Гельминтокс (250 мг)

МНН: Пирантел
Производитель: ИННОТЕРА ШУЗИ
Анатомо-терапевтическо-химическая классификация: Pyrantel
Номер регистрации в РК: № РК-ЛС-5№002448
Информация о регистрации в РК: 20.06.2016 - бессрочно

Инструкция

Саудалық атауы

Гельминтокс

Халықаралық патенттелмеген атауы

Пирантел

Дәрілік түрі

Үлбірлі қабықпен қапталған таблеткалар, 250 мг

Құрамы

Бір таблетканың құрамында

белсенді зат - 250,00 мг пирантелге шаққанда 721 мг пирантел эмбонаты

қосымша заттар: жүгері крахмалы желатинделген, повидон, натрий кроскармеллозасы, магний стеараты,

қабығының құрамы: Cепифилм ТМ 002 (гипромеллоза, микрокристалды целлюлоза, макрогол 8 стеараты І тип), Сеписперс ТМ АР3065 сары (пропиленгликоль, титанның қостотығы (Е171), «күн батар түстес» сары бояғыш (Е110), алюминий лагы, гипромеллоза, тазартылған су).

Сипаттамасы

Ұзынша пішінді, бір жағында сызығы бар, сары-қызғылт сары түсті үлбірлі қабықпен қапталған таблеткалар.

Фармакотерапиялық тобы

Гельминтке қарсы препараттар. Нематодозды емдеуге арналған препараттар. Тетрагидропиримидин туындылары. Пирантел.

АТХ коды Р02СС01

Фармакологиялық қасиеттері

Фармакокинетикасы

Асқазан-ішек жолынан іс жүзінде сіңбейді. Дене салмағына 10-12 мг/кг бір реттік қабылдаудан кейін қан плазмасында пирантелдің концентрациясы 1-3 сағат бойы 0.05-0.13мкг/мл құрайды. Бауырда N-метил-1,3-пропанедиаминге дейін ішінара метаболизденеді. Ішек арқылы (50% жуық) өзгермеген күйде, бүйрекпен (7 %-дан азы) - өзгермеген күйде немесе метаболит түрінде шығарылады.

Фармакодинамикасы

Гельминтке қарсы препарат, оған сезімтал гельминттердің жүйке-бұлшықет блокадасын туындатады және зақымданған құрттардың көшуін қоздырусыз және көтермелеусіз олардың аластатуын қамтамасыз етеді. Ішек саңылауында жетілген және жетілмеген сезімтал гельминттердің екі жынысына да қарсы тиімді.

Острицалар (Enterobius vermicularis), аскаридалар (Ascaris lumbricoides), анкилостомалар (Ankylostoma duodenale және Necator americanus) тудыратын инвазиялар кезінде тиімді.

Қолданылуы

  • аскаридозда

  • энтеробиозда (острицалардың жұғуы)

  • анкилостомозда

Қолдану тәсілі және дозалары

Ішке. Таблеткалар тек ересектерге арналған.

Гельминтоксты алдын ала іш жүргізетін дәрілер қабылдамастан, тәуліктің кез келген уақытында қабылдауға болады, ашқарынға қабылдау міндетті емес.

Энтеробиоз және аскаридоз: Энтеробиоз және аскаридозды емдеген кезде препаратты ұсынылған дозада бір рет тағайындайды.

  • мг/кг дене салмағына бір реттік әдеттегі дозасы:

    -салмағы 75 кг аспайтын ересектерге: 250 мг-ден 3 таблетка бір рет;

    -салмағы 75 кг асатын ересектерге: 250 мг-ден 4 таблетка бір рет.

    Қайталап жұқтыру профилактикасы үшін препарат қабылдауды 3 аптадан кейін қайталау ұсынылады.

    Анкилостомоз: Эндемия аумағында, Necator americanus жұқтырған жағдайда немесе Ankylostoma duodenale ауыр жұқтырған жағдайда дозасы екі-үш күн бойы күніне 20 мг/кг (бір немесе екі қабылдауға) құрайды, яғни:

    -салмағы 75 кг аспайтын ересектерге: күніне 1.5 г (250 мг-ден 6 таблетка).

    -салмағы 75 кг асатын ересектерге: күніне 2 г (250 мг-ден 8 таблетка).

    Эндемия аймағынан тыс Ankylostoma duodenale жұқтырған жағдайда (анағұрлым жеңіл өтеді) бір қабылдауға 10 мг/кг дозада тағайындайды.

Жағымсыз әсерлері

Кейде

- жүрек айну, құсу, іштің ауыруы, диарея және тәбеттің болмауы (бұл симптомдар көбіне гельминттер қырылуымен түсіндіріледі)

- тері бөртпесі, дене температурасының қысқа мерзімді жоғарылауы

Сирек

- бас ауыруы, бас айналуы, ұйқының бұзылуы, әлсіздік, шаршауды сезіну

- “бауыр” трансаминазалары белсенділігінің елеусіз қысқа мерзімді жоғарылауы

Қолдануға болмайтын жағдайлар

- пирантелге және препараттың басқа компоненттеріне жоғары сезімталдық

- миастения (емдеу кезеңі)

- бауыр жеткіліксіздігі

- 18 жасқа дейінгі балаларға және жасөспірімдерге

- лактация кезеңі

Дәрілермен өзара әрекеттесуі

Левамизолды, пиперазинді бір мезгілде тағайындау ұсынылмайды. Плазмадағы теофиллиннің концентрациясын жоғарылатады.

Айрықша нұсқаулар

Бауыр аурулары болған жағдайда дәрігерге ескерту қажет.

Бауыр жеткіліксіздігі жағдайында дозаны азайтады. Қайталап жұқтыруды болдырмас үшін, тазалық ережелерін қатаң сақтау қажет: анус аймағын күнделікті жуу, қолды жуу, тырнақтарды алу және тазалау, шат аймағын қасуға жол бермеу, төсек жабдықтарын және іш киімді үнемі ауыстырып отыру. Барлық жанұя мүшелерін бір мезгілде емдеу ұсынылады. Жұқтыру көбіне ешқандай симптомдармен байқалмауы мүмкін.

Емдеу аяқталғаннан кейін нәжісте гельминттер жұмыртқыларының болуына бақыланатын зерттеу жүргізу қажет.

Бұл препараттың құрамында аллергиялық реакция туындатуға қабілетті қосымша зат: күн батар түстес сары бояғыш (Е110) бар.

Жүктілік және лактация кезеңі

Жүктілік кезінде аса қажет жағдайда ғана, шарана үшін пайдасы/қаупі арақатынасын дәрігер анықтайтын мұқият бағалаудан кейін қатаң көрсетілімдер бойынша қолдану және ұсынылған дозаларды қатаң ұстану керек. Егер емделу кезінде Сіз жүкті екеніңізді байқасаңыз, дәрігерге жүгініңіз, өйткені емді жалғастыру қажеттілігі жөнінде мәселені тек сол ғана шеше алады. Зерттелу жеткіліксіздігіне байланысты, қатаң қажеттілік жағдайды қоспағанда, препаратты бала емізу кезеңінде пайдалануға болмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозалануы

Тіпті айқын артық дозалануы уыттанудың күрделі белгілерін туындатпайды, ас қорытудың аздаған бұзылыстары және орталық жүйке жүйесі тарапынан өтпелі бұзылыстары болуы мүмкін (астения, бас айналу, бас ауыру) болуы мүмкін. Артық дозалану кейде бауыр трансаминазаларының ұлғаюына әкеледі.

Емі: симптоматикалық, ертерек асқазанды шаю, сондай-ақ респираторлық және жүрек-қантамыр функциясына мониторинг ұсынылады.

Шығарылу түрi және қаптамасы

3 таблеткадан поливинилхлоридті үлбірден және алюминий фольгадан жасалған пішінді ұяшықты қаптамада.

1 пішінді ұяшықты қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

25ºС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

Иннотера Шузи, Рю Рене Шантеро «Л’Исль Вер», 41150, Шузи-Сюр-Сис, Франция.

Тіркеу куәлігінің иесі

Иннотек Интернасиональ Зертханасы, Франция

Қазақстан Республикасы аумағында тұтынушылардан өнім сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

«ҚР-дағы Иннотек Интернасиональ С.А.С. Зертханалары» өкілдігі

050059, Қазақстан Республикасы, Алматы қ., Әл-Фараби д-лы, 17, «Нұрлы Тау» бизнес орталығы, 4 Б блок, 606 кеңсе, тел./факс: +7-727-311-09-71, +7-727-311-09-72, электронды поштасы: innotech@innotech.kz

Прикрепленные файлы

431703821477976202_ru.doc 57.5 кб
198256031477977446_kz.doc 61.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники