Пермиксон®
Инструкция
-
русский
-
қазақша
Саудалық атауы
Пермиксон®
Халықаралық патенттелмеген атауы
Жоқ
Дәрілік түрі
160 мг капсулалар
Құрамы
Бір капсуланың құрамында:
белсенді зат:
160 мг Serenoa repens (LSESR) липид-стеролды сығындысы
қосымша заттар: макрогол 10 000
қабығы: индиготин Е132, темірдің сары тотығы Е172, титанның қостотығы Е171, желатин
Сипаттамасы
Ашық-жасыл түсті қатты желатинді капсулалар, өлшемі №1. Капсуланың ішінде – өзіне тән иісі бар жасылдау-ашық түсті паста тәрізді масса.
Фармакотерапиялық тобы
Простатаның қатерсіз гиперплазиясын емдеуге арналған басқа да препараттар. Жатаған пальманың препараты. АТХ коды G04СХ02
Фармакологиялық қасиеттері
Фармакокинетикасы
Жатаған пальма жемістері сығындысының әсері оның компоненттерінің жиынтық әсері болып табылады, компоненттердің кейбірі адам организмінде болады, сондықтан фармакокинетикалық зерттеулер жүргізу мүмкін емес.
Фармакодинамикасы
Липид-стеролды Serenoa repens сығындысының қуық асты безінің қатерсіз гипертрофиясы кезінде әсер ететін қабынуға қарсы, андрогенге қарсы және пролиферацияға қарсы қасиеттері бар.
In vitro жағдайларында жүргізілген зерттеулерде көрсетілген:
- Липид-стеролды Serenoa repens сығындысының андрогенге қарсы жергілікті әсер ету механизмі тестостеронның I және II типті 5-альфаредуктаза ферментін бәсеңдету есебінен өзінің белсенді метаболиті -дигидротестостеронға синтезін бәсекесіз тежеумен жүзеге асады.
Андрогенге қарсы әсері, сонымен бірге, тестостеронның пролактинге тәуелді түрде жасушаға өтуінің төмендеуі, андрогенді рецепторлардың эстрогенге тәуелді тежелісі және дигидротестостеронның оның рецепторларымен байланысу есебінен тежелуі арқылы күшейеді.
- Жергілікті қабынуға қарсы әсер ету механизмі Serenoa repens липид-стеролды сығындысының арахидон қышқылының (фосфолипаза А2), қабыну медиаторлары болып табылатын простагландиндер (циклооксигеназа) мен лейкотриендер (липооксигеназа) синтезін тежеуімен жүзеге асады.
- Препараттың пролиферацияға қарсы әсері адамның қуық асты безі жасушаларының безді эпителий пролиферациясына ықпал ететін өсу факторлары белсенділігін тежеумен жүзеге асады.
Нәтижесінде қуық асты безінің жасушаларында тестостерон және пролактин біріктірілімімен көтермеленген ақуыз синтезі тежеледі, осылардың соңғысы қуық асты безінің көлемін реттейді.
Қолданылуы
- қуық асты безінің І және ІІ сатыдағы қатерсіз гиперплазиясында (аденомасында)
Қолдану тәсілі және дозалары
Доза және емдеу ұзақтығы аурудың сатысына сай тағайындалады.
Тамақтану кезінде бір стақан сумен іше отырып, тәулігіне 2 рет 160 мг (1 капсула) немесе бір рет 320 мг (2 капсула) ішке қабылданады.
Ең жоғары тәуліктік доза 320 мг құрайды.
Емдеу ұзақтығы кемінде 3 айға созылады.
Қажет болса, емдеу курстарын қайталауға болады.
Жағымсыз әсерлері
Жиі (1-10 < 100)
- бас ауыру
- іштің ауыруы
Сирек (1-10 < 1000):
- жүрек айну
- гамма-глутаминтрасферазаның жоғарылауы, трансаминазалардың мардымсыз жоғарылауы
- тері бөртпесі
- гинекомастия. Емдеу аяқталғаннан кейін қайтымды.
Белгісіз (пайда болу жиілігі қолда бар деректер бойынша бағаланбайды):
- ісіну.
Егер Сіз осы нұсқаулықта көрсетілмеген қандай да бір жағымсыз әсерлердің пайда болғанын байқасаңыз, өзіңіздің емдеуші дәрігеріңізге немесе фармацевтке хабарлауыңызды өтінеміз.
Қолдануға болмайтын жағдайлар
- препарат компоненттеріне жоғары сезімталдық
Дәрілермен өзара әрекеттесуі
Үйлеспеушілік жағдайлары сипатталмаған. Препараттарды біріктіруді емдеуші дәрігермен келісу керек.
Айрықша нұсқаулар
Пермиксонды® тамақтану кезінде бір стақан сумен ішіп қабылдау ұсынылады.
Педиатрияда қолдану
Дәрілік препарат педиатрияда қолдануға арналмаған.
Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері
Әсер етпейді.
Артық дозалануы
Қазіргі уақытта Пермиксон® препаратының артық дозалану жағдайлары хабарланбаған.
Шығарылу түрі және қаптамасы
Мөлдір ПВХ үлбірінен және алюминий фольгадан жасалған пішінді ұяшықты қаптамаға 15 капсуладан салады.
Пішінді ұяшықты 2 қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынады.
Сақтау шарттары
25оС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл.
Қаптамасында көрсетілген жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндірушінің атауы және елі
Пьер Фабр Медикамент Продакшн, Франция
45 пл. Абель Ганс 92100 Булонь, Франция
Тіркеу куәлігінің иесі
Пьер Фабр Медикамент
45 пл. Абель Ганс 92100 Булонь, Франция
Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы
«EUROMEDEX» өкілдігі
050009, Алматы қ., Абай д-лы, 155, 37 кеңсе
Тел./Факс: +7 (727) 338 52 61
е-mail: office.kz@euromedex.com