Азипар™-500

• русский
• қазақша

• Скачать инструкцию медикамента

Саудалық атауы

Азипар™-250

Азипар™-500

Халықаралық патенттелмеген атауы

Азитромицин

Дәрілік түрі

Үлбірлі қабықпен қапталған таблеткалар, 250 мг немесе 500 мг

Құрамы

Бір таблетканың құрамында

белсенді зат – сусыз азитромицинге баламалы азитромицин 250 мг немесе

500 мг,

қосымша заттар: негізгі кальций фосфаты, натрий кросскармеллозасы, жүгері крахмалы, коллоидты кремнийдің қостотығы, повидон, микрокристалды целлюлоза, тальк, магний стеараты.

қабықтың құрамы: гидроксипропилметилцеллюлоза, макроголь, пропиленглюколь, титанның қостотығы (Е171), темірдің сары тотығы бояғышы (Е172), су.

Сипаттамасы

Ашық сары түсті үлбірлі қабықпен қапталған, дөңгелек екі жағы дөңес таблеткалар (екі доза үшін).

Фармакотерапиялық тобы

Микробтарға қарсы жүйелік пайдалануға арналған препараттар. Макролидтер, линкозамидтер және стрептограминдер. Макролидтер. Азитромицин.

АТХ коды J01FA10

Фармакологиялық қасиеттері

Фармакокинетикасы

Ішке қабылдағаннан кейін азитромицин тез сіңеді. Азитромициннің плазма ақуыздарымен байланысуы концентрацияға байланысты өзгеріп отырады және 0.02 мкг/мл-дегі 51%-дан 2 мкг/мл-дегі 7%-ға дейін төмендейді.

Азитромицин бүкіл организмге кең таралады. Азитромициннің тіндерге тез таралуы және жасушаішілік концентрациясының жоғары болуы препараттың тіндердегі концентрациясының плазмадағыдан немесе сарысудағыдан өте жоғары болуын қамтамасыз етеді.

Азитромициннің қан плазмасынан шығарылуы 2 сатыда жүреді: жартылай шығарылу кезеңі (Т1/2) препаратты қабылдағаннан кейін 8 сағаттан бастап 24 сағатқа дейінгі аралықта 14-20 сағатты және 24 сағаттан бастап 72 сағатқа дейінгі аралықта 41 сағатты құрайды, бұл препаратты тәулігіне 1 рет қолдануға мүмкіндік береді. Препарат негізінен өтпен бірге өзгермеген күйінде бөлініп шығады, аздаған бөлігі бүйректер арқылы шығарылады.

Фармакодинамикасы

АзипарТМ - макролидтер – азалидтер тобының әсер ету ауқымы кең бактериостатикалық антибиотигі. Микробтарға қарсы кең ауқымды әсерге ие. Азитромицин бактерия рибосомаларының 50s суббірлігімен байланысу арқылы бактериялық жасушалар ақуызының синтезін бұзады. Нуклеин қышқылы синтезіне әсер етпейді.

Азитромицин келесі микроорганизмдердің көптеген штаммдарына қатысты белсенді: Грамоң аэробтар - Staphylococcus aureus, Streptococcus agalactiae, Streptococcus pneumoniae, Streptococcus pyogenes, Streptococci (C,F,G топтары), Viridans тобының стрептококктары;

Грамтеріс аэробтар - Haemophilus ducreyi, Haemophilus influenzae, Moraxella catarrhalis, Neisseria gonorrhoeae, Bordetella pertussis, Legionella pneumophila;

Анаэробтық микроорганизмдер - Peptostreptococcus species, Prevotella bivia; Басқа да микроорганизмдер - Chlamydia pneumoniae, Chlamydia trachomatis, Mycoplasma pneumoniae, Ureaplasma urealyticum.

Қолданылуы

Препаратқа сезімтал микроорганизмдерден туындаған жұқпалы-қабыну ауруларында:

• тыныс алу жолдарының жоғарғы бөлімдерінің және оториноларингологиялық (ЛОР) ағзалардың жұқпаларында (ангина, синусит, тонзиллит, ортаңғы отит)

• жәншау

• тыныс алу жолдарының төменгі бөлімдерінің жұқпаларында (бактериялық және атипиялық пневмониялар, бронхит)

• урогенитальді жол жұқпаларында (создық және создық емес уретрит, цервицит)

• тері мен жұмсақ тін жұқпаларында (тілме, импетиго, екінші қайтара жұққан дерматоздар)

• Лайм ауруында (боррелиоз) бастапқы сатысын (erythema migrans) емдеу үшін

• асқазан мен он екі елі ішектің Helicobacter pylori-мен астасқан ауруларында.

Қолдану тәсілі және дозалары

АзипарТМ –ді тамақтанудан 1 сағат бұрын немесе тамақтанудан кейін 2 сағаттан соң қабылдаған жөн, тамақпен бірге қабылдауға болмайды.

Ересектерде:

Сезімтал микроорганизмдерден туындаған өкпенің ауырлығы жеңіл және ауыр дәрежелі созылмалы обструктивтік ауруларының асқынуын, ауруханадан тыс пневмонияны, фарингитті және тонзиллитті (екінші қатардағы ем ретінде) және тері мен жұмсақ тіндердің асқынбаған жұқпаларын емдеуге: алғашқы күні 1 рет 500 мг, содан кейін 2-5-ші күндері 250 мг-нан.

Еркектерде жыныс ағзаларының Haemophilus ducreyi-ден болған ойық жара ауруларын (шанкроид), C. trachomatis-ден болған гонококктік емес уретритті және цервицитті емдеуге: бір рет 1 г қабылдау.

Neisseria gonorrhoeae-ден болған уретритті және цервицитті емдеуге: бір реттік 2 г доза.

Дене салмағы 45 кг төмен 16 жастан үлкен балаларға препаратты дене салмағын ескере отырып тағайындайды. Дене салмағы 10 кг артық балаларға мынадай есеппен: 1 –ші күні дене салмағының әр кг-на - 10 мг-дан; одан кейінгі 4 күн - 5 мг/кг-дан. Емдеу курсы 3 күндік болуы мүмкін; бұл жағдайда бір реттік доза 10 мг/кг құрайды. (Курстық доза дене салмағының әр кг-на 30 мг-дан).

Жағымсыз әсерлері

Жиі (>1/100, < 1/10)

- жүректің айнуы, құсу, диарея, іш ауыруы

Жиі емес (>1/1000, < 1/100)

- сұйық нәжіс, метеоризм, ас қорытудың бұзылуы, тәбеттің жоғалуы

Сирек (>1/1000, < 1/100)

- бас ауыруы, бас айналуы, ұйқышылдық, құрысулар, дисгевзия

- тромбоцитопения

- озбырлану, қозу, мазасыздану, ашушаңдық, ұйқысыздық

- парестезиялар және астения

- естудің бұзылуы, кереңдік және құлақтағы шуыл

- тахикардия, қарыншалық тахикардиясы бар аритмия, torsade de pointes типті аритмия дамуымен қатар жүретін QT-пируэт аралығының ұзаруы

- тіл түсінің өзгеруі, іш қатуы, жалған жарғақшалы колит

- бауыр аминотрансферазасы, билирубин деңгейінің транзиторлық көтерілуі, холестатикалық сарғаю, гепатит

- өте жоғары сезімталдық реакциялары (қызару, тері бөртпесі, қышыну, есекжем, ангионевротикалық ісіну, фотосезімталдық), мультиформалы эритема, Стивен-Джонсон синдромы және уытты эпидермальді некролиз,

- артралгия

Өте сирек (>1/10000, < 1/1000)

- интерстициальді нефрит, бүйрек қызметінің жедел жеткіліксіздігі

- қажығыштық, конвульсиялар

- дәм және иіс сезімінің бұзылуы

- артралгиялар

- вагиниттер, кандидоз, супержұқпалар

- анафилактикалық шок оның ішінде ісіну (сирек жағдайларда өлімге соқтыратын)

Қолдануға болмайтын жағдайлар

– макролидтер тобының антибиотиктеріне жоғары сезімталдық

Дәрілермен өзара әрекеттесуі

Антацидтер Азипар™ сіңуін елеулі дәрежеде азайтады, сондықтан препаратты бұл препараттардан бір сағат бұрын немесе қабылдаудан екі сағат кейін қабылдауы керек. Макролидті антибиотиктер циклоспоринмен, астемизолмен, триазоламмен, мидазоламмен немесе альфентанилмен өзара әрекеттеседі. Бұл препараттарды бір уақытта қабылдағанда мұқият бақылау жүргізу ұсынылады.

Азитромицин Р-450 цитохромға әсер етпейді және сондықтан да теофиллинмен, терфенадинмен, карбамазепинмен, метилпреднизолонмен, диданосинмен және циметидинмен өзара әрекеттеспейді.

Азитромицинді және әсері тікелей емес антикоагулянттарды бір уақытта қолданғанда қан кетуі мүмкін. Сондықтан бұл арада протромбиндік уақытты бақылау қажет.

Азитромицин және дигоксинді біріктіргенде қандағы дигоксин концентрациясы жоғарылауы мүмкін, сондықтан қандағы дигоксин деңгейін бақылау және оның дозасын түзету керек.

Эрготизм дамуы мүмкіндігінен азитромицин және эрготамин препараттарын бір мезгілде тағайындау ұсынылмайды.

Зидовудин: азитромицин зидовудиннің қандағы белсенді фосфорланған метаболитінің концентрациясын арттырады. Алайда қазіргі уақытта бұл фармакокинетикалық өзара әрекеттесудің клиникалық маңызы түсініксіз.

Рифабутин: азитромицин мен рифабутинді үйлестіре қолдану олардың плазмалық концентрациясын өзгертпеді. Алайда бұл арада нейтропения бақыланды, жағымсыз реакциялар дамуы мен бұл біріктірілімді қолданудың арасындағы өзара себеп-салдарлы байланыс анықталмаған.

Айрықша нұсқаулар

Макролидтер тобының антибиотиктерін қабылдағанда мынадай жағымсыз әсерлер туралы мәлімделген: QT аралығының ұзаруы бар емделушілерде қарыншалық тахикардияны және дірілдеу-жыпылықтауды (қарыншалардың) қоса қарыншалық аритмия.

АзипарменТМ емдеу аясында сыртартқысында аритмия болған адамдарда дірілдеу-жыпылықтау (қарыншалардың) және одан кейінгі миокард инфарктісі өте сирек болуы мүмкін.

Жүрек аритмиясының және қарыншалардың дірілдеу-жыпылықтауының даму қаупін арттыратын жүректің реполяризациясы және QT аралығының ұзаруы басқа да макролидті антибиотиктермен емдеуде бақыланған.

Азитромициннің жүректің реполяризациясы ұзаруы қаупі жоғары емделушілерде осыған ұқсас әсерлері болуын толығымен жоққа шығаруға болмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратпен емдеу кезінде автокөлік жүргізуден және қауіптілігі зор қызмет түрлерімен айналысудан бас тартқан дұрыс.

Артық дозалануы

Симптомдары: естудің нашарлауы, жүректің қатты айнуы, құсу және диарея.

Емдеу: асқазанды шаю және симптоматикалық ем тағайындау керек.

Шығарылу түрі және қаптамасы

ПВХ үлбірден және алюминий фольгадан жасалған пішінді ұяшықты қаптамаға 6 (250 мг доза үшін) немесе 3 (500 мг доза үшін) таблеткадан қаптайды.

1 пішінді қаптамадан медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханадан босатылу шарттары

Рецепт арқылы

Өндіруші

Plethico Pharmaceuticals Ltd/ Плетхико Фармасьютикалз Лтд

Орналасқан мекенжайы:

A.Б. Роуд, Манглия - 453 771, Индор (М.П.), Үндістан

Заңды мекенжайы:

37/37А, Индастриал Истейт, Полограунд, Индор (М.П.), 452 015, Үндістан

Тіркеу куәлігінің иесі

Плетхико Фармасьютикалз Лтд, Үндістан

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

100009 Қарағанды қ-сы, Ермеков к-сі, 110/2

Тел.: /7212/ 48 16 44, 43 15 34, 43-15-63,48-17-67; тел./факс: /7212/ 48 17 44;

e-mail rezlov_ltd@mail.ru, rezlov-ltd@rambler.ru