Адвейт (3000 МЕ)

• русский
• қазақша

• Скачать инструкцию медикамента

Саудалық атауы

АДВЕЙТ

Халықаралық патенттелмеген атауы

Октоког альфа

Дәрілік түрі

көктамыр ішіне енгізу үшін ерітінді дайындауға арналған 250 ХБ, 500 ХБ, 1000 ХБ, 1500 ХБ, 2000 ХБ және 3000 ХБ лиофилизат еріткіші – 2 мл, 5 мл инъекцияға арналған сумен жиынтықта

Құрамы

Препарат құрамында консерванттар жоқ.

Сипаттамасы

Ақтан ақ дерлік түске дейінгі борпылдақ ұнтақ (лиофилизат).

Еріткіші – инъекцияға арналған су, мөлдір және түссіз ерітінді.

Инъекцияға арналған суда еріткенде механикалық қосылыстардан бос мөлдір түссіз ерітінді түзіледі.

Фармакотерапиялық тобы

Гемостатиктер. К дәрумені және басқа гемостатиктер. Қан ұю факторлары. Қан ұюының VIII факторы.

АТХ коды B02BD02

Фармакологиялық қасиеттері

Фармакокинетикасы

АДВЕЙТ препаратының барлық фармакокинетикалық зерттеулері А гемофилиясының ауыр немесе орташа ауыр түрімен бұрын емделген пациенттерде жүргізілді (базалық деңгейдегі VIII фактор ≤ 2 %). Коагуляциялау белсенділігін бір сатылы талдаудың пайдаланылуымен плазма үлгілеріне талдау жасалды. Жалпы санынан күрделі А гемофилиясы бар 195 тұлға (негізгі желідегі VIII фактор <1%) Хаттамадағы фармакокинетикалық параметрлер талдауы жинағына енгізілген фармакокинетикалық параметрлерін ұсынды. Осы талдаулар санаттары – сәбилер (< 2 жасқа дейін 1 ай), балалар (2-ден < 5 жасқа дейін), жасы үлкен балалар (5-тен <12 жасқа дейін), жасөспірімдер (12-ден <18 жасқа дейін) және ересектер (18 жастағы және одан асқан) жас ерекшелігі құю кезіндегі жас болып белгіленген фармакокинетикалық параметрлерді жинақтауға пайдаланылды.

1 кесте. Әртүрлі жас топтарындағы А гемофилиясының ауыр түріне шалдыққан пациенттерде АДВЕЙТ препаратының фармакокинетикалық параметрлерінің жиынтық кестесі

a VIII факторды құюдан кейінгі ең жоғары өлшем Смахболатын ХБ/кг дозасымен бөлінген (Смах – базалық деңгейдегі VIII фактор) ретінде есептелген.

Ерекше қауымдардағы сипаттамалары

Балаларда АДВЕЙТ препаратының қауіпсіздігі мен гемостатикалық тиімділігі ересек пациенттердегі осындаймен ұқсас. Түзетілген қалыпқа келтіру мәні және түпкілікті жартылай шығарылу кезеңі (t1\2) 6 жасқа толмаған балаларда, ересек пациенттермен салыстырғанда, шамамен 20 % аз, бұл балалар жасындағы пациенттерде килограмм дене салмағына көбейген плазма көлемімен ішінара түсіндіріледі. Бұрын емделмеген пациенттер бойынша АДВЕЙТ фармакокинетикалық деректері қазіргі уақытта қолжетімсіз.

Фармакодинамикасы

АДВЕЙТ жасушаларды өсіру, тазалау немесе препаратты түпкілікті әзірлеу үдерісінде адам немесе жануар текті протеиндерді қоспай, қытай атжалманының овариальді жасушалары өсіріндісінде рекомбинантты технология әдісімен өндірілген. VIII фактор / Виллебранд факторы кешені әртүрлі физиологиялық функциялары бар екі молекуладан (VIII фактор және Виллебранд факторы) тұрады. АДВЕЙТ құрамында рекомбинантты қан ұюының VIII факторы (октоког альфа), адамның VIII факторына ұқсас амин қышқылды бірізділігімен гликопротеин бар.

Октоког альфа –молекулалық массасы шамамен 280 кДальтон 2332 амин қышқылынан тұратын гликопротеин. Препарат гемофилиядан зардап шегетін пациенттерге енгізілгенде октоког альфа Виллебранд эндогенді факторымен байланысады. Белсендірілген VIII фактор Х фактордың белсендірілген Х факторға айналуын жеделдетумен белсендірілген IX фактордың кофакторы ретінде әрекет етеді. Белсендірілген Х фактор протромбиннің тромбинге айналуына ықпал етеді. Тромбин, өз кезегінде, фибриногеннің фибринге ауысуына ықпал етіп, бұл ұйындының түзілуіне әкеледі.

А гемофилиясы – жыныспен ілінісе тұқым қуалайтын VIII фактор тапшылығы себеп болатын қан ұю жүйесінің бұзылуы, соның нәтижесінде науқастарда жарақаттар мен хирургиялық араласулар нәтижесінде де, өздігінен де болатын профуздық қан кетулер немесе буындарға, бұлшықеттерге немесе ішкі ағзаларға қан құйылулар дамиды. Орын басу емі плазмада VIII фактор мөлшерін арттырады және фактор тапшылығын уақытша түзетіп, қанағыштық үрдісін төмендетеді.

Тежегіштің дамуы

АДВЕЙТ иммуногенділігі бұрын емделген пациенттерде бағаланған. Клиникалық сынақтар кезінде АДВЕЙТ осының алдындағы VIII фактордың экспозиция уақыты ересектер мен одан үлкен балалар үшін ≥150 күн және 6 жасқа толмаған балалар үшін ≥ 50 күн болатын, ауыр түрдегі А гемофилиясы (VIII фактор < 1%) диагнозы қойылған 233 педиатриялық және ересек пациенттерде [балалар жасы 0-ден 16 жасқа дейін және 16 жастан үлкен ересек пациенттер жасы] қолданылды, бір пациентте экспозицияның 26 күні өткенде төмен титр тежегішінің дамуы (түрі өзгерген Бетезда талдауында 2.4 ББ) білінді. Зерттеуге қатысуын тоқтатқан соң осы пациенттегі тежегіш дамуының зерттеуі теріс болды. Бүкіл зерттеулер барысында орташа АДВЕЙТ экспозициясы бұрын емделген пациенттер үшін бір пациентте 97.0 көрініс күнін (1-ден 709 дейінгі диапазонда) құрады. VIII факторға тежегіштің кез келген даму факторының жалпы даму деңгейі (төмен немесе жоғары) 0.4% құрады.

Аяқталған бақыланбайтын 060103 сынақта А гемофилиясының ауыр түріне (VIIIФ <1%) шалдыққан 45 пациенттің 16-сы (35.6%) және VIIIФ үшін кемінде 25 ХБ VIIIФ тежегіштері дамыған: 7 (15.6%) пациентте жоғары титр тежегіштері дамыған және 9 (20%) пациентте олардың 1-де транзиторлы тежегіш ретінде жіктелген төмен титр тежегіштері дамыған.

Осы зерттеуде тежегіштің дамуымен байланысты қауіп факторлары өзінде кавказдық емес типтегі этникалық текті, тежегіштердің отбасылық анамнезін және экспозицияның алғашқы 20 күнінде жоғары дозамен қарқынды емдеуді қамтыды. Ондай қауіп факторлары жоқ 20 пациентте ешбір тежегіштің дамуы болмаған.

Тежегіштері бар пациенттерде иммундық төзімділік индукциясына (ИТИ) деректер жиналған. Бұрын емделмеген пациенттердің 060103 суб-зерттеуі кезінде бұрын емделмеген 11 пациентте ИТИ емі құжатталған. ИТИ тұрғысынан 30 тұлға үшін сызбаның ретроспективті шолуы жасалды (060703 зерттеуі) және тіркеу деректерін жинау жалғасады.

060201 зерттеуінде ұзаққа созылатын екі профилактикалық емдеу сызбалары бұрын емделген 53 пациентте салыстырылды: жекешеленген фармакокинетикалық басқарылатын дозалау режимі (72 ± 6 сағат аралықпен кг дене салмағына 20-дан 80 ХБ VIII факторға дейінгі шекте, n=23) стандартты профилактикалық дозалау режимімен (әр 48 ± 6 сағат сайын 20-дан 40 ХБ/кг дейін, n=30). Фармакокинетикалық бағытталатын дозалау режимінде (арнаулы формулаға сай) ішкері дозаланған 72 сағат аралықпен ≥1% деңгейлері арқылы VIII факторды қолдау мақсатталған. Осы зерттеу деректері екі профилактикалық дозалау режимінің қан кету жиілігін төмендету шарттарымен салыстырмалы екенін көріністейді.

АДВЕЙТ препаратының спецификалық белсенділігі миллиграмм ақуызға 4000-нан 10000 ХБ дейін құрайды.

Қалыпқа келтіруден кейінгі препараттың шамамен алынған құрамы:

Қолданылуы

- А гемофилиясы (тұқым қуалайтын VIII фактор тапшылығы) бар ересектер мен балалардағы қан кетуді емдеуде және профилактикада.

Қолдану тәсілі және дозалары

Ем гемофилияны емдеу тәжірибесі бар дәрігердің қадағалауымен және анафилаксия туындаған жағдайда шұғыл реанимациялық шаралар жасау мүмкіндігінің болуымен басталуы тиіс.

Дозалары мен емдеу ұзақтығы VIII фактор тапшылығы дәрежесіне, қан кетудің орын алған жеріне және қарқындылығына, сондай-ақ пациенттің клиникалық жағдайына байланысты.

Орын басу емін мұқият зертханалық бақылау ауқымды хирургиялық араласулар немесе өмірге қатерлі қан кету жағдайларында ерекше маңызды.

Енгізілген VIII фактор саны құрамында VIIIф бар препараттар үшін жалпы қабылданған ДДҰ стандартына сәйкес келетін Халықаралық бірліктерде (ХБ) өрнектеледі. Плазмадағы VIIIф белсенділігі пайызбен (адамның қалыпты плазмасына қатысты) немесе Халықаралық бірліктерде өрнектеледі (плазмадағы VIIIф үшін Халықаралық Стандартқа сәйкес келеді).

VIII фактор белсенділігінің бір халықаралық бірлігі (ХБ) адамның 1 мл қалыпты плазмасындағы VIII фактордың осындай мөлшеріне баламалы.

Ем жүргізу қажет болғанда

Қажетті VIII фактор дозасын есептеу эмпирикалық нәтижеге негізделеді, сол бойынша кг дене салмағына 1 ХБ VIII фактор плазмадағы 2 ӘБ/дл VIII фактор белсенділігін арттырады. Қажетті доза келесі формуланы пайдаланумен белгіленеді:

Қажетті дозасы (ӘБ) =

= дене салмағы (кг) х VIII фактордың қажетті артуы (%) х 0.5

Келесі қан кету жағдайында VIII фактор белсенділігі тиісті кезеңде плазманың белсенділік деңгейінен (әдеттегі % немесе ӘБ/дл) төмен түспеуі тиіс. Келесі 2 кестені қан кетулерде және хирургиялық араласуларда дозалар есебін және енгізу жиілігін таңдауға қолдануға болады.

2 кесте. Қан кету және хирургиялық араласу жағдайларында Адвейт препаратын қолдану

Дозалануын және енгізу жиілігін пациенттің клиникалық жауабын ескерумен әркімде жеке дағдыландыру керек. Белгілі бір жағдайларда (төмен титр тежегіші болғанда) формуланы пайдаланумен есептелген препарат дозалары қажет болуы мүмкін.

Емдеу курсы кезінде дозалау режимін және қайталамалы инъекциялар жиілігін басқару үшін ұюдың VIII факторы деңгейін анықтау керек. Ауқымды хирургиялық араласулар жағдайында плазмадағы VIII факторға мониторинг жасау, қан плазмасындағы VIII факторды сандық анықтау арқылы демеуші орын басу емінің нақты мониторингін міндетті түрде өткізу ерекше маңызды. Пациенттер фармакокинетикалық параметрлер (мысалы, жартылай шығарылу кезеңі, in vivo қалыпқа келтіру мәні) және АДВЕЙТ препаратын енгізуге клиникалық жауап бойынша VIII фактормен емдеуге әртүрлі жауап беруі мүмкін.

Қан кету профилактикасы

А гемофилиясының ауыр түріне шалдыққан пациенттерде қан кетудің ұзаққа созылатын профилактикасына арналған әдеттегі дозалары енгізу аралығындағы 2-ден 3 күнге дейінгі аралықпен кг дене салмағына 20-дан 40 ХБ дейінгі VIII факторды құрайды.

Балалар және жасөспірімдер:

Балалар мен жасөспірімдерді (0-ден 18 жасқа дейінгі) емдеу үшін дозалануы ересек пациенттерге дозалануынан ерекшеленбейді.

Қан кету профилактикасы үшін 6 жасқа толмаған пациенттерге аптасына 3-4 рет кг дене салмағына 20-дан 50 ХБ дейінгі VIII фактор дозасы ұсынылады.

2 жасқа толмаған балаларда 2 мл шығарылу түрін қолдану ұсынылмайды.

Қолдану тәсілі

АДВЕЙТ қалпына келтіруден кейін жиынтықта болатын инъекцияға арналған стерильді су көмегімен тек көктамыр ішіне енгізілуі тиіс. Препаратты арнаулы білімі жоқ тұлға енгізген жағдайда препаратты енгізу бойынша тиісті оқытудан міндетті түрде өту қажет.

Инфузия жылдамдығы 10 мл/минуттан көп болмауы тиіс.

Қалыпқа келтірілген ерітінді мөлдір, түссіз, механикалық қосылыстардан бос болуы тиіс және pH 6.7-ден 7.3 дейін болады.

Түсі өзгерген немесе шөгіндісі болған жағдайда ерітінді пайдаланылмайды.

• препаратты енгізу үшін Люэр типті шприцті (ине бекіткіші бар шприц) пайдалану қажет

• қалыпқа келтіруден кейін үш сағаттан кешіктірмей пайдаланыңыз

• қалыпқа келтірілген препаратты тоңазытқышта сақтамаңыз

• сұйылтылған препаратты мұздатып қатырмаңыз

• кез келген пайдаланылмаған препаратты немесе қалдықты белгіленген талаптарға сәйкес жою қажет

БАКСЖЕКТ II құрылғысының көмегімен препаратты сұйылту

Асептика ережелерін қадағалаңыз!

• препаратты сұйылту үшін тек инъекцияға арналған стерильді суды және қаптамада болатын сұйылтуға арналған құрылғыны пайдаланыңыз

• егер БАКСЖЕКТ II құрылғысы, оның стерильді бөгеу жүйесі немесе қаптамасы бүлінген болса, препаратты пайдаланбаңыз.

• Егер лиофилизат пен еріткіш тоңазытқышта сақталса, АДВЕЙТ препараты (лиофилизат) мен инъекцияға арналған стерильді су (еріткіш) температурасын 15-25 °C дейін жеткізіңіз.

• Сабын мен жылы су пайдаланып, қолыңызды мұқият жуыңыз.

• Лиофилизат пен еріткіші бар құтылардың қақпақтарын алып тастаңыз.

• Тығындарын спиртті тампонмен сүртіңіз. Құтыларды тегіс, таза беткейге қойыңыз.

• Қаптаманың ішіне салынғанына тиіспей, қағаз жарғақшасын алу арқылы БАКСЖЕКТ II құрылғысының қаптамасын ашыңыз (a суретін қараңыз). Құрылғыны қаптамадан суырмаңыз. Егер БАКСЖЕКТ II құрылғысы, оның стерильді бөгеу жүйесі немесе қаптамасы бүлінген болса немесе бүліну белгілері болса, пайдаланбаңыз.

• Қаптаманы аударып, еріткіші бар құты тығынына мөлдір пластик тескішті кіргізіңіз. Қаптаманың шетінен ұстап, оны жоғары қарай тартыңыз да, БАКСЖЕКТ II құрылғысынан шешіп алыңыз (b суретін қараңыз). БАКСЖЕКТ II құрылғысынан көгілдір қалпақшаны шешпеңіз.

• Препаратты сұйылту үшін қаптамада болатын инъекцияға арналған стерильді суды ғана пайдаланыңыз. Еріткіші бар құтыға БАКСЖЕКТ II жалғап, жүйені еріткіші бар құты құрылғының үстінде қалатындай етіп төңкеріңіз. АДВЕЙТ препараты бар құтының тығынына ақ пластик тескіш жүзін кіргізіңіз. Вакуум есебінен, еріткіш АДВЕЙТ препараты бар құтыға кері ағады (c суретін қараңыз).

• Препарат толық еріп кеткенше құтыны абайлап айналдырыңыз. АДВЕЙТ толық еріп кеткеніне көз жеткізіңіз, керісінше жағдайда құрылғы сүзгісінен қалыпқа келтірілген ерітінді түгел өтпейді. Препарат тез ериді (әдетте, 1 минуттан азырақ). Қалыпқа келтіруден кейін препарат ерітіндісі мөлдір, түссіз болуы және механикалық қосылыстары болмауы тиіс.

   

  а суреті b суреті с суреті