Войти

Остеогенон (830 мг)

Производитель: Пьер Фабр Медикамент Продакшн
Анатомо-терапевтическо-химическая классификация: Прочие препараты, влияющие на минерализацию костей
Номер регистрации: № РК-ЛС-5№005028
Дата регистрации: 03.05.2013 - 03.05.2018

Инструкция

Саудалық атауы

Остеогенон

Халықаралық патенттелмеген атауы

Жоқ

Дәрілік түрі

Қабықпен қапталған 830 мг таблеткалар

Құрамы

Бір таблетканың құрамында:

белсенді зат: 830 мг оссеин гидроксиапатикалық қоспасы

(75 мг коллагендік емес протеиндерге/пептидтерге, 216 мг коллагенді протеиндерге/пептидтерге, 178 мг кальцийге және 82 мг фосфорға сәйкес келетін)

қосымша заттар: картоп крахмалы, микрокристалды целлюлоза,

коллоидты кремнийдің қостотығы, магний стеараты

қабықтың құрамы: гидроксипропилметилцеллюлоза, полиэтиленгликоль, тальк, титанның қостотығы Е171, темірдің (III) сары тотығы Е172

Сипаттамасы

Ұзынша пішінді, екі беті дөңес, ақшыл-сары түсті қабықпен қапталған таблеткалар, сындыратын жерінде – ядросы ақшыл-сұр түсті.

Фармакотерапиялық тобы

Сүйек ауруларын емдеуге арналған препараттар. Сүйектердің құрылымына және минералдануына әсер ететін басқа да препараттар.

АТХ коды М05ВХ

Фармакологиялық қасиеттері

Фармакокинетикасы

Изотоптарды (Ca47) пайдалану арқылы адамдарға жүргізілген зерттеулер препараттың ішекте өте жақсы сіңірілетінін көрсеткен. Остеогенон кальцийдің жай тұздарымен салыстырғанда гиперкальциемия шыңдарын құрмаған; бұл ішекте оссеин – гидроксиапатикалық кешеннің анағұрлым баяу сіңуімен, сондай-ақ оның үздіксіз сіңірілуімен түсіндіріледі.

Осы себептен, кешеннің баяу еруі кальцийдің ең жақсы дистальді сіңірілуіне алып келеді.

Фармакодинамикасы

Остеогенон құрамында сүйек тінінің органикалық компоненттері (оссеин) және кальций мен фосфордың табиғи теңгерімді арақатынасынан тұратын минералды сүйек компоненті (микрокристалды гидроксиапатит) бар.

Оссеиннің құрамында коллаген және сүйек тіндерінің қалыптасуында оңды әсерге ие коллаген емес пептидтер бар.

Қолданылуы

  • шығу тегі әр түрлі остеопорозда

  • сүйек сынықтарының жазылуын тездетуде

  • жүктілік және бала емізу кезінде остеопенияны түзету және кальций-фосфор теңгерімін реттеуде

Қолдану тәсілі және дозалары

Остеогенонді ересектерге тағайындайды.

 - остеопорозда: 2-4 таблеткадан тәулігіне 2 рет;  -  жүктілік және бала емізу кезеңінде кальций-фосфор теңгерімін түзетуде: тәулігіне 1-2 таблетка;

- ересектерде сынықтардың қатар жүретін емінде: 2 таблеткадан тәулігіне 3 рет;

Таблеткаларды аздаған су мөлшерімен іше отырып, жұтады. Курстың ұзақтығы анықталған диагнозға байланысты және оны дәрігер белгілейді.

Жағымсыз әсерлері

Басқа дәрілік заттар сияқты Остеогенон жағымсыз әсерлер туындатуы мүмкін, дегенмен олар барлығында байқалмайды.

Төмендегі жағымсыз әсерлері анықталған, бірақ туындаудың нақты жиілігін анықтау мүмкін емес, осының салдарынан олар пайда болу жиілігі белгісіз деп жіктеледі:

- препараттың жоғары дозаларымен ұзақ емдеу қандағы немесе несептегі кальцийдің концентрациясын жоғарылатуы мүмкін (гиперкальциемия және гиперкальциурия)

- іштің ауыруы, іштің қатуы, жүрек айну

- қышыну, бөртпе

Қолдануға болмайтын жағдайлар

  • препарат компоненттеріне жоғары сезімталдық

  • гиперкальциемия, гиперкальциурия

  • кальций литиазы

  • ұзаққа созылған иммобилизация

  • 18 жасқа дейінгі балалар

  • бүйрек жеткіліксіздігінің ауыр түрі бар емделушілер және гемодиализдегі емделушілер

Дәрілермен өзара әрекеттесуі

Тетрациклин қатарының белгілі бір антибиотиктерін немесе құрамында темір бар препараттарды қатар тағайындаған кезде Остеогенон олардың сіңірілуін төмендетуі мүмкін. Осы себептен жоғарыда көрсетілген препараттарды бір мезгілде қабылдамаған жөн және бұл препараттарды және Остеогенонді қабылдау арасындағы аралық 4 сағаттан кем болмауы тиіс.

Жүрек гликозидтерімен бірге қабылдау – кардиоаритмияны туындатады. Препараттарды қабылдау арасында 4 сағаттан кем болмайтын аралықты сақтаған жөн.

Бифосфонаттармен бірге қабылдау – соңғыларының ішекте сіңірілуі төмендеуінің қаупі бар. Остеогенонды бифосфонаттар қабылдағаннан кейін 4 сағаттан соң қабылдау ұсынылады.

Тиазидті диуретиктер – кальцийдің несеппен шығарылуы төмендеуінің нәтижесінде гиперкальциемия дамуының қаупі бар.

Айрықша нұсқаулар

Остеогенон, кальций препараттарын және D витаминін біріктіре қабылдау кезінде емделушілер гиперкальциемияға және гиперкальциурияға тексерілуі тиіс.

Қан мен несепте кальцийдің концентрациясы жоғары емделушілерде дозалау тәртібі түзетілуі тиіс.

Несептас ауруының жоғары қаупі бар емделушілерде, сондай-ақ бүйрек ауруларымен зардап шегетін емделушілерде дозаны түзету қажет және Остеогенон препаратын ұзақ қабылдаудан тартынған жөн.

Бүйрек жеткіліксіздігімен зардап шегетін емделушілерде қан мен несептегі кальций деңгейін ұдайы бақылап отыру қажет, сонымен қоса жоғары дозаларда Остеогенон препаратын ұзақ қабылдаудан тартынған жөн.

Ұзақ емдеу және/немесе бүйрек бұзылулары жағдайында қандағы кальций деңгейін тексеру қажет, егер ол ересектерде 7.5 ммоль/24 сағаттан (300 мг/24сағат) асатын және балаларда 0.12-ден 0.15 ммоль/24 сағатқа дейін болса, препараттың дозасын азайту немесе емдеуді уақытша тоқтата тұру керек.

Бүйректің орташа бұзылуларымен зардап шегетін емделушілерде қан сарысуындағы фосфор мөлшеріне мониторинг жүргізу ұсынылады.

Жүктілік және лактация кезеңі

Жүкті әйелдердің қатысуымен жүргізілген клиникалық зерттеулердің нәтижелері, ұрыққа төнетін қандай болсын қауіпті көрсетпеген. Препаратты жүктілік және бала емізу кезеңінде дәрігердің кеңесінен кейін қолдануға болады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат көлік құралдарын басқару және механизмдермен жұмыс істеу қабілетіне әсер етпейді.

Артық дозалануы

Симптомдары – жүрек айну, құсу, полиурия, шөлдеу сезімі, сусыздану, артериялық гипертония, вазомоторлық бұзылулар, іш қату.

Емі – Д витаминін қоса, құрамында кальций бар барлық препараттарды қабылдауды тоқтата тұру қажет. Уыттану сатысына қарай - регидратациялық емдеуді (су-тұз теңгерімін қалпына келтіру), диуретиктерді, кортикостероидтарды, кальцитонинді біріктіре немесе жекелей тағайындайды, перитонеальді диализбен үйлестірілуі де мүмкін.

Шығарылу түрі және қаптамасы

10 таблеткадан ПВХ/ПВДХ және алюминий фольгадан жасалған пішінді ұяшықты қаптамаға салынған.

4 пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

30 оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

4 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Пьер Фабр Медикамент Продакшн

Etablissement Progipharm

Rue du Lucee 45500 Gien, France

(Прогифарм) Лисс к-сі, 45500 Жиен, Франция

 

Тіркеу куәлігінің иесі

Пьер Фабр Медикамент

PIERRE FABRE MEDICAMENT

45, Place Abel Gance, Франция

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

«EUROMEDEX» өкілдігі

050009, Алматы қ., Абай д-лы 155, 37 кеңсе

Тел./Факс: +7(727) 338 52 61

e-mail: office.kz@euromedex.com

 

Прикрепленные файлы

107589151477976937_ru.doc 56.5 кб
483617241477978105_kz.doc 57 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники