Ледибон

• русский
• қазақша

• Скачать инструкцию медикамента

Саудалық атауы

Ледибон

Халықаралық патенттелмеген атауы

Тиболон

Дәрілік түрі

Таблеткалар

Құрамы

Бір таблетканың құрамында

белсенді зат - 2,5 мг тиболон

қосымша заттар: лактоза моногидраты (микрондалған), лактоза моногидраты (тікелей тығыздалған лактоза), жүгері крахмалы, аскорбилпальмитат, магний стеараты

Сипаттамасы

Ақ түстен ақ дерлік түске дейін болатын, дөңгелек пішінді, бір жақ бетінде "℮" таңбасы бар жалпақ таблеткалар.

Фармакотерапиялық тобы

Жыныс гормондары және жыныс жүйесінің модуляторлары. Эстрогендер. Басқа да эстрогендер. Тиболон.

АТХ коды G03CX01

Фармакологиялық қасиеттері

Фармакокинетикасы

Сіңуі

Тиболон ішіп қабылдағаннан кейін тез және елеулі дәрежеде сіңеді. Тез метаболизмнің арқасында қан плазмасындағы тиболон деңгейі өте төмен. Тиболон 4-изомерінің қан плазмасындағы деңгейі де өте төмен. Демек, кейбір фармакокинетикалық қасиеттерді анықтау мүмкін емес. Плазмадағы 3α-ОН және 3β-ОН метаболиттердің ең жоғары концентрациясы жоғары, бірақ олар жиналып қалмайды.

1-кесте. Ледибонның (2,5 мг)фармакокинетикалық параметрлері

БД = бір реттік; БРД = бірнеше реттік доза

Шығарылуы

Тиболон организмнен негізінен түйіндес (негізінен сульфатталған) метаболиттер түрінде шығарылады. Препараттың үлкен бөлігі нәжіспен бірге және аздаған бөлігі несеппен бірге шығарылады.

Ас қабылдау сіңімділік дәрежесіне елеулі ықпал етпейді.

Тиболонның және оның метаболиттерінің фармакокинетикалық параметрлері бүйрек функциясына байланысты емес.

Фармакодинамикасы

Ішіп қабылдағаннан кейін тиболон үш метаболитке дейін тез метаболизденеді, олар Ледибон препаратының фармакологиялық тиімділігіне өз әсерін тигізеді. Фармакологиялық тұрғыдан екі белсенді метаболит (3α-ОН -тиболон және 3β-ОН – тиболон) эстрогенге ұқсас әсер етеді, үшінші метаболит (тиболонның Δ4-изомері) гестагендік және андрогендік әсер береді.

Ледибон препараты әйелдерде менопаузадан кейінгі кезеңде, эстрогендер деңгейінің орнын толтыра отырып, орнын басу мақсатында қолданылады, осымен менопауза симптомдарын жеңілдетеді. Ледибон препараты менопаузадан немесе овариэктомиядан кейін сүйек салмағының жоғалуына жол бермейді.

Тиболонның клиникалық зерттеулерінің деректері:

• Эстроген тапшылығына байланысты симптомдардың жеңілдеуі

- Менопауза симптомдарының жеңілдеуі әдетте емнің бірінші аптасында жүреді.

• Эндометрияға әсері және қан кету сипаты

- Тиболон қабылдаған пациенттердегі гиперплазия және эндометрий обыры туралы хабарланған

- 12 ай бойына 2,5 мг дозада тиболон қолданған әйелдердің 88%-да туындаған аменорея туралы хабарланған. Лақылдап қан кету және қанды бөліністер емнің алғашқы 3 айында әйелдердің 32,6% және әйелдердің 11,6% препарат қолданудың 11-12 айынан кейін анықталды.

• Остеопорозды болдырмау

- Менопаузадағы эстроген тапшылығы жоғарылаған сүйек метаболизмімен және сүйек массасы кемуімен астасады. Қорғаныс ем жүру жалғасқан кезге дейін тиімді болып табылады. Орын басатын гормональді (ОБГЕ) ем тоқтағаннан кейін сүйек массасы ОБГЕ қолданбаған әйелдерде бақыланғанға ұқсас коэффициентпен азайған.

- Тиболон қолданылған LIFT зерттеулеріндегі жаңа омыртқа жарылулары бар әйелдердің саны (орта жасы 68 жас) 3 жыл ем ішінде

плацебомен салыстырғанда азайған (ITT: тиболонның плацебо қолдануға қарағанда табысты нәтиже ықтималдығы 0,57; 95% СА [0.42, 0.78])

- Тиболонмен 2 жыл емнен кейін (2,5 мг) бел бөлігіндегі сүйектің минералдық тығыздығының (СМТ) жоғарылауы 2,6 ± 3,8% құрады. Ем уақытында бел аумағындағы СМТ сақталған немесе артқан әйелдердің пайызы 76% құрады. Екінші зерттеу бұл нәтижені растады..

- Сондай-ақ тиболон (2.5 мг) жамбас СМТ әсер етеді. Бір зерттеуде ортан жілік мойнының СМТ жоғарылауы 2 жылдан кейін барлық жамбас аумағында 0,7 ± 3,9% және 1,7 ± 3,0%. құрады. Ем кезінде жамбас аумағында СМТ сақталған немесе артқан әйелдердің пайызы 72,5% құрады.

Екінші зерттеу ортан жілік мойнының СМТ жоғарылауы 2 жылдан кейін барлық жамбас аумағында 1,3 ± 5,1% және 2,9 ± 3,4% құрады. Ем кезінде жамбас аумағында СМТ сақталған немесе артқан әйелдердің пайызы 84,7 % құрады.

• Сүт безіне әсері

- Тиболон қабылдаған әйелдердегі клиникалық зерттеулерде плацебомен салыстырғанда маммографиялық тығыздығы артпаған.

Қолданылуы

• менопауза басталғаннан кейін 1 жылдан соң әйелдерде эстроген жеткіліксіздігінің симптомдарын емдеуде

• әйелдерде сынулар туындауының жоғары қаупі бар климакстен кейінгі кезеңде остеопороздың профилактикасында қолданылатын басқа да дәрілік заттар жақпағанда немесе қарсы көрсетілімдері болған жағдайда остеопороздың және сүйектердің сынуының профилактикасында.

Қолдану тәсілі және дозалары

Ледибонды күн сайын 1 таблеткадан қолданады. Егде жастағы пациенттер үшін дозаны түзетудің қажеттілігі жоқ. Ледибонмен емге прогестерон қабылдауды қосуға болмайды. Таблеткалар ішке қабылданады, оны күннің белгілі бір уақытында сумен немесе басқа сұйықтықпен ішіп қабылдаған дұрыс. Климакстен кейінгі симптомдарды емдеуді тиімді өте аз дозадан бастау және жалғастыру ұсынылады.

Ледибон препаратымен емдеудің басталуы

Табиғи менопауза жағдайында әйелдерге Ледибон препаратымен емдеуді соңғы табиғи қан кетуден кейін 12 айдан соң бастаған жөн. Хирургиялық менопауза жағдайында Ледибон препаратымен емдеуді кідіртпей бастауға болады.

Тиболонды қабылдауды бастар алдында орын басатын гормональді (ОБГЕ) ем препараттарын қабылдайтын немесе қабылдамайтын әйелдерде ұдайы емес/ кезектен тыс қынаптық қанды бөліністер пайда болған жағдайда қатерлі жаңа түзілімдер бар-жоғын анықтау керек.

Орын басатын гормональді еммен (ОБГЕ) үздіксіз біріктіру немесе ретімен ауыстыру

ОБГЕ препаратын ретімен алмастырғанда Ледибон препаратымен емдеуді басқа гормональді препаратпен бұдан бұрынғы емдеу курсын аяқтағаннан кейін келесі күні дереу бастаған жөн. Ледибон препаратын қабылдауды ОБГЕ препаратымен ұзақ уақыт біріктірген жағдайда емдеу кез келген уақытта басталуы мүмкін.

Тиболонды қабылдауды бастар алдында ОБГЕ препараттарын қабылдайтын немесе қабылдамайтын әйелдерде пайда болуына көрініп тұрған себептері жоқ, ұдайы емес/ кезектен тыс қынаптық қанды бөліністер пайда болған жағдайда қатерлі жаңа түзілімдер бар-жоғын анықтау керек.

Таблетка қабылдауды өткізіп алу

Өткізіп алған таблетканы, егер бұл уақыт 12 сағаттан аспаса, мүмкіндігінше тезірек қабылдаған жөн. Егер 12 сағаттан асып кетсе, бұл қабылдауды өткізіп, келесі дозаны әдеттегідей уақытында қабылдаған жөн. Таблетканы қабылдауды өткізіп алу қынаптан қан бөлінділерінің бөлінуін арттыруы мүмкін.

Жағымсыз әсерлері

Жиі

• іштің немесе сүт бездерінің ауыруы

• дене салмағының артуы

• жатыр мойны жағындысы нәтижелерінің ауытқуы

• қынаптан бөлінділер болуы

• эндометрияның қалыңдауы

• менопаузадан кейінгі қынаптан қан бөлінділері, гениталдық қышыну, гениталдық кандидоз, қынаптан қан кету, жатыр мойны дисплазиясы, вульвовагинит

• жамбас аумағы ауыруы

• шаш өсуінің артуы

Жиі емес

• кеуденің орташа ауыруы

• кандидоз

• қынаптық микоз

• емшек ұшының ауыруы

• акне

Жағымсыз әсерінің көпшілігі әлсіз білінетін сипатта болады. Клиникалық зерттеулер жүргізгенде тиболон қабылдауды плацебомен салыстырғанда жатыр мойны патологиясы (жатыр мойны обыры) жағдайларының саны жоғарыламаған.

Жиілігі белгісіз

• бас айналу, бас ауыру, бас сақинасы

• тері бөртпесі, қышыну, себореялы дерматит

• көрудің нашарлауы (көрудің көмескіленуін қоса)

• асқазан-ішек бұзылулары

• депрессия

• ісінулер

• буындардың, бұлшықеттердің ауыруы

• бауыр функциясының бұзылуы

Құрамында эстрогені және гестагені бар препараттарды қолданған кездегі басқа жағымсыз әсерлер:

• берілген біріктірілімді ұзақ уақыт (5 жылдан астам) қолданғанда сүт безі обырының диагностикалану жиілігі екі есе артқаны анықталды

• монотерапия (тек эстроген немесе тиболон) қабылдаған әйел пациенттерде сүт безі обырының даму қаупі біріктірілген ем (эстроген және гестаген) қабылдаған әйел пациенттердегіге қарағанда елеулі төмен

• сүт безі обырының қауіп деңгейі ОБГЕ қолдану ұзақтығына тәуелді

• тиболон қабылдаған әйел пациенттер арасында (4 жағдай, немесе 1000 әйелге 0,8 қосымша жағдайлар) плацебо қабылдаған әйелдер тобына қарсы эндометриоз обырының даму қаупі

• тиболон қабылдағанда аналық без обырының даму қаупі ОБГЕ арналған басқа да препараттар қолданғандағы қауіпке ұқсас

• ОБГЕ препараттарын қабылдау көктамырлық тромбоэмболия (КТЭ) дамуының салыстырмалы қаупінің артуына әкеледі

• біріктірілген ОБГЕ (эстроген/гестаген) қабылдайтын 60 жастан асқан әйел пациенттер арасында ишемиялық жүрек ауруының (ИЖА) даму қаупінің елеусіз ұлғайғаны анықталды. Тиболон қабылдағанда миокард инфарктісі даму қаупі туралы деректер жоқ.

• өт қалтасы функциясының бұзылуы (өт-тас ауруы, холецистит)

• терінің зақымдануы: хлоазма, полиморфты немесе түйінді эритема, қан тамырлық пурпура

• деменция (65 жастан асқанда емнің басталуы)

Қолдануға болмайтын жағдайлар

• белсенді затқа немесе қосымша заттардың кез келгеніне жоғары

сезімталдық

• жүктілік және лактация кезеңі

• сүт безінің айғақталған немесе жорамалданған обыры

• эстрогенге тәуелді, айғақталған немесе жорамалданған қатерлі ісік (мысалы, эндометрия обыры)

• этиологиясы түсініксіз қынаптық қан кету

• емделмеген эндометрия гиперплазиясы

• сыртартқыдағы идиопатиялық тромбоэмболия немесе қазіргі көктамырлық тромбоэмболия (терең көктамырлық тромбоз, өкпе артериясының эмболиясы)

• диагностикаланатын тромбофилиялық жай-күй (мысалы, протеин С, протеин S немесе антитромбин тапшылығы)

• жедел, немесе жуырда өткерген артериялық тромбоэмболиялық ауру (мысалы, стенокардия, миокард инфарктісі, инсульт, транзиторлық ишемиялық шабуыл)

• бауырдың қазіргі таңдағы жедел ағымды ауруында немесе сыртарқысында бауыр ауруы көрсетілгенде, егер бауырдың функционалдық сынамасы қалыпқа келмесе

• порфирия

Дәрілермен өзара әректтесуі

Ледибон қанның фибринолитикалық белсенділігін арттыра алатындықтан, ол антикоагулянттардың (мысалы, варфариннің) әсерін күшейтуі мүмкін. Ледибонды варфаринмен қатар қолданып жүрген пациент әйелдер антикоагулянттармен бір мезгілде қабылдау кезінде, әсіресе емдеуді бастаған немесе тоқтатқан сәтте, сақтық шараларын қолдануы тиіс.

In vivo зерттеулері тиболонның мидазолам P450 3 А4 цитохромы энзимдерімен өзара әрекеттесуі өте аз ғана болатындығын көрсетті. Басқа CYP3А4 субстраттармен дәрілік өзара әрекеттесуі болуы мүмкін. Клиникалық маңызы белгілі бір субстраттың фармакологиялық және фармакокинетикалық қасиеттеріне байланысты болады.

Айрықша нұсқаулар

Климакстен кейінгі симптомдарды ОБГЕ дәрілерімен емдеуді, симптомдар өмір сүру сапасын нашарлатқан жағдайда ғана тағайындаған жөн. Ледибон препаратымен емделіп жүрген әйелдерде оның қаупі мен пайдасына жылына бір рет мұқият бақылау жасалуы тиіс, егер пайдасы қаупінен басым болса ғана емдеуді жалғастыру керек.

Мезгілінен бұрын болған менопаузаны ОБГЕ емдеуге байланысты салыстырмалы қауіптің айғақты деректері шектеулі.

Бірақ, уақытынан бұрын болған менопаузалы жас әйелдердегі пайда/қауіп арақатынасы жасы үлкендеу әйелдермен салыстырғанда жағымдырақ болуы мүмкін.

Инсульт даму қаупін, сүт безі обырының даму қаупін және эндометрий обырын жатыры интактілі әрбір әйелде мұқият бағалау керек, қауіптің барлық жеке факторларын, жиілік туындауының және обырдың екі түрінің де ерекшеліктерін және жазылу тұрғысынан инсультті, аурушаңдық және өлім жағдайын ескеру керек.

Медициналық зерттеулер/бақылауды қадағалау.

ОБГЕ емін бастамас немесе қайта жаңғыртпас бұрын жеке немесе отбасылық медициналық сыртартқыны жинап алу қажет. Денені (кіші жамбас және кеуде ағзаларын қоса) тексеру сыртартқы, қарсы көрсетілім және қолдануы бойынша айрықша нұсқауларындағы ескертулерді есепке ала отырып, жүргізілуі тиіс.

Емделу кезінде жиілігі мен сипаты пациент әйелдің жеке ерекшеліктеріне қарай анықталатын ұдайы профилактикалық тексерулер ұсынылады. Пациент әйелдер сүт бездеріндегі өзгерістер туралы дәрігерге немесе медбикеге хабарлауы қажеттігі туралы білуі тиіс («Кеуде обыры» ақпаратын төменнен қараңыз). Маммография сияқты тиісті көзбен қарап тексеру әдісі бар тексерулерді пациент әйелдің жеке клиникалық симптоматикаларына қарай, зерттеудің қабылданған сызбасына сәйкес жүргізу керек.

Бақылауды қажет ететін жағдайлар

Әйелдер төменде келтірілген факторлардың кез келгені пайда болған жағдайда, немесе олар жүктілік кезінде болған жағдайда, немесе бұдан бұрын гормондармен ем қабылдаған болса, мұқият тексерілуі тиіс. Бұл факторлар Ледибон препаратымен ем жүргізу кезінде пайда болуы немесе нашарлауы мүмкін:

• жатырлық лейомиома немесе эндометриоз

• тромбоэмболиялық аурудың қауіпті факторларының болуы немесе оның сыртартқыда болуы

• эстрогенге тәуелді ісіктердің қауіпті факторлары (мысалы, ең жақын туысқандарында сүт безінің қатерлі обыры болуы)

• гипертония

• бауыр аурулары (мысалы, бауыр аденомасы)

• қантамырларын қамтыған немесе онсыз қант диабеті

• өт-тас аурулары

• бас сақинасы немесе бастың қатты ауыруы

• жүйелік қызыл жегі

• сыртартқыда көрсетілген эндометрий гиперплазиясы

• эпилепсия

• демікпе

• отосклероз

Емдеуді келесі жағдайларда дереу тоқтатқан жөн:

• сарғаю дамығанда немесе бауыр функциясы нашарлағанда

• артериялық қысым едәуір жоғарылағанда

• бас сақинасына ұқсас бас ауырудың туындауында.

• жүктілік

Эндометрий обыры

Рандомизацияланған бақыланатын клиникалық зерттеулердің деректері қарама-қайшы, алайда бақылау зерттеулерінің деректері тиболон тағайындалған әйелдерде эндометрий обырының даму қаупі артқанын көрсетті. Бұл зерттеулерге сәйкес препарат қолдану уақыты ұзауымен эндометрий обырының даму қаупі артады. Тиболон трансвагинальді ультрадыбыстық зерттеулер көмегімен өлшенетін эндометрий қалыңдығын ұлғайтады.

Емнің бірінші айларында лақылдаған қынаптық қан кетулер немесе қанды бөліністер туындауы мүмкін. Әйелдерді тиболон қабылдауды бастағаннан бастап 6 айдан астам жалғасатын немесе препаратты қолдануды бастағаннан кейін 6 айдан соң басталатын және тиболон қолдануды тоқтатқаннан кейін жалғасатын лақылдаған қан кетулер/жағынды бөліністерді мәлімдеуі қажеттігі туралы хабардар ету керек.

Әйелдерге себебін анықтау үшін, эндометрий биопсиясын тексеру және зерттеу үшін, эндометрий обыры бар-жоғын анықтау үшін гинекологқа қаралу керек.

Сүт безінің обыры

Тиболон қабылдағанда сүт безі обырының дамуына қатысты деректер жеткіліксіз. WHI [Women's Health Initiative] зерттеулерінің деректері бойынша тиболонды 2,5 мг дозада қолданғанда сүт безі обырының даму қаупінің елеулі артқаны анықталды. Бұл қауіп препаратты бірнеше жыл қолданғаннан кейін анық болды және қолдану ұзарған сайын артумен болды, бастапқы деңгейіне препаратты қолдануды тоқтатқаннан кейін бірнеше жылдан кейін ғана оралды (көбіне 5 жылдан соң). Бұл нәтижелер

Дәрігерлердің жалпы практикасының деректер базасын (GPRD) пайдаланған [General Practice Research Database] зерттеулер барысында расталмады.

Аналық беіз обыры

Тиболон қабылдағанда аналық безі обырының салыстырмалы даму қаупі ОБГЕ басқа түрлерін қолданғандағы аналық безі обырының даму қаупіне ұқсас. Аналық безі обыры сүт безі обырымен салыстырғанда елеулі түрде сирек таралған. Эстрогенмен ұзақ уақыт (5-10 жылдан кем емес) орын басу монотерапиясы аналық безі обырының даму қаупінің елеусіз жоғарылауымен байланысты болды. Кейбір зерттеулер, (WHI) зерттеулерін қоса, ОБГЕ арналған біріктірілген препараттармен ұзақ уақыттық ем осыған ұқсас немесе біршама төменірек қауіптің болу мүмкіндігін айғақтайды.

Көктамырлық тромбоэмболия (КТЭ)

Эпидемиологиялық зерттеулер деректері бойынша тиболон қабылдауға байланысты КТЭ даму қаупінің Ұлыбритания деректерінің базасы пайдаланылған әдеттегі ОБГЕ байланысты қауіппен салыстырғанда төмен болды, және осыған байланысты тиболон қабылдаған әйелдердің кейбір бөлігінде тиболон қабылдамаған әйелдермен салыстырғанда аздаған ұлғаю қаупін жоққа шығаруға болмайды.

ОБГЕ арналған препараттары терең көктамырлар тромбозының немесе өкпелік артерияның тромбоэмболиясының асқынулары сияқты көктамырлық тромбоэмболия (КТЭ) туындау қаупін 1.3-3 есе арттыруы мүмкін. Бұндай асқынулардың туындауы ОБГЕ арналған препараттарды қолданудың ықтималдығы бірінші жылында басым. Белгілі тромбофилиялық жай-күйі бар пациент әйелдерде КТЭ даму қаупі жоғары, және ОБГЕ препараттарын қабылдау бұл қауіпті арттыруы мүмкін.

Сондықтан бұл популяцияның пациент әйелдеріне препарат қолдану қарсы көрсетілімде.

Сыртартқысында қан ұюы бұзылуы бар әйелдерде КТЭ аурулар қаупі жоғары, ал ОБГЕ бұл қауіпті арттыруы мүмкін. Сондықтан препаратты бұл популяциядағы пациент әйелдерге қолдану қарсы көрсетілімде.

Отбасылық сыртартқы сипатының күрделілігі, эстроген қолдану, егде жас, ауқымды операциялық араласулар, ұзақ уақыттық иммобилизация, айқын семіру (дене салмағының индексі (ДСИ) > 30 кг/м2), жүктілік және босанғаннан кейінгі кезең, жүйелі қызыл жегі (ЖҚЖ) және обыр КТЭ үшін жалпы қабылданған қауіп факторы болып табылады. Көктамырдың варикоздық кеңеюінің КТЭ дамуындағы рөлі туралы бірыңғай пікір жоқ. Пациент әйелдерде жүргізілген хирургиялық араласымдардан соң операциядан кейінгі кезеңде КТЭ сақтандыру үшін профилактикалық шараларға ерекше назар аудару керек. Операциядан кейін ұзақ уақыттық иммобилизация қажет болғанда операция жүргізгенге дейін 4-6 аптаға препарат қабылдауды уақытша тоқтату ұсынылады. Әйелдің қозғалғыштық белсенділігі қалпына келгенге дейін емді жалғастыруға болмайды.

Сыртартқысында КТЭ жоқ, бірақ сыртартқысында жас кезінде диагностикаланған тромбозы болған туыстығы өте жақын туысы бар әйелдерге скрининг (скринингте тромбозға бейімділігі анықталады) ұсынылуы мүмкін. Егер тромбозға бейімділігі анықталса ОБГЕ қарсы көрсетілімде (мысалы, антитромбин тапшылығы, протеин S, протеин С немесе біріктірілімнің бұзылуы). Антикоагулянттармен емді қабылдап жүрген әйелдерге қатысты ОБГЕ қолданудың пайда/қауіп арақатынасын мұқият қарастыру талап етіледі. Егер ем басталғаннан кейін КТЭ дамыса, препарат қабылдауды тоқтату керек. Пациент әйелдер егер потенциалды тромбоэмболия симптомдары (мысалы, аяқтың ауырып ісінуі, кеуденің кенеттен ауыруы, ентігу) пайда болса, дереу дәрігерге қаралуы қажеттігі туралы хабардар етілуі тиіс

Жүректің ишемиялық ауруы (ЖИА)

GPRD база пайдаланылған эпидемиологиялық зерттеулерде тиболон қабылдаған постменопаузадағы әйелдерде миокард инфарктісінен қорғайтынына айғақ табылмаған. Рандомизацияланған бақыланатын зерттеулерде біріктірілген препараттармен (эстроген/гестаген) ОБГЕ немесе құрамында тек эстроген бар ОБГЕ препараттарын қабылдаған, ЖИА бар немесе онсыз әйелдерде миокард инфарктісінен қорғайтынына айғақ табылмаған.

Цереброваскулярлық аурулардағы криздер

Дені сау әйелдерде тиболон қолдану кезеңінде ишемиялық цереброваскулярлық криз туындау қаупі қолданудың 1-ші жылынан бастап артады және жасына қарай күшейеді.

Басқа да жай-күйлер

Ледибон ұрықтануға қарсы дәрі ретінде пайдалану үшін арналмаған.

Тиболон қабылдағанда ТЖЛП холестериннің (2 жыл қолданғаннан кейін 1,25 мг дозада 16,7% бастап 2,5 мг дозадағы 21,8% дейін) дозаға тәуелді төмендегені анықталды. Сондай-ақ триглицеридтер және липопротеиннің жалпы концентрациясы төмендейді.

Эстрогендер организмде сұйықтық іркілісін туындатуы мүмкін, сондықтан жүрек қызметі бұзылуы немесе бүйрек аурулары бар пациенттер мұқият тексеруден өтуі тиіс.

Бұрыннан гипертриглицеридемиясы бар әйелдер эстроген-орын басушы емі немесе ОБГЕ уақытында дәрігердің мұқият бақылдауында болуы тиіс, өйткені панкреатит дамуына ықпал ететін қан плазмасындағы триглицеридтер деңгейінің елеулі жоғарылауының сирек жағдайлары анқталды.

Ледибонмен ем тироксин байланыстырушы глобулин (ТБГ) және жалпы Т4 қалқанша без гормондарын байланыстыратын глобулин деңгейінің елеусіз төмендеуіне әкеледі. Жалпы Т3 деңгейі өзгеріссіз қалады. Ледибон жыныс гормондарын байланыстыратын глобулин (ЖГБГ), деңгейін төмендетеді, бұл арада кортикостероидтарды (КБГ) байланыстырушы глобулин және бос кортизол деңгейі өзгермейді.

Когнитивтік функциялардың бұзылуының нақты айғағы жоқ. Жасы 65-ке толғаннан кейін ОБГЕ немесе ОБГЕ арналған құрамында тек эстроген бар препараттар қабылдай бастаған әйелдерде ақыл-есі кемуінің болжамды даму қаупі жоғарылығы туралы деректер бар. Сондай-ақ бұл деректердің менопауза кезеңінен кейінгі жасырақ әйелдерге немесе ОБГЕ басқа өнімдеріне қатысы бар-жоғы анықталмаған. Препарат құрамында лактоза бар. Сирек кездесетін тұқым қуалайтын галактоза көтере алмаушылығы, туа біткен лактаза жеткіліксіздігі немесе глюкоза және галактоза мальабсорбция синдромы бар пациенттер бұл препаратты қабылдамауы тиіс.

Жүктілік және лактация

Ледибон препаратын жүктілік кезінде және бала емізу кезеңінде қолдану қарсы көрсетілімде. Егер жүктілік Ледибон препаратымен ем кезінде туындаса ем дереу тоқтатылуы тиіс. Ледибон препаратының жүктілік кезіндегі қауіпсіздігі туралы клиникалық деректер жоқ. Адам үшін потенциалды қаупі белгісіз.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Автомобиль басқару және басқа да механизмдерді пайдалану қабілетіне тиболонның қандай да бір әсері анықталмады.

Артық дозалануы

Тәуліктік емдік дозадан бірнеше есе астам бірнеше таблетканы ішке бір мезгілде қабылдағанда уыттылық симптомдары анықталмады.

Симптомдары: қатты артық дозаланған жағдайда, әйелдерде жүрек айнуы, құсу және қынаптық қан кету бақылануы мүмкін.

Емі: симптоматикалық. Спецификалық у қайтарғысы белгісіз.

Шығарылу түрі және қаптамасы

ПВХ/ПВДХ/Алюминий фольгадан жасалған пішінді ұяшықты қаптамада 28 таблеткадан.

Пішінді 1 немесе 3 қаптамадан қолданылуы жөнінде мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

Құрғақ, жарықтан қорғалған жерде, түпнұсқалық қаптамасында, 25С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Тіркеу куәлігінің иесі

Зентива к.с., Чех Республикасы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

050013 Алматы қ., Фурманов к-сі, 187 Б

телефон: 8-727-244-50-96

факс: 8-727-258-25-96

e-mail: quality.info@sanofi.com