Войти

Вирупос Ацикловир

Производитель: Урсафарм Арцнаймиттель ГмбХ и Ко.КГ
Анатомо-терапевтическо-химическая классификация: Aciclovir
Номер регистрации: № РК-ЛС-5№122153
Дата регистрации: 20.04.2016 - 20.04.2021

Инструкция

Саудалық атауы

Вирупос

Халықаралық патенттелмеген атауы

Ацикловир

Дәрілік түрі

Көзге арналған жақпамай 3 %, 4,5 г

Құрамы

1 г жақпамайдың құрамында:

белсенді зат 30 мг ацикловир,

қосымша зат – ақ вазелин.

Сипаттамасы

Ақтан сұр-ақ түске дейінгі біртекті жақпамай.

Фармакотерапиялық тобы

Офтальмологияда қолданылатын препараттар. Вирусқа қарсы дәрілер. Ацикловир.

АТХ коды S01AD03

Фармакологиялық қасиеттері

Фармакокинетикасы

Құрамында 3 % ацикловир бар көзге арналған жақпамайды қолданғаннан кейін сулы ылғалда белсенді заттың 7,5 мкмоль/л жуығы табылған. Бұл концентрация қарапайым герпес вирусына қатысты вирусқа қарсы әсеріне жетуге қажетті концентрациядан көп есе асып түседі. Осылайша, ацикловир көзге арналған жақпамайларының көмегімен қарапайым герпес вирусы туындатқан беткейлік қана емес, сонымен қатар көзішілік инфекцияларды да емдеуге болады.

Құрамында ацикловир бар көзге арналған жақпамай қолданылатын емдеу курсынан кейін (14 күн бойы күніне 5 рет жағу) қан плазмасында әсер етуші заттар анықталмаған.

Фармакодинамикасы

Ацикловир негізінен қарапайым герпес (herpes simplex) немесе желшешек (varicella zoster) вирусымен жұқпа жұқтырған жасушаларға фармакологиялық белсенді емес түрінде енеді, осыдан соң ацикловир трифосфатының белсенді туындысына дейін фосфорланады. Содан соң ацикловир трифосфаты вирустық ДНҚ-ға кірігеді дезоксигуанозин-трифосфат орнына вирустық полимераза қатысуымен кірігеді және вирустық ДНҚ-ға басқа нуклеотидтердің қосылу үдерісін бөгейді. Осылайша, ДНҚ тізбегі бұзылады, ал вирус репликациясы тоқтайды.

Қолданылуы

- қарапайым герпес вирусы (herpes simplex) туындатқан кератитте

Қолдану тәсілі мен дозалары

Көзге арналған жақпамайдың ұзындығы 1 см жуық жолағын конъюнктивалық қалтаның төменгі бөлігіне әрбір 4 сағат сайын күніне 5 рет енгізеді. Жаққаннан кейін қабақтарын жауып, жақпамай көздің беткейіне таралатындай көзді айналдыру керек.

Кератит жазылғаннан кейін емдеуді кем дегенде 3 күн бойы жалғастырады.

Жақққан кезде сықпа ұштығының көзге немесе бет терісіне жанасуын болдырмаған дұрыс.

Жағымсыз әсерлері

Жағымсыз әсерлері жіктемесі үшін төмендегі жиілік анықтамалығы пайдаланылады: өте жиі (≥1/10), жиі (≥1/100-<1/10 дейін), жиі емес (≥1/1000-<1/100 дейін), сирек (≥1/10000-<1/1000 дейін), өте сирек (<1/10000).

- өте жиі: нүктелік беткейлі кератопатия, емді тоқтатуды қажет етпейді және салдарсыз жойылып кетеді

- жиі: көзді жеңіл күйдірудің өтпелі сезімі, жаққаннан кейін бірден байқалады, конъюнктивит

- сирек: блефарит

- өте сирек: шұғыл типті аса жоғары сезімталдық реакциялары, ангионевроздық ісіну және есекжемді қоса

Қолдануға болмайтын жағдайлар

- ацикловирге, валацикловирге немесе препараттың қосымша компоненттеріне аса жоғары сезімталдық

Дәрілермен өзара әрекеттесуі

Клиникалық мәнді өзара әрекеттесулер анықталмаған.

Басқа офтальмологиялық препараттармен бір мезгілде қолданғанда жағулар арасында 15 минуттық аралықты ұстану керек.

Айрықша нұсқаулар

Жаққаннан кейін өтпелі жеңіл күйдіру сезімі байқалуы мүмкін екендігі туралы пациенттерге ақпарат берген жөн.

Препаратпен емдеу кезінде жанаспалы линза тақпау керек.

Жүктілік және лактация кезеңі

Препаратты жүктілік кезінде анасы үшін ықтимал пайдасы ұрыққа төнетін қауіптен асып түсетін жағдайда ғана қолдануға болады.

Адамнан алынған шектеулі деректер, жүйелік енгізуден кейін препараттың емшек сүтіне түсетінін көрсетіп отыр. Алайда, ацикловир көз жақпамайын анасы қолданудан кейін емшек еметін бала алатын доза елеусіз ғана болады.

Көлік құралын немесе қауіптілігі зор механизмдерді басқару қабілетіне әсер етуі

Препараттың майлы консистенциясы арқасында оны жаққаннан кейін көру уақытша нашарлауы және реакция уақыты ұзаруы мүмкін. Осыны автомобильді басқару немесе механизмдермен жұмыс істеу кезінде, сондай-ақ теңгеруді талап ететін жағдайларда ескерген жөн.

Артық дозалануы

Құрамында 135 мг ацикловир болатын бүкіл сықпа ішіндегісін кездейсоқ ішке қабылдаған кезде жағымсыз әсерлер дамуы күтілмейді.

Шығарылу түрі мен қаптамасы

4,5 г көзге арналған жақпамайдан ұштықпен және қалпақшамен (полиэтилен) жабдықталған, лакталған ішкі қорғаныш жабыны бар алюминий сықпада.

1 сықпадан қолдану жөніндегі мемлекеттік және орыс тіліндегі нұсқаулықпен бірге картон қорапқа салынады.

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін қолдануға болмайды.

Қаптаманы алғаш ашқаннан кейінгі сақтау мерзімі – 1 ай.

Дәріханалардан босатылу шарттары

Рецепт арқылы

Өндіруші

УРСАФАРМ Арцнаймиттель ГмбХ (URSAPHARM Arzneimittel GmbH)

Индустриештрассе 35, 66129 Саарбрюкен, Германия (Industriestrasse 35, 66129 Saarbrucken, Germany)

Тіркеу куәлігінің иесі:

УРСАФАРМ Арцнаймиттель ГмбХ, Саарбрюкен, Германия (URSAPHARM Arzneimittel GmbH, Saarbrucken, Germany)

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

«Сона-Фарм» ЖШҚ өкілдігі Алматы қ., ҚР

Алматы қ., Гоголь к-сі 77/85, 68 кеңсе

тел./факс: +7 (727) 250-71-74

Е-mail: infokz@sona-pharm.com.ua

Прикрепленные файлы

225449901477976216_ru.doc 51.5 кб
844086921477977456_kz.doc 57.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники