Войти

Аминокапроновая кислота (100 мл) Аминокапроновая кислота

Включено в Список ЛС в рамках ГОБМП, подлежащих закупу у Единого дистрибьютора
ЕД (Включено в Список ЛС в рамках ГОБМП, подлежащих закупу у Единого дистрибьютора)
Производитель: Несвижский завод медицинских препаратов ОАО
Анатомо-терапевтическо-химическая классификация: Аминокислоты
Номер регистрации: № РК-ЛС-5№021087
Дата регистрации: 24.12.2014 - 24.12.2019

Инструкция

Саудалық атауы

Аминокапрон қышқылы

Халықаралық патенттелмеген атауы

Аминокапрон қышқылы

Дәрілік түрі

Инфузияға арналған 5% ерітінді

Құрамы

1000 мл ерітіндінің құрамында

белсенді зат – 50 г аминокапрон қышқылы,

қосымша заттар: натрий хлориді, инъекцияға арналған су

Сипаттамасы

Түссіз мөлдір сұйықтық.

Фармакотерапиялық тобы

Қан түзуге және қанға ықпалын тигізетін препараттар. Гемостатиктер. Амин қышқылдары.

АТХ коды В02АА

Фармакологиялық қасиеттері

Фармакокинетикасы

Көктамыр ішіне енгізген кезде әсері 15-30 минуттан соң білінеді. Аминокапрон қышқылы организмнен негізінен өзгермеген күйінде тез шығарылады (енгізілген препарат дозасының 10-15% жуығы метаболизмге ұшырайды). Бүйрек қызметі қалыпты болғанда препараттың 50–60% жуығы несеппен 4 сағат ішінде шығарылады.

Бүйректің бөліп шығару функциясы бұзылғанда аминкапрон қышқылының шығарылуының іркілісі жүреді, соның салдарынан оның концентрациясы күрт өседі.

Фармакодинамикасы

Гемостатикалық дәрі, профибринолизиннің фибринолизинге айналуын, шамасы, осы үдерістің активаторын тежеу есебінен тежейді, сондай-ақ фибринолизинге тікелей бәсеңдететін әсер береді; стрептокиназа, урокиназа және тіндік киназаның фибринолиздерге белсендіретін әсерін тежейді, калликреин, трипсин және гиалуронидазаның әсерін бейтараптандырады, қылтамырлардың өткізгіштігін азайтады.

Қолданылуы

- қан кетулер (гиперфибринолиз, гипо- және афибриногенемия);

- хирургиялық араласымдарда және патологиялық жағдайларда, қанның фибринолитикалық белсенділігінің жоғарылауымен қатарласа жүретін қан кетулерде (нейрохирургиялық, қуысішілік, торакальді, гинекологиялық және урологиялық операцияларда (соның ішінде қуықасты безінде), өкпеде, ұйқы безінде; тонзиллэктомияларда, стоматологиялық араласымдардан кейін, жасанды қан айналу аппаратын пайдаланып жасалатын операцияларда);

- геморрагиялық синдромы бар ішкі ағзалар ауруларында;

- консервацияланған қанды көп құйғанда болатын салдарлық гипофибриногенемияның алдын алуда.

Қолдану тәсілі және дозалары

Енгізер алдында құюға арналған препарат бар бөтелкені дәрігер көзбен шолып қарауға міндетті. Ерітінді мөлдір болуы тиіс, жүзінді бөлшектер немесе шөгінді болмауы тиіс. Препарат заттаңбасы болған, қаптамасы тұмшаланап сақталған және бөтелкесінде жарығы болмағанда пайдалануға жарамды деп саналады. Көзбен шолып қараудың нәтижелері мен заттаңбаның деректері (препараттың атауы, дайындаушы кәсіпорын, номер сериясы және жарамдылық мерзімі) науқастың ауру тариханда тіркеледі.

Ересектерге дәрілік затты емделушінің 1 кг дене салмағына 1 мл аминокапрон қышқылы ерітіндісі есебінен көктамыр ішіне минутына 50-60 тамшы жылдамдықпен тамшылатып енгізеді. Алғашқы сағат ішінде 4-5 г аминокапрон қышқылын (80-100 мл ерітінді) енгізеді. Қажет болғанда препарат енгізуді жалғастыруға болады. Әдетте аминокапрон қышқылы ерітіндісінің негізгі дозасы инфузиясынан кейін оны 1 г-ден енгізуді (20 мл ерітінді) қан кету толық тоқтағанша, әрбір сағат сайын енгізеді. Қан кету қайталанғанда препаратты қайталап енгізу жүргізілуі қажет.

Гипофибриногенемиямен қатар жүретін жедел фибринолиз дамыған науқастарда бір мезгілде фибриноген енгізу қажет.

Ересектерге ең жоғары тәуліктік дозасы 600 мл (30 г).

1 жастан асқан балаларға фибринолитикалық белсенділіктің орташа жоғарылауы кезінде көктамыр ішіне тамшылатып, дозасын дене салмағына 0,05 г/кг есебінен тағайындайды. Осындай жағдайлардағы бір реттік және тәуліктік дозалар мынадай:

Балалар жасы

Бір реттік доза

Тәуліктік доза

1 жастан 2 жасқа дейін

10 мл дейін (0,5 г)

60 мл дейін (3,0 г)

2-6 жас

10-20 мл (0,5–1 г)

60 – 120 мл (3-6 г)

7-10 жас

20-30 мл (1–1,5 г)

120-180 мл (6-9 г)

Жедел қан жоғалту кезінде 0,1 г/кг-ден мынадай дозаларда тағайындайды:

Балалар жасы

Бір реттік доза

Тәуліктік доза

1 жастан 2 жасқа дейін

20 мл дейін (1 г дейін)

120 мл дейін (6 г дейін)

2-4 жас

20-30 мл (1-1,5 г)

120-180 мл (6-9 г)

5-8 жас

30-40 мл (1,5-2 г)

180-240 мл (9-12 г)

9-10 жас

50 мл (2,5 г)

300 мл (15 г)

Жағымсыз әсерлері

- бас ауыру, әлсіздік

- аллергиялық және анафилактоидтық реакциялар, анафилактикалық шок

- енгізілген жердегі реакциялар, ауыру және некроз

- брадикардия, артериялық гипотензия, ортостатикалық гипотония, шеткергі ишемия, тромбоз, аритмиялар

- іштің ауыруы, диарея, жүректің айнуы, құсу

- агранулоцитоз, коагуляцияның бұзылуы, лейкопения, тромбоцитопения

- креатинфосфокиназаның ұлғаюы, бұлшықет әлсіздігі, миалгия, миопатия, миозит, рабдомиолиз, құрысулар

- сананың шатасуы, сандырақтау, бас айналу, елестеулер, бассүйекішілік гипертензия, инсульт, естен тану

- ентігу, мұрынның бітелуі, өкпе артерияларының тромбоэмболиялары, жоғарғы тыныс жолдарының катаральді құбылыстары

- қышыну, бөртпе

- құлақтың шыңылдауы, естудің төмендеуі, көрудің төмендеуі, көзден жас ағу

- қан сарысуында мочевина деңгейінің артуы, бүйрек қызметінің жеткіліксіздігі.

Қолдануға болмайтын жағдайлар

- препаратқа жоғары сезімталдық

- тромбоздарға және тромбоэмболиялық ауруларға бейімділік

- гиперкоагуляция (тромбтың түзілуі, тромбоэмболия)

- қанның қантамырішілік диффузды ұюы салдарынан болатын коагулопатиялар

- бөліп шығару функциясы бұзылған бүйрек аурулары

- коронарлы қан айналымының жедел бұзылулар

- гематурия

- жүктілік және лактация кезеңі

- ми қан айналымының бұзылулары

- 1 жасқа дейінгі балалар

Сақтықпен

- жүрек аурулары

- несеп бөліп шығару жүйесінің жоғарғы бөлімдерінен этиологиясы белгісіз қан кетулер

- бауыр жеткіліксіздігі

- созылмалы бүйрек жеткіліксіздігі

- артериялық гипотензия

- жүректің клапан ақаулары

Дәрілермен өзара әрекеттесуі

Аминокапрон қышқылы ерітіндісін қолдануды глюкоза ерітінділерін, гидролизаттармен шокқа қарсы ерітінділерді енгізумен үйлестіруге болады.

Аминокапрон қышқылы ерітіндісін антикоагулянттармен және дезагреганттармен қосып тағайындағанда гемостатикалық әсері әлсірейді.

Аминокапрон қышқылы ерітіндісіне ешқандай препараттарды қоспаған жөн.

Айрықша нұсқаулар

Белгілі бір диагнозсыз және/немесе гиперфибринолиздің зертханалық расталуынсыз препаратты тағайындамаған жөн.

Қолдану кезінде фибриноген құрамын, қанның фибринолитикалық белсенділігін және қанның ұю уақытын бақылау қажет. Әсіресе жүректің ишемиялық ауруы кезінде, миокард инфарктісінен кейін, бауырдағы патологиялық процестер кезінде коагулограмманы бақылау қажет.

Ұзақ емдеу кезінде сарысулық креатинфосфокиназа (КФК) деңгейін бақылап отырған, КФК артуы анықталғанда препарат қолдануды тоқтатқан жөн.

Артериялық гипотензияда, жүректің клапандық ақауларында, бауыр жеткіліксіздігінде, созылмалы бүйрек жеткіліксіздігінде, 18 жасқа дейінгі балалар мен жасөспірімдерде препаратты сақтықпен қолданған жөн.

Гломерулярлық қылтамырлық тромбоз түріндегі бүйрекішілік обструкцияның даму қаупіне байланысты несеп шығару жүйесінің жоғары бөлімдерінен қан кету кезінде қолдануға болмайды.

Препаратты көктамыр ішіне жылдам енгізбеген жөн, өйткені бұл гипотензия, брадикардия және/немесе аритмияны туындатуы мүмкін.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері.

Препарат тек стационарлық жағдайларда ғана қолданылатындықтан деректер жоқ.

Артық дозалануы

Симптомдары: қанның фибринолитикалық белсенділігінің күрт төмендеуі, жағымсыз әсерлердің айқын симптомдары: бас айналу, жүрек айну, диарея, тері бөртпесі, ортостатикалық гипотензия, құрысу, бас ауыру, мұрынның бітуі, жедел бүйрек жеткіліксіздігі, рабдомиолиз, миоглобулинурия.

Емі: Артық дозаланған жағдайда препаратты енгізуді тоқтатады және тиісті симптомикалық ем жүргізеді.

Шығарылу түрі және қаптамасы

100 мл-ден дәрілік заттарға, трансфузиялық және инфузиялық препараттарға арналған резеңке тығынмен тығындалып, алюминий қалпақшамен қаусырылған шыны бөтелкеде. Стационарға арналған

100 мл-ден 40 бөтелке қолданылуы жөніндегі 10-15 нұсқаулықпен бірге картон жәшікке салынады.

Сақтау шарттары

Жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Несвижск медициналық препараттар зауыты» ААҚ өндірілген;

Альба кенті, Заводская к-сі, 1;

Несвижск ауданы; Минск облысы;

Беларусь Республикасы, 222603.

Тел./факс +375 (1770) 62001/62073

Тіркеу куәлігінің иесі

«Несвижск медициналық препараттар зауыты» ААҚ, Беларусь Республикасы

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:

«ЦентрАзияФарм» ЖШС, 050030, Қазақстан Республикасы Алматы қ.,

Қызыл гвардияшылар жолы д-лы 258В

тел. 727 232 90 50, 727 385 04 00

 

Прикрепленные файлы

990071421477976542_ru.doc 63 кб
534327661477977701_kz.doc 73.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники