Войти

Стопресс (4 мг) Периндоприл

Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Включено в Список бесплатного амбулаторного лекарственного обеспечения
АЛО (Включено в Список бесплатного амбулаторного лекарственного обеспечения)
Производитель: Химфарм АО
Анатомо-терапевтическо-химическая классификация: Perindopril
Номер регистрации: № РК-ЛС-3№020970
Дата регистрации: 27.09.2017 - 27.09.2022
Предельная цена: 28.06 KZT

Инструкция

Саудалық атауы

Стопресс

Халықаралық патенттелмеген атауы

Периндоприл

Дәрілік түрі

4 мг және 8 мг таблеткалар

Құрамы

Бір таблетканың құрамында

белсенді зат – 4.0 мг немесе 8.0 мг периндоприл терт-бутиламин

(периндоприл эрбумин),

қосымша заттар: маннитол, кросповидон, бутилденген негізгі метакрилат сополимері (EUDRAGIT EPO), магний стеараты, сусыз коллоидты кремнийдің қостотығы (аэросил)

Сипаттамасы

Cопақша пішінді, ақ немесе ақ дерлік түсті таблеткалар (4 мг доза үшін).

Жалпақ цилиндр пішінді, ақ немесе ақ дерлік түсті таблеткалар, таблетканың бір жағында ойығы бар (8 мг доза үшін).

Фармакотерапиялық тобы

Ренин-ангиотензин жүйесіне әсер ететін препараттар. Ангиотензин конвертациялаушы фермент (АКФ) тежегіштері. Периндоприл

ATХ коды C09AA04

Фармакологиялық қасиеттері

Фармакокинетикасы

Сіңуі

Ішке қабылданғаннан кейін периндоприл асқазан-ішек жолынан (АІЖ) тез сіңіріледі. Cmax 1 сағаттан соң жетеді. Препарат биожетімділігі 65-70% құрайды.

Таралуы және метаболизмі

Метаболизм үдерісінде периндоприл белсенді метаболит – периндоприлаттың (27% жуық) және белсенді емес 5 метаболиттің түзілуімен биоөзгеріске түседі. Плазмадағы периндоприлат Cmax периндоприл қабылдағаннан кейін 3 және 5 сағат аралығында жетеді. Қан плазмасы ақуыздарымен (негізінен АӨФ) периндоприлаттың байланысуы 20% құрайды және препарат концентрациясына тәуелді. Бос периндоприлат Vd 0,2 л/кг жуық.

Қайталап қабылдау жинақталуына әкелмейді және T1/2 оның белсенділік кезеңіне сәйкес келеді. Препаратты тамақтану кезінде қабылдағанда периндоприл метаболизмі баяулайды.

Шығарылуы

Периндоприл T1/2 1 сағат құрайды. Периндоприлат организмнен бүйрек арқылы шығарылады; Оның бос фракциясының T1/2 17 сағатқа жуық құрайды, бұл стационарлық жағдайға 4 күн ішінде жетуге мүмкіндік береді.

Ерекше клиникалық жағдайлардағы фармакокинетикасы

Егде жастағы емделушілерде, сондай-ақ бүйрек және жүрек жеткіліксіздігімен науқастарда периндоприлат шығарылуы баяулайды.

Циррозбен науқастарда периндоприлдің бастапқы молекуласының бауырлық клиренсі екі есе баяулайды. Алайда түзілген периндоприлат мөлшері төмендемейді, сондықтан дозаны түзету қажет емес.

Фармакодинамикасы

Стопресс – бұл І ангиотензинді IІ ангиотензинге (ангиотензин өзгертуші фермент, АӨФ) өзгертетін фермент тежегіші.

АӨФ белсенділігінің тежелуі плазмада ангиотензин ІІ деңгейінің төмендеуіне әкеледі, ол плазма ренині белсенділігінің жоғарылауына (ренин босап шығатын теріс кері байланыс тежелісі арқылы) және альдостерон секрециясының төмендеуіне ұласады. АӨФ брадикининді әсерсіз ететіндіктен, АӨФ тежелісі де айналымдағы және жергілікті калликреин-кинин жүйелері белсенділігінің артуына (сонысымен, простагландин жүйесінің белсенділенуіне) алып келеді. Бұл механизмнің АӨФ тежегіштерінің артериялық қысымды түсіретін әсеріне атсалысуы толықтай мүмкін және оның белгілі бір жағымсыз әсерлерін (мысалы, жөтел) ішінара түсіндіреді.

Периндоприл әсері оның белсенді метаболиті – периндоприлатпен жүзеге асады. Басқа да метаболиттері АӨФ белсенділігін in vitro тежеу қабілетін көрсетпеген.

Артериялық гипертензия

Стопресс гипертензияның барлық: жеңіл, орташа және ауыр дәрежесінде де белсенді; әрі систолалық, әрі диастолалық артериялық қысым төмендеуі білінеді. Стопресс артериялық қысымды түсіре отырып, шеткергі тамыр кедергісін төмендетеді, соның салдарынан, жүректің жиырылу жиілігіне ықпал етусіз шеткергі қан ағымының артуы жүреді.

Әдеттегідей, бүйректік қан ағымы жоғарылайды, бұл тұста шумақтық сүзілу жылдамдығы (ШСЖ) әдетте өзгермейді.

Ең жоғары гипотензиялық әсері препарат бір рет енгізілгеннен кейін 4-тен 6 сағатқа дейінгі кезеңге тура келеді және кем дегенде 24 сағат бойы сақталады: ТРR (түпкілікті тиімділігі/ең жоғары тиімділігі) 87-100% құрайды.

Артериялық қысымның төмендеуі біртіндеп жүреді. Емге жауап беретін емделушілерде қысым бір ай ішінде қалыпқа келеді және тахифилаксия дамуынсыз сақталады. Стопресс сол жақ қарынша гипертрофиясын азайтады, ірі және орташа калибрлі артериялардың серпінділігін жақсартады.

Тиазидті диуретиктермен қосымша емдеу әсер синергизмін қатамасыз етіп, гипотензиялық әсерді күшейтеді. АӨФ тежегіші мен тиазидті диуретик біріктірілімі диуретиктерден болған гипокалиемия қаупін төмендетеді.

Созылмалы жүрек жеткіліксіздігі

Стопресс жүрек жұмысын жақсартып, алдыңғы және кейінгі жүктемені азайтады.

Препарат қолдану кезінде сол жақ және оң жақ қарыншалардың толу қысымының төмендеуі, ЖШТК төмендеуі, лықсыту фракциясының және жүрек индексінің артуы білінген.

Стопресс жүрек жеткіліксіздігіне емдеу үшін ұсынылатын дозаларында қолданылғанда препаратты алғаш қабылдағаннан кейін және ұзақ уақыт қолданған соң АҚ айқын өзгерістері байқалмайды.

Қолданылуы

- артериялық гипертензияда

- cозылмалы жүрек жеткіліксіздігінде

- ишемиялық жүрек ауруы: сыртартқыда миокард инфарктісі және/немесе реваскуляризациядан кейінгі жағдайдағы емделушілерде жүрек-қантамырлық асқынулар қаупін төмендетуде

Қолдану тәсілі және дозалары

Стопресті күніне бір рет таңертең ас ішуге дейін қабылдау ұсынылады. Дозаны емделушінің бейінін және артериялық қысым деңгейінің динамикасын есепке алып, әркімге жеке тағайындау керек.

Артериялық гипертензия

Стопресті монотерапия түрінде немесе басқа кластардың гипотензиялық препараттарымен біріктіріп пайдалануға болады.

Күніне бір рет таңертеңгілік ұсынылатын бастапқы дозасы 4 мг құрайды.

Ренин-ангиотензин-альдостерон жүйесі айқын белсенділенген (әсіресе, реноваскулярлы гипертензиясы, айналымдағы қан көлемінің төмендеуі, жүрек қызметінің декомпенсациясы немесе ауыр гипертензиясы бар) емделушілерде препараттың бастапқы дозасын қабылдағаннан кейін артериялық қысым күрт түсіп кетуі мүмкін. Мұндай емделушілерге бастапқы 2 мг доза ұсынылады, емдеуді дәрігер бақылауымен бастаған дұрыс.

Бір ай емделуден соң дозаны күніне бір рет 8 мг дейін арттыруға болады.

Периндоприлмен емдеу басталған соң диуретиктермен қатарлас емделетін емделушілерде ықтималдығы жоғары клиникалық айқын гипотензия дамуы мүмкін. Мұндай емделушілерге айналымдағы қан көлемінің болжамды төмендеуіне және/немесе электролиттер тапшылығына байланысты препаратты абайлап қабылдауға кеңес беріледі.

Мүмкіндігінше, диуретиктерді периндоприлмен емдеу басталғанша 2-3 күн бұрын тоқтату керек.

Диуретиктерді тоқтату мүмкін болмайтын гипертензияға шалдыққан емделушілерде периндоприлмен емдеуді 2 мг дозадан бастаған жөн. Бүйрек функциясын және қандағы калий деңгейін бақылау керек. Периндоприлдің кейінгі дозаларын артериялық қысым тарапынан болатын жауапқа сай түзеткен жөн. Қажет болса, диуретиктермен емдеуді жаңғыртуға болады.

Егде жастағы емделушілерде емдеуді 2 мг дозадан бастаған жөн, оны ай өткеннен кейін 4 мг дейін, артынша, қажет болса, бүйрек функциясына қарай 8 мг дейін арттыруға болады (төмендегі кестені қараңыз).

Созылмалы жүрек жеткіліксіздігі

Периндоприлді диуретиктер тағайындаумен, соның ішінде калий жинақтамайтын диуретиктермен және/немесе дигоксинмен және/немесе бета-блокаторлармен ара-тұра үйлестіреді; осындай жағдайларда препаратты таңертеңгілік ұсынылатын бастапқы 2 мг дозада мұқият медициналық бақылаумен қабылдау керек. Көтерімділігі жақсы болса, кем дегенде 2 апта өткенде бұл дозаны күніне бір рет 2 мг-4 мг арттыруға болады. Дозаны таңдау нақты емделушінің клиникалық жауабына негізделуі тиіс.

Ауыр жүрек жеткіліксіздігінде және жоғары қауіп тобындағы басқа да емделушілерде (бүйрек функциясының бұзылуы мен электролиттік бұзылуларға бейімділігі бар емделушілерде диуретиктер және/немесе вазодилататорлар қатарлас қабылданғанда) емдеуді қалтқысыз медициналық бақылаумен бастаған жөн.

Периндоприлмен ем басталғанша клиникалық айқын гипотензияның даму қаупі жоғары емделушілерде (яғни гипонатриемиямен/онсыз, гиповолемиямен электролиттер жоғалтқан емделушілерде немесе диуретиктермен қатарлас белсенді емде жүрген емделушілерде), мүмкіндігінше, осы жағдайды түзеткен жөн. Периндоприлмен емдеуге дейін және ем кезінде артериялық қысымды, бүйрек функциясын және калийдің сарысулық деңгейін бақылау керек.

Жүректің тұрақты ишемиялық ауруы

Периндоприлді екі апта бойы күніне бір рет 4 мг дозада тағайындап, артынша дозаны күніне бір рет 8 мг дейін арттыру керек (бүйрек функциясына байланысты және 4 мг дозаның көтерімділігі жақсы болған жағдайда).

Егде жастағы емделушілерге бүйрек функциясына қарай препаратты бір апта бойы күніне бір рет 2 мг-ден, сонан соң келесі апта бойы дозаны күніне бір рет 8 мг дейін арттырар алдында күніне бір рет 4 мг-ден тағайындау керек (1 кестеден «Бүйрек функциясының бұзылуында дозаны түзетуді» қараңыз).

Дозаны күніне бір рет 8 мг дейін арттырар алдында бүйрек функциясына қарай дозаны, егер алдыңғы төменірек доза жақсы көтерімді болған жағдайда ғана арттыру керек.

Бүйрек функциясы бұзылған емделушілерде дозаны түзету

1 кестеде көрсетілгендей, бүйрек функциясы бұзылған емделушілерде доза креатинин клиренсіне негізделуі тиіс:

1 кесте: Бүйрек функциясы бұзылған емделушілерде дозаны түзету

Креатинин клиренсі (мл/мин)

Ұсынылатын доза

ClCR ≥ 60

Күніне 4 мг

30 < ClCR < 60

Күніне 2 мг

15 < ClCR < 30

Күнара 2 мг

Гемодиализде жүрген емделушілер*, ClCR < 15

Диализ жасалған күні 2 мг

* Периндоприлат клиренсі диализ кезінде 70 мл/мин құрайды. Гемодиализде жүрген емделушілер бұл дозаны гемодиализ сеансынан соң алуы тиіс.

Бауыр функциясы бұзылған емделушілерде дозаны түзету

Бауыр функциясы бұзылған емделушілерде дозаны түзету қажет емес.

Жағымсыз әсерлері

Жиі (≥1/100, <1/10)

- бұлшықеттердің құрысуы

- бөртпе, қышыну

- жүрек айну, құсу, іштің ауыруы, дәм сезудің өзгеруі, диспепсия, диарея немесе іш қату

- жөтел, ентігу

- артериялық гипотензия

- бас ауыру, бас айналу, құлақтың шуылы, көрудің нашарлауы, парестезиялар

- астения

Жиі емес (≥1/1000, <1/100)

- бет, ерін, шырышты қабықтар, тіл, дыбыстық қатпарлар және/немесе көмей, аяқ-қолдың ангионевротикалық ісінуі, есекжем

- шеткергі ісінулер, дене температурасының көтерілуі

- фотосезімталдық реакциялары, пемфигоид, гипергидроз

- ауыздың кеберсуі

- бронх түйілуі

- бауыр ферменттері белсенділігінің, қан сарысуындағы билирубин, креатинин, мочевина деңгейінің жоғарылауы

- көңіл-күйдің немесе ұйқының бұзылуы

- бүйрек жеткіліксіздігі

- эректильді функцияның бұзылуы

- қатты терлеу, қызба

- гипернатриемия, өтпелі гиперкалиемия, эозинофилия

- синкопе, кеуденің ауыруы, дімкәстану

- артралгия, миалгия

- құлау салдарынан кездейсоқ жарақаттанулар

Өте сирек (<1/10000)

- сананың шатасуы

- аритмия, стенокардия, миокард инфарктісі, инсульт

- эозинофильді пневмония, ринит

- панкреатит, цитолиздік немесе холестаздық гепатит

- мультиформалы эритема

- жедел бүйрек жеткіліксіздігі

- гемоглобин және гематокрит деңгейінің төмендеуі, тромбоцитопения, лейкопения/нейтропения, агранулоцитоз немесе панцитопения

- глюкоза-6-фосфатдегидрогеназа ферментінің (Г-6ФДГ) туа біткен жеткіліксіздігі бар емделушілердегі гемолитикалық анемия

Жиілігі белгісіз

- васкулит

- гипогликемия

Қолдануға болмайтын жағдайлар

- периндоприлге немесе препараттың қосымша компоненттеріне, сондай-ақ басқа да АӨФ тежегіштеріне аса жоғары сезімталдық

- сыртартқыдағы АӨФ тежегіштерін қабылдаумен байланысты ангионевротикалық ісіну

- тұқым қуалайтын немесе идиопатиялық ангионевротикалық ісіну

- жүктілік және лактация кезеңі

- 18 жасқа дейінгі балалар мен жасөспірімдерге

Дәрілермен өзара әрекеттесуі

Диуретиктер

Диуретиктермен емделу аясында, әсіресе, электролиттер жоғалтқан және/немесе гиповолемиясы бар емделушілерде АӨФ тежегішімен емдеу басталған соң артериялық қысым шамадан тыс төмендеуі мүмкін. Гипотензиялық әсерін емдеу басталғанша диуретиктермен емді тоқтату, АҚК арттыру немесе тұздарды қабылдау есебінен, периндоприлдің төмен және біртіндеп арттырылатын дозаларымен төмендетуге болады.

Калий жинақтаушы диуретиктер, калий препараттары және құрамында калий бар тұз алмастырғыштар

Калийдің сарысулық деңгейі әдетте қалып шегінде сақталса да, кейбір емделушілерде периндоприлмен емдеу аясында гиперкалиемия дамуы мүмкін. Калий жинақтаушы диуретиктер (мысалы, спиронолактон, триамтерен немесе амилорид), калий препараттары немесе құрамында калий бар тұз алмастырғыштар калийдің сарысулық деңгейін елеулі арттыруы мүмкін. Осы себептен периндоприлді жоғарыда аталған заттармен үйлестіру ұсынылмайды. Егер осы препараттарды қатарлас қолдану гипогликемия дамуымен байланысты көрсетілсе, оларды калий деңгейін жүйелі бақылаумен сақтықпен тағайындау керек.

Литий препараттары

Литий препараттарын АӨФ тежегіштерімен қатарлас қолданғанда литийдің сарысулық концентрациясы мен оның уыттылығының қайтымды артуы болды. Тиазидті диуретиктерді қатарлас қолдану литий препараттарының уыттылық қаупін арттырып, АӨФ тежегіштерін қатарлас қолдану аясында литийдің бұрыннан бар уыттылық қаупін күшейтуі мүмкін. Периндоприлді литий препараттарымен үйлестіріп қолдану ұсынылмайды, алайда осындай біріктіру қажет болса литийдің сарысулық деңгейіне мұқият мониторинг жасаған жөн.

Қабынуға қарсы стероидты емес дәрілер (ҚҚСД), ≥3 г/тәулік дозадағы аспиринді қоса

Қабынуға қарсы стероидты емес препараттар тағайындау АӨФ тежегіштерінің гипотензиялық әсерін төмендетуі мүмкін. Бұдан басқа, ҚҚСД және АӨФ тежегіштерінің калийдің сарысулық деңгейінің жоғарылауына қатысты аддитивті әсері бар және бүйрек функциясының төмендеуіне әкелуі мүмкін. Бұл әсерлер әдетте қайтымды сипатта болады. Гипотензиялық препараттар және вазодилататорлар

Осы препараттарды қатарлас қолдану периндоприлдің гипотензиялық әсерін күшейтуі мүмкін.

Диабетке қарсы препараттар

АӨФ тежегіштері мен диабетке қарсы препараттарды (инсулин, ішуге арналған гипогликемиялық дәрілер) бірге қолдану гипогликемияның даму қаупі бар гипогликемиялық әсерді күшейтуі мүмкін. Бүйрек функциясы бұзылған емделушілерде біріктіріп емдеудің алғашқы апталарында бұл құбылыстың зор ықтималдықпен дамуы көрсетілген.

Ацетилсалицил қышқылы, тромболитиктер, бета-адреноблокаторлар, нитраттар

Периндоприлді ацетилсалицил қышқылымен (тромболитик ретінде пайдаланылғанда), тромболитикалық дәрілермен, бета- адреноблокаторлармен және/немесе нитраттармен бір мезгілде тағайындауға болады.

Үш циклды антидепрессанттар/антипсихотикалық дәрілер/анестетиктер

АӨФ тежегіштерімен кейбір анестетиктерді, үш циклды антидепрессанттарды және антипсихотикалық дәрілерді қатарлас қолдану артериялық қысымның қосымша төмендеуіне әкелуі мүмкін.

Симпатомиметиктер

Симпатомиметиктер АӨФ тежегіштерінің гипотензиялық әсерлерін төмендетуі мүмкін.

Алтын препараттары

Сирек жағдайларда периндоприлді қоса, алтын препараттары мен АӨФ тежегіштерін қабылдайтын емделушілерде беттің қызаруы, жүрек айну, құсу және гипотензия тіркелген.

Айрықша нұсқаулар

Жүректің тұрақты ишемиялық ауруы

Егер тұрақсыз стенокардия көрінісі (айқын немесе айқын емес) периндоприлмен емдеудің алғашқы айында дамыса, емді жалғастырар алдында пайда мен қауіп арақатынасын мұқият бағалау керек.

Гипотензия

АӨФ тежегіштері артериялық қысымды төмендетуі мүмкін. Гипертензиясы асқынбаған емделушілерде клиникалық айқын гипотензия сирек кездеседі; ол гиповолемиясы бар, яғни диуретиктер алатын, асқа тұз тұтынуды шектеген, гемодиализде жүрген емделушілерде, сондай-ақ диарея немесе құсу пайда болған емделушілерде немесе ренинге тәуелді ауыр гипертензияға шалдыққан емделушілерде жиірек кездеседі. Қатарлас бүйрек жеткіліксіздігі бар/онсыз клиникалық тұрғыда айқын жүрек жеткіліксіздігіне шалдыққан емделушілерде клиникалық айқын гипотензия байқалған. Клиникалық айқын гипотензияның даму қаупі жоғары емделушілер емнің басында мұқият бақылауды және дозаны түзетуді қажет етеді. Осыған ұқсас талаптар артериялық қысымның шектен тыс төмендеуі миокард инфарктісінің дамуына немесе ми қан айналымының жедел ағымды бұзылуына әкеп соғатын ишемиялық жүрек ауруы немесе цереброваскулярлық ауруы бар емделушілерге де қатысты.

Іркілісті жүрек жеткіліксіздігі бар және артериялық қысымы қалыпты немесе төмендеген кейбір емделушілерде периндоприлмен емдеу жүйелі артериялық қысымның қосымша төмендеуіне әкелуі мүмкін. Бұл әсер күтілімді, әрі әдетте емдеуді тоқтатуға себеп бола алмайды. Клиникалық айқын гипотензия жағдайында дозаны азайту немесе периндоприлмен емдеуді тоқтату қажет болуы мүмкін.

Қолқа және митральді клапан стенозы/гипертрофиялық кардиомиопатия Периндоприл митральді клапан стенозы және сол жақ қарыншадан шығатын жолдың стенозы, мысалы қолқа стенозы немесе гипертрофиялық кардиомиопатиясы бар емделушілерге абайлап қолданылу керек.

Бүйрек функциясының бұзылуы

Бүйрек функциясы бұзылған жағдайда (креатинин клиренсі минутына < 60 мл) периндоприлдің бастапқы дозасын емделушінің креатинин клиренсіне сәйкес және емделушінің емге берген жауабына қарай түзеткен жөн. Әдетте, мұндай емделушілерде калий мен креатинин деңгейіне жоспарлы тәртіппен бақылау жүргізіледі.

АӨФ тежегіштерімен ем алатын бүйрек артериясының екі жақты стенозы немесе жалғыз бүйрек артериясының стенозы бар кейбір емделушілерде әдетте емді тоқтатқаннан кейін қайтымды сипатта болатын қандағы мочевина және сарысулық креатинин деңгейінің жоғарылауы болды. Бұл, әсіресе, бүйрек функциясы бұзылған емделушілерде ықтимал. Реноваскулярлы гипертензия жағдайында ауыр гипотензия мен бүйрек жеткіліксіздігінің жоғарылау қаупі бар. Мұндай емделушілерде емдеу жіті медициналық бақылаумен төмен дозалардан басталып, кейіннен дозалар абайлап таңдалады. Диуретиктермен емдеу жоғарыда сипатталған құбылыстардың дамуына ықпал етуші фактор болғандықтан, периндоприлмен емдеудің алғашқы апталарында диуретиктерді тоқтатып, осы орайда бүйрек функциясын бақылау керек.

Бүйрек трансплантациясы

Бүйрек трансплантациясы таяуда жасалған емделушілерде препарат қабылдау тәжірибесі жоқ.

Аса жоғары сезімталдық/ангионевротикалық ісіну

Периндоприлді қоса, АӨФ тежегіштерімен ем алатын емделушілерде анда-санда бет, аяқ-қол, ерін, шырышты қабықтар, тіл, дыбыстық қатпарлар және/немесе көмейдің ангионевротикалық ісінуі дамуы мүмкін. Бұл құбылыс емдеу кезінде кез келген сәтте дамуы ықтимал. Осындай жағдайларда периндоприлмен емдеуді дереу тоқтатып, жағдайға тиісінше мониторинг жасауды бастау керек, ол симптомдар толық басылғанша жалғасады. Ісіну бет және ерін аумағында шектелген жағдайларда, симптомдарды жеңілдетуге антигистаминдік дәрілер пайдаланылса да, әдетте, құбылыс емдемей-ақ басылады.

Көмейдің ісінуімен біріккен ангионевротикалық ісіну өлімге әкеп соқтыруы мүмкін. Тыныс жолдарын тарылту ықтималдығы жоғары тіл, дыбыс қатпарлары және көмей ісінуі жағдайында дереу шұғыл ем тағайындау керек. Ол адреналин енгізуді және/немесе тыныс жолдарының өткізгіштігін сақтауды қамтуы мүмкін. Емделуші симптоматика мәселесі толық және тұрақты басылғанша жіті медициналық бақылауда болуы тиіс.

Гемодиализ/ТТЛП-липидті аферез/Десенсибилизациялауға арналған ем

Бір мезгілде периндоприл және полиакрил-нитрилді жарғақшамен диализ немесе декстран сульфатымен ТТЛП (тығыздығы төмен липопротеин) аферезі немесе жәндіктер (ара, аса) уына қарсы десенсибилизация тағайындалғанда анафилактикалық шок дамуы мүмкін.

Диализ үшін басқа жарғақшаны пайдалану ұсынылады немесе периндоприлді гипертензияға қарсы басқа препараттармен уақытша алмастыру керек (АӨФ тежегіштерімен емес).

Десенсибилизация жүргізер алдында периндоприлді тоқтату керек.

Бауыр жеткіліксіздігі

Сирек жағдайларда АӨФ тежегіштерімен емдеу холестаздық сарғаюдан басталатын синдроммен қатар жүреді және бауырдың фульминантты некрозының дамуымен үдейді, ал кейде өлімге ұшыратады. Осы синдромның даму механизмі белгісіз. Егер АӨФ тежегіштерімен емделу аясында сарғаю дамыса немесе бауыр ферменттерінің деңгейі елеулі жоғарыласа, АӨФ тежегішін тоқтатып, кейіннен тиісті медициналық бақылау тағайындау керек.

Нейтропения/агранулоцитоз/тромбоцитопения/анемия

АӨФ тежегіштерін алатын емделушілерде нейтропения/агранулоцитоз, тромбоцитопения және анемияның дамуы болды. Периндоприл дәнекер тіннің жүйелі аурулары бар емделушілерге иммунодепрессанттық ем, аллопуринол қабылдау аясында, әсіресе бүйрек функциясының бұзылуында сақтықпен тағайындалу керек. Осы емделушілердің кейбіреуінде бірқатар жағдайларда бактерияға қарсы емге жауап бермейтін күрделі жұқпалар дамиды. Мұндай емделушілерге периндоприл тағайындалғанда қандағы лейкоциттер деңгейіне мезгіл-мезгіл мониторинг жасау ұсынылады. Емделушілер жұқпа дамуының кез келген белгілері жөнінде дәрігерге хабарлау керек.

Операциялық араласу/анестезия

Ірі хирургиялық операция кезінде немесе гипотензияны дамытатын препараттар пайдаланылатын анестезия кезінде периндоприл рениннің компенсаторлық босап шығуы салдарынан ангиотензин ІІ түзілуін бөгеуі мүмкін. Емдеуді операциядан бір күн бұрын тоқтату керек. Осы механизмге байланысты гипотензия дамығанда оны инфузиялық ем арқылы түзетуге болады.

Гиперкалиемия

Кейбір емделушілерде периндоприлді қоса, АӨФ тежегіштерімен емделу аясында калийдің сарысулық деңгейінің артуы болды. Гиперкалиемияның даму қаупі бар емделушілерге 70 жастан асқан егде жастағы емделушілер, бүйрек жеткіліксіздігімен, сусызданумен, жедел жүрек жеткіліксіздігімен, метаболикалық ацидозбен, қант диабетімен науқастар, калий жинақтаушы диуретиктер (верошпирон, спиронолактон, триамтерен), калий препараттары немесе құрамында калий бар тұз алмастырғыштар, сондай-ақ калийдің сарысулық деңгейін арттыратын басқа препараттар (мысалы, гепарин) алатын тұлғалар жатады. Жоғарыда аталған препараттарды қатарлас қабылдау қажет болса, калийдің сарысулық деңгейіне жүйелі мониторинг ұсынылады.

Қант диабетіне бар емделушілер

Диабетке қарсы ішуге арналған препараттар немесе инсулин алатын қант диабеті бар емделушілерде АӨФ тежегішімен емделген алғашқы ай бойына гликемия деңгейін жіті бақылаған дұрыс.

Жөтел

АӨФ тежегіштері тағайындалғанда жөтел өнімсіз, тұрақты болады және емді тоқтатқаннан кейін басылады.

Басқа да сақтандырулар мен ескертулер

Ангиотензин өзгертуші фермент тежегіштеріне қатысты анықталғандай, периндоприлдің қара нәсілді емделушілерде тиімділігі аз, бұл осы артериялық гипертензиясы бар емделушілердегі рениннің төмен белсенділігінің көп жиілікте кездесу себебінен болуы мүмкін.

Педиатрияда қолдану

Периндоприлді балаларда қолдану тиімділігі мен қауіпсіздігі анықталмаған, осыған орай, препаратты 18 жасқа дейінгі балаларда қолдану ұсынылмайды.

Көлік құралын немесе қауіптілігі зор механизмдерді басқару қабілетіне әсер ету ерекшеліктері

Артериялық гипертензия мен бас айналудың даму қауіптілігіне орай, Стопресс автокөлік басқару және аса қауіпті механизмдермен жұмыс істеу кезінде емделушілерге сақтықпен тағайындалу керек.

Артық дозалануы

Симптомдары: гипотензия, шок, электролиттік бұзылулар, бүйрек жеткіліксіздігі, өкпенің асқын желдетілуі, тахикардия, жүрек қағу, брадикардия, бас айналу, мазасыздық және жөтел.

Емі: көктамыр ішіне 0.9% натрий хлориді ерітіндісін енгізу. Гипотензия дамығанда емделушіні «шалқасынан аяғын көтеріңкіреп» жатқызған жөн. Қажет болса, ангиотензин ІІ инфузиясын енгізу және/немесе көктамыр ішіне катехоламиндер енгізу. Периндоприлді гемодиализ арқылы шығаруға болады. Консервативті емге төзімді брадикардия дамығанда кардиостимулятор орнату көрсетілген. Өмірлік маңызды функциялар көрсеткіштерін, қан сарысуындағы электролиттер мен креатининнің деңгейін үздіксіз бақылау керек.

Шығарылу түрі және қаптамасы

10 таблеткадан ПВХ/АКЛАР (фирма БК) үлбірінен және алюминий фольгадан жасалған пішінді ұяшықты қаптамада.

3 пішінді қаптамадан медицинада қолданылуы жөніндегі мемлекеттік және орыс тілдерінде бекітілген нұсқаулықпен бірге тұтынушы ыдысына арналған немесе хром-эрзац картон пәшкеге салады.

Пішінді ұяшықты қаптамаларды (картон пәшкеге салынбаған) қораптық немесе гофрланған картон қорапқа салуға болады.

Әр қорапқа қаптамалар санына қарай медицинада қолданылуы жөніндегі мемлекеттік және орыс тілдеріндеі бекітілген нұсқаулықтар салынады.

 

Сақтау шарттары

Құрғақ, жарықтан қорғалған жерде, 25С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін пайдалануға болмайды.

Дәріханадан босатылу шарттары

Рецепт арқылы

Өндіруші

«Химфарм» АҚ, Қазақстан Республикасы

Шымкент қ., Рашидов к-сі, 81

Тіркеу куәлігінің иесі

«Химфарм» АҚ, Қазақстан Республикасы

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы:

«Химфарм» АҚ, Шымкент қ., ҚАЗАҚСТАН РЕСПУБЛИКАСЫ,

Рашидов көшесі, 81, т/ф: 560882

Телефон нөмірі 7252 (561342)

Факс нөмірі 7252 (561342)

Электронды поштасы: standart@santo.kz

 

 

Прикрепленные файлы

450738031477976629_ru.doc 116.5 кб
127210921477977777_kz.doc 171 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники