Войти

Мифунгар Оксиконазол

Производитель: Зентива к.с.
Анатомо-терапевтическо-химическая классификация: Oxiconazole
Номер регистрации: № РК-ЛС-5№015785
Дата регистрации: 04.02.2015 - 04.02.2020

Инструкция

Саудалық атауы

Мифунгар

Халықаралық патенттелмеген атауы

Оксиконазол

Дәрілік түрі

1% сыртқа қолдануға арналған крем, 30г

Құрамы

30 г кремнің құрамында

белсенді зат0.3441 г оксиконазол нитраты (оксиконазолға шаққанда 0.3000 г),

қосымша заттар: ақ вазелин, стеарил спирті, пропиленгликоль, полисорбат 60, цетил спирті, бензой қышқылы, тазартылған су.

Сипаттамасы

Иіссіз дерлік, ақ немесе ақ дерлік түсті, біртекті, май/су эмульсиялық типті гидрофильді жұқа крем.

Фармакотерапиялық тобы

Жергілікті қолдануға арналған зеңге қарсы препараттар. Имидазол туындылары. Оксиконазол.

АТХ коды D01AC11

Фармакологиялық қасиеттері

Фармакокинетикасы

Сыртқа жаққанда терінің оксиконазолды елеусіз сіңіруі байқалады. Жағылған белсенді заттың көп бөлігі терінің мүйізгекті қабатында жинақталады, 150 мг дозада оксиконазол қан сарысуында анықталмайды, себебі 1%-дан азы сіңіріледі.

Фармакодинамикасы

Оксиконазол белсенді заты патогенді зеңдердің жасушалық жарғақшасы құрамына кіретін эргостерол синтезі үшін қажетті ферментті, цитохромды ланостерол-14α-деметилазаны тежейтін имидазолдың синтетикалық туындысы болып табылады. Оксиконазолдың зеңге қарсы әсер етуі ауқымы кең, дерматофиттер (Trichophyton, Microsporum, Epidermophyton текті), ашытқылар (Malassezia furfur қоса) талшықты және диморфты зеңдерге (мысалы, Aspergillus, Candida) қатысты белсенді. Микроорганизмдер қатарына (рода staphylo- және streptococci) қатысты белсенді.

Қолданылуы

Кешенді ем құрамында

- дерматомикозда (мысалы, терінің кандидозды жұқпалары, түрлі-түсті теміреткі, бастың шашты бөлігіндегі дерматофития, кеуде дерматофитиясы, шаптық дерматомикоз, табан дерматофитиясы)

- сыртқы жыныс мүшелерінің зеңдік жұқпаларында (вульвит, баланит- жұқпа қайталануының алдын алу мақсатында жыныстық жұптасын да емдеу қажет)

- тері және сыртқы жыныс мүшелерінің зеңді және бактериялық аралас жұқпаларында

- пероральді емге қосымша онихомикозды жұқпа кезінде

Қолдану тәсілі және дозалары

Ересектер мен 8 жастан асқан балаларға сыртқа қолдануға арналған.

Мифунгар кремін зақымданған бөліктерге тәулігіне 1 рет, дұрысы түнге қарай жағу керек.

Емдеу курсының ұзақтығын дәрігер әр адамға жекелей анықтайды, әдетте 2-4 апта. Мифунгар кремін емделушілер бастың шашты бөлігі дерматофитиясы, кеуде дерматофитиясы немесе түрлі-түсті теміреткі кезінде – 2 апта бойы, қайталануының алдын алу үшін табан микозында – 1 ай жағады. Препаратпен емдеу курсының ұзақтығы 6 айдан аспауы керек.

Жағымсыз әсерлері

Жиі (≥1/100 <1/10 дейін)

- қышыну, жеңіл күйдіру

Жиі емес (≥1/1000 <1/100 дейін)

- эритема (әсіресе экземада, сондықтан препаратты қолданар алдында экземаны емдеу ұсынылады)

Мифунгар кремі жақсы көтерімді. Алайда, жоғары сезімталдық немесе тері жабындарының тітіркену белгілері пайда болғанда препаратты қолдануды тоқтатып, бұл туралы дәрігерге хабарлау керек.

Қолдануға болмайтын жағдайлар

- имидазол туындыларына немесе препараттың басқа компоненттеріне жоғары сезімталдық

- жүктілік және лактация кезеңі

- 8 жасқа дейінгі балаларға

Дәрілермен өзара әрекеттесуі

МИФУНГАР КРЕМ препаратының басқа да дәрілік заттармен өзара әрекеттесуі туралы деректер алынған жоқ. Дәрігердің кеңесінсіз жергілікті қолдануға арналған басқа да препараттармен бірге қолдануға болмайды.

Айрықша нұсқаулар

Мифунгар крем көздің шырышты қабығына немее қынаптың ішіне қолдануға арналмаған.

Педиатрияда пайдалану

Клиникалық зерттеулерде 8 жастан кіші балаларда Мифунгардың тиімді дозалары анықталмаған, сондықтан оны аталған жас тобында қолдану ұсынылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Артық дозалану жағдайлары сипатталмаған.

Препаратты ішке кездейсоқ қабылдағанда мынадай симптомдары болуы мүмкін: жүрек айнуы, құсу.

Емі: асқазанды шайып, дәрігерге қаралу қажет, қажет болғанда – симптоматикалық ем.

Шығарылу түрі және қаптамасы

30 г препараттан пластмасса қақпақпен бұралып жабылатын алюминий сықпада.

Сықпа медицинада қолданылуы жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

25 0С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды

Дәріханалардан босатылу шарттары

Рецептісіз

Өндіруші

«Зентива к.c.», У кабеловны 130, 102 37 Прага 10, Долни Мехолупы, Чех Республикасы.

Тіркеу куәлігінің иесі

«Зентива к.с.», Чех Республикасы.

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Санофи-авентис Қазақстан» ЖШС

050013 Алматы қ., Фурманов к-сі 187 Б

телефон: 8-727-244-50-96

факс: 8-727-258-25-96

e-mail:quality.info@sanofi.com

 

Прикрепленные файлы

447978161477976532_ru.doc 52 кб
437312451477977689_kz.doc 53.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники