Аденурик® 80 мг

Аденурик® 80 мг

Аденурик® 120 мг

Фебуксостат

Үлбірлі қабықпен қапталған таблеткалар

Бір таблетканың құрамында

белсенді зат: фебуксостат 80 мг немесе 120 мг

қосымша заттар:

Ядросы: лактоза моногидраты, гидроксипропилцеллюлоза, микрокристалды целлюлоза (Avicel PH101), микрокристалды целлюлоза (Avicel PH102), натрий кроскармеллозасы, магний стеараты, кремнийдің коллоидты гидратирленген қостотығы.

Қабығы: опадрай II сары 85F42129 (поливинил спирті, титанның қостотығы (Е 171), макрогол (3350), тальк, темірдің сары тотығы (Е 172))

Капсула пішінді бір жағында «80» (80 мг доза үшін) және «120» (120 мг доза үшін) таңбаланған ақшыл сарыдан сары түске дейінгі үлбірлі қабықпен қапталған таблеткалар.

Подаграға қарсы препараттар. Несеп қышқылын түзетін тежегіштер. Фебуксостат.

АТХ коды M04AA03

Фармакокинетикасы

80 мг және 120 мг

Дені сау еріктілерде фебуксостат үшін ең жоғары плазмалық концентрациясы (Cmax) және концентрация-уақыт қисығы астындағы аудан (AUC) препаратты 10 мг-ден 120 мг дейінгі дозада бір рет және бірнеше рет енгізгеннен кейін дозаға пропорционалды жоғарылаған. Фебуксостаттың 120 мг-ден 300 мг дейінгі дозаларында AUC-тің дозаға пропорционалдыға қарағанда артық жоғарылауы байқалды. Әрбір 24 сағатта 10 мг-240 мг дозада енгізген жағдайда препараттың жинақталуы байқалған жоқ. Фебуксостаттың жартылай шығарылуының болжамды орташа терминальді жартылай шығарылу кезеңі (t1/2) 5-8 сағатқа жуықты құрайды.

Аденурик® препаратын тәулігіне 1 рет 40 - 240 мг дозаларда қабылдаған гиперурикемия және подаграмен 211 пациенттің қатысуымен алынған деректер бойынша фармакокинетика/фармакодинамикасының популяциялық талдауы орындалды. Жалпы, фармакокинетикалық параметрлерінің алынған мәндері дені сау еріктілердегімен ұқсас болды, бұл, әрине, подаграсы бар пациенттерде препараттың фармакокинетикасы/фармакодинамикасын бағалау үшін жақсы модель болып табылады.

Сіңуі

Организмге түскеннен кейін фебуксостат айтарлықтай жылдам (tmax 1,0-1,5 сағ) және жақсы (84% кем емес) сіңеді. Фебуксостатты тәулігіне 1 рет 80 мг немесе 120 мг дозаларда бір рет немесе бірнеше рет ішке қабылдағаннан кейін Cmax сәйкесінше 2,8-3,2 мкг/мл және 5,0-5,3 мкг/мл құрайды. Фебуксостаттың таблетка түрінде абсолютті биожетімділігі талданған жоқ.

Майлы тағаммен бірге тәулігіне 1 рет 80 мг дозада көп рет қабылдағанда немесе 120 мг дозада бір рет қабылдағанда сәйкесінше Cmax 49% және 38%, ал AUC – 18% және 16% азаяды. Әйтсе де бұл несеп қышқылының сарысулық концентрациясының (80 мг дозада бірнеше рет қабылдағанда) төмендеу дәрежесінің клиникалық мәні бар өзгеруімен жүрген жоқ. Осылайша, Аденурик® препаратын ас қабылдауға байланыссыз қабылдауға болады.

Таралуы

10-300 мг дозада ішке қабылдағаннан кейін тепе тең жағдайда болжамды таралу көлемі (Vss/F) фебуксостат үшін 29-дан 75 л дейін ауытқиды. Плазма ақуыздарымен байланысу дәрежесі (негізінен альбуминмен) 99,2% жетеді және дозасын 80 мг-ден 120 мг дейін жоғарылатқанда өзгермейді. Препараттың белсенді метаболиттері үшін плазма ақуыздарымен байланысу дәрежесі 82%-дан 91% дейін ауытқиды.

Биотрансформациясы

Фебуксостат уридиндифосфатглюкуронилтрансферазаның (УГТ) қатысуымен конъюгация жолымен және P450 цитохромалар (CYP) жүйесі ферменттерінің қатысуымен тотығумен белсенді метаболизмге ұшырайды.

Фебуксостаттың барлығы төрт фармакологиялық белсенді гидроксильді метаболиттері сипатталған; олардың үшеуі адам плазмасынан бөлініп алынған. Адам бауыры микросомаларында жүргізілген in vitro зерттеулерде көрсетілгендей, осы тотығу метаболиттері негізінен CYP1A1, CYP1A2, CYP2C8 немесе CYP2C9 әсерімен түзіледі, ал фебуксостат глюкурониді негізінен УГТ 1A1, 1A8 және 1A9 әсерімен түзіледі.

Шығарылуы

Фебуксостат организмнен бауыр және бүйрек арқылы шығарылады. 14C-фебуксостатты 80 мг дозада ішке қабылдағаннан кейін шамамен 49% өзгермеген фебуксостат (3%), әсер етуші заттың ацилглюкурониді (30%), белгілі тотығу метаболиттері және олардың конъюгаттары (13%) және басқа белгісіз метаболиттері (3%) түрінде несеппен шығарылады. Бүйректік экскрециясынан басқа, шамамен 45% өзгермеген фебуксостат (12%), әсер етуші заттың ацилглюкурониді (1%), олардың белгілі тотығу метаболиттері және олардың конъюгаттары (25%) және басқа белгісіз метаболиттері (7%) түрінде нәжіспен шығарылады.

Бүйрек функциясының бұзылуы

Аденурик® препаратын 80 мг дозада бірнеше рет қабылдағанда бүйрек функциясының жеңіл, орташа немесе ауыр дәрежедегі бұзылуы бар пациенттерде бүйректің қалыпты функциясы бар пациенттермен салыстырғанда фебуксостаттың Cmax өзгеруі байқалған жоқ.

Фебуксостаттың орташа жалпы AUC бүйректің қалыпты функциясымен пациенттердегі 7,5 мкг·сағат/мл-ден бүйректің ауыр жеткіліксіздігімен пациенттердегі 13,2 мкг·сағат/мл-ге дейін шамамен 1,8 есе жоғарылады. Белсенді метаболитттердің Cmax және AUC сәйкесінше 2 және 4 есе жоғарылады. Сондықтан, бүйректің жеңіл немесе орташа дәрежедегі ауырлықтағы жеткіліксіздігі бар пациенттерде препарат дозасын түзету талап етілмейді.

Бауыр функциясының бұзылуы

Аденурик® препаратын 80 мг дозада бірнеше рет қабылдағанда бауырдың жеңіл (Чайлд-Пью шкаласы бойынша А класы) немесе орташа (Чайлд-Пью шкаласы бойынша В класы) дәрежедегі ауырлықтағы жеткіліксіздігі бар пациенттерде бауыр функциясы қалыпты пациенттермен салыстырғанда фебуксостаттың және оның метаболиттерінің Cmax және AUC айтарлықтай өзгерістері байқалған жоқ. Препаратқа бауырдың ауыр дәрежедегі жеткіліксіздігі бар (Чайлд-Пью шкаласы бойынша С класы) пациенттерде зерттеу жүргізілген жоқ.

Жасы

Аденурик® препаратын бірнеше рет ішке қабылдағанда егде жастағы пациенттерде дені сау жас еріктілермен салыстырғанда фебуксостаттың және оның метаболиттерінің AUC айтарлықтай өзгеруі байқалған жоқ.

Жынысы

Аденурик® препаратын бірнеше рет ішке қабылдағанда әйелдердегі фебуксостаттың Cmax және AUC сәйкесінше әйелдерде ерлермен салыстырғанда 24% және 12% жоғары болды. Әйтсе де дене салмағына қарай түзетілген Cmax және AUC екі топ үшін де ұқсас болды. Осыған байланысты препарат дозасын пациенттің жынысына қарай өзгертудің қажеті жоқ.

Фармакодинамикасы

80 мг және 120 мг

Несеп қышқылы адамда пуриндердің метаболизмінің ақырғы өнімі болып табылады және келесі реакциялар барысында түзіледі: гипоксантин  ксантин  несеп қышқылы. Аталған реакциялардың екі кезеңінде де ксантиноксидаза катализатор болып табылады. Фебуксостат 2-арилтиазолдың туындысы болып табылады. Оның емдік әсері ксантиноксидазаны селективті тежеу жолымен несеп қышқылының сарысулық концентрациясының азаюына негізделген. Фебуксостат ксантиноксидазаның селективті пуринді емес тежегіші (NP-SIXO) болып табылады, оның Ki (тежеу константасы) in vitro 1 нМ кемді құрайды. Фебуксостаттың айтарлықтай дәрежеде ксантиноксидазаның тотыққан, сондай-ақ қалпына келген түрлерінің белсенділігін бәсеңдететіні көрсетілген. Емдік концентрацияларда фебуксостат гуаниндезаминаза, гипоксантингуанинфосфорибозилтрансфераза оротатфосфорибозилтрансфераза, оротидинмонофосфатдекарбоксилаза немесе пуриннуклеозидфосфорилаза секілді пуриндер немесе пиримидиндер метаболизміне қатысатын басқа ферменттерге әсер етпейді.

Клиникалық тиімділігі мен қауіпсіздігі

Подагра

АДЕНУРИК препаратының тиімділігі негізгі үш зерттеудің 3 фазасында расталған (APEX және FACT екі негізгі зерттеу және CONFIRMS қосымша зерттеу төменде сипатталған), ол гиперурикемиясы мен подаграсы бар 4101 пациентті қамтыған. 3 фазаның осы негізгі зерттеулердің әрқайсысында АДЕНУРИК несеп қышқылының сарысулық концентрациясын барынша тиімді төмендетті және аллопуринолмен салыстырғанда оны қажетті деңгейде ұстап тұрды. Екі зерттеуде де тиімділігінің бастапқы ақырғы нүктесі оларда соңғы үш ай ішінде несеп қышқылының концентрациясы сарысуда 6,0 мг/дл (357 мкмоль/л) аспаған пациенттер үлесі болды. Нәтижелері АДЕНУРИК препаратына тіркеу куәлігі берілгеннен кейін қолжетімді болған 3-фазаның CONFIRMS қосымша зерттеуінде тиімділігінің бастапқы ақырғы нүктесі дәрігерге ақырғы қаралу сәтінде несеп қышқылының концентрациясы сарысуда 6,0 мг/дл аспаған пациенттер үлесі болды. Бұл зерттеулерге ағзаларды трансплантациялауды бастан өткерген пациенттер кірген жоқ.

APEX зерттеу: плацебо мен 3-фазада аллопуринолды бақылай отырып, фебуксостат тиімділігін зерттеу (Allopurinol and Placebo-Controlled Efficacy Study of Febuxostat, APEX) рандомизацияланған, салыстырмалы жасырын, 28 аптаға созылатын көп орталықты болды. Барлығы 1072 пациент рандомизацияланды: плацебо (n=134), АДЕНУРИК тәулігіне 1 рет 80 мг (n=267), АДЕНУРИК тәулігіне 1 рет 120 мг (n=269), АДЕНУРИК тәулігіне 1 рет 240 мг (n=134) немесе аллопуринол (тәулігіне 1 рет 300 мг (n=258) бастапқы сарысулық креатинин концентрациясы бар пациенттер үшін 1,5 мг/дл немесе тәулігіне 1 рет 100 мг (n=10) бастапқы сарысулық креатинин концентрациясы бар пациенттер үшін >1,5 мг/дл және 2,0 мг/дл). Қауіпсіздігін бағалау үшін фебуксостат 240 мг дозада (ең жоғары ұсынылған дозадан 2 есе жоғары) тағайындалды.

APEX зерттеуі несеп қышқылының сарысулық концентрациясы 6 мг/дл (357 мкмоль/л) төмендегенде әдеттегі дозада 300 мг (n = 258) /100 мг (n = 10) аллопуринолмен салыстырғанда АДЕНУРИК тәулігіне 1 рет 80 мг және АДЕНУРИК тәулігіне 1 рет 120 мг екі емдеу режимінде де статистикалық сенімді артықшылық көрсетті (2-кестені және 1-суретті қараңыз).

FACT зерттеу: 3 фазада аллопуринол-бақылаумен фебуксостат тиімділігін зерттеу (The Febuxostat Allopurinol Controlled Trial, FACT) рандомизацияланған, салыстырмалы жасырын, 52 апта ұзақтықпен көп орталықты болды. Барлығы 760 пациент рандомизацияланды: АДЕНУРИК тәулігіне 1 рет 80 мг (n=256), АДЕНУРИК тәулігіне 1 рет 120 мг (n=251) немесе аллопуринол тәулігіне 1 рет 300 мг (n=253).

FACT зерттеуі екі емдеу режимінде де статистикалық сенімді артықшылық көрсетті – несеп қышқылының сарысулық концентрациясы 6 мг/дл (357 мкмоль/л) төмендегенде 300 мг әдеттегі дозада аллопуринолмен салыстырғанда АДЕНУРИК тәулігіне 1 рет 80 мг және АДЕНУРИК тәулігіне 1 рет 120 мг.

1-кестеде тиімділігінің бастапқы ақырғы нүктесін бағалау нәтижелері ұсыныған.

1-кесте

Соңғы үш ай сайынғы дәрігерге қаралуда сарысудағы несеп қышқылының <6,0 мг/дл (357 мкмоль/л) концентрациясымен пациенттер үлесі

АДЕНУРИК несеп қышқылының сарысулық концентрациясын тез төмендетеді, сонымен қатар, бұл әсер ұзақ уақыт бойы сақталады. Сарысуда несеп қышқылы концентрациясының <6,0 мг/дл (357 мкмоль/л) төмендеуі зерттеудің екінші аптасында байқалып, емдеу бойына сақталды.

CONFIRMS зерттеу: CONFIRMS зерттеуі 25 аптаға созылатын 3-фазаның рандомизацияланған, бақыланған зерттеуі болып табылады, ол подаграсы мен гиперурикемиясы бар пациенттерде 300 мг және 200 мг дозада аллопуринолмен салыстырғанда 40 мг және 80 мг дозада фебуксостаттың қауіпсіздігі мен тиімділігін бағалау үшін жүргізілді. Барлығы 2269 пациент рандомизацияланды: АДЕНУРИК тәулігіне 1 рет 40 мг (n=757), АДЕНУРИК тәулігіне 1 рет 80 мг (n=756), немесе аллопуринол тәулігіне 1 рет 300/200 мг (n=756). Кемінде пациенттердің 65%-ында жеңілден орташа дәрежеге дейін бүйрек функциясының бұзылуы болды (креатинин клиренсі 30-89 мл/мин). Подагра ұстамасының профилактикасын жүргізу 25 аптадан асатын мерзімде міндетті болды.

Соңғы келгенде сарысуда несеп қышқылының концентрациясы <6,0 мг/дл (357 мкмоль/л) бар пациенттер үлесі 40 мг фебуксостат үшін 45%, 80 мг фебуксостат үшін 67% және тиісінше 300/200 мг аллопуринол үшін 42% құрады.

Бүйрек функциясы бұзылған пациенттердің қосалқы тобындағы бастапқы ақырғы нүкте

APEX зерттеуінде бүйрек функциясы бұзылған (яғни креатининнің бастапқы сарысулық концентрациясы >1,5 мг/дл және 2,0 мг/дл) 40 пациентте препараттың тиімділігі бағаланды. Аллопуринол тобына рандомизацияланған осындай пациенттерге препарат дозасы тәулігіне 1 рет 100 мг-ге дейін төмендетілді. Тиімділігінің бастапқы ақырғы нүктесіне аллопуринол тобында тәулігіне 1 рет 100 мг және плацебо тобында 0% салыстырғанда АДЕНУРИК тобында 44% пациентте (тәулігіне 1 рет 80 мг), 45% (тәулігіне 1 рет 120 мг) және 60% (тәулігіне 1 рет 240 мг) қол жеткізілді.

Бұл ретте дені сау қатысушыларда пайызбен бүйректің функционалдық жай-күйіне қарамастан (бүйрек функциясы қалыпты топта 58% және бүйрек функциясының ауыр бұзылуы бар топта 55%), несеп қышқылының сарысулық концентрациясының клиникалық елеулі айырмашылығы байқалған жоқ.

CONFIRMS зерттеуінің көмегімен бүйрек функциясы бұзылған және подаграсы бар пациенттерде жүргізілген проспективтік талдау фебуксостаттың айтарлықтай тиімді болғанын көрсетті – подаграсы бар және жеңілден орташа дәрежеге дейін бүйрек функциясы бұзылған пациенттерде (65% сыналатындар) 300/200 мг аллопуринолмен салыстырғанда сарысудағы несеп қышқылының деңгейі <6,0 мг/дл төмендеді.

Несеп қышқылының сарысулық концентрациясы ≥ 10 мг/дл пациенттердің қосалқы тобындағы ақырғы бастапқы нүкте

Несеп қышқылының бастапқы сарысулық концентрациясы ≥ 10 мг/дл шамамен 40% пациентте анықталды (APEX және FACT біріктірілген зерттеулері). Бұл пациенттер арасында тиімділігінің бастапқы ақырғы нүктесіне (соңғы 3 қаралуда несеп қышқылының сарысулық концентрациясы 6 мг/дл кем емес) тәулігіне 1 рет 300/100 мг аллопуринол тобында 9% және плацебо тобында 0% салыстырғанда АДЕНУРИК тобында 41% пациентте (тәулігіне 1 рет 80 мг), 48% пациентте (тәулігіне 1 рет 120 мг) және 66% пациентте (тәулігіне 1 рет 240 мг) қол жеткізілді.

CONFIRMS зерттеу деректері бойынша тиімділігінің бастапқы ақырғы нүктесіне қол жеткізген пациенттер үлесі (соңғы дәрігерге қаралуда несеп қышқылының сарысулық концентрациясы <6,0 мг/дл) тәулігіне 1 рет 40 мг фебуксостат қабылдаған несеп қышқылының бастапқы сарысулық концентрациясы ≥ 10 мг/дл пациенттер тобында тиісінше 27% (66/249), тәулігіне 1 рет 80 мг фебуксостат - 49% (125/254) және тәулігіне 1 рет 300 мг/200 мг аллопуринол қабылдағандарда -31% (72/230) болды.

Клиникалық негіздер: подагра ұстамасын емдеуді қажет ететін пациенттердің пайыздық үлесі

Apex зерттеу: 8 апталық профилактикалық кезең бойы подагра ұстамасын емдеуді қажет ететін 120 мг (36%) фебуксостаттың емдік тобындағы пациенттердің көп бөлігі 80 мг (28%) фебуксостат, 300 мг (23%) аллопуринол немесе плацебо (20%) қабылдаған пациенттермен салыстырылды. Ұстамалар жиілігі профилактикалық кезеңнен кейін жоғары болды және уақыт өте келе біртіндеп төмендеді. Сыналатындардың 46%-ден 55%-ға дейінгілеріне 8 аптадан және 28 аптадан подагра ұстамаларына емдеу жүргізілді. Соңғы 4 апта (24-28 апта) сынақ ішінде туындаған подагра ұстамалары 15% пациентте (фебуксостат 80, 120 мг), 14% пациентте (аллопуринол 300 мг) және 20% пациентте (плацебо) байқалды.

Fact зерттеу: 8 апталық профилактикалық кезең бойы подагра ұстамасын емдеуді қажет ететін 120 мг (36%) фебуксостаттың емдік тобындағы пациенттердің көп бөлігі 80 мг (22%) фебуксостат, 300 мг (21%) аллопуринол қабылдаған екі емдеу тобымен салыстырылды. 8 апталық профилактикалық кезеңнен кейін ұстамалар жиілігі арта түсті және уақыт өте келе біртіндеп төмендеді (8-52 аптада подагра ұстамасына қатысты ем қабылдаған сыналартындардың 64% және 70%-ы). Соңғы 4 апта (49-52 апта) сынақ ішінде туындаған подагра ұстамалары 6-8% пациентте (фебуксостат 80 мг, 120 мг) және 11% пациентте (аллопуринол 300 мг) байқалды.

Подаграның өршуін басуды қажет ететін пациенттер үлесі (APEX және FACT зерттеулері) несеп қышқылының орташа деңгейі соңғы 32 апта емдеуде (20-24 аптадан 49-52 аптаға дейін) ≥6,0 мг/дл құраған топтармен салыстырғанда емдегеннен кейін сарысудағы несеп қышқылының орташа концентрациясы <6,0 мг/дл, <5,0 мг/дл, немесе <4,0 мг/дл-ден төмен топтарда аз болды.

CONFIRMS зерттеу барысында подагра ұстамаларын емдеуді қажет ететін пациенттердің пайыздық үлесі (6 айдан кейін 1 күн) 31% -ды және тиісінше 80 мг фебуксостат пен аллопуринол қабылдаған топтарда 25%-ды құраған. Подагра ұстамаларын емдеуді қажет ететін пациенттер мен 80 мг және 40 мг фебуксостат қабылдаған топтар арасындағы арақатынаста айырмашылықтар байқалған жоқ.

Ұзақ мерзімдік кеңейтілген ашық зерттеулер

EXCEL (C02-021) зерттеу: Excel зерттеуі 3-фазаның негізгі зерттеулерінен (APEX немесе FACT) өткен пациенттерде қауіпсіздігін бағалау үшін жүргізілген 3-фаза қауіпсіздігінің үшжылдық, ашық, мультиорталықты, рандомизацияланған, кеңейтілген, аллопуринол бақыланатын зерттеу болып табылады. Зерттеуге барлығы 1 086 пациент қатысты: АДЕНУРИК тәулігіне 1 рет 80 мг (n=649), АДЕНУРИК тәулігіне 1 рет 120 мг (n=292) немесе аллопуринол тәулігіне 1 рет 300/100 мг (n=145). Шамамен 69% пациентте түпкілікті тұрақты емге қол жеткізу үшін емдеуді түзету қажет болған жоқ. Үш рет бірізді өлшегенде несеп қышқылының сарысулық концентрациясы деңгейлері >6.0 мг/дл құраған пациенттер зерттеуден шығарылды.

Несеп қышқылының сарысулық концентрация деңгейлері уақыт өте келе өзгерген жоқ (мысалы, бастапқыда тиісінше 80 мг және 120 мг дозада фебуксостат қабылдаған 91% және 93% пациентте несеп қышқылының сарысулық концентрация деңгейлері 36 айда 6.0 мг/дл аз құрады).

Үш жылдық бақылау деректері бойынша ұстамаларды емдеуді қажет еткен 4%-дан аз пациентте 16-24 айда және 30-36 айда (яғни 96%-дан астам пациентте ұстаманы емдеу қажеттілігі жоқ) подагра ұстамалары жиілігінің төмендеуі орын алды.

Тиісінше, тәулігіне 1 рет 80 немесе 120 мг дозада фебуксостатпен түпкілікті тұрақты ем қабылдаған 46% және 38% пациентте бастапқы пальпацияланатын тофустың бастапқы деңгейден соңғы дәрігерге қаралуға дейін толық жоғалуы орын алды.

FOCUS (TMX-01-005) зерттеуі TMX-01-004 сынақта салыстырмалы жасырын дозалаумен фебуксостатты 4 апталық қабылдау аяқталған пациенттерде жүргізілген 2-фаза қауіпсіздігінің бес жылдық, ашық, мультиорталықты, кеңейтілген зерттеу болып табылады. Бастапқыда тәулігіне 1 рет 80 мг фебуксостат қабылдаған 116 пациент қамтылды. 62% пациентте несеп қышқылының сарысулық концентрация деңгейлерін 6,0 мг/дл аз ұстап тұру үшін дозаны түзету қажет емес, ал 38% пациент түпкілікті тұрақты дозаға қол жеткізу үшін дозаны түзетуді қажет етті.

Несеп қышқылының сарысулық концентрация деңгейлері 6,0 мг/дл (357 мкмоль/л) аз болған пациенттер үлесі соңғы дәрігерге қаралуда фебуксостаттың әр дозасы үшін 80% (81-100%) көпті құрады.

Фебуксостат қабылдаған пациенттерде клиникалық зерттеулердің 3-фазасында бауыр көрсеткіштерінің аздап (5,0%) өзгеруі байқалды. Бұл өзгерістер жиілігі аллопуринол (4,2%) үшін осындаймен ұқсас болды. Ұзақ мерзімдік ашық кеңейтілген зерттеулерде фебуксостат (5,5%) немесе аллопуринол (5,8%) қабылдаған пациенттерде ұзақ уақыт бойы ТТГ (>5,5 мкМЕ/мл) деңгейінің жоғарылағаны байқалды.

Қосымша 120 мг доза үшін

Ісіктің ыдырау синдромы

АДЕНУРИК препаратын қолдану тиімділігі мен қауіпсіздігі ісіктің ыдырау синдромы профилактикасында және емдегенде FLORENCE (FLO-01) бағаланды. АДЕНУРИК аллопуринолмен салыстырғанда ураттар деңгейінің төмендеуіне қатысты жақсы және барынша тез әсер көрсетті.

FLORENCE сарысудағы несеп қышқылының концентрациясын бақылау жағдайындағы тәулігіне 1 рет 120 мг дозада АДЕНУРИК препараты мен тәулігіне 200-600 мг дозада аллопуринолды (аллопуринолдың орташа тәуліктік дозасы [± стандартты ауытқу]: 349,7 ± 112,90 мг) салыстыруға арналған рандомизацияланған (1:1), салыстырмалы жасырын, III фазаның тіректік сынағы болып табылады. Таңдап алынған пациенттер аллопуринолмен емдеуге үміткер болуы немесе расбуриказға қолжетімділігі болуы тиіс. Бастапқы ақырғы нүктелер сарысудағы несеп қышқылының қисық астындағы ауданы (AUC sUA1-8) және әрқайсысы 8 күнге дейінгі бастапқы деңгеймен сарысудағы креатининнің өзгеруі (sC) болып табылады.

Жалпы химиялық ем қабылдаған және ісіктің ыдырау синдромы дамуының орташа/жоғары қауіп дәрежесі бар қатерлі гематологиялық аурулары бар 346 пациент қамтылды. AUC sUA1‑8 (мгxч/дл) орташа мәні АДЕНУРИК қабылдаған кезде айтарлықтай төмен болды (708,0 ± 234,42 салыстырғанда 514,0 ± 225,71; әртүрлі болу үшін төменірек шаршының орташасы: -196,794 [сенімді аралықтың 95%-ы: -238,600; -154,988]; p = 0001). Бұдан әрі, несеп қышқылының орташа сарысулық деңгейі алғашқы 24 сағат емдеуден бастап, кез келген кейінгі уақыт сәттерінде АДЕНУРИК қабылдаған кезде айтарлықтай төмен болды. АДЕНУРИК пен аллопуринол арасында сарысулық креатининнің (%) орташа мөлшері бойынша статистикалық елеулі айырмашылық болған жоқ (тиісінше -4,92 ± 16,70 салыстырғанда -0,83 ± 26,98; әртүрлі болу үшін төменірек шаршының орташасы: 4,0970 [сенімді аралықтың 95%: -0,6467; 8,8406]; p = 0,0903). Екінші ақырғы нүктені ескере отырып, зертханалық расталған ісіктің ыдырау синдромының даму жиілігіне қатысты (АДЕНУРИК үшін және тиісінше аллопуринол үшін 8,1% және 9,2%; салыстырмалы қаупі: 0,875 [сенімді аралықтың 95%-ы: 0,4408; 1,7369]; p=0,8488) клиникалық манифестациямен ісіктің ыдырау синдромында да (АДЕНУРИК үшін және тиісінше аллопуринол үшін 1,7% және 1,2%; салыстырмалы қаупі: 0,994 [сенімді аралықтың 95%-ы: 0,9691; 1,0199]; p = 1,0000) статистикалық елеулі айырмашылығы болған жоқ. Емдеу барысында туындаған барлық белгілер мен симптомдар, сондай-ақ жағымсыз дәрілік реакциялар жиілігі АДЕНУРИК пен аллопуринол үшін сәйкесінше 64,7%-бен салыстырғанда 67,6%-ды және 6,4%-бен салыстырғанда 6,4%-ды құрады. FLORENCE зерттеуінде АДЕНУРИК соңғы препаратты қабылдауы тиіс пациенттерде аллопуринолмен салыстырғанда сарысудағы несеп қышқылы деңгейінің төмендеуіне қатысты жақсы және барынша тез әсер көрсетті. Қазіргі уақытта АДЕНУРИК пен расбуриказаны салыстыруға қатысты ешқандай дерек жоқ.

Фебуксостаттың тиімділігі мен қауіпсіздігі ісіктің жедел ауыр ыдырау синдромы бар пациенттерде, мысалы, ураттарды төмендету үшін емнің басқа түрлеріне жауап бермейтін пациенттерде анықталған жоқ.

80 мг:

- ураттардың кристалдарының жинақталуымен қатар жүретін аурулардағы созылмалы гиперурикемияны емдеуде (оның ішінде тофустар және/немесе подагралық артриттің қазіргі уақытта немесе анамнезде болуында)

120 мг:

АДЕНУРИК ураттардың кристалдарының жинақталуымен қатар жүретін аурулардағы созылмалы гиперурикемияны емдеуге арналған (оның ішінде тофустар және/немесе подагралық артриттің қазіргі уақытта немесе анамнезде болуында).

АДЕНУРИК қатерлі гематологиялық ауруларға қатысты химиямен емдеу препараттарын қабылдайтын, ісіктің ыдырау синдромының (ІЫС) жоғары және орташа даму қаупі бар ересек пациенттерде гиперурикемияның профилактикасы мен емдеуге арналған.

АДЕНУРИК ересектерге арналған.

Қолдану тәсілдері және дозалары

80 мг және 120 мг

Дозалануы

Подагра: АДЕНУРИК препаратының ұсынылған дозасы ас қабылдауға байланыссыз ішке, тәулігіне 1 рет 80 мг құрайды. Егер қан сарысуындағы несеп қышқылының концентрациясы 2-4 апта емдеуден кейін 6 мг/дл (357 мкмоль/л) жоғары болса, АДЕНУРИК препаратының дозасын тәулігіне 1 рет 120 мг дейін жоғарылатуға болады.

АДЕНУРИК препаратының әсері айтарлықтай тез басталады, ол 2 аптадан кейін несеп қышқылының сарысулық концентрациясын қайталап анықтауға мүмкіндік береді. Емнің мақсаты несеп қышқылының концентрациясын азайту және оны 6 мг/дл (357 мкмоль/л) төмен деңгейде демеп тұру болып табылады.

Подагра ұстамасы профилактикасының ұзақтығы 6 айдан кем еместі құрайды.

120 мг доза үшін тек:

Ісікке қарсы химиямен емдеу препараттарын қабылдайтын пациенттерде профилактика және емдеу.

Ісіктің ыдырау синдромы: АДЕНУРИК препаратының ұсынылатын дозасы ас ішуге байланыссыз тәулігіне 1 рет ішке 120 мг құрайды.

АДЕНУРИК препаратын қабылдауды цитоуытты емді бастағанға дейін екі тәулік бұрын бастау керек және кемінде 7 тәулік бойы жалғастыру қажет; алайда емдеу ұзақтығы химиямен емдеу ұзақтығына, сондай-ақ клиникалық бағалауға байланысты 9 тәулікке дейін ұзартылуы мүмкін.

Арнайы популяциялар

Егде жастағы пациенттер

Егде жастағы пациенттерде препарат дозасын өзгерту талап етілмейді.

Бүйрек жеткіліксіздігі

Бүйрек функциясының ауыр бұзылуы бар пациенттерде (креатинин клиренсі <30 мл/мин) препараттың тиімділігі мен қауіпсіздігі жеткіліксіз зерттелген.

Бүйрек функциясының жеңіл немесе орташа дәрежедегі бұзылуы бар пациенттерде препарат дозасын түзету талап етілмейді.

Бауыр функциясының бұзылуы

Бауыр функциясының ауыр бұзылуы бар пациенттерде (Чайлд-Пью шкаласы бойынша С класы) фебуксостаттың тиімділігі мен қауіпсіздігіне зерттеулер жүргізілген жоқ.

Подагра: Бауыр функциясының жеңіл дәрежедегі бұзылуында препараттың ұсынылған дозасы 80 мг. Препаратты бауыр функциясының орташа дәрежедегі бұзылуында қолдану тәжірибесі шектеулі.

Ісіктің ыдырау синдромы: ІІІ фазаның тіректік зерттеуінде (FLORENCE) сынаққа қатысудан бауырдың ауыр жеткіліксіздігі бар пациенттер ғана шығарылды. Бауыр функциясы бұзылған қосылған екі пациент үшін дозаны түзету қажет емес.

Балалар мен жасөспірім пациенттер

Балалар мен 18 жасқа толмаған жасөспірімдерде АДЕНУРИК препаратының тиімділігі мен қауіпсіздігі анықталмаған. Сәйкес деректер жоқ.

Қолдану тәсілі

Ішке

АДЕНУРИК препараты ас ішуге байланыссыз ішке қабылданады.

80 мг және 120 мг

Препараттың қауіпсіздік бейініне шолу

Клиникалық сынақ жүргізгенде (10 мг-ден 300 мг дейін доза қабылдаған 4072 сыналатындар) және маркетингтен кейінгі бақылау деректері бойынша жиірек кездесетін жағымсыз әсерлері подагра ұстамалары, бауыр функциясының бұзылуы, диарея, бас ауыруы, жүрек айнуы, бөртпе және ісінулер болды. Аталған жағымсыз әсерлері негізінен жеңіл немесе орташа ауырлықта болды. Кейбірі жүйелі симптомдармен байланысқан фебуксостатқа сирек кездесетін ауыр аса жоғары сезімталдық реакциялары постмаркетингтік бақылау кезеңінде тіркелген.

Жағымсыз реакциялар кестесі

Төменде фебуксостат қабылдаған пациенттерде орын алған жиі ( ≥ 1/100-ден < 1/10 дейін), жиі емес ( ≥ 1/1000-нан < 1/100 дейін) және сирек ( 1/10 000-нан < 1/1000 дейін) жағымсыз реакциялар атап көрсетілген.

Әр топта даму жиілігі бойынша жағымсыз әсерлер ауырлық дәрежесі кемуі тәртібімен ұсынылған.

2-кесте. Біріктірілген рандомизацияланған кеңейтілген ұзақ мерзімдік зерттеулердің 3-фазасында және постмаркетингтік бақылау кезеңінде байқалған жағымсыз реакциялар

• * Постмаркетингтік бақылау кезеңінде байқалған жағымсыз әсерлері

• ** Емдеу кезінде туындаған инфекциялық емес диарея және біріктірілген сынақтардың III фазасында байқалған бауыр тарапынан болатын бұзылулар колхицинмен қатар емдеу кезінде байқалды

• *** Жеке рандомизацияланған бақыланатын зерттеулердің 3-фазасында байқалған подагра ұстамаларының жиілігіне қатысты фармакодинамика бөлімін қараңыз

Кейбір жағымсыз реакцияларының сипаттамасы

Постмаркетингтік бақылау кезеңінде Стивенс-Джонсон синдромы, токсикодермальді некролиз және анафилаксиялық реакция/шокты қоса, фебуксостатқа аса жоғары сезімталдықтың сирек ауыр реакциялары орын алды. Стивенс-Джонсон синдромы, токсикодермальді некролиз өршудегі тері бөртпесінің буллезді зақымдануы немесе шырышты қабықтың зақымдануымен, сондай-ақ көздің тітіркенуімен бірге пайда болуымен сипатталады. Фебуксостатқа жоғары сезімталдық реакциясы келесі симптомдармен байқалуы мүмкін: инфильтративті макуло-папулезді бөртулермен сипатталатын тері реакциялары, жайылған немесе эксфолиативті бөртпе, сондай-ақ терінің зақымдануы, беттің ісінуі, қызба, тромбоцитопения және эозинофилия секілді қан түзу ағзалары тарапынан болатын бұзылуларр, сондай-ақ бір немесе бірнеше ағзалардың қамтылуы (тубулоинтерстициальді нефритті қоса бауыр және бүйрек).

Подагра ұстамалары әдетте емді бастағаннан кейін дереу және алғашқы айлар ішінде байқалған. Содан кейін, уақыт өте келе подагра ұстамаларының жиілігі төмендеді. Подагра ұстамаларының профилактикасы ұсынылады.

Ісіктің ыдырау синдромы

Препараттың қауіпсіздік бейініне шолу

Фебуксостат пен аллопуринол салыстырылған 3-фазаның рандомизацияланған салыстырмалы жасырын зерттеуінде (FLORENCE (FLO-01)) (ісіктің ыдырау синдромы дамуының жоғары және орташа қаупі бар қатерлі гематологиялық ауруларға қатысты химиямен емдеу препараттарын қабылдайтын 346 пациент) тек 22 (6,4%) пациентте, атап айтқанда әр топта 11 (6,4%) пациентте жалпы алғанда жағымсыз реакциялар орын алды. Жағымсыз реакциялардың көбі жеңіл немесе орташа болды.

Жалпы, FLORENCE сынағында келесі үш жағымсыз реакцияны қоспағанда (жоғарыда 1-кестеде келтірілген) подаграда АДЕНУРИК препаратын қолданудың алдыңғы тәжірибесіне қосымша қауіпсіздігіне қатысты қандай да бір ерекшеліктер анықталған жоқ.

Жүрек тарапынан болатын бұзылулар:

Кейде: Гис будасының сол жақ тармақшасының блокадасы, синустық тахикардия

Қантамыр жүйесі тарапынан болатын бұзылулар:

Кейде: қан кету

Ықтималды жағымсыз реакциялар туралы хабарламалар

Дәрілік препаратты тіркегеннен кейін ықтималды жағымсыз әсерлері туралы хабарламалар маңызды рөл атқарады. Бұл осы дәрілік затқа қатысты «пайда/қауіп» арақатынасын бақылауды жалғастыруға мүмкіндік береді. Денсаулық сақтау саласының қызметкерлерінен ұлттық хабарлау жүйесі арқылы кез келген ықтималды жағымсыз әсерлері туралы хабарлау талап етіледі.

- әсер етуші затқа немесе қосымша заттардың кез келгеніне аса жоғары сезімталдық

- галактозаны көтере алмаушылықпен, туа біткен лактаза жеткіліксіздігімен немесе глюкоза/галактоза сіңуінің бұзылуымен байланысты сирек тұқым қуалайтын аурулар бар пациенттер.

80 мг және 120 мг

Меркаптопурин/азатиоприн

Фебуксостаттың әсер ету механизмін (ксантиноксидазаны тежеу) ескере отырып, бірге тағайындау ұсынылмайды. Ксантиноксидазаны фебуксостатпен тежеу аталған препараттардың концентрациясының жоғарылауын туғызуы мүмкін, бұл олардың уытты әсеріне әкеледі. Ксантиноксидазамен метаболизденетін препараттармен өзара әрекеттесуіне зерттеулері жүргізілген жоқ.

Фебуксостаттың цитоуытты химиялық препараттармен өзара әрекеттесуіне зерттеулер жүргізілген жоқ.

Ісіктің ыдырауы синдромында тіректік сынақтар жүргізу барысында түрлі режимде химиялық ем алатын, соның ішінде моноклональді антиденелер қабылдайтын пациенттерге фебуксостат тәулігіне 120 мг дозада тағайындалды. Алайда, бұл зерттеуде дәрілік препараттар немесе дәрілік препарат пен ауру арасында өзара әрекеттесулер зерттелген жоқ. Сондықтан бір мезгілде тағайындалатын кез келген цитоуытты препаратпен ықтималды өзара әрекеттесуін жоққа шығаруға болмайды.

Росиглитазон/ CYP2C8 субстраттары

In vitro деректері бойынша фебуксостат CYP2C8 әлсіз тежегіші болып табылады. Дені сау еріктілерде жүргізілген зерттеулерде күніне 1 рет 120 мг фебуксостат пен росиглитазонның 4 мг бір реттік дозасын бір мезгілде ішке қабылдағанда in vivo CYP2C8-ге фебуксостаттың тежегіш әсерін көрсететін росиглитазон мен оның метаболиті N-дисметил росиглитазонның фармакокинетикасына әсері байқалған жоқ. Осылайша, фебуксостат пен росиглитазонды немесе CYP2C8 басқа субстраттарын бір мезгілде қабылдағанда осы препараттардың дозасын түзету қажет емес.

Теофиллин

Ксантиноксидазаның тежелуі қандағы теофиллин концентрациясының жоғарылауымен қатар жүруі мүмкін-мүмкін еместігін бағалау үшін (ксантиноксидазаның басқа тежегіштері үшін хабарланған) дені сау адамдарда фебуксостатқа зерттеу жүргізілді. Зерттеу нәтижелері тәулігіне 1 рет 80 мг фебуксостатты және теофиллиннің бір реттік 400 мг дозасын бір мезгілде қабылдағанда теофиллиннің фармакокинетикасына немесе қауіпсіздігіне әсері байқалған жоқ. Сондықтан 80 мг фебуксостатты және теофиллинді бір мезгілде қабылдағанда ерекше сақтық шаралары қажет емес. 120 мг фебуксостат үшін мәлімет жоқ.

Напроксен және басқа да глюкуронизацияның тежегіштері

Фебуксостаттың метаболизмі уридиндифосфат-глюкуронилтрансфераза (УГТ) ферментінің белсенділігіне байланысты. Глюкуронизация үдерісін басатын дәрілік препараттар, мысалы ҚҚСД және пробеницид, іс жүзінде фебуксостаттың шығарылуын өзгертуі мүмкін. Дені сау еріктілерде фебуксостат пен напроксенді 250 мг-ден тәулігіне 2 рет бір мезгілде тағайындағанда фебуксостаттың әсерінің (Cmax (ең жоғары плазмалық концентрациясы) - 28%, ҚАА - 41% және t1/2 (жартылай шығарылу уақыты) - 26%) күшеюі байқалған. Клиникалық зерттеулерде напроксен немесе басқа ҚҚСД/ЦОГ-2 тежегіштерін қолдану жағымсыз әсерлерінің клиникалық мәні бар күшеюімен жүрген жоқ.

Осылайша, фебуксостатты напроксенмен бір мезгілде препарат дозасын өзгертпей тағайындауға болады.

Глюкуронизациялау индукторлары

УГТ-нің күшті тежегіштері метаболизмді күшейтуі және фебуксостаттың тиімділігін азайтуы мүмкін. Глюкуронизациялаудың күшті индукторларын қабылдайтын пациенттерде осындай біріктірілген емнен кейін 1-2 аптадан соң несеп қышқылының сарысулық концентрациясын бақылау ұсынылады. Глюкуронизациялау индукторын қабылдауды тоқтатқаннан кейін фебуксостаттың плазмалық концентрациясы жоғарылауы мүмкін.

Колхицин/индометацин/гидрохлортиазид/варфарин

Фебуксостатты препараттардың дозасын өзгертпей-ақ колхицинмен немесе индометацинмен бір мезгілде тағайындауға болады.

Сондай-ақ гидрохлортиазидпен бір мезгілде тағайындағанда фебуксостаттың дозасын өзгерту талап етілмейді.

Фебуксостатты варфаринмен бір мезгілде тағайындағанда соңғысының дозасын өзгерту қажет емес. Дені сау еріктілерде фебуксостатты варфаринмен қабылдау (тәулігіне 80 мг немесе 120 мг) варфариннің фармакинетикасына әсер еткен жоқ. Фебуксостатпен бір мезгілде қабылдау сондай-ақ МНО және VII фактордың белсенділігіне әсер еткен жоқ.

Дезипрамин/ CYP2D6 субстраттары

In vitro зерттеулерден алынған деректер бойынша, фебуксостат CYP2D6 әлсіз тежегіші болып табылады. АДЕНУРИК препаратын 120 мг дозада тәулігіне 1 рет қабылдау аясында дені сау еріктілерде жүргізілген зерттеулерде дезипраминнің (CYP2D6 субстраты) ҚАА 22%-ға жоғарылауы байқалған, ол фебуксостаттың in vivo әлсіз тежейтін әсерін білдіреді. Осылайша, фебуксостат пен CYP2D6 субстраттарын бір мезгілде тағайындағанда препарат дозасын өзгерту қажет емес.

Антацидтер

Құрамында магний гидроксиді немесе алюминий гидроксиді бар антацидтермен бір мезгілде қабылдағанда фебуксостаттың баяу сіңуі (шамамен 1 сағатқа) және Cmax 32%-ға азаюы байқалады, әйтсе де препараттың ҚАА айтарлықтай өзгермейді. Осылайша, фебуксостатты антацидтермен бір мезгілде қабылдауға болады.

80 мг және 120 мг

Жүрек-қантамыр аурулары

Созылмалы гиперурикемияны емдеу

Фебуксостатты жүректің ишемиялық аурулары немесе іркілісті жүрек жеткіліксіздігі бар пациенттерде қолдануға болмайды.

APEX және FACT зерттеулерінде, фебуксостаттың жалпы тобында аллопуринол тобымен салыстырғанда зерттеушілер CONFIRMS зерттеуге қарағанда (зерттеудің толық сипаттамасын фармакодинамикасы бөлімінен қараңыз) жүрек-қантамыр жүйесі тарапынан болатын бұзылыстар санының артуы туралы хабарлады АЕБАТ (жүрек-қантамыр аурулары, өліммен аяқталмайтын миокард инфарктісі, өліммен аяқталмайтын инсультті қоса, тромбоцитке қарсы емнің біріккен талдауы бойынша топта ақырғы нүктесін анықтау (ТҚЕБТТ)) (100 пациент - жыл (ПЖ) 0,3 жағдаймен салыстырғанда 1,3). Зерттеушілер хабарлағандай жүрек-қантамыр жүйесі тарапынан болатын бұзылулар жиілігі АЕБАТ, 3 фазаның біріктірілген зерттеулерінде (APEX, FACT және CONFIRMS зерттеулері) 100 пациент-жылға 0,6 жағдай жиілігімен салыстырғанда 0,7 құрады. Ұзаққа созылатын кең масштабты зерттеулер аясында зерттеушілер хабарлаған жүрек-қантамыр жүйесі тарапынан болатын бұзылулар жиілігі АЕБАТ фебуксостат пен аллопуринол үшін 100 пациент-жылға тиісінше 1,2 және 0,6 жағдайды құрады. Айырмашылықтар статистикалық нақты болған жоқ және көрсетілген бұзылыстар мен фебуксостат арасында себеп-салдарлық байланыс болған жоқ. Қауіп факторлары ретінде осындай пациенттерде атеросклероз және/немесе миокард инфарктісі немесе анамнезінде іркілісті жүрек жеткіліксіздігі негізінде туындаған аурулардың болуы анықталған.

Ісіктің ыдырау синдромының (ІЫС) даму қаупі бар пациенттерде гиперурикемия профилактикасы және емдеу (СРО)

АДЕНУРИК қабылдайтын қатерлі гематологиялық ауруларға қатысты химиямен емдеу препараттарын қабылдайтын ісіктің ыдырау синдромының жоғары және орташа даму қаупі бар пациенттер клиникалық қажеттілік болғанда кардиологтың бақылауында болуы тиіс.

Аллергия/дәрілік препаратқа аса жоғары сезімталдық

Постмаркетингтік бақылау кезеңінде өмірге қауіп төндіретін Стивенс-Джонсон синдромын, токсикодермальді некролиз және жедел анафилаксиялық реакция/шокты қоса, ауыр аллергиялық реакциялар/ аса жоғары сезімталдық реакциялары туралы сирек хабарламалар орын алды. Көп жағдайда бұл реакциялар фебуксостатпен емдеудің алғашқы айы бойы жүреді. Мұндай пациенттердің барлығы емес кейбірі бүйрек жеткіліксіздігінің және/немесе аллопуринолға алдыңғы аса жоғары сезімталдық болуын хабарлады. Кейбір жағдайларда ауыр аса жоғары сезімталдық реакцияларында, соның ішінде эозинофилия және жүйелі симптомдары (DRESS) бар дәрілік реакция синдромында патологиялық үдерісте қызба, қан, бүйрек немесе бауыр талдауы көрсеткішінің өзгеруі орын алды.

Пациенттер аллергиялық реакциялар/ аса жоғары сезімталдық реакциялары белгілері мен симптомдары туралы хабардар болуы және аллергиялық реакциялар/ аса жоғары сезімталдық реакциялары симптомдарына қатысты мұқият бақылауда болуы тиіс. Стивенс-Джонсон синдромын қоса, ауыр аллергиялық реакциялар/ аса жоғары сезімталдық реакциялары туындаған жағдайда фебуксостатпен емдеуді дереу тоқтату қажет, бұл препаратты қабылдауды ерте тоқтатқанда болжамды жақсартады. Пациентте Стивенс-Джонсон синдромын және жедел анафилаксиялық реакцияны/шокты қоса, аллергиялық реакциялар/ аса жоғары сезімталдық реакциялары туындаған жағдайда ол фебуксостат қабылдауды ешқашан жаңғыртпауы тиіс.

Подаграның асқынуы (ұстамасы)

Фебуксостатпен емдеуді тек подаграның өршуін басқаннан кейін бастау керек. Препарат емнің басында ураттардың тіндік деподан шығарылуымен жүретін несеп қышқылының концентрациясын өзгерту арқылы, подаграның ұстамаларына түрткі болуы мүмкін. Фебуксостатпен емдеудің басында ҚҚСД немесе колхицинді подагра ұстамасының профилактикасы үшін кем дегенде 6 айға тағайындау ұсынылады.

Фебуксостатты қабылдау аясында ұстамалары дамыған жағдайда емді жалғастырады. Бір мезгілде подаграның өршуіне тиісінше ем жүргізіледі. Фебуксостатты ұзақ уақыт қабылдағанда подагра ұстамасының жиілігі мен ауырлығы азаяды.

Ксантиндердің жинақталуы

Ураттардың жеделдетілген түзілуі бар пациенттерде (мыс., қатерлі жаңа түзілімдер аясында немесе Леш-Нихан синдромында) сирек жағдайларда ксантиндердің несеп шығару жолдарында жинақталуымен жүретін олардың несептегі абсолютті концентрациясы айтарлықтай жоғарылауы мүмкін. Бұл ісіктің ыдырау синдромында АДЕНУРИК препаратын тіректік клиникалық зерттеу барысында байқалған жоқ.

Фебуксостатты қолдану тәжірибесі болмағандықтан, оны Леш-Нихан синдромында пациенттерге қолдануға болмайды.

Меркаптопурин/азатиоприн

Фебуксостатты меркаптопурин/азатиоприн қабылдайтын пациенттерге тағайындау ұсынылмайды.

Егер біріктіріп қабылдау қажет болса, пациентті мұқият бақылау керек. Олардың қан түзетін жүйеге әсер ету мүмкіндігін болдырмау мақсатында, меркаптопурин немесе азатиоприннің дозасын төмендету ұсынылады.

Ағзалар трансплантациясын өткерген пациенттер

Ағзалардың трансплантациясын өткерген пациенттерде фебуксостатты қолдану тәжірибесі жоқ, сондықтан осындай пациенттерге препаратты қолдану ұсынылмайды.

Теофиллин

Фебуксостаттың 80 мг бір реттік дозасын және теофиллиннің 400 мг дозасын бір мезгілде қабылдағанда дені сау адамдарда қандай да бір фармакокинетикалық өзара әрекеттесу байқалған жоқ. 80 мг фебуксостатты теофиллиннің плазмадағы концентрациясының жоғарылау қаупінсіз теофиллинді бір мезгілде қабылдайтын пациенттерге тағайындауға болады. 120 мг фебуксостат үшін деректер жоқ.

Бауыр аурулары

Фебуксостат қабылдаған пациенттерде біріктірілген клиникалық зерттеулердің үшінші сатысында бауыр көрсеткіштерінің азғана өзгерістері байқалды (5,0%). Осыған байланысты фебуксостатты тағайындағанға дейін функционалдық бауыр көрсеткіштерін тексеру ұсынылады, содан соң көрсетілімдері болғанда уақытында емдеу қажет.

Қалқанша без аурулары

Ұзаққа созылатын кеңейтілген ашық зерттеулерде фебуксостат қабылдаған пациенттерде ұзақ уақыт бойы (5,5%) ТТГ (>5,5 мкХБ/мл) жоғарылауы байқалды. Сондықтан препаратты қалқанша без функциясының бұзылуы бар пациенттерге сақтықпен тағайындау керек.

Лактоза

Фебуксостат таблеткаларының құрамында лактоза бар. Галактозаны көтере алмаушылықпен, туа біткен лактаза жеткіліксіздігімен немесе глюкоза/галактоза сіңуінің бұзылуымен байланысты сирек туа біткен аурулары бар бар пациенттерге фебуксостат қолдануға болмайды.

Жүктілік және лактация

80мг және 120 мг

Жүктілік

Фебуксостатты жүктілік кезінде қолданудың шектелген тәжірибесі препараттың жүктіліктің ағымына және шарана/жаңа туған нәрестенің денсаулығына жағымсыз әсерінің жоғын білдіреді. Жануарларға жүргізілген зерттеулерде препараттың жүктіліктің ағымына, эмбрион/шарананың дамуына және босану процесіне тікелей немесе жанама жағымсыз әсерлері байқалған жоқ. Препараттың адам үшін әлеуетті қаупі белгісіз. Осыған байланысты фебуксостатты жүктілік кезінде қолдануға болмайды.

Бала емізу

Фебуксостаттың адамда емшек сүтіне бөлінетіні белгісіз. Жануарларға жүргізілген зерттеулерде препараттың әсер етуші заты емшек сүтіне өтетіні және емшек еметін нәрестелердің дамуына теріс әсер көрсетуі байқалған. Осылайша, препараттың емшектегі балаларға қаупін жоққа шығаруға болмайды. Осыған байланысты фебуксостатты емшекпен қоректендіруде қолдануға болмайды.

Фертильділік

Препаратты тәулігіне 48 мг/кг дейін дозада қолданумен фертильділікті жануарларда зерттеуде жағымсыз әсерлерінің дозаға тәуелділігі байқалған жоқ. АДЕНУРИК препаратының адамның ұрпақ өрбіту функциясына әсері белгісіз.

Фебуксостатпен емделу аясында ұйқышылдық, бас айналуы, парестезиялар және көрудің бұлыңғырлануының пайда болуы туралы хабарлар бар.

Осыған байланысты АДЕНУРИК қабылдайтын пациенттерге АДЕНУРИК препаратының осы қызметтерге жағымсыз әсерлерінің жоғына көз жеткізгенше көлік құралдарын басқару, механизмдермен жұмыс жасау және қауіп факторларымен байланысты қызметтермен айналысуда сақтық шараларын орындау керек.

Симптомдары: жағымсыз реакцияларының күшеюі.

Емі: симптоматикалық.

Шығарылу түрі және қаптамасы

14 таблеткадан поливинилхлорид/Aclar үлбірден және алюминий фольгадан жасалған пішінді ұяшықты қаптамаға салынған.

1 немесе 2 пішінді қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынған.

30о С-ден аспайтын температурада сақтау керек.

Балалардың қолы жетпейтін жерде сақтау керек!

3 жыл

Жарамдылық мерзімі өткеннен кейін пайдалануға болмайды.

Рецепт арқылы

Өндіруші

Менарини – Фон Хейден ГмбХ, Германия

Менарини Интернэшнл Оперейшнз Люксембург С.А.

1, Авеню де ла Гар, 1611 Люксембург

Қаптаушы ұйым

Менарини - Фон Хейден ГмбХ, Германия

Уәкілетті өкілі

БЕРЛИН-ХЕМИ АГ (МЕНАРИНИ ГРУПП), Германия

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Берлин-Хеми АГ» АҚ ҚР өкілдігі

Тел: +7 727 2446183, 2446184, 2446185

Факс: +7 727 2446180

Электрондық поштасы: Kazakhstan@berlin-chemie.com