Нурофен® для детей (100 мл, суспензия для приема внутрь апельсиновая)

МНН: Ибупрофен
Производитель: Рекитт Бенкизер Хелскэр (Великобритания) Лимитед
Анатомо-терапевтическо-химическая классификация: Ibuprofen
Номер регистрации в РК: № РК-ЛС-5№011246
Информация о регистрации в РК: 17.08.2017 - бессрочно
Предельная цена закупа в РК: 756.54 KZT
Предельная цена реализации в РК: 926.76 KZT

Инструкция

Саудалық атауы

Балаларға арналған Нурофен®

Халықаралық патенттелмеген атауы

Ибупрофен

Дәрілік түрі

Ішуге арналған 100 мг/5 мл апельсин дәмді суспензия

Құрамы

5 мл суспензия құрамында

белсенді зат – 100 мг ибупрофен,

қосымша заттар: полисорбат 80, глицерол, мальтитол шәрбаты, натрий сахаринаты, лимон қышқылы, натрий цитраты, ксантан шайыры, натрий хлориді, домифен бромиді, апельсин хош иістендіргіші 2М16014, тазартылған су.

Сипаттамасы

Апельсин дәмі және иісі бар консистенциясы шәрбат тәрізді ақ немесе ақ дерлік түсті суспензия.

Фармакотерапиялық тобы

Қабынуға қарсы стероидты емес препараттар. Пропион қышқылы туындылары.

АТЖ коды: M01AE01

Фармакологиялық қасиеттері

Фармакокинетикасы

Сіңуі – жоғары, плазма ақуыздарымен байланысуы – 90%. Буын қуысына баяу енеді, синовиальды тінде кідіріп, плазмаға қарағанда, онда жоғарырақ концентрация түзеді. Плазмаға қарағанда жұлын сұйықтығында ибупрофеннің төменірек концентрациясы анықталды. Сіңгеннен кейін фармакологиялық тұрғыдан белсенді емес R-түрінің 60%-ға жуығы белсенді S-түрге асқазан-ішек жолында және бауырда баяу өзгереді. Бауырда метаболизмге ұшырайды. Плазмада ең жоғары концентрациясына жету уақыты Tmax – 1-2 сағат. Жартылай шығарылу кезеңі – 2 сағат.

Бүйректер арқылы (енгізілген дозадан 70-90% ибупрофен және оның метаболиттері түрінде; 1%-дан азы өзгермеген күйінде) және аз мөлшерде өтпен бірге шығарылады (2-%-дан азы).

Фармакодинамикасы

Балаларға арналған Нурофен®– қабынуға қарсы стероидты емес препарат (ҚҚСП). Ауырғанды басатын, ыстықты түсіретін және қабынуға қарсы әсері бар. Белсенді зат – ибупрофеннің әсер ету механизмі (ЦОГ) циклооксигеназа ферменттерінің кері тежелу үдерісіне байланысты, бұл простагландиндер синтезінің төмендеуіне алып келеді.

Балаларға арналған Нурофен® 8 сағатқа дейін әсер етеді.

Қолданылуы

3 айлықтан 12 жасқа дейінгі балаларға ауырғанды басатын және ыстықты түсіретін дәрі ретінде

- жедел респираторлық ауруларда

  • тұмауда

  • балалар жұқпасында

  • егуден кейінгі реакцияларда

  • дене температурасы жоғарылауымен бірге жүретін жұқпалы-қабыну ауруларында

  • бас және тіс ауруларында

  • бас сақинасында

  • невралгияларда

  • құлақ, тамақ ауруларында

  • созылғандағы ауыруда және басқа да ауыру түрлерінде.

Қолдану тәсілі және дозалары

Препаратты ішке қабылдайды. Балаларға арналған Нурофенді® тамақпен бірге қабылдаған жағдайда препараттың ұсынылған дозаларынан және қабылдау әдістерінен ауытқуға болмайды. Пайдаланар алдында құтыны мұқият шайқайды.

Препарат дозасын дәл өлшеп алу үшін ыңғайлы өлшегіш еккіш қоса салынады. 5 мл препарат құрамында 100 мг ибупрофен бар.

Өлшегіш еккішті пайдалану:

  • Еккішті құты аузына тығыз кигізіңіз.

  • Суспензияны жақсылап шайқаңыз.

  • Құтыны төңкеріңіз де, суспензияны еккіштің қажетті белгісіне дейін толтырғанша поршеньді төмен қарай баяу тартыңыз.

  • Құтыны бастапқы қалпына қойыңыз, ұқыпты түрде бұрай отырып, еккішті шығарып алыңыз.

  • Еккішті баланың ауыз қуысына кіргізіп, суспензияны ақырын шығара отырып, поршеньді баяу басыңыз.

    Пайдаланып болған соң еккішті жылы суда жуыңыз да, баланың қолы жетпейтін орында кептіріңіз.

    Қызба және ауыру

    Балаларға арнап дозалау баланың дене салмағы мен жасына байланысты. Бір реттік доза тәулігіне 3-4 рет баланың дене салмағының әр кг-на 5-10 мг-ды құрайды. Тәуліктік ең жоғары доза тәулігіне баланың дене салмағының әр кг-на 30 мг-нан аспауы тиіс. Дозалар аралығы 6-8 сағатты құрауы тиіс.

    Балаларға жасына қарай:

    3-6 айлық (бала салмағы 5 кг артық болғанда): 2,5 мл-ден 3 рет 24 сағат ішінде, тәулігіне 150 мг-нан артық болмайды.

    6-12 айлық (баланың орташа салмағы 6-10 кг): 2,5 мл-ден 3-4 рет 24 сағат ішінде, тәулігіне 200 мг-нан артық болмайды.

    1-3 жас (баланың орташа салмағы 10-15 кг): 5,0 мл-ден 3 рет 24 сағат ішінде, тәулігіне 300 мг-нан артық болмайды.

    4-6 жас (баланың орташа салмағы 15-20 кг): 7, 5 мл-ден 3 рет 24 сағат ішінде, тәулігіне 450 мг-нан артық болмайды.

    7-9 жас (баланың орташа салмағы 21-29 кг): 10 мл-ден 3 рет 24 сағат ішінде, тәулігіне 600 мг-нан артық болмайды.

    10-12 жас (баланың орташа салмағы 30-40 кг): 15 мл-ден 3 рет 24 сағат ішінде, тәулігіне 900 мг-нан артық болмайды.

    Көрсетілген дозадан асыруға болмайды!

    Иммунизациядан кейінгі қызба

    2,5 мл (бір еккіш) 1 жасқа дейінгі балаларға.1 жастан асқан балаларға, қажет болған жағдайда, 6 сағаттан кейін тағы 2,5 мл (бір еккіш).

    24 сағат ішінде 5 мл –ден артық қолдануға болмайды!

    Емнің ұзақтығы:

    • ыстықты түсіретін дәрі ретінде 3 күннен артық болмайды.

    • Ауыруды басатын дәрі ретінде 5 күннен артық болмайды.

    Егер қызба (температура) сақталса, дәрігермен кеңесіңіз.

  • Жағымсыз әсерлері

    Жиі емес:

    • аллергиялық реакциялар: есекжем, тері қышымасы, әртүрлі тері бөртпесі

    • іштің ауыруы, жүрек айнуы, диспепсия

    Сирек:

    • құсу, метеоризм, диарея, іштің қатуы

    Өте сирек:

    • Жоғары сезімталдықтың ауыр реакциялары: беттің, тілдің және көмейдің ісуі, ентігу, тахикардия, артериялық гипотензия (анафилаксия, Квинке ісігі немесе ауыр шок)

    • Бронхиальді демікпе, бронхиальді демікпенің асқынуы және бронхтүйілуі

    • Пептикалық ойық жара, ойық жараның тесілуі немесе асқазан ішек қан кетулері, мелена, қан құсу (кейде өлімге соқтыратын, әсіресе егде емделушілерде) ойық жаралы стоматит, гастрит, ойық жаралы колиттің асқынуы және Крон ауруы

    • Бас ауыруы

    • Қан сарысуында мочевина жоғарылауымен, ісіктермен астасатын жедел бүйрек жеткіліксіздігі, папиллонекроз (әсіресе ұзақ қабылдағанда)

    • Қан түзілуінің бұзылулары (анемия, лейкопения, тромбоцитопения, панцитопения, агранулоцитоз). Бірінші белгілері: қызба, тамақтың ауыруы, ауыз қуысындағы беткейлік ойық жаралар, тұмауға ұқсас симптомдар, айқын әлсіздік, түсініксіз қан кетулер және қанталаудың пайда болуы

    • Бауыр қызметінің бұзылуы

    • Көп түрлі эритеманы қоса алғандағы буллезді реакциялар, уытты эпидермальді некролиз, Стивенс–Джонсон синдромы сияқты тері реакцияларының ауыр түрлері дамуы мүмкін

    Жекелеген жағдайлар:

    • Бұрын аутоиммунды бұзылыстары (жүйелі қызыл жегі, дәнекер тіндердің аралас аурулары) бар емделушілерде ибупрофенмен ем кезінде желке бұлшық еттерінің сіресуі, бас ауыруы, жүрегі айну, құсу, қызба немесе бағдардан жаңылу сияқты асептикалық менингиттің симптомдары байқалған

    • Асептикалық менингит

    ҚҚСП емдеуге байланысты ісіктер, артериялық гипертензия және жүрек жеткіліксіздігі дамуы туралы хабарланды.

    Эпидемиологиялық деректер және клиникалық зерттеулер деректері ибупрофенді қолдану (әсіресе жоғары дозаларда: 2400 мг/тәулігіне) және оны ұзақ уақыт қолдану артериялық тромбоз (мысалы, миокард инфарктісі немесе инсульт) эпизодтары қатерінің аздап жоғарылауымен астасуы мүмкін деген болжам жасауға мүмкіндік береді.

    Жағымсыз әсерлер пайда болған жағдайда препарат қолдануды тоқтату керек болады.

    Қолдануға болмайтын жағдайлар

    • ибупрофенге, ацетилсалицил қышқылына немесе басқа да қабынуға қарсы стероидты емес препараттарға (ҚҚСП), сондай-ақ препараттың басқа да құрамдас бөліктеріне жоғары сезімталдықта

    • арнайы циклооксигеназ -2 тежегіштерін қоса алғандағы басқа ҚҚСП бір мезгілде қолдануға

    • ацетилсалицил қышқылын (салицилаттармен) немесе басқа да ҚҚСП (қабынуға қарсы стероидты емес препараттар) қабылдаудан өршіген бронхиальді демікпе, есекжем, ринитте

    • асқазан-ішек жолдарының ойық жаралы зақымдануларында (асқазан немесе он екі елі ішек, ойық жаралы колит ауруларында)

    • асқазан-ішек қан кетулерінде

    • сыртартқысында ҚҚСП емдеуге байланысты асқазан-ішек қан кетулері немесе тесілулер болғанда

    • геморрагиялық васкулитте

    • қан ауруларында: гипокоагуляция, лейкопения, гемофилия,

    • бүйректік және/немесе бауыр жеткіліксіздігінде

    • есту қабілетінің төмендеуі

    • жүректің ауыр жеткіліксіздігінде

    • глюкозо-6-фосфатдегидрогеназ тапшылығында

    • 3 айға дейінгі балалық жаста

    Дәрілермен өзара әрекеттесуі

    Балаларға арналған Нурофенді® антикоагулянттармен бір мезгілде қолдану олардың әсерінің күшеюіне алып келеді. Балаларға арналған Нурофенді® келесі препараттармен: дигоксин, фенитоин, метотрексат, литиймен бір уақытта қолданғанда олардың қан плазмасындағы концентрациясын жоғарылатады. Балаларға арналған Нурофенді®диуретиктермен, антигипертензивті дәрілермен бірге пайдаланғанда олардың тиімділігін төмендетеді. Минералокортикостероидтар мен глюкокортикостероидтар (ГКС) жағымсыз әсерін күшейтеді.

    Айрықша нұсқаулар

    Балаларға арналған Нурофенді® балаға бермес бұрын оның болжамды пайдасы мен мүмкін болатын қатерін бағалау керек, егер бала:

    • 3 айдан 6 айға дейінгі жаста болса

    • ауырғанды басатын басқа да дәрілер қабылдап жүрсе

    • сыртартқысында ойық жара ауруы, гастрит, ойық жаралы колит, асқазан-ішек жолдарынан қан кетулер бар болса

    • бауыр немесе бүйрек ауруларымен ауырса

    • тікелей емес антикоагулянттар (қан ұюын төмендететін ішке қабылдауға арналған препараттар), артериялық қысымды төмендетуге арналған препараттар, диуретиктер (несеп бөлінуін күшейтуге арналған препараттар), литий препараттары, метотрексат, глюкокортикостероидтар (ГКС).

    • бронхиальді демікпе, есекжеммен ауырса.

    Артық дозаланғанда

    Белгілері: іштің ауыруы, жүректің айнуы, құсу, бас ауыру, құлақ ішінің шуылдауы, метаболикалық ацидоз, кома, бүйрек қызметінің жедел ағымды жеткіліксіздігі, артериялық қысымның төмендеуі, брадикардия, тахикардия.

    Емдеу: асқазанды шаю (қабылдағаннан кейін бір сағаттың ішінде ғана), белсенділендірілген көмір, сілтілік сусындар, қарқынды диурез, симптоматикалық ем.

    Шығарылу түрі және қаптамасы

    Тығыздығы төмен полиэтиленнен жасалған ортасында өлшегіш еккішке арналған саңылауы бар тығынды және бірінші ашылуы бақыланатын полипропиленді қақпағы бар, күңгірт түсті полиэтилентерефталат құтыға 100 мл суспензия құйылған.

    1 құтыдан жиынтықтағы өлшегіш –еккіш медицинада қолданылуы жөнінде мемлекеттік және орыс тілдеріндегі нұсқаулықтармен бірге картон қорапқа салынған.

    Сақтау шарттары

    Құрғақ жерде, 25°С-ден аспайтын температурада сақтау керек.

    Балалардың қолы жетпейтін жерде сақтау керек!

    Сақтау мерзімі

    3 жыл

    Құтыны бірінші ашқаннан кейін – 6 ай.

    Қаптамасында көрсетілген жарамдылық мерзімі өткеннен кейін қолдануға болмайды.

    Дәріханадан босатылу шарттары

    Рецептісіз

    Өндіруші

    Рекитт Бенкизер Хелскэр (Ұлыбритания) Лимитед,

    Дэнсом Лейн, Халл, Ист Йоркшир, ХЮ8 7ДС, Ұлыбритания

    Тіркеу куәлігінің иесі

    Рекитт Бенкизер Хелскэр Интернешнл Лтд,

    Тейн Роуд, Ноттингем, NG90 2DB, Ұлыбритания

    Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

    Қазақстан Республикасы, 050010, Алматы, Достық к. 85 «А», 116 кеңсе.

    Тел +7( 727 ) 2 72 88 04; факс +7 (727) 2 662796

    Жедел желі телефоны: 8-800-505-1-500 (тегін қоңырау шалу)E-mail: contact_ru@reckittbenckiser.com

    Прикрепленные файлы

    283371021477977033_ru.doc 76 кб
    571581031477978212_kz.doc 74 кб

    Отправить прикрепленные файлы на почту

    Источники

    Национальный центр экспертизы лекарственных средств, изделий медицинского назначения и медицинской техники