Коагил-VII (2,4 мг)

МНН: Эптаког альфа (активированный): рекомбинантный коагуляционный фактор VIIa
Производитель: Генериум ЗАО
Анатомо-терапевтическо-химическая классификация: Eptacog alfa (activated)
Номер регистрации в РК: № РК-ЛС-5№018132
Информация о регистрации в РК: 13.10.2016 - 13.10.2021
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Включено в Список бесплатного амбулаторного лекарственного обеспечения
АЛО (Включено в Список бесплатного амбулаторного лекарственного обеспечения)
Предельная цена закупа в РК: 201 456.7 KZT

Инструкция

Саудалық атауы

Коагил-VII

Халықаралық патенттелмеген атауы

Эптаког альфа [белсендірілген]

Дәрілік түрі

Вена ішіне енгізу үшін ерітінді дайындауға арналған 1,2 мг, 2,4 мг, 4,8 мг лиофилизат еріткішімен жиынтықта (инъекцияға арналған су)

Құрамы

1 құтыдағы препараттың құрамында

белсенді зат - эптаког альфа [белсендірілген] (rFVIIa) 1,2 мг (60 мың ХБ), 2,4 мг (120 мың ХБ) немесе 4,8 мг (240 мың ХБ),

қосымша заттар: натрий хлориді, кальций хлориді дигидраты, глицилглицин, полисорбат-80 (Твин® 80), маннитол.

Еріткіш – 5 немесе 10 мл инъекцияға арналған су.

Сипаттамасы

Ақ түсті аморфты масса.

Қалпына келтірілген ерітінді: мөлдір немесе әлсіз бозаңданатын түссіз сұйықтық.

Фармакотерапиялық тобы

Гемостатиктер. К дәрумені және басқа да гемостатиктер. Қан ұюының факторы. Эптаког альфа [белсендірілген]

АТХ коды В02ВD08

Фармакологиялық қасиеттері

Фармакокинетикасы

Әдебиет деректері бойынша қан ұюының рекомбинантты VIIа факторының гемофилиясы бар пациенттердегі жартылай шығарылу кезеңі орташа алғанда қан кетуден тыс жағдайда 2,89 сағатты және қан кету кезінде 2,30 сағатты құрайды, дені сау адамдарда ол 3,9-дан 6,0 сағатқа дейін өзгереді. Қан ұюының рекомбинантты VIIа факторының орташа клиренсі орташа алғанда гемофилиямен ауыратындарда 31,0-ден 32,6 мл/кг сағатқа дейін, дені сау адамдарда - 33,3-тен 37,2 мл/кг сағатқа дейін құрайды, балаларда - орташа алғанда 2 есе жоғары болады.

Фармакодинамикасы

Коагил -VII препаратының белсенді заты эптаког альфа [белсендірілген] – қан ұюының рекомбинантты VIIа факторы, сирия атжалманы бүйрегі қайта өсірілген жасушалар (ВНК21 клон 13 (2Н7)) желісінен өндіріледі және рекомбинантты ДНҚ технологиясын пайдаланумен бөлінеді.

Молекулярлық салмағы шамамен 50 кДа құрайды.

Әсер ету механизмі қан ұюының рекомбинантты VIIа факторының босап шыққан тіндік фактормен зақымдану аймағында байланысуымен айқындалады. Түзілген кешен қан ұюының IХ және X факторларының IХа және Xа белсенді түріне өтуін көтермелейді. Одан кейін қан ұюының Xа факторы протромбиннің (ІІ) тромбинге айналуының бастапқы үдерісін іске қосады. Тромбин фибриногенді фибринге айналдыру жолымен гемостатикалық тығынның түзілуіне, сондай-ақ тромбоциттер мен V және VIII қан ұюының факторларының зақымдану аймағында белсенділенуіне ықпал етеді. Фармакологиялық дозаларда эптаког альфа [белсендірілген] зақымдану аймағында белсенділенген тромбоциттер беткейінде қан ұюының Х факторын тіндік фактордың қатысуынсыз тікелей белсенді Xа формасына көшіреді, бұл протромбиннен тромбиннің көп мөлшерде түзілуіне әкеледі.

Осылайша, қан ұюының рекомбинантты VIIа факторының фармакодинамикалық тиімділігі қан ұюы жүйесінің ферментативтік реакциялар каскадында одан кейінгі тромбин мен фибрин синтезін жеделдете отырып, қан ұюының Xa факторының жергілікті түзілуін күшейтумен айқындалады.

Эптаког альфа [белсендірілген] препаратын қолданған кезде ДТҰ-синдромның өршуіне бейімділіктен зардап шегетін науқастардағы қан ұюдың жүйелі белсенділену қаупін толықтай жоққа шығаруға болмайды.

Қолданылуы

- қан ұюының VIII немесе IX факторларының тежегіштер титры жоғары (>5БЕ) қан ұюының VIII немесе IX факторларының тұқым қуалаған немесе жүре пайда болған тапшылығында хирургиялық араласударды немесе инвазиялық емшараларды жүргізгенде қан кетуін тоқтату немесе оның профилактикасы мақсатында

- қан ұюының VIII немесе IX факторларының тұқым қуалаған тапшылығында анамнезіндегі деректер бойынша қан ұюының VIII немесе IX факторларын енгізуге болжамды иммундық реакциялары бар пациенттерде хирургиялық араласуларды және инвазиялық емшараларды жүргізгенде қан кетуді тоқтату немесе оның профилактикасы мақсатында

- қан ұюының VII факторының тұқым қуалаған тапшылығында хирургиялық араласуларды және инвазиялық емшараларды жүргізгенде қан кетуді тоқтату немесе оның профилактикасы мақсатында

- Гланцман тромбастениясында IIb-IIIa гликопротеиндерге антиденелердің болуында және тромбоцитарлы массаның трансфузиясына (қазіргі кездегі немесе анамнездегі) рефрактерлігінде хирургиялық араласуларды немесе инвазиялық емшараларды жүргізгенде қан кетуін тоқтату немесе оның профилактикасы мақсатында

Қолдану тәсілі және дозалары

Қанды ұйытатын VIII немесе IX факторларының тежегіштер титры жоғары (>5БЕ) қан ұюының VIII немесе IX факторларының тұқым қуалаған немесе жүре пайда болған тапшылығы бар пациенттерде қан кетуін тоқтату

Қан кетуде Коагил-VII препаратын мүмкіндігінше ертерек енгізу керек. Дозаны жекелей таңдайды. Препарат вена ішіне болюсті (2-5 минуттың ішінде) енгізіледі. Әдетте бастапқы дозасы 90 мкг/кг құрайды. Бірінші инъекциядан кейін препаратты енгізуді гемостазға қол жеткізілгенге дейін әр 2-3 сағат сайын қайталауға болады. Емдеуді жалғастыруға көрсетілімдер болғанда препаратты енгізу аралықтары бүкіл емдеу кезеңіне 4, 6, 8 немесе 12 сағатқа дейінгі ретпен ұзартылуы мүмкін. Емдеу ұзақтығы мен препаратты енгізу аралықтары қан кетудің ауырлығымен айқындалады.

VIII немесе IX факторларының тұқым қуалаған немесе жүре пайда болған тапшылығы бар пациенттерде ауырлығы жеңіл және орташа дәрежедегі қан кетуді тоқтату (амбулаториялық емдеуді қоса)

Бастапқы доза - 90 мкг/кг. Гемостазды қамтамасыз ету үшін препараттың 1-ден 3-ке дейінгі дозасын 3 сағаттық аралықпен қан кету тоқтағанға дейін енгізеді. Тиімділігін ұстап тұру үшін 3 сағат өткенде 90 мкг/кг есеппен препараттың 4-ші дозасы енгізіледі. Дене салмағына шаққанда 270 мкг/кг есеппен бір рет енгізу режимін қолдануға болады. Амбулаториялық емдеу ұзақтығы 24 сағаттан аспауға тиіс. Препараттың ертерек енгізілуі буынға, бұлшық етке, теріге және шырышты қабықтарға жеңіл және орташа дәрежедегі қан кетуді тиімді бақылауға мүмкіндік береді.

VIII немесе IX факторларының тұқым қуалаған немесе жүре пайда болған тапшылығы бар пациенттердегі ауыр дәрежедегі қан кетуді тоқтату

Препараттың дозасы 90 мкг/кг құрайды және клиникаға апара жатқан кезде енгізілуі де мүмкін. Емдеудің одан ары қарайғы сызбасы қан кетудің түрі мен ауырлығына байланысты болады. Препарат қан кету тоқтағанға дейін әр 2 сағат сайын енгізіледі. Емдеуді жалғастыру үшін көрсетілімдер болғанда препаратты енгізу аралықтары 1-2 тәуліктің ішінде 3 сағатқа дейін арттырылуы мүмкін. Одан кейін препаратты енгізу аралықтарын бүкіл емдеу кезеңінде 4, 6, 8 немесе 12 сағатқа дейін арттыруға болады. Көрсетілімдерге байланысты емдеу ұзақтығы 2-3 апта және одан да көп уақытты құрауы мүмкін.

VIII немесе IX факторларының тұқым қуалаған немесе жүре пайда болған тапшылығы бар пациенттерде хирургиялық араласулар мен инвазиялық емшараларды жүргізген кездегі қан кетуді тоқтату

Тікелей араласудың немесе емшараның алдында 90 мкг/кг доза енгізіледі. Екінші доза 2 сағат өткенде енгізіледі, одан кейін алғашқы 24-48 сағат бойына препарат 2-3 сағаттық аралықпен енгізіледі. Ауқымды операцияларда 2-4 сағаттық енгізу аралықтарымен емдеу 6-7 тәулік бойы жалғастырылады. Келесі 2 апта бойы препаратты енгізу аралықтары 6-8 сағатқа дейін арттырылуы мүмкін. Препаратты қолданудың жалпы ұзақтығы 2-3 аптаны құрауы мүмкін.

VII факторының тапшылығы бар пациенттердегі қан кетуді тоқтату және алдын алу

Хирургиялық операцияларда немесе инвазиялық емшараларда қан кетуін тоқтату және оның алдын алу үшін ұсынылатын дозалар дене салмағына шаққанда 15-30 мкг/кг құрайды. Препарат әр 4-6 сағат сайын (ал профилактика кезінде) гемостазға қол жеткізілгенге дейін енгізіледі. Дозалары мен енгізу жиілігі жекелей тұрғыда айқындалады және пациенттің клиникалық жай-күйіне, фактор тапшылығының дәрежесіне және хирургиялық араласулардың немесе инвазиялық емшаралардың көлемі мен ұзақтығына байланысты болады.

Гланцман тромбастениясы бар пациенттердегі қан кетуін тоқтату және профилактикасы

Хирургиялық араласуларды немесе инвазиялық емшараларды жүргізу кезіндегі қан кетулерді тоқтату мен профилактикасына арналған доза 90 мкг/кг (хирургиялық араласулардың және инвазиялық емшаралардың көлемі мен ұзақтығына байланысты орташа алғанда 80-120 мкг/кг) құрайды. Препарат әр 2 сағат сайын енгізіледі. Тұрақты гемостазды қамтамасыз ету үшін кемінде үш рет енгізілу қажет. Коагил-VII Гланцман тромбастениясы бар пациенттерде тромбоцитарлы массаны қолдануға рефрактерлігі болғанда пайдаланылады.

Инъекциялық ерітінділерді дайындау ережелері

1. Инъекциялық ерітінді дайындауды бастар алдында қолдарыңызды мұқият жуыңыздар және асептика ережелерін сақтаңыздар.

2. Препараты және еріткіші бар құтыларды (инъекцияға арналған су) бөлме температурасына дейін (бірақ 37оС-ден асырмай) мысалы, оларды қолға ұстап тұрып қыздырыңыз.

3.Әр құтының қорғаныш қалпақшасын шешіп алыңыз.

4. Құтының резеңке тығындарын спиртті сүрткілермен өңдеңіз. Пайдаланар алдында олардың құрғауына мүмкіндік беріңіз.

5. Қағаз қабын ортасына дейін бүгіп, шприцтің блистерлік қаптамасын ашыңыз.

6. Қағаз қабын ортасына дейін бүгіп, иненің блистерлік қаптамасын ашыңыз.

7. Қорғағыш қалпақшасын алмастан стерильді инені шприцке кигізіңіз. Шприцтің ұшы қолға немесе басқа да беткейлерге тимеуін қадағалаңыз.

8. Инеден қорғаныш қалпақшасын алып тастаңыз.

9. Инені еріткіші бар құтының резеңке тығынының ортасына енгізіңіз және шприцке инъекцияға арналған судың қажетті мөлшерін:

- 1,2 мг доза үшін - 2 мл;

- 2,4 м доза үшін - 4 мл;

- 4,8 мг доза үшін - 8 мл мөлшерін сорып алыңыз.

10. Құтының тығынынан инені алмастан шприцті келесі манипуляцияға дейін бір шетке қоя тұрыңыз.

11. Қағаз қабын ортасына дейін бүгіп, екінші иненің блистерлі қаптамасын ашыңыз.

12. Инені еріткіш қалдығы бар құтының тығынында қалдырып, инеден шприцті шығарып алыңыз.

13. Қорғаныш қалпақшасын алмастан екінші стерильді инені еріткіші бар шприцке кигізіңіз. Шприцтің ұшы қолға немесе басқа беткейлерге тимеуін қадағалаңыз. Иненің қорғаныш қалпақшасын шешіп алыңыз.

14. Бүйірлі қабырғасына бағыттай отырып инені препараты бар құтының тығынының ортасына енгізіңіз, және поршеньді баяу баса отырып, көпіршік түзілуіне және иненің препарат ерітіндісіне тиюіне жол бермей, инъекцияға арналған судың тиісті көлемін (9 тармақты қараңыз) құтының бүйіріне тигізе енгізіңіз. Егер судың ағыны тікелей лиофилизатқа тисе, «көпіршу» пайда болады.

15. Бүкіл зат ерігенге дейін құтыны абайлап шайқаңыз. Құтыны сілкімеңіз. Ұнтақтың толық ерігеніне көз жеткізіңіз.

16. Құтыны сәл еңкейген күйінде ұстап тұрып, поршеньді баяу және баппен тарта отырып, одан ерітіндіні шприцке сорғызып алыңыз. Бүкіл дайындалған ерітіндінің шприцке өткеніне көз жеткізіңіз. Шприцті олармен келесі манипуляцияларға дейін инені құтының тығынынан шығармай, бір шетке қоя тұрыңыз.

17. Шеткері веналарға арналған катетердің блистерлі қаптамасын ашыңыз.

18. Қағаз қабын ортасына дейін бүгіп, инъекциялық сүзгінің блистерлі қаптамасын ашыңыз.

19. Поршеньнің күйін өзгертпестен (16 тармақты қараңыз), шприцті инеден шығарыңыз, ол бос құтының тығынында қалдырылады. Шприцтен ауаны шығарыңыз. Блистерлі қаптамасын алғаннан кейін инъекциялық сүзгіні (ашық жағымен) шприцке кигізіңіз. Инъекциялық сүзгінің бөгде беткейлермен жанаспауын қадағалаңыз.

20. Катетердің түтікшесінен қорғаныш тығынын алып тастаңыз. Сүзгіні сағат тілі бойынша тірелгенше бұрай отырып, инъекциялық сүзгінің бос шетін катетердің түтікшесіне жалғаңыз.

21. Инъекция орындарын спиртті сүрткілермен өңдеңіз

22. Катетердің инесінен қорғаныш қалпақшасын шешіп алыңыз. Вена ішіне енгізуге жалғанған жүйеден және шприцтен ауаны шығарып тастаңыз және ерітінідіні вена ішіне болюсті (2-5 минут бойы) енгізіңіз.

23. Барлық пайдаланылған материалдардың қауіпсіз жойылуын қамтамасыз етіңіз.

Егер науқасқа бір құтының ішіндегісінен асатын мөлшердегі дозаны енгізу қажет болса, қоса берілген еріткішті (инъекцияға арналған суды) пайдалана отырып, ерітіндіні дәл алдыңғыдағыдай жолмен басқа құтыда дайындаңыз, ал одан кейін ерітінділерді үлкен көлемді (қоса берілмеген) шприцте біріктіріңіз және препаратты әдеттегі ретпен енгізіңіз.

Коагил-VII препаратын сұйылтқаннан кейін С-ден С-ге дейінгі температурада – 24 сағаттан асырмай, 25 С аспайтын температурада – 12 сағаттан асырмай сақтауға рұқсат етіледі.

Жағымсыз әсерлері

Сирек

- қалтырау

-қызба, әлсіздік, қатты терлеу

- ауыру (оның ішінде инъекция орнының), бас ауыруы

- жүрек айнуы, құсу

- аллергиялық реакциялар (тері бөртпесі, қышыну, терінің қызаруы)

- тромбоциттер санының азаюы және фибриноген деңгейінің төмендеуі, протромбин, аланинаминотрансфераза, сілтілік фосфатаза, лактатдегидрогеназа, Д-димер деңгейінің жоғарылауы

- цереброваскулярлық қан айналымының (ми инфарктісі және ми ишемиясы) артериялық бұзылулары, стенокардия, миокард инфарктісі, ішек инфарктісі) немесе веналық (тромбофлебит, тереңдегі веналар тромбозы және олардың асқынулары, өкпе артериясының тромбоэмболиясы) тромбоздар, әсіресе оған бейім немесе қатар жүретін қатер факторлары бар пациенттерде

Жекелеген жағдайларда

- бұрын адам плазмасын және/немесе VII плазмалық фактор құйылған VII фактор тапшылығы бар науқастарда Эптаког альфа [белсендірілген] қолданудан кейінгі VII факторға антидене пайда болуы

Қолдануға болмайтын жағдайлар

- препараттың белсенді компоненттеріне және қосымша заттарына, сондай-ақ тышқандар мен аламандардың, сиырлардың ақуыздарына жоғары сезімталдық

Дәрілермен өзара әрекеттесуі

Коагил-VII мен протромбинді кешен концентраттарын (белсендірілген немесе белсендірілмеген) бір уақытта енгізуге болмайды. Антифибринолитиктер гемофилиямен ауыратындарда интраоперациялық қан жоғалтуды азайтады, әсіресе ортопедиялық операцияларда және фибринолитикалық белсенділігі жоғары тіндердегі операцияларда, мысалы ауыз қуысындағы қан жоғалтуды азайтады. Алайда Коагил-VII препараты мен антифибринолитиктерді біріктіріп қолдану мүмкіндігі зерттелмеген. Коагил-VII басқа препараттармен бір шприцте енгізуге болмайды.

Айрықша нұсқаулар

Сақтықпен қолданылады

Мылжаланған жараларда, таралған атеросклерозда, тромбоздық асқынуларда, сепсисте, тіндік фактордың босап шығуының жоғарылауына және тромбоздық асқынулардың потенциалды даму қатері немесе диссеминирленген қан тамырішілік ұю синдромына байланысты (ДТҰ) жуырда хирургиялық операциялар жасалғанда.

ДТҰ-синдромы даму қатері жоғары пациенттердің коагулограмма көрсеткіштері мен клиникалық жай-күйін қатаң тексеру керек.

Коагил-VII препаратын үй жағдайында енгізгенде оны қолдануға нұсқаулық алған пациенттер немесе күтім жасаушылар емдеуші дәрігерге немесе клиникаға қолданудың әрбір жағдайы туралы мәлімдеп отыруы тиіс. Егер қанды тоқтату мүмкін болмаса, міндетті түрде ауруханаға жатқызу керек. Амбулаториялық емнің ұзақтығы 24 сағаттан аспауы тиіс. VII қан ұюының факторы тапшылығы бар науқастарда протромбинді уақыт пен VII қан ұю факторы белсенділігін Коагил-VII препаратын енгізгенше және енгізген соң да бақылау керек. Препаратты ұсынылған дозада қолданғанына қарамастан, егер VII қан ұю факторы белсенділігі күтілген деңгейге жетпесе немесе қан кету жалғаса берсе, онда антидене түзілгені туралы болжам жасауға болады. Бұл жағдайда VII қан ұю факторына антидене барына талдама жасау қажет. Қатар жүретін аурулардан вена тромбозы даму қатері бар пациенттер, анамнезінде тромбозы, операциядан кейінгі кезеңде иммобилизациядағы немесе вена катетеризациямен пациенттер мұқият бақылауды қажет етеді. Пайдаланар алдында ерітіндіні мөлдірлігіне және қоспалары барына тексеру керек. Қоспалар болған жағдайда ерітіндіні пайдалануға болмайды.

Педиатрияда қолданылуы

Коагил-VII балалар тәжірибесінде ересек пациенттерге арналған көрсетілімдер және сол сияқты дозаларда қолданылады. Коагил-VII препаратының қажет дозасын есептеу үшін баланың жасы емес, дене салмағының килограммы ескеріледі.

Жүктілік және лактация кезеңі

Жүктілік кезіндегі Коагил-VII қауіпсіздігін таразылау бойынша арнайы зерттеу жұмыстары жүргізілмеген. VIII және IX және қан ұю факторының тұқым қуалайтын тапшылығы бар пациенттер еркектер болып келеді. Сондай-ақ Коагил-VII емшек сүтімен экскрециялануы туралы деректер де жоқ. Осыған байланысты жүкті пациенттерде ана үшін пайдасы шаранаға төнетін зор қатерден артық болатын жағдайларда ғана Коагил-VII қолдану туралы шешім қабылдануы тиіс. Бала емізетін анаға Коагил-VII тағайындау қажет болған жағдайда баланы емізуді тоқтата тұру мәселесін шешу керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Зерттелмеген.

Артық дозалануы

Симптомдары: ұсынылған дозаны жоғарылатқанда артериялық және/немесе веналық тромбоз даму қатері 10-20 есе жоғарылайды.

Емдеу: клиникалық жай-күйі мен коагулограмма көрсеткіштеріне мұқият динамикалық бақылау қажет.

Шығарылу түрі және қаптамасы

1,2 мг, 2,4 мг немесе 4,8 мг белсенді заттан резеңке тығынмен тығындалған, бірінші ашылуына бақылауы бар алюминий-пластик қақпақшамен қаусырылған 1 гидролитикалық класты шыны құтыда.

Эластомерлік элементпен біріктірілген қалпақшамен тығындалған 5 немесе 10 мл еріткіштен (инъекцияға арналған су) 1 гидролитикалық класты шыныдан жасалған құтыда.

Препараты және еріткіші бар 1 құтыдан поливинилхлоридті немесе полиэтилентетра-фталатты үлбірден жасалған пішінді ұяшықты қаптамаға салынған.

1 пішінді ұяшықты қаптама медициналық шығын материалдармен жиынтықта: инесіз үшкомпонентті шприцпен, сұйылтуға арналған 2 инемен, шеткері венаға арналған катетермен, инъекциялық сүзгімен, спиртті 2 сүрткімен және медициналық қолдану жөнінде мемлекеттік және орыс тілдеріндегі нұсқаулықпен картон қорапшаға салынады.

Медициналық шығын материалдардың әрбір компоненті поливинилхлоридті үлбірден және ламинацияланған қағаздан жасалған стерильді бір реттік қаптамаға салынған. Спиртті сүрткі алюминий фольгадан және полиэтилен үлбірден тұратын көп қабатты материалмен қапталған. Әрбір препараты және еріткіші бар құтыға өзі желімденетін заттаңба жапсырылады.

Қақпақтың түйіскен жерлеріне және алдыңғы және артқы қырларымен қорапша түбіне бірінші ашылуына бақылауы бар таңбаланбаған өздігінен желімденетін заттаңба жапсырылады.

Сақтау шарттары

2 о С-ден 8 о С-ге дейінгі температурада сақтау керек. Мұздатып қатыруға болмайды.

Балалардың қолы жетпейтін жерде сақтау керек!

Сақтау мерзімі

Препарат – 2 жыл, еріткіш – 2 жыл 6 ай.

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«ГЕНЕРИУМ» АҚ

Ресей Федерациясы, 601125, Владимир обл., Петушинский ауданы, Вольгинский кенті, корпус 17. Тел/факс: +7 (49-243) 72-5-20, 72-5-14.

Тіркеу куәлігі иесінің атауы мен елі

«ГЕНЕРИУМ» АҚ, Ресей Федерациясы

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін бақылауға жауапты ұйымның атауы және мекенжайы:

«Қарағанды фармацевтикалық кешені» ЖШС

Қазақстан Республикасы, 100009 Қарағанды қ., Ботаника к-сі, 12 үй,

тел./факс +7 (7212) 437002, тел. + 7 (7212) 507322, e-mail:  kphk@kphk.kz

Прикрепленные файлы

573793841477975708_ru.doc 85 кб
200883691477977420_kz.doc 106 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники