Войти

Фраксипарин (47500 МЕ анти -Ха/5 мл) Надропарин кальция

Производитель: Глаксо Оперэйшенс Великобритания Лимитед
Анатомо-терапевтическо-химическая классификация: Nadroparin
Номер регистрации: № РК-ЛС-5№020262
Дата регистрации: 09.01.2014 - 09.01.2019

Инструкция

Саудалық атауы

Фраксипарин

Халықаралық патенттелмеген атауы

Кальций надропарині

Дәрілік түрі

Инъекцияға арналған ерітінді, 47 500 ХБ анти-Ха/5 мл, 5 мл

Құрамы

Бір құтының ішінде

белсенді зат - кальций надропарині 47 500 ХБ анти-Ха,

қосымша заттар: бензил спирті, кальций гидроксиді ерітіндісі немесе сұйылтылған хлорсутек қышқылы, инъекцияға арналған су.

Сипаттамасы

Мөлдір немесе сәл бозаңданатын, түссіз немесе ашық-сары ерітінді

Фармакотерапиялық тобы

Антикоагулянттар. Тікелей антикоагулянттар (гепарин және оның туындылары). Надропарин.

АТХ коды В01АВ06

Фармакологиялық қасиеттері

Фармакокинетикасы

Надропариннің фармакокинетикалық қасиеттері биологиялық белсенділігіне, яғни анти-Ха фактор белсенділігінің өзгеруіне негізделеді.

Анти-Ха белсенділігінің ең жоғары деңгейіне (Смах) препаратты тері астына енгізгеннен кейін 3-5 сағаттан соң жетеді. Биожетімділігі толық дерлік (88% жуық).

Көктамыр ішіне енгізгеннен кейін плазмада анти-Ха белсенділігі ең жоғары деңгейге 10 минут ішінде жетеді, ал жартылай шығарылу кезеңі 2 сағатқа жуық құрайды. Метаболизмі, негізінен, бауырда жүреді (десульфаттану, деполимеризация). Көбінесе бүйрекпен шығарылады. Тері астына енгізген соң препараттың жартылай шығарылу кезеңі 3.5 сағат құрайды, бірақ, анти-Ха белсенділігі инъекциядан cоң 18 сағат бойы сақталады.

Егде жастағы емделушілер

Препаратты тағайындар алдында бүйректің жағдайын оның функциясының жас ұлғаюымен төмендеу мүмкіндігіне байланысты бағалау ұсынылады, бұл надропариннің шығарылу үдерісін баяулатады. Алынған деректер негізінде тағайындалған препарат дозасын түзету туралы шешім қабылдау қажет.

Бүйрек функциясы бұзылған емделушілер

Бүйрек жеткіліксіздігі орташа дәрежелі емделушілерде (креатинин клиренсі 36-43 мл/мин) AUC мәні мен жартылай ыдырау кезеңі, бүйрек функциясы қалыпты емделушілермен салыстырғанда, тиісінше, 52 және 39% жоғарылаған. Емделушілердің осы тобында надропариннің плазмалық клиренс мәні қалып шегінің 63% дейін төмендеген.

Бүйрек жеткіліксіздігі ауыр дәрежелі емделушілерде (креатинин клиренсі 10-20 мл/мин) AUC мәні мен жартылай ыдырау кезеңі, бүйрек функциясы қалыпты емделушілермен салыстырғанда, тиісінше, 95 және 112% жоғарылаған. Емделушілердің осы тобында надропариннің плазмалық клиренс мәні қалып шегінің 50% дейін төмендеген.

3-6 мл/мин креатинин клиренсімен гемодиализде жүрген емделушілерде AUC мәні мен жартылай ыдырау кезеңі, бүйрек функциясы қалыпты емделушілермен салыстырғанда, тиісінше, 62 және 65% жоғарылаған. Емделушілердің осы тобында надропариннің плазмалық клиренс мәні қалып шегінің 67% дейін төмендеген.

Фармакодинамикасы

Препараттың белсенді заты болып табылатын кальций надропарині – арнайы жағдайларда стандартты гепарин деполимеризациясы арқылы алынған төмен молекулалы гепарин. Ол орташа молекулалық cалмағы шамамен 4300 дальтон глюкозаминогликан түрінде болады. Фраксипарин плазма протеині антитромбин ІІІ-пен жоғары ұқсастық танытады. Бұл Фраксипариннің тромбозға қарсы жоғары потенциалын көтермелейтін Ха факторын жедел бәсеңдетеді.

Тромбозға қарсы белсенділігін күшейтудің басқа механизмдері өзінде тіндік фактор тежегішін көтермелеуді, эндотелий жасушаларынан тіндік плазмогенді белсендіргішті тікелей босатып шығару арқылы фибринолизді белсенділендіруді және гемореологиялық параметрлерді модификациялауды (қан тұтқырлығының азаюы және тромбоциттер санының көбеюі, гранулоциттер жарғақшасының өзгергіштігі) қамтиды.

Препарат, анти-ІІа фактор белсенділігімен салыстырғанда, едәуір айқын анти-Ха-фактор белсенділігімен сипатталады. Оның тромбозға қарсы шұғыл да, ұзаққа созылатын да әсері бар.

Фракциялық емес гепариндермен салыстырғанда, Фраксипарин тромбоциттер функциясы мен агрегациясына аз ықпалын тигізеді және жалпы гемостазға мардымсыз әсер етеді.

Қолданылуы

- тромбоэмболиялық асқынулардың алдын алуда (жалпы немесе ортопедиялық хирургиямен байланысты, хирургиялық емес науқастарда - қарқынды емдеу бөлімі жағдайларында жедел тыныс алу жеткіліксіздігі, респираторлық жұқпа және/немесе жедел жүрек жеткіліксіздігі кезінде)

- гемодиализ кезінде қан ұюының алдын алуда

- тромбоэмболияны емдеуде

- тұрақсыз стенокардияны және Q тісінсіз миокард инфарктісін емдеуде

Қолдану тәсілі және дозалары

Жекелеген төмен молекулалы гепариндерді дозалау туралы нұсқауларды қатаң қадағалау қажет, өйткені оларды өлшеу үшін әртүрлі дозалау бірліктерін (ХБ немесе мг) пайдалануға болады. Фраксипарин емдеу курсы кезінде басқа төмен молекулалы гепариндермен өзара алмастырылатын препарат түрінде қолданылмауы тиіс. Фраксипарин енгізу үшін аса ұқыпты дозалауға арналған градуирленген еккіштер пайдаланылуы тиіс. Фраксипарин бұлшықет ішіне енгізуге арналмаған.

Емделушідегі тромбоциттер саны бүкіл емдеу курсы бойына бақылануы тиіс.

Жұлын/эпидуральді анестезиясын немесе люмбальді пункция жасалғанда, Фраксипарин енгізу уақытына қатысты айрықша нұсқауларды қадағалаңыз («Айрықша нұсқаулар» бөлімін қараңыз»).

Препаратты енгізу жөніндегі нұсқау

Тері астына енгізу үшін. Бұлшықет ішіне қолданылмайды.

  • Препаратты пайдаланар алдында ерітіндіде бөгде бөлшектердің немесе түс өзгерісінің бар-жоғы тұрғысынан ерітіндінің сыртқы түрін бағалаңыз. Қандай да бір ауытқулары табылса, ерітіндіні жойыңыз.

  • Қолыңызды сабындап жуып, сүлгімен кептіріңіз.

    Ыңғайланып отырыңыз немесе жатыңыз. Фраксипарин іштің кіндіктен 1,5-2 см төмен тұсынан тері астына енгізіледі. Суретте көрсетілгендей, сол немесе оң жақ аумақты таңдаңыз. Балама ретінде препаратты санға енгізуге болады.

Прикрепленные файлы

054648411477976839_ru.doc 152 кб
628874271477977997_kz.doc 187 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники