Диклоран® Плюс
Инструкция
-
русский
-
қазақша
Саудалық атауы
Диклоран® Плюс
Халықаралық патенттелмеген атауы
Жоқ
Дәрілік түрі
Сыртқа қолдануға арналған гель, 30 г
Құрамы
1 г гельдің құрамында
белсенді заттар:
диклофенак диэтиламині 11,60 мг (10 мг натрий диклофенакқа баламалы) метилсалицилат 100 мг левоментол 50 мг зығыр майы 30 мг,
қосымша заттар: С типті карбомер гомополимері (Карбомер 980), лимон қышқылы моногидраты, диэтиламин, динатрий эдетаты, бензил спирті, макрогол глицерилгидроксистеараты (Кремофор RH-40), пропиленгликоль, бутилгидроксианизол, бутилгидрокситолуол, тазартылған су.
Сипаттамасы
Ақ түстен ақ сары түске дейінгі жұмсақ гель
Фармакотерапиялық тобы
Қимыл-тірек ауруларын жергілікті емдеуге арналған препараттар. Жергілікті қолдануға арналған қабынуға қарсы стероидты емес препараттар
АТХ коды MO2AA
Фармакологиялық қасиеттері
Фармакокинетикасы
Жүйелік сіңірілуінің төмендігіне байланысты препараттың фармакокинетикасы туралы деректер жоқ.
Фармакодинамикасы
Препараттың фармакологиялық әсері оның құрамына кіретін компоненттердің құрамымен шартталған.
Натрий диклофенагы және метилсалицилат қабынуға қарсы стероидты емес препараттар болып табылады, олардың фармокологиялық әсерінің негізінде простагландиндердің синтезін бәсеңденетін қабілеті жатыр. Жергілікті қолданған кезде диклофенак және метилсалицилат тез сіңіріледі және тері асты шелінде, бұлшықет тіндеріне және буын капсуласына ене отырып, қозғалыс көлемінің артуына көмектесе отырып, ауыруды және буындағы қабынуды, таңертеңгі қозғалыстың бөгелуін және буындардың ісінуін бәсеңдетеді. Зығыр майының негізгі компоненті қабынуға қарсы әсерге иеленген а-линолен қышқылы болып табылады. Ментолды теріге ысқылап жаққанда жүйке ұштарын тітіркендіреді, жергілікті сезіндірмейтін және жеңіл ауыруды басатын әсер етеді.
Қолданылуы
- қимыл-тірек аппаратының аурулары: ревматизмдік артрит, псориаздық артрит, шорбуынданатын спондилоартрит, шеткергі буындардың және омыртқа бағанының остеоартрозы
- шығу тегі ревматизмдік және ревматизмдік емес буын ауырулары
- жұмсақ тіндердің жарақаттық зақымданулары.
Қолдану тәсілі және дозалары
Сыртқа. Препараттың бір реттік дозасы -2-4 г (сықпаның мойны толық ашылған болса 4-8 см). Ересектер және 12 жастан асқан балаларға препаратты күніне 3-4 рет теріге жеңіл сылай отырып жағады. Препараттың қажетті мөлшері ауыратын аумақтың өлшеміне тәуелді болады. Емдеу ұзақтығы дәрігердің кеңесінсіз 10 күннен аспауы тиіс
Жағымсыз әсерлері
Жергілікті реакциялар: экзема, жанаспалы дерматит (қышыну, қызару, терінің өңделетін аумағының ісінуі, папулалар, везикулалар, қабыршақтануы).
Жүйелік реакциялар: жайылған тері бөртпесі, аллергиялық реакциялар (есекжем, ангионевротикалық ісіну, бронхоспазмдық реакциялар), фотосенсибилизация
Қолдануға болмайтын жағдайлар
- диклофенак, метилсалицилат немесе препараттың басқа компонеттеріне, ацетилсалицил қышқылына немесе басқа қабынуға қарсы стероидты емес заттарға жоғары сезімталдық
- «аспириндік» астма, ацетилсалицил қышқылын немесе басқа қабынуға қарсы стероидты емес заттарды қабылдаудан туындаған есекжем немесе жедел ринит
- тері тұтастығының бұзылуы; қабынған немесе жұқпа жұқтырған тері, шырышты қабықтар, экзема
- жүктілік (ІІІ триместр) және лактация кезеңі
- 12 жасқа дейінгі балалар
Сақтықпен: бауыр порфириясы (асқыну), асқазан-ішек жолының эрозиялық-ойық жаралы зақымдануы, бауыр және бүйрек фукнциясының ауыр бұзылулары, созылмалы жүрек жеткіліксіздігі, бронх демікпесі, егде жас
Дәрілермен өзара әрекеттесуі
Диклофенак фотосенсибилизацияны тудыратын препараттардың әсерін күшейтуі мүмкін. Басқа дәрілік препараттармен клиникалық маңызы бар өзара әрекеттесуі сипатталмаған
Айрықша нұсқаулар
Диклоран® Плюс ашық жарақаттарға түсуіне аулақ бола отырып, зақымданбаған теріге жағу қажет. Жаққаннан кейін окклюзиялық таңғышты байламаған жөн. Препаратты көзге және шырышты қабықтарға тигізуге болмайды.
Жүктілік кезінде қолдану
Препаратты жүктілік кезінде І және ІІ триместрде қолдану дәрігердің консультациясынан кейін ғана мүмкін.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді
Егер дәрілік зат жарамсыз болып қалса немесе жарамдылық мерзімі өтіп кетсе – оны ағын суларға немесе далаға тастамаңыз! Дәрілік затты пакетке салыңыз және қоқыс контейнеріне салыңыз. Бұл шаралар қоршаған ортаны қорғауға көмектеседі!
Артық дозалануы
Ұсынылған мөлшерде сыртқа қолданған кезде артық дозалануы анықталмаған.
Шығарылу түрі және қаптамасы
30 г бұралатын қақпағы бар ламинацияланған пластик сықпаға салады.
1 сықпадан медициналық қолдану жөнінде мемлекеттік және орыс тілдеріндегі нұсқаулықтармен бірге картон қорапшаға салады.
Сақтау шарттары
30 °C-ден аспайтын температурада сақтау керек. Мұздатып қатыруға болмайды!
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін пайдалануға болмайды.
Босатылу шарттары
Рецептісіз
Өндіруші
«Юник Фармасьютикал Лабораториз» («Дж.Б. Кемикалс энд Фармасьютикалс Лтд.» фирмасының бөлімшесі)
Нилам Сентер, «Б» қанаты, 4-қабат, Хинд Сайкл Роуд, Ворли, Мумбай – 400 030, Үндістан
Тіркеу куәлігін ұстаушы
«Джонсон & Джонсон» ЖШҚ, Ресей
121614, Ресей, Мәскеу қ-сы, Крылатская к-сі, 17, 2-құрылыс
Қазақстан Республикасы аумағында тұтынушылардан өнімнің (тауардың) сапасына қатысты шағымдарды қабылдайтын, дәрілік заттың қауіпсіздігін тіркеуден кейін қадағалауға жауапты ұйымның мекенжайы:
Қазақстан Республикасында «Джонсон Джонсон» ЖШҚ филиалы 050040, Қазақстан Республикасы, Алматы қ-сы, Тимирязев к-сі 42, 23-А павильоны
тел./факс: +7 (727) 356-88 -11; +7 (727) 356-88-19
электронды пошта: safetyru@its.jnj.com
4