Аквидин

МНН: Повидон - йод
Производитель: Акрити Фармасьютикалз Пвт. Лтд
Анатомо-терапевтическо-химическая классификация: Povidone-iodine
Номер регистрации в РК: № РК-ЛС-5№122106
Период регистрации: 04.03.2016 - 04.03.2021

Инструкция

Саудалық атауы

Аквидин

Халықаралық патенттелмеген атауы

Жоқ

Дәрілік түрі

Қынаптық таблеткалар (пессарийлер), 200 мг

Құрамы

Бір таблетканың (пессарийдің) құрамында:

белсенді зат – повидон-йод 200 мг (20 мг йодқа баламалы)

қосымша заттар: маннитол, микрокристалды целлюлоза, натрий кроскармеллозасы, лимон қышқылы, натрий бикарбонаты, тальк, магний стеараты, сусыз коллоидты кремнийдің қостотығы

Сипаттамасы

Пішіні бадам тәрізді, ақшыл-қоңыр түсті, екі беті дөңес, қабықпен қапталмаған таблеткалар (пессарий).

Фармакотерапиялық тобы

Гинекологиялық ауруларды емдеуге арналған антисептиктер және микробқа қарсы препараттар (кортикостероидтылармен біріктірілімді қоса). Басқа да антисептиктер және микробқа қарсы препараттар. Повидон-йод.

АТХ коды G01AX11

 

Фармакологиялық қасиеттері

Фармакокинетикасы

Қынаптың шырышты қабығымен жанасқанда йод біртіндеп біркелкі босап шығады (тек кешеннің 30% йодидқа айналады).

Сіңу барысында йодтың таралу көлемі 38% құрайды, жартылай шығарылу кезеңі 2 күнді құрайды. Бүйрекпен шығарылады.

Қалқанша безінің функциясы қалыпты емделушілерде йодтың жоғары сіңуі оның гормональді функциясында ешбір елеулі өзгерістер туындатпайды.

Йод плацентарлық бөгет арқылы өтеді және емшек сүтіне бөлінеді.

Повидонның сіңуі және оның бөлінуі молекулярлық салмаққа тәуелді.

Фармакодинамикасы

Препарат антисептикалық, дезинфекциялайтын, зеңге қарсы және протозойға қарсы әсер етеді. Микробқа қарсы кең ауқымды әсері бар. Грамоң және Грамтеріс бактерияларға, Gardnerella vaginalis, микоплазмалар, Treponema pallidum, хламидиялар, зеңдерге (мысалы, Candida тұқымдастығына), вирустарға, қарапайымдыларға (оның ішінде трихомонадқа) және спораларға қатысты алғанда белсенді.

Белсенді зат - йод – йод поливинилпирролидоны кешені түрінде берілген. Бұл кешеннен элементарлы йод біртіндеп және біркелкі босап шығады, бұл белсенді бос йодтың тұрақты концентрациясын қамтамасыз етеді. Белсенді йод концентрациясы 0,1-1% құрайды.

Әсер ету механизмі: бактериялық қабырға ақуыздарымен немесе ферментті ақуыздармен жанасуда йодаминдер түзеді, және олардың әсерін бөгей отырып микроорганизмдерге бактерицидті әсер етеді. Препарат қынаптың қалыпты флорасының қалпына келуін жеңілдетеді.

Йодтың біртіндеп босап шығуы есебінен препарат ұзақ уақыт әсер етеді.

Йод поливинилпирролидонмен кешенде жергілікті тітіркендіргіштігін елеулі жоғалтады және сондықтан шырышты қабыққа, теріге және жарақатты беткейлерге жаққанда жағымды, жақсы әсер береді.

Қолданылуы

Жедел және созылмалы қынаптық инфекцияларда, аралас инфекцияларда:

- спецификалық емес инфекцияларда (бактериялық вагинозда, Gardnerella vaginalis), антибиотиктермен және стероидты препараттармен ем салдарынан болған кандидозды қоса алғанда, зеңдік инфекцияларда (Candida albicans)

- генитальді герпесте

- трихомониазда (қажет болған жағдайда жүйелік біріктірілген ем жасау керек).

Қынапқа жасалатын хирургиялық операцияларға дейін және кейінгі операция алдындағы және операциядан кейінгі өңдеуде (профилактика мақсатында), сондай-ақ акушерлік және диагностикалық емшараларда.

Қолдану тәсілі және дозалары

Қынап ішіне енгізуге арналған.

Ересектер мен егде жастағы адамдар

Алдын ала гигиеналық өңдеуден кейін таблетканы алдымен ылғалдап алып, қынапқа тереңдете 1 таблеткадан енгізеді.

Жедел вагинитте тәулігіне 1-2 рет 7 күн бойы, созылмалы және жеделге жуық вагинитте - тәулігіне 1 рет ұйықтар алдында 14 күн бойы (одан ұзақ болуы да мүмкін).

Емдеу курсы бойы гигиеналық төсеуіш пайдалану ұсынылады. Таблетка (пессарий) қолдануды етеккір кезінде тоқтатпаған жөн.

Балалар: препубертаттық жастағы балаларда пайдалануға болмайды.

Жағымсыз әсерлері

- препаратқа жоғары сезімталдық реакциялары

- гиперемия

- қышыну

Жекелеген жағдайларда туындатуы мүмкін:

- псориаз сияқты қызыл майда буллезді элементтер түзілумен жүретін жанаспалы дерматит түріндегі аса жоғары сезімталдық реакциялары

- қынаптық суппозиторийлерді ұзақ қолданғандағы бейім тұлғалардағы йодпен индукцияланған гипертиреоз

Қолдануға болмайтын жағдайлар

- йодқа және препараттың басқа да құрамдастарына жоғары сезімталдық

- қалқанша бездің функциясының бұзылуы (түйінді коллоидты зоб, эндемиялық зоб және тироидит Хашимото, гипертиреоз)

- қалқанша без аденомасы; герпес пішінді Дюринг дерматиті

- радиоактивті йодты бір мезгілде қолдану

- жыныстық жағынан толық жетілмеген балаларға

Дәрілермен өзара әрекеттесуі

Дезинфекциялайтын және антисептикалық басқа да, әсіресе құрамында сілтілер, ферменттер мен сынап бар дәрілермен үйлесімсіз.

Повидон йод пен сутегі асқын тотығын, сондай-ақ жараны өңдеуге арналған құрамында күміс және толуидин бар ферментті препараттарды, антисептикалық препараттарды бірге қолдану өзара тиімділігінің төмендеуіне алып келеді.

Қанның болуы бактерицидтік әсерін төмендетуі мүмкін, алайда ерітінді концентрациясын ұлғайтқанда бактерицидтік белсенділігі артуы мүмкін.

Айрықша нұсқаулар

Повидон-йодтың тотықтырғыш қасиеттеріне байланысты оның әсері нәжістегі жасырын қанды, сондай-ақ несептегі қанды немесе глюкозаны анықтайтын зерттеулердің кейбір типтерінде жалған-оң нәтижелерге әкелуі мүмкін.

Повидон-йодты қолданған уақытта қалқанша безге йодтың сіңуі төмендеуі мүмкін, бұл кейбір диагностикалық зерттеулердің нәтижелеріне әсер етуі мүмкін (қалқанша бездің сцинтиграфиясы, йодтың ақуызбен байланысуын анықтау, радиоактивті йод қолданумен жүргізілетін зерттеулер), сондай-ақ қалқанша без ауруларын емдеуге қолданылатын йод препараттарымен де өзара әрекеттесе алады. Повидон-йодпен ұзақ емдеуден кейін қалқанша без сцинтиграфиясының бұрмаланбаған нәтижелерін алу үшін жеткілікті ұзақ уақыт кезеңінде осы препаратты қолданбау ұсынылады.

Егер емдеу курсы кезінде гипертиреоз симптомдары туындаса, қалқанша без функциясын тексеру қажет.

Препаратты бұрын бүйрек жеткіліксіздігі болжанған пациенттерде ұдайы қолданғанда абайлау керек. Литий препаратын қабылдайтын науқастарға Аквидин қынаптық таблеткаларын (пессарийлер) ұдайы қолданбаған жөн. Терідегі және матадаға бояу сумен жеңіл жуылады. Препаратпен жанасудан кейін оны көзге тигізбеуге тырысу керек. Таблеткалар спермицидтік әсері бар, осыған байланысты жүктілікті жоспарлаған адамдарға оны қолдану ұсынылмайды. Таблеткаларды қолданған кезде гигиеналық төсеуіштерді пайдалануға болады.

Жүктілік және бала емізу

Йод плацентарлық бөгет арқылы енеді және емшек сүтіне бөлінеді. Препаратты жүктілік кезінде қолдану ұрықта және жаңа туған нәрестеде транзиторлы гипотериоз дамуын туындатуы мүмкін.

Екі айдан жоғары жүктілік мерзімінде, сондай-ақ бала емізу кезеңінде препаратты тек қатаң көрсетілімдермен ғана қолдануға болады және ана мен баланың қалқанша без функциясын мұқият бақылауды талап етеді.

Бұл жағдайларда препаратты тек қысқа мерзімге ғана қабылдау мүмкіндігі бар.

Препаратты жүктіліктің екінші триместрінен бастап қолдануға болмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратты қолдану автокөлікті жүргізу және қауіптілігі зор механизмдерді басқару қабілетіне әсер етпейді.

Артық дозалануы

Жедел йодты уыттануға төмендегі клиникалық симптомдар тән.

Симптомдар: ауыздың темір татуы, сілекейдің бөлінуінің ұлғаюы, ауызда немесе жұтқыншақта күйдіру немесе ауыру сезімдері; көздің тітіркенуі және ісінуі; тері реакциялары; асқазан-ішек бұзылыстары және іш өту; бүйрек функциясының бұзылуы және анурия; қан айналымының жеткіліксіздігі; салдарлы асфиксиямен көмей ісінуі, өкпе ісінуі, метаболизмдік ацидоз, гипернатриемия.

Емі: препаратты тоқтату, электролиттік теңгерімге, бүйрек және қалқанша без функциясына ерекше бақылауымен симптоматикалық және демеуші ем. Қан сарысуындағы йодтың уыттылық концентрациясын перитонеальді диализбен немесе гемодиализбен тиімді төмендетуге болады. Одан басқа, қалқанша без функциясын мұқият клиникалық бақылау йодтан туындаған гипертиреозды жоққа шығаруға және ерте анықтау үшін жүргізілуі тиіс.

Ішке қабылдағаннан кейінгі уыттану: құрамында крахмал немесе ақуыз бар тамақ өнімін дереу енгізу (мысалы, крахмалдың судағы немесе сүттегі ерітіндісі). Асқазанды қажетіне қарай үш сағаттық аралықпен тиосульфат натрийдің 5% ерітіндісімен шаю (немесе тиосульфат натрийдің 10 мл 10% ерітіндісін көктамыр ішіне енгізу).

Шығарылу түрі және қаптамасы

10 таблеткадан (пессарий) алюминий (Alu|Alu) фольгадан жасалған пішінді ұяшықты қаптамада.

1 пішінді ұяшықты қаптамадан аппликатормен және қолданылуы жөніндегі мемлекеттік және орыс тіліндегі нұсқаулықпен жиынтықта картон қорапшаға салынады.

Сақтау шарттары

Құрғақ, жарықтан қорғалған жерде, 250С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

Акрити Фармасьютикалз Пвт. Лтд, Үндістан

Plot № D-10, D-11, M.I.D.C. Jejury, Dist. Pune - 412 303, Maharashtra

Тіркеу куәлігі иесінің атауы мен елі

«Авицена-ЛТД» ЖШС, Қазақстан

Қаптаушы ұйымның атуы мен елі

Акрити Фармасьютикалз Пвт. Лтд, Үндістан

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Авицена-ЛТД» ЖШС, 050002, Алматы қ., Жангелдин к-сі, 31

416 кеңсе

тел./факс +7727 3572387/88/89

е-mail: reg@avitsena.kz 

Дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

ConsultAsia ЖШС

Шевченко к-сі 165 Б,   909 а кеңсе

тел./факс: +77051708876/+77051708825e-mail: pv@consultingasia.kz

 

Прикрепленные файлы

042942871477976269_ru.doc 68 кб
794496181477977467_kz.doc 70 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники