Войти

Супрастин® (25 мг) Хлоропирамин

Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Включено в Список ЛС в рамках ГОБМП, подлежащих закупу у Единого дистрибьютора
ЕД (Включено в Список ЛС в рамках ГОБМП, подлежащих закупу у Единого дистрибьютора)
Производитель: ФАРМАЦЕВТИЧЕСКИЙ ЗАВОД ЭГИС ЗАО
Анатомо-терапевтическо-химическая классификация: Chloropyramine
Номер регистрации: № РК-ЛС-5№015728
Дата регистрации: 03.12.2014 - 03.12.2019
Предельная цена: 21.61 KZT

Инструкция

Саудалық атауы

Супрастин

Халықаралық патенттелмеген атауы

Хлоропирамин

Дәрілік түрі

Таблеткалар

Құрамы

Бір таблетканың құрамында

белсенді зат: 25 мг хлоропирамин гидрохлориді бар,

қосымша заттар: лактоза моногидраты, картоп крахмалы, натрий карбоксиметилкрахмалы (А типі), тальк, желатин, стеарин қышқылы.

Сипаттамасы

Бір жағында ойығымен «SUPRASTIN» ойық жазуы, екінші жағында сызығы бар, иіссіз немесе иіссіз дерлік диск түріндегі ақ немесе сұрғылт-ақшыл таблеткалар.

Фармакотерапиялық тобы

Жүйелік әсері бар антигистаминдік препараттар. Орын басқан этилендиаминдер. Хлоропирамин.

АТХ коды R06А С03

Фармакологиялық қасиеттері

Фармакокинетикасы

Ішке қабылдағаннан кейін хлоропирамин асқазан-ішек жолдарынан жылдам сіңеді. Оның терапиялық әсері ішке қабылдағаннан кейін 15-30 минут ішінде дамиды. Орталық жүйке жүйесін қоса алғанда организмде жақсы таралады. Плазма ақуыздарымен байланысуы - 7,9%. Ең жоғарғы байланысу шыңы рН 7,4 кезінде байқалған. Бауырда метаболизденеді. Көбінесе метаболиттер түрінде бүйрек арқылы шығарылады. Балаларда препараттың шығарылуы, ересек емделушілерге қарағанда тезірек жүреді.

Бауыр және бүйрек функциясы бұзылған емделушілерде хлорпираминнің метаболизмі төмендейді, сондықтан дозаны төмендетуге қажеттілік пайда болуы мүмкін.

Фармакодинамикасы

Хлоропирамин – трипеленаминнің (пирибензаминнің) хлорлы аналогы, этилендиаминдік антигистаминдік препараттар тобына жататын бірінші буынның антигистаминдік препараты. Хлоропирамин клиникаға дейінгі және клиникалық зерттеулерінің нәтижесі көрсеткендей, трипеленамин секілді пішен қызбасын және басқа да аллергиялық ауруларды емдеу үшін тиімді қолданылады.

Ең жоғары әсері 1 сағат ішінде дамиды және шамамен 3-6 сағатқа созылады.

Қолданылуы

- аллергиялық ауруларда , оның ішінде есекжем, маусымдық аллергиялық ринит, аллергиялық конъюнктивит, тамаққа және дәрілерге аллергия

- жәндіктер шаққан кездегі аллергиялық реакцияда

- жанаспалы дерматитте, дерматографизмде

- жүйелі анафилактикалық реакциялар мен ангионевротикалық ісінудің адъюванттық емінде

Қолдану тәсілі мен дозалары

Таблеткаларды тамақ ішу кезінде, шайнамай және сұйықтықтың жеткілікті мөлшерімен қабылдау керек.

Ересектерге: ұсынылатын дозасы – 25мг (1 таблетка) тәулігіне 3-4 рет, қажет болған жағдайда тәуліктік дозаны 100 мг-ға дейін арттырады (4таблетка).

Балаларға: - 1 - 6 жастағы: ¼ таблеткадан. (6,25 мг) тәулігіне 3 рет немесе ½ таблеткадан (12,5 мг) тәулігіне 2 рет (ұнтаққа дейін үгітілген түрінде);

- 6 - 14 жастағы: ½ таблеткадан (12,5 мг) тәулігіне 2-3 рет.

Бұдан әрі емдеу және/немесе дозаны арттыру айтарлықтай дәрежеде емделушінің реакциясына және жағымсыз әсерлерінің болуына қарай анықталады.

Ең жоғары тәуліктік дозасы дене салмағына 2 мг/кг аспауы керек.

Анафилактикалық шокта немесе жедел ауыр аллергиялық реакцияда емді сақтықпен баяу көктамырішілік Супрастиннің инъекциясымен бастау ұсынылады, содан кейін бұлшықетішілік инъекцияны жалғастыру, содан кейін препаратты ішке қабылдауға көшу керек.

Егде жастағы және жүдеген науқастарға Супрастин препаратын қолдану ерекше сақтықты талап етеді, өйткені бұл емделушілерде антигистаминдік препараттар жағымсыз әсерлерді (бас айналуын, ұйқышылдықты, артериялық қысымның төмендеуін) жиі туындатады.

Бауыр функциясының бұзылуы кезінде препараттың белсенді компоненті метаболизмінің төмендеуімен байланысты бауыр аурулары кезінде дозаны төмендету қажет болуы мүмкін.

Бүйрек функциясының бұзылулары кезінде белсенді компоненті негізінен бүйрек арқылы шығарылуына байланысты препаратты қабылдау режиміне өзгерістер енгізу және дозаны төмендету қажет болуы мүмкін.

Емдеу ұзақтығы:

Емдеу ұзақтығы симптомдарының сипатына, олардың пайда болу уақытына байланысты.

Жағымсыз әсерлері

Сирек (≥ 1/10 000 және <1/1000)

- лейкопения, агранулоцитоз, гемолитикалық анемия, қан жүйесі тарапынан басқа да дискразиялар

Өте сирек (<1/10 000)

- аллергиялық реакциялар

- седативті әсері, шаршағыштық, бас айналуы, атаксия, тремор, жүйке қозуы, құрысулар, бас ауыруы, эйфория, энцефалопатия

- көзішілік қысымның жоғарылауы, глаукома ұстамасы, көру жітілігінің бұзылуы

- артериялық гипотензия, тахикардия, аритмия

- тәбеттің жоғалуы (анорексия) немесе артуы, эпигастрий аумағындағы жағымсыз сезінулер немесе ауыру, ауыздың кеберсуі, жүрек айнуы, құсу, диарея, іш қату,

- фотосенсибилизация

- миопатия

- несеп шығарудың қиындауы, несептің іркілуі

Препаратты тағайындағанда седативті жағымсыз реакциялардың даму мүмкіндігін ескеру керек.

Қолдануға болмайтын жағдайлар

  • препараттың белсенді немесе басқадай қосымша компонентіне жоғары сезімталдық

  • асқазан мен он екі елі ішектің (өршу фазасы) ойық жара ауруы

  • пилородуоденальді стеноз

  • бронх демікпесінің жедел ұстамасы

  • балалардағы шала туған және жаңа туған кезең

  • жүктілік және лактация кезеңі

Дәрілермен өзара әрекеттесуі

Моноаминооксидаза (МАО) тежегіштері мысалы, моклобемид немесе селегилин СупрастинніңÒ антихолинергиялық әсерлерін күшейтеді және ұзартады.

СупрастиндіÒ барбитураттармен, анксиолитикалық седативтік дәрілермен, транквилизаторлармен, апиындық анальгетиктермен, үшциклдік антидепрессанттармен, атропинмен және басқа да мускаринергиялық парасимпатолитиктермен бір мезгілде қолданған жағдайда аса сақ болу керек (СупрастинÒ мен осы препараттардың кез келгені бір-бірінің әсерлерін күшейтуі мүмкін).

Антигистаминдік препараттар терінің аллергиялық сынамаларына жауап ретінде тері реакциясын бәсеңдетеді, емделушілерге осындай тері сынамасын жасағанға дейін бірнеше күн бұрын осы препаратты қабылдауды тоқтату керек.

Отоуытты препараттармен бірге қолданғанда СупрастинÒ отоуыттылықтың ерте белгілерін бүркемелеуі мүмкін.

Емделу кезінде алкогольдік ішімдіктерді қабылдауға болмайды (алкоголь СупрастинніңÒ орталық жүйке жүйесінің қызметін басатын әсерін күшейтеді).

Айырықша нұсқаулары

Антихолинергиялық және седативті әсерлерінің болуымен байланысты Супрастинді егде жастағы емделушілерге, сондай-ақ бауыр, жүрек-қантамыры жүйесінің функциялары бұзылуларында, жабық бұрышты глаукомада, несеп іркілісінде, қуық түбі безінің гипертрофиясында абайлап сақтықпен тағайындау керек.

Препаратты кешке қарай кешірек қабылдау гастро-эзофагальді рефлюкс ауруының симптомдарын күшейтуі мүмкін.

Отоуытты препараттармен бірге қолданғанда Супрастин отоуыттылықтың ерте белгілерін бүркемелеуі мүмкін.

Антигистаминдік препараттарды ұзақ қолданғанда сирек жағдайларда қан түзу жүйесі тарапынан бұзылуларды (лейкопенияны, агранулоцитозды, тромбоцитопенияны, гемолитикалық анемияны) туындатуы мүмкін.

Шығу тегі белгісіз қызба, ларингит, ауыздың шырышты қабығының ойық-жаралануы, бозару, сарғаю, қанталау, әдеттен тыс немесе тоқтатуы қиын қан кетулер пайда болғанда препаратты ұзақ уақыт қолданғанда қанның формалық элементтерінің санын анықтау, ал қан түзу жүйесі тарапынан бұзылулар анықталғанда препаратты қабылдауды тоқтату керек.

Алкоголь антигистаминдік препараттардың орталық жүйке жүйесіне седативтік әсерін күшейтеді, сондықтан Супрастинмен® емделу кезінде алкогольдік ішімдіктерді қабылдауға болмайды.

Әр таблетканың құрамында 116 мг лактоза моногидраты бар. Бұл препаратты сирек кездесетін туа біткен галактозаны көтере алмаушылықпен, тұқым қуалаған лактаза тапшылығымен немесе глюкоза/галактоза мальабсорбциясы синдромымен емделушілерге тағайындауға болмайды.

Жүктілік және лактация кезеңі

Препаратты жүктілік кезінде қолдануға қатысты бақыланатын клиникалық зерттеулердің деректері жоқ. Әйтсе де аналары жүктіліктің соңғы айларында антигистаминдік препараттар қабылдаған жаңа туғандарда, ретролентальді фиброплазия даму жағдайлары сипатталған.

Жеткілікті деректердің болмауына байланысты препаратты емшекпен қоректендіру кезінде қолдануға болмайды.

Көлік құралдарын және әлеуетті қауіпті механизмдерді басқару қабілетіне әсер ету ерекшеліктері

Препарат, әсіресе емдеудің бастапқы кезеңінде ұйқышылдықты және психомоторлық функцияның бұзылуын туғызуы мүмкін. Супрастинді қолданудың бастапқы, жекелей белгіленетін кезеңінде көлік құралдарын жүргізуге және психомоторлық реакцияның жылдамдығын талап ететін басқадай әлеуетті қауіпті қызметтердің түрлерімен айналысуға рұқсат етілмейді. Әрі қарай емдеу үдерісінде шектеу дәрежесі препараттың көтерімділігіне қарай жекелей анықталады.

Артық дозалануы

Симптомдары: атропинмен улануға тән симптомдар мен белгілер дамиды: елестеулер, мазасыздық, атаксия, қозғалыс үйлесімділігінің бұзылуы, атетоз, құрысулар. Ерте жастағы балаларда қозу басым байқалады. Кейде ауыздың кеберсуі, көз қарашығының тұрақты үлкеюі, беттің қызаруы, синустық тахикардия, несептің іркілуі, қызба пайда болады. Ересектерде қызба мен беттің қызаруы болмауы мүмкін, ал қозу кезеңінен кейін бұл 2-18 сағаттың ішінде емделушінің өліміне әкелуі мүмкін кома мен кардиореспираторлық жеткіліксіздік даму мүмкіндігімен, құрысулар мен құрысудан кейінгі көрініс беретін жабығу байқалады.

Емі: Антихолинергиялық әсердің дамуымен байланысты асқазаннан астың қозғалуы іркіледі, сондықтан артық дозалаудан кейін 12 сағаттың ішінде асқазанды шаю мен ішке белсендірілген көмірді қабылдау қажет. Жүрек-қан тамыр жүйесі мен тыныс алудың көрсеткіштерін мониторингілеу, сондай-ақ симптоматикалық ем жүргізу ұсынылады. Арнайы у қайтарғысы белгісіз.

Шығарылу түрі және қаптамасы

10 таблеткадан ПВХ үлбір мен алюминий фольгадан жасалған пішінді ұяшықты қаптамада. 2 пішінді ұяшықты қаптамадан (20 таблетка) медицинада қолданылуы жөнгіндегі мемлекеттік және орыс тіліндегі нұсқаулықпен бірге картон қорапшада.

Сақтау шарттары

25С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«ЭГИС ФАРМАЦЕВТИКАЛЫҚ ЗАУЫТЫ» ЖАҚ

1106 БУДАПЕШТ, Керестури көшесі, 30-38 Венгрия

Телефон: (36-1) 803-5555, факс: (36-1) 803-5529

Тіркеу куәлігінің иесі

«ЭГИС Фармацевтикалық зауыты» ЖАҚ, Венгрия

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«ЭГИС Фармацевтикалық зауыты» ЖАҚ ҚР өкілдігі

050060, Алматы қ-сы, Жароков к-сі 286 Г

тел: + 7 (727) 247 63 34, + 7 (727) 247 63 33, факс: + 7 (727) 247 61 41

e-mail: egis@egis.kz

 

Прикрепленные файлы

086087101477976584_ru.doc 65.5 кб
614151451477977738_kz.doc 75 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники