АЙРА-сановель Плюс
Инструкция
-
русский
-
қазақша
Саудалық атауы
АЙРА–сановель Плюс
Халықаралық патенттелмеген атауы
Жоқ
Дәрілік түрі
Таблеткалар 16 мг/12.5 мг
Құрамы
Бір таблетканың құрамында
белсенді заттар: кандесартан цилексетилі 16 мг,
гидрохлоротиазид 12.5 мг,
қосымша заттар: лактоза моногидраты, жүгері крахмалы, полиэтиленгликоль 8000, гидроксипропилцеллюлоза, кальций карбоксиметилцеллюлозасы, магний стеараты, темірдің (III) қызыл тотығы (Е172), темірдің (III) сары тотығы (Е172).
Сипаттамасы
Ұзынша пішінді, ақшыл-қызғылт түсті, екі жағында сызығы бар таблеткалар
Фармакотерапиялық тобы
Ренин-ангиотензин жүйесіне ықпал ететін препараттар.
Басқа препараттармен біріктірілімдегі ангиотензин ІІ антагонистері.
Диуретиктермен біріктірілімдегі ангиотензин II антагонистері. Диуретиктермен біріктірілімдегі кандесартан
АТХ коды C09DA06
Фармакологиялық қасиеттері
Фармакокинетикасы
Кандесартан цилексетилі
Сіңуі: Кандесартан цилексетилі асқазан-ішек жолында сіңген кезде күрделі эфир тобының гидролизденуі нәтижесінде кандесартан II - ангиотензин рецепторлары антагонисінің АТ1 қосалқы түріне тез айналады. Кандесартан цилексетилін қабылдағаннан кейін кандесартанның толық биожетімділігі 15%-ға жетеді. Таблетканы қабылдағаннан кейін Сmax 3-4 сағат ішінде жетеді. Тағамдық өнімдер кандесартанның биожетімділігіне ықпалын тигізбейді.
Таралуы: Кандесартанның таралу көлемі 0.13л/кг құрайды. Ақуыздармен байланысу дәрежесі өте жоғары (> 99%).
Шығарылуы: Кандесартан ағзадан несеппен және нәжіспен шығарылады (өтпен). Орто-диэтилденуге ұшырап, кейін бауырда ыдырайтын минорлы метаболитке айналады. Кандесартанның жартылай шығарылу кезеңі – шамамен 9 сағат. Кандесартанды бір немесе бірнеше рет қабылдағанда фармакокинетикасы дозаға байланысты сипатқа ие болады (ішке қабылдаған кезде доза мөлшері 32 мг-ға дейін жетуі мүмкін). Кандесартан мен оның белсенді емес метаболитін тәулігіне 1 рет ұзақ уақыт қабылдағанда жиналып қалмайды.
Кандесартанның жалпы плазмалық клиренсі 0.37мл/мин/кг, бүйрек клиренсі 0.19мл/мин/кг құрайды. Кандесартанды ішке қабылдаған кезде дозаның 26% жуығы өзгермеген күйінде несеппен бірге шығарылады. 14С- белгіленген кандесартан цилексетилін пероральді енгізуден кейін несепте 33% жуық радиоактивті таңба анықталады, 67% нәжіспен шығарылады.
Ерекше клиникалық жағдайлардағы фармакокинетикасыАртериялық гипертензиясы және бүйрек қызметі жеткіліксіздігі бар емделушілерде кандесартанның Сmax жоғарылағаны байқалады. Жедел бүйрек жеткіліксіздігі бар науқастарда (бүйрек клиренсі <30 мл/мин/1.73м²) көп рет қолданғанда, бүйрек функциясы бұзылмаған науқастармен салыстырғанда AUC және Сmax мәні екі есе өседі. Артериялық гипертензиясы бар науқастарда гемодиализден кейінгі кандесартан фармакокинетикасы артериялық гипертензиясы және жедел бүйрек жеткіліксіздігі бар науқастардағы кандесартан фармакокинетикасымен ұқсас сипатқа ие болады. Кандесартан ағзадан гемодиализ жолымен шығарылмайды. Жеңіл-орташа созылмалы бауыр жеткіліксіздігі бар науқастарда кандесартан фармакокинетикасында өзгерістер байқалмаған.
18 жастан кіші науқастарда кандесартан цилексетил фармакокинетикасы қарастырылмаған. Егде науқастарда (≥ 65 жас) бірдей доза қабылдаған жастармен салыстырғанда кандесартанның плазмалық концентрациясының шамасы жоғарырақ деңгейге (Сmax >50 %, AUC >80%) жетеді.
Гидрохлоротиазид
Ішке қабылдағанда 2 сағ өткеннен кейін диурез басталады, 4 сағат ішінде максимумге жетеді және 6-12 сағат бойы жалғасады.
Гидрохлоротиазид плацентарлық бөгет арқылы өтеді,бірақ гематоэнцефалдық бөгет арқылы өтпейді. Ана сүтімен шығарылады. Гидрохлоротиазид метаболизмге ұшырамайды. Бүйрек арқылы шығарылады. Плазма деңгейін 24 сағаттан кем емес уақыт бойы бақылағанда 5.6-14.8 сағат аралығында плазмадан жартылай шығарылу кезеңінің өзгерістері анықталды. Бір реттік пероральді дозаның 61% организмнен өзгермеген түрде 24 сағат бойына шығарылады.
Фармакодинамикасы
Кандесартан цилексетилі: Кандесартан цилексетилі кандесартан II ангиотензин тиімді антагонисінің белсенді емес түрі болып табылады. Ішке қабылдағанда, кандесартан цилексетилі асқазан-ішек жолдарында сіңу үдерісінде гидролизге ұшырайды және кандесартанға - белсенді түріне өтеді.
Кандесартан қан тамырларының тегіс бұлшықеттерінде, бүйрек үсті бездерінде II ангиотензиннің АТ1 рецепторымен байланысу үдерісін бөгей отырып, II ангиотензиннің вазоконстрикторлық және альдостерон-секреторлық функциясына кедергі келтіреді. Кандесартан басқа гормоналдық рецепторлармен байланысуға немесе қалыпты қызметі жүрек-қан тамырларын реттеу үшін қажетті иондық өзекшелерді бөгеуге қабілетсіз. Артериялық гипертензияны емдеуге пайдаланғанда кандесартан артериялық қысымға ұзақ әсер етеді және дозаға қарай оны төмендетеді. Кандесартанның антигипертензиялық әсері жүрек рефлексін күшейтусіз жүйелік шеткергі қарсыласуды азайтуымен байланысты. Кандесартанды дозалар аралығында күніне 1 рет қолдану ең жоғары және ошақтық тиімділігі арасындағы аздаған айырмашылығы пайда болуына және артериялық қысымның тұрақты төмендеуіне ықпал етеді.
Артериялық қысымның жеткіліксіз төмендеуінде тиазидті диуретиктерді (гидрохлоротиазид) және кальций антагонистерін (амлодипин) үйлестіре қолдану мүмкіндігі бар.
Кандесартан, бүйрек қан тамырларының қарсыласуын төмендетумен қатар, бүйректің қанмен жабдықталуын және шумақтық сүзілісін жылдамдатады.
Гидрохлоротиазид: Гидрохлоротиазид нефронның дистальді өзекшелерінде электролиттердің реабсорбция механизміне әсер етеді; натрий және хлор иондары бөлінуін арттырады (шамамен тең мөлшерде). Антигипертензиялық әсер ету механизмі аяғына дейін анықталмаған. Ішке қабылдағанда диурез 2 сағат өткенде басталады, ең жоғары мәніне 4 сағат ішінде жетеді және 6-12 сағат бойына жалғасады.
Кандесартан цилексетилі/Гидрохлоротиазид: Кандесартан және гидрохлоротиазид жинақталған гипотензиялық әсер береді. Артериялық гипертензиясы бар емделушілерде кандесартан пен гидрохлоротиазидті үйлестіре қолдану ЖЖЖ ұлғаюынсыз АҚ тиімді және ұзақ уақыт төмендеуін туындатады. Ортостатикалық артериялық гипотензия препаратты бірінші қабылдағанда байқалмайды, емдеу аяқталғаннан кейін артериялық гипертензия күшеймейді. Препаратты тәулігіне 1 рет қолдану АҚ 24 сағат бойы ең жоғары және орташа әсер ету тиімділігінің елеусіз айырмашылығымен тиімді және баяу төмендетеді.
Қазіргі уақытта бүйрек ауруы/ нефропатиясы бар, сол жақ қарынша функциясы төмендеген/ іркілісті жүрек жеткіліксіздігі бар емделушілерде және миокард инфарктысынан кейінгі емделушілерде кандесартан цилексетилі/гидрохлоротиазид біріктірілімін пайдалану бойынша деректер жоқ.
Қолданылуы
- біріктірілген емді талап ететін артериялық гипертензияда
Қолдану тәсілі және дозалары
АЙРА–сановель Плюстің бастапқы ұсынылатын дозасы күніне 1 таблетка. Препаратты артериялық қысымы кандесартан цилексетилі немесе гидрохлоротиазидтің монотерапиясымен тиісті түрде бақыланбайтын емделушілерде қолдануға болады. Емделушіні АЙРА–сановель Плюспен емге көшірер алдында кандесартан дозасын титрлеу ұсынылады. Ең жоғары емдік әсерге ем басталғаннан кейін 4 аптадан соң жетеді. АЙРА–сановель Плюс күніне бір рет тамақ ішу уақытына байланыссыз, аз мөлшердегі сумен іше отырып қабылданады.Егде жастағы адамдарда: Емделушіні АЙРА–сановель Плюспен емге көшірер алдында кандесартан дозасын титрлеу ұсынылады (егде жастағы науқастарда кандесартан цилексетилінің ұсынылатын бастапқы дозасы 4 мг).
Бүйрек жеткіліксіздігінде: Бүйрек қызметінің жеңіл немесе орташа бұзылуы (КК > 30 мл/мин/1.73 м2) бар емделушілерде, гемодиализдегі емделушілерді қоса, АЙРА–сановель Плюс емін бастағанға дейін кандесартан дозасын 4 мг бастап титрлеу ұсынылады.
Препаратты бүйректің ауыр дәрежедегі (КК < 30 мл/мин/1.73 м2) жеткіліксіздігі бар емделушілерде қолдануға болмайды.
Айналымдағы қан көлемі төмен емделушілер: артериялық гипотензия қаупі бар емделушілер үшін, мысалы айналымдағы қан көлемі төмен емделушілер үшін кандесартан дозасын 4 мг бастап титрлеу ұсынылады.
Бауыр жеткіліксіздігінде: Бауыр функциясының жеңіл немесе орташа бұзылуы бар емделушілерде АЙРА–сановель Плюс емін бастағанға дейін кандесартан дозасын 2 мг бастап титрлеу ұсынылады.
Препаратты бауырдың ауыр дәрежедегі жеткіліксіздігі немесе холестазы бар емделушілерге қолдануға болмайды.
Балаларда: АЙРА–сановель Плюсті балаларда және жасөспірімдерде (18 жасқа дейінгі жаста) қолданудың қауіпсіздігі және тиімділігі анықталмаған.
Жағымсыз әсерлері
Плацебомен салыстырғанда бақыланатын клиникалық зерттеулер уақытында дамитын жағымсыз әсерлер орташа және уақытша сипатта болды.
Плацебомен салыстырғанда кандесартан цилексетилдің (2-32 мг) гидрохлоротиазидпен (6.25-25 мг) әртүрлі біріктірілімін пайдаланумен жүргізілген зерттеулерге сәйкес науқастардың 2% астамында төмендегі жағымсыз әсерлер жиірек байқалды:
- жоғарғы тыныс жолдарының жұқпалары
- арқаның ауыруы, тұмауға ұқсас симптомдар
- бас айналуы, бас ауыруы
Кандесартан цилексетил/гидрохлоротиазиді кешенімен емді өткеруші науқастардың 5% астамында байқалған жағымсыз әсерлер:
- қажығыштық, кеуденің ауыруы, шеткергі ісінулер, фосфокиназа деңгейінің артуы
- парестезия, гиперестезия
- бронхит, синусит, фарингит, жөтел, ринит, ентігу
- артралгия, миалгия, артроз, артрит, аяқтың құрысулары, ишиас
- жүрек айнуы, іштің ауыруы, диарея, диспепсия, гастрит, гастроэнтерит, құсу
- гиперурикемия, гипергликемия, гипокалиемия, гипонатриемия, BUN деңгейінің жоғарылауы, креатинфосфокиназа деңгейінің артуы
- несеп шығару жолдарының жұқпалары, гематурия, цистит
- бүйрек жеткіліксіздігі
- бауырдың күрделі аурулары (гепатит, сарғаю, бауыр жеткіліксіздігін қоса), трансаминаза деңгейінің артуы
- тахикардия, жүрек қағуының жиілеуі, экстрасистолалар, брадикардия
- депрессия, ұйқысыздық, мазасыздық
- қалыптан тыс ЭКГ
- экзема, жоғары тершеңдік, қышыну, дерматит, бөртпе
- Квинке ісінуі, есекжем
- мұрыннан қан кету
- лейкопения, нейтропения, агранулоцитоз
- жұқпалар, вирустық жұқпалар
- конъюнктивит, құлақтағы шуыл.
Зертханалық зерттеулер нәтижелері:
Стандартты зертхана жағдайларын бақыланатын клиникалық зерттеулер кезіндегі кандесартан цилексетилі/гидрохлоротиазид кешенін қолдануда клиникалық көзқарас тұрғысынан маңызды өзгерістердің анықталуы өте сирек байқалды:
- қан сарысуындағы креатинин деңгейінің және мочевина азотының деңгейінің аздаған өзгерулері
- гемоглобин және гематокрит концентрациясының елеусіз азаюы
- калий концентрациясының аздаған ұлғаюы
- бауыр ферменттері концентрациясы және/немесе плазмалық билирубиннің артуы өте сирек болады.
Әдетте 25 мг немесе одан астам дозада гидрохлоротиазидпен емдегенде, төмендегі жағымсыз әсерлер анықталды:
Жиі емес (>1/1000, <1/100)
- фотосенсибилизация реакциялары
Сирек (>1/10000, <1/1000)
- лейкопения, нейтропения/агранулоцитоз, тромбоцитопения, апластикалық анемия
- анафилактикалық реакциялар
- некротикалық васкулит
- респираторлық дистресс-синдром (оның ішінде, пневмония және өкпе ісінуі)
- панкреатит
- сарғаю (бауырішілік холестатикалық)
- уытты эпидермальді некролиз
- бүйрек функциясы бұзылуы және интерстициальді нефрит
Белгісіз (жиілігін бағалау үшін жеткілікті деректер жоқ)
- жедел миопия, жедел жабық бұрышты глаукома
Қолдануға болмайтын жағдайлар
-
препараттың компоненттеріне немесе сульфонамидтер туындыларына жоғары сезімталдық
-
жүктілікте және лактация кезеңі
-
бауырдың ауыр жеткіліксіздігі және/немесе холестазы бар науқастар
- ауыр бүйрек жеткіліксіздігі (креатинин клиренсі <30 мл/мин/1.73 м2)
- рефрактерлық гипокалиемия және гиперкальциемия
- подагра
- 18 жасқа дейінгі балалық және жасөспірімдік жаста
Дәрілермен өзара әрекеттесуі
Кандесартан цилексетилі:
Кандесартан цилексетилінің басқа дәрілік заттармен клиникалық елеулі өзара әрекеттесулері анықталмаған. Фармакокинетикалық сынақтар жүргізуде пайдаланылған дәрілік препараттар, - гидрохлоротиазид, варфарин, дигоксин, пероральді контрацептивтер (мысалы, этинилэстрадиол/эвоноргестрел), глибенкламид, нифедипин. Кандесартан цилексетилінің бауырда ыдыраудан кейінгі аздаған бөлігі организмнен шығарылады (CYP2C9). Өзара әрекеттесулері бойынша зерттеулер кандесартанның CYP2C9 және CYP3A4 цитохром P450 жүйесі ферменттерімен өзара әрекеттесу мүмкіндігіне әсерінің жоқтығын көрсетті.
Кандесартанның антигипертензиялық тиімділігі бұл препаратты басқа антигипертензиялық дәрілермен үйлестіре пайдалануда арта түседі.
Ренин-ангиотензин-альдостерон жүйесіне әсер ететін препараттарды қолданғандағы сияқты, кандесартан цилексетилді калий жинақтаушы диуретиктермен, калий препараттарымен, құрамында калий бар жасанды тұздармен немесе калийдің деңгейін арттыратын препараттармен (мысалы, гепарин) қабылдау қан плазмасындағы калийдің мөлшерлік деңгейін арттыруы мүмкін.
Гидрохлоротиазид:
- алкогольмен, барбитураттармен, есірткілік әсері бар препараттармен бір мезгілде қабылдағанда ортостатикалық артериялық гипотензияны туындатады;
- антидиабетикалық дәрілермен қабылдағанда соңғысының дозасын түзету керек;
- басқа да антигипертензиялық препараттармен бір мезгілде қолданылуы антигипертензиялық әсерін күшейтеді;
- гидрохлоротиазидтің сіңуі колестипол, колестирамин қолданғанда әлсірейді;
- кортикостероидтармен бір мезгілде қолдану электролиттерді тұтынуды жоғарылатады;
- гидрохлоротиазид тамыр тарылтатын аминдердің әсерін (мысалы, эпинефрин) азайтуы мүмкін;
- деполяризацияламайтын миорелаксанттардың әсері (мысалы, тубокурарин) гидрохлоротиазидпен күшеюі мүмкін;
- литийді диуретиктермен бір мезгілде қолдану ұсынылмайды. Литийді АӨФ тежегіштерімен бір уақытта қолдану қан сарысуындағы литийдің концентрациясы мен уыттылығының қайтымды түрде артуына алып келуі мүмкін. Бір уақытта қолданған кезде плазмадағы литий жинақталуына ұдайы бақылау жүргізу қажет.
- ҚҚСД және диуретиктерді бір мезгілде қолдану кейбір жағдайларда соңғысының антигипертензиялық, натрийуретикалық және диуретикалық әсерін азайтады. Осыған байланысты, АЙРА–сановель плюсті және ҚҚСД бір мезгілде қолдануда науқастарда диуретикалық әсер өрбуін анықтау үшін бақылау жүргізу керек.
Айрықша нұсқаулар
Бүйрек артериясының стенозы: Ренин-ангиотензин-альдостерон жүйесіне әсер етуші басқа дәрілік заттар АӨФ тежегіштері сияқты бүйрек артериясының билатералдық стенозы немесе жалғыз бүйрек артериясының стенозы бар науқастарда АЙРА–сановель Плюс қабылдау қан сарысуындағы мочевина және креатинин концентрациясының артуына алып келуі мүмкін. Осыған ұқсас әсер ангиотензин II рецепторларының антагонистерін қолдануда байқалуы мүмкін.
Айналымдағы қан көлемі төмендеуі (АҚК): Бұрын мәлімделгендей, ренин-ангиотензин-альдостеронді жүйесіне әсер етуші дәрілік заттарды қолданғанда АҚК айқын азаюы бар науқастарда (мысалы, диуретиктерді жоғары дозаларда қабылдаушы науқастарда) симптоматикалық артериялық гипотензия өрбуі мүмкін. Осыған байланысты, АЙРА–сановель Плюсті қабылдауды бастағанға дейін жай-күйін түзету керек.
Бүйрек жеткіліксіздігі: АЙРА–сановель Плюсті бүйрек жеткіліксіздігі бар науқастарда қолдануда мезгіл-мезгіл калий және креатинин деңгейін бақылау керек.
Бүйрек трансплантациясы: Жуырда бүйрек трансплантациясын өткерген науқастарда АЙРА–сановель Плюсті қолданудың мысалы жоқ.
Аорта және митралды клапандар стенозы (обструктивті гипертрофикалық кардиомиопатия): Басқа вазодилататорларды қолданғандағы сияқты, аортасының гемодинамикалық стенозы, митральді клапандар стенозы бар науқастарда немесе обструктивті гипертрофиялық кардиомиопатиялы науқастарда АЙРА–сановель Плюс қолдану жоғары назар аударуды талап етеді.
Бірінші гиперальдостеронизм: Бірінші гиперальдостеронизмі бар науқастар ренин-ангиотензин-альдостеронды жүйеге әсер етуші антигипертензиялық препараттарға сезімтал емес. Осыған байланысты аталған науқастарда кандесартан цилексетилін қолдану ұсынылмайды.
Анестезия және хирургиялық араласулар: Ангиотензин II антагонистерін қабылдаушы емделушілерде, анестезия кезінде және хирургиялық араласуларда ренин-ангиотензинды жүйе блокадасы нәтижесінде артериялық гипотензия дамуы мүмкін. Сұйықтықтарды және/немесе вазопрессорларды көктамыр ішіне енгізуді талап ететін ауыр артериялық гипотензия жағдайлары өте сирек анықталуы мүмкін.
Бауыр жеткіліксіздігі: Бауыр функциясы бұзылуы немесе бауырдың үдемелі ауруы бар емделушілерге сұйықтық көлемінің және электролиттік құрамының елеусіз ауытқуы бауыр комасын туындатуы мүмкіндігіне байланысты тиазидтерді сақтықпен қабылдау керек.
Бауыр жеткіліксіздігі бар емделушілерде АЙРА-сановель Плюс қолданудың клиникалық тәжірибесі жоқ.
Су-тұз балансының бұзылуы: Несеп айдайтын препараттар қабылдаған барлық жағдайлардағы сияқты қан плазмасындағы электролиттерді бақылау керек.
Тиазидтер, оның ішінде гидрохлоротиазид те бар, су-тұз балансының бұзылуын (гиперкальциемия, гипокалиемия, гипонатриемия, гипомагниемия және гипохлоремиялық алкалоз) туындатуы мүмкін.
Анықталған гиперкальциемия жасырын гиперпаратиреоз белгісі болуы мүмкін. Тиазидті диуретиктерді қолдануды қалқанша безі маңайын зерттеу талдауларының нәтижесін алғанға дейін тоқтата тұру керек.
Гипокалиемия қаупі құрамында тұз төмен сұйықтық қабылдаушы, ГКС немесе АКТГ емдеу курсын параллельді өтіп жүрген, бауыр циррозы бар, диурезі ұлғайған емделушілерде жоғары болады
Ренин-ангиотензин-альдостеронды жүйесіне әсер етуші препараттарды қолдану тәжірибесі негізінде, АЙРА–сановель Плюсті және калий шығарылуын арттыратын несеп айдаушы дәрілерді параллельді қолдануды құрамында калий бар тағамдық қосымшалар немесе қан плазмасындағы калий құрамын жоғарылатуға ықпалды басқа препараттарды қолданумен компенсациялауға болады.
Метаболизмге және эндокриндік жүйеге әсері: қант диабеті бар науқастарда гипогликемиялық дәрілердің, оның ішінде инсулиннің дозасын түзету талап етілуі мүмкін. Тиазидті диуретиктер қолдану латентті жүретін қант диабетінің білінуіне дейін жеткізетін гипергликемия дамуына алып келуге ықпалды. Қан плазмасындағы холестериннің және триглицеридтер деңгейінің ұлғаюын тиазидті диуретиктер қолданумен байланыстырады.
Тиазидті диуретиктер қан плазмасындағы несеп қышқылы концентрациясын арттырады және бейімі бар емделушілерде подагра туындауына ықпал етуі мүмкін.
Фотосезімталдығы: Тиазидті диуретиктер қабылдағанда фотосезімталдық реакциялары жағдайлары болғаны туралы хабарламалар болды. Егер емдеу кезінде фотосезімталдық реакциялары туындаса емдеуді тоқтату ұсынылады. Қайта қолдану қажет болған жағдайда дененің осал жерлерін күннен немесе жасанды ультракүлгін сәулеленуден қорғау ұсынылады.
Жалпы: Қан тамырлық тонус және бүйрек функциясы тікелей ренин-ангиотензин-альдостеронды жүйе белсенділігіне тәуелді (мысалы, созылмалы жүрек жеткіліксіздігі, бүйрек артериясы стенозын қоса, бүйрек ауруы) науқастарда сондай-ақ бұл жүйеге әсер ететін препаратпен емдеу жедел артериялық гипотензияға, азотемияға, олигурияға және өте сирек жедел бүйрек жеткіліксіздігіне әкелуі мүмкін. Ангиотензин II рецепторлары антагонистерін қолдануда байқалатын осыған ұқсас әсерлер АЙРА–сановель Плюсті қабылдағанда байқалмаған. Кез келген басқа да антигипертензиялық препарат сияқты, жүректің ишемиялық ауруы және ишемиялық церебральді-қан тамырлық аурулары бар науқастарда АЙРА–сановель Плюс артериялық қысымның қатты төмендеуіне, миокард инфарктысына немесе инсультқа алып келуі мүмкін.
Гидрохлоротиазидке жоғары сезімталдық реакциялары пайда болу ықтималдығы сыртартқысында бронх демікпесі, аллергиялық реакциялар бар емделушілерде көбірек; бұл басқа емделушілерде аллергиялық симптоматикалар пайда болуын жоққа шығармайды.
Препарат құрамында лактоза болғандықтан, препаратты тұқым қуалайтын лактоза көтере алмаушылығы, Lapp-лактаза ферментінің тапшылығы, глюкоза-галактоза мальабсорбциясы бар адамдарға қабылдау ұсынылмайды. Егде жастағыларда пайдаланылуы: Жүргізілген клиникалық зерттеулерге сәйкес, АЙРА–сановель Плюсті қолданудың қауіпсіздігі мен тиімділігінің айырмашылығы байқалмаған.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
АЙРА–сановель Плюстің автокөлік жүргізуге қабілетіне әсері туралы зерттеулер жүргізілмеген. Бірақ, фармакодинамикалық деректерге қарап талдасақ бұндай әсері жоқ. Антигипертензиялық дәрілер қолдану бас айналуын немесе қажу сезімін туындатуы мүмкіндігінен емделушілер көлік басқаруда немесе техникамен жұмыста сақ болуы керек.
Артық дозалануы
Симптомдары: жағымсыз әсерлердің күшеюі
Емі: симптоматикалық.
Кандесартан цилексетил/гидрохлоротиазидтің гемодиализ көмегімен шығарылу ықтималдығы аз.
Шығарылу түрі және қаптамасы
ПВХ/ПВДХ үлбірден және алюминий фольгадан жасалған пішінді ұяшықты қаптамада 14 немесе 15 таблеткадан.
2 пішінді қаптамадан (14 таблеткадан) немесе 6 пішінді қаптамадан (15 таблеткадан) медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.
Сақтау шарттары
25˚С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
5 жыл
Жарамдылық мерзімі өткеннен кейін пайдалануға болмайды.
Дәріханадан босатылу шарттары
Рецепт арқылы
Өндіруші
«Сановель» фармако-индустриялды сауда компаниясы, Түркия
34580 Силиври-Стамбул/Түркия
Тел.+90-212-7465661, факс.+90-212-7465252
Тіркеу куәлігінің иесі
“Сановель” фармако-индустриялды сауда компаниясы, Түркия
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы
Қазақстан Республикасы, 050059
Алматы қ., Қажымұқан көшесі, 26А
Телефон: 8 (727) 264 73 05, 8 701 014 1182
Факс: 8 (727) 262 00 12
Эл. поштасы: sanovel@mail.ru