Войти

Пасконат Аминосалициловая кислота

Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Включено в Список бесплатного амбулаторного лекарственного обеспечения
АЛО (Включено в Список бесплатного амбулаторного лекарственного обеспечения)
Производитель: Юрия-Фарм ООО
Анатомо-терапевтическо-химическая классификация: Натрия аминосалицилат
Номер регистрации: № РК-ЛС-5№009664
Дата регистрации: 05.08.2016 - 05.08.2021
Предельная цена: 2 008.68 KZT

Инструкция

Саудалық атауы

Пасконат

Халықаралық патенттелмеген атауы

Жоқ

Дәрілік түрі

Инфузияға арналған ерітінді 3%, 400 мл

Құрамы

100 мл ерітіндінің құрамында:

белсенді зат - 3.0 г натрий аминосалицилаты (100% затқа шаққанда)

қосымша заттар: динатрий эдетаты, натрий сульфиті (100% затқа шаққанда), инъекцияға арналған су.

Сипаттамасы

Мөлдір түссіз немесе сарғыш сұйықтық.

Фармакотерапиялық тобы

Туберкулезге қарсы препараттар. Аминосалицил қышқылы және оның туындылары

АТХ коды J04AА02

Фармакологиялық қасиеттері

Фармакокинетикасы

Пасконат вена ішіне енгізгенде дереу дерлік мүшелер мен тіндерге өтіп, оларда жоғары концентрацияларда анықталады. Препарат негізінен бауырда метаболизденеді, сол жерде 30-60 минуттан кейін оның ацетилденуі және глицинмен қосылуы жүреді. Жартылай шығарылу кезеңі - 12 сағат. Тәулік ішінде енгізілген дозаның 90-100%-ы несеппен шығарылады.

Фармакодинамикасы

Пасконат туберкулез микобактерияларына бактериостатикалық белсенділік танытады, басқа туберкулезге қарсы препараттармен бірге дәрі-дәрмектік төзімділіктің дамуын баяулатады және сәйкес препараттардың әсерін күшейтеді. Пасконаттың туберкулостатикалық әсері оның микобактериялардың өсу факторы болып табылатын парааминобензой және пантотен қышқылдарымен әрі биотинмен бәсекелі өзара әрекеттесуімен шартталған.

Қолданылуы

Өкпе және өкпеден тыс мультирезистентті туберкулезді басқа туберкулезге қарсы препараттармен (IV санат) кешенді емдеуде

Қолдану тәсілі және дозалары

Пасконатты минутына 15 тамшыдан бастап, вена ішіне тамшылатып енгізеді. Үш минут аралығында жергілікті және жалпы реакциялар болмаса, енгізу жылдамдығын минутына 40-60 тамшыға дейін арттырады. Алғаш құйғанда 3% 200 мл ерітіндіні енгізеді. Жағымсыз реакциялары болмаған ересектерге дозаны тәулігіне 400 мл-ге дейін арттырады және оны аптасына 5- 6 рет немесе ішу арқылы ПАСК қабылдаумен кезектестіріп енгізеді.

Емдеу курсы 1-2 айды, кейде одан көп уақытты құрайды.

Балаларға, жасына қарамастан, препаратты дене салмағына қарай 0,2 г/кг есебімен тағайындайды (баланың дене салмағының 1 кг - 6,5 мл 3 % ерітінді). 4-жасқа дейінгі балаларға тек қана микобактериялардың туберкулезге қарсы препараттарға резистенттілігі болған жағдайда. Тәуліктік доза - 200-300 мл. Емдеу курсы 1-2 айды, кейде одан көп уақытты құрайды.

Жағымсыз әсерлері

- асқазан-ішек жолының тарапынан: бұзылыстар, тәбеттің нашарлауы немесе жоғалуы, жүрек айнуы, құсу, іштің ауыруы, іш өтуі немесе іш қату

- тері және тері асты тіндері тарапынан: есекжем, пурпура, энантема, экзантема, эксфолиативті дерматит, қызба, енгізу орнындағы өзгерістер, қызаруды қоса, ауыру, флебит

- зат алмасу тарапынан: гипокалиемия (жүрек-қантамыр жүйесінің аурулары бар пациенттерде ұзақ іақыт қолданғанда) плазма және рН деңгейінде

- бауыр және/немесе өт шығаратын жол функциясының бұзылуы: протромбин уақытының және бауыр трансаминазалары белсенділігінің артуы, ауырудың пайда болуы және бауыр көлемінің ұлғаюы, бауыр энцефалопатиясы (сананың шатасуы, ұйқышылдық), сарғаю, гепатит

- жүрек-қантамыр жүйесі тарапынан: васкулит, артериялық қысымның ауытқулары

- жүйке жүйесі тарапынан: бас айналу

- қан түзілу және лимфалық жүйе тарапынан: лейкопения, протромбин синтезінің бұзылуы, тромбоцитопения, агранулоцитоз, эозинофилия, D витаминінің алмасуының бұзылуы есебінен кальций және фосфор теңгерімінің бұзылуы, гемолитикалық анемияның дамуы

- бүйрек және несеп шығаратын жол функциясының бұзылуы: кристаллургия

- қаңқа-бұлшықет және дәнекер тіндер тарапынан: буындардың ауыруы

- тыныс алу жүйесі тарапынан: бронх түйілуі, өкпедегі эозинофильді инфильтрат

- иммунитет жүйесі тарапынан: демікпелік құбылыстарды, гипертермияны, Леффлер синдромын қоса, аса жоғары сезімталдық реакциялары

- эндокринді жүйе тарапынан: гипотиреоз

Көрсетілген құбылыстар препараттың дозасын азайтқанда немесе енгізілуін қысқа мерзімге тоқтатқанда жоғалып кетеді, олар үш мезгіл тұрақты дұрыс тамақтанғанда аз көрініс береді. Аллергиялық көріністерде антигистаминдік дәрілерді, кальций хлоридін, аскорбин қышқылын, ұзаққа созылған аллергиялық реакцияларда – кортикостероидтарды тағайындайды.

Қолдануға болмайтын жағдайлар

- препаратқа немесе қосымша заттарға жоғары сезімталдық

- ауыр бауыр жеткіліксіздігі

- гепатит

- бауыр циррозы

- ауыр бүйрек жеткіліксіздігі

- сол жақ жүрекше миокардының айқын гипертрофиясы

- декомпенсацияланған жүрек жеткіліксіздігі

- асқазан және он екі елі ішектің ойық жаралы ауруы

- микседема

- амилоидоз

- ауыр атеросклероз

- тромбофлебит

- қан ұюының бұзылуларында

- қауіпсіздігі жөнінде деректердің болмауына байланысты жүктілік және емшек емізу кезеңінде.

Дәрілермен өзара әрекеттесуі

Пасконат метаболизмнің жалпы жолдары үшін бәсекелесу нәтижесінде қандағы изониазид концентрациясын арттырады, рифампициннің, эритромициннің, линкомициннің сіңуін бұзады. В12 витаминінің қорытылуын бұзады, соның салдарынан анемияның дамуы ықтимал.

Айрықша нұсқаулар

Оң жақ қабырға астында білінетін ауырулар және бауырдың ұлғаюы, әдетте, препараттың дозасын азайтқанда немесе енгізілуін қысқа мерзімге тоқтатқанда жоғалып кетеді, олар үш мезгіл тұрақты дұрыс тамақтанғанда аз көрініс береді. Аллергиялық көріністерде антигистаминді дәрілерді, кальций хлоридін, аскорбин қышқылын, ұзақ созылған аллергиялық реакцияларда – кортикостероидтарды тағайындайды. Гематомалар мен флебиттердің пайда болуын болдырмау үшін жіңішке инелерді қолданып, әртүрлі веналарға кезектестіре енгізеді. Шок жай-күйлеріне жол бермеу үшін ерітіндіні баяу енгізу керек. Емделген кезде несеп пен бауырдың функциялық жағдайына зертханалық бақылау жүргізу қажет. Ұзақ қолданғанда препарат тиреоидқа қарсы әсер көрсетеді, сондықтан қалқанша бездің гипофункциясы бар науқастарға абайлап тағайындайды.

Көлік құралдарын және қауіптілігі зор механизмдерді басқару қабілетіне әсер ету ерекшеліктері

Препаратпен емделген кезде автомобильді жүргізуге немесе басқа механизмдермен жұмыс істеуге болмайды.

Артық дозалануы

Симптомдары: диспепсиялық құбылыстар, жүрек айну, құсу, іштің өтуі, қызба, психоз, шок жай-күйлері болуы ықтимал

Емі: препаратты тоқтату, симптоматикалық.

Шығарылу түрі және қаптамасы

400 мл-ден қанға, трансфузиялық және инфузиялық препараттарға арналған, тығындармен немесе «Хелвет-Фарма» (Бельгия) өндірген FM140/0 тығындарымен немесе «Stomil Sanok» S.A. Польша өндірген LK-4C типіндегі резеңке қоспалардан жасалған FA-55 тығындармен тығындалған және К-3 типіндегі алюминий қалпақтармен немесе ZB ТШ В 14257180.003-98 К-3 типіндегі алюминий-пластик қалпақтармен қаусырылған шыны бөтелкелерге құяды.

Бөтелкелер жылу сақтайтын үлбірмен паллеттерге тартып оралады немесе бір бөтелкеден медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Қорапшалар, полимерлі контейнерлер (пакеттер), паллеттер медициналық қолдану жөніндегі мемлекеттік және орыс тіліндегі нұсқаулықтармен бірге картон жәшіктерге салынады.

Сақтау шарттары

Жарықтан қорғалған жерде, +8о С-ден +18 оС-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

1.5 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші/Қаптаушы

18030, нақты мекенжайы: Черкассы қ-сы, Вербовецкий к-сі, 108, тел.: +38(044) 281-01-01, www.uf.ua

Тіркеу куәлігін ұстаушы

«Юрия-Фарм» ЖШҚ, Украина

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын, дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Юрия-Фарм» ЖШҚ өкілдігі, ҚР, Алматы қ-сы, Фурманов к-сі, 235/18, тел. 8 (727) 2-615522

 

Прикрепленные файлы

025157921477976172_ru.doc 63.5 кб
205141771477977476_kz.doc 54 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники