Войти

Сиспрес® 500 Ципрофлоксацин

Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Включено в Список ЛС в рамках ГОБМП, подлежащих закупу у Единого дистрибьютора
ЕД (Включено в Список ЛС в рамках ГОБМП, подлежащих закупу у Единого дистрибьютора)
Производитель: Компания "НОБЕЛ АЛМАТИНСКАЯ ФАРМАЦЕВТИЧЕСКАЯ ФАБРИКА"
Анатомо-терапевтическо-химическая классификация: Ciprofloxacin
Номер регистрации: № РК-ЛС-5№011434
Дата регистрации: 19.02.2018 - 19.02.2023
Предельная цена: 43.97 KZT

Инструкция

Сиспрес® 500

Саудалық атауы

СИСПРЕС ® 250

СИСПРЕС® 500

Халықаралық патенттелмеген атауы

Ципрофлоксацин

Дәрілік түрі

Үлбірлі қабықпен қапталған 250 мг және 500 мг таблеткалар

Құрамы

Бір таблетканың құрамында

белсенді зат ципрофлоксацин гидрохлориді 291,51 мг және 583,00 мг,

250 мг және 500 мг ципрофлоксацинге баламалы,

қосымша заттар: жүгері крахмалы, микрокристалды целлюлоза РН 102, поливинилпирролидон PVP К 30, коллоидты кремнийдің қостотығы (Аэросил), магний стеараты, натрий кроскармеллозасы, №1 үлбірлі қабыққа арналған материал (Sepifilm LP770, Opadry white OY-S-7166)

1 үлбірлі қабықтың құрамы: гипрометилцеллюлоза, микрокристалды целлюлоза, стеарин қышқылы, титанның қостотығы (Е 171)

Сипаттамасы

СИСПРЕС® 250 – ақ түсті үлбірлі қабықпен қапталған, екі жағы дөңес беткейлі, дөңгелек пішінді таблеткалар

СИСПРЕС® 500 - ақ түсті үлбірлі қабықпен қапталған, екі жағы дөңес беткейлі, сопақша пішінді, бір жақ бетінде сызығы және екінші бетінде «NOBEL» таңбасы бар таблеткалар.

Фармакотерапиялық тобы

Жүйелі пайдалануға арналған бактерияға қарсы препараттар. Микробқа қарсы препараттар хинолон туындылары. Фторхинолондар. Ципрофлоксацин.

АТХ коды J01MA02

Фармакологиялық қасиеттері

Фармакокинетикасы

Препаратты пероральді қабылдағаннан кейін асқазан-ішек жолынан (АІЖ) жылдам және жақсы сіңеді. Биожетімділігі 50-85 % құрайды, препараттың қандағы ең жоғары концентрациясына 0,5-2,5 сағат ішінде жетеді. Ципрофлоксацин қан плазмасындағы ақуыздармен 16-43% байланысады.

Ципрофлоксацинді қабылдағаннан кейін ағзаның тіндері мен сұйықтықтарында кең таралады. Препараттың жоғары концентрациясы бадамша бездерде, өкпеде, бүйректе, бауырда, өтте және өт қабында, ұрық сұйықтығында, қуық асты безі тіндерінде және оның секреттерінде, эндометрийде, фаллопий түтіктерінде және аналық бездерде анықталады. Бүйрек функциясы қалыпты ересектерде ципрофлоксациннің плазмадан жартылай шығарылу кезеңі 3-5 сағатты құрайды. Препарат 4 метаболит: диэтилципрофлоксацин, сульфоципрофлоксацин, оксоципрофлоксацин,N-формилципрофлоксацинді түзе отырып, бауырда ішінара метаболизденеді. Ципрофлоксацин және оның метаболиттері ағзадан несеппен (50-70 %) және нәжіспен (15-30 %) шығарылады. Өзгермеген ципрофлоксацин несеппен шумақтық сүзіліс және өзекшелік сөлініс арқылы шығарылады. Емдік дозаны пероральді қабылдағанда дозаның 15 % - 50 % 5 күн ішінде несеппен шығарылады.

Фармакодинамикасы

СИСПРЕС® бактерицидті дәрі болып табылады. Ципрофлоксацин басқа да фторхинолонды антибактериялық заттар сияқты микроорганизмнің препаратқа сезімтал ДНҚ-топоизомеразасын (ДНҚ-гиразаны) тежейді. ДНҚ-гираза бактериялық ДНҚ репродукциясы және транскрипцияның, қалпына келудің, рекомбинация және транспозицияның кейбір сәттері үшін қажет. Ципрофлоксацин нысаны ферменттің А-субъбірлігі болып табылады. Ципрофлоксацин сондай-ақ ферменттердің Б-субъбірлігімен өзара әрекеттесуі мүмкін.

СИСПРЕС® әсер ету ауқымы кең және Enterobacteriaceae және Pseudomonas aeruginosa; Escherichia coli, Shigella, Salmonella, Citrobacter, Klebsiella, Enterobacter, Serratia, Hafnia, Edwardsiella, Proteus, Providencia, Моrganella, Yersinia, Vibrio, Aeromonas, Plesiomonas, Pasteurella, Haemophilus, Gardnerella, Campylobacter, Pseudomonas, Logionella, Neisseria, Moraxella, Acinebacter, Flavobacterium, Alcaligenes, Brucella. қоса алғандағы көптеген грамтеріс аэробты бактерияларға қарсы белсенділігі жоғары.

Сиспрес® сондай-ақ Staphylococcus aureus, коагулозды-негативті стафилококк штаммдарын, Steptococcus pyogenes, Streprococcus pneumoniae, Listeria, Corynebacterium қоса көптеген грамоң аэробты бактерияларға қарсы белсенді.

СИСПРЕС® бета-лактамаза өндіретін бактерияларға қарсы белсенді.

СИСПРЕС® Bacteroides, Fusobacterium Peptococcus, Clostridium, Eubacterium, Actinomyces veilonella сияқты облигатты анаэробты бактерияларға біршама әсер етеді.

СИСПРЕС®, үлбірлі қабықпен қапталған таблеткалары, сондай-ақ Chlamydia, Mycoplasma, Micobacterium қарсы да белсенді. Препараттың Ureaplasma және кейбір микобактерия штаммдары сияқты анаэробты бактерияларға қарсы белсенділігі аз.

Қолданылуы

Препаратқа сезімтал микроорганизмдерден туындаған жұқпалы-қабыну аурулары

- ЛОР-органдарының

- тыныс алу органдарының

  • ішек жұқпалары (сальмонеллез, шигеллез, тырысқақ)

  • іш сүзегі

- несеп-жыныс органдарының

- тері және жұмсақ тіндердің

- сүйек-буын жүйесінің

- жыныс жолдарымен берілетін жұқпалары

  • септицемия

  • операциядан кейінгі асқынулар

  • иммунитеті төмен адамдардағы жұқпалардың алдын алу және емдеу

Қолдану тәсілі және дозалары

Препаратты ашқарынға жеткілікті мөлшердегі сұйықтықпен іше отырып, қабылдау керек. Доза аурудың ауырлығына және қоздырғыштың сезімталдығына қарай жеке анықталады.

Ересектерге

Ауырлығы жеңіл және орташа дәрежедегі жұқпаларда: әрбір 12 сағатта 250-500 мг құрайды.

Ауыр және асқынған жұқпаларда: әрбір 12 сағатта 750 мг.

Көптеген жұқпалы-қабыну аурулары үшін емдеу симптомдары жойылғаннан кейін ең кемінде 48 сағат жалғасуы тиіс. Орташа алғанда емдеу курсы 10 күнді құрайды.

Бүйрек клиренсі 30 мл/мин аз бүйрек жеткіліксіздігінде ең жоғары тәуліктік доза 500 мг құрайды.

Егер креатинин клиренсі минутына 20 мл немесе одан азды құраса, емделушілер ұсынылатын дозаның жартысын қабылдай алады.

Препараттың ең жоғары бір реттік дозасы - 750 мг; тәуліктік дозасы - 1500 мг.

Жағымсыз әсерлері

Жиі

  • жүрек айнуы, құсу, тәбет жоғалуы, диспепсия, диарея, іштің ауыруы, метеоризм

  • бас ауыруы, бас айналуы, қажығыштық, тремор

  • тері реакциялары (бөртпе,тері қышынуы)

  • дәрілік қызба

Жиі емес

  • тахикардия

  • артралгиялар (буындардағы ауыру), буындардың ісінуі

- эозинофилия, лейкопения, гранулоцитопения, анемия, тромбоцитопения

Сирек

  • сананың шатасуы, бағдар жоғалту

  • өкпе артериясының тромбоэмболиясы, диспноэ, өкпе ісінуі, мұрыннан қан кету, өкпеден қан кетулер (қан қақыру)

  • аяқ-қолдың ауыруы, арқа мен кеуденің ауыруы

- тахикардия, гипотензия

- гломерулонефрит, дизурия, полиурия, гематурия, кристаллурия, бүйректің азот бөлу функциясының төмендеуі

Өте сирек

- өліммен аяқталуы мүмкін жалған жарғақшалы колит

- ұйқысыздық, сезімталдық бұзылуы, депрессия, тремор, тершеңдік, жүрістің тұрақсыздығы, құрысулар (эпилепсия қатарласа жүргенде), бассүйекішілік қысым жоғарылауы, мазасыздық, шым-шытырық түстер көру, көңіл-күйдің болмауы, тітіркенгіштік, елестеулер

- дәм сезудің бұзылуы, көрудің бұзылуы (өткірлігінің төмендеуі, диплопия, түс айырудың бұзылуы), естудің өтпелі бұзылуы, құлақтағы шуыл

- петехиялар, терідегі түйіндер (папулалар), васкулит, есекжем, мультиформалы экссудативті эритема (Стивенс-Джонсон синдромы), Лайел синдромы

- интерстициальді нефрит

- гепатоцеллюлярлық некроз, Квинке ісінуі, анафилактикалық шок дамуына дейін болатын анафилактикалық/анафилактоидтық реакциялар

- перинефральді ісіну, құйылулар, бас сақинасы ұстамасы, естен тану (талу) миалгиялар, сіңір және байламдардың ауыруы және қабынуы (тендинит), Ахилл сіңірінің үзілуі (тендинитке күмән болғанда препарат қабылдауды дереу тоқтату керек)

- лейкоцитоз, тромбоцитоз, гемолитикалық анемия, панцитопения, агранулоцитоз, протромбинді уақыттың ұзаруы

- миокард инфарктісі, стенокардия, жүрекшенің дірілдеуі

- панкреатит

- сүйек кемігінің өте сирек жағдайлардағы өмірге қауіп төндіретін бәсеңдеуі

- миастения симптомдарының асқынуы

- церебральді артериялар тромбозы, психопатиялық жай-күй, суицидтік ойлар

Аса сирек

  • миастения синдромы

Зертханалық тесттер өзгерісі

Бауыр зақымдануы бар емделушілерде СИСПРЕС® қолданғанда холестатикалық сарғаю дамуына дейін болатын трансаминаза және сілтілік фосфотаза деңгейінің транзиторлы жоғарылауы бақылануы мүмкін. Қанда

мочевина, креатинин және билирубин деңгейі жоғарылауы мүмкін.

Айрықша жағдайларда ғана: гипергликемия, кристаллурия, гематурия бақылануы мүмкін.

Басқалары

- жалпы астения

- бүйрек жеткіліксіздігіне дейін болатын бүйрек функциясының өтпелі бұзылуы

- фотосезімталдық реакциялары (фотосезімталдық реакциялары пайда болғанда препарат қабылдауды дереу тоқтату керек)

- ұзақ уақыт қолданғанда асқынжұқпалар немесе зеңдік жұқпалар (кандидоз) дамуы мүмкін

Қолдануға болмайтын жағдайлар

  • ципрофлоксацинге немесе фторхинолондар тобының басқа препараттарына жоғары сезімталдық

  • эпилепсия

  • глюкозо-6-фосфатдегидрогеназа тапшылығы

  • тизанидинмен бірге қолдану

  • жүктілік және лактация кезеңі

  • балалық және 18 жасқа дейінгі жасөспірімдік кезең

Дәрілермен өзара әрекеттесуі

Ципрофлоксацинді

Алгедратпен және магний гидроксидімен. Алгедрат+магний гидроксиді біріктірілімі ципрофлоксациннің сіңуін баяулатады (қабылдау аралығы 2 сағаттан кем болмауы тиіс).

Белладонна жапырақтары сығындысы, кофеин, парацетамол, теофиллин, фенобарбитал, цитизин және эфедрин біріктірілімімен. Ципрофлоксацин қандағы теофиллин концентрациясын жоғарылатады (белладонна жапырақтары сығындысы +кофеин+парацетамол+теофиллин + фенобарбитал+цитизин+ эфедрин біріктірілімі құрамында) және сондықтан оның жағымсыз әсерлер даму қаупін күшейтуі мүмкін.

Ванкомицинмен. Ванкомицин (өзара) антибактериялық белсенділікті ұлғайтады.

Варфаринмен. Ципрофлоксацин аясында әсері күшейеді. Ципрофлоксацин элиминациясын баяулатады, Сmax жоғарылатады, Т1/2 ұзартады .

Гидроталцитпен. Гидроталцит ципрофлоксациннің сіңуін төмендетеді (қабылдау аралығы 1-2 сағаттан кем болмауы тиіс).

Диданозинмен.Диданозин сіңуін төмендетеді (қоса тағайындағанда қабылдау аралығы 4 сағаттан кем болмауы тиіс).

Темір глюконаты, марганец глюконаты және мыс глюконатымен біріктірілімінде.

Темір глюконатымен+марганец глюконаты+мыс глюконатымен біріктірілім ципрофлоксацин сіңуін төмендетеді.

Темір сульфатымен. Темір сульфаты сіңуін елеулі азайтады (қоса тағайындағанда қабылдау аралығы 4 сағаттан кем болмауы тиіс).

Темір сульфаты және аскорбин қышқылы біріктірілімімен. Темір сульфаты+ аскорбин қышқылы біріктірілімін ципрофлоксацинмен үйлестіруге болмайды.

Темір фумаратымен. Темір фумараты сіңуін елеулі азайтады (қоса тағайындағанда қабылдау аралығы 4 сағаттан кем болмауы тиіс).

Кальций карбонатымен. Кальций карбонаты сіңуін елеулі азайтады (қоса тағайындағанда қабылдау аралығы 4 сағаттан кем болмауы тиіс).

Кальций хлоридімен. Кальций хлориді сіңуін елеулі азайтады (қоса тағайындағанда қабылдау аралығы 4 сағаттан кем болмауы тиіс).

Клиндамицинмен. Клиндамицин (өзара) антибактериялық әсерін ұлғайтады.

Клозапинмен. Ципрофлоксацинмен бір мезгілде тағайындағанда клозапиннің қан плазмасындағы концентрациясы жоғарылауы мүмкін.

Кофеин, теофеллин және ҚҚСД біріктірілімде. Ципрофлоксацин аясында клиренс азаяды, плазмадағы деңгейі және Т1/2 жоғарылайды, жағымсыз әсерлер даму ықтималдығы өседі (құрысулар қаупі).

Магалдратпен. Магалдрат сіңуін баяулатады және тіндік деңгейді төмендетеді (қоса тағайындағанда қабылдау аралығы 4 сағаттан кем болмауы тиіс).

Магний гидроксидімен. Магний гидроксиді сіңуін елеулі төмендетеді (қоса тағайындағанда қабылдау аралығы 4 сағаттан кем болмауы тиіс).

Магний тотығымен. Магний тотығы сіңуін елеулі төмендетеді (қоса тағайындағанда қабылдау аралығы 4 сағаттан кем болмауы тиіс).

Метронидазолмен. Метронидазол (өзара) антибактериялық белсенділігін ұлғайтады.

Микофенолат мофетилмен. Бүйрек трансплантациясынан кейін емделушілерде ципрофлоксацинді тікелей пероральді қабылдау күндерінен кейін микофенолат мофетилдің Сmin 54% төмендеуі бақыланады. Антибактериялық емді жалғастырғанда бұл әсер төмендейді, ал ем тоқтатылған соң әсері жойылады. Бұл құбылыстың клиникалық мәні белгісіз.

Морфин, апиындар, премедикацияға арналған препараттар біріктірілімімен (атропинге ұқсас). Морфин аясында ципрофлоксациннің плазмалық концентрациясы азаяды.

Натрий гидрокарбонатымен. Натрий гидрокарбонаты (несепті сілтілендіреді) ерігіштігін төмендетеді және кристаллурия мүмкіндігін ұлғайтады.

Ранитидинмен. Ранитидин сіңуді төмендетеді (қоса тағайындағанда қабылдау аралығы 4 сағаттан кем болмауы тиіс).

Рифампицинмен. Микросомальді ферменттерді индукциялайды, биотрансформацияны жеделдетеді, тіндік концентрацияны төмендетеді.

Сукральфатпен. Сукральфат сіңуді төмендетеді (қоса тағайындағанда қабылдау аралығы 4 сағаттан кем болмауы тиіс).

Теофиллинмен. Ципрофлоксацин аясында (CYP1A2 тежейді) биотрансформация баяулайды, клиренс азаяды, плазмадағы деңгейі жоғарылайды және жағымсыз әсерлер даму ықтималдығы артады.

Фенитоин, мексилетин, ропипирол біріктірілімімен. Ципрофлоксацин аясында плазмалық деңгейі өзгеруі мүмкін; бір мезгілде қолдану сақтықты талап етеді.

Циклоспоринмен. Ципрофлоксацин нефроуыттылықтың біліну қаупін (өзара) күшейтеді.

Циметидинмен. Циметидин сіңуін төмендетеді (қоса тағайындағанда қабылдау аралығы 4 сағаттан кем болмауы тиіс).

Мырыш сульфатымен. Мырыш сульфаты сіңуін елеулі төмендетеді.

Этамбутолмен. Этамбутол нейроуыттылықтың біліну қаупін (өзара) күшейтеді.

Этанолмен. Этанол нейроуыттылықтың біліну қаупін (өзара) күшейтеді.

Пробенецидпен. Пробенецид бір уақытта қабылдағанда ципрофлоксациннің экскрециясын баяулатады, бірақ оның биожетімділігіне әсер етпейді.

Глибенкламидпен. Ципрофлоксацинмен бір уақытта қабылдағанда әсерін күшейтеді.

Құрамында алюминий, кальций немесе магний бар антацидтермен және құрамында темір немесе мырыш бар препараттармен

Ципрофлоксацин сіңуін баяулатады. Қабылдау аралығындағы үзіліс 1,5-2 сағатқа дейін немесе қабылдаудан соң 4 сағат.

К витаминінің антагонистері: ципрофлоксацинді К витаминінің антагонистерімен бір мезгілде қолдану оның антикоагулянттық әсерін күшейтуі мүмкін.

Лидокаин: дені сау адамдарда құрамында лидокаин бар, қуаты орташа Р450 1А2 цитохромы изоферментінің тежегіштері болып табылатын дәрілік препараттарды ципрофлоксацинмен бір мезгілде қолдану көктамыр ішіне енгізілген лидокаиннің клиренсін 22%-ға төмендететіні анықталды. Лидокаинмен ем жағымды болса да, бір мезгілде қолдану барысында жағымсыз әсерлерге алып келетін ципрофлоксацинмен болуы мүмкін өзара әрекеттесуі жүруі мүмкін.

Силденафил: силденафилмен ципрофлоксацинмен бір мезгілде қолдану несепте орташа концентрациясы жоғарылауына және 500 мг ципрофлоксацинмен бір мезгілде 50 мг пероральді дозалаудан кейін шамамен екі рет силденафилдің плзамадағы ең жоғары концентрациясына алып келеді. Тиісінше, қаупі мен болжамды пайдасын ескере отырып, біріктірілген ем тағайындағанда сақ болу керек.

Айрықша нұсқаулар

Препаратпен ем кезінде кристаллурияны болдырмас үшін жеткілікті мөлшерде сұйықтық пайдалану керек.

Қантамырлар атеросклерозы, ми қан айналымы бұзылуы, құрысу синдромы, психикалық аурулары бар емделушілерде, инсультте, егде жаста, бұрынғы жүргізілген фторхинолондармен емде сіңір зақымдануы болғанда, бүйректің немесе бауырдың айқын жеткіліксіздігінде сақтықпен қабылдау керек.

Тендинитке күдік болғанда препарат қабылдауды дереу тоқтату керек.

Болуы мүмкін фотосезімталдық реакциялары салдарынан СИСПРЕС® препаратымен ем барысында УК-сәулелену әсеріне ұшырауға болмайды.

Теріде қандай да бір өзгерістер болғанда емді тоқтату керек.

Жалған жарғақшалы колит Clostridium difficile туындатқан энтероколиттің ерекше түрі болып табылады. Егер емдеу кезінде сұйық нәжіс көп рет бақыланса, және Clostridium difficile болуы болжанса – СИСПРЕС® препаратымен емдеу дереу тоқтатылуы тиіс. Перистальтиканы тежейтін (мысалы лоперамид) дәрілерді қолдану ұсынылмайды.

Эпилепсиямен ауыратын және ОЖЖ аурулары болған (мысалы, құрысуға дайындық шегін төмендету, сыртартқысындағы құрысу ұстамалары, ми қан айналымы бұзылуы, мидың органикалық зақымдануы немесе инсульт) емделушілерді емдеу үшін, ципрофлоксацинді тек күтілетін клиникалық әсер препараттың орталық жүйке жүйесіне болуы мүмкін жағымсыз әсерлерінен астам болғанда ғана қолданылуы керек.

Pneumococcus текті бактериялардан туындаған пневмониясы бар емделушілерді амбулаторлық емдеуде бірінші таңдау препараты ретінде ципрофлоксацинді пайдалануға болмайды.

Кейбір жағдайларда ОЖЖ тарапынан жағымсыз реакциялар препаратты бірінші қолданғаннан кейін туындауы мүмкін. Өте сирек жағдайларда психоз суицидтік ұмтылыстармен білінуі мүмкін. Бұл жағдайларда ципрофлоксацинді қолдануды дереу тоқтату керек.

Ципрофлоксацин қабылдаған емделушілерде полинейропатия жағдайлары (ауыру, күйдіру, сезімталдық бұзылуы немесе бұлшықет әлсіздігі сияқты неврологиялық симптомдар негізінде, жеке-дара алғанда немесе біріктірілімде) кездескен.

Ауыру, күйдіру, шаншу, ұю, және/немесе әлсіздікті қоса нейропатия симптомдары бар емделушілерде қайтымсыз бұзылулар дамуын болдырмау мақсатында препаратты тоқтату керек.

Емделушілерде, әсіресе бауыр ауруларын өткергендерде холестаздық сарғаю, сондай-ақ бауырдың трансаминаза және сілтілік фосфатазасының уақытша жоғарылауы анықталуы мүмкін.

Бүйрек және бауыр жеткіліксіздігі бар емделушілерге препарат тағайындағанда дозалаудың тиісті режимін сақтау талап етіледі.

Кейде ципрофлоксациннің бірінші дозасын қабылдағаннан кейін аллергиялық реакциялар байқалуы мүмкін, өте сирек жағдайларда – анафилактикалық шок. Ципрофлоксацинді қабылдауды дереу тоқтату керек және тиісінше ем жүргізу керек. Ципрофлоксацин CYP1A2 изоферментінің орташа тежегіші болып табылатыны белгілі. Ципрофлоксацинді және теофиллин, метилксантин, кофеин сияқты осы изоферментпен метаболизденетін препараттарды бір мезгілде қолданғанда сақтық жасау керек, өйткені қан сарысуындағы бұл препараттардың концентрациясы артуы спецификалық жағымсыз әсерлерін туындатуы мүмкін.

Басқа да кең ауқымда әсер ететін микробқа қарсы дәрілер жағдайындағы сияқты препаратты ұзақ қолдану сезімтал емес микроорганизмдердің шамадан тыс өсуіне және асқын жұқпаларға алып келуі мүмкін.

Басқа да әсері күшті препараттар жағдайындағы сияқты ұзақ ем аясында бүйректік, бауырлық және гемопоэтиялық функциясын қоса, ағзалар мен жүйелердің функциясын мезгіл-мезгіл бағалау ұсынылады.

Қаңқа-бұлшықет жүйесі. Негізінен ципрофлоксацинді сыртартқысында ципрофлокцин қолдануға байланысты сіңір тіндері аурулары/бұзылулары бар емделушілерде қолдануға болмайды. Ципрофлокцинді қолданған жағдайда, кейде екі жақты нұсқада, және тіпті ем басталғаннан кейінгі алғашқы 48 сағатта тендиниттер және сіңір үзілуі дамуы (әсіресе Ахилл сіңірі) мүмкін. Сіңірдің қабынуы және үзілуі тіпті ципрофлоксацинмен ем тоқтағаннан кейін бірнеше ай өткенде болуы мүмкін.

Гравис миастениясы асқынуы. Фторхинолондар, ципрофлакцинді қоса, нейробұлшықет белсенділігін бөгейді және Гравис миастениясы бар емделушілерде бұлшықет әлсіздігін өршітуі мүмкін. Ципрофлоксацинді жалған салданған миастениясы бар емделушілерде сақтықпен қолдану керек.

Жүрек-қан тамырлары жүйесі тарапынан бұзылулар.

Хинолондарды QT-аралығының ұзаруына қатысты төмендегідей белгілі қауіп факторлары бар емделушілерде сақтықпен қолдану керек:

- ұзарған QT-аралығының тұқым қуалайтын синдромы;

QT- аралығын ұзартатын (мысалы, гипокалиемия, гипомагниемия) препараттарды бір мезгілде қолдану;

- жүрек патологиясы (мысалы, жүрек жеткіліксіздігі, миокард инфарктісі, брадикардия).

Егде емделушілер және әйелдер QT- ұзартатын препараттарға сезімтал болуы мүмкін. Тиісінше, ципрофлоксацинді қоса, фторхинолондарды қолданғанда бұл популяцияларда сақтық жасау керек.

Резистенттілігі. Ципрофлоксацин расталған немесе болжамды сенімділігінің үлесі көп бактериялық жұқпалар жағдайында немесе алдын алу көрсетілімдері болғанда ғана тағайындалады, олай болмаған жағдайда ем емделушіге пайдалы болмайды, ал керісінше бактерияның дәріге төзімді штаммдары пайда болу қаупін арттырады.

Ципрофлоксацинмен ем уақытында немесе ол аяқталғаннан кейін, емделушіде асқын жұқпалардың клиникалық белгілері болуына қарамастан, ципрофлоксацинге резистенттілікті көрсететін бактерия штаммдары пайда болуы мүмкін. Ципрофлоксацинге резистентті бактериялардың бөлінуінің ерекше жоғары қаупі емнің ұзақ курстары жағдайында және ауруханаішілік жұқпаларды және/немесе Staphylococcus және Pseudomonas штаммдарынан туындаған жұқпаларды емдегенде анықталды.

Грамоң және анаэробты патогендерден туындаған ауыр жұқпалар және аралас жұқпалар. Ципрофлоксацинмен моноем болжамды түрде грамоң немесе анаэробты патогендерден туындаған ауыр жұқпалары бар емделушілерге жарамайды. Бұндай жағдайларда ципрофлоксацин басқа тиісті антибактериялық препараттармен үйлесімде тағайындалуы тиіс.

Стрептококкты жұқпалар (Streptococcus pneumonia туындаған жұқпаларды қоса). Тиімділігінің жеткіліксіздігіне орай ципрофлоксацинді стрептококкты жұқпаларды емдеу үшін қолдану ұсынылмайды.

Жыныс жолдарының жұқпалары. Фторхинолондарға резистентті Neisseria gonorrhoeae штаммдары гонококкты уретрит, цервицит, эпидидимоорхит және кіші жамбас органдарының қабыну ауруларын туындатуы мүмкін.

Несеп шығару жолдарының жұқпалары. Escherichia coli болып табылатын ең көп таралған уропатогеннің фторхинолондарға резистенттілік деңгейі Еуропа Одағының әртүрлі елдерінде ауытқымалы. Препарат тағайындайтын дәрігерлерге фторхинолондарға резистентті Escherichia coli штаммдарының жергілікті таралуын назарда ұстау ұсынылады.

Бауырдың ауыр зақымдануы бар науқастарда зақымдану дәрежесіне пропорционалды түрде дозаны түзету талап етіледі.

Емделу уақытында спирт ішімдіктерін пайдалануға тыйым салынады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Жоғары назар аударуды және психомоторлы реакциялардың шапшаңдығын қажет ететін автокөлік жүргізуде және басқа да қауіптілігі зор қызмет түрлерімен айналысқанда сақ болу қажет.

Артық дозалануы

Препараттың артық дозалануы туралы деректер жоқ.

Емі:Арнайы у қайтарғысы белгісіз. Науқастың жай-күйін мұқият бақылау керек, асқазан шаюды жүргізу, әдеттегі шұғыл көмек шараларын жүргізу, сұйықтың жеткілікті болуын қамтамасыз ету керек. Гемо- немесе перитонеальді диализ көмегімен препараттың тек елеусіз мөлшері (10 % азырақ) ғана шығарылуы мүмкін.

Шығарылу түрі және қаптамасы

Поливинилхлоридті үлбірден және баспалы алюминий фольгадан жасалған пішінді ұяшықты қаптамада 10 немесе 14 таблеткадан (250 мг доза үшін) және 5 немесе 7 таблеткадан (500 мг доза үшін).

1 (250 мг) немесе 2 (500 мг доза үшін) доза үшін пішінді қаптамадан медицинада қолданылуы жөнінде мемлекеттік және орыс тілдеріндегі нұсқаулықпен бірге өндіруші фирма голограммасы бар картон қорапшаға салынған.

Сақтау шарттары

Құрғақ, жарықтан қорғалған жерде, 250С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

4 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Нобел Алматы Фармацевтикалық Фабрикасы» АҚ

Қазақстан Республикасы

Алматы қ., Шевченко к-сі 162 Е.

Тіркеу куәлігінің иесі

«Нобел Алматы Фармацевтикалық Фабрикасы» АҚ

Қазақстан Республикасы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ., Шевченко к-сі 162 Е.

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды поштасы nobel@nobel.kz

 

Прикрепленные файлы

052787571477976923_ru.doc 94 кб
718909771477978088_kz.doc 110 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники