Войти

Гевискон® (со вкусом мяты) Кальция карбонат, Натрия алгинат, Натрия гидрокарбонат

Производитель: Рекитт Бенкизер Хелскэр (Великобритания) Лимитед
Анатомо-терапевтическо-химическая классификация: Прочие противоязвенные препараты
Номер регистрации: № РК-ЛС-5№021193
Дата регистрации: 19.02.2015 - 19.02.2020

Инструкция

Саудалық атауы

Гевискон®

Халықаралық патенттелмеген атауы

Жоқ

Дәрілік түрі

Ішуге арналған жалбыз дәмі бар суспензия

Құрамы

10 мл суспензияның құрамында:

белсенді заттар: 500 мг натрий альгинаты,

267 мг натрий гидрокарбонаты,

160 мг кальций карбонаты

қосымша заттар: карбомер, метилпарагидроксибензоат, пропилпарагидроксибензоат, натрий сахаринаты, бұрыш жалбызы майы, натрий гидроксиді, тазартылған су.

Сипаттамасы

Ақ дерліктен крем түстіге дейінгі, жалбыз иісі бар, мөлдір емес тұтқыр суспензия.

Фармакотерапиялық тобы

Қышқылдықтың бұзылуымен байланысты ауруларды емдеуге арналған препараттар. Ойық жараға қарсы препараттар және гастроэзофагеальді рефлюксті (GORD) емдеуге арналған препараттар. Ойық жараға қарсы препараттар және гастроэзофагеальді рефлюксті (GORD) емдеуге арналған басқа да препараттар.

ATХ коды A02ВХ

Фармакологиялық қасиеттері

Фармакокинетикасы

Гевискон® препаратының әсер ету механизмі физикалық үдеріс болып табылады және жүйелік қан ағымына сіңуге байланысты болмайды.

Фармакодинамикасы

Гевискон® ішке қабылдаған кезде асқазанның қышқылды құрамын жылдам сезінеді. Бұл ретте рН мәні бейтарап дерлік альгинат гелі түзіледі. Гель асқазан ішіндегісінің беткейінде қорғаныш қабығын қалыптастырады және гастро-эзофагеальді рефлюкс туындауынан тиімді сақтандыра отырып, 4 сағатқа дейін әсер етеді. Регургитация жағдайында асқазанның ішіндегісіне қарағанда гельдің өңешке түсу ықтималдығы мол, ол жерде шырышты қабықтың тітіркенуін азайтады.

Қолданылуы

Асқазан сөлінің жоғары қышқылдығымен және гастроэзофагеальді рефлюкспен (қыжыл, қышқылды кекірік) байланысты диспепсияны симптоматикалық емдеуде, тағам қабылдағаннан кейін асқазанда ауырлықты сезінгенде, оның ішінде жүктілік кезеңінде.

Қолдану тәсілі және дозалары

Ішке.

Ересектер және 12 жастан асқан балалар: 10-20 мл-ден тағам қабылдағаннан кейін және ұйықтар алдында.

Егде жастағы емделушілер үшін дозаны өзгерту қажет етілмейді.

6-дан 12 жасқа дейінгі балалар: 5-10 мл-ден тағам қабылдағаннан кейін және ұйықтар алдында.

6 жасқа дейінгі балаларға ұсынылмайды.

Жағымсыз әсерлері

Аллергиялық реакциялар болуы мүмкін (есекжем, бронх түйілуі, анафилактикалық реакциялар).

Қолдануға болмайтын жағдайлар

Препарат компоненттерінің кез келгеніне, атап айтқанда метилпарагидроксибензоатқа, пропилпарагидроксибензоатқа жоғары сезімталдық.

6 жасқа дейінгі балалар.

Дәрілермен өзара әрекеттесуі

Препарат құрамына кіретін кальций карбонаты, антацидті белсенділігін байқататын болғандықтан, онда Гевискон® және басқа препараттарды қабылдаудың арасында кем дегенде 2 сағат өтуі тиіс (әсіресе Н2 – гистаминді рецепторлар, тетрациклин тобының антибиотиктері, дигоксин, фторхинолон, темір тұздары, кетоконазол, нейролептиктер, тиреоидты гормондар, пеницилламин, бета-адреноблокаторлар, глюкокортикостероидтар, хлорохин мен дифосфаттар және эстрамустин блокаторларымен бір мезгілде қабылдағанда).

Айрықша нұсқаулар

10 мл суспензияда натрийдің құрамы 141 мг (6,2 ммоль) құрайды. Мұны тұз мөлшері өте шектеулі болатын емдәм сақтау қажеттілігі кезінде, мысалы, кейбір жағдайларда іркілісті жүрек жеткіліксіздігі мен бүйрек функциясының бұзылулары жағдайларында ескерген жөн.

Препарат құрамында 160 мг (1,6 ммоль) кальций карбонаты болады, мұны гиперкальциемия, нефрокальциноз және созылмалы калькулезді пиелонефриті бар емделушілерге препаратты тағайындағанда ескеру қажет.

Препарат құрамында аллергиялық реакциялар (баяу типте болуы мүмкін) туындатуы ықтимал метилпарагидроксибензоат, пропилпарагидроксибензоат бар.

Симптоматикада 7 күн ішінде жақсаруы болмаса, дәрігермен кеңесу қажет.

Жүктілік және лактация кезеңі

500 жүкті әйел қатысқан ашық бақыланатын зерттеулер мен жинақталған қолдану тәжірибесі жүктілік барысындағы немесе ұрық пен жаңа туған нәрестенің денсаулығына Гевискон® препаратының қандай болсын мәнді жағымсыз әсерлерін көрсетпеген. Гевискон® жүктілік және бала емізу кезеңінде клиникалық қажеттілігіне қарай қолданылуы мүмкін.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат автокөлікті және механизмдерді басқару қабілетіне, сондай-ақ жоғары зейін қою мен психомоторлық реакциялар жылдамдығын қажет ететін басқа да қызмет түрлерімен айналысуға әсер етпейді.

Артық дозалануы

Симптомдары: Іштің кебуі байқалуы мүмкін.

Емі: симптоматикалық.

Шығарылу түрі және қаптамасы

150 немесе 300 мл препараттан алғашқы ашылуын бақылауды қамтамасыз ететін полипропилен қақпағы бар күңгірт шыны құтыға салынады. Медицинада қолданылуы жөніндегі мемлекеттік және орыс тілдеріндегі нұсқаулық заттаңбаның астына салынған.

Сақтау шарттары

15° С-ден 25° C-ге дейінгі температурада сақтау керек.

Балалардың қолы жетпейтін жерде сақтау керек.

Сақтау мерзімі

Сақтау мерзімі 3 жыл.

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецептісіз.

Өндіруші ұйымның атауы мен елі

Рекитт Бенкизер Хелскэр (Ұлыбритания) Лимитед, Дэнсом Лейн, Халл, Ист Йоркшир, ХЮ8 7ДС, Ұлыбритания.

Тіркеу куәлігі иесінің атауы мен елі

Рекитт Бенкизер Хелскэр (Ұлыбритания) Лимитед, Дэнсом Лейн, Халл, Ист Йоркшир, ХЮ8 7ДС, Ұлыбритания.

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

Қазақстан Республикасы, 050057, Алматы қ., Көктем-1, 15 «А», 302 кеңсе.

Тел.: + 7 (727) 356 07 52; факс: +7 (727) 356 07 50

Электронды поштасы: contact_ru@reckittbenckiser.com

 

Прикрепленные файлы

300040511477976524_ru.doc 48 кб
150236281477977682_kz.doc 55 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники