Войти

Аллохол №10 (Дальхимфарм) Активированный уголь, Желчь, Крапивы листья, Чеснок

Производитель: Дальхимфарм ОАО
Анатомо-терапевтическо-химическая классификация: Прочие препараты для лечения заболеваний желчевыводящих путей
Номер регистрации: № РК-ЛС-5№022338
Дата регистрации: 19.08.2016 - 19.08.2021

Инструкция

Саудалық атауы

Аллохол

Халықаралық патенттелмеген атауы

Жоқ

Дәрілік түрі

Қабықпен қапталған таблеткалар

Құрамы

Белсенді компоненттер:

Құрғақ затқа есептегенде қойылтылған өт немесе құрғақ өт - 0,080 г

Кептірілген сарымсақ - 0,040 г

Қалақай жапырақтары - 0,005 г

Белсендендірілген көмір - 0,025 г

Қосымша заттар:

Магний оксиді - 0,0042 г, картоп крахмалы - 0,04026 г, тальк - 0,004312 г, коллоидты кремнийдің қостотығы (аэросил) - 0,012587 г, кальций стеараты - 0,0021 г, сахароза (сахар) - 0,109895 г, магний гидроксикарбонаты (магнийдің негізгі карбонаты) - 0,062361 г, титанның қостотығы - 0,001667 г, повидон (медициналық төмен молекулярлық поливинилпирролидон 12600±2700) - 0,002382 г, тропеолин 0 – 0,00006 г, ара балауызы – 0,000176 г.

Сипаттамасы

Дөңгелек пішінді, екі жағы дөңес, сары түсті, иіссіз, қабықпен қапталған таблеткалар. Көлденең тілігінде екі қабат көрінеді.

Фармакотерапиялық тобы

Бауыр және өт шығару жолдарының ауруларын емдеуге арналған препараттар. Өт шығару жолдарының ауруларын емдеуге арналған басқа препараттар.

АТХ коды А05АХ

Фармакологиялық қасиеттері

Фармакокинетикасы

Препарат асқазан-ішек жолында жақсы сіңеді. Өтте болатын холий және хенодезоксихолий қышқылдары ішекте 7α-дегидроксилденуіне ұшырайды. Мұнан басқа, хенодезоксихолий қышқылы бауырда метаболизмге ұшырайды: амин қышқылдарымен конъюгацияланады, өтке секрецияланады, сол жерден қайтадан ішекке бөлінеді, сосын ішінара қайта сіңіріледі; қалған бөлігі ішек арқылы шығарылады.

Фармакодинамикасы

Өт және өт қышқылдарының түзілуін күшейтетін біріктірілген дәрі; ішектегі шіру және ашу үдерістерін төмендетеді. Өт әрекеті бауыр паренхимасының секреторлық функциясына рефлекстік әсер етуімен шартталған. Өт сондай-ақ асқазан-ішек жолының секрециялық және қозғалыстық функцияларын күшейтеді.

Сарымсақтың құрамындағы заттар асқазан-ішек жолының секрециялық және моторлы функцияларын күшейтеді, өттің секрециясын ынталандырады.

Қалақай жапырақтары өт айдайтын және қабынуға қарсы әсерге иеленген.

Белсендендірілген көмір асқазан-ішек жолындағы уытты заттарды байланыстыратын адсорбент болып табылады.

Қолданылуы

- созылмалы реактивті гепатит

- холангит

- холецистит

- өт шығару жолдарының дискинезиясы

- атониялық іш қату

- холецистэктомиядан кейінгі синдром

Қолдану тәсілі және дозалары

Тамақтан кейін ішке. Ересектер 1-2 таблеткадан тәулігіне 3-4 рет. 12 жастан асқан балалар – 1 таблеткадан күніне 3 рет. Емдеу курсы – 3-4 апта. Ауру асқынған кезде 1 таблеткадан тәулігіне 2-3 рет 1-2 ай бойы қабылдайды. Емдеу курсын қайталауды дәрігермен кеңескеннен кейін 3 ай үзіліспен өткізеді. Препаратты балалардың қабылдау алдында дәрігерден кеңес алған жөн.

Жағымсыз әсерлері

- аллергиялық реакциялар

- диарея

- қан сарысуындағы «бауыр» трансаминазаларының белсенділігінің артуы. Жағымсыз әсерлер пайда болған кезде препаратты қабылдауды тоқтату және дәрігерге көріну қажет.

Қолдануға болмайтын жағдайлар

- препараттың компоненттеріне жоғары сезімталдық

- калькулезді холецистит

- обтурациялық сарғаю

- жедел гепатит

- бауырдың жедел және жеделге жуық дистрофиясы

- асқыну сатысындағы асқазан және 12-елі ішектің ойық жаралы ауруы

- жедел панкреатит

- сахароза/изомальтаза тапшылығы, глюкозаны көтере алмаушылық, глюкоза-галактоза мальабсорбциясы

- 12 жасқа дейінгі балалар

Дәрілермен өзара әрекеттесуі

Құрамында алюминий гидроксиді, колестирамин, колестипол бар препараттар сіңірілуді төмендетеді және препараттың әсерін азайтады. Бір уақытта қабылдау дұрыс болып табылмайды.

Айрықша нұсқаулар

Қант диабеті кезінде препараттың құрамына сахарозаның кіретінін ескерген жөн. Бір таблетканың құрамында шамамен 0,1 г сахароза (қант) бар, бұл 0,01 НБ сәйкес келеді; препараттың ең жоғарғы тәуліктік дозасында шамамен 0,8 г сахароза (қант) бар, бұл 0,08 НБ сәйкес келеді.

Дәрілік препараттың көлік құралын, механизмдерді басқару қабілетіне әсер етуі

Препаратты қолдану көлік құралдарын басқаруға және жоғары зейін қою және психомоторлық реакциялар жылдамдығын қажет ететін басқа да қауіптілігі жоғары қызмет түрлерімен айналысуға әсер етпейді.

Жүктілік, лактация кезеңі

Егер анасы үшін әлеуетті пайдасы шарана мен бала үшін әлеуетті қауіптен жоғары болғанда мүмкін. Дәрігердің кеңесі қажет.

Артық дозалануы

Симптомдары: диарея, жүрек айну, қыжыл, терінің қышынуы мүмкін.

Емі: симптоматикалық.

Шығарылу түрі

Қабықпен қапталған 10 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада.

5 пішінді ұяшықты қаптама қолдану жөніндегі нұсқаулықпен бірге картоп қорапшада немесе пішінді ұяшықты қаптамадан қолдану жөніндегі нұсқаулықтың бірдей санымен топтық қаптамада.

Сақтау шарттары

Құрғақ, жарықтан қорғалған жерде 15ºС-ден 25°С-ге дейінгі температурада сақтау керек.

Балалардың қолы жетпейтін жерде сақтау керек.

Сақтау мерзімі

4 жыл.

Жарамдылық мерзімі өткеннен кейін қолдануға болмайды

Дәріханалардан босатылу шарттары

Рецептісіз.

Өндіруші

"ДАЛЬХИМФАРМ" ААҚ, 680001, Ресей Федерациясы, Хабаровск өлкесі, Хабаровск қ-сы, Ташкентская к-сі, 22, тел/факс (4212) 53-91-86.

Тіркеу куәлігінің иесі

"ДАЛЬХИМФАРМ" ААҚ, 680001, Ресей Федерациясы, Хабаровск өлкесі, Хабаровск қ-сы, Ташкентская к-сі, 22, тел/факс (4212) 53-91-86.

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

«МедЛайн Фармацевтика» ЖШС

Қазақстан Республикасы, 050054, Алматы қ-сы, Сүйінбай даңғылы, 162 А,

тел. 8 (727) 225 00 37

 

Прикрепленные файлы

555736121477976159_ru.doc 52 кб
997371931477977450_kz.doc 57 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники