Хондроитин-АКОС (капсулы)
Инструкция
-
русский
-
қазақша
Саудалық атауы
Хондроитин-АКОС
Халықаралық патенттелмеген атауы
Жоқ
Дәрілік түрі
Капсулалар, 250 мг
Құрамы
Бір капсуланың құрамында
белсенді зат: 250 мг хондроитин натрий сульфаты,
қосымша заттар: кальций стеараты, лактоза моногидраты,
желатинді капсуланың құрамы: желатин, патенттелген көк Е131, бриллиантты қара Е151, азорубин Е122, қан қызыл Е124, титанның қостотығы Е 171
Сипаттамасы
Қатты желатинді капсулалар № 1, қақпағы көк түсті, корпусы көгілдір түсті. Капсула ішіндегісі – ақ немесе сәл сарғыштау реңді ақ түсті ұнтақ.
Фармакотерапиялық тобы
Қабынуға қарсы стероидты емес басқа да препараттар. Хондроитин сульфаты
АТХ коды М01АХ25
Фармакологиялық қасиеттері
Фармакокинетикасы
Хондроитин сульфатының 70% астамы ас қорыту жолында сіңеді. Препараттың биожетімділігі 13% құрайды. Ішке бір рет қабылдаған кезде плазмада орташа емдік дозаның ең жоғары концентрациясы 3-4 сағаттан соң, синовиальді сұйықтықта – 4-5 сағаттан соң байқалады. Асқазан-ішек жолында сіңген препарат синовиальді сұйықтықта жинақталады. Бүйрекпен шығарылады.
Фармакодинамикасы
Хондроитин-АКОС гиалинді және талшықты шеміршек үдерісіне әсер етеді, буындардың шеміршек тінінің дегенеративтік өзгерулерін азайтады, глюкозаминогликандар биосинтезін көтермелейді. Сүйек тінінің резорбциясын баяулатады және кальций жоғалтуды төмендетеді, сүйек тінінің қалпына келу үдерістерін жеделдетеді. Хондроитин-АКОС препаратымен емдеген кезде ауырсыну азаяды және зақымданған буындардың қозғалғыштығы жақсарады. Емдік әсері емдеу курсы аяқталғаннан кейін ұзақ уақыт бойы сақталады.
Қолданылуы
- остеоартрозда
- омыртқа остеохондрозында
Қолдану тәсілі және дозалары
Тамақтану кезінде немесе тамақтанғаннан кейін кем дегенде 1/2 стақан су іше отырып, ішке қабылдау керек.
Ересектерге тәулігіне 1 г-ден –2 капсуладан күніне 2 рет тағайындайды. Бастапқы емдеу курсының ұсынылатын ұзақтығы 6 айды құрайды, препаратты тоқтатқаннан кейінгі әсер ету кезеңі – аурудың орналасуы мен сатысына байланысты 3-5 ай, қайталап емдеу курсының ұзақтығын дәрігер анықтайды.
Жағымсыз әсерлері
Сирек
- есекжем, эритема, терінің қышынуы
- жүрек айнуы, құсу
Қолдануға болмайтын жағдайлар
- препарат компоненттеріне жоғары сезімталдық
- 18 жасқа дейінгі балаларға
Дәрілермен өзара әрекеттесуі
Хондроитин-АКОС басқа да дәрілік заттармен бір мезгілде қолданылған кезде тікелей емес антикоагулянттардың, антиагреганттардың, фибринолитиктердің әсері күшеюі мүмкін.
Айрықша нұсқаулар
Қан кетуі бар, сондай-ақ қан кетуге бейімі бар емдеушілерге сақтықпен тағайындалғаны жөн.
Жүктілік және лактация кезеңі
Клиникалық деректердің жеткілікті шамада болмауын ескере отырып, жүктілік және лактация кезеңінде препаратты тағайындау ұсынылмайды.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Сипатталмаған
Артық дозалануы
Симптомдары: сирек жағдайларда жүрек айну, құсу, диарея; шамадан тыс жоғары дозада (тәулігіне 3 г-ден жоғары) ұзақ қабылданған кезде геморрагиялық бөртпелер болуы мүмкін.
Емі: симптоматикалық.
Шығарылу түрі және қаптамасы
10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамада.
5 пішінді ұяшықты қаптама медицинада қолданылуы жөніндегі мемлекеттік және орыс тілдеріндегі нұсқаулықпен бірге картон қорапшаға салынады.
Сақтау шарттары
Жарықтан қорғалған жерде, 25°С-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецепт арқылы
Өндіруші
«Синтез» ААҚ, Ресей Федерациясы
640008, Қорған қ., Конституция д-лы, 7
Тел./факс (3522) 48-16-89
E-mail: real@kurgansintez.ru
Интернет-сайт: www.kurgansintez.ru
Тіркеу куәлігінің иесі
«Синтез» ААҚ, Ресей Федерациясы
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы
«СТОФАРМ» ЖШС, 000100, Қазақстан Республикасы,
Қостанай облысы, Қостанай қ., Орал к-сі, 14
тел. 714 228 01 79