Войти

Авиментин (625 мг) Амоксициллин, Клавулановая кислота

Производитель: Векста Лабораториес Пвт. Лтд.
Анатомо-терапевтическо-химическая классификация: Амоксициллин в комбинации с ингибиторами бета-лактамаз
Номер регистрации: РК-ЛС-5№022874
Дата регистрации: 28.03.2017 - 28.03.2022

Инструкция

Саудалық атауы

Авиментин

Халықаралық патенттелмеген атауы

Жоқ

Дәрілік түрі

Үлбірлі қабықпен қапталған таблеткалар, 375 мг (250 мг/ 125 мг), 625 мг (500 мг/ 125 мг), 1000 мг (825 мг/ 125 мг)

Құрамы

Бір таблетканың құрамында

белсенді заттар:

Амоксициллин тригидраты

амоксициллинге баламалы 250 мг, 500 мг, 875 мг;

Сұйылтылған калий клавуланаты

клавулан қышқылына баламалы 125 мг,

қосымша заттар: микрокристалды целлюлоза, натрий крахмал гликоляты, кремнийдің коллоидты қостотығы, повидон, магний стеараты, изопропил спирті

қабығының құрамы: Opadry White® (гипромеллоза, титанның қостотығы (Е 171), макрогол, тальк), полиэтиленгликоль, метиленхлорид

Сипаттамасы

Ақ немесе ақ дерлік түсті, сопақша пішінді, екі беті дөңес, екі жағы да тегіс үлбірлі қабықпен қапталған таблеткалар (375 мг және 625 мг доза үшін).

Ақ немесе ақ дерлік түсті, сопақша пішінді, екі беті дөңес, бір жағында сындыру нүктесі бар және басқа жағы тегіс үлбірлі қабықпен қапталған таблеткалар (1000 мг доза үшін).

Фармакотерапиялық тобы

Жүйелі қолдануға арналған бактерияға қарсы препараттар. Бета-лактамазалар тежегіштерімен біріктірілімдегі пенициллиндер. Клавулан қышқылы+амоксициллин.

АТХ коды J01CR02

Фармакологиялық қасиеттері

Фармакокинетикасы

Сіңуі

Амоксициллин мен клавулан қышқылы pH физиологиялық мәнімен сулы ерітінділерде толық ериді. Екі компоненті де ішке қабылдағаннан кейін асқазан-ішек жолынан жылдам және толық сіңеді. Амоксициллин мен клавулан қышқылының сіңуі препаратты тамақтың алдында қабылдағанда оңтайлы. Препаратты ішке қабылдағаннан кейін оның биожетімділігі 70 % жуықты құрайды. Препараттың екі компонентінің де бейіні ұқсас және плазмадағы шыңдық концентрациясына (T макс ) шамамен бір сағатта жетеді. Амоксициллин мен клавулан қышқылын бірге, сондай-ақ әрбір компонентін жекелей қабылдағанда да қан сарысуындағы амоксициллин мен клавулан қышқылының концентрациясы бірдей.

Таралуы

Амоксициллин мен клавулан қышқылының плазма ақуыздарымен байланысуы орташа: клавулан қышқылы үшін 25 % және амоксициллин үшін 18 %. Байқалатын таралу көлемі амоксициллин үшін 0,3-0,4 л/кг жуықты және клавулан қышқылы үшін 0,2 л/кг жуықты құрайды. Амоксициллин мен клавулан қышқылы ісжүзінде жұлын-ми сұйықтығына өтпейді. Амоксициллин пенициллиндердің көбі секілді емшек сүтімен бөлінеді. Сондай-ақ емшек сүтінде клавулан қышқылының іздік мөлшері анықталуы мүмкін. Амоксициллин мен клавулан қышқылы сенсибилизация қаупінен басқа емшек сүтімен қоректенетін балалардың денсаулығына жағымсыз әсер етпейді.

Метаболизмі

Амоксициллин қабылданған дозасының 10-25 % баламалы мөлшерінде белсенді емес пенициллин қышқылы түрінде ішінара несеппен шығарылады. Клавулан қышқылы адам организмде қарқынды метаболизмге ұшырайды және нәжіспен, несеппен, сондай-ақ көмірқышқыл газ түрінде деммен сыртқа шығарылады.

Шығарылуы

Амоксициллин негізінен бүйректермен шығарылады, ал клавулан қышқылы – бүйректік және бүйректен тыс механизмдер арқылы шығарылады. 250 мг/125 мг немесе 500 мг/125 мг бір таблеткасын бір рет қабылдағаннан кейін шамамен 60-70% амоксициллин 40-65% клавулан қышқылы 6 сағат ішінде шығарылады. Несеппен өзгермеген түрінде шығарылады.

Фармакодинамикасы

Әсер ету механизмі

Амоксициллин – кең ауқымды әсерімен жартылай синтетикалық пенициллин, көптеген грамоң және грамтеріс микроорганизмдерге қарсы белсенділікке ие. Сонымен қатар амоксициллин бета-лактамазалар әсерімен ыдырайды, сондықтан амоксициллиннің белсенділік спектрі осы ферментті өндіретін микроорганизмдерге таралмайды.

Клавулан қышқылы – пенициллиндер мен цефалоспориндерге төзімділік білдіретін микроорганизмдерде анықталған бета-лактамазалардың кең спектрінің белсенділігін жоюға қабілетті, құрылымына қатысты пенициллинге жақын бета-лактамазалар тежегіші.

Клавулан қышқылы жиі бактериялардың төзімділігімен байланысты плазмидті бета-лактамазаларға қатысты жеткілікті белсенділік иеленген, және I типті хромосомды бета-лактамазаларға қатысты тиімділігі төмен.

Авиментин препараты құрамында клавулан қышқылының болуы амоксициллинді бета-лактамазамалар ферменттерімен ыдырауынан қорғайды, ол амоксициллиннің бактерияға қарсы белсенділігі спектрін кеңейтуге мүмкіндік береді.

Төменде амоксициллиннің клавулан қышқылымен біріктірілімінің in vitro белсенділігі берілген.

Әдетте амоксициллиннің клавулан қышқылымен біріктіріліміне сезімтал бактериялар

Грамоң аэробтар

Bacillus anthracis Enterococcus faecalis Gardnerella vaginalis Listeria monocytogenes Nocardia asteroides Streptococcus pneumoniae1,2 Streptococcus pyogenes1,2 Streptococcus agalactiae1,2 Viridans2 тобы стрептококтарыStreptococcus spp. (басқа да бета-гемолитикалық стрептококтар)1,2 Staphylococcus aureus (метициллинге сезімтал)1* Staphylococcus saprophytics (метициллинге сезімтал) Коагулазонегативті стафилококтар (метициллинге сезімтал) Грамоң аэробтарClostridium spp. Peptococcus niger Peptostreptococcus magrtus Peptostreptococcus micros Peptostreptococcus spp. Грамтеріс аэробтар Bordetella pertussis Haemophilus influenzae1 Helicobacter pylori Moraxella catarrhal Neisseria gonorrhoeae Pasteurella multocida Vibrio cholerae Грамтеріс аэробтарBacteroides fragilis Bacteroides spp. Capnocytophaga spp. Eikenella corrodens Fusobacterium nucleatum Fusobacterium spp. Porphyromonas spp. Prevotella spp. БасқаларыBorrelia burgdorferi Leptospira icterohaemorrhagiae Treponema pallidum

Амоксициллин және клавулан қышқылы біріктіріліміне жүре пайда болатын резистенттілігі болжамданған бактериялар

Грамтеріс аэробтар Escherichia coli1 Klebsiella oxytoca Klebsiella pneumoniae1 Klebsiella spp. Proteus mirabilis Proteus vulgaris Proteus spp. Salmonella spp. Shigella spp. Грамоң аэробтарCorynebacterium spp. Enterococcus faecium

Амоксициллин және клавулан қышқылы біріктіріліміне табиғи төзімділікке ие бактериялар

Грамтеріс аэробтарAcinetobacter spp. Citrobacter freundii Enterobacter spp. Hafnia alvei Legionella pneumophila Morganella morganii Providencia spp. Pseudomonas spp. Serratia spp. Stenotrophomonas maltophilia Yersinia enterocolitica БасқаларыChlamydia pneumoniae Chlamydia psittaci Chlamydia spp. Coxiella burnetii Mycoplasma spp.

1аталған бактериялар үшін амоксициллиннің клавулан қышқылымен біріктірілімінің клиникалық тиімділігі клиникалық зерттеулерде көрсетілген2 бактериялардың осы түрінің штаммдары бета-лактамазаларды өндірмейді. Амоксициллинмен монотерапиядағы сезімталдық амоксициллиннің клавулан қышқылымен біріктіріліміне осындай ұқсас сезімталдықты болжауға мүмкіндік береді.

* - микроорганиздердің аталған түрінің жекелеген өкілдері β-лактамазаны өндіреді, бұл оларды амоксициллинге сезімтал емес етеді.

Қолданылуы

Препаратқа сезімтал микроорганизмдермен туындаған бактериялық инфекциялар:

- жоғарғы тыныс жолдарының және ЛОР-ағзаларының инфекциялары: қайталанатын тонзиллит, синусит, ортаңғы отит

- тыныс жолдарының төменгі бөліктерінің инфекциялары: созылмалы бронхиттің асқынуы, ауруханадан тыс пневмония, бронхопневмония

- несеп шығару жолдарының инфекциялары: цистит, пиелонефрит

- тері мен жұмсақ тіндер инфекциялары

- сүйек және буындардың инфекциялары, атап айтқанда остеомиелит

Қолдану тәсілі және дозалары

Дозалау режимі пациенттің жасына, дене салмағына, бүйрек функциясына, инфекцияның ауырлық дәрежесіне байланысты жекелей анықталады.

Авиментинді жақсы сіңуі және болуы мүмкін жағымсыз әсерлерін азайту үшін тамақтанудың алдында қабылдау ұсынылады.

Бактерияға қарсы емнің ең аз курсы 5 күнді құрайды.

Емді клиникалық жағдайды бағаламай 14 күннен артыққа жалғастыруға болмайды. Қажет болғанда сатылы ем жүргізуге болады (емнің басында препаратты парентеральді енгізу кейіннен пероральді қабылдауға көшу).

Ересектер мен 12 жастан асқан немесе дене салмағы 40 кг және одан асатын балалар

Авиментин 500 мг/125 мг дозада күніне үш рет қабылданады. 500 мг/125 мг дозалық таблетканы қабылдап жүрген ересектер мен 12 жастан асқан балалар үшін ең жоғарғы тәуліктік доза 1500мг амоксициллин/375 клавулан қышқылын құрайды. 875 мг/125 мг дозалық таблетка үшін ең жоғарғы тәуліктік доза 1750 мг амоксициллин/250мг клавулан қышқылы (күніне 2 рет қабылдағанда) немесе 2625 мг амоксициллин/375 клавулан қышқылы (күніне 3 рет қабылдағанда) тең.

Ересектер мен 12 жастан асқан немесе дене салмағы 40 кг және одан асатын балалар

Жеңіл және орташа ауырлық дәрежесіндегі инфекцияларда

1 таблеткадан 500 мг/125 мг тәулігіне 2-3 рет немесе 1 таблеткадан 875 мг/125 мг тәулігіне 2 рет

Ауыр инфекцияларда

1-2 таблеткадан 500 мг/125мг тәулігіне 3 рет немесе 1 таблеткадан 875мг/125 мг тәулігіне 2 немесе 3 рет

Балалар < 40 кг

Үш рет бөлінген дозада күніне 20 мг / 5 мг / кг-дан 60 мг / 15 мг / кг дейін.

Балалар препаратты суспензия түрінде ала алады.

Өйткені таблетканы бөлуге болмайтындықтан, дене салмағы 25 кг-ден аз балалар таблетканы қабылдамаулары тиіс.

Кестеде 500/125 мг таблеткалар үшін салмағы 25 кг-ден 40 кг-ге дейінгі балалардағы дозалары (дене салмағы мг/кг) көрсетілген

Дене салмағы (кг)

40

35

30

25

Бір реттік доза (дене салмағы мг/кг) ұсынылады

Амоксициллин (дене салмағына мг / кг) таблетканың бір дозасына (үлбірлі қабықпен қапталған таблеткалар)

12.5

14.3

16.7

20.0

6.67 – 20

Клавулан қышқылы (дене салмағына мг / кг) таблетканың бір дозасына (үлбірлі қабықпен қапталған таблеткалар)

3.1

3.6

4.2

5.0

1.67 - 5

6 жастан бастап және одан кіші жастағы немесе дене салмағы 25 кг аз балаларға препаратты суспензия түрінде алған дұрыс.

Егде жастағы пациенттер

Препарат дозасын түзету талап етілмейді.

Бүйрек жеткіліксіздігі

Креатинин клиренсі (КК) 30 мл/минуттан жоғары пациенттерде дозаны түзету талап етілмейді.

Ересектер мен балалар ≥ 40 кг

КК: 10-30 мл / мин

500 мг / 125 мг күніне екі рет

КК <10 мл / мин

500 мг / 125 мг күніне бір рет

Гемодиализ

500 мг / 125 мг әрбір 24 сағатта, плюс 500 мг / 125 мг диализ кезінде, диализ соңында қайталау керек (өйткені амоксициллин мен клавулан қышқылының сарысудағы концентрациялары азаяды)

875 мг/125 мг дозадағы таблетканы тек КК >30 мл/мин пациенттерге ғана қолдану керек

Балалар <40 кг

КК: 10-30 мл / мин

15 мг / 3,75 мг / кг күніне екі рет (500 мг / 125 мг асырмай күніне екі рет).

КК<10 мл / мин

15 мг / 3,75 мг / кг бір реттік тәуліктік доза түрінде (ең жоғарғы 500 мг / 125 мг).

Гемодиализ

15 мг / 3,75 мг / кг күніне бір рет.

15 мг / 3,75 мг / кг гемодиализге дейін. Айналымдағы препарат деңгейін қалпына келтіру үшін, кг-ге 15 мг / 3,75 мг дозаны гемодиализден кейін енгізу керек.

Бауыр жеткіліксіздігі

Емді сақтықпен жүргізеді; бауыр функциясын тұрақты аралықпен бақылау керек.

Жағымсыз әсерлер

Төменде берілген жағымсыз құбылыстар, ағзалар мен ағзалар жүйесінің зақымдануына және кездесу жиілігіне сәйкес берілген. Кездесу жиілігі келесідегідей анықталды: өте жиі (≥1/10), жиі (≥1/100, <1/10), жиі емес (≥1/1000, <1/100), сирек (≥1/10 000, <1/1000), өте сирек (<1/10 000).

Жиілігінің санаты препараттың клиникалық зерттеулері және тіркеуден кейінгі бақылаулар негізінде анықталған.

Жиі:

- тері және шырышты қабаттар кандидозы

- жүрек айнуы, құсу, диарея

Жүрек айнуы көбіне препараттың жоғары дозасын қолданғанда кездеседі. Байқалу дәрежесін төмендету үшін препаратты тамақ қабылдар алдында қабылдау ұсынылады.

Жиі емес:

- бас айналуы, бас ауыруы

- диспепсия

- АЛТ/АСТ бауыр ферменттері деңгейінің орташа жоғарылауы (бета-лактамды антибиотиктермен ем қабылдайтын пациенттерде байқалады, әйтсе де оның клиникалық мәні белгісіз)

- тері бөртпесі, қышыну, есекжем

Сирек:

- қайтымды лейкопения (нейтропенияны қоса), тромбоцитопения

- мультиформалы эритема

Белгісіз:

- қайтымды агранулоцитоз және гемолитикалық анемия, қан кету уақыты мен протромбиндік уақыт индексінің артуы

-ангионевроздық ісіну, анафилаксия; сарысу құю ауруына ұқсайтын синдром, аллергиялық васкулит

- қайтымды жоғары белсенділік және құрысулар

- антибиотиктермен астасқан колит (жалғанжарғақшалы және геморрагиялықты қоса)

- қара түкті тіл (тілдің талшықты бүртіктерінің созылмалы гиперплазиясы)

- гепатит, холестаздық сарғаю

- сезімтал емес микрофлоралардың шамадан тыс өсуі

- Стивенс-Джонсон синдромы, уытты эпидермальді некролиз, буллёзді эксфолиативті дерматит, жедел жайылған экзантематозды пустулёз, асептикалық менингит. Аталған симптомдар дамығанда препаратты дереу тоқтату керек.

- интерстициальді нефрит, кристаллурия

Аталған белгілер мен симптомдар әдетте емдеу барысында немесе ем аяқталғаннан кейін кездеседі, әйтсе де жекелеген жағдайларда ем аяқталғанн кейін бірнеше апталар ішінде байқалмауы мүмкін. Жағымсыз құбылыстар, әдетте қайтымды. Ауыз қуысына күтім жасау тіс эмалі түсінің өзгеруінің алдын алуға көмектеседі, өйткені бұл үшін тісті тазалау жеткілікті.

Бауыр тарапынан жағымсыз құбылыстар ауыр болуы мүмкін, өте сирек жағдайларда өліммен аяқталу туралы хабарлар болды. Барлық дерлік жағдайларда бұлар қатар жүретін елеулі патологиямен немесе бір мезгілде күшті гепатотоуытты препараттар қабылдайтын адамдар.

Болжамды жағымсыз реакциялар туралы хабарлар

Препараттың болжамды жағымсыз реакциялары туралы деректерді анықтау дәрілік заттың пайда/қауіп арақатынасын ұдайы мониторингілеуді жүргізуге мүмкіндік беретін өте маңызды кезең болып табылады.

Медицина қызметкерлері кез келген болжамды жағымсыз реакциялар туралы ақпаратты нұсқаулықтың соңында берілген байланысу деректері, сондай-ақ ақпаратты жинаудың ұлттық жүйесі арқылы хабарлау керек.

Қолдануға болмайтын жағдайлар

— анамнезінде амоксициллинге, клавулан қышқылына, препараттың басқа компоненттеріне, бета-лактамды антибиотиктерге (мысалы, пенициллиндер, цефалоспориндер) жоғары сезімталдық;

анамнезінде амоксициллиннің клавулан қышқылы біріктірілімін қабылдау аясында сарғаю эпизодтары немесе бауыр функциясының бұзылуы;

12 жасқа дейінгі және дене салмаға 40 кг кем балаларда (250 мг/125 мг немесе 500 мг/125 мг, немесе 875 мг/125 мг таблеткалар үшін);

бүйрек функциясының бұзылуы (КК ≤ 30 мл/мин) - (875 мг/125 мг таблеткалар үшін);

Сақтықпен: бауыр функциясының бұзылуы.

Дәрілермен өзара әрекеттесуі

Авиментинді пробеницидпен бір мезгілде қолдануға болмайды. Пробеницид амоксициллиннің өзекшелік сөлінісін төмендетеді, сондықтан Авиментин препараты мен пробеницидті бір мезгілде қолдану қанда амоксициллин концентрациясы персистенциясының жоғарылауына әкелуі мүмкін.

Аллопуринол мен Авиментинді бір мезгілде қолдану терінің аллергиялық реакцияларының пайда болу қаупін арттыруы мүмкін. Амоксициллиннің клавулан қышқылымен біріктірілімі мен аллопуринолды бір мезгілде қолдану туралы деректер қазіргі уақытта жоқ.

Пенициллиндер оның өзекшелік сөлінісін тежеу есебінен метотрексаттың организмнен шығарылуын баяулатуға қабілетті, сондықтан, Авиментин препараты мен метотрексатты бір мезгілде қолдану метотрексаттың уыттылығын арттыруы мүмкін.

Басқа да бактерияға қарсы препараттар секілді, Авиментин препараты эстрогендердің АІЖ сіңуінің төмендеуіне әкеліп ішек микрофлорасына әсер етуі және біріктірілген пероральді контрацептивтердің тиімділігін төмендетуі мүмкін.

Аценокумарол немесе варфарин мен амоксициллинді бір мезгілде қолданғанда пациенттерде MHO жоғарылауының сирек жағдайы сипатталған.

Авиментин препаратын антикоагулянттармен бір мезгілде тағайындау қажет болғанда протромбиндік уақыт пен MHO мұқият бақылануы керек, Авиментин препаратаын тағайындау немесе тоқтатқанда ішке қабылдауға арналған антикоагулянттар дозасын түзету талап етіледі.

Айрықша нұсқаулар

Авиментин препаратымен емді бастар алдында пенициллиндерге, цефалоспориндерге немесе басқа аллергендерге бұрын болған аса жоғары сезімталдық реакцияларына қатысты толық анамнез жинау керек.

Пенициллиндерге елеулі, ал кейде өліммен аяқталатын аса жоғары сезімталдық реакциялары (анафилаксиялық шок) сипатталған,

Осындай реакциялардың даму қаупі анамнезінде пенициллиндерге аса жоғары сезімталдық реакциясы бар пациенттерде жоғары. Аллергиялық реакциялар пайда болған жағдайда Авиментин препаратымен емдеуді тоқтату және сәйкес альтернативті емді бастау керек.

Аса жоғары сезімталдықтың елеулі реакцияларында дереу эпинефрин енгізу керек. Сондай-ақ оксигенотерапия, ГКС в/і енгізу және интубацияны қоса тыныс жолдарының өткізгіштігін қамтамасыз ету талап етілуі мүмкін.

Инфекциялық мононуклеозға күдік туындағанда Авиментин препаратын тағайындау ұсынылмайды сондықтан осы аурумен пациенттерде амоксициллин қызылшаға ұқсайтын бөрту туындатуы мүмкін, ол аурудың диагностикасын қиындатады. Авиментин препаратымен ұзақ уақыт емдеу кейде сезімтал емес микроорганизмдердің шамадан тыс өсуіне әкелуі мүмкін.

Жалпы алғанда Авиментин препараты жақсы көтерімді және барлық пенициллиндерге тән төмен уыттылыққа ие.

Авиментин препаратымен ұзақ уақыт емдеу кезінде әлсін әлсін бүйрек, бауыр, қан түзу жүйелері функцияларын бағалау ұсынылады.

АІЖ тарапынан жағымсыз әсерлердің даму қаупін төмендету мақсатында препаратты ас қабылдау алдында қабылдау керек.

Бүйрек функциясының бұзылуымен пациенттерде Авиментин препараты дозасын бұзылу дәрежесіне сай төмендету керек.

Бүйрек функциясының бұзылуымен немесе препараттың жоғары дозаларын қабылдаған пациенттерде құрысулар дамуы мүмкін.

Төмендеген диурезімен пациенттерде өте сирек жағдайларда, негізінен препаратты парентеральді қолданғанда кристаллурия дамуы туралы хабарланды. Амоксициллиннің жоғары дозаларын енгізген кезде сұйықтықтың жеткілікті мөлшерін қабылдау және амоксициллин кристалдарының түзілу мүмкіндігін азайту үшін адекватты диурезді демеу ұсынылады.

Авиментин препаратын ішке қабылдау амоксициллиннің несептегі жоғары мөлшеріне әкеледі, бұл несепте глюкозаны анықтауда жалғаноң нәтижелерге әкелуі мүмкін (мысалы, Бенедикт сынамасы, Фелинг сынамасы). Бұл жағдайда несептегі глюкоза концентрациясын анықтаудың глюкозоксидантты тәсілін қолдану ұсынылады.

Ауыз қуысының күтімі тіс түстерінің өзгеруін алдын алуға көмектеседі, бұл үшін тісті тазалау жеткілікті.

Таблеткаларды қаптаманы ашқаннан кейін 30 күн ішінде қолдану керек.

Шамадан тыс қолдану және дәрілік тәуелділік

Авиментин препаратын қолданумен байланысты дәрілік тәуелділік, дағдылану және эйфория реакциялары байқалған жоқ.

Жүктілік және лактация кезеңі

Жүктілік кезінде анасы үшін күтілген пайдасы ұрық үшін әлеуетті қаупінен жоғары болатын жағдайларды қоспағанда Авиментин препаратын қолдануға болмайды.

Авиментин препараты емшек сүтіне өтеді, оны емшекпен қоректендіру кезінде пайда/ қаупін бағалағаннан кейін ғана қолдануға болады.

Диария және/немесе ауыз қуысы шырышты қабаттары кандидозы және сенсибилизация дамуы мүмкін. Емшекпен қоректенетін сәбилерде жағымсыз әсерлер пайда болған жағдайда емшекпен қоректендіруді тоқтату керек.

Бауыр функциясы бұзылуында қолданылуы

Емді сақтықпен жүргізеді; ұдайы бауыр функциясына мониторинг жүргізу керек. Пациенттердің осы категориясында дозалау режиміне түзету жүргізу үшін деректер жеткіліксіз.

Бүйрек функциясы бұзылуында қолданылуы

Препарат дозасы бұзылу дәрежесіне қарай түзетілуі керек.

Балаларда қолданылуы

12 жасқа толмаған балалар

Препарат ішуге арналған суспензия түрінде тағайындалады.

Дозасы жасына және салмағына қарай есептеледі, тәулігіне дене салмағына мг/кг (амоксициллин бойынша есептеу) немесе суспензияның миллилитрінде көрсетіледі.

Дене салмағы 40 кг және астам балаларға ересектерге арналғандай дозалары тағайындалады.

Авиментин препаратының төмен дозалары тері және жұмсақ тіндер инфекциялары, сондай-ақ қайталанатын тонзиллиті емдеу үшін қолданылады.

Авиментин препаратының жоғары дозалары ортаңғы отит, синусит, төменгі тыныс жолдары және несеп шығаратын жолдар инфекциялары секілді ауруларды емдеу үшін қолданылады.

Егде жастағы пациенттерде қолданылуы

Егде жастағы пациенттерге Авиментиннің дозасын төмендету талап етілмейді; дозалар ересектердегіге ұқсайды. Бүйрек функциясының бұзылуымен егде жастағы пациенттерде дозаны бүйрек функциясының бұзылуымен ересектердегідей түзету керек.

Дәрілік заттың көлік құралын немесе қауіпті механизмдерді басқару қабілетіне ықпал ету ерекшеліктері

Препарат бас айналуын туындатуы мүмкін болғандықтан, пациенттерді көлік құралын басқару немесе қозғалыстағы механизмдермен жұмыс жасауда сақтық шараларын сақтау туралы ескерту керек.

Артық дозалануы

Симптомдары: АІЖ тарапынан және су-электролиттік теңгерім бұзылуының симптомдары пайда болуы мүмкін. Кейбір жағдайларда бүйрек жеткіліксіздігінің дамуына әкелетін амоксициллиндік кристаллурия сипатталған.

Бүйрек функциясының бұзылуымен пациенттерде, сондай-ақ препаратты жоғары дозаларда қабылдағандарда құрысулар дамуы мүмкін.

Емі: АІЖ тарапынан симптомдар - су-электролиттік теңгерімді қалпына келтіруге айрықша назар аударып симптоматикалық ем жүргізу.

Артық дозаланған жағдайда амоксициллин мен клавулан қышқылы қан ағымынан гемодиализ көмегімен шығарылуы мүмкін.

Шығарылу түрі және қаптамасы

6 (375 мг және 1000 мг доза үшін) немесе 10 (625 мг доза үшін) таблеткадан алюминий фольгадан жасалған пішінді ұяшықты қаптамаға салынған.

1 пішінді ұяшықты қаптамадан (375 мг доза үшін) немесе 2 пішінді ұяшықты қаптамадан (625 мг және 1000 мг доза үшін) мемлекеттік және орыс тіліндегі медициналық қолдану жөніндегі нұсқаулықпен бірге картоннан жасалған қорапшаға салынған.

Сақтау шарттары

Құрғақ, жарықтан қорғалған жерде, 25°C–ден аспайтын температурада.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Vexta Laboratories Pvt. Ltd. Office 20 & 21 A, A.K. Vaidya Marg, Goregaon (E), Мумбай 400063, Үндістан

Тіркеу куәлігінің иесі

«Авицена-Лтд» ЖШС, Қазақстан

050002, Алматы қ-сы, Жангелдин к-сі, 31, 416 кеңсе

тел./факс: +7727 3572387 /88/ 89

e-mail: reg@avitsena.kz

Қаптаушы ұйымның атауы және елі

Векста Лабораториес Пвт. Лтд., Үндістан

Қазақстан Республикасы аумағында тұтынушылардан дәрілік заттың сапасы жөніндегі шағымдарды (ұсыныстарды) қабылдайтын ұйымның мекенжайы

«Авицена-Лтд» ЖШС

050002, Алматы қ-сы, Жангелдин к-сі, 31, 416 кеңсе

тел./факс: +7727 3572387 /88/ 89

e-mail: reg@avitsena.kz

Дәрілік заттың қауіпсіздігін тіркеуден кейінгі бақылауға жауапты ұйымның мекенжайы

«СonsultAsia» ЖШС

E-mail: pv@consultingasia.kz

Тел/факс: +7727-379-42-58

+77051708876/+77051708825

Прикрепленные файлы

Авиментин_инструкция_рус.doc 0.1 кб
Авиментин_инструкция_каз.doc 0.14 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники