Айдип
Инструкция
-
русский
-
қазақша
Саудалық атауы
Айдип
Халықаралық патенттелмеген атауы
Жоқ
Дәрілік түрі
Көзге тамызатын дәрі, 5 мл
Құрамы
5 мл ерітіндінің құрамында
белсенді заттар: неомицин сульфаты 17500 ХБ, полимиксин В сульфат 30000 ХБ, дексаметазон 5.00 мг
қосымша заттар: бензалконий хлориді, тилоксапол, гипромеллоза, натрий хлориді, натрий гидроксиді 4 % ерітіндісі, хлорсутек қышқылы 3.6%, инъекцияға арналған су, азот** (оттегі құрамы төмен)
** Инертті орта ретінде өндірісте пайдаланылады
Сипаттамасы
Ақ немесе ашық-сары түсті суспензия
Фармакотерапиялық тобы
Сезім мүшелерінің ауруларын емдеуге арналған препараттар. Көз ауруларын емдеуге арналған препараттар. Микробқа қарсы препараттармен біріктірілген қабынуға қарсы препараттар. Микробқа қарсы басқа препараттармен біріктірілген глюкокортикостероидтар. Микробқа қарсы препараттармен біріктірілген дексаметазон.
АТХ коды S01СА01
Фармакологиялық қасиеттері
Фармакокинетикасы
Дексаметазон
Сонымен қатар, басқа кортикостероидтар сияқты, дексаметазон ішу арқылы қабылдағаннан кейін жылдам сіңеді және оның биологиялық жартылай шығарылу кезеңі шамамен 190 минут. Тері және көзге жергілікті қолданғаннан кейін оның сіңірілу дәрежесі жүйелі әсерлерді туғызуы мүмкін.
Дексаметазонның көз ішіне енуінің едәуір дәрежесі белгіленген, ол көздің алдыңғы бөлігінің қабынбалы ауруларында оның тиімділігіне ықпал етеді.
Полимиксин В сульфат
Полимиксин В сульфаты асқазан-ішек жолдары немесе зақымданған тері арқылы сіңірілмейді. Мөлдір қабықтың зақымданбаған эпителийі мөлдір қабық стромасына енуінен сақтайтынына қарамастан, эпителий зақымданғанда оған полимиксин В емдік концентрацияларында өтеді. Дәрілік препаратты парентеральді немесе жергілікті қолданғаннан кейін шыны тәрізді денеге полимиксин В сульфатының едәуір өтуі белгіленбеген.
Неомицин
Неомицин асқазан-ішек жолдарынан әлсіз сіңіріледі, ал жергілікті қолданғаннан кейін жүйелі жағымсыз әсерлер дамуы үшін жеткіліксіз. Жарақат беткейінен және қабынған тері арқылы сіңірілуі туралы хабарлар бар. Сіңірілгеннен кейін, неомицин бүйрек арқылы белсенді түрде жылдам шығарылады.
Фармакодинамикасы
Әсер ету механизмі
Айдип көзге тамызатын дәрісі - қосарлы әсері бар суспензия болып табылады, кортикостероидты компонент дексаметазон қабынуға қарсы әсер етеді, қос антибиотиктің, полимиксин В және неомициннің болуы микробқа қарсы әсерін қамтамасыз етеді.
Дексаметазон қабынуға қарсы белсенділікке иеленген және минералокортикоидты әсері төмен синтетикалық глюкокортикоид болып табылады.
Полимиксин В – циклді липопептид, грамтеріс бактериялардың жасушалық қабырғалары арқылы өтеді және цитоплазмалық жарғақшаны тұрақсыздандырады. Ол негізінен Pseudomonas aeruginosa қоса, грамтеріс микроорганизмдерге қарсы белсенді және грамоң бактерияларға қарсы белсенділігі аз.
Неомицин аминогликозидтер тобының антибиотигі, оның негізгі әсері полипептидтің бәсеңдеуімен және бактериялық жасушалардың рибосомаларының синтезімен байланысты. Ол грамоң және грамтеріс микроорганизмдердің көбісіне қатысты белсенді және таңдаулы микробқа төзімділік қаупі төмен. Алайда, көптеген Streptococci және көптеген Pseudomonas штамдары неомицинге төзімді.
Айдип көзге тамызатын дәрісі препаратының құрамына кіретін неомицин сульфаты және В полимиксин сульфаты біріктірілімі, патогенді микроорганизмдердің мынадай түрлеріне қарсы белсенді:
Грамоң:
- Staphylococcus aureus
- Staphylococcus epidermidis
Грамтеріс:
- Escherichia coli
- Haemophilus influenzae
- Разновидности Klebsiella/Enterobacter
- Proteus mirabilis
- Pseudomonas aeruginosa
- Serattia marcescens
Айдип көзге тамызатын дәрі Streptococcus pneumonia қоса, Streptococci қарсы толық қорғанысты қамтамасыз етпейді.
Төзімділік механизмі
Полимиксин В бактериялардың төзімділігінің шығу тегі хромосомалық және сирек кездеседі. Цитоплазмалық жарғақша фосфолипидтерінің модификациясы маңызды.
Неомицинге қатысты төзімділігі бактериялық жасушалардың рибосомаларының суббірлігінің өзгеруін, жасушадағы неомицин тасымалдауының интерференциясын және модификацияланған ферменттердің аденилатты, фосфорилатты және ацетилатты кластарының инактивациясын (реттілігінің өзгеруі) қоса, бірнеше тәсіл арқылы туындайды. Инактивацияланған ферменттер өндірілуі туралы генетикалық ақпарат бактериялық хромосомалармен немесе плазмидтермен тасымалдана алады.
Шекті мәндер
1 мл Айдип көзге тамызатын дәрісінің құрамында 6000 ХБ полимиксин В сульфаты және 3500 ХБ неомицин сульфаты бар. Шекті мәндер және төменде көрсетілген in vitro спектр қосарлы белсенділікке немесе В полимиксині немесе неомицин белсенділігіне негізделеді. Мұнда көрсетілген шекті мәндер көз инфекцияларының арнайы шамдарының жүре пайда болған төзімділігіне және препараттағы В полимиксині мен неомициннің ХБ арақатынасына негізделеді.
Төзімділіктің шекті мәндері > 5:2.5 ден> 40:20 дейін бактериялық штамдарға байланысты.
Сезімталдығы
Төменде келтірілген ақпаратта, Айдип көзге тамызатын дәрісінің полимиксин В немесе неомицинге қатысты микроорганизмдерге ықтимал сезімталдығын көрсетеді. Көздің беткейлік инфекцияларында идентификацияланған бактериялық штамдар көрсетілген.
Жүре пайда болған төзімділіктің таралуы кейбір түрлер үшін географиялық және уақыт бойынша өзгеруі мүмкін, жергілікті төзімділік туралы, атап айтқанда ауыр инфекцияларды емдеу жөнінде жергілікті ақпарат болғаны жөн. Егер жергілікті төзімділік инфекцияның кейбір түрлерінде полимиксин В және неомицинді қолдану күмәнді болса, маманнан кеңес алуға болады.
Әдетте сезімтал штамдар
Аэробты грамоң микроорганизмдер
Bacillus cereus
Bacillus megaterium
Bacillus pumilus
Bacillus simplex
Corynebacterium accolens
Corynebacterium bovis
Corynebacterium macginleyi
Corynebacterium propinquum
Corynebacterium pseudodiphtheriticum
Staphylococcus aureus (methicillin susceptible – MSSA)
Staphylococcus capitis
Staphylococcus epidermidis (methicillin susceptible - MSSE)
Staphylococcus pasteuri
Staphylococcus warneri
Staphylococcus mutans
Аэробты грамтеріс микроорганизмдер
Haemophilus influenzae
Klebsiella pneumoniae
Moraxella catarrhalis
Moraxella lacunata
Pseudomonas aeruginosa
Жүре пайда болған төзімділік проблема болуы мүмкін штамдар
Staphylococcus epidermidis (methicillin resistant –MRSE)
Staphylococcus hominis
Staphylococcus lugdunensis
Туа біткен төзімділігі бар организмдер
Аэробты грамоң микроорганизмдер
Enterococci faecalis
Staphylococcus aureus (methicillin resistant – MRSA)
Streptococcus mitis
Streptococcus pneumoniae
Аэробты грамтеріс микроорганизмдер
Serratia species
Анаэробты бактериялар
Propionibacterium acnes
Дексаметазон көз тіндеріне жақсы өтетін кортикостероид болып табылады. Кортикостероидтардың қабынуға қарсы және тамыр тарылтушы әсері бар, олар қабынуға жауапты және түрлі аурулардың симптомдарын бәсеңдетеді, бірақ оларды емдемейді.
Қолданылуы
-
антибиотиктерді профилактикалық емдеу қажет болғанда (зеңді және вирустық аурулар болуын жоққа шығарғаннан кейін) көздің стероидтарға сезімтал жағдайын қысқа мерзімді емдеуде.
Қолдану тәсілі және дозалары
Препарат тек көзге ғана қолдануға арналған.
Қолданар алдында құтыны сілку керек!
Дозалануы
Жеңіл жағдайларда зақымданған көздің (көздердің) коньюнктивальді қалтасына препаратты 1 немесе 2 тамшыдан күніне 4-6 рет тамызады. Клиникалық белгілері жақсарғанына қарай қолдану жиілігін біртіндеп қысқарту керек. Емдеуді уақытынан бұрын тоқтатуға болмайды.
Ауыр жағдайларда, қабыну белгілері жойылғаннан препаратты қолдануды толық тоқтатқанға дейін жиілігін біртіндеп қысқартумен доза сағат сайын 1-2 тамшыдан қолданады. Емдеу курсын емдеуші дәрігер анықтайды.
Пациенттердің ерекше топтары
Бауыр және бүйрек функциясының бұзылуы
Пациенттердің осы тобында осындай дәрілік біріктірудің әсері зерттелмеген. Соған қарамастан дәрілік заттарды жергілікті қолданғанда дәрілік заттардың жүйелі сіңірілуі төмен болғандықтан, дозалауды өзгертудің қажеттігі жоқ.
Балалар
Балаларға қолданудың тиімділігі және қауіпсіздігі анықталмаған.
Қолдану тәсілі
Дәріні конъюнктивальді қалтаға тамызады. Дәрілік препараттың мұрынның шырышты қабығына жүйелі сіңірілуіне жол бермеу және жергілікті әсерін күшейту үшін, тамызғаннан кейін 2-3 минут бойы мұрынжас өзегін саусақпен қысу керек.
Егер пациент бірмезгілде басқа жергілікті офтальмологиялық дәрілік препараттарды пайдаланса, оларды 10-15 минуттық аралықпен қолдану керек. Егер пациент бірмезгілде көз жақпамайын қолданса, онда оны ең соңында қолданады. Көзге тамызатын дәрілерді тамызар алдында, жанаспалы линзаны шешу қажет, тамызғанннан кейін 15 минуттан соң қайта тағуға болады.
Құтының ішіндегісін ластауды ескерту үшін, көзге немесе кез келген басқа беткейге тамшылатқыштың ұшын тигізуге болмайды.
Жағымсыз әсерлер
Анықталған барлық жағымсыз әсерлер төменде келтірілген жиілікке сәйкес таралған: өте жиі (≥1/10), жиі (≥1/100 <1/10 дейін), жиі емес (≥1/1000 <1/100 дейін), сирек (≥1/10 000 <1/1000 дейін), өте сирек (<1/10000), жиілігі белгісіз (қолда бар деректер бойынша жиілігі анықталмаған.)
Жиі емес
- аса жоғары сезімталдық (жүйелі немесе жергілікті)
- кератит, көзішілік қысымның артуы, фотофобия, мидриаз, птоз, көздің ауыруы, көздің ісінуі, көзден жас ағуы; қышыну, жайсыздық, көзде бөгде -денені сезіну; тітіркену, көз гиперемиясы
Жиілігі белгісіз
- Кушинг синдромы, бүйрекүсті безі функциясының күшеюі
- бас ауыруы
- мөлдір қабықтың жұқаруы, бұлдырап көру
Препараттың құрамына кіретін стероидты гормоннан, мөлдір қабықтың немесе аққабықтың жұқаруын туғызатын ауруларда, әсіресе ұзақ емдегенде, тесілу қаупі жоғары.
Құрамында стероидты гормон бар офтальмологиялық препаратты қолдану көру жүйкесінің бұдан кейін зақымдануымен, көру өткірлігінің азаюымен және көру алаңының ақаулары пайда болумен көзішілік қысым артуына әкеп соғуы мүмкін. Сонымен қатар артқы субкапсулярлы катаракта қалыптасуына әкеп соғуы мүмкін.
Кейбір пациенттерде жергілікті енгізілетін аминогликозидтерге жоғары сезімталдық байқалуы мүмкін. Жиі қолданғанда жүйелі жағымсыз әсерлер дамуы мүмкін.
Қолдануға болмайтын жағдайлар
- препараттың компоненттеріне жоғары сезімталдықта
- қарапайым герпес қоздырғышы туғызған эпителий кератиті (ағаш тәрізді кератит)
- қорасан, желшешек және мөлдір қабық және конъюнктиваның басқа вирустық инфекциялары (зостер герпесі туғызған кератиттерді қоспағанда)
- көз құрылымдарының зеңді инфекциялары мынадай: Mycobacterium tuberculosis, Mycobacterium leprae немесе Mycobacterium avium қышқылға төзімді микобактериялар туғызған, бірақ олармен шектелмейтін көздің микобактериялық инфекциялары
- ауыр іріңді инфекциялар
- 8 жастан кіші балалар
- жүктілік және лактация кезеңі
Дәрілермен өзара әрекеттесуі
Ықтимал дәрілік өзара әрекеттесуіне зерттеулер жүргізілген жоқ.
Кортикостероидтар мен жергілікті қолдануға арналған ҚҚСЗ бір мезгілде қолдану мөлдір қабық жазылғанда проблемаларды арттыруы ықтимал.
Ритонавирмен ем қабылдаған пациенттерде қан плазмасында дексаметазон концентрациясы артуы мүмкін.
Аминогликозидті (неомицинді) және басқа жүйелі, нейроуыттылық, отоуыттылық немесе нефроуыттылық әсері бар ішу арқылы немесе жергілікті қолдануға арналған дәрілік затты бірмезгілде және/немесе біртіндеп қолдану қосымша уыттылыққа әкеп соғуы мүмкін, мүмкіндігінше қолданбаған жөн.
Көзге тамызатын бірнеше препаратты пайдаланғанда оларды 10-15 минуттық аралықпен қолдану керек.
Айрықша нұсқаулар
Тек жергілікті (көзге) ғана қолдану керек, инъекция немесе ішу арқылы қабылдауға болмайды.
Неомицин және полимиксин В сияқты бактерияға қарсы препараттарды ұзақ қолдану тұрақты микроорганизмдер және зеңдер дамуын туғызуы мүмкін. Суперинфекция белгілері пайда болғанда препараты қолдануды тоқтатып, тиісті ем тағайындау керек.
Кейбір пациенттерде қолданылған жергілікті аминогликозидтерге жоғары сезімталдық байқалуы мүмкін. Сонымен қатар, басқа аминогликозидтерге айқаспалы сезімталдық пайда болуы мүмкін. Аса жоғары сезімталдықтың күрделі реакцияларының белгілері пайда болғанда осы препараты қолдануды тоқтату керек.
Құрамында неомицин сульфаты бар офтальмологиялық препараттарды қолданатын пациенттерде сақталатын немесе күшейетін көз ауыруы, қызаруы, ісінуі немесе тітіркенуі орын алса дәрігермен кеңескен жөн.
Неомицинмен жүйелі ем қабылдаған пациенттерде ашық жараларды немесе тері зақымдануларын жергілікті емдегенде нейроуыттылық, отоуыттылық және нефроуыттылықты қоса, күрделі жағымсыз реакциялар байқалған. Полимиксин В препаратын жүйелі қолданғанда сондай-ақ нейроуыттылық және нефроуыттылық реакциялары байқалған. Айдип көзге тамызатын дәрісін жергілікті қолданғанда бұл реакциялар байқалмаса да, препаратты жүйелі емдеуде аминогликозидпен немесе В полимиксинмен бірмезгілде тағайындағанда сақ болу керек.
Офтальмологиялық кортикостероидтарды ұзақ қолданғанда көзішілік гипертензия және/немесе глаукома, көру жүйкесінің зақымдануы, көру өткірлігінің төмендеуі және көру аймағының ақауларының азаюы, сондай-ақ артқы субкапсулярлы катаракта кейіннен пайда болуы дамуы мүмкін. Ұзақ офтальмологиялық кортикостероидтарды қабылдайтын пациенттерде көзішілік қысым тұрақты және жиі тексерілуі қажет. Жеке немесе отбасылық анамнезде глаукомасы бар пациенттерде кортикостероидтарден болған көзішілік қысым даму қаупі жоғары. Бұл әсіресе балалар үшін аса маңызды, өйткені кортикостероидтардан болған көзішілік гипертензия даму қауіп балаларда жоғары және ол ересектерден бұрын дамуы мүмкін.
Кортикостероидтар туғызған көзішілік гипертензия және/немесе катаракта пайда болу қаупі бейім пациенттерде артады (мысалы, қант диабеті).
CYP3A4 тежегіштерін қабылдаған (ритонавир және кобицистатты қоса) балалар мен пациенттерді қоса бейім пациенттерде Айдип препаратымен қарқынды және ұзақ үздіксіз емнен кейін, көзге тамызатын дәріден дексаметазон жүйелі сіңірілуімен байланысты Кушинг синдромы және/немесе бүйрекүсті безі функциясының бәсеңдеуі синдромы дамуы мүмкін. Мұндай жағдайда емдеуді біртіндеп тоқтату керек.
Мөлдір қабықтың немесе аққабықтың жұқаруын туғызатын ауруларда кортикостероидтарды қолдану тесілуге әкеп соғуы мүмкін.
Кортикостероидтар бактериялық, вирустық немесе зеңді инфекциялар дамуына төзімділікті төмендетуі, олардың клиникалық байқалуын жасыруы немесе Айдип көзге тамызатын дәрісі, суспензиясына аса жоғары сезімталдық реакцияларын бәсеңдетуі мүмкін. Осы препаратты қабылдап жүрген немесе қабылдаған мөлдір қабығының тесілген ойық жарасы бар пациенттерде зеңді инфекция болуы мүмкін. Егер зеңді инфекция дамыса, кортикостероидтармен емдеуді тоқтатқан жөн.
Герпес кератитінің даму қауіпіне жол бермеу үшін саңылаулы шамды пайдаланумен жиі тексерудің маңызы зор.
Жергілікті қолдануға арналған кортикостероидтар (көзге тамызатын дәрі) мөлдір қабық жарасының жазылуын баяулатуы мүмкін. Сонымен қатар, жергілікті қолдануға арналған қабынуға қарсы стероидті емес препараттар (ҚҚСП) жазылуды баяулататыны белгілі. Жергілікті ҚҚСП және жергілікті стероидтерды бірге қолдану жазылумен байланысты қиыншылықтарды туындатуы мүмкін.
Көру бұзылулары
Кортикостероидтарды жүйелі және жергілікті қолданғанда түрлі көру бұзылулары байқалуы мүмкін. Егер пациентте жүйелі және жергілікті кортикостероидтарды қолданған соң мынадай, бұлдырап көру немесе басқа (катарактаны, глаукоманы немесе орталық серозды хориоретинопатия сирек ауруларын қоса) симптомдар пайда болса, олардың даму себептерін анықтау үшін офтальмологқа қаралған жөн.
Көз инфекциясын емдеу кезінде жанаспалы линзаларды тағу ұсынылмайды, сондықтан пациенттерге Айдип көзге тамызатын дәрісімен емдеу кезінде жанаспалы линзаларды тақпау ұсынылады.
Айдип көзге тамызатын дәрісінің құрамында бензалконий хлориді бар, ол көзді тітіркендіруі және жұмсақ жанаспалы линзалардың түссізденуін туғызуы мүмкін. Егер пациенттерге жұмсақ жанаспалы линзаларды тағу рұқсат етілсе, Айдип көзге тамызатын дәрісін қолданар алдында жанаспалы линзаларды алу және препаратты тамызғаннан кейін 15 минут ішінде оларды тақпау қажеттігін түсіндіру керек.
Фертильділік, жүктілік және лактация кезеңі
Фертильділігі
Дәрілік препараттың еркектер мен әйелдердің фертильділігіне әсері туралы деректер жоқ.
Жүктілік
Дексаметазон, неомицин және полимиксин В препараттарын жүкті әйелдерде қолдану туралы деректер жоқ. Неомицин сияқты аминогликозидті антибиотиктер жүктілік кезінде вена ішіне енгізгеннен кейін плацента арқылы өтеді. Аминогликозидтерді жүйелі қолдану отоуыттылықты және нефроуыттылықты туғызады. Айдип препаратының төмен дозасын қолданғанда шаранаға неомициннен отоуыттылық және нефроуыттылық әсері күтілмейді. Кортикостероидтарды жүктілік кезінде ұзақ немесе қайта қолдану шарананың құрсақішілік өсуінің іркілуі қаупі жоғары болуымен байланысты. Аналары кортикостероидтардың үлкен дозасын қабылдаған балаларды гипоадренализм белгілерін анықтау үшін бақылау керек. Дексаметазонды жүйелі және жергілікті (көзге) қолданғаннан кейін ұрпақ өрбітуге уыттылық анықталды. В полимиксинді жүктілік кезінде қолданудың қауіпсіздігіне қатысты деректер жоқ.
Айдип көзге тамызатын дәрісін, суспензияны жұктілік кезінде қолдану ұсынылмайды.
Бала емізу
Бала емізетін әйелдер көзге тамызатын дәріні қолданғанда анна сүтінде дексаметазон, неомицин және В полимиксинінің бөлінетіні/бөлінбейтіні белгісіз. Жүйелі кортикостероидтар және аминогликозидтер сүтпен шығарылуы мүмкін, бала емізу кезінде қауіпті болуы мүмкін. Айдип көзге тамызатын дәріні, суспензияны қолданудың бала емізу және анасы үшін пайданың арақатысын ескере отырып, бала емізуді тоқтату/тоқтата тұру немесе емдеуді тоқтату туралы шешімді қабылдау керек.
Дәрілік заттың автокөлікті немесе қауіптілігі зор механизмдерді басқару қабілетіне ықпал ету ерекшеліктері
Айдип көзге тамызатын дәрі, суспензиясы автомобиль немесе және машиналарды басқару қабілетіне әсер етпейді немесе аздап әсер етеді, өйткені препаратты тамызғаннан кейін бұлдырап көру немесе көрудің басқа бұзылулары орын алады. Бұл жағдайда көлік жүргізердің немесе техникамен жұмыс істеудің алдында біршама уақыт және анық көргенге дейін күту қажет.
Артық дозалануы
Артық дозалануы жағдайлары байқалған. Дәрілік препараттың сипаттамасын ескере отырып, көзге тамызғаннан кейін немесе кездейсоқ ішіп алғанда препаратты артық дозалағанда күрделі уытты реакциялар байқалмайды.
Симптомдары: кейбір пациенттерде байқалған жағымсыз реакциялар - нүктелік кератит, эритема, көзден жастың мол ағуы, қабақтың ісінуі және қышыну.
Емі: Айдип көзге тамызатын дәрісі, суспензиясы препаратымен жергілікті артық дозалануында көзді/көздерді жылы сумен шаю керек.
Шығарылу түрі және қаптамасы
5 мл препараттан тамшылатқыш-тығын және алғашқы ашылуы бақыланатын бұрандалы пластик қалпақшамен жабылған ақ түсті пластик құтыға салынған.
1 құты мемлекеттік және орыс тіліндегі медициналық қолдану жөніндегі нұсқаулықпен бірге картон қорапшаға салынған.
Сақтау шарттары
Түпнұсқалық қаптамасында, 25°C-ден аспайтын температурада сақтау керек. Мұздатып қатыруға болмайды.
Балалардың қолы жетпейтін жерде сақтау керек!
Сақтау мерзімі
2 жыл.
Құтыны алғаш ашқаннан кейін сақтау мерзімі 25 °C-ден аспайтын температурада 28 күн.
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші / Қаптаушы
Balkanpharma-Razgrad AD,
Бульвар Апрельское Восстание, 68
7200 Разград, Болгария
Тіркеу куәлігінің ұстаушысы
Belinda Laboratories LLP.,
Астра Хаус, Арклоу Роуд,
Лондон, SE14 6EB, Ұлыбритания
Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері:
«Cepheus Medical» (Цефей Медикал) ЖШС: 050000, Қазақстан Республикасы, Алматы қ., Панфилов көш. 98, «OLD SQUARE» БО, телефон: +7 (727) 300 69 71, +7 777 175 00 99 (тәулік бойы),
электронды поштасы: cepheusmedical@gmail.com