Доксилан®

• русский
• қазақша

• Скачать инструкцию медикамента

Саудалық атауы

Доксилан®

Халықаралық патенттелмеген атауы

Доксициклин

Дәрілік түрі

100 мг таблеткалар

Құрамы:

Бір таблетканың құрамында

белсенді зат - 115,4 мг доксициклин хиклаты (100 мг доксициклинге баламалы)

қосымша заттар: микрокристалды целлюлоза, натрий крахмалының гликоляты (А типі), лактоза моногидраты, жүгері крахмалы, сусыз коллоидты кремнийдің қостотығы, гидрогенделген майсана майы, магний стеараты

Сипаттамасы

Дөңгелек пішінді, екі беті дөңес, сары түсті, бір жағында сызығы бар таблеткалар.

Фармакотерапиялық тобы

Жүйелі пайдалануға арналған бактерияға қарсы препараттар. Тетрациклиндер. Доксициклин.

АТХ коды J01AA02

 

Фармакологиялық қасиеттері

Фармакокинетикасы

Асқазан-ішек жолында жылдам және толығымен сіңеді. Сіңуі ас ішуге мүлдем байланыссыз деуге болады. Доксициклин қан плазмасында бір реттік дозасын қабылдағаннан кейін 15-45 минуттан соң-ақ анықталады. Ең жоғарғы концентрациясына 1,5-3 сағаттан соң жетеді. Плазма ақуыздарымен байланысы 80-95% құрайды. Организмнің тіндері мен сұйықтықтарында таралады. Доксициклиннің жартылай ыдырау кезеңі 16-18 сағатты құрайды. Өзгеріссіз күйде несеппен (40%) және нәжіспен шығарылады.

Фармакодинамикасы

Доксилан – әсер ету ауқымы кең тетрациклиндер тобына жататын, қоздырғыштардың ақуыз синтезін бәсеңдетудің есебінен бактериостатикалық әсер беретін полусинтетикалық антибиотик.

Грамоң микроорганизмдерге қатысты белсенді:

аэробты коктарға - Staphylococcus spp. (соның ішінде, пенициллиназаны өндіретін), Streptococcus spp. (соның ішінде S. pneumoniae),

аэробты спора түзетін бактерияларға - Bacillus anthracis,

аэробты спора түзбейтін бактерияларға - Listeria monocytogenes,

анаэробты спора түзетін бактерияларға - Clostridium spp.

Грамтеріс микроорганизмдерге қатысты да белсенді:

аэробты коктарға - Neisseria gonorrhoeae, Neisseria meningitidis,

аэробты бактерияларға - Escherichia coli, Shigella spp., Salmonella spp., Enterobacter spp., Klebsiella spp., Brucella spp., Haemophilus influenzae, Bordetella pertussis.

Препарат Klebsiella spp., Treponema spp., Mycoplasma spp. және Chlamydia spp. қатысты да белсенді.

Қолданылуы

Препаратқа сезімтал микроорганизмдерден туындаған жұқпалы-қабыну ауруларында:

- тыныс алу жолдарының жұқпаларында, соның ішінде фарингитте, жедел бронхитте, өкпенің созылмалы обструкциялық ауруының өршуінде, трахеитте, бронхопневмонияда, бөліктік пневмонияда, ауруханадан тыс пневмонияда, өкпе абсцесінде, плевра эмпиемасында;

- ЛОР-ағзалардаң жұқпаларында, соның ішінде отитте, синуситте, тонзиллитте;

- несеп-жыныс жүйесінің жұқпаларында: циститте, пиелонефритте, бактериялық простатитте, уретритте, уретроциститте, урогенитальді микоплазмозда, жедел орхиэпидидимитте; эндометритте, эндоцервицитте және сальпингоофиоритте біріктірілген ем құрамында; соның ішінде жыныстық жолмен берілетін жұқпаларда: урогенитальді хламидиозда, пенициллиндерді көтере алмаушылығы бар емделушілердегі мерезде, асқынбаған созда (баламалы ем ретінде), шап гранулемасында, венерологиялық лимфогранулемада;

- асқазан-ішек жолы мен өт шығару жолдарының жұқпаларында (тырысқақ, иерсиниоз, холецистит, холангит, гастроэнтероколит, бациллярлық және амебалық дизентерияда, "саяхатшылар" диареясында);

- тері мен жұмсақ тіндердің жұқпаларында (жәндіктер шаққаннан кейінгі жарақатты жұқпаларды қоса), ауыр безеу ауруында (біріктірілген ем құрамында);

- басқа ауруларда: фрамбезияда, легионеллезде, орналасуы әр түрлі хламидиозда (соның ішінде простатит және проктит), риккетсиозда, Ку қызбасында, Жартас таулар дақты қызбасында, сүзекте (соның ішінде бөртпе, қайтымды кене сүзегі), Лайм ауруында (I сатысы - erythema migrans), туляремияда, обада, актиномикозда, малярияда; көздің жұқпалы ауруларында, біріктірілген ем құрамында – трахомада; лептоспирозда, пситтакозда, орнитозда, сібір жарасында (соның ішінде өкпелік түрі), бартонеллезде, гранулоцитарлық эрлихиозда; көкжөтелде, бруцеллезде, остеомиелитте; сепсисте, жеделге жуық сепсистік эндокардитте, перитонитте;

- операциядан кейінгі іріңді асқынулардың алдын алуда;

- Plasmodium falciparum туғызған малярияда, хлорохинге және/немесе пириметамин-сульфадоксинге төзімді штамдар таралған аумақтағы қысқа мерзімді саяхаттар кезінде (4 айдан аз).

Қолдану тәсілі және дозалары

Доксиланның дозасы жұқпа ағымының ауырлығына және микроорганизмнің препаратқа сезімталдығына байланысты.

100 мг таблеткаларды күндізгі уақытта, ас ішу кезінде, жеткілікті мөлшердегі сұйықтықпен ішіп қабылдау керек.

Ересектер мен дене салмағы 50 кг асатын балаларға емдеудің бірінші күні тәулігіне бір немесе 2 қабылдауға 200 мг, емдеудің келесі күндері – жұқпаның клиникалық ағымының ауырлығына байланысты тәулігіне 100-200 мг тағайындайды.

Дене салмағы 50 кг аз, 8 жастан асқан балаларға емдеудің бірінші күні тәуліктік дозасын бір қабылдауға 4 мг/кг есебінен, емдеудің келесі күндері – жұқпаның клиникалық ағымының ауырлығына байланысты тәулігіне 2-4 мг/кг тағайындайды.

Емдеу ұзақтығы аурудың ағымына байланысты және дәрігер тағайындайды. Емдеудің орташа ұзақтығы 5-21 күнді құрайды.

Бактериологиялық тұрғыдан расталған β-гемолитикалық стрептококк туғызған жұқпаны доксициклинмен емдеу кезінде, ревматизмдік қызба немесе гломерулонефрит сияқты кешеуілдеген асқынуларды болдырмау үшін, емдеу ұзақтығы кем дегенде 10 күнді құрайды.

Ерекше аурулар кезінде

• I сатыдағы Лайм ауруы: 10-20 күн бойы күн сайын 200 мг.

• Әйелдердегі жедел гонококтық жұқпа: кемінде 7 күн бойы күн сайын 200 мг.

• Трахоматис хламидиясы немесе Нейссерия созынан туындаған жедел орхоэпидидимит: кемінде 10 күн бойы күн сайын 200 мг

• Бастапқы және салдарлы мерез: кемінде 10 күн бойы күн сайын 300 мг

• Сібір жарасының алдын алу және емдеу:

Ересектер: 60 күн бойы тәулігіне екі рет 100 мг.

Дене салмағы 45 кг дейінгі балаларға: 60 күн бойы тәулігіне екі рет кг дене салмағына 2,2 мг. Дене салмағы 50 кг асатын 8 жастан асқан балаларға – 200 мг дейін.

• Соз: асқынбаған гонококтық уретриттерді емдеуде әйелдерге доксиланды орташа алғанда 5 күн бойы тәулігіне 200 мг-ден тағайындайды, ерлерге - 2-4 күн бойы тәулігіне 200-300 мг.

Ең жоғарғы тәуліктік дозасы – 300 мг.

Жағымсыз әсерлері

Жиі (> 1/100 - < 1/10)

- жүрек айнуы, қыжыл, құсу, анорексия, метиоризм, диарея

- бас ауыруы, бас айналуы, вестибулярлық бұзылулар

Жиі емес ( > 1/1,000 - < 1/100)

- глоссит, дисфагия, фарингит, қырылдау, жұтынудың қиындауы

- фотосенсибилизация (теріге күн сәулесі әсер еткенде: қызару, ісіну, күлдіреуіктердің түзілуі, тері түсінің өзгеруі)

- макулопапулездік және эритематоздық бөртпе

- аллергиялық реакциялар, жайылған экзантема, эритема, есекжем, Квинке ісінуі, анафилаксия, анафилактоидтық пурпура, жүйелі қызыл жегінің өршуі, терінің қышынуы, мультиформалы экссудативтік эритема, терінің, шырышты қабықтардың немесе буындардың қайтымды жергілікті ісінулері (ангионевротикалық ісіну), демікпе, анафилактикалық шок, жыныс мүшелері мен дененің басқа жерлеріндегі тұрақты дәрілік бөртпе, қызбамен, бас ауыруымен және буындардың ауруымен қатар жүретін сарысу құю ауруына ұқсас реакция

- перикардит

- остеогенездің баяулауы, балалардағы тістердің қалыпты дамуының бұзылуы

- қан ұюының бұзылулары және гематурия

- тері мен шырышты қабықтардың кандидозы (әсіресе, жыныс мүшелері мен ауыз бен ішектің шырышты қабықтарының), ауыз бен жұтқыншақтың шырышты қабығының (стоматит, глоссит), әйелдердегі сыртқы жыныс мүшелері мен қынаптың жедел қабынулары (вульвовагинит), сондай-ақ анус маңы қышынуы (Pruritus ani) сияқты симптомдармен қатар жүретін

Сирек (> 1/10,000 - < 1/1000)

- бас ауыруы, жүрек айнуы, құсу және көру жүйкесі дискісінің ісінуі салдарынан көрудің бұзылулары түрінде білінетін бассүйекішілік қысымның жоғарылауы

- тырнақ тарапынан болатын өзгерістермен фотоуытты реакциялар – тынақтың тырнақ көбесінен ажырап кетуі және тырнақ пластинасы түсінің өзгеруі

- лейкопения, лейкоцитоз, тромбоцитопения, анемия, лимфоцитопения, лимфаденопатия, атипиялық лимфоциттер және гранулоциттердің уытты түйіршіктілігі

- бауырдың зақымдануы, панкреатит

- нефроуытты зақымданулар, бүйрек функцияларының бұрыннан бар бұзылуларының өршуі, интерстициальді нефрит, бүйректің жедел жеткіліксіздігі, анурия

- беттің ісінуі, тілдің домбығып кетуі, тыныс жолдарының тарылуымен көмейдің ішкі ісінуі, жүректің жиі соғуы, тұншығу (ентігу), артериялық қысымның шокқа және жүректің тоқтап қалуына дейін түсіп кетуі сияқты аса жоғары сезімталдықтың ауыр жедел симптомдары

- эксфолиативтік дерматит, Лайелл синдромы

- парестезиялар, тахикардия, миалгиялар, артралгиялар, мазасыздық, қорқу жағдайлары

- иіс және дәм сезудің бұзылуы немесе жоғалуы

Өте сирек (< 1/10,000)

- энтероколит, жалғанжарғақшалы колит

- ректальді және/немесе гениталий аймағының қабынуы

- препараттың антианаболикалық әсерінен болған қалдықтық мочевина азотының артуы

- алыстан көрмеу, миопия

- эпилепсия ұстамалары

Қолдануға болмайтын жағдайлар

- тетрациклиндерге және препарат компоненттерінің кез-келгеніне жоғары сезімталдық

- балаларға (8 жасқа дейін)

- жүктілік және лактация кезеңі

- порфирия

- лейкопения

- бауырдың және/немесе бүйректің ауыр жеткіліксіздігі

Дәрілермен өзара әрекеттесуі

Сіңуі:

Сүт, сүт өнімдері, құрамында алюминий, кальций, магний, сондай-ақ темір тұздары бар антацидтер және висмут препараттары доксициклиннің сіңуінің төмендеуіне алып келуі мүмкін, және сондықтан да оларды бір мезгілде қабылдамау керек. Аниониттерді (холестирамин, холестипол) доксиланды қабылдағаннан кейін 2 сағаттан соң қабылдау керек, өйткені олар доксициклиннің сіңуін нашарлатуы мүмкін.

Метаболизмі:

Карбамазепин, фенитоин сияқты фермент-индукциялайтын препараттарды, барбитураттарды, примидон немесе рифампицинді ұзақ уақыт қабылдау, доксициклиннің бауырдағы метаболизмін жеделдетуі және плазмадағы концентрациясының азаюына алып келуі мүмкін. Бұл созылмалы маскүнемдікке де қатысты.

Доксициклин диабетке қарсы пероральді препараттардың гипогликемиялық әсерін арттыруы мүмкін.

Тетрациклинді оральді контрацептивтермен бір мезгілде қолдану олардың контрацептивтік әсерінің төмендеуіне алып келуі мүмкін.

Тетрациклиндер бауырдағы секале-алкалоидтардың метаболизмін тежеуі мүмкін, жекелеген жағдайларда тамырлардың түйілулерімен және гипоперфузиямен эрготизм болуы мүмкін.

Доксициклинді басқа гепато- және нефроуыттылығы зор заттармен пайдаланбау керек, өйткені олар бүйрекке жағымсыз әсер етуі мүмкін.

Бактериостатикалық антибиотиктер бета-лактамдық антибиотиктердің бактерицидтік әсеріне кедергі жасауы мүмкін болғандықтан, оларды қатарлас қабылдау пайдалы болып табылмайды.

Доксициклинді метотрексатпен бір мезгілде қолдану оның уыттылығын арттыруы мүмкін.

Доксициклин циклоспориннің иммуносупрессивті әсер етуші агентінің уытты әсерін арттыруы мүмкін.

Дигитоксиннің сіңуі тетрациклиндерді бір мезгілде қабылдаудан азаюы мүмкін.

Жүйке-бұлшықеттің поляризацияланбайтын миорелаксанттармен (мысалы, тубокураринмен және галламинмен) тежелуі артуы мүмкін.

Теофиллин мен тетрациклинді бір мезгілде қолдану асқазан-ішектік жағымсыз әсерлерінің жиілігін арттыруы мүмкін.

Доксициклин несептегі ақуыз, қант және уробилиноген талдауын, сондай-ақ несептегі катехоламиндердің анықталуын фальсификациялауы мүмкін.

Акнені изотретиноинмен емдеуден біраз бұрын, емдеу кезінде немесе кейін доксициклинді пайдаланбау керек, өйткені агенттер сирек жағдайда бассүйекішілік қысымның (мидың жалған ісігі) қайтымды жоғарылауын туғызады.

Коагуляция:

Тетрациклиндер плазма протромбинінің белсенділігін бәсеңдетеді антикоагулянттардың белсенділігін арттырады. Антикоагулянттарды бір мезгілде қолданған жағдайда олардың дозасын төмендету керек.

Айрықша нұсқаулар

Тәулігіне 300 мг асатын дозада ұзақ уақыт емдеген жағдайда бүйрек функциясы мен қан құрамын тексеру керек.

Емделушілер күн сәулесі немесе УК-сәуленің тетрациклиндермен емдеу кезінде фотосезімталдық реакциясын туғызуы мүмкін екенін білуі тиіс. Емдеуді теріде алғаш эритема пайда болған кезде тоқтату керек.

Бүйрек функциясының бұзылуы бар емделушілерде дозасын төмендету қажет емес.

Антибиотиктерді пайдалану кейде супержұқпаға алып келуі мүмкін сезімтал емес организмдердің шамадан тыс көбеюіне алып келуі мүмкін. Сәйкесінше емді бастау керек.

Ауыр және тұрақты диарея жағдайында антибиотиктерден туындайтын жалғанжарақшалы колитті ескеру керек, ол өмір үшін қауіпті болуы мүмкін. Осылайша, дәрілік затты қабылдауды дереу тоқтату және сәйкесінше емдеуді (мысалы, ванкомицинмен) бастау керек. Перистальтиканы туғызатын препараттар қарсы көрсетілімді.

Бауыр функциясы бұзылған емделушілерде сақтықпен қолдану керек.

Балаларда қолданылуы

Басқа тетрациклиндер сияқты, доксициклин сүйекті қалыптастыратын тіндерде кальцийдің тұрақты кешенін түзеді. Тетрациклинді кг дене салмағына 25 мг дозада пероральді қабылдаған шала туылған балаларда кіші жіліншік сүйегі өсуінің баяулағаны байқалған, ол препаратты қабылдауды тоқтатқаннан кейін пайда болған.

Тіс жарып жүрген кезде тетрациклиндерді пайдалану (жүктіліктің екінші жартысы және 8 жасқа дейінгі балаларға) тістердің түсінің қайтымсыз өзгеруін (сары-сұр-қоңыр түсті) тудыруы мүмкін. Бұл жағымсыз әсері қысқа мерзімді еммен салыстырғанда ұзақ емдеуде жиі байқалған. Сондай-ақ тіс эмалінің гипоплазиясы байқалған. Доксициклинді емделушілердің бұл тобына қолдану қарсы көрсетілімді.

Дегенмен, емделушілердің бұл тобында доксициклинді сібір жарасын немесе ингаляциядан болған ойық жараны емдеуде пайдалануға болады.

«Доксилан» 100 мг таблеткаларының құрамында лактоза бар. Лактозаны көтере алмаушылық сияқты сирек тұқым қуалайтын бұзылулары, Лапп лактаза тапшылығы бар немесе глюкоза-галактозаның сіңуі бұзылған емделушілерге бұл препаратты қолданбау керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Сирек жағдайларда тетрациклиндермен емдеу кезінде уақытша алыстан көрмеу байқалған, бұл автокөлік жүргізуде және механизмдерді басқаруда қауіпсіздіктің бұзылуына алып келуі мүмкін.

Артық дозалануы

Симптомдары: препараттың жағымсыз әсерлерінің күшеюі, қатты артық дозалануының арты панкреатитпен қатар жүруі мүмкін бауырдың зақымдануына апарып соқтырады, протромбиндік уақыттың артуы.

Емі: препарат артық дозаланған кезде асқазанды шаюды жүргізу қажет. Препаратты қабылдағаннан кейін алғашқы 6 сағат ішінде белсендірілген көмірді қолдану және симпоматикалық ем. Перитонеальді диализ бен гемодиализдің тиімділігі аз.

Шығарылу түрі және қаптамасы

10 таблеткадан поливинилхлоридті үлбір мен баспалы лакталған алюминий фольгадан жасалған пішінді ұяшықты қаптамаға салады.

1 пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картоннан жасалған пәшкеге салады.

Сақтау шарттары

Құрғақ, жарықтан қорғалған жерде, 25 С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«G.L. Pharmа GmbH.», Industriestraße 1, A-8502 Lannach, Австрия

Тіркеу куәлігінің иесі

«Валеант» ЖШҚ, Мәскеу, Ресей

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы

«Валеант» ЖШҚ ҚР өкілдігі

Телефоны 3 111 516 Факс 3 111 517

Электронды поштасы Office.KZ@valeant.com