздық бұзылулармен емделушілерде (мысалы, құсу/диарея, алдында диуретиктермен емделгенде), ауыр артериялық гипертензия, сондай-ақ Аккузидтің® дозасын арттырған кезде); гидрохлоротиазидтің жоғары дозасын пайдаланған кезде, әсіресе егде емделушілерде немесе көктамырлар аурулары бар болса, тромбоздар және қанның қоюлануына байланысты эмболиялар пайда болуы мүмкін

Өте сирек (< 1/10 000)

- апоплексия

Белгісіз

- ортостатикалық гипотензия#

Қан және лимфалық жүйе тарапынан бұзылулар

Жиі емес (≥ 1/1 000-нан < 1/100 дейін)

- анемия, лейкопения, нейтропения##, эозинофилия# (әсіресе бүйрек функциясының бұзылулары, коллагенозды қантамырларының аурулары бар емделушілерде немесе аллопуринолмен, прокаинамидпен немесе қорғаушы механизмдерді бәсеңдететін белгілі бір препараттармен қатар емдегенде)

Сирек (≥ 1/10 000-нан < 1/1000 дейін)

- гемолитикалық анемия,#∞ тромбоцитопения#

Өте сирек (< 1/10 000)

- агранулоцитоз##, панцитопения (әсіресе бүйректің зақымдануымен, коллагенозбен емделушілерде немесе аллопуринолмен, прокаинамидпен немесе қорғанушы механизмдерді бәсеңдететін белгілі бір препараттармен қатар емдегенде)

Жұқпалы және паразитарлы аурулар

Жиі (≥ 1/100-ден < 1/10 дейін)

- вирусты жұқпалар, бронхит, жоғарғы тыныс жолдарының жұқпалары, фарингит#, ринит#

Жиі емес (≥ 1/1 000-нан < 1/100 дейін)

- несеп шығару жолдарының жұқпалары, синусит

Иммундық жүйе тарапынан бұзылулар

Сирек (≥ 1/10 000-нан < 1/1000 дейін)

- анафилактоидты реакциялар#

Метаболикалық және алиментарлы бұзылулар

Жиі (≥ 1/100-ден < 1/10 дейін)

- гиперкалиемия##, подагра ұстамалары#, гиперурикемия#

Жиі емес (≥ 1/1 000-нан < 1/100 дейін)

- глюкозаға төзімділіктің бұзылуы

Психикалық бұзылулар

Жиі (≥ 1/100-ден < 1/10 дейін)

- ұйқысыздық# (сулы-электролиттік бұзылулар)

Жиі емес (≥ 1/1 000-нан < 1/100 дейін)

- сананың шатасуы#, депрессия#, жоғары қозғыштық,# көңіл-күйдің өзгеруі (сулы-электролиттік бұзылыстар)

Жүйке жүйесі тарапынан бұзылулар

Жиі (≥ 1/100-ден < 1/10 дейін)

- бас айналуы#, бас ауыруы, ұйқышылдық#, апатия, естен тану алдындағы жағдай (сулы-электролиттік бұзылулар)

Жиі емес (≥ 1/1 000-нан < 1/100 дейін)

- транзиторлы ишемиялық шабуыл #, естен тану#, парестезия#, дәм сезудің өзгеруі немесе уақытша дәм сезуді жоғалту (сулы-электролиттік бұзылулар), тепе-теңдіктің бұзылуы

Көру мүшесі тарапынан бұзылулар

Жиі емес (≥ 1/1 000-нан < 1/100 дейін)

- амблиопия#, көру жітілігінің төмендеуі#; гидрохлоротиазидті пайдаланған кезде көз жасы сұйықтығы түзілуі бұзылуы мүмкін

Белгісіз

- жедел миопия және жабықбұрышты глаукома

Есту мүшесі және вестибулярлық аппарат тарапынан бұзылулар

Жиі (≥ 1/100-ден < 1/10 дейін)

- бас айналуы# (вертиго)

Жиі емес (≥ 1/1 000-нан < 1/100 дейін)

- құлақтағы шуыл #

Тыныс алу мүшелері, кеуде қуысы және көкірекорта мүшелері тарапынан бұзылулар

Жиі (≥ 1/100-ден < 1/10 дейін)

- құрғақ тітіркендіретін жөтел, жөтел#

Жиі емес (≥ 1/1 000-нан < 1/100 дейін)

- ентігу#, тамақтың құрғауы

Сирек (≥ 1/10 000-нан < 1/1000 дейін)

- эозинофильді пневмония##, ангионевротикалық ісінумен жоғарғы тыныс алу жолдарының обструкциясы (өліммен аяқталуы мүмкін)#

Өте сирек (< 1/10 000)

- бронх түйілуі#, шөліркеу, шок симптомдарымен кенеттен өкпенің ісіне бастауы жекелеген жағдайларда сипатталған; гидрохлоротиазидке аллергиялық реакциялар болуы мүмкін

Асқазан-ішек жолы тарапынан бұзылыстар

Жиі (≥ 1/100-ден < 1/10 дейін)

- іштің жоғарғы бөлігінде жайсыздықты сезіну, іштің ауыруы #, жүрек айнуы#, құсу#, диарея#, ас қорытудың бұзылулар#

Жиі емес (≥ 1/1 000-нан < 1/100 дейін)

- метеоризм#, ауыздың құрағуы #, іш қату, тәбеттің жоғалуы

Сирек (≥ 1/10 000-нан < 1/1000 дейін)

- глоссит, панкреатит#

Өте сирек (< 1/10 000)

- (ішінара) ішектің бітелуі#, ішек қабырғаларының ангионевротикалық ісінуі

Бауыр және өт шығару жолдары тарапынан бұзылулар

Жиі емес (≥ 1/1 000-нан < 1/100 дейін)

- жедел холецистит (әсіресе холелитиаздар бар болғанда)

Сирек (≥ 1/10 000-нан < 1/1000 дейін)

- гепатит (АӨФ тежегіштерін емдеген кезде)#

Өте сирек (< 1/10 000)

- холестаздық сарғаю #, бауыр функциясының бұзылуы (АӨФ тежегіштерін емдеген кезде)

Тері және тері асты шелдері тарапынан бұзылулар

Жиі емес (≥ 1/1 000-нан < 1/100 дейін)

- терінің аллергиялық реакциялары (экзантема#, есекжем#, қышыну#, уытты эпидермальді некролиз немесе ерінді, бет және/немесе аяқ-қол ұштарын қамтитын ангионевотикалық ісіну## (өте сирек көмейді, жұтқыншақты және/немесе тілді қамтитын)), алопеция, фотосезімталдық#, гипергидроз##

Сирек (≥ 1/10 000-нан < 1/1000 дейін)

- тері тарапынан бұзылулар қызбамен, бұлшықеттер мен буындардың ауыруымен (миалгия, артралгия, артрит), васкулитпен, псориаз тәрізді дерматитпен#, экссудативті полиморфты эритемамен, Стивенс-Джонсон синдромымен#, эксфолиативті дерматитпен#, күлдіреуікпен# қатар жүруі мүмкін

Өте сирек (< 1/10 000)

- құйылулар, қатты тер бөлінісі, онихолизис, Рейно симптомының күшеюі, қызыл жегінің терідегі түрі (гидрохлоротиазидті пайдаланған кезде); терінің ауыр реакциялары пайда болғанда Аккузидпен® емдеуді тоқтату керек. Ескерту: Қара нәсілді емделушілерде ангионевротикалық ісінудің даму қаупі жоғары болады. Жекелеген жағдайларда бұл терінің өзгерулері эозинофилиямен, лейкоцитозбен және/немесе антинуклеарлы антидене титрінің (Anti Nuclear Antibodies, ANA) және ЭШЖ-ның жоғарылауымен қатар жүруі мүмкін.

Белгісіз

- пурпура

Қаңқа бұлшықеттері, дәнекер тіндер мен сүйектер тарапынан бұзылулар

Жиі (≥ 1/100-ден < 1/10 дейін)

- арқаның ауыруы#, бұлшықеттер ауыруы#

Жиі емес (≥ 1/1 000-нан < 1/100 дейін)

- артралгия#, бұлшықеттердің құрысуы, қаңқа бұлшықеттерінің әлсіздігі, парездер (гипокальциемиядан болған)

Белгісіз

- жүйелі қызыл жегі

Бүйрек және несеп шығару жолдары тарапынан бұзылулар

Жиі (≥ 1/100-ден < 1/10 дейін)

- бүйрек функциясының бұзылуы#

Жиі емес (≥ 1/1 000-нен < 1/100 дейін)

- протеинурия

Өте сирек (< 1/10 000)

- жедел бүйрек жеткіліксіздігі, жедел бүйрек жеткіліксіздігімен жалғасатын бактериялық емес интерстициальді нефрит (гидрохлоротиазидті пайдаланған кезде)

Белгісіз

- тубулоинтерстициальді нефрит

Репродуктивті жүйе және сүт бездері тарапынан бұзылулар

Жиі емес (≥ 1/1 000-нан < 1/100 дейін)

- эректильді дисфункция#

Препаратты енгізген орында жалпы сипаттағы бұзылулар және реакциялар

Жиі (≥ 1/100-ден < 1/10 дейін)

- шаршағыштық#, астения# (сулы-электролиттік бұзылулар), кеуденің ауыруы #

Жиі емес (≥ 1/1 000-нан < 1/100 дейін)

- жайылған ісінулер#, қызба#, шеткергі ісінулер#

Белгісіз

- серозит

Зерттеулер деректері

Жиі (≥ 1/100-ден < 1/10 дейін)

- мочевинаның,#* креатининнің# сарысудағы концентрациясының жоғарылауы; гемоглобиннің, гематокриттің#, лейкоциттер немесе тромбоциттер санының төмендеуі; қан сарысуындағы натрий концентрациясының төмендеуі (әсіресе бүйрек функциясының бұзылулары бар емделушілерде); гидрохлоротиазид гипокалиемияны, гипохлоремияны, гипомагниемияны, гиперкальциемияны, глюкозурияны және метаболикалық алкалозды туындатуы мүмкін

Өте сирек (< 1/10 000)

- билирубин деңгейінің және бауыр ферменттерінің жоғарылауы#; глюкозо-6-фосфатдегидрогеназа жеткіліксіздігімен қатар гемолиз/гемолитикалық анемия; қандағы қант, холестерин#, триглицеридтер#, несеп қышқылының, қан сарысуындағы амилаза деңгейінің жоғарылауы; қант диабеті бар емделушілерде қан сарысуында калий деңгейі жоғарылауы мүмкін; несеппен ақуыз экскрециясы артуы мүмкін

Белгісіз

- антинуклеарлық антидене титрінің жоғарылауы#, ЭШЖ жоғарылауы

Туа біткен, тұқым қуалайтын және генетикалық бұзылулар

- фетоуытты әсердің тежелуі (бүйрек функциясының нашарлауы, судың аздығы, бассүйектің сүйектенуінің кідірісі) және неонатальді кезеңдегі уыттылық әсері (бүйрек жеткіліксіздігі, гипотензия, гиперкалиемия) (АӨФ тежегіштерінің әсері); фетоплацентарлық перфузияның бұзылуы және ұрық пен жаңа туған нәрестеге уытты әсерлері (сарғаю, электролитті бұзылулар және тромбоцитопения) (гидрохлортиазидтің әсері)

* Бұл көрсеткіштердің жоғарылауы хинаприлмен монотерапия алып жүрген емделушілерге қарағанда көбіне диуретиктермен қатар ем алып жүрген емделушілерде пайда болады және әрі қарай емді жалғастырғанда көбіне қалпына келеді.

# Хинаприлмен байланысты жағымсыз әсерлер (жиілігі хинаприлді және гидрохлортиазидті қолданған кезде көрсетілген).

## Хинаприлмен байланысты жағымсыз әсерлер (жиілігі хинаприлді қолданған кезде көрсетілген). Жағымсыз әсерлер хинаприл мен гидрохлортиазид компоненттерімен байланысты емес.

туа біткен глюкозо-6-фосфатдегидрогеназа жеткіліксіздігімен емделушілерде гемолитикалық анемияның жекелеген жағдайлары байқалған#

Қолдануға болмайтын жағдайлар

- әсер етуші заттарға немесе қосымша заттарының кез келгеніне, тиазидтерге немесе сульфаниламидтерге (айқаспалы реакциялар мүмкін) аса жоғары сезімталдық

- туа біткен/идиопатиялық ангионевротикалық ісіну немесе сыртартқысындағы ангионевротикалық ісіну (мысалы, бұрын АӨФ тежегіштерін қабылдау нәтижесінде)

- бүйрек функциясының ауыр бұзылуы (креатининнің қан сарысуындағы деңгейі 1,8 мг/дл жоғары немесе креатинин клиренсі 30 мл/мин төмен)

- диализдегі емделушілер

- бүйрек артериясының стенозы (екіжақты, немесе емделушіде жалғыз бүйрек болған жағдайда)

- бүйрек трансплантациясынан кейінгі емделушілер

- анурия

- гемодинамикалық мәні бар аортальді, митральді стеноз немесе гипертрофиялық кардиомиопатия

- декомпенсацияланған жүрек жеткіліксіздігі

- алғашқы гиперальдостеронизм

- бауыр функциясының ауыр бұзылуы (бауыр прекомасы/комасы) немесе бауырдың алғашқы аурулары

- электролиттік алмасудың бұзылуы (гиперкальциемия, гипонатриемия, гипокалиемия)

- қант диабетімен емделушілерде, бүйрек функциясының бұзылуымен (СКФ <60 мл/мин/1.73 м2) емделушілерде алискиренмен бір мезгілде қолдану

- жоғары ағынды полиакрилонитрил-металлил-сульфонатты жарғақшалармен (мысалы, «AN 69») бір мезгілде қолдану

- декстрансульфатпен төмен тығыздықты липопротеидтермен (ТТЛП) аферез кезінде

- жәндіктердің уыттарына қатысты десенсибилизациялық ем кезінде

- тетрациклинмен бір мезгілде қолдану

- галактозаны көтере алмаушылық, лактаза жетіспеушілігі немесе глюкоза мен галактоза мальабсорбциясы

- жүктілікте

- лактация кезеңінде

- балалар мен жасөспірімдерде (қолданудың жеткілікті клиникалық тәжірибесінің болмауынан)

Дәрілермен өзара әрекеттесуі

Ас тұзы Аккузидтің® гипертензияға қарсы әсерін төмендетеді.

Гипертензияға қарсы препараттар (мысалы, басқа диуретиктер, бета-блокаторлар), нитраттар, вазодилататорлар, фенотиазиндер, үшциклді антидепрессанттар Аккузидтің® гипертензияға қарсы әсерін күшейтеді.

Алкоголь, есірткілер мен барбитураттар Аккузидтің® гипертензияға қарсы әсерін күшейтеді; сондай-ақ алкогольдің әсерінің күшеюі, ортостатикалық гипотензияның жоғарылауы жүреді.

Хирургиялық араласымдар/анестезия артериялық қысымның төмендеуін күшейтеді; жедел операциялар қажет болған жағдайда премедикацияға және наркозға арналған препараттарды төмендетілген дозаларда тағайындау керек (анестезиологқа Аккузидпен® ем алып жатқаны жөнінде ескерту керек).

Қабынуға қарсы стероидты емес анальгетиктер (ЦОГ-2 тежегіштерін қоса), басқа да қабынуға қарсы дәрілер (мысалы, салицил қышқылының туындысы, индометацин) - Аккузидтің® гипертензияға қарсы әсері төмендеуі мүмкін (ұдайы мониторингілеу керек!). Қабынуға қарсы стероидты емес дәрілер және АӨФ тежегіштері қан сарысуында калийдің концентрациясының жоғарылауына қатысты аддитивті әсерге ие және бүйрек функциясының нашарлауына әкелуі мүмкін. Әдетте бұл әсерлер қайтымды. Кейде жедел бүйрек жеткіліксіздігі пайда болуы мүмкін, әсіресе мысалы, сусызданған науқастар секілді (ұдайы мониторингілеу керек!) бүйрек функциясының бұзылуымен емделушілерде.

Салицилаттардың жоғары дозаларын қолдану: гидрохлоротиазид салицилаттардың орталық жүйке жүйесіне уытты әсерін күшейтеді.

Калий, калий жинақтаушы диуретиктер (мысалы, спиронолактон, амилорид, триамтерен) және басқа да қан сарысуындағы калий концентрациясын күшейтетін дәрілік заттар (мысалы, гепарин): АӨФ тежегішінің әсеріне байланысты қан сарысуында калий концентрациясының жоғарылауының күшеюі (ұдайы мониторингілеу керек!).

Литий: емді бастар алдында сулы-электролиттік теңгерім түзетілуі керек. Литиймен бір мезгілде қолданылғанда литийдің қан сарысуындағы концентрациясының жоғарылауы байқалады (ұдайы мониторингілеу керек!), ол литийдің кардиоуытты және нейроуытты әсерін күшейтеді. Әдетте литий диуретиктермен бір мезгілде қолданылмайды. Диуретиктер литийдің бүйректік клиренсін төмендетеді және литиймен уыттанудың жоғары қаупін түзеді.

Тырнақгүл гликозидтері: емделушіде калий және/немесе магний тапшылығы болған жағдайда тырнақгүл гликозидтерінің негізгі және жағымсыз әсерлері күшеюі мүмкін. Калий және/немесе магний тапшылығы секілді тиазидтермен туындаған электролиттік бұзылыстар, тырнақгүл гликозидтерімен уыттану қаупін жоғарылатады, ол өліммен аяқталатын аритмияны туындатуы мүмкін.

Пероральді диабетке қарсы дәрілер, инсулин: гипогликемияның пайда болу мүмкіндігімен инсулинге сезімталдықтың жоғарылауы (ұдайы мониторингілеу керек!). Тиазидтермен өзара байланысты гипергликемия қандағы глюкозаны бақылауды бұзуы мүмкін. Қан сарысуындағы калий құрамының төмендеуі глюкозаға төзімділікті төмендетеді. Қажет болғанда қандағы қант деңгейін мониторингілеу керек және сарысулық калийдің сәйкес концентрациясын демеу үшін калий препараттарын қабылдау керек; қажет болғанда диабетке қарсы дәрілерді қабылдау түзетілуі керек.

Катехоламиндер (мысалы, адреналин, норадреналин): гидрохлоротиазидті қолданудан жұмсартатын әсер болуы мүмкін; әйтсе де, оны қабылдауды тоқтату үшін бұл жеткіліксіз.

Калийуретикалық диуретиктер (мысалы, фуросемид), глюкокортикоидтар, АКТГ, карбеноксолон, амфотерицин В, пенициллин G, салицилаттар немесе іш жүргізетіндерді шамадан тыс қолдану: гидрохлоротиазидті қабылдауға (ұдайы мониторингілеу керек!) байланысты калий және/немесе магнийді жоғалтудың күшеюі (әсіресе гипокалиемия).

Холестирамин немесе колестипол: асқазан-ішек жолында гидрохлоротиазидтің сіңуінің төмендеуі.

Аллопуринол, цитостатиктер, иммунодепрессанттар, кортикостероидтарды жүйелі қолдану, прокаинамид: қандағы лейкоциттер мөлшерінің төмендеуі, лейкопения.

Цитостатиктер (мысалы, циклофосфамид, фторурацил, метотрексат): гидрохлоротиазидті қолдануға байланысты миелоуыттылықтың жоғарылауы (әсіресе -гранулоцитопения).

Курареге ұқсайтын миорелаксанттар: гидрохлоротиазидтің миорелаксациялайтын әсерінің ұзаруы және күшеюі (анестезиологты Аккузидпен® емделуі жөнінде ескерту керек.

Метилдопа: гидрохлоротиазидке антиденелердің түзілуіне байланысты гемолиздің жекелеген жағдайлары.

Нейролептиктер, имипрамин: хинаприлдің гипертензияға қарсы әсерінің күшеюі.

Тетрациклин және магниймен өзара әрекеттесетін басқа да дәрілік заттар: препаратпен бір мезгілде қолданғанда емделушілерде тетрациклиннің сіңуінің 28–37 %-ға дейін төмендеуі байқалады, өйткені препарат құрамына магний карбонаты кіреді. Тетрациклинмен бір мезгілде қолданудан аулақ болу керек.

Антацидтер: антацидтер хинаприл мен гидрохлортиазидтің биожетімділігін төмендетуі мүмкін.

Басқа да әсер ететін заттар: хинаприлді пропранололмен, гидрохлоротиазидпен немесе циметидинмен бір мезгілде қолданғанда клиникалық мәні бар фармакокинетикалық өзара әрекеттесуі анықталған жоқ.

Варфарин: хинаприлді тәулігіне екі рет бір мезгілде қолданғанда жеке дозасының антикоагулянтты әсерінің (протромбиндік уақытпен өлшенген) айтарлықтай өзгеруі байқалған жоқ.

mTOR немесе ДПП-4 тежегіштері

Сүтқоректілердің mTOR жасушаларында (mammalian target of rapamycin) рапамициннің нысана тежегішін (мысалы, темсиролимус) немесе дипептидилпептидазы-4 ферментінің тежегішін (ДПП-4) (мысалы, вилдаглиптин) емдік мақсатта, хинаприлмен бір мезгілде қабылдаған емделушілерде ангионевротикалық ісінудің пайда болу қаупі жоғары болуы мүмкін. АӨФ тежегішін қабылдайтын емделушілерде mTOR тежегішімен немесе ДПП-4 тежегішімен емдеу курсын бастаған жағдайда ерекше назар аудару талап етіледі.

Ренин-ангиотензинді жүйенің қосарлы бәсеңдеуі: монотерапиямен салыстырғанда ангиотензин рецепторларының блокаторлары, АӨФ немесе алискирен тежегіштері көмегімен ренин-ангиотензинді жүйенің қосарлы бәсеңдеуі гипотензия, гиперкалиемия және бүйрек функциясының нашарлауы қаупін жоғарылатады (жедел бүйрек жеткіліксіздігін қоса). Аккузид® және ренин-ангиотензинді жүйеге әсер ететін басқа препараттарды қабылдайтын емделушілерде, артериялық қысымды, бүйрек функциясын және қандағы электролиттер құрамын мұқият тексеру керек.

Алискирен

Хинаприлді қант диабетімен немесе бүйрек функциясының бұзылуымен (креатинин клиренсі < 60 мл/мин/1,73 м2) емделушілерде алискиренмен бір мезгілде қолдануға болмайды.

Подаграны емдеуге арналған дәрілік препараттар (аллопуринол, несеп қышқылының шығарылуына ықпал ететін дәрілер, ксантин-оксигеназа тежегіштері): тиазидтермен туындаған гиперурикемия подаграны аллопуринолмен немесе пробенецидпен емдеуді қиындатуы мүмкін. Гидрохлоротиазид пен аллопуринолды бір мезгілде қолданғанда аллопуринолға жоғары сезімталдық реакциясының жиілігі артуы мүмкін.

ТТЛП декстрансульфатпен аферезі: өмірге қауіп төндіретін жоғары сезімталдық реакциялары ТТЛП (төмен тығыздықтағы липопротеидтер) (ауыр агиперхолестеринемия жағдайында) декстрансульфатпен аферезінде және АӨФ тежегіштерін қосымша енгізгенде пайда болуы мүмкін. Аккузидті® уақытша басқа гипертензияға қарсы дәрімен ауыстыру керек.

Жәндіктер уытына аллергиялық реакцияға бейімділікті қайтаруға немесе төмендетуге арналған ем: жәндіктер уытына (ара немесе жабайы аралар шаққан кезде) аллергиялық реакцияға бейімділікті қайтаруға немесе төмендетуге арналған ем (десенсибилизациялайтын терапия) және АӨФ тежегіштерін қатар енгізу кезінде кейде өмірге қауіп төндіретін жоғары сезімталдық реакциялары (мысалы, артериялық қысымның төмендеуі, ентігу, құсу, терінің аллергиялық реакциялары) дамуы мүмкін. Аккузидті® уақытша басқа гипертензияға қарсы дәрімен ауыстыру керек.

Жоғары ағынды полиакрилонитрил-натрий-2-металлил-сульфонатты жарғақшалар

Аккузидпен® емдеу кезінде жоғары ағынды полиакрилонитрил-натрий-2-металлил-сульфонатты жарғақшаларды қолданумен (мысалы, «AN 69») диализ немесе гемофильтрация жүргізілмеуі керек, өйткені диализ немесе гемофильтрация кезінде өмірге қауіп төндіретін шокқа дейін, жоғары сезімталдықтың ауыр реакциясы пайда болуы мүмкін (анафилактоидты реакциялар). Жедел диализ немесе гемофильтрация қажет болған жағдайда алдын ала басқа гипертензияға қарсы препаратқа (АӨФ тежегіші емес) ауысу немесе диализ үшін басқа жарғақша қолдану керек.

Айрықша нұсқаулар

Аккузидпен® емді бастағанға дейін және ұдайы емдеу кезінде, әсіресе қауіп тобындағы емделушілерде (бүйрек функциясының бұзылуымен, коллагеноздармен емделушілер, иммунодепрессанттармен, цитостатиктермен, аллопуринолмен, прокаинамидпен, тырнақгүл гликозидтерімен, глюкокортикоидтармен, іш айдағыштармен ем қабылдаудағы және егде жастағы емделушілерде) қан сарысуы электролиттерін, несеп қышқылын, қандағы қантты, магнийді, қалқанша без маңайы бездерінің функциясы көрсеткіштері мен кальцийді, қанның жалпы талдауының көрсеткіштерін, қан сарысуының креатининін мұқият мониторингілеу керек.

Егер Аккузидпен® емдеу кезінде температураның жоғарылауы, лимфа түйіндерінің ұлғаюы және/немесе тамақтың жұқпалы аурулары секілді симптомдар пайда болса дереу лейкоциттер санын анықтау керек.

Репрезентативті клиникалық және зертханалық-биохимиялық деректерді үнемі бақылаумен, пайда-қаупін қатаң сынап бағалағаннан кейін ғана, сондай-ақ бүйрек функциясын алдын ала тексергеннен кейін Аккузид® төмендегідей жағдайларда қолданылуы мүмкін:

- клиникалық мәні бар протеинурия (тәулігіне 1 г аса),

- иммундық жауаптың бұзылуы немесе коллагеноздар (мысалы, жүйелі қызыл жегі, склеродермия),

- қорғаныш механизмдерін басатын дәрілік препараттармен (мысалы, кортикостероидтар, цитостатиктер, антиметаболиттер), сондай-ақ аллопуринолмен, прокаинамидпен, литиймен, тырнақгүл гликозидтерімен, іш жүргізетіндермен қатар жүретін жүйелі ем

- подагра,

- гиповолемия,

- ми қантамырлары атеросклерозы

- коронарлық артериялар атеросклерозы

- манифестті немесе латентті қант диабеті

- бауыр функциясының бұзылуы.

Әсіресе емнің басында артериялық қысымды қатаң бақылауды және/немесе репрезентативті зертханалық параметрлерді үнемі бақылауды міндетті түрде біріктіріп келесі ерекшеліктерімен емделушілерде Аккузидті® қабылдауға болады:

- бүйрек функциясының бұзылуымен емделушілер (қан сарысуында креатинин деңгейі 1,8 мг/дл дейін немесе креатинин клиренсі 30–60 мл/мин),

- ауыр артериялық гипертензиямен емделушілер,

- 65 жастан асқан емделушілер.

Аса жоғары сезімталдық реакциялары (мысалы, пурпура, фотосезімталдық, есекжем, некроздалған ангиит, ентігу, пневмонит пен өкпенің ісінуін қоса, анафилактикалық реакциялар) аллергия немесе бронх демікпесі сыртартқысында бар немесе осындай сыртартқысынсыз емделушілерде пайда болуы мүмкін.

Артериялық гипотензия

Хинаприл/гидрохлоротиазид біріктірілімі симптоматикалық артериялық гипотензияны туындатуы мүмкін. Әдетте ол монотерапияда оның жеке компоненттерін қолданғандағымен салыстырғанда жиі болмайды.

Симптоматикалық артериялық гипотензия асқынбаған артериялық гипотензиямен емделушілерде сирек кездеседі.

Егер емделуші сұйықтың көп мөлшерін жоғалтса, мысалы, диуретикалық емде, емдәмде натрийді шектеуде, диализде, диареяда, құсуда, немесе егер емделуші ауыр ренин-тәуелді гипертензиямен зардап шегетін болса, хинаприл қабылдаған, артериялық гипертензиямен емделушілерде артериялық гипотензияның пайда болу мүмкіндігі жоғары.

Аккузидті® бір мезгілде басқа да гипертензияға қарсы препараттарды қабылдайтын емделушілерде сақтықпен қабылдау керек.

Аккузид® біріктірілген препаратының тиазидті компоненті басқа да гипертензияға қарсы препараттардың әсіресе ганглиоблокаторлар немесе шеткергі адреноблокаторлардың тиімділігін күшейтуі мүмкін. Тиазидті компоненттің гипертензияға қарсы әсері сондай-ақ симпатэктомиядан кейінгі емделушілерде күшеюі мүмкін.

Транзиторлық артериялық гипотензия препаратты ары қарай қабылдау үшін қарсы көрсетілім болып табылмайды, алайда ол пайда болған жағдайда Аккузидтің® дозасы азайтылуы керек.

Іркілген жүрек жеткіліксіздігімен бірге бүйрек функциясының бұзылуымен немесе онсыз емделушілерде артериялық гипертензияны бақылау үшін, АӨФ тежегіштерімен ем қабылдау артериялық қысымның шамадан тыс төмендеуіне әкелуі мүмкін, ол олигурияны, азотемияны және сирек жағдайларда, жедел бүйрек жеткіліксіздігін және өлімді туындатуы мүмкін. Хинаприлмен/гидрохлортиазидпен емді мұқият медициналық мониторингілеу жағдайында бастау керек. Емделушілер емнің алғашқы 2-аптасы ішінде және дозаны жоғарылатқанда мұқият бақылауда болуы керек.

Жүрек жеткіліксіздігі/жүрек тарапынан бұзылыстар

Ренин-ангиотензин-альдостеронды жүйенің тежелуі нәтижесінде бейім емделушілерде бүйрек функциясы өзгеруі мүмкін. Бүйрек функциясы ренин-ангиотензин-альдостеронді жүйенің белсенділігіне тәуелді болуы мүмкін ауыр жүрек жеткіліксіздігімен емделушілерде, хинаприлмен емдеуде олигурия және/немесе үдемелі азотемия, сондай-ақ, сирек жағдайларда, жедел бүйрек жеткіліксіздігі және/немесе өлім жағдайы болуы мүмкін.

Артериялық гипертензиямен немесе бүйректің бұрын болған айқын емес ауруларынсыз жүрек жеткіліксіздігімен кейбір емделушілерде, қанда мочевина азотының және қан сарысуында креатинин (қалыптың жоғары шегінен 1,25 есе жоғары) деңгейінің жоғарылауы байқалды, ол, әдетте, мардымсыз және өтпелі болды, әсіресе егер хинаприлді диуретиктермен бір мезгілде қолданғанда.

Қанда мочевина азотының жоғарылауы артериялық гипертензиямен хинаприлмен монотерапия қабылдаған 2 % емделушілерде және артериялық гипертензиямен хинаприл/гидрохлортиазид қабылдаған 4 % емделушілерде байқалды. Қан сарысуында креатининнің жоғарылауы артериялық гипертензиямен хинаприлмен монотерапия қабылдаған 2 % емделушілерде және артериялық гипертензиямен хинаприл/гидрохлортиазид қабылдаған 3 % емделушілерде байқалды. Осындай жоғарылау жиі бүйрек жеткіліксіздігі бар емделушілерде пайда болады. Дозаны төмендету және /немесе диуретикті және/немесе хинаприлді қабылдауды тоқтату қажеттігі туындауы мүмкін.

Бауыр сынамалары көрсеткіштерінің өзгеруі

Сирек жағдайларда АӨФ тежегіштерін қабылдау холестатикалық сарғаю ретінде басталатын және бауырдың шұғыл дамитын некрозына (кейбір жағдайларда – өліммен аяқталатын) айналатын синдроммен қатар жүреді. АӨФ тежегіштерін қабылдау кезінде сарғаю немесе бауыр ферменттерінің айтарлықтай жоғарылауы пайда болған емделушілерде Аккузидті® қабылдауды тоқтату және сәйкес медициналық реабилитация өтуі керек.

Тиазидтерді қабылдаған жағдайда Стивенс-Джонсон синдромы және жүйелі қызыл жегінің белсенділенуі немесе өршуі туралы хабарлар болды.

Жөтел

АӨФ тежегіштерін оның ішінде хинаприлді қолданғанда, жөтел жағдайлары байқалды. Әдетте бұл жөтел өнімсіз, тұрақты және емді тоқтатқаннан кейін қайтады. Осылайша, жөтелдің дифференциальді диагностикасында АӨФ тежегіштерімен туындаған жөтелді ескеру керек.

Лактоза

Аккузидті® галактозаны көтере алмаушылық, лактазаның жеткіліксіздігі немесе глюкоза және галактоза мальабсорбциясының сирек кездесетін туа біткен ауруларымен емделушілерге қабылдауға болмайды.

Ангионевротикалық ісіну

Бас аймағы:

АӨФ тежегіштерін қабылдайтын емделушілерде хинаприл үшін 0,1 % жиілікпен ангионевротикалық ісіну жағдайлары байқалды. Ысқырған тыныс алу немесе беттің, тілдің немесе дауыс саңылауының ангионевротикалық ісінуі пайда болған жағдайда хинаприлмен емдеу дереу тоқтатылуы керек.

Сәйкес ем жүргізу, емделушіні ісіну қайтқанға дейін мұқият бақылау керек. Егер ісіну бет және ерін аймағымен шектелсе, ол әдетте емсіз қайтады. Антигистаминді препараттар симптомдарды жеңілдетуде көмектесуі мүмкін. Көмейді қамтумен ангионевротикалық ісіну өлімге әкелуі мүмкін. Егер тілдің немесе дауыс саңылауының немесе көмейдің ісінуінде тыныс жолдарының обструкциясы мүмкіндігі жоғары болса, дереу сәйкес келетін шұғыл ем жүргізу керек.

Сыртартқысында АӨФ тежегіштерін қолданумен байланысты емес ангионевротикалық ісіну жағдайымен емделушілерде, АӨФ тежегіштерін қолданған жағдайда ангионевротикалық ісінудің пайда болу қаупі жоғарылауы мүмкін.

Хинаприлмен бір мезгілде сүт қоректілер жасушаларында (mTOR) рапамицин нысанысының тежегішін (мысалы, темсиролимус) немесе ДПП-4 тежегішін (мысалы, вилдаглиптин) емдік мақсатта қабылдаған емделушілерде, ангионевротикалық ісінудің пайда болу қаупі жоғары болуы мүмкін. АӨФ тежегішін қабылдайтын емделушілер mTOR тежегішімен немесе ДПП-4 тежегішімен емдеу курсын бастаған жағдай, ерекше зейін бөлуді талап етеді.

Ішек қабырғасының ангионевротикалық ісінуі:

АӨФ тежегіштерін қабылдайтын емделушілерде ішек қабырғасының ангионевротикалық ісіну жағдайлары байқалады. Бұл емделушілер іштің ауыруына (жүрек айнуы немесе құсумен немесе онсыз) шағымданады. Сирек жағдайларда сыртартқысында беттің ангионевротикалық ісіну жағдайлары болған жоқ және C-1-эстеразаның деңгейі қалыпты болды. Ангионевротикалық ісіну компьютерлік томография, іш қуысы ағзаларын ультрадыбыстық немесе интраоперациялық тексеруде диагностикаланады. АӨФ тежегіштерін қабылдауды тоқтатқаннан кейін симптомдары қайтады. АӨФ тежегіштерін қабылдайтын іштің ауыруымен емделушілерде ішек қабырғасының ангионевротикалық ісінуін дифференциальді диагностикада қарастыру керек.

Аккузидті® қолдану допингке тест жүргізгенде оң нәтиже беруі мүмкін. Аккузидті® допинг ретінде қолдану денсаулыққа қауіп төндіруі мүмкін.

Этникалық ерекшеліктері

Ангионевротикалық ісіну АӨФ тежегіштерін қабылдаған басқа типті терімен емделушілермен салыстырғанда, қара нәсілді емделушілерде жиі бақыланады. Сондай-ақ бақыланатын клиникалық зерттеуде АӨФ тежегіштерінің артериялық қысымға әсері басқа типті терімен емделушілермен салыстырғанда, қара нәсілді емделушілерде әлсіздеу болды.

Қан сарысуының электролиттік теңгерімі

Аккузид® қабылдайтын емделушілерді гидрохлортиазидпен туындаған су-электролиттік бұзылудың клиникалық байқалуына бақылау керек. Осы емделушілерде қан сарысуының электролиттерін (әсіресе натрий мен калий) әлсін әлсін бақылау керек. Хинаприл альдостеронның өндірілуін төмендететін болғандықтан оның гидрохлоротиазидпен біріктірілімі диуретиктермен туындаған гипокалиемияны азайтуы мүмкін.

Көптеген емделушілерде хинаприл мен гидрохлоротиазидтің қан сарысуындағы калий деңгейіне қарама-қайшы әсері бірін бірі шамамен сарысулық калийге қосынды әсері анықталмайтындай теңдестіреді.

Басқа емделушілерде осы әсерлерінің біреуі басым болуы мүмкін, және олардың кейбіреуіне калий препараттарын қабылдау керек болады. Болуы мүмкін электролиттік бұзылуларды анықтау үшін қан сарысуы электролиттерінің деңгейін емді бастағанға дейін және емдеу кезінде белгілі аралықпен мезгіл-мезгіл анықтау керек.

Тиазидті дәрілер кальций экскрециясын төмендетеді. Тиазидтермен ұзақ уақыт ем алатын, емделушілердің аздаған мөлшерінде гиперкальциемия және гипофосфатемиямен қатар жүретін, қалқанша маңайы бездерінің патологиялық өзгерістері байқалды. Гиперпаратиреоздың (нефролитиаз, сүйек тіні резорбциясы, пептикалық ойық жара) күрделілеу асқынулары байқалған жоқ.

Қалқанша маңайы бездерінің функциясын тексермес бұрын, тиазидтерді қабылдауды тоқтату керек.

Тиазидтер магнийдің несеппен шығарылуын арттырады, ол гипомагниемияға әкелуі мүмкін.

Басқа да метаболикалық бұзылыстар

Тиазидті диуретиктердің глюкозаға толеранттылықтың төмендеуіне және қан сарысуындағы холестерин, триглицеридтер мен несеп қышқылының деңгейінің жоғарылауына бейімділігі бар. Бұл әсерлер әдетте аздап байқалады, бірақ сезімтал емделушілерде подагра немесе диабет клиникалық байқалуы мүмкін.

Гиперкалиемия

Қан сарысуында калий деңгейін жоғарылатуы мүмкін дәрілік препараттарды бірге қабылдағанда сақтық шараларын сақтау керек. Емделушілер тек өзінің дәрігерімен кеңескеннен кейін ғана натрийдің орнын басу үшін, калий препараттарын және құрамында калий бар препараттарды қабылдау керектігі туралы білуі керек.

Гипокалиемия

Керісінше тиазидті диуретиктермен емдеу гипокалиемия, гипонатриемия және гипохлоремиялық алкалоздың дамуымен қатар жүреді. Бұл бұзылыстар бір немесе бірнеше келесі симптомдар түрінде байқалуы мүмкін: ауыздағы құрғақтық, шөл, әлсіздік, сылбырлық, ұйқышылдық, мазасыздық, бұлшықеттегі ауыру немесе құрысулар, бұлшықет әлсіздігі, гипотензия, олигурия, тахикардия, жүрек айнуы, сананың шатасуы, құрысу ұстамалары, құсу. Одан басқа, гипокалиемия тырнақгүл алкалоидтарының уытты әсеріне сенсибилизацияға немесе жүректің реакциясының жоғарылауына ықпал етуі мүмкін.

Гипокалиемия дамуына қатысты ең жоғары қауіп тобына бауыр циррозымен емделушілер, қарқынды диурездегі емделушілер, электролиттерді пероральді жеткіліксіз қабылдаумен емделушілер және кортикостероидтармен, адренокортикотропты гормондармен (АКТГ) немесе тиазидті диуретиктермен индукцияланған гипокалиемия қаупін жоғарылататын басқа дәрілік препараттармен ем қабылдайтын емделушілер кіреді.

Қант диабеті

Тиазидтермен өзара байланысты гипергликемия қандағы глюкозаны бақылауды бұзуы мүмкін. Қан сарысуында калий құрамының азаюы глюкозаға толеранттылықты азайтады. Қажет болғанда қандағы қант деңгейіне мониторинг жүргізу және сәйкес сарысулық калий концентрациясын демеу үшін калий препаратын қолдану; егер қажет болса, диабетке қарсы дәрілерді қабылдау түзетілуі керек.

АӨФ тежегіштері қант диабетімен емделушілерде инсулинге сезімталдықты жоғарылатуы мүмкін; оларды қабылдау диабетке қарсы пероральді препараттарды немесе инсулин қабылдайтын емделушілерде гипогликемияның пайда болуымен жүрді. Қандағы қант деңгейін мұқият қадағалау керек, әсіресе АӨФ тежегіштерін қабылдаудың бірінші айы ішінде.

Нейтропения/агранулоцитоз

Асқынбаған артериялық гипертензиямен емделушілерде АӨФ тежегіштерін қабылдау сирек агранулоцитозбен және миелосупрессиямен қатар жүрді; әсіресе оларды қолдану нейтропения/агранулоцитозбен қатар жүруі мүмкін иммунодепрессанттарды немесе басқа дәрілерді қатар қолданумен байланысты бүйрек жеткіліксіздігімен қатар жүретін аурулармен емделушілерде жиі байқалады. Емделушілерді жұқпалы аурулардың кез келген белгілері (мысалы, тамақтың ауыруы, қызба) туралы хабарлауы керектігі туралы ескерту керек, өйткені ол нейтропенияның нәтижесінде болуы мүмкін.

Хинаприлмен емдеу кезінде тек агранулоцитоздың сирек жағдайлары ғана байқалды. АӨФ басқа да тежегіштерімен емдеудегі секілді, коллагенді қантамырлық ауруларда және/немесе бүйрек ауруларымен емделушілерде қанда лейкоциттер санын мониторингілеу қажет болуы мүмкін.

Хирургия/анестезиология

Ауқымды хирургиялық араласым қажет немесе гипотензияға әкелетін препараттармен анестезия жасалатын емделушілерде, кейіннен рениннің компенсаторлы босауымен, хинаприл ангиотензин II түзілуін бөгеуі мүмкін. Егер гипотензия пайда болса және оны осы механизмнің нәтижесі ретінде бағаласа осындай жағдайды айналымдағы қан көлемін арттырумен түзетуге болады.

Жедел миопия және салдарлы жабық бұрышты глаукома Гидрохлоротиазид, сульфаниламид бола тұрып, жедел миопияға және салдарлы жабық бұрышты глаукомаға әкелетін идиосинкразиялық реакция туындатуы мүмкін. Симптомдары дәрілік препаратты қабылдауды бастағаннан кейін әдетте бірнеше сағаттан немесе бірнеше аптадан кейін пайда болатын көру өткірлігінің кенеттен төмендеуін немесе көздің ауыруын қамтиды. Емделмеген жағдайда жабықбұрышты глаукома тұрақты көрмей қалудың себебі болуы мүмкін. Негізгі емі гидрохлоротиазидті дереу тоқтату болып табылады. Жоғары көзішілік қысым сақталған жағдайда жедел консервативті немесе хирургиялық ем қажет болуы мүмкін. Жабықбұрышты глаукоманың қауіп факторлары сыртартқысындағы сульфаниламидті препараттарға немесе пенициллинге аллергия болып табылады.

Жүктілік

Хинаприл (АӨФ тежегіші) мен гидрохлортиазидті жүктілік кезінде қабылдауға болмайды.

АӨФ тежегіштері

Жүктілікті жоспарлағанда емделушілер альтернативті гипертензияға қарсы емге ауыстырылуы керек. Егер емделушіде жүктілік диагностикаланса, Аккузидті® қабылдауды дереу тоқтату және қажет болғанда баламалы емді бастау керек.

АӨФ тежегіштерін жүктіліктің екінші және үшінші триместрлері кезінде қабылдаудың фетоуытты әсерлерді (бүйрек функциясының нашарлауы, су аздық, бас сүйегінің сүйектенуінің кідірісі) және неонатальді кезеңде уытты әсерлерді (бүйрек жеткіліксіздігі, гипотензия, гиперкалиемия) индукциялау мүмкіндігі белгілі. АӨФ тежегіштерінің әсерінде жүктіліктің екінші триместрінен бастап бүйрек пен бас сүйегіне ультрадыбыстық бақылау жүргізу ұсынылады. АӨФ тежегіштерін қабылдаған аналардың балалары гипотензия болған жағдайда ұдайы мұқият мониторингілеуді қажет етеді.

ГидрохлоротиазидГидрохлоротиазид плацентарлық бөгет арқылы өтеді. Жүктіліктің бірінші триместрінде гидрохлоротиазидті қолданудың шектелген тәжірибесі бар. Зерттеу нәтижелері жеткіліксіз. Гидрохлоротиазидтің әсерінің фармакологиялық механизмімен байланысты оны жүктіліктің екінші және үшінші триместрлерінде қолдану фетоплацентарлы перфузияның бұзылуына әкелуі және ұрыққа және жаңа туғандарға сарғаю, электролиттік бұзылулар және тромбоцитопения секілді уытты әсерлерге әкелуі мүмкін.

Аурудың өршуіне оң әсерсіз, плазма мен плацентарлы гипоперфузия көлемінің азаю қаупімен байланысты, гидрохлоротиазидті гестациялық ісінулерде, гестациялық гипертензия немесе преэклампсияда қолдануға болмайды.

Лактация

Фармакокинетикалық деректердің аздаған мөлшері емшек сүтінде хинаприл мен гидрохлортиазидтің өте төмен концентрациясының барын көрсетеді. Осы концентрациялардың мөлшері клиникалық мардымсыз болғанына қарамастан, Аккузидті® күні жетпей туған балаларды емшекпен қоректендіргенде, сондай-ақ босанғаннан кейін алғашқы апталарда емшекпен қоректендіргенде қолдануға болмайды, өйткені нәрестелерде кардиоваскулярлық және ренальді әсерлердің әлеуетті қаупін жоққа шығаруға болмайды, ал емшекпен қоректендіру кезінде қолданудың жеткілікті клиникалық тәжірибесі жоқ.

Дәрілік заттың көлік құралдарын басқару немесе әлеуетті қауіпті механизмдерді басқару қабілетіне әсер ету ерекшеліктері

Көлік құралдарын басқарғанда немесе зейінді жоғары жұмылдыруды талап ететін басқа жұмыстарды жасағанда, әсіресе емнің басында, препарат дозасын жоғарылатқанда, препаратты ауыстырғанда, сондай-ақ алкогольмен біріктіргенде сақтық шараларын сақтау керек.

Артық дозалануы

Хинаприл мен гидрохлортиазидтің біріктірілімімен емдеуде адамда артық дозалануға қатысты нақты деректер жоқ.

Артық дозалану немесе уыттану симптомдары

Артық дозаланудың ауырлығына байланысты келесі симптомдар пайда болуы мүмкін: персистирленген диурез, электролитті бұзылыстар, ауыр артериялық гипотензия, сананың бұзылуы (комаға дейін), құрысулар, парездер, жүрек аритмиясы, брадикардия, циркуляторлы шок, бүйрек жеткіліксіздігі, ішектің салданған бітелуі.

Уыттануды емдеу

а) Төменде көрсетілген шұғыл шараларды өмірге қауіп төндіретін тіл, дауыс саңылауы және/немесе көмейді қамтитын ангионевротикалық ісіну жағдайында жүргізу керек:

Кейіннен жүйелі глюкокортикоидтарды енгізумен, ЭКГ және артериялық қысымды бақылаумен 0,3–0,5 мг адреналинді дереу тері астына (мысалы, 0,3–0,5 мл ерітінді 1:1000) немесе 0,1 мг эпинефринді баяу көктамыр ішіне енгізу (сұйылтуға қатысты нұсқаулықты сақтау керек!) керек.

Бұдан басқа, антигистаминдік препараттарды және H2-рецепторлар блокаторларын көктамыр ішіне енгізу ұсынылады.

C1-инактиватордың жеткіліксіздігі туралы деректер болғанда адреналинге қосымша C1-инактиваторды енгізуге болады.

б) артық дозаланғанда немесе уыттануда емдік шаралар енгізу әдісіне және уақытына, симптомдарының түріне және ауырлығына байланысты. Аккузидті® шығаруға қатысты (мысалы, асқазанды шаю, Аккузидті® қабылдағаннан кейін 30 минут ішінде сорбенттер мен натрий сульфатын енгізу) негізгі шараларға қосымша өмірлік мәні бар функциялары көрсеткіштерін мониторингілеу және қарқынды емдеу бөлімі жағдайында оларды түзету керек. Хинаприл мен гидрохлоротиазидке мөлшерлік диализ жасалмайды.

Гипотензия жағдайында емді тұз бен сұйықтықтың орнын толтырудан бастау керек; егер бұл тиімсіз болса, онда қосымша көктамыр ішіне катехоламиндерді енгізу керек. Ангиотензин II-мен ем қарастырылуы мүмкін.

Емге резистентті брадикардияда кардиостимуляторды қолдану көрсетілімде.

Сулы-электролиттік және қышқыл-сілтілі теңгерімді, қандағы қантты; несеппен бөлінетін заттарды мұқият мониторингілеу керек. Гипокалиемия жағдайында калий препараттарын енгізу ұсынылады.

Симптоматикалық артериялық гипотензия пайда болған жағдайда емделушіні жатқызу және, қажет болғанда, көктамырішілік инфузия жолымен физиологиялық ерітінді енгізу керек.

Шығарылу түрі және қаптамасы

10 таблеткадан поливинилхлоридті немесе поливинилдихлоридті үлбірден және баспалы лакталған алюминий фольгадан жасалған пішінді ұяшықты қаптамаға салынған.

3 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

25оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші және қаптаушы

Пфайзер Мануфактуринг Дойчланд ГмбХ,

Моосвальдале 1, 79090 Фрайбург, Германия

Тіркеу куәлігінің иесі

Пфайзер Эйч Си Пи Корпорэйшн, АҚШ

Қазақстан Республикасы аумағында тұтынушылардан осы өнім сапасына қатысты шағымдарды қабылдайтын ұйымның мекенжайы:

«Пфайзер Эйч-Си-Пи корпорэйшн» компаниясының (АҚШ) өкілдігі Алматы қ., Абылай хан даңғ., 141

тел.(727)272-27-01, (727)2500916 факс (727) 272-04-06

Прикрепленные файлы

032413691477976485_ru.doc 186 кб
502918361477977650_kz.doc 259.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники