Войти

Трамин (500 мг/5 мл) Транексамовая кислота

Производитель: Хилтон Фарма (Пвт.) Лтд
Анатомо-терапевтическо-химическая классификация: Tranexamic acid
Номер регистрации: № РК-ЛС-5№013143
Дата регистрации: 24.06.2015 - 24.06.2020

Инструкция

Саудалық атауы

Трамин

Халықаралық патенттелмеген атауы

Транексам қышқылы

Дәрілік түрі

Инъекцияға арналған ерітінді 500 мг/5 мл

Құрамы

5 мл ерітіндінің құрамында

белсенді зат транексам қышқылы 500 мг,

қосымша зат – инъекцияға арналған су

Сипаттамасы

Иісі жоқ мөлдір, түссіз сұйықтық

Фармакотерапиялық тобы

Гемостатиктер. Амин қышқылдары. Транексам қышқылы

АТХ коды В02АА02

Фармакологиялық қасиеттері

Фармакокинетикасы

Көктамыр ішіне енгізгеннен кейін концентрациясы 6 сағат ішінде біртіндеп төмендейді; жартылай шығарылу кезеңі 3 сағатты құрайды; тіндерде салыстырмалы түрде біркелкі таралады (тек — жұлын-ми сұйықтығында болмайды); таралу көлемі дене салмағының 33%-ын құрайды. Бауырда белсенді емес метаболиттерге дейін метаболизденеді. Бүйрекпен өзгеріссіз күйде, шумақтық сүзіліс арқылы бастапқы 12 сағатта шығарылады.

Фармакодинамикасы

Антифибринолитикалық дәрі. Препарат спецификалық жолмен плазмин және плазминоген активаторының әсерін тежейді, фибринолиздің жоғарылауына байланысты қан кетулер кезінде гемостатикалық әсері бар.

Қолданылуы

Жалпы және жергілікті фибринолиздің жоғарылауына негізделген қан кетулерде:

- хирургиялық емшараларда және гемофилиясы бар науқастардың тісін жұлуда

- жатыр мойнының биопсиясы

- простатэктомия

- фибринолитикалық емнің геморрагиялық асқынуы

- тамырішілік коагуляциямен байланысты фибринолитикалық жүйенің басым белсенділенуімен қан кету.

Қолдану тәсілдері мен дозалары

Баяу көктамыр ішіне!

Жергілікті фибринолиз:

Ұсынылған стандартты доза 5-10 мл (500-1000 мг) баяу көктамыр ішіне (1 мл/минут), күніне үш рет. Алғашқы көктамырішілік инъекциядан кейінгі келесі тағайындау көктамырішілік инфузиялармен жалғасуы мүмкін. Еріткіш ретінде 5 % глюкоза ерітіндісін, 0.9 % натрий хлоридінің ерітіндісін, 5%-дық декстрозадағы декстран-40 ерітіндісін және 0.9 % натрий хлоридінің ерітіндісіндегі декстран- 40 қолдануға болады.

Жалпы фибринолиз:

Фибринолитикалық жүйенің басым белсенділенуімен тамырішілік коагуляцияда қан кетуді бақылау үшін, әдетте, бір реттік доза 10 мл (1г) құрайды.

Тромболитикалық емде - 10мг/кг есебінен баяу көктамыр ішіне енгізеді.

Егде емделушілер:

Бүйрек функциясы сақталғанда дозаны түзету талап етілмейді.

Бүйрек жеткіліксіздігімен емделушілерде, жинақталу қаупіне байланысты доза келесі кестеге сәйкес төмендетілуі тиіс:

Креатинин клиренсі

Доза к/і

Доза жиілігі

120-250 мкмоль/л

10 мг/кг

Күніне екі рет

250-500 мкмоль/л

10 мг/кг

Әрбір 24 сағат сайын

> 500 мкмоль/л

5 мг/кг

Әрбір 24 сағат сайын

Жағымсыз әсерлері

сирек:

- аллергиялық реакциялар (қышыну, есекжем), анафилактикалық шок

- тәбеттің төмендеуі, жүрек айнуы, диарея, қыжыл, құсу

- түсті ажыратудың бұзылуы, көрудің бұлыңғырлануы

- ұйқышылдық, бас айналуы, әлсіздік, құрысу

- естен танумен немесе онсыз болатын гипотония (тым жылдам инъекциядан кейін, немесе ішке қабылдағаннан кейін)

- кез келген орындағы артериялық немесе веноздық тромбоз

Қолдануға болмайтын жағдайлар

- транексам қышқылына аса жоғары сезімталдық

- субарахноидальді қан құйылу

- бүйрек жеткіліксіздігі

- терең көктамырлардың тромбозы, тромбоэмболиялық синдром, миокард инфарктісі, оның ішінде сыртартқыдағы

  • тромбогеморрагиялық асқыну (гепаринмен және тікелей емес антикоагулянттармен үйлесімде)

  • сыртартқыдағы құрысу синдромы

  • түсті ажыратудың бұзылуы

  • жүктілік, лактация кезеңі

  • тахикардия, артериялық гипотензия (жылдам көктамыр ішіне енгізгенде)

Дәрілермен өзара әрекеттесуі

Препарат урокиназамен, норадреналин битартратымен, дезоксиэпинефрин гидрохлоридімен, метармин битартратымен, дипиридамолмен, диазепаммен, бензилпенициллинмен, тетрациклиндермен үйлесімсіз. Ерітіндіні қан препараттарына және құрамында пенициллин бар ерітінділерге қосуға болмайды. Гемостатиктермен бір уақытта қолданғанда тромб түзілуінің белсенділенуі мүмкін. Эстроген қабылдайтын емделушілерде тромб түзілуінің теориялық қаупі бар.

Айрықша нұсқаулар

Көктамырішілік инъекциялар өте баяу енгізілуі қажет!

Транексам қышқылы бұлшықет ішіне енгізілмеуі тиіс.

Конвульсия тарихы бар емделушілерде қарсы көрсетілім болып табылатын ми ісінуі мен құрысу қаупіне байланысты транексам қышқылы қолданылмауы тиіс.

Бүйрек гематуриясында уретрада ұйынды қан түзілуінің нәтижесінде механикалық анурия қаупі туындайды.

Жоғарғы несеп жолдарының гематуриясында (әсіресе гемофилияда) несепағар обструкциясының бірнеше оқиғалары хабарланған.

Кең таралған тамырішілік коагуляциясы бар емделушілерде ем жедел қан кету болған жағдайда шектелуі тиіс. Гематологияның өзіне тән бейіні: тромб еруінің уақыты азаяды; протромбиннің ұзақ уақыты; фибриноген деңгейінің, V және VIII факторының, плазминогеннің және альфа 2 макроглобулиннің төмендеуі; P және P кешенінің қалыпты плазмалық деңгейлері; яғни II (протромбин), VIII және X факторлары; фибриноген ыдырауы өнімдерінің плазмалық деңгейлерінің жоғарылауы; қалыпты тромбоциттер. Мұндай жедел жағдайларда қан кетуін меңгеру үшін 1 г транексам қышқылының бір реттік дозасы жеткілікті. Егер бүйрек функциясы қалыпты болса фибринолитикалық белсенділік шамамен 4 сағат ішінде төмендейді. Кең таралған тамырішілік коагуляцияда инъекция үшін транексам қышқылын тағайындау зертханалық талдау жүргізу мүмкін болғанда ғана ұсынылады.

Транексам қышқылын пайдаланар алдында тромбоэмболиялық ауру қаупінің факторлары зерттелуі тиіс.

Егер емделушілер бала көтеруге қарсы дәрілер қабылдап жүрсе транексам қышқылы тромбоздың қаупінің жоғарылауына байланысты сақтықпен қолданылады.

Емдеу алдында және емдеу процесінде окулист тексеруінен өту керек (көру өткірлігі, түс ажырату, көз түбі).

Педиатрияда қолдану

Шығарылатын дозалар балалар практикасында қолданылмайды.

Дәрілік заттың автокөлікті немесе қауіпті механизмдерді басқару қабілетіне ықпал ету ерекшеліктері. Препарат автокөлікті басқару қабілетіне ықпал етуі мүмкін. Механизмдермен қауіпсіздік факторларын ескере отырып жұмыс істеу ұсынылады.

Артық дозалануы

Симптомдар: жүрек айнуы, құсу, ортостатикалық белгілер және/немесе гипотония.

Емі: симптоматикалық

Шығарылу түрі мен қаптамасы

5 мл препараттан мөлдір шыныдан жасалған I типті шыны ампулаларда. 5 ампуладан пластик ұяшықты қаптамаға салынады.

2 пластик ұяшықты қаптамадан мемлекеттік және орыс тілдеріндегі медицинада қолданылуы жөніндегі нұсқаулықпен бірге картон қорапқа салынады.

Сақтау шарттары

Күн сәулесінен қорғалған жерде 25° С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Дәріханалардан босатылу шарттары

Рецепт арқылы

Өндіруші

Хилтон Фарма (Пвт.) Лтд. Карачи, Пәкістан

Тіркеу куәлігінің иесі

Хилтон Фарма (Пвт.) Лтд. Карачи, Пәкістан

Қазақстан Республикасы аумағында тұтынушылардан өнім ауар) сапасына қатысты шағымдарды қабылдайтын ұйымның мекенжайы

«Стандарт Фарма» ЖШС: Алматы қ-сы, Елебеков к-сі, 12/1 үй

Тел: +7(727) 2643915

Электронды поштасы: info@yellow-pages.kz

Прикрепленные файлы

002716931477976426_ru.doc 61 кб
260532511477977687_kz.doc 71 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники